Date
मङ्ल, मंसिर १, २०८३
Tue, November 17, 2026
Home Blog Page 590

सखुवा प्रसौनीवासीले नि:शूल्क रगत पाउने

0

वीरगंज । पर्साको सखुवाप्रसौनी गाउँपालिकाबासीले निःशूल्क रुपमा रगत प्राप्त गर्ने भएका छन् । सखुवाप्रसौनी गाउँपालिका र नेपाल रेडक्रस सोसाइटी पर्सा बिच भएको सम्झौता बमोजिम त्याहाँका बासिन्दाका लागि आवश्यक पर्ने रगत निःशूल्क रुपमा प्राप्त गर्ने भएका हुन् ।

रक्त सञ्चार केन्द्र वीरगंजसंग भएको सम्झौतामा सखुवाप्रसौनीका बासिन्दालाई उपचारका लागि आवश्यक पर्ने रगत चिकित्सकको सल्लाह अनुसार प्रदान गर्न भनिएको छ भने त्यसको भुक्तानी गाउँपालिकाले नै गर्ने सम्झौता पत्रमा लेखिएको छ । 

त्याहाँका बासिन्दाले चिकित्सकबाट गरिएको सिफारिसको प्रतिलिपी रक्तसञ्चार केन्द्रमा दिएर रगत प्राप्त गर्न सक्नेछन् । यस्तै गाउँपालिकाका कर्मचारीको हकमा गाउँपालिका अध्यक्ष, स्वास्थ्य प्रमुख एवम् प्रमुख प्रशासकिय अधिकृतले सिफारिस गर्नुपर्ने छ भने सर्वसाधारणको हकमा पहिचान खुल्ने प्रमाणपत्र पेश गर्नुपर्नेछ । 

प्रत्येक महिनाको ५ गतेसम्म रक्तसञ्चार केन्द्रबाट बिरामीलाई उपलब्ध गराइएको रगतको हिसाव गाउँपालिकाको प्रतिनिधिलाई उपलब्ध गराइने पनि सम्झौता पत्रमा भनिएको छ । 

सम्झौतामा कुनै किसिमको फेरबदल गर्नु परेमा एक पक्षले अर्को पक्षलाई पूर्व जानकारी गराउनुपर्ने छ । रगतको ब्याग, क्रसमैच, ग्रुपिङ्ग एवम् परीक्षण वापत प्रति युनिट १ हजार ५० रुपैयाँ शूल्क गाउँपालिकाले नै तिर्ने सखुवाप्रसौनी गाउँपालिकाका अध्यक्ष यसवन्त यादवले बताए । 

वीरगंजमा नि:शुल्क स्थायी बन्ध्याकरण शिविर सुरु

0

वीरगंज । वीरगंजमा सोमबारदेखि निशुल्क स्थायी बन्ध्याकरण (भ्यासेक्टोमी, मिनिल्याप) शिविर सुरु भएको छ । सोमबारदेखि सुरु भएको शिविर पुष ९ गतेसम्म सञ्चालन हुने छ ।

वीरगंज महानगरपालिकाको वडा नम्वर १७ देखि ३२ सम्मका सेवाग्राहीलाई लक्षित गर्दै बन्ध्याकरण शिविर आयोजना गरिएको महानगरको स्वास्थ्य महाशाखाकी इन्दिरा लोहनीले जानकारी दिइन् । महानगरको ग्रामिण भेगलाई लक्षित गर्दै २ वटा स्थानमा शिविर राखेर सेवा दिइरहेको पनि उनले बताइन् ।

वडा नम्वर २५ को सिर्सिया स्वास्थ्य चौकी र ३० को लालपर्सा स्वास्थ्य चौकीबाट १६ वटा वडाका सेवाग्राहीलाई लक्षित गर्दै बन्ध्याकरण शिविर सन्चालन गरिएको महानगरपालिकाले जनाएकाे छ ।

सेवाग्राहीलाई स्वास्थ्य चौकीसम्म ल्याउन र लैजान वीरगंज महानगरपालिका, जनस्वास्थ्य र मेरिस्टोप्सले सवारी उपलब्ध गराएको छ ।

यस्तै वीरगंज महानगरपालिकाले शिविरमा सेवा लिएका सेवाग्राहीलाई निशुल्क औषधीका साथै न्यानो कपडा उपलब्ध गराएको छ । शिविरमा अधिकांश महिलाले मात्रै स्थायी बन्ध्याकरण गराएको महानगरपालिकाको स्वास्थ्य महाशाखाकी लोहनीले जानकारी दिइन् ।

