Date
मङ्ल, मंसिर १, २०८३
Tue, November 17, 2026
Home Blog Page 600

पर्सामा आइतबार हुने निर्वाचनकाे सम्पूर्ण तयारी पुरा

0

वीरगंज । देशभर जस्तै पर्सामा पनि मंसिर ४ गते अर्थात आइतबार हुने प्रतीनिधीसभा तथा प्रदेश सभाको निर्वाचनको सम्पूर्ण तयारी पुरा भएकाे छ । पर्साका मतदान स्थल तथा केन्द्रको व्यवस्थापन अन्तिम चरणमा पुगेकाे मुख्य निर्वाचन अधिकृतकाे कार्यालयले जनाएकाे छ ।

पर्सा क्षेत्र नं. ४ अन्तर्गतका सम्पूर्ण मतदान स्थल र मतदान केन्द्रकाे तयारी पुरा भएकाे निर्वाचन अधिकृतकाे कार्यालय क्षेत्र नं. ४ का सुचना अधिकारी सुरेन्द्र यादवले वताए । क्षेत्र अन्तर्गतका ४८ मतदान स्थल र ११२ मतदान केन्द्रकाे तयारी पुरा भएकाे उनले जानकारी दिए ।

मतदान केन्द्रसंगै श्री जिल्ला उच्चांगल मावि पाेखरियामा हुने मतगणना स्थलकाे तयारी पुरा पनि अन्तिम चरणमा रहेकाे सुचना अधिकारी यादवले जानकारी गराए ।

क्षेत्र नं. ४ अन्तर्गत नै पर्ने जिराभवानी गाउँपालिकाकाे वडा नं. १ मा रहेकाे अति संवेदनशिल ओरिया खोला सामुदायिक भवन मतदान स्थलकाे व्यवस्थापन पुरा भएकाे मतदान अधिकृत प्रदिप पटेलले जानकारी दिए । सामुदायिक भवन मतदान स्थलमा रहेकाे दुईटै मतदान केन्द्रकाे व्यवस्थापन पुरा भएकाे उनले जानकारी दिए ।  

पर्सामा १६७ स्थायी र २ वटा अस्थायी गरी १६९ मतदान स्थल र ४१२ स्थायी र २ अस्थायी गरी ४१४ मतदान केन्द्र रहेको छ । यस्तै पर्सामा ३ लाख ४५ हजार मतदाता रहेका छन् ।

सबै मतदान स्थल तथा केन्द्रमा शुक्रबारदेखि नै निर्वाचन अधिकृत तथा कर्मचारी तथा सुरक्षाकर्मी खटीईसकेका छन् ।

महिला, पुरुष तथा अपांगता भएका लगायत सबै मतदाताहरुलाई सहज बनाउने तथा मतदान स्थलमा अवाञ्छित गतिविधी हुन नदिन अपनाईने सुरक्षा व्यवस्थाबारे पनि ध्यान दिईएको र निरन्तर अनुगमन तथा निरीक्षण कार्य भईरहेको जिल्ला प्रशासन कार्यालयले जनाएको छ ।

पर्सामा मात्रै ११ हजार भन्दा बढी कर्मचारी , सुरक्षकर्मी , स्वय्सेवक , म्यादी प्रहरी मतदान केन्द्र तथा मतदान स्थलमा खटीईसकिएको प्रमुख जिल्ला अधिकारी उमेश ढकालले बताए । सबै मतदान केन्द्रमा मतपेटीका तथा मतपत्र पुगिसकिएको मुख्य निर्वाचन अधिकृत विनाेद पोखरेलले बताए ।

उनले मतदान केन्द्रमा कोही विरामी परिहाले वा विसन्चो भएको तथा घाईते भएको अवस्थामा समेत उपचार गर्ने अवस्था समेत मिलाईएको बताए ।

नेपाल भारत सिमा नाका ७२ घण्टाकाे लागि बन्द

0

वीरगंज । मंसिर ४ गते हुने प्रतिनिधिसभा र प्रदेशसभा निर्वाचनका लागि नेपाल भारत सीमा नाका बन्द गरिएको छ । निर्वाचनको समयमा सुरक्षा संवेदनशीलतालाई दृष्टिगत गरी सीमा नाका बन्द गर्ने दुई देश बीचको सहमति अनुसार बिहिबार मध्यरातिदेखि बन्द गरिएको हाे ।

