वीरगंज । बाराको क्षेत्र नम्बर ४ (२) को प्रदेशसभा सदस्यामा लोकतान्त्रिक समाजवादी पार्टी (लोसपा) का जितेन्द्र सोनल पुन: निर्वाचित भएका छन् । पाँच दलीय गठबन्धनका उम्मेदवार सोनल निकटतम प्रतिस्पर्धी भन्दा ५ हजार ३२७ मतान्तरले विजयी भएका हुन् ।
सोनल १३ हजार ५९६ मतका साथ विजयी हुँदा उनका निकटतम् प्रतिस्पर्धी जसपा–एमाले गठबन्धनका उम्मेदवार आत्माराम साह ८ हजार २६९ मत मात्रै पाएका छन् । मधेस प्रदेश सरकार पुर्व मन्त्री र लोसपाका प्रदेश अध्यक्षसमेत रहेका सोनल २०७४ को निर्वाचनमा पनि यहि क्षेत्रबाट १३ हजार १ सय १८ मतका साथ निर्वाचित भएका थिए ।
