Date
मङ्ल, मंसिर १, २०८३
Tue, November 17, 2026
Home Blog Page 595

पक्राउ परेकाे ट्रक राजश्व अनुसन्धानमा बुझाइयाे

0

वीरगंज । बिल बिजक भन्दा बढी औषधी तथा खुद्रा सामाग्रीहरू लोड रहेका ट्रक पर्सा प्रहरीले नियन्त्रणमा लिएको छ ।
बिल विजक भन्दा बढी खुद्रा तथा औषधी लगायतका सामानहरू बोकेको ट्रक वीरगंजबाट रौतहटको गौर तर्फ गईरहेको भन्ने सूचनाको आधारमा जिल्ला प्रहरी कार्यालय पर्साबाट खटिएको टोलीले ट्रक नियन्त्रणमा लिएको हो ।

प्रहरी टोलीले मंगलवार राती ११ बजे वीरगंज महानगरपालिका वडा नं. ८ घण्टाघर चोक स्थित सडकखण्डमा ना.७ ख ६८७५ नम्बरको मालवाहक ट्रकलाई रोकेर जाँच गर्ने क्रममा पशुपति रोड कैरियर ट्रासपोर्टबाट पठाईएको ट्रकमा विल बिजक संकास्पद देखिएको हुंदा नियन्त्रणमा लिईएको जिप्रकाले जनाएको छ ।

नियन्त्रणमा लिइएको ट्रकमा रू. ५५ लाख ६१ हजार ७ सय ६७ बराबरको खुद्रा तथा औषधीजन्य सामाग्रीहरू थप अनुसन्धान तथा आवश्यक कारवाहीको लागी बुधवार राजश्व अनुसन्धान कार्यालय पथलैया, बारामा बुझाइएको प्रहरीले जनाएको छ ।

प्रदेश सभा सदस्य जयसवाल जनप्रतिनिधिकाे भुमिकामा सक्रिय

0
वीरगंज । प्रदेश सभा सदस्य प्रमोद जयसवालले आफ्नाे निर्वाचन क्षेत्र अन्तर्गतका जनप्रतिनिधिहरुसंग छलफल गरेका छन् । पर्सा क्षेत्र नं. ३ (१) बाट स्वतन्त्र प्रदेश सभा सदस्यमा निर्वाचित जयसवालले सबै संग समन्वय र सहकार्य गरी अघि बढ्ने उद्देश्यले जनप्रतिनिहरुकाे ओपचारिक बैठक आयाेजना गरि छलफल गरेका हुन् ।
 
सखुवा प्रसाैनी गाउँपालिकाकाे वडा नं. ५ महुवनमा बुधबार आयाेजित बैठकमा क्षेत्र भित्रका विभिन्न सवालहरुमा सहकार्य गर्दै अगाडी बढ्ने, मलखादको समस्या समाधान गर्न तत्काल सदरमुकाम स्थित सम्बन्धित निकायहरुमा दबाव दिने र सदन चलेपछि सरकारलाई जिम्मेवार बनाउदै किसान र गरिबका समस्याहरुको दिर्घकालिन समाधान खोज्ने सहमति भएको प्रदेश सभा सदस्य जयसवालले वताए ।
 
सबै संग समन्वय र सहकार्य गरी अघि बढ्ने निर्वाचन अघिको उद्घोष बमोजिम नवनिर्वाचित जयसवालले दुईटा छुट्टा छुट्टै बैठक आयोजना गरेका थिए । जयसवालले पहिलो बैठकमा पर्सा क्षेत्र न.३ का सबै प्रतिनिधि सभाका उम्मेदवार र आफु निर्वाचित प्रदेश सभा क्षेत्रका सबै उम्मेदवारुलाई बाेलाएपनि काेई उपस्थित भएनन् ।
 
दोश्रो बैठकमा क्षेत्र अन्तर्गतका विभिन्न पालिकाका जनप्रतिनिधिहरु उपस्थित भएपछि विभिन्न विषयमा छलफल भएकाे जयसवाले वताए ।
 