निर्वाचनमा विभिन्न खालका आपराधिक क्रियाकलाप हुनसक्ने र यसले दुवैदेशको शान्ति सुव्यावस्थामा खलल पु¥याउने भएकोले दुवैतर्फ आवत जावत बन्द गरिने प्रचलन अनुसार गएको मध्यरातिदेखि मतदानको दिन बेलुकासम्म सीमानाकाबाट आवतजावतमा पूर्ण रुपमा रोक लगाईएको छ ।

वीरगंज राक्साैल नाकामा नेपालतर्फ गेट लगाईएको छ । दुवैतर्फ सीमानाका बन्द गरेर सुरक्षा सतर्कता बढाईएको जिल्ला प्रशासन कार्यालय पर्साका सूचना अधिकारी सहायक प्रमुख जिल्ला अधिकारी भीमकान्त पौडेलले जानकारी दिए ।

वीरगंजबाट नक्कली मतपत्र र नगदसहित दुई जना पक्राउ

0

वीरगंज । नक्कली मतपत्र र नगदसहित प्रहरीले वीरगञ्जको बसपार्क नजिकबाट दुई जनालाई बिहिबार राति पक्राउ गरेको छ । जिल्ला प्रहरी कार्यालय पर्सा र सशस्त्र प्रहरी वलको सयुक्त टोलीले वीरगंजको बसपार्क सडकखण्डमा कलैयाबाट आइरहेको कारलाई चेकजाँच गर्दा नक्कली मतपत्र, नगद २ लाख ७२ हजार सहित दुईजनालाई नियन्त्रणमा लिइएको सशस्त्र प्रहरी वल पर्साका प्रमुख प्रहरी उपरिक्षक तेज प्रसाद पोखरेलले जानकारी दिए ।

बाराको कलैयाबाट वीरगंज आएको बा. १०२५ च ६६३६ नम्बरको कारलाई शंका लागेर चेकजाँच गर्दा नगदसहित नमुना मतपत्र फेला परेको हो प्रहरी उपरिक्षक पोखरेलले बताए । पक्राउ पर्नेमा बाराको कलैया उपमहानगर पालिका वडा नंं १८ का कार चालक बर्ष २३ का अमिरी राउत र सोही कारका मालिक वीरगंज महानगरपालिका वडा नं १६ इनर्वाका बर्ष ३३ का राजन सिंह रहेको जिल्ला प्रहरी कार्यालय पर्साका प्रहरी नायव उपरिक्षक दीपक गिरीले जानकारी दिएका छन् ।

प्रहरी नायव उपरिक्षक गिरीका अनुसार उनीहरुको साथबाट १० हजार थान नक्कली मतपत्र, २ सय ५० थान स्वस्तिक छाप र ४८ थान स्टाप प्याड वरामद भएको छ । करिव ३ सय प्रति नक्कली मतपत्रमा साइकिल छापमा मत संकेत गरेको फेला परेको छ ।

उनीहरु कुन निर्वाचन क्षेत्रको लागि मतपत्र लिएर हिडेका हुन भन्ने कुरा अनुसन्धान भइरहेको प्रहरीले जनाएको छ । पक्राउ परेका व्यक्ति र गाडी हाल वडा प्रहरी कार्यालय विर्तामा राखिएको छ । उनीहरुलाई आवश्यक कार्वाहीको लागि मुख्य निर्वाचन अधिकृतको कार्यालय पर्सामा बुझाइने प्रहरीले जनाएको छ ।

