Date
मङ्ल, मंसिर १, २०८३
Tue, November 17, 2026
Home Blog Page 596

पर्सा क्षेत्र नं. ४ बाट निर्वाचित भएकाहरु प्रमाण पत्र पाए

0

वीरगंज ।  निर्वाचन अधिकृतकाे कार्यालय पर्सा क्षेत्र नं. ४ ले शुक्रबार एक कार्यक्रमका बिच प्रतिनिधि सभा तथा प्रदेश सभा सदस्यमा निर्वाचित उम्मेदवराहरुलाई निर्वाचित भएकाे प्रमाण पत्र वितरण गरेकाे छ ।

निर्वाचन कार्यालयले पर्सा क्षेत्र नं. ४ बाट प्रतिनिधि सभा सदस्यमा निर्वाचित नेपाली कांग्रेसका रमेश रिजाल, प्रदेश सभा सदस्यमा क्षेत्र नं. ४ (१) बाट निर्वाचित कांग्रेस कै शंकर चाैधरी र क्षेत्र नं. ४ (२) बाट निर्वाचित जसपाका सिंगासन साह कलवारलाई प्रमाण वितरण गरेकाे हाे । 

मतगणना स्थल श्री जिल्ला उच्चांगल रामदेव कलवार मावि पाेखरियामा भएकाे कार्यक्रममा निर्वाचन अधिकृत रमेश श्रेष्ठले तिनै जनालाई निर्वाचित उम्मेदवारलाई फुल माला र अविरकाे टिका लगाउँदै निर्वाचित भएकाे प्रमाण पत्र हस्तान्तरण गरेका थिए ।

साे अवसरमा जगरनाथपुर गाउँपालिकाका अध्यक्ष श्रीकान्त यादव, पर्साका प्रमुख जिल्ला अधिकारी उमेश कुमार ढकाल, जिल्ला प्रहरी कार्यालय पर्साका प्रमुख प्रहरी उपरिक्षक रमेश बस्नेत, सशस्त्र प्रहरी उपरिक्षक तेज प्रकाश पाेखरेल, पोखरीया नगरपालिकाका प्रमुख प्रशासकिय अधिकृत अशोक कुमार रौनियार, सहायक निर्वाचन अधिकृत एवम् सुचना अधिकारी सुरेन्द्र यादव लगायतकाे उपस्थिती रहेकाे थियाे ।

बारा ३ मा एमालेकी ज्वाला साह विजयी

0

वीरगंज । बाराको क्षेत्र नम्बर ३ बाट प्रतिनिधि सभा सदस्यमा नेकपा एमालेकी ज्वाला कुमारी साह विजयी भएकी छन् ।

एमालेकी पोलिट ब्युरो सदस्य साह जनता समाजवादी पार्टीका रामबाबु कुमार यादवलाई पराजित गर्दै विजयी भएकी हुन् । यादवलाई २ हजार ९८२ मतान्तरले पराजित गर्दै साह प्रतिनिधि सभा सदस्यमा विजयी भएकी हुन् ।

साहले २० हजार २५१ मत ल्याउनु भयो भने यादवले १७ हजार २६९ मत प्राप्त गरेकी छन् ।

बाम लाेकतान्त्रिक गठबन्धनका उम्मेदवार लाेसपाका लालबाबु सिंह भुइहार ११ हजार ९६४ मत, राष्ट्रिय स्वतन्त्र पार्टीका सुरेन्द्र शर्मा ३ हजार ४७९ मत, जनमत पार्टीका राधिका देवी साह ३ हजार ३३१ मत पाएका छन् । 

यस क्षेत्रमा एमाले-जसपा बिच गठबन्धन भएकाे थियाे । दुबै दलका उम्मेदवार चुनाव लडेका थिए । 

नेकपा एसले समानुपातिकमा कटायो एक लाख मत

0

काठमाडौं । माधव नेपाल नेतृत्वको नेकपा एकीकृत समाजवादी पार्टीले प्रतिनिधिसभाको समानुपातिक तर्फ एक लाख मत कटाएको छ। 

निर्वाचन आयोगमा शुक्रबार साँझ ६ बजेसम्म प्रविष्ट विवरण अनुसार समाजवादीले १ लाख ७ हजार ४ सय ६६ मत ल्याएको हो। 