बैठक मै यस अघि क्षेत्रका १६ वटै वडाहरुमा प्रदेश सरकारको योजना अन्तर्गत शुरु भइ सम्पन्न नभएका योजनाहरु बारे र संघीय योजना अन्तर्गत बर्षौ पहिले शुरु भएर हाल सम्म पनि सम्पन्न हुन नसकेका योजनाहरु बारे चासो राख्दै प्रदेश सभा सदस्य जयसवालले सम्बन्धित वडा/ पालिकाका प्रतिनिधिज्यूहरु मार्फत जानकारी लिनु भएको थियो ।
 
जयसवालको पहलमा यस प्रकारको बैठक मधेस प्रदेश मै पहिलो पटक भएको भन्दै सहभागी जनप्रतिनिधिज्यूहरुले प्रसंसा समेत  गरेका थिए ।
 
निर्वाचित भएकाे प्रमाण पत्र बुझे लग्तै मलखाद समस्य बारे बुझ्न सदरमुकाम पुगे
 
यसैगरी मंगलबार प्रदेश सभा सदस्य जयसवाले साल्ट ट्रेडिङ्ग र कृषि सामग्री कम्पनि लिमिटेडका प्रमुखहरुसँग पनि छलफल गरेका थिए । प्रदेश सभा सदस्यमा निर्वाचित भएकाे प्रमाण पत्र बुझे लगतै जयसवालले स्थानिय नेता र कृषक प्रतिनिधि सहित वीरगंज स्थित साल्ट ट्रेडिङ्ग र कृषि सामग्री कम्पनि लिमिटेडमा पुगी कार्यालय प्रमुखहरुसँग भेटेर किसानहरुले भोगि रहेका मलखादको समस्या बारे छलफल गरेका थिए ।
 
छलफलकाे क्रममा उपलब्ध रहेको मलखाद छिटोभन्दा छिटो कृषकहरु सम्म पुर्‍‍याउन  र थप मलखादको व्यवस्थापनमा लाग्ने बारे छलफल गरेका थिए ।
 
किसानहरुलाइ आवश्यक मलखाद व्यवस्थापन गर्न नसक्नु सरकार र जिम्मेवार निकायको गैरजिम्मेवारीपन भएकोले आफुले यो समस्याको दिर्घकालिन समाधानको लागि आफ्नो सपथग्रहण पछि सदनमा आवाज उठाउने बताउदै हाल उपलब्ध मलखाद यथासिघ्र किसानलाइ सहजरुपमा प्रदान गर्ने बारे छलफल गरेकाे प्रदेश सभा सदस्य जयसवालले वताए । 
 
उनले पालिकामा मलखाद बिक्री बितरण गर्न तोकिएका सबै सहकारीलाइ मलखाद ल्याउन केही पालिकाहरुले सिफारिस नदिदा किसानहरु धेरै मार्कामा परेका र राजनैतिक पुर्वाग्रहका कारण सबै किसानलाई मलखाद नदिइनु जस्ता समस्या बारे सबैको ध्यानाकर्षण गराउदै यस प्रकार को कमीकमजोरी सच्याउन र वितरण प्रणाली प्रभावकारी बनाउन निर्देशन दिएकाे वताए ।
 
उपलब्ध मलखाद नपुग भएमा भारतबाट किसानले १-२ बोरा गुणस्तरीय मलखाद सहज रुपमा ल्याउन मिल्ने गरी सहजीकरण गर्न पनि जयसवाले माग गरेका थिए ।
 
२-३ दिन दिन भित्र मलखादको वितरण प्रणाली सहज र पारदर्शी नबनाए र मलखादको व्यवस्थापनमा ठोस कदम नचाले किसानहरु आन्दोलित हुन बाध्य हुने र आवश्यक परे सो नेतृत्वको अगुवाइ समेत आफुले गर्ने चेतावनी समेत प्रदेश सभा सदस्य जयसवालले दिए ।
 

नेकपा एसकाे अझै कटेन थ्रेसहोल्ड, एमालेकाे अग्रता कायमै

0

काठमाडौं– प्रतिनिधि सभाको समानुपातिकतर्फको मतगणना जारी छ। बुधबार साँझसम्मको तथ्याङ्कअनुसार समानुपातिकतर्फ नेकपा (एमाले)को अग्रता छ । हालसम्मको एक करोड एक लाख ७१ हजार दुई सय ७३ सदर मतमध्ये एमालेले २७ लाख २० हजार छ सय ३९ मत प्राप्त गरेको छ। 

नेपाली कांग्रेसले २५ लाख ८५ हजार ९०, नेकपा (माओवादी केन्द्र)ले ११ लाख ५३ हजार चार सय ४३, राष्ट्रिय स्वतन्त्र पार्टीले ११ लाख चार हजार दुई सय ४५, राष्ट्रिय प्रजातन्त्र पार्टीले पाँच लाख ७९ हजार दुई सय ७५ मत प्राप्त गरेकाे छ ।

त्ययैगरी जनता समाजवादी पार्टीले चार लाख आठ हजार ९ सय ६४, जनमत पार्टीले तीन लाख ७६ हजार एक सय ९९, नेकपा (एकीकृत समाजवादी) ले दुई लाख ९० हजार एक सय ९६, नागरिक उन्मुक्ति पार्टीले दुई लाख ६८ हजार ४ सय ३६ र लाेकतान्त्रिक समाजवादी पार्टीले एक लाख ४९ हजार ८ सय ३२  मत प्राप्त गरेका छन्। 

बिपद, पुर्वतयारी तथा प्रतिकार्य कार्यशाला गोष्ठी सुरु

0

वीरगंज । वीरगंजमा तिनदिने पालिका स्तरीय कार्यशाला गोष्ठी बुधबारदेखी सुरु भएको छ । होटेल कुमु प्यालेशमा स्थानीय तहको शिक्षा क्षेत्रका लागि बिपद ,पुर्वतयारी तथा प्रतिकार्य योजनाका लागि पालिका स्तरीय कार्यशाला गोष्ठी सुरु भएको पालिका कल्स्टर संयोजक मित्रदेव यादवले जानकारी दिए ।

युरोपियन युनियनको आर्थिक सहयोग तथा शिक्षा बिज्ञान तथा प्रबिधि मन्त्रालय, MERCY CORPS , NSET र EDUCATIONAL को प्राबिधिक सहयोग र शिक्षा बिकास निर्देशनालय मधेस प्रदेशको आयोजना गोष्ठी संचालन भएको हो ।

पालिका स्तरीय कार्यशाला गोष्ठीमा पर्साका पोखरीया नगरपालिका , जिराभवानी गाउँपालिका र पटेर्वा सुगौली गाउँपालिकाका शिक्षा संयोजक र शिक्षक गरि २४ जना सहभागी भएका छ ।

पालिका स्तरीय कार्यशाला गोष्ठीको उदघाटन गर्दै पोखरीया नगरपालिकाका नगर प्रमुख प्रदुमन चौहानले स्थानीय तहको शिक्षा क्षेत्रका लागि बिपद ,पुर्वतयारी सम्बन्धि कार्यक्रम महत्त्वपूर्ण रहेकाले यसबारे सबैलाई जानकार हुने आवश्यक रहेको बताए ।

उनले गोष्ठीमा शिक्षकहरुले सिकेका सबै जानकारी शिक्षाको माध्यमले ब्यवहारमा लागु गर्न आग्रह गरेका थिए ।

शिक्षा बिकास निर्देशनालयका रामप्रवेश साहको अध्यक्षतामा भएको उदघाटन कार्यक्रममा डिडिआरआरका फोकल पर्सन सुशील पण्डितले कार्यक्रम बारेमा जानकारी गराएका थिए । कार्यक्रमको सहजीकरण पालिका कल्स्टर संयोजक मित्रदेव यादवले गरेका थिए ।

एल.एस न्युरो अस्पतालमा आमा सुरक्षा कार्यक्रम लागु, प्रसूति सेवा निशुल्क

0

वीरगंज । बाराको परवानीपुर गाउँपालिका वडा नं. ५ नौतनमा रहेको एल.एस न्युरो अस्पतालमा आमा सुरक्षा कार्यक्रम संचालनमा आएकाे छ । नेपाल सरकारकाे स्वास्थ्य तथा जनसंख्या मन्त्रालयद्वारा संचालनमा रहेको आमा सुरक्षा कार्यक्रम संचालको अनुमती प्राप्त भएपछि कार्यक्रम लागु भएको अस्पतालले जनाएकाे छ ।

स्वास्थ्य सेवा विभाग महानिर्देशकको २०७१-०७-२५ गतेको निर्णयानुसार अस्पतालले आमा सुरक्षा कार्यक्रम संचालनको स्वीकृती पाएको अस्पतालका संचालक डाक्टर वरिष्ठ न्युरो सर्जन श्यामबाबु प्रसाद पटेलले वताए । कार्यक्रम लागु भएसँगै एल.एस न्युरो अस्पतालबाट आमा सुरक्षा कार्यक्रमको मार्फत निशुल्क प्रसूति सेवा संचालन हुने डाक्टर पटेलले जानकारी दिए ।

जस अन्तर्गत निशुल्क रुपमा प्रशुती सेवा प्रदान गनुको साथै अपरेशनको माध्यमले जन्नमिने बच्चाको पनि शुल्लक नलाग्ने अस्पतालले आयाेजना गरेकाे पत्रकार सम्मेलनमा बाेल्दै डा. पटेलले वताए । यसका साथै आमा तथा नवजात शिशु सुरक्षा कार्यक्रम कार्यविधी निर्देशिका २०७८ मा भएको व्यवस्था अनुसार अन्य सेवा प्रदान गरिने उनले बताए ।

छिपहरमाईमा सांसद रिजाललाई वजन बराबर लड्डुले तौलेर सम्मान

0

वीरगंज । पर्सा क्षेत्र नम्बर ४ बाट प्रतिनिधि सभा सदस्य (सांसद) मा निर्वाचित नेापली कांग्रेसका रमेश रिजालाई छिपहरमाई गाउँपालिकामा फरक तरिकाले सम्मान गरिएकाे छ । नवनिर्वाचित रिजालाई छिपहरमाई गाउँपालिकाकाे वडा नं. ५ भिस्वाका बासिन्दाले फरक ढङ्गले सम्मान गरेका हुन् ।

नवनिर्वाचित रिजाललाई त्यहाँका बासिन्दाले उनकाे वजन बराबर लड्डुले तौलेर सम्मान गरेकाे नेपाली कांग्रेस पर्साका सह सचिव नविन सिंहले वताए । सांसद रिजालकाे वजन बराबरको ७० किलाे लड्डू पछि गाउँमा वितरण गरिएको सह सचिव सिंहले बताए ।

नेता रिजाल सांसदमा निर्वाचित भएपछि मतदातालाई धन्यावाद ज्ञापन गर्न गाउँ गाउँमा पुग्ने गरेका छन् । त्यसै क्रममा छिपहरमाई गाउँपालिका पुगेका रिजाललाई त्यहाँ कार्यकर्ता र स्थानियले भव्य स्वागत तथा सम्मान गरेका हुन् । सम्मान ग्रहणपछि सांसद रिजालले त्यहाँका पार्टीका नेता, कार्यकर्ता तथा समर्थकसहित गाउँ परिक्रमा गरेका थिए । 

बाजागाजासहित निस्केकाे विजय जुलुश छिपहरमाई गाउँपालिकाकाे तुलसी बर्वा, बंजारी, भिस्वा, जयमंगलापुर, झलमहिया, बुढगाही, टिवकी, चरगाहा, भेडिहार्वा, मिर्जापुर, भलुवहिया लगायतको गाउँ परिक्रमा गरेकाे थियाे ।

धाेबिनीमा चाँदीकाे मुकुट लगाइयाे 

त्यसैगरी छिपहरमाई गाउँपालिकामा सांसद रिजाललाई चाँदीको मुकुट लगाएर सम्मान गरिएकाे युवा नेता सिंहले जानकारी दिए ।

नवनिर्वाचित रिजाललाई बधाई दिँदै चुनाव जितेको खुसियालीमा धोविनी गाउँपालिकाकी उपाध्यक्ष मञ्जू देवीले चाँदीको मुकुट लगाएर सम्मानित गरेकी थिइन । आइतबार निर्वाचन क्षेत्रमा मतदाताहरुलाई धन्यवाद दिनका निमित्त धोविनी गाउँपालिका वडा नम्बर ३ हरिहरपुर पुगेका रिजाललाई उपाध्यक्ष मञ्जूले बधाई तथा सफल कार्यकालकाे शुभकामना दिदै चाँदीकाे मुकुट लगाईदिएकाे नेता सिंहले वताए । 

धनुषा १ बाट जसपाका दीपक कार्की निर्वाचित, मातृका यादव पराजित

0

जनकपुरधाम । धनुषाकाे क्षेत्र नं. १ बाट प्रतिनिधि सभा सदस्यमा जनता समाजवादी पार्टीका दीपक कार्की निर्वाचित भएका छन् ।निकटतम प्रतिस्पर्धी नेकपा माओवादी केन्द्रका उपमहासचिव मातृका यादवलाई ५ हजार ४८ मतान्तरले पराजित गर्दै कार्की निर्वाचित भएका हुन् ।

एमाले-जसपाका सांझा उम्मेदवार समेत रहेका कार्कीले २७ हजार ४३१ मत ल्याए भने ५ दलिय बाम लाेकतान्त्रिक गठबन्धनका उम्मेदवार समेत रहेका यादवले २१ हजार ४८३ मत पाए । तेस्रो स्थानमा रहेको जनमत पार्टीका उम्मेदवार किशोरी साहले १४ हजार ४६७ मत पाए । 

यसअघि २०७४ को निर्वाचनमा मातृकाले कार्कीलाई पराजित गर्दै जित निकालेका थिए । 

त्यसैगरी यस क्षेत्रका राप्रका उम्मेदवार मनाेज मल्ल ठकुरी ८ हजार २७३ मत र राष्ट्रिय स्वतन्त्र पार्टीका उम्मेदवार धर्मेन्द्र कुमार राय ३६४ मत मात्र पाएका छन् ।

मुम्बई आतंककारी हमलाको विरोधमा वीरगंजमा शान्तिपूर्ण मार्च

0

वीरगंज । सन् २००८ नोभेम्बर २६ मा भारतको मुम्बईमा भएको आतंकी हमलामा ज्यान गुमाएको सम्झनामा वीरगंजमा शनिबार क्यान्डील मार्च निकालिएको छ । स्वतन्त्र युवा समाज नामक संस्थाको आयोजनामा सयौंको सहभागितामा वीरगंजका युवा युवतीहरुले क्यान्डील मार्च निकालेका हुन ।

उनीहरुले २६-११ मुम्बई आतंकी हमला मानवताको लागि कलंक हो, आतंकी हमलाका दोषी पाकिस्तान मुर्दाबाद, आतंकबाद विचारधाराको अन्त्य होस, विश्वशान्तिमा अवरोधक आतंकबाद मुर्दाबाद, आतंकबादको जन्मदाता पाकिस्तान मुर्दाबाद लगायत अंकित नारा उल्लेख गरिएको प्लेकार्ड समेत प्रर्दशन गरेका थिए ।

वीरगंजकाे माईस्थान मन्दीर अगाडीबाट निकालिएको मार्चमा सहभागिहरुले आतंकबाद विरुद्ध चर्को नाराबाजी समेत गरेका थिए । आर्दशनगर, कैलाशचौक, घडिअर्वा, गितामन्दीर रोड हुँदै पुन: घण्टाघर चोकमा पुगेर समापन भएको थियो ।

कोणसभालाई सम्बोधन गर्दै स्वतन्त्र युवा समाजका अध्यक्ष कृष्ण चौरसियाले मानवताका विरुद्ध जनुसुकै देशमा अन्याय अत्याचार भए त्यस्तो मानवता विरोधीलाई परास्त गर्न नेपालीहरु पनि पछि नहट्ने चेतावनी दिए । उनले पाकिस्तानी आतंककारीले भारतमा हिन्दूलाई लक्षित गरी गरेको आतंकी हमलाको कडा निन्दा गर्दै यसको घोर भत्र्सना समेत गरे ।

विश्वको जनुसुकै देशमा रहेको हिन्दूमाथि कुनैपनि प्रकारको हमला भए नेपाली हिन्दूलाई असहन हुने बताउँदै त्यसको विरोध नेपालमा गरिने चेतावनी समेत दिए । उनले भने, मानवता विरोधी गतिविधि गर्ने आतंकबादलाई विश्वबाट नै अन्त्य गर्नु पर्छ ।

नोभेम्बर २६, २००८ मा पाकिस्तानी आतंकबादी संगठन लश्कर–ए–तैयबाका दश प्रशिक्षित र भारी सशस्त्र लडाकूहरूले मुम्बईका धेरै ठाउँहरू र प्रतिष्ठित भवनहरूमा आक्रमण गरेका थिए । चार दिनसम्मसम्म चलेको हमलामा १६० जनाभन्दा बढी मानिस मारिएका थिए । आक्रमणकारीले मुम्बईका दुई पाँचतारे होटल, अस्पताल, रेलवे स्टेशन र यहुदी केन्द्रलाई निशाना बनाएका थिए ।

स्वतन्त्रबाट प्रदेशसभा सदस्यमा निर्वाचित जयसवालकाे फरक शैली

0

वीरगंज । पर्सा क्षेत्र नं. ३ (१) बाट प्रदेश सभा सदस्यमा निर्वाचित प्रमाेद जयसवालले फरक शैली अपनाएका छन् । स्वतन्त्र उम्मेदवार भई प्रदेश सभा सदस्यमा निर्वाचित भएका जयसवाल अरु उम्मेदवार भन्दा फरक शैली अपनाउँदै मतदाताकाे घरदैलाेमा पुगेर धन्यावाद ज्ञापन गर्न थालेका हुन् ।

पर्साकाे अरु क्षेत्रमा विभिन्न दलबाट नवनिर्वाचित प्रतिनिधि सभा तथा प्रदेश सभा सदस्यहरु दिनहुँ जसाे डिजेबाजा र तामझामसहित विजय जुलुश गरिरहेता पनि जिल्लामा एकलै मात्र स्वतन्त्र जितेका जयसवालले फरक शैली अपनाएका छन् । उनी निर्वाचन सम्पन्न हुनु भन्दा पहिला गरेकाे घरदैलाे निर्वाचित भए पश्चात पनि गरि मतदातालाई भेट्दै धन्यावाद ज्ञापन गर्नुकाे साथै सल्ला सुझाव समेत लिइरहेका छन् । 

निर्वाचन सम्पन्न हुनु अघि निर्वाचित सबै उम्मेदवारहरुले मतदाताकाे घरदैलाेमा पुगेर हात जाेड्दै मत मागे पनि हाल निर्वाचित भएपश्चात डिजेबाजा, अश्लिल नाच र ठुलाे ताम झामसहित विजय जुलुश गरिरहेका छन् । विजय जुलुशमा सहभागि नवनिर्वाचित उम्मेदवारहरुले गाडीबाट नै हात हलाउँदै राेड शाे गरिरहेका छन् ।   

तर स्वतन्त्रबाट नवनिर्वाचित प्रदेशसभा सदस्य जयसवाल शनिबार चाैथाे दिन पोखरिया नगरपालिकाकाे वडा नं. २ लमरिया, डमरापुर, बहुदरमाई नगरपालिकाकाे वडा नं. ५ को पटनी, बलिरामपुर, वर्वा, भौराटार, सखुवा प्रसौनी गाउँपालिकाकाे वडा नं. २ को सखुइ, जमुनिया, प्रसौनी, पचगावा, श्रीपुर, घुसुकपुरमा घरदैलाे गरेका हुन् । 

घरदैलाेकाे क्रममा उनले आफुलाई मतदान गरि निर्वाचित गराएकाेमा धन्यावाद ज्ञापन गर्दै सल्ला सुझाव समेत लिने गरेका छन् । धन्यावाद ज्ञापन गर्ने क्रममा जनताकाे समस्या बुझ्दा हाल सबभन्दा विकारालकाे समस्या कृषकलाई मलकाे रहेकाे नवनिर्वाचित प्रदेश सभा सदस्य जयसवालले वताए ।

हाल गहुँ तथा मसुरी खेती गर्ने समयमा आवश्यक पर्ने डिएपी तथा युरिया मल नपाएकाे समस्या रहेकाे उनले वताए । साथै उन्न किसिमकाे गहुँकाे विउ पनि पाउन समस्या भएकाे कृषकहरुले गुनासाे गरेकाे जयसवालले वताए । मल र विउकाे समस्या पनि समाधान भईदिएकाे भए ठूलाे राहत हुने थियाे उनले सुनाए । कृषककाे समस्याकाे लागि आफुले आफ्नाे तहबाट समाधान गर्ने प्रयास गर्ने समेत आश्वासन दिए ।

समाजिक क्षेत्रकाे लामाे अनुभव रहेकाे नवनिर्वाचित जयसवालसंग त्यस क्षेत्रकाे जनता ठूलाे आश समेत गरेका छन् । जयसवाल सखुवा प्रसाैनी गाउँपालिकाका पूर्व अध्यक्ष प्रदिप जयसवालका दाई हुन् ।

सर्लाही २ मा राजेन्द्र महताेलाई हराउँदै महिन्द्र राय यादव विजयी

0

वीरगंज । मधेश प्रदेशकाे सर्लाही क्षेत्र नं. २ बाट प्रतिनिधिसभा सदस्यमा नेपाल समाजवादी पार्टीका अध्यक्ष महिन्द्र राय यादव निर्वाचित भएका छन् । लोकतान्त्रिक समाजवादी पार्टीका वरिष्ठ नेता राजेन्द्र महतोलाई २ हजार ११ मतान्तरले पराजित गर्दै यादव निर्वाचित भएका हुन् ।

नेकपा माओवादी केन्द्रकाे चुनाव चिन्हबाट चुनाव लडेका महिन्द्रले २३ हजार ५२९ मत पाउँदा राजेन्द्रले २१ हजार ५१८ मत पाए । २०७४ सालमा धनुषा ३ बाट प्रतिनिधिसभा सदस्य निर्वाचित महतो यस वर्ष क्षेत्र फेरेर सर्लाही पुगेका थिए ।

महतोको दल लोकतान्त्रिक समाजवादी पार्टी सत्ता गठबन्धनमा रहे पनि यो क्षेत्रमा भने सत्ता गठबन्धनले यादवलाई साथ दिएको थियो ।

यसै क्षेत्रका प्रतिनिधि सभा सदस्यका नेकपा एमाले उम्मेदवार राजनारायण साहले १४ हजार ८१९ मत, जनमत पार्टी नरेश प्रसाद कुशवाहा ६ हजार ५५४ मत, नेपाल संघिय समाजवादी पार्टीका माेस्तकिम अंसारी १६४ मत, हाम्राे नेपाली पार्टीका बिरबंश बैठा ९०६ मत, राप्रपाका विकेश महताे ६७३ मत र राष्ट्रिय स्वतन्त्र पार्टीका जयकरण महताे ५६९ मत पाएका छन् ।