नेपाल जेसीजको ४९ औं राष्ट्रिय महाधिवेशन वीरगंजमा हुँदै

0

वीरगंज । नेपाल जेसीजको ४९ औ राष्ट्रिय महाधिवेशन वीरगंजमा हुन लागेकाे छ । पुष ७ गतेदेखि १० गते सम्म हुने महाधिवेशनकाे तयारी अन्तिम चरणमा रहेकाे जेसीजले साेमबार पत्रकार सम्मेलनकाे आयाेजना गरी जानकारी गराएकाे छ ।

३ रात र ४ दिन हुने महाधिवेशन वीरगंजको होटल भिस्वामा हुने र आउने अथितीहरु अवाशको वेवस्ता अन्तिम चरणमा रहेको महाधिवेशन निर्देशक जेसी गाेपाल केडियाले जानकारी दिए ।

“विभिन्न विकासका अवसरहरुद्वारा युवा शसक्तिकरण गर्दै सकारात्मक परिवर्तन गर्न” अधिवेशनकाे उद्देश्य रहेकाे संयाेजक केडियाले वताए । पत्रकार सम्मेलनमा वाेल्दै उनले भने “संक्रिय युवाहरुको नेतृत्वदायी विशवव्यापी संजाल निर्माण गर्ने । “दर्शन र शासन व्यक्तिको हैन विधीको हुन पर्छ भन्ने मान्यता जेसिजकाे रहेकाे छ ।”

महाधिवेशनमा नेपाल भरीको १७१ शाखाहरुको ३ हजार भन्दा माथीका युवाहरुको सहभागीता रहने छ । महाधिवेशनले वीरगंज संगसगै प्रदेशको आन्तरीक पर्यटन लगायत आर्थिक तथा व्यापार विकाशमा टेवा पुर्याउने केडियाले वताए ।  

महाधिवेशनमा विभिन्न तालिमको कार्यक्रम, व्यक्तिव कला प्रतियोगीता, नेपाल जेसीजको थिम “Act For Impact” मा टक शो तथा विभिन्न मनोरन्जनात्मक कार्यक्रम पनि रहने वीरगंज जेसीजका अध्यक्ष जेसी अमित गाैराेले वताए। साथै महाधिवेशनकाे दाेस्राे दिन पोष ८ गते विहानको वीरगंज निस्कने शान्ती रैली  घडीवरवा पोखरी – होटल पुजन होटल मकालु माईस्थान चौक घण्टाघरमा – विभिन्न समुदायको आफ्नो पहिचान झलकीने पहिरण सहीत विभिन्न झार्की नाच गान र शान्ती रैलीमा सहभागी आतिथीज्यूहरुलाई ठाउँ ठाउँमा स्वागत गर्ने कार्यक्रम रहेकाे उनले जानकारी गराए ।

 महाधिबेशनबाट नै वर्ष २०२३ को जेसीजकाे नेतृत्वको पनि चयन गर्ने जनाइएकाे छ । महाधिवेशनमा प्रमुख अतिथिमा मधेश प्रदेशको मुख्यमन्त्री लालबाबु राउत रहेकाे आयाेजकले जनाएकाे छ । एक कराेड ३७ लाख जति महाधिवेशनमा खर्च हुने आयाेजककाे भनाई छ । 

सार्वजनिक जग्गा खोज्दै वीरगंज महानगर

0

वीरगंज । वीरगंज महानगरपालिकाले नगर भित्र रहेका सार्वजनिक तथा ऐलानी जग्गा खोजी गर्न सुरु गरेको छ । सार्वजनिक तथा ऐलानी जग्गा अतिक्रण गरी निजी प्रयोजनमा प्रयोग गर्दै आएको जग्गा खोजी गर्न महानगरको टोली नक्सा लिएरै संभावित स्थानमा पुग्न थालेको हो ।

सोमबार वडा नम्वर १७ र १९ को सीमामा रहेको कोनियाँ गाउँमा पुगेको टोलीले त्यहाँ अतिक्रमण गरेको सार्वजनिक जग्गा छुट्याउन दिनभर नापजाँच गरेको छ । जनप्रतिनिधिले नै कब्जा गरेको सार्वजनिक जग्गा छुट्याउन नापजाँच गरेर महानगरले सार्वजनिक जग्गा खोजी अभियानको थालनी गरेको हो ।

सोमबार महानगरको टोलीले वडा नम्वर १७ का वडा सदस्य अमोद यादवले अतिक्रमण गरेर भोगचलन गर्दै आएको वडा नम्वर १९ कोनियाँमा पर्ने सार्वजनिक जग्गा आफ्नो अधिनमा ल्याउन नापजाँच गरेको हो ।

यादवले आफ्नो नाममा रहेको ७ कट्ठा जग्गाको आडैमा रहेको ४ विघा सार्वजनिक जग्गा अतिक्रमण गरी निजी प्रयोजनमा प्रयोग गर्दै आएको वडा नम्वर १९ का वडाध्यक्ष मुकेश कुमार चौरसियाले बताए ।

वीरगंज महानगरपालिकाका नगर प्रमुख राजेशमान सिंहले नगरक्षेत्र भित्र रहेका सार्वजनिक जग्गा पहिचान गरी महानगर माताहातमा ल्याउन अभियान चलाउनु भएको हो । अहिले महानगरसँग आफ्नो क्षेत्रमा रहेका सार्वजनिक जग्गा कति छ भन्ने कुनै पनि तथ्यांक छैन । तथ्यांक नहुँदा काम गर्न कठिनाई भएकाले महानगरले आफ्नो सीमा भित्र रहेका सार्वजनिक सम्पत्ति संरक्षण गर्न जग्गा खोजि अभियान अघि बढाइएको नगरप्रमुख सिंहले बताए ।

सोमबार पहिलो दिन भएको र यो अभियान अब ३२ वटै वडामा संचालन हुने पनि महानगरले जनाएको छ । हरेक वडामा रहेका सार्वजनिक जग्गा तथा सम्पत्तिको अभिलेखिकरण गरेर राख्न र आवश्यकता अनुसार प्रयोग गर्न महानगरले खोजी अभियान अघि बढाएको पनि नगरप्रमुख सिंहले बताए ।

अभियान अन्तर्गत सोमबार नगर प्रमुख सिंहको सचिवालयका हरि पोखरेल, नगर प्रहरी प्रमुख हरि भुषाल, नक्सा शाखाका सर्वेक्षक निरज चौरसिया, अमिन लेखनारायण कर्ण, १९ नम्बर वडाका अमिन रामेश्वर प्रसाद कुशवाहा लगायत वडा नम्वर १७ र १९ का वडाध्यक्ष तथा जनप्रतिनिधिको सहभागिता रहेको थियो ।

पत्रकार महासंघ मधेस प्रदेशको तेस्रो साधारणसभा वीरगंजमा सम्पन्न

0
वीरगंज । नेपाल पत्रकार महासंघ मधेस प्रदेशको तेस्रो साधारणसभा वीरगंजमा आइतबार सम्पन्न भएको छ ।
 
साधारण सभाले पत्रकारको हकहितको लागि सशक्त भएर अघि बढ्ने निर्णय गर्दै पत्रकारको भरभोषणको लागि अक्षय कोषको स्थापना, पत्रकारको भौतिक सुरक्षाको लागि जिवन बिमा तथा क्षमता अभिवृद्धिको लागि तालिममा बिशेष जोड दिने निर्णय गरेको महासंघका मधेश प्रदेश अध्यक्ष राजेश कर्णले जानकारी दिए । 
 
साधारण सभाकाे बन्दसत्रमा महासचिव श्याम बन्जाराले प्रस्तुत गरेको सांगठनिक प्रतिवेदन र कोषाध्यक्ष विश्वनाथ ठाकुरले प्रस्तुत गरेको आर्थिक प्रतिवेदन सर्वसहमतिले पारित भएकाे थियाे ।
 
सधारण सभाकाे उद्घाटन मधेश प्रदेशका मुख्यमन्त्री लालबाबु राउत गद्दीले गरेका थिए । उद्घाटन समाराेहलाई सम्बाेधन गर्दै मुख्यमन्त्री गद्दीले पत्रकार सुरक्षाको लागि प्रदेशका ८ वटै जिल्लाका करिव एक हजार पत्रकारको जिवन बिमा गर्ने लक्ष्य रहेको र सो बिमा योजना पर्साबाट शुरु गर्ने वताए ।
 
उद्घाटन समारोहमा प्रतिनिधिसभा सदस्य राजकुमार गुप्ता, प्रदेश सभा सदस्य श्याम पटेल, नेपाल पत्रकार महासंघका केन्द्रिय बरिष्ठ उपाध्यक्ष रमेश बिष्ट, सचिव दