Date
मङ्ल, मंसिर १, २०८३
Tue, November 17, 2026
Home Blog Page 597

राैतहट १ बाट नेकपा एसका अध्यक्ष नेपाल विजयी

0

वीरगंज । रौतहटकाे क्षेत्र नं. १ बाट नेकपा (एकीकृत समाजवादी)का अध्यक्ष माधव कुमार नेपाल विजयी भएका छन् । पूर्व प्रधानमन्त्री समेत रहेका नेपाल एमालेका अजय कुमार गुप्तालाई ८ हजार ६ सय मतले पराजित गर्दै विजयी भएका हुन् ।

बाम लाेकतान्त्रिक गठबन्धनका उम्मेदवार नेपालले ३३ हजार ५ सय २२ मत पाउँदा उनका निकटतम् प्रतिद्वन्दी जसपा-एमाले गठबन्धनका उम्मेदवार गुप्ताले २६ हजार ९२२ हजार मत पाएका छन् ।

निर्वाचित भएपछि प्रतिक्रिया दिँदै नेपालले सिद्धान्त र आदर्शमा अघि बढ्ने हो भने वामहरूबीच एकता हुन सक्ने बताए । नेपालले वामको नाममा गलत प्रवृत्ति लिएकाहरूसँग भने एकता सम्भव नभएको बताए ।

उनले अबको सरकार कसको भन्छ भन्ने भन्न नसकिने पनि उल्लेख गरे । संसदीय जितलाई उनले आफ्नो इमान्दारिता र निष्ठाप्रति जनताको विश्वासका रूपमा लिएको बताए । पार्टीको समग्र परिणाम भने सोचेभन्दा कम आएको उनले बताए ।

‘यो हामीले सोचेभन्दा कम हो । हाम्रा कमी-कमजोरी पनि भएका होलान् । तिनलाई अब सुधारेर जानुपर्छ,’ उनले भने ।

यस अघिकाे निर्वाचनमा नेपाल एमालेबाट काठमाडाैं २ मा विजयी भएका थिए । पार्टीकाे स्पष्ट बहुमत हुँदा हुँदा पनि दुई दुई पटक एमाले अध्यक्ष तथा तत्कालिन प्रधानमन्त्री ओलीले संसद विगठन गरेपछि उनी नयाँ दल एकीकृत समाजवादी खाेलेका थिए । 

यसै क्षेत्रका प्रतिनिधि सभाका अर्का उम्मेदवार जनमत पार्टीका राजेन्द्र प्रसाद साह एक हजार ४११ मत, स्वतन्त्र उम्मेदवार राहुल कुमार मिश्र ५५४ मत, राष्ट्रिय प्रजातन्त्र पार्टी नेपालकी सराेज कुमारी ३५३ मत, नेपाल सुशासन पार्टीका रंजित कुमार पटेल ३१८ मत, नेपाल जनता दलका सुबाेध चन्द्र साह २५९ मत पाएका छन् ।

एमालेकाे टिकट त्यागेर स्वतन्त्र लडेका प्रभु साह विजयी

0

वीरगंज । रौतहट क्षेत्र नम्बर ३ बाट प्रतिनिधिसभा सदस्‍यमा स्वतन्त्र उम्मेदवार प्रभु साह निर्वाचित भएका छन् । साहले स्वतन्त्र उम्‍मेदवार ओमप्रकाश जयसवाललाई ७ हजार २३७ मतान्तरले हराउँदै निर्वाचित भएका हुन् ।

साहले ३२ हजार ४३७ मत पाउँदा उनका प्रतिस्पर्धी जयसवालले २५ हजार २०० मत ल्याए । यस्तै माओवादी केन्द्रका उम्‍मेदवार रविन्द्र पटेलले ३ हजार ६५८ मत पाए ।

नेकपा एमालेले जसपासँग चुनावी गठबन्धन गरेपछि एमालेको टिकट त्यागेर स्वतन्त्र रुपमा निर्वाचनमा भाग लिएका साहलाई सत्ता गठबन्धनले सहयोग गर्ने निर्णय गरेको थियो । सत्ता गठबन्धनको तर्फबाट नेकपा माओवादीको भागमा परेको उक्त क्षेत्रमा आफ्नो उमेदवारी निष्कृय पार्न नेकपा माओवादी केन्द्रले रविन्द्र पटेललाई निर्देशन दिएको थियो ।

तर पटेलले आफ्नो उमेदवारी कायमै राखे भने सत्ता गठबन्धनका नेपाली कांग्रेस र एकीकृत समाजवादीले अर्का स्वतन्त्र उमेदवार ओमप्रकास जयसवाललाई समर्थन गरेका थिए ।

जयसवाललाई नेकपा एमालेले समेत समर्थन गरेको थियो । स्वतन्त्र उमेदवार प्रभु साहले त्यस क्षेत्रमा गरेको विकास र जनसेवालाई मूल्यांकन गरे पुन उनलाई त्यस क्षेत्रका जनताले भारी मतान्तरले विजयी बनाएका छन ।

नेपाली कांग्रेस, नेकपा एमाले र एकीकृत समाजवादी लगायत अन्य राजनीतिक दलको समर्थन पाएका अर्का स्वतन्त्र उमेदवार ओम प्रकास जयसवालले साहसँग फराकिलो मतान्तरमा पराजय भोग्नु परेको छ ।

सवै शक्ति लाग्दा समेत प्रभु साह आफ्नो निर्वाचन क्षेत्रमा बलियो उमेदवारको रुपमा देखिन सफल भएका छन् ।

रोचक प्रतिस्पर्धा देखिएको पर्सा ३ मा एमालेका गुप्ता विजयी

0

वीरगंज । पर्सा क्षेत्र नम्बर ३ बाट प्रतिनिधि सभा सदस्यमा नेकपा एमालेका राजकुमार गुप्ता निर्वाचित भएका छन् ।

रोचार प्रतिष्पर्धाका विच ५ दलिय बाम लोकतान्त्रिक गठबन्धनका उम्मेदवार नेपाली कांग्रेसका सुरेन्द्र प्रसाद चौधरीलाई १ सय ५१ मतको झिनो अन्तरले पराजित गर्दै एमाले-जसपा गठबन्धनका उम्मेदवार गुप्ता विजयी भएका हुन् ।

बुधबार अवेर राति सम्पन्न मतगणनाको अन्तिम परिणाम अनुसार गुप्ताले २४ हजार २६० मत पाएका छन् भने निकटतम प्रतिद्वन्दी चौधरीले २४ हजार १०९ मत पाएका छन् ।

मतगणनाको सुरुवातदेखि चौधरीले अग्रता लिएपनि अन्तिम समयमा आएर गुप्ताले मतान्तर घटाउँदै गएका थिए । 

गुप्ता र चौधरी यसअघि २०७४ मा यसै क्षेत्रबाट तत्कालिन संघीय समाजवादी फोरम नेपालका हरिनारायण रौनियारसँग पराजित भएका थिए ।

बारा ४(२) काे प्रदेशसभा सदस्यमा पुन: सोनल विजयी

0

वीरगंज । बाराको क्षेत्र नम्बर ४ (२) को प्रदेशसभा सदस्यामा लोकतान्त्रिक समाजवादी पार्टी (लोसपा) का जितेन्द्र सोनल पुन: निर्वाचित भएका छन् । पाँच दलीय गठबन्धनका उम्मेदवार सोनल निकटतम प्रतिस्पर्धी भन्दा ५ हजार ३२७ मतान्तरले विजयी भएका हुन् ।

सोनल १३ हजार ५९६ मतका साथ विजयी हुँदा उनका निकटतम् प्रतिस्पर्धी जसपा–एमाले गठबन्धनका उम्मेदवार आत्माराम साह ८ हजार २६९ मत मात्रै पाएका छन् । मधेस प्रदेश सरकार पुर्व मन्त्री र लोसपाका प्रदेश अध्यक्षसमेत रहेका सोनल २०७४ को निर्वाचनमा पनि यहि क्षेत्रबाट १३ हजार १ सय १८ मतका साथ निर्वाचित भएका थिए ।

बारा ४ मा नेकपा एसका कृष्ण कुमार श्रेष्ठ विजयी

0

वीरगंज । बाराकाे निर्वाचन क्षेत्र नम्बर ४ बाट प्रतिनिधि सभा सदस्यमा नेकपा समाजवादीका कृष्ण कुमार श्रेष्ठ विजयी भएका छन् । ५ दलिय बाम लाेकतान्त्रिक गठबन्धनका सांझा उम्मेदवार श्रेष्ठ एमाले-जसपा गठबन्धनका उम्मेदवारलाई पराजित गर्दै विजयी भएका हुन् ।

निर्वाचन अधिकृत कृष्णबहादुर राईले प्रत्यक्ष तर्फको केही मत समानुपातिकको पेटिकामा खस्न गएकाले त्यसको गणना गर्न बाँकी भए पनि जितको लागि श्रेष्ठलाई अहिले सम्म प्राप्त मत नै पर्याप्त रहेको बताए । ‘प्रत्यक्ष तर्फको गणनाको आधारमा श्रेष्ठ फराकिलो मतले प्रतिनिधिसभामा विजयी हुनु भएको छ,’ उनले भने, ‘तर औपचारिक प्रमाणपत्र भने अन्तिम मत परिणाम आएपछि दिइनेछ ।’ 

पूर्व श्रम मन्त्रीसमेत रहेका श्रेष्ठ एकीकृत समाजवादीका केन्द्रीय सदस्य हुन् । व्यापारी पृष्ठभूमिका श्रेष्ठ तनहुँका हुन् । उनी यसअघि तनहुँबाट नेकपा एमालेबाट प्रत्यक्षतर्फ संघीय संसदमा विजयी भएका थिए ।

श्रेष्ठले निकटतम प्रतिद्वन्दी नेकपा एमालेका एकवाल मियाँलाई पराजित गरी विजयी भएका हुन् । श्रेष्ठले २० हजार २ सय ९१ मत पाउँदा मियाँले १३ हजार ८ सय ६३ मत मात्र प्राप्त गरेका छन् । मियाँ यस अघि निर्वाचनमा यही क्षेत्रबाट तत्कालिन राजपा एवम् हालका लोसपाबाट संघिय संसदमा निर्वाचित भएका थिए । यसपालि एमालेमा प्रवेश गरी उनी चुनावी मैदानमा थिए ।            

पर्सा २ काे प्रतिनिधि सभा सदस्यमा कांग्रेसका चाैरसिया विजयी

0

वीरगंज । पर्सा क्षेत्र नम्बर २ को प्रतिनिधीसभा सदस्यमा नेपाली काँग्रेसका अजय चौरसिया भारी मतान्तरले विजयी भएका छन् ।

पाँच दलीय बाम लाेकतान्त्रिक गठबनधनका उम्मेदवार चौरसिया निकटतम् प्रतिस्पर्धी जसपा–एमाले गठबनधनका उम्मेदवार जसपाका सुरेन्द्र कुर्मीलाई ६ हजार ६ मतले विजयी भएका हुन् ।

कांग्रेसका केन्द्रिय सदस्य समेत रहेका चौरसियाले २८ हजार ४ सय ५१ मत पाउँदा कुर्मीले भने २२ हजार ४ सय ४५ मत मात्रै पाएका छन् । चौरसिया तेश्रो पटक सांसदमा निर्वाचित भएका हुन् । २०५६ र २०६४ को निर्वाचनमा सांसदमा निर्वाचित चौरसिया २०५८ मा सहायक राज्यमन्त्री समेत बनेका थिए ।

२०७४ को निर्वाचनमा भने चौरसिया तत्कालीन संघीय समाजवादी फोरमका विमल श्रीवास्तवसंग पराजित भएका थिए । त्यस बेला श्रीवास्तवले २१ हजार १ सय ६९ मत पाएका थिए भने दोश्रो स्थानमा रहेका चौरसियाले १९ हजार ७ सय ४ मत पाएका थिए ।

यस क्षेत्र कै प्रतिनिधीसभा सदस्यका राप्रपाका उम्मेदवार नरेश कुमार साहले २ हजार ७ सय ४१ मत, राष्ट्रिय स्वतन्त्र पार्टीका दिपराज पटेल ९७१ मत, नेपाल लाेकतान्त्रिक पार्टीका हरिहर प्रसाद साह कानु ३४९ मत र जनसमाजवादी पार्टी नेपालका सत्यनारायण प्रसाद साह २४० मत पाएका छन् ।

निजि क्षेत्रले स्वच्चेछिक रुपमा कर बुझाउनु पर्छ : प्रजिअ ढकाल

0

वीरगंज । आन्तरिक राजश्व कार्यालय वीरगंजकाे आयाेजनामा राष्ट्रिय कर दिवस तथा सप्ताह मनाइएकाे छ । “स्वच्चेछिक सहभागिता सहितकाे फराकिलाे कराधार दिगाे र उत्पादनमुखी अर्थतन्त्रकाे आधार” नारासहित कर सप्ताहकाे अन्तिम दिन बुधाबार आयाेजित कार्यक्रम सम्पन्न भएकाे हाे ।

आन्तरिक राजश्व कार्यालय वीरगंजका प्रमुख कपिल प्रसाद सुबेदीकाे अध्यक्षतामा भएकाे कार्यक्रममा ३ जना उत्कृष्ठ करदाता तथा एक जना उत्कृष्ठ कर्मचारीलाई सम्मान समेत गरिएकाे थियाे ।

कार्यक्रममा उत्कृष्ठ करदाताकाे रुपमा सेवा क्षेत्रकाे धेरै कर बुझाउने ओमनी इन्टरनेशनल प्रालिलाई, व्यापार क्षेत्रकाे धेरै कर बुझाउने कमलामाेहन इन्टरनेशनल प्रालि र उद्याेग तर्फ धेरै कर बुझाउने   सुप्रिम रबर उद्याेगलाई सम्मान गरिएकाे थियाे । त्यसैगरी आन्तरिक राजश्व कार्यालयकाे उत्कृष्ट कर्मचारीकाे रुपमा कम्प्युटर अपरेटर श्यामबाबु साहलाई सम्मान गरिएकाे थियाे ।

चारै जनालाई कार्यक्रमका प्रमुख अतिथी पर्साका प्रमुख जिल्ला अधिकारी उमेश कुमार ढकालले खादा र प्रमाण पत्रले सम्मान गरेका थिए ।

कार्यक्रममा वाेल्दै प्रमुख वजिल्ला अधिकारी ढकालले निजि क्षेत्रकाे विकासकाे लागि निजि क्षेत्र र सरकारी क्षेत्र बिचकाे समन्वय जरुरी रहेकाे वताए । निजि क्षेत्रहरुले इमान्दारिक पूर्वक स्वच्चेछिक रुपले कर बुझाउनु पर्ने र सरकारी तहबाट हुनु पर्ने दायित्व पनि पुरा गर्नु पर्ने वताए । 

आन्तरिक राजश्व कार्यालय वीरगंजकाे प्राङ्गणमा भएकाे कार्यक्रममा वीरगंज भन्सार कार्यालयका प्रमुख भन्सार प्रशासक नवराज ढुंगाना, वीरगंज महानगरपालिकाका प्रमुख प्रशासकिय अधिकृत लक्ष्मी प्रसाद पाैडेल, नेपाल राष्ट्र बैंक वीरगंजका निर्देशक राजनदेव भट्टराई, उद्याेग वाणिज्य महासंघ मधेश प्रदेशका अध्यक्ष गणेश लाठ, वीरजंग उद्याेग वाणिज्य संघका अध्यक्ष सुबाेध गुप्ता लगायतले मन्तव्य राखेका थिए । 

कार्यक्रमकाे संचालन कर अधिकृत संदिप पटेलले गरेका थिए भने स्वागत मन्तव्य कर अधिकृत एवम् सुचना अधिकृत संजय कुमार सरदारले राखेका थिए ।  

नयाँ इतिहास रच्दै पर्सा १ मा पुन: प्रदिप यादव विजयी

0

वीरगंज । पर्सा निर्वाचन क्षेत्र नं. १ काे प्रतिनिधि सभा सदस्यमा पुन: जनता समाजवादी पार्टी (जसपा) नेपालका प्रदिप यादव विजयी भएका छन् । धेरै कडा प्रतिस्पर्धा रहेकाे यस क्षेत्रमा पूर्व मन्त्री समेत रहेका यादव एक हजार ६२० मतान्तरले विजयी भएका हुन् ।

एमाले-जसपा गठबन्धनका साझा उम्मेदवार समेत रहेका यादवले २२ हजार ५३७ मत ल्याएर विजयी हुँदा उनका निकटतम् प्रतिस्पर्धी स्वतन्त्र उम्मेदवार अजय कुमार द्विवेदीले २० हजार ९१७ मत पाएका थिए । यादवसंग पराजित भएका द्विवेदी नेपाली कांग्रेसका बागी उम्मेदवार थिए । द्विवेदी नेपाली कांग्रेस पर्साका पूर्व जिल्ला सभापति हुन् ।

यस क्षेत्रबाट विगतमा दाेस्राे पटक काेई निर्वाचित नभएकाे इतिहासलाई ताेड्दै यादव विजयी भएका हुन् । दाेस्राे पटक यादव विजयी भएकाे खुशियालीमा उनकाे समर्थकले भव्य विजयी जुलुश निकालेका छन् । 

प्रतिनिधि सभा सदस्यका अर्का उम्मेदवार राप्रपाका किरणमान डंगाेल २ हजार ६ सय ५९ मत, ५ दलिय बाम लाेकतान्त्रिक गठबन्धनका उम्मेदवार लाेसपाका लक्ष्मण लाल कर्ण एक हजार ११७ मत, नेपाल लाेकतान्त्रिक पार्टीका सुन्दर साह कानु २३७ मत, अर्का स्वतन्त्र उम्मेदवार नाैसाद अंसारी २२७ मत, नेपाल कम्युनिष्ट पार्टी मार्कसवादीका शंकर प्रसाद चाैरसिया १७३ मत, नेपाल सुशासन पार्टीका अजय कुमार रिजाल १४० मत पाएका छन् ।

अन्य एक दर्जन भन्दा बढी उम्मेदवारहरुले एक सय मत पनि कटाउन सकेका छैनन् । 

प्रदेशसभा पर्सा क्षेत्र नं. ३ (१) मा स्वतन्त्र उम्मेदवार जयसवाल विजयी

0

वीरगंज । प्रदेशसभा पर्सा निर्वाचन क्षेत्र नं. ३ काे १ मा स्वतन्त्र उम्मेदवार प्रमाेद जयसवाल विजयी भएका छन् । एमाले-जसपा गठबन्धनका उम्मेदवार तथा निर्वतमान प्रदेशसभा सदस्यलाई हराउँदै जयसवाल विजयी भएका छन् ।

प्रदेश सभा सदस्यमा विजयी जयसवाल सखुवा प्रसाैनी गाउँपालिकाका पूर्व अध्यक्ष प्रदिप जयसवालका दाई हुन् । यस अघि भएकाे स्थानिय तहकाे निर्वाचनमा प्रदिप पुन: चुनाव लडेपनि पराजित भएका थिए । तर त्यसकाे केही महिना मै भएकाे प्रतिनिधि सभा तथा प्रदेशसभाकाे निर्वाचनमा स्वतन्त्र उम्मेदवारी दिएका उनका दाई प्रमाेद विजयी भएका हुन् ।

निकटतम् प्रतिस्पर्धी निर्वतमान प्रदेश सभा सदस्य समेत रहेका एमालेका उम्मेदवार अब्दुल रहिम अंसारी (मंजुर) लाई एक हजार ४५१ मतले हराउँदै प्रमाेद प्रदेश सभा सदस्यमा निर्वाचित भएका छन् । जसयवालले ७ हजार ३ सय ८१ मत ल्याएर विजयी हुँदा उनका निकटतम् प्रतिस्पर्धी अंसारीले ५ हजार ९ सय ३० मत पाएका छन् ।

अर्का प्रतिस्पर्धी स्वतन्त्र उम्मेदवार चन्द्रकिशाेर प्रसाद चाैधरीले ४ हजार ६ सय ५५ मत, ५ दलिय बाम लाेकतान्त्रिक गठबन्धनका उम्मेदवार नेकपा माओवादी केन्द्रका छाेटेलाल प्रसाद यादवले ४ हजार ३ सय ४० मत, नेपाल सुशासन पार्टीका उम्मेदवार शिव कुमार साह ३ हजार ८ सय ३६ मत, निरराज गिरी २ हजार ७ सय ९७ मत पाएका छन् ।

यस क्षेत्र कै प्रदेश सभा सदस्यका अर्का उम्मेदवार राप्रका चन्द्रिका सहनी मलाह ८ सय १४ मत, नेपाल कम्युनिष्ट पार्टीका अमरदेव पासवान २७९ मत, अर्का स्वतन्त्र उम्मेदवार किशुन राउत अहिर १९४ मत पाएका छन् । अन्य ३ स्वतन्त्र उम्मेदवारले एक सय मत पनि पाएका छैनन् ।

प्रदेश सभा पर्सा क्षेत्र नं. २ (२) मा पुन: रमेश कुर्मी विजयी

0

वीरगंज । प्रदेश सभा पर्सा निर्वाचन क्षेत्र नं. २ (२) मा पुन: लाेसपाका रमेश प्रसाद कुर्मी निर्वाचित भएका छन् । ५ दलिय बाम लाेकतान्त्रिक गठबन्धनका सांझा उम्मेदवार कुर्मी निकटतम् प्रतिस्पर्धी स्वतन्त्र उम्मेदवार रुपेशमान सिंहलाई २ हजार ६३७ मतले हराउँदै विजयी भएका हुन् ।

प्रदेश सभा सदस्यमा पुन: कुर्मीले ९ हजार ४७१ मत ल्याएर विजयी हुँदा उनकाे निकटतम् प्रतिस्पर्धी जसपाका बागी उम्मेदवार सिंह ६ हजार ८ सय ३४ मत पाएका थिए । कुर्मी यस अघिकाे निर्वाचनमा पनि यसै क्षेत्रबाट तत्कालिन राजपा अर्थात हालकाे लाेसपाबाट प्रदेशसभा सदस्यमा निर्वाचित भएका थिए । यसपालिकाे निर्वाचनमा कुर्मी दाेस्राे पटक निर्वाचित भएका हुन् । 

अर्का प्रतिस्पर्धी एमाले-जसपा गठबन्धनका उम्मेदवार एमालेका हरेराम प्रसाद पटेल ३ हजार ७९० मत, राप्रपाका प्रमानन्द साह कानु २ हजार ८३६ मत, स्वतन्त्र उम्मेदवार करिमा बेगम एक हजार ५०१ मत, मुकेश कुमार द्ववेदी ७९२ मत पाएका छन् । बेगम र द्विवेदी जसपाका बागी उम्मेदवार थिए । दुबै जनाले जसपाबाट नै प्रदेशसभा सदस्यकाे टिकटकाे आंकाक्षी रहेपनि पार्टीले टिकट नदिएपछि स्वतन्त्र उम्मेदवार भएका थिए ।

त्यसैगरी यसै क्षेत्रका अर्का प्रदेशसभा सदस्यका उम्मेदवार नेपाल लाेकतान्त्रिक पार्टीका हरिशंकर प्रसाद साह ३२१ मत, अर्का स्वतन्त्र उम्मेदवार छाेटेलाल प्रसाद कुर्मी २२७ मत, जनता प्रगशिल पार्टीका भरत भुष्ण पाण्डे १५४ मत, अर्का स्वतन्त्र उम्मेदवार शिवम् कुमार कर्ण १३८ मत पाएका छन्  । अन्य ४ जना स्वतन्त्र उम्मेदवारले एक सय मत पनि कटाउन सकेका छैनन् ।