Date
मङ्ल, मंसिर १, २०८३
Tue, November 17, 2026
Home Blog Page 598

प्रदेशसभा पर्सा क्षेत्र नं. १ (१) मा माओवादीका रहबर विजयी

0

वीरगंज । प्रदेश सभा पर्सा निर्वाचन क्षेत्र नं. १ (१) मा नेकपा माओवादी केन्द्रका रहबर अन्सारी निर्वाचित भएका छन् । ५ दलिय बाम लाेकतान्त्रिक गठबन्धका सांझा उम्मेदवार समेत रहेका रहबरले एमाले-जसपा गठबन्धका उम्मेदवार एमालेका बिचारी यादवलाई दुई हजार दुई सय ९९ मतले हराउँदै विजयी भएका हुन् ।

प्रदेशसभा सदस्यमा निर्वाचित रहबर माओवादी केन्द्रका केन्द्रिय सदस्य हुन् । उनी यस क्षेत्रकाे युवामा लाेकप्रिय छन् । उनी यस अघिकाे निर्वाचनमा यसै क्षेत्रबाट प्रदेशसभा सदस्य मै चुनाव लडेपनि जसपाका जनत अन्सारीबाट पराजित भएका थिए । जुन निर्वतमान प्रदेश सभा सदस्य यसपालिकाे निर्वाचनमा स्वतन्त्र चुनाव लडेपनि तेस्राे स्थानमा पुगेका छन् ।

माओवादीका रहबर ७ हजार ८ सय १७ मत ल्याएर विजयी हुँदा उनकाे निकटतम् प्रतिद्वन्दी एमालेका बिचारीले ५ हजार ५ सय १८ मत मात्र पाएका छन् । प्रदेशसभा सदस्यमा पराजित ब्यहाेरेका बिचारी संविधान सभा सदस्य समेत हुन् । उनी पहिलाे संविधान सभाकाे निर्वाचनमा एमालेबाट नै निर्वाचित भएका थिए ।

रहबरका अर्का प्रतिस्पर्धी स्वतन्त्र उम्मेदवार जनत ५ हजार २ सय ८६ मत पाएका छन् । यसपालिकाे निर्वाचनमा पराजित भएका जनत यस अघिकाे निर्वाचनमा तत्कालिन संघिय समाजवादी फाेरम नेपाल अर्थात हालकाे जसपाबाट प्रदेशसभा सदस्यमा निर्वाचित भएका थिए । यसपालि जसपाले गठबन्धनका कारण टिकट नदिएपछि उनी स्वतन्त्र चुनाव लडेका थिए ।

रहबरका अर्का प्रतिस्पर्धी स्वतन्त्र उम्मेदवार सुधिर पटेलले ४ हजार ५४ मत पाएका छन् । नेपाली कांग्रेस निकटका विद्यार्थी संगठन नेवि संघका पूर्व केन्द्रिय सदस्य समेत रहेका सुधिरले कांग्रेसबाट प्रदेशसभा सदस्यकाे टिकटकाे अंकाक्षी रहेपनि टिकट नदिएपछि स्वतन्त्र चुनाव लडेका थिए ।

यस क्षेत्र कै प्रदेश सभा सदस्यका अर्का उम्मेदवार राप्रका अनिल कुमार कुशवाहा २ हजार ५ सय ५१ मत, नेपाल संघिय समाजवादी पार्टीका साेएब अन्सारी ७ सय ५४ मत, स्वतन्त्र उम्मेदवार किशाेर प्रसाद यादव ४७४ मत, रामनारायण राउत २७१ मत, जनमत पार्टीका उम्मेदवार वाजुल हक अन्सारी २ सय ५० मत, नेपाल लाेकतान्त्रिक पार्टीका अमान्नुलाह अन्सारी एक सय १० मत पाएका छन् । यस क्षेत्र कै अन्य ८ जना स्वतन्त्र उम्मेदवारले एक सय मत पनि कटाउन सकेका छैनन् ।

मधेश प्रदेश मै सबभन्दा पहिला पर्सा ४ काे मतगणना सम्पन्न

0

वीरगंज । मधेश प्रदेश मै सब भन्दा पहिला पर्सा क्षेत्र नं. ४ काे प्रत्यक्ष तर्फकाे मतगणना सम्पन्न भएकाे छ । पाेखरियास्थित श्री जिल्ला उच्चांगल रामदेव कलवार माविमा जारि प्रत्यक्ष तर्फकाे मतगणना मधेश प्रदेश मै सबभन्दा पहिला पर्सा क्षेत्र नं. ४ काे बुधबार विहान सम्पन्न भएकाे निर्वाचन अधिकृतकाे कार्यालय क्षेत्र नं. ४ ले जनाएकाे छ ।

साेमबार दिउसाे ५ बजेदेखि सुरु भएकाे क्षेत्र नं. ४ काे प्रतिनिधिसभा तथा प्रदेशसभा सदस्यकाे प्रत्यक्ष तर्फकाे मतगणना बुधबार विहान ३६ घण्टापछि सम्पन्न भएकाे हाे ।

यस क्षेत्र अन्तर्गतकाे प्रदेशसभा सदस्यहरुकाे प्रत्यक्ष तर्फकाे मतगण मंगलबार सांझ नै सम्पन्न भएकाे थियाे भने जारी प्रतिनिधिसभा सदस्यकाे प्रत्यक्ष तर्फकाे मतगणना बुधाबार विहान सम्पन्न भएकाे निर्वाचन अधिकृतकाे कार्यालय क्षेत्र नं. ४ का सुचना अधिकारी सुरेन्द्र यादवले वताए । हाल समानुपातिक तर्फकाे मतगणना जारी रहेकाे सुचना अधिकारीले जानकारी दिए ।

मधेश प्रदेश मै सब भन्दा पहिला क्षेत्रकाे प्रतिनिधि सभा तथा प्रदेश सभा सदस्यकाे प्रत्यक्ष तर्फकाे अन्तिम नतिजा दिन सफल भएकाे क्षेत्र नं. ४ का निर्वाचन अधिकृत रमेश श्रेष्ठले वताए । श्रेष्ठ उच्च अदालत जनकपुर अस्थाई इजलाश वीरगंजका उप रजिष्टार हुन् ।

यस क्षेत्रमा ९० हजार ८ सय ५१ मतदाता रहेपनि ६२ हजार ७ सय ७१ अर्थात ६९.४० प्रतिशत मत मात्र खसेका थियाे । यस क्षेत्रकाे प्रतिनिधिसभा सदस्यमा नेपाली कांग्रेसका रमेश रिजाल, प्रदेश सभा क्षेत्र नं. ४ काे १ मा कांग्रेस कै शंकर चाैधरी र क्षेत्र नं. ४ काे २ मा जसपाका सिंगासन सा कलवार विजयी भएका छन् ।

तिनै जनालाई एकै पटक समानुपातिक तर्फकाे मतगणना सम्पन्न भए पश्चात प्रमाण पत्र वितरण गरिने निर्वाचन अधिकृतकाे कार्यालयले जनाएकाे छ । 

प्रदेशसभा पर्सा क्षेत्र नं. १ (२) मा पुन: मुख्यमन्त्री राउत विजयी

0

वीरगंज । प्रदेशसभा पर्सा क्षेत्र नं.  १ काे (२) मा पुन: मधेश प्रदेशका मुख्यमन्त्री लालबाबु राउत निर्वाचित भएका छन् । निकटतम् प्रतिस्पर्धी ५ दलिय बामलाेकतान्त्रिक गठबन्धनका उम्मेदवार नेपाली कांग्रेसका रामनारायण प्रसाद कुर्मीलाई एक हजार २ सय ३३ मतले हराउँदै एमाले- जसपा गठबन्धनका उम्मेदवार जसपाका राउत विजयी भएका हुन् ।

बुधबार विहान सम्पन्न पर्सा क्षेत्र नं. १ (२) काे अन्तिम मतपरिणाम अनुसार मुख्यमन्त्री राउत ७ हजार ५ सय ४५ मत ल्याएर पुन: प्रदेशसभा सदस्यमा विजयी भएका हुन् । उनकाे निकटतम् प्रतिस्पर्धी कांग्रेसका कुर्मीले ६ हजार दुई सय १२ मत पाएका छन् ।

यसैगरी अर्का प्रतिस्पर्धी राप्रका विनय प्रसाद झा २ हजार ८ सय ४१ मत, हाम्राे नेपाली पार्टीका ओमप्रकाश सर्राफ २ हजार २९ मत, स्वतन्त्र उम्मेदवार शशि कपूर मियाँ एक हजार ८० मत, श्याम प्रसाद गुप्ता ४ सय ८५ मत, जनमत पार्टीका शिव प्रसाद यादव ३५९ मत, नेपाल सुशासन पार्टीका मनाैवर हुसेन ३ सय १ मत, नेपाल लाेकतान्त्रिक पार्टीका हरिन्द्र प्रसाद कुर्मी २७० मत, अर्का स्वतन्त्र उम्मेदवार राकेश कुमार दुवे २ सय २७ मत, संताेष कुमार श्रेष्ठ २१५ मत, विशाल कुमार एक सय ६६ मत, जनता प्रगतिशिल पार्टीका अंकुश पटेल एक सय १४ मत पाएका छन् ।

यसै क्षेत्रकाे प्रदेश सभा सदस्यमा स्वतन्त्र स्वतन्त्र उम्मेदवारी दिएका ७ जना उम्मेदवार एक सय मत पनि पाएका छैनन् । 

पर्सा १ मा रोचक प्रतिस्पर्धा : मतान्तर बढाउदै प्रदिप यादव

0

वीरगञ्ज । प्रतिनिधि सभासदस्य तर्फ पर्सा निर्वाचन क्षेत्र नं. १ मा जसपाका उमेदवार प्रदीप यादवले फेरि मतान्तर बढाउदै अग्रता कायमै राखेका छन् । आज बिहान सम्मको पछिल्लो मतपरिणाम अनुसार २ हजार ५७७ मतान्तरले अगाडी बढेका छन ।

यादवले १५ हजार ७७८ मत प्राप्त गरेका छन भने उनका प्रतिस्पर्धी स्वतन्त्र उमेदवार अजय द्विवेदीले १३ हजार १९१ प्राप्त गरेका छन् । राप्रपाका किरण डंगोलले १ हजार ८०५ मत प्राप्तगरी तेश्रो स्थानमा रहेका छन् ।

अहिले सम्म वीरगञ्ज महानगरपालिकाको वडा नं २, ५, , ११, १२, २०, २१, २२, २३, ३१ र ३२ वडाको मतगणना सकिएको छ ।

यी वडाहरुमा करिव ३४ हजार मतगणना भइसकेको छ । अव वीरगञ्ज महानगरपालिकाको वडा नंं. ४,७, १३, १४, १५, १८ र ३० मा मत गणना हुन बाँकी छ ।

पर्सा ४ मा कांग्रेसका रमेश रिजाल विजयी

0

वीरगंज । पर्सा क्षेत्र नम्बर ४ को प्रतिनिधीसभा सदस्यमा नेपाली काँग्रेसका रमेश रिजाल विजयी भएका छन् ।
बुधबार बिहान सकिएको मतगणनाको अन्तिम परिणाम अनुसार, पाँच दल्यि गठबन्धनका साझा उम्मेदवार कांग्रेसका रिजाल निर्वाचित भएका हुन् ।

निकटतम प्रतिस्पर्धी नेकपा एमालेका उम्मेदवार जालिम मियाँलाई ५ हजार भन्दा बढिको फराकिलो मतान्तरले पराजित गर्दै रिजाल निर्वाचित भएका हुन् । 

रिजाललले ३१ हजार १ सय ४२ मतका मतका साथ विजयी हुँदा उनका निकटतम प्रतिस्पर्धी एमाले-जसपा गठबन्धनका उम्मेदवार मियाँले भने २५ हजार ६ सय १२ मत मात्रै पाएका छन् । रिजाल र मियाँ बिचको मतान्तर ५ हजार ५ सय ३० रहेको छ ।

२०४८ यताको हरेक निर्वाचनमा चुनाव लड्दै आएका काँग्रेस केन्द्रिय सदस्य रिजाल चौथो पटक सांसद बनेका हुन् ।

प्रदेशसभा पर्सा ४ (१) मा पुन: कांग्रेसका चाैधरी विजयी

0

वीरगंज । प्रदेशसभा पर्सा क्षेत्र नम्बर ४ (१) मा बाम लाेकतान्त्रिक गठबन्धनका उम्मेदवार नेपाली काँग्रेसका शंकर चौधरी निर्वाचित भएका छन् ।

मंगलबार बेलुकी पर्सा ४ (१) को सकिएको मगणनाको अन्तिम परिणाम अनुसार, निकटतम प्रतिस्पर्धी नेकपा एमालेका उम्मेदवार जय प्रकाश थारुलाई १ हजार ७ सय १६ मत अन्तरले पछि पार्दै चौधरी प्रदेशसभा सदस्यमा विजयी भएका हुन् ।

चौधरी, दोश्रो पटक प्रदेशसभा सदस्यमा निर्वाचित भएका हुन् । यसअघि २०७४ को निर्वाचनमा पनि यहि प्रदेशसभा क्षेत्रबाट चौधरी निर्वाचित भएका थिए । त्यस बेला पनि चौधरीले थारुलाई नै पराजित गरेका थिए । दाेस्राे पटक हार ब्यहाेरेका थारु एमाले पर्साका अध्यक्ष हुन् । 

पाँच दलीय गठबन्धनका साझा उम्मेदवार समेत रहेका चौधरीले १२ हजार १ सय ५४ मत पाउँदा जसपा–एमालेका साझा उम्मेदवार थारुले १० हजार ४ सय ३८ मत मात्रै पाएका छन् । यसै क्षेत्रका स्वतन्त्र उम्मेदवार वीरेन्द्र यादवले ३ हजार २ सय ३१ मत पाएका छन् ।

प्रदेशसभा पर्सा २(१) मा कांग्रेसका श्याम पटेल विजयी

0

वीरगंज । प्रदेशसभा पर्सा निर्वाचन क्षेत्र नं. २ (१) मा बाम लाेकतान्त्रिक गठबन्धनका उम्मेदवरा नेपाली कांग्रेसका श्याम पटेल निर्वाचित भएका छन् । निकटतम प्रतिद्वन्दी जनता समाजवादी पार्टी (जसपा) नेपालका रामनरेश प्रसाद यादवलाई एक हजार ६ सय ५७ मतले हराउँदै पटेल विजयी भएका हुन् ।

कांग्रेस पर्साका पूर्व जिल्ला सचिव समेत रहेका पटेलले १३ हजार ७ सय ७४ मत प्राप्त गरी विजयी हुँदा जसपाका यादवले १२ हजार एक सय २७ मत पाएका थिए । यादव एमाले-जसपा गठबन्धनका सांझा उम्मेदवार थिए । यस अघिकाे निर्वाचनमा पनि यस क्षेत्रमा कांग्रेसका राजेश्वर प्रसाद साहले यादवलाई नै हराउँदै विजयी भएका थिए । दाेस्राे पटक हार ब्याेहाेरेका यादव जसपा पर्सा अध्यक्ष समेत हुन् ।

प्रदेशसभा सदस्यमा निर्वाचित पटेल युवाहरुको माझमा पनि लोकप्रिय छन् । यसअघिको निर्वाचनमा उनले टिकट पाएका थिएनन् । त्यस्तै कांग्रेस पर्साकाे जिल्ला अधिवेशनमा जिल्ला सभापतिमा उम्मेदवारी दिएका पटेल संस्थापन पक्षका जनार्दन सिंह क्षेत्रीसँग पराजित भएका थिए ।

उनी प्रदेशसभा निर्वाचित भएकाे खुशियाली मंगलबार सांझ मतगणना स्थल ठाकुर राम बहुमुखी क्याम्पसबाट विजयी समेत निकालिएकाे थियाे । वीरगंज नगरकाे बजार क्षेत्रमा परिक्रमा गर्दै उनकाे निवास सम्म पुगेका विजयी जुलुशमा सयाैंकाे संख्यामा उनकाे समर्थकहरुकाे सहभागिता रहेकाे थियाे ।

यसैगरी यस क्षेत्रका प्रदेशसभा सदस्यका राप्रका उम्मेदवार हरि प्रसाद चाैधरी एक हजार ७ सय ४१ मत, स्वतन्त्र उम्मेदवार स्याङबाे लामा तामाङ् एक हजार २ सय ८८ मत, अर्का स्वतन्त्र उम्मेदवार जिवन श्रेष्ठ ५ सय ४६ मत, नेपाल लाेकतान्त्रिक पार्टीका मनाेज प्रसाद यादव ४०१ मत, अर्का स्वतन्त्र उम्मेदवार गाेपिचन्द प्रसाद यादव १३१ मत, फरमान अन्सारी ३५ मत र अब्दुल गाेयुम अ‌ंसारी ३३ मत पाएका छन् ।

काठमाडौं-१ मा कांग्रेसका प्रकाशमान सिंह विजयी

0

काठमाडौं । नेपाली कांग्रेसका नेता प्रकाशमान सिंह काठमाडौं-१ बाट प्रतिनिधिसभा सदस्यमा निर्वाचित भएका छन् । झिनो मतान्तरले चुनाव जित्दै उनी चौथोपटक सांसद बनेका छन् ।

सांसद बन्न सिंहले फेरि पनि राप्रपाका उम्मेदवार रवीन्द्र मिश्रलाई १२८ मतान्तरले पराजित गरेका हुन् । सिंहले ७ हजार १३९ मत ल्याएर विजयी हुँदा निकटम प्रतिद्वन्द्वी सिंहले ७ हजार ०११ मत पाए ।

यसअघि २०७४ को चुनावमा पनि सिंहले मिश्रलाई नै पराजित गरेर चुनाव जितेका थिए ।

२०४६ सालको जनआन्दोलनका कमाण्डर गणेशमान सिंह र नेपाल महिला संघकी संस्थापक अध्यक्ष मंगलादेवी सिंहका छोरा उनलाई पारिवारिक वातावरणले नै नेपाली कांग्रेसको राजनीतिमा ल्याएको थियो । २०१२ सालमा जन्मेका उनी नेविसंघबाट राजनीतिमा आएका थिए । २०३४ सालमा नेविसंघको केन्द्रीय सदस्य बनेका उनी त्यसको दुई वर्षपछि अध्यक्षमा चुनिएका थिए ।

२०४८ मा काठमाडौं-४ मा र २०५१ मा काठमाडौं-३ मा पराजित भएका उनले २०५३ सालमा राष्ट्रिय सभा सदस्य भएर ६ वर्ष बिताए ।

२०६४ सालमा भएको पहिलो संविधानसभा निर्वाचनमा सिंह काठमाडौं-१ मा आएर जितेपछि उनले यहाँबाटै निरन्तर चौथो विजय हात पारेका हुन् ।

२०७४ सालको निर्वाचनमा पनि सिंहले निकटतम प्रतिस्पर्धी मिश्रलाई नै पराजित गरेका थिए । त्यतिबेला मतान्तर ८१८ रहेको थियो । मिश्र त्यसबेला विवेकशील साझाबाट उम्मेदवार बनेका थिए ।

पर्सा ३ र ४ काे मतगणना पनि सुरु, कहाँ कहाँकाे मतपेटिका खाेलियाे ?

0
वीरगंज । पर्सा निर्वाचन क्षेत्र नं. ३ र ४ काे मतगणना पनि सुरु भएकाे छ । पाेखरियास्थित श्री जिल्ला उच्चांगल रामदेव कलवार माविमा दुबै क्षेत्रकाे प्रत्यक्ष तर्फकाे मतगणना सुरु भएकाे हाे । 
 
सुरुमा प्रतिनिधिसभा क्षेत्र नं. ४ काे छिपहरमाई गाउँपालिका वडा नं. ५, प्रदेशसभा क्षेत्र नं. ४ (१) काे ठाेरी गाउँपालिका वडा नं. ४ र प्रदेशसभा क्षेत्र नं. ४(२) काे छिपहरमाई गाउँपालिका वडा नं. ५ काे मतपेटिका मतगणनाकाे लागि खाेलिएकाे निर्वाचन अधिकृतकाे कार्यालय क्षेत्र नं. ४ ले जनाएकाे छ ।
 
यसैगरी पर्सा निर्वाचन क्षेत्र नं. ३ को प्रत्यक्ष तर्फ प्रतिनिधिसभाकाे बहुदरमाई नगरपालिका वडा नं. ९ बिश्रामपुर र प्रदेशसभा क्षेत्र नं. १ ३(१) काे सखुवा प्रसाैनी गाउँपालिका वडा नं. ६ काे मतपेटिका मतगणनाकाे लागि खाेलिएकाे निर्वाचन अधिकृतकाे कार्यालय क्षेत्र नं. ३ ले जनाएकाे छ । प्रदेशसभा क्षेत्र नं. ३(२) काे मतगणकाे लागि पनि मतपेटिका खाेल्नकाे लागि पक्रियामा रहेकाे छ ।
 
दुबै क्षेत्रकाे मतगणना विहान ११ बजेदेखि गर्न भनिएपनि ५ घण्टा ढिलाे ४ बजेदेखि सुरु भएकाे हाे । 

पर्सा १ र २ काे मतगणना सुरु, ३ र ४ काे पनि सुरु हुँदै

0

वीरगंज । पर्सा क्षेत्र नम्बर १ र २ को मतगणना सोमबार दिउसो देखि शुरु भएको छ । वीरगंजस्थित ठाकुरराम बहुमुखी क्याम्पसमा दुवै क्षेत्रको प्रत्यक्ष तर्फकाे प्रतिनिधीसभा र प्रदेशसभा सदस्यको एकै पटक मतगणना दिउँसो १.३० बजे देखि शुरु गरिएको पर्साका मुख्य निर्वाचन अधिकृत विनोद पोखरेलले जानकारी दिए ।

विहान ९ बजे बसेकाे सर्वदलीय बैठकले विहान ११ बजेदेखि मतगणना सुरु गर्न निर्णय गरेपनि त्यसकाे केही घण्टा ढिलाे मात्र मतगणना सुरु भएकाे हाे । सुरुमा क्षेत्र नं. १ काे वीरगंज महानगरपालिका वडा नम्बर १६ बाट मत गणना शुरु गरिएको छ । जुन वडामा क्षेत्र नम्बर १ कै सबैभन्दा धेरै मत खसेको छ । त्याहाँ ५ हजार १ सय ९४ मत खसेको प्रमुख निर्वाचन अधिकृत पोखरेलले जानकारी दिए । 

क्याम्पसको मतगणना स्थलमा पर्सा १ र २ को गरि ६ वटा कोठामा मतगणना शुरु गरिएको उनले बताए । पर्सा ३ र ४ को मतगणना पनि केहि बेर मै शुरु गर्ने तयारी भइरहेको उनले जानकारी गराए । पर्सा ३ र ४ को मतगणनास्थल पोखरीया नगरपालिका ४ पोखरीया स्थित जिल्ला उच्चांगल रामदेव प्रसाद कलवार माविमा तोकिएको छ ।

पोखरेलका अनुसार , पर्सा जिल्लाका ४ वटै प्रतिनिधि सभा र ८ वटै प्रदेशसभा निर्वाचन क्षेत्र गरि ६९ प्रतिशत मतदान भएको थियो ।

पर्सा जिल्लामा १ लाख ९४ हजार ९ सय ४ पुरुष, १ लाख ५१ हजार ८ महिला र अन्य १६ गरी कुल मतदाता ३ लाख ४५ हजार ९ सय २८ जना रहेकोमा आइतबार भएको निर्वाचनमा २ लाख ३८ हजार ५४ जना मतदाताले मतदान गरेका हुन् । जिल्लाका ४ वटै प्रतिनिधि सभा र प्रदेशसभा सदस्य गरि कुल १ सय ६१ जना उम्मेदवार चुनावी प्रतिस्पर्धामा छन् ।