छिपहरमाईका अध्यक्ष र प्रमुख प्रशासकीय अधिकृतसंग स्पष्टीकरण माग

0

वीरगंज । निर्वाचन आयोगले पर्साको छिपहरमाई गाउँपालिका अध्यक्ष मनोज कुमार गुप्ता र प्रमुख प्रशासकीय अधिकृत शम्भु प्रसाद साहलाई स्पष्टीकरण सोधेको छ । नगरपालिकाले मिति २०७९ /०५/२५  गतेको सूचनाबाट करार सेवामा शिक्षक नियुक्त गर्ने सूचना प्रकाशन गरी उक्त प्रक्रिया हालसम्म जारी रहेको भन्ने विषयमा अख्तियार दुरुपयोग अनुसन्धान आयोगमा परेको उजुरी यस आयोगमा प्राप्त भएकाले स्पष्टीकरण सोधेको हो ।

उल्लेखित सन्दर्भमा तहाँबाट निर्वाचन आचारसंहिता, २०७९  लागू रहेको अवस्थामा अगाडि बढाईएको करार शिक्षक नियुक्ति प्रक्रिया सम्बन्धमा के कसो भएको हो? यदि निर्वाचन आचारसंहिता, २०७९ को विपरित हुने गरी करारमा शिक्षक नियुक्ति गरिएको हो भने उक्त नियुक्ति बदर गर्नु नपर्ने कारण के हो? यो पत्र प्राप्त भएको २४  (चौबीस) घण्टाभित्र निर्वाचन आयोगको इमेलमा प्राप्त हुने गरी लिखित स्पष्टीकरण पेश गर्न भनिएको छ । अन्यथा कानून बमोजिम कारवाही हुने आयोगले जनाएको छ ।

आगामी चैत्रसम्म गौरव गर्न लायकको महानगर बनाएर देखाउँछु : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंजलाई आगामी चैत्रसम्ममा गौरव गर्न लायकको महानगरपालिका बनाउने दाबी गरेका छन् । साउथ जोन माविले वीरगंजस्थित नारायणी रंगशालामा आयोजना गरेको वार्षिक खेलकुद समाराेकाे उद्घाटन गर्दै मेयर सिंहले यस्ताे दाबी गरेका हुन् ।

उनले बीरगंज बाहिर रहेका आफन्त तथा साथीभाई वीरगंज घुम्न निमन्त्रणा दिन सक्ने अवस्थाको वीरगंज बनाएर देखाउने दाबी समेत गरे । तर त्यसका लागि जसरी जिताएर मेयर बनाउनुभयो, त्यसरी नै काम कारवाहीको सिलसिलामा साथ दिन मेयर सिंहले जनतालाई अपिल गरे ।

खेलकुद समाराेहका प्रमुख अतिथी समेत रहेका मेयर सिंहले खेलकुदको सन्दर्भलाई जोड्दै विगतमा महानगरमा खेलकुदको नाममा करौडौंको भ्रष्टाचार भएको आराेप लगाए । उनले खेलकुदको पैसामा भ्रष्टाचार हुनु दुखद भएको बताउदैं उनले विगतका दिनमा बीरगंज महानगरपालिकाबाट खेलकुदका नाममा १ करोड बजेट छुटाउने गरेकोमा ५० लाख भत्ता र खाजामा सक्ने गरेकोले अब त्यस्ता विकृतिको अन्त गर्ने बताए ।

खेलकुदले स्वास्थ्य र राष्ट्रलाई विकास गर्नमा मद्दत पुर्याउने भएकोले साउथ जोनले आयोजना गरेको खेलकुद कार्यक्रमको सराहना गर्दै उनले अरु विद्यालयले पनि विद्यालय स्तरबाटै खेलकुदलाई जोड दिनु पर्ने जिकिर गरे । लामो समय पश्चात वीरगंजमा साउथ जोनले यस प्रकारको खेलकुद कार्यक्रम गरेकोमा मेयर सिंहले धन्यवाद समेत प्रकट गरे ।

साउथ जोनले पहिलोपटक आयोजना गरेको वार्षिक खेलकुद कार्यक्रममा उत्साहजनक रुपमा नर्सरीदेखि कक्षा १० सम्मका १०० भन्दा बढी विभिन्न खेलकुदमा एक हजार भन्दा बढी विद्यार्थीले सहभागिता जनाएका थिए । खेलकुद समारोहमा मेयर सिंह लगायत उपस्थ्ति अतिथि, अभिभावक र शिक्षकहरुले विजेता भएका खेलाडी विद्यार्थीहरुलाई मेडल तथा प्रमाणपत्र दिएर सम्मानित गरे ।

विद्यालयका प्रिन्सिपल सरोज प्रसाद चौधरीको अध्यक्षतामा भएको कार्यक्रम प्याब्सनका केन्द्रीय सदस्य छेडुप लाम, प्याब्सन मधेस प्रदेशका वरिष्ठ उपाध्यक्ष श्याम केसी, प्याब्सन जिल्ला समिति पर्साका अध्यक्ष पुरन प्रधान, प्याब्सन महानगर अध्यक्ष आलोक कुमार चौरसिया, एन प्याब्सनका नगर अध्यक्ष जियालाल गुप्ता, बीरगंज युवा समाजका अध्यक्ष कमल चौगाई एवं अभिभावक, शिक्षक, शिक्षिका तथा विद्यार्थीहरुको उल्लेखनिय सहभागिता रहेको थियो ।

कार्यक्रमको स्वागत मनतव्य शिक्षिका प्रमिला निरौलाले गरेकी थिइन् भने सहजिकरण सहायक प्रिन्सिपल अशोक संग्रोलाले गरेका थिए ।

उम्मेदवार सर्राफकाे राेड शाे सम्पन्न, विभिन्न जित्ने आधारहरु प्रस्तुत

0

वीरगंज । प्रदेशसभा पर्सा निर्वाचन क्षेत्र नं. १ काे २ का उम्मेदवार अ‌ाेम प्रकाश सरार्फले अ‌ाफ्नाे निर्वाचन क्षेत्रबाट अ‌ाशिर्वाद लिदै विभिन्न जित्ने अ‌धारहरू प्रस्तुत गरेका छन् । प्रदेशसभा सदस्यका उम्मेदवार सर्राफ चुनावमा विभिन्न दलका उम्मेदवारले विभिन्न घोषणा दावी गरिरहदा ओम प्रकाश सरार्फ जो यहि समाजका लागी गरेकाे योगदान नै आफ्नाे जित्ने आधार भएकाे वताएका छन् ।

उनलाई जित्नुपर्ने कारण के हाे त त्यसमध्ये विभिन्न कारणहरू मतदातालाई बुझाएका छन् । लौरो चुनाव चिन्ह रहेका उम्मेदवार सरार्फले ९ वटै वडामा राेड साे गर्दै जेत्ने अधारहरू प्रस्तुत गरेका हुन् । पहिलो कारण मधेस प्रदेशमा भिजिट मधेसको अभियान चलाउने वताएका छन् । राष्ट्रिय संयोजक रहेर मधेसलाई विश्वसामु पुर्याउने पहल गरेकाे वताएका छन् ।

त्यस्तै नारायणी अस्प्ताल विकास तथा सुधारका प्रयासमा आफ्नाे अतुल्नीय भुमिका रहदै आएको वताएका छन् । यसैगरी काठमाडौँलाई मात्रै लोडसेडिङ्ग घोषणा गरिरहदाँ वीरगंजलाई समेत लोडसेडिङ्ग मुक्त बनाउन विभिन्न दबाब तथा विरोधका कार्यक्रमहरु गरेकाे वताएका छन् ।

यसैगरी उनले कारोना महामारीमा निःशुल्क भोजन, अक्सिजनको प्रबन्ध तथा उपचार सेवामा समेत विशेष रुपमा सहजिकरण गरेका कारण पनि आफ्नाे उपस्थिति मधेश प्रदेशमा अनिवार्य हुनुपर्ने वताएका छन् ।

उनले भने “यति मात्र नभई सरार्फ मात्र यस्ता व्यक्ति हुन जसले सार्वजनिक सम्पती जस्तै सिर्सिया नदी बचाउका लागी अभियान चलाए, गरिब दिनदुखीका लागी वीरगंज कपडा बैंकको संस्थापक सदस्य रहि सहरि गरिविलाई समेत सहयोग गरे । यस्ता थुप्रौ समाजिक कार्यहरु छन् जसले आफुलाई मधेस प्रदेशमा उपस्थितिको बलियो अधार जनाउन्छ ।”

लोकतन्त्र अधिकारको लडाई होस या किसानलाई राहत तथा विऊ विजन र मलखादको व्यवस्थाका लागी आफ्नाे अतुल्नीय योगदान रहदै आएको छ । यस कारण पर्सा क्षेत्र नं. १ काे २ का जनता आफुलाई प्रदेशसभा सदस्य भारी बहुमतले विजयी बनाउनु सर्राफले दाबी गरेका हुन् ।

अदालतसम्म लडेको नागरिकताकाे समस्या सामधान गरेरै छाड्छु : प्रदीप यादव

0

वीरगंज । पर्सा क्षेत्र नम्बर १ का प्रतिनिधीसभा सदस्यका जसपा–एमाले गठबन्धनका साझा उम्मेदवार प्रदीप यादवले नयाँ सरकार बनेको एक महिना भित्रै नागरिकताको समस्या सामधान हुने बताएका छन् ।

जसपाका केन्द्रिय राजनीतिक सदस्य समेत रहेका यादवले मंसिर ४ को निर्वाचनबाट केन्द्रमा जसपा–एमाले गठबन्धनको सरकार बन्ने र त्यो सरकारले नागरिकताको समस्या एक महिना भित्रै सामधान गर्ने दाबी गरेका हुन् । एमालेले पनि आफ्नो घोषणा–पत्रमै नागरिकताको समस्या एक महिना भित्र सम्बोधन गर्ने उल्लेख गरिसकेकोले अब यसमा कुनै उल्झन नरहने उनले बताए ।

बिहीबार वीरगंजमा सन्चारकर्मीसंग कुरा गर्दै पूर्वमन्त्री समेत रहेका यादवले भने, ‘जसपाले नै नागरिकताको मुद्धा सम्बोधनका लागि सडकदेखि सदनसम्म संघर्ष गर्दै आएको छ, एमालेले पनि घोषणापत्रमै एक महिना भित्र सम्बोधन गर्ने उल्लेख गरिसकेको छ, त्यस कारण अब यो मुद्धा सम्बोधन हुन्छ ।’

विपक्षीले जति सुकै हावा फैलाएपनि जित सुनिश्चित छ

यादवले पर्सा १ मा विपक्षीले जति सुकै हावा फैलाएपनि आफ्नो जित सुनिश्चित भइसकेको दाबी गरे । यादवले भने, ‘विपक्षीहरुले फेसबुकमा अरु क्षेत्रका मान्छे खटाएर अनर्गल हावा फैलाइरहेका छन्, त्यसले केहि फरक पर्नेवाला छैन, किन कि मत दिने पर्सा १ का मतदाताहरु हुन्, उनिहरुको अपार समर्थन मलाई छ, त्यस कारण मेरो जित सुनिश्चित छ ।’ उनले पर्सा १ का जनताले कामको मुल्यांकन गर्ने भएकाले यसपालि यहाँका मतदाता कसैको भावनामा नबहकिने जिकिर पनि गरे ।

पर्सा १ मा कुनै पनि उम्मेदवार दोहोर्याएर जितेको इतिहास त छैन नि ? भन्ने सन्चारकर्मीको प्रश्नमा यादवले यसपालि भने पर्सा १ मा नयाँ इतिहास रचिने दोहो¥याए ।

यादवले भने, ‘म भन्दा पहिले जितेका सांसदहरु जनता भन्दा पनि पदको लिप्सामा मात्रै रमाएर बसे, जनताको समस्या र सुखदुखदको मतलब नै गरेनन् , तर २०७४ मा मैले जितेपछि जनताकै माझमा बसे, क्षेत्रको विकास र समृद्धिका लागि थुप्रै कामहरु गरे, त्यसैको मुल्यांकन गरेर जनताले फेरि मलाई अवसर दिदैछन्, पर्सा १ ले यसपालि नयाँ इतिहास रच्दैछ ।’

तपाइले पनि खासै कुनै ठोस कामहरु गर्नु भएन भनेर विपक्षीहरुले आरोप लगाउदैछन् त ? भन्ने प्रश्नमा यादवले भने, ‘विगत पाँच वर्षको कार्याकालमा पर्सा १ मा विकास निर्माणका के के कामहरु गरेको छु ? जनताको सुखदुखमा सदैव साथ दिएको छु कि छैन ? यस बारे जान्न चाहनु हुन्छ भने क्षेत्रमा गएर हेर्दा हुन्छ, त्यहाँका जनताले आफै तपाईलाइ मैले गरेका कामहरु देखाइदिने छन् ।’

विगतमा सांसद र उपमेयर जितेर पनि केहि गर्न नसकेका व्याक्तिले नै अहिले प्रदीप यादवले केहि गरेन भन्दै भ्रम छर्दै हिडेपनि जनताबाट उनले जवाफ पाइसकेका कारण अत्तालिएर ती व्याक्तिले भ्रम छरेको यादवले बताए ।

पुर्वाञ्चल विश्वविद्यालयमा हल्ट प्राइज प्रतियोगिताको तयारी तिव्र

0

वीरगंज । विद्यार्थीमा रहेका नविनतम सोच र अनुसन्धान वर्तमान विश्वको लागि अपरिहार्य छ, रचनात्मक सोचले जीवन बदली वर्तमान समाजलाई गतिशिल बनाइ राख्नु पर्छ र समस्या संगै अवसर पनि समान हुन्छ भन्ने अवधारणा बोकेका विश्वभरका युवाहरुको हल्ट प्राइज अर्थात नोबेल पुरस्कार प्रतियोगिता सुरु भएको छ ।

विलक्लिन्टन फाउन्डेसनद्वारा सन् २००९ देखि सुरु भएको उक्त प्रतियोगितामा विश्वका १५० भन्दा बढि देशहरुका विभिन्न विश्वविद्यालयका विद्यार्थीहरुको सहभागिता हुनेछ । विश्वभरका दुई हजारभन्दा बढी विश्व विद्यालयका विद्यार्थीले भाग लिने उक्त कार्यक्रम हल्ट फाउन्डेसन, हल्ट इन्टरनेश्नल बिजनेस स्कुल र संयुक्त राष्ट्र सङ्घले संयुक्त रुपमाआयोजना गर्ने छन् ।

प्रत्येक वर्ष, हल्ट प्राइज प्रतिस्पर्धा ठूलो बजार चुनौतीको साथ ठूलो बजार अवसरको साथ जोडिएको हुन्छ । जुन विश्वका युवा शक्ति अर्थात विद्यार्थीलाई विश्वमा विद्यमान समस्याहरुलाई अवसरको रुपमा बदल्ने सोच ल्याउनु यसको उदेश्य हो। यो वर्ष अर्थात सन २०२३ का लागि “Redesigning Fashion” विषय छनौट गरिएको छ ।

दिइएको विषयमा आधारित भएर समस्या र त्यसको समाधान प्रस्तुत गर्ने उत्कृष्ट टिमले १० लाख अमेरिकी डलर पुरस्कार राशि हात पार्ने छन । यो कार्यक्रमको मुख्य उद्देश्य भनेको विद्यार्थीहरुका नवीनतम विचारहरु, जसले लाखौं मानिसलाई प्रत्यक्ष प्रभाव पार्न सक्छ, त्यस्ता प्रकारका विचारलाई विश्वव्यापी रुपमा प्रतिस्पर्धी बनाई उत्कृष्ट विचारलाई सामाजिक उद्यमशीलताको वातावरण सिर्जना गर्ने हो ।

सामाजिक उद्यमशीलताको वकालत प्रमुख रुपमा गर्ने यस प्रतिस्पर्धाले विद्यार्थीहरुलाई सामाजिक रुपमा उद्यमशीलताको विकास गरी समाजलाई प्रत्यक्ष रुपमा टेवापुर्याउन यो कार्यक्रम एकदम महत्वपूर्ण रहेको छ। हल्ट प्राइज फाउन्डेसनद्वारा आयोजित आइडिया कम्पिटिसनको अमेरिकामा हुने उक्त फाइनल राउण्डमा सहभागी हुन भने विभिन्न राउन्डमा छनौट हुँदै जानु पर्ने नियमहरु छन् ।

विश्वका १२० बढी देश मा हुने यस प्रतियोगिता नेपालमा पनि हुने र त्यसका लागि विश्वविद्यालयहरुमा आन्तरिक प्रतिस्पर्धा पनि हुनेछ । त्यसका लागि अहिले प्रारम्भको कार्यहरु भइरहेका छन् ।  यस वर्षको हल्ट प्राईज प्रतिस्पर्धामा नेपालका तर्फबाट पुर्वाञ्चल विश्वविद्यालयका विद्यार्थीहरू सहभागी हुने पक्का भएको छ । आयोजक टिमको गठनको कार्य पनि सुरु भैसकेको जानकारी हल्ट प्राइज पुर्वाञ्चल विश्वविद्यालयका निर्देशक विकास ज्ञवालीले जानकारी दिए ।

पर्सा २ काे (२) मा दुई गठबन्धनका उम्मेदवार बिच नै प्रतिस्पर्धा

0

वीरगंज । प्रदेशसभा पर्सा निर्वाचन क्षेत्र नं. २ काे (२) मा दुई गठबन्धनका उम्मेदवार बिच नै प्रतिस्पर्धा देखिएकाे छ । यस क्षेत्रकाे प्रदेशसभा सदस्यमा बाम लाेकतान्त्रिक गठबन्धनबाट लाेसपाका रमेश प्रसाद कुर्मी, एमाले-जसपा गठबन्धनबाट एमालेका हरेराम पटेल उम्मेदवार छन् ।

यसैगरी जसपाका बागी उम्मेदवार मुकेश द्विवेदी, करिमा बेग्म, रुपेशमान सिंह छन् । तीनै जनालाई जसपाले टिकट नदिएपछि स्वतन्त्र उम्मेदवारी भएका हुन् । तिनै जनालाई पार्टीकाे निर्णय विपरित स्वतन्त्र उम्मेदवारी दिएपछि जसपाले कारवाही समेत गरिसकेकाे छ ।

क्षेत्रमा यी ५ जना उम्मेदवारकाे चर्चा रहेपनि मुख्य प्रतिस्पर्धा बाम लाेकतान्त्रिक गठबन्धनका उम्मेदवार कुर्मी र एमाले-जसपा गठबन्धनका उम्मेदवार पटेल बिच हुने स्थानियहरुले वताएका छन् ।

बाम लाेकतान्त्रिक गठबन्धनका उम्मेदवार कुर्मी लाेसपा नेता एवम् निर्वतमान प्रदेशसभा सदस्य हुन् । उनी कांग्रेस, माओवादी केन्द्र, नेकपा एकीकृत समाजवादी, लाेसपासहितकाे ५ दलिय गठबन्धनका उम्मेदवार हुन् । यसका साथै उनले क्षेत्र अन्तर्गतकाे वडाहरुमा गरेकाे विकास निर्माणकाे कामका कारण पनि बलियाे उम्मेदवारकाे रुपमा मानिएका छन् ।

एमाले-जसपा गठबन्धनका उम्मेदवार पटेल राजनितिकमा नयाँ भएपनि समाजिक क्षेत्रकाे अनुभव उनीसंग छ । उनी एक कुशल सहकारीकर्मी हुन् । उनी उम्मेदवार रहेकाे दल एमाले-जसपाकाे यस क्षेत्रमा राम्राे पकड रहेकाे छ । यसका साथै उनी युवा र शिक्षित नयाँ उम्मेदवार भएका कारण जनताले मन पराउन सक्ने भएकाेले पनि बलियाे उम्मेदवार रुपमा मानिएका छन् ।

स्वतन्त्र उम्मेदवार द्विवेदी युवा राजनीतिककर्मी हुन् । क्षेत्रमा उनकाे राम्राे पहिचान छ । कांग्रेस निकट विद्यार्थी संगठन नेवि संघबाट राजनितिक सुरु गरेका उनी ठाकुर राम बहुमुखी क्याम्पसका स्ववियु सभापति भएकाे व्यक्ति हुन् । पछि उनी नयाँ शक्ति हुँदै उनी जसपामा सकृय थिए । तर जसपाबाट टिकट पाउन आश गरेका उनले जसपाले टिकट नदिएपछि स्वतन्त्र उम्मेदवार भएका हुन् ।

स्वतन्त्र उम्मेदवार बेग्म पनि राजनीतिकर्मी नै हुन् । उनी जसपाका केन्द्रिय सदस्य थिए । पूर्व मन्त्री समेत रहेकी बेग्मलाई जसपाले टिकट नदिएपछि स्वतन्त्र उम्मेदवारी दिइन । उनी मधेश आन्दाेलनमा सक्रिय सहभागिता जनाएका महिला हुन् । 

अर्का स्वतन्त्र उम्मेदवार सिंह नयाँ अनुहार हाे । उनी वीरगंज महानगरपालिकाका मेयर राजेशमान सिंहकाे भतिजा हुन् । उनलाई क्षेत्रका जनता मेयर सिंहका नातादारकाे माध्यमले मात्र चिन्छन् । उनले पनि जसपाबाट टिकटकाे दाबी गरेपनि जसपाले टिकट नदिएपछि स्वतन्त्र उम्मेदवार भएका हुन् । 

चर्चामा रहेका स्वतन्त्र उम्मेदवार तीनै जना एउटै दलका भएका कारण मत विभाजित हुने र यसकाे फाइदा गठबन्धन कै दुई उम्मेदवारहरुलाई हुने स्थानिय जानकारहरुले वताएका छन् ।  

६० वर्षमा कसैले गर्न नसकेको काम मैले ३ वर्षमा पूरा गरेँ : प्रभु साह

0

वीरगंज । पूर्वमन्त्री तथा रौतहट क्षेत्र नम्बर ३ का प्रतिनिधिसभा सदस्यका स्वतन्त्र उम्मेदवार प्रभु साहले ६० वर्षमा कसैले गर्न नसकेको काम आफूले ३ वर्षमै पूरा गरेको दाबी गरेका छन् । सोही कामका आधारमा आफूलाई जनताले फेरि मत दिने उनको विश्वास छ ।

प्रतिनिधिसभा तथा प्रदेशसभा निर्वाचनको प्रचारप्रसारको अन्तिम दिन बिहीबार मौलापुरमा आयोजित चुनावीसभालाई सम्बोधन गर्दै उनले क्षेत्र नम्बर ३ लाई समृद्ध बनाउन आफूले निर्वाह गरेको भूमिका मूल्यांकन गरेर क्षेत्रवासी जनताले आफू र आफ्नो टिमका उम्मेदवारलाई जिताउने विश्वास व्यक्त गरे ।

उनले २०७४ को निर्वाचनमा आफूलाई ५ वर्षको निमित्त संघीय सांसदका रुपमा जनताले जिम्मेवारी दिएको तर तर दलगत लडाइँका कारण ३ वर्षमै सांसद पद गुम्दा पनि आफूले छोटो अवधिमै उदाहरणीय काम गरेको दाबी गरे

आफू सहरी विकास मन्त्री हुँदा क्षेत्र नम्बर ३ का साथै समग्र रौतहटमा करोडौंको योजना स्वीकृत गरेको उनको भनाई छ । १२ करोडको लागतमा जंगलसहिया धनसर रोडमा कालोपत्रे निर्माण भइरहेको, ५ करोडको लागतमा टिकुलिया, कर्कच कटहरिया सडकखण्डमा कालोपत्रे निर्माणाधीन, २० करोड लागतमा मालाही कटहरिया, सन्तपुर सडकमा कालोपत्रे निर्माण र १२ करोडको लागतमा सोही रोडमा लचका र पुल निर्माण भएको उनले सुनाए ।

त्यसैगरी ७ करोडको लागतमा कटहरिया झांझपुल सडकको कालोपत्रे टेण्डर, १२ करोडको लागतमा कटहरिया ४ र ५ मा खानेपानी योजनाको काम, एसियाली विकास बैंकको ५६ करोडको टेण्डरमा दुवै वडामा ढल तथा नाला निर्माणको काम भइरहेको उनको भनाइ छ । कटहरिया लगायत रौतहटलाई मोडलका रुपमा विकास गर्ने आफ्नो एजेन्डा रहेको उनले बताए ।