प्रत्यक्षतर्फ समाजवादीले १० सिट जितेको छ। 

एक लाख मत कटाएसँगै यो पार्टी अहिले सातौं स्थानमा उक्लिएको छ । पहिलो स्थानको एमालेले साढे १३ लाख मत कटाउँदा कांग्रेसले १२ लाख ९० हजार मत ल्याएको छ ।

राष्ट्रिय स्वतन्त्र पार्टीले ६ लाख २२ हजार, नेकपा माओवादी केन्द्रले ५ लाख ८४ हजार, राष्ट्रिय प्रजातन्त्र पार्टीले ३ लाख २० हजार, जसपाले १ लाख ६० हजार मत प्राप्त गरेको आयोगले जनाएको छ। 

दाङ १ मा नेकपा एसका मेटमणी चाैधरी विजयी

0

वीरगंज । दाङ क्षेत्र नम्बर १ बाट प्रतिनिधिसभा सदस्यमा नेकपा एकीकृत समाजवादीका मेटमणी चाैधरी विजयी भएका छन् ।

बाम लाेकतान्त्रिक गठबन्धनका साँझा उम्मेदवार चाैधरी  २६ हजार ५ सय ६३ मतले विजयी भएका हुन् । चाैधरीले आफ्ना निकटतम प्रतिद्वन्द्वी नेकपा एमालेका शान्ता चाैधरीलाइ ५ हजार ८४ मतकाे फराकिलाे अन्तरले विजयी भएका हुन् ।

नेकपा एमालेकी शान्ता चाैधरीले २१ हजार ५ सय ७९ मत ल्याएकी थिइन् । विजयी भएका मेटमणी चाैधरी शहरी विकास मन्त्री हुन् । त्यसै गरि फाइनल नतिजा अनुसार  राष्ट्रिय स्वतन्त्र पार्टीका देबराज पाठकले १३ हजार ७ सय ९४ मत, नागरिक उन्मुक्ति पार्टीका सुरेन्द्र चौधरीले ८ हजार १० मत, हाम्रो नेपाली पार्टीकी गंगा सत्गौवाले १ हजार ९२ मत, संघिय लोकतान्त्रिक राष्ट्रिय मञ्च थरुहटकी रूक्मिणी चौधरीले २ सय ९३ मत, मंगोल नेशनल अग्रनाइजेशनका शोभाराम बुढाले ५सय ८३ मत प्राप्त गरेका छन् ।

त्यस्तै नेपाली कांग्रेस (विपी)का असोक खड्काले १ सय ९८ मत, राप्रपाका लिला बुढाथोकीले १ हजार ४ सय ३८ मत, नेपाल मजदुर किसान पार्टीका गणेशभक्त खर्जुवाले २६ मत, लोकतान्त्रिक समाजवादी पार्टीकी प्रतिमा बुढामगरले १ सय ३३ मत, र सवतन्त्र उम्मेदवार चन्द्रमणि न्यौपानेले ३४ मत प्राप्त गरेका छन् । कुल ७८ हजार ६ सय ९८ मत खसेकोमा ७३ हजार ६ सय ४३ मत सदर भएको थियो भने ४ हजार ५ सय ६७ मत बदर भएको थियो ।

काँग्रेसको गढलाई ढाल्दै बारा १ मा एमालेका मैनाली विजयी

0

वीरगंज । बारा निर्वाचन क्षेत्र नं. १ बाट प्रतिनिधिसभा सदस्यमा नेकपा एमालेका अच्युत मैनाली विजयी भएका छन् । एमाले-जसपा गठबन्धनका साझा उम्मेदवार समेत रहेका मैनाली ठूलो मतान्तरले आफ्ना प्रतिद्वन्धी सत्ता गठबन्धनका उम्मेदवार उमाकान्त चौधरीलाई पराजित गर्दै विजयी भएका हुन् ।

अन्तिम मत परिणाम अनुसार ९ हजार १३९ मतान्तरले मैनाली विजयी भएका हुन् । मैनालीले ३९ हजार १९५ मत प्राप्त गर्दा उनका प्रतिद्वन्दी सत्ता गठबन्धनका उम्मेदवार नेपाली काँग्रेसका उमाकान्त चौधरीले ३० हजार ५६ मत प्राप्त गरेका थिए । मैनालीबाट पराजित चाैधरी यसै क्षेत्रका निवर्तमान प्रतिनिधि सभा सदस्य एवम् पूर्व मन्त्री समेत हुन् ।

बारा जिल्ला क्षेत्र नं. १ नेपाली काँग्रेसको गढ भएपनि यस पटक मैनालीले कांग्रेसकाे गढलाई ढाल्दै ठूलो मतान्तरले विजयी भएका छन् ।

गत २०७४ सालको निर्वाचनमा चौधरीले २४ हजार ४५० मत ल्याई विजयी भएका थिए भने त्यस बखत उनका प्रतिद्वन्दी रहेका मैनाली २२ हजार ३० मत प्राप्त गरेका थिए । तर यस पटकको निर्वाचनमा मैनाली चौधरीलाई ९ हजार १३९ मतले पछार्दै विजयी भएका हुन् ।

काँग्रेसको गढ नै रहेको यस क्षेत्रमा पटक पटक विजयी हुने गरेको चौधरीलाई उक्त क्षेत्रका जनताले मन पराउन छाडेका थिए ।

पर्सा क्षेत्र नं. ४ काे समानुपातिक मतगणना पनि सम्पन्न, सबै भन्दा बढी कांग्रेसलाई मत

0

वीरगंज । पर्सा क्षेत्र नं. ४ काे समानुपतिक तर्फकाे मतगणना पनि सम्पन्न भएकाे छ । मधेश प्रदेश मै सब भन्दा पहिला प्रत्यक्ष तर्फकाे मतगणना गर्न सफल भएकाे निर्वाचन अधिकृतकाे कार्यालय क्षेत्र नं. ४ ले समानुपातिक तर्फकाे मतगणना पनि बुधबार सांझ सम्पन्न गरेकाे हाे ।

क्षेत्रकाे प्रतिनिधि सभा तथा प्रदेशसभा सदस्यकाे समानुपातिक मतगणना सम्पन्न भएकाे निर्वाच अधिकृतकाे कार्यालय क्षेत्र नं. ४ का निर्वाचन अधिकृत रमेश श्रेष्ठले जानकारी दिए । अन्तिम मतपरिणाम अनुसार प्रतिनिधि सभा तथा प्रदेश सभामा समानुपातिक मत पनि सब भन्दा बढी नेपाली कांग्रेसले निर्वाचन अधिकृत श्रेष्ठले वताए ।

समानुपातिक अन्तिम मतपरिणाम अनुसार प्रतिनिधि सभा तर्फ नेपाली कांग्रेसले सबै भन्दा बढी २१ हजार, त्यसपछि नेकपा एमालेले १४ हजार ८७६, जनता समाजवादी पार्टी (जसपा) नेपाल १० हजार ५४८, नेकपा माओवादी केन्द्र ३ हजार २८३, राष्ट्रिय प्रजातन्त्र पार्टी (राप्रपा) ३ हजार १३९, राष्ट्रिय स्वतन्त्र पार्टी १ हजार ९१५, जनमत पार्टी १ हजार १८८, नागरिक उन्मुक्ति पार्टी ७२९, नेकपा (एकीकृत समाजवादी) २८६, राष्ट्रिय प्रजातन्त्र पार्टी नेपाल १७८, लाेकतान्त्रिक समाजवादी पार्टी (लाेसपा) नेपाल १५८ मत पाएका छन् । अन्य एक दर्जन जति दलकाे एक सय भन्दा पनि कम मत पाएका छन् ।

यसैगरी प्रदेशसभा तर्फ पनि सबै भन्दा बढी नेपाली कांग्रेस २० हजार ६१०, त्यसपछि नेकपा एमाले १४ हजार ६७७, जसपा १० हजार २२४, माओवादी केन्द्र ३ हजार ४८७, जनमत पार्टी २ हजार २७१, नागरिक उन्मुक्ति पार्टी १ हजार ५३०, नेपाल सुशासन पार्टी ५३४, राप्रपा ४५७, नेकपा एकीकृत समाजवादी ४४१, लाेसपा २८७, नेपाल संघिय समाजवादी पार्टी २१८ र हाम्राे नेपाली पार्टी ११७ मत पाएका छन् ।

यस क्षेत्रमा जम्मा मतदाता संख्या ९० हजार ८५१ रहेपनि प्रतिनिधि सभाकाे समानुपातिक ६२ हजार ३ ८४ मत र प्रदेश सभाकाे समानुपातिक मत ६२ हजार ५९२ मात्र खसेकाे थियाे । जस मध्ये प्रतिनिधि सभा सदस्यकाे ३ हजार २०१ मत र प्रदेश सभा सदस्यकाे  मतमा ३ हजार ७८३ मत बदर भएकाे सुचना अधिकारी सुरेन्द्र यादवले जानकारी दिए ।

कलवार दाेस्राे पटक निर्वाचित भएकाे खुशियालीमा विजय जुलुश

0

वीरगंज । पर्साको निर्वाचन क्षेत्र नं. ४ (२) बाट प्रदेश सभा सदस्यमा शानदार जित दर्ज गरेका सिंगासन सा कलवारले बिहिबार भव्य बिजय जुलुस निकालेका छन् । सयाैंकाे संख्यामा नेता कार्यकर्ताहरू सहित निकालिएको विजय जुलुस क्षेत्र अन्तर्गतकाे छिपहमाई गाउँपलिकाको बिभिन्न वडाहरुमा परिक्रमा गर्दै धन्यावाद ज्ञापन गरेकाे कलवारका स्वकीय सचिव सचिन सिंहले बताए ।

एमाले-जसपा गठबन्धनका उम्मेदवार कलवारले भारी मतान्तरले आफ्ना निकटत्म प्रतिद्वन्दी एमालेका बागी उम्मेदवार प्रहलाद साह कानुलाई हराउँदै दोस्रो पटक प्रदेश सभा सदस्यमा निर्वाचित भएका हुन् । कलवार १५ हजार ४३५ मत ल्याएर विजयी हुँदा उनका निकटतम् प्रतिद्वन्दी स्वतन्त्र उम्मेदवार कानुले १२ हजार ६ सय ८१ मत पाएका थिए । अर्का प्रतिस्पर्धी बाम लाेकतान्त्रिक गठबन्धनका उम्मेदवार नेकपा माओवादी केन्द्रकी चाँद तारा कुमारी (शेख चाँद) ले एह हजार ७७३ मत मात्र पाएका थिए ।

यस पालिकाकाे निर्वाचनमा कलवारलाई हराउन  गठबन्धन भित्र कै नेताहरु कमर कसेर लागेका थिए । कलवारबाट पराजित भएका स्वतन्त्र उम्मेदवार कानु एमाले पर्साका सचिव समेत रहेका छिपहरमाई गाउँपालिका अध्यक्ष मनाेज गुप्ताकाे हजुर बुवा हुन् । 

छिपहरमाई गाउँपालिका वडा नं. १ भलुवहीयाबाट निकालेको जुलुसमा जसपा क्षेत्र नं. ४ का नेता, कार्यकर्तासहित उनका समर्थकहरु सहभागीता रहेको थियो । विजय जुलुसमा कलवारले प्रतिक्रिया दिदै यो जित विकास र आम जनताको रहेको बताए ।

जुलुसमा मदन चौहान, रामशिष महतो, हिमाञ्चल महतो, इन्द्रासन कलवार, राम पुकार यादव, रंजित साह कानु लगायतका जसपाका नेता, कार्यकर्ताहरुको सहभागीता रहेको थियो । बिजय ¥याली शुक्रवार पनि निकालिने तथा बाकी रहेको क्षेत्रको अन्य भागहरुमा जनताको घरदैलो पुगेर मतदातालाई धन्यवाद ज्ञापन गर्ने जनाइएकाे छ ।

राैतहट ४ मा कांग्रेसका तिमल्सिना विजयी

0

वीरगंज । मधेश प्रदेशकाे राैतहट क्षेत्र नं. ४ बाट प्रतिनिधि सभा सदस्यमा नेपाली कांग्रेसका देव प्रसाद तिमल्सिना निर्वाचित भएका छन् । एमाले जसपा गठबन्धनका उम्मेदवार एमालेका उध्दव प्रसाल रेगमीलाई ७ हजार भन्दा बढी मतले हराउँदै बाम लाेकतान्त्रिक गठबन्धनका उम्मेदवार समेत रहेका कांग्रेसका तिमलसेना विजयी भएका हुन् ।

तिमलसेनाले ३४ हजार १६१ मत ल्याएर विजयी हुँदा उनका निकटतम् प्रतिद्वन्दी एमालेका रेग्मीले २६ हजार ५६१ मत पाएकाे निर्वाचन कार्यालयले जनाएकाे छ । यसै क्षेत्रका प्रतिनिधि सभा सदस्यका राप्रका उम्मेदवार रुपलाल राय यादवले २ हजार ३७५ मत, स्वतन्त्र उम्मेदवार अजय कुमारले २ हजार २६८ मत, राष्ट्रिय स्वतन्त्र पार्टीका राजनारायण साह एक हजार ८ सय ७६ मत पाएका छन् ।

राैतहट २ मा पनि स्वतन्त्र उम्मेदवार किरण साह विजयी

0

वीरगंज । मधेश प्रदेशकाे राैतहट निर्वाचन क्षेत्र नं. २ बाट पनि प्रतिनिधि सभा सदस्यमा स्वतन्त्र उम्मेदवार किरण साह निर्वाचित भएका छन् । ५ दलिय बाम लाेकतान्त्रिक गठबन्धनका उम्मेदवार नेपाली कांग्रेसका माे. फिरदाेस आलमलाई ४ हजार ५९४ मतले हराउँदै स्वतन्त्र उम्मेदवार साह विजयी भएका छन् ।

किरणले ३२ हजार ८४२ मत ल्याएर विजयी हुँदा उनका निकटतम् प्रतिद्वन्दी कांग्रेसका आलमले २८ हजार २४८ मत ल्याएका हुन् । प्रतिनिधि सभा सदस्यका एमाले-जसपा गठबन्धनका उम्मेदवार जसपाका शैलेन्द्र साहले २ हजार १२२ मत, जनमत पार्टीका रामयस झा एक हजार ४ मत पाएका छन् ।

स्वतन्त्र उम्मेदवार किरणलाई राैतहट क्षेत्र नं. ३ का स्वतन्त्र उम्मेदवार पूर्व मन्त्री प्रभु साहकाे समर्थन थियाे । प्रभु साह कै पहलमा निर्वाचनकाे एक दिन पहिला जसपाका उम्मेदवार शैलेन्द्र साहले पनि स्वतन्त्र उम्मेदवार किरण साहलाई समर्थन गरेका थिए । 

स्वतन्त्र उम्मेदवार किरण साहबाट पराजित भएका कांग्रेसका फिरदाेस आलम निर्वतमान सांसद माे. अफताब आलमका छाेरा हुन् । अफताब अहिले जिउदाे मान्छेलाई जलाएकाे आराेपमा कारागारमा भएका कारण कांग्रेसले उनका छाेरा फिरदाेसलाई चुनाव लडाएका थिए ।

बारा १ बाट एमालेका अच्युत मैनालीकाे जित निश्चित

0

वीरगंज । बाराकाे क्षेत्र नं. १ बाट प्रतिनिधि सभा सदस्यमा एमालेका अच्युत प्रसाद मैनालीकाे जित निश्चित भएकाे छ । मैनालीले निकटतम् प्रतिस्पर्धि नेपाली कांग्रेसका उमाकान्त चाैधरीलाई ८ हजार भन्दा बढी मतले अग्रता कायम राखेकाेले जित निश्चित भएकाे हाे ।

एमाले-जसपा गठबन्धनका साझा उम्मेदवार समेत रहेका एमालेका मैनालीले ३४ हजार २६ मत पाउँदा बाम लाेकतान्त्रिक गठबन्धनका उम्मेदवार समेत रहेका कांग्रेसका चाैधरीले २५ हजार ९७९ मत पाएका छन् । मैनालीबाट पराजित हुन लागेका कांग्रेसका चाैधरी निर्वतमान प्रतिनिधि सभा सदस्य एवम् पूर्व मन्त्री समेत हुन् ।

यसै क्षेत्रका प्रतिनिधि सभा सदस्यका अर्का प्रतिस्पर्धी राष्ट्रिय स्वतन्त्र पार्टीका गणेश धिमाल २ हजार ७६१ मत, राप्रका भक्त बहादुर दर्लामी एक हजार ४३६ मत, स्वतन्त्र उम्मेदवार अनिल कुमार गुप्ता एक हजार ८७ मत, जनमत पार्टीका मनाेज कुमार यादव ७६९ मत, हाम्राे नेपाली पार्टीका राकेश कुमार न्याैपाने ६०६ मत र राप्रपा नेपालका शिव प्रसाद तिमल्सिना १३५ मत पाएका छन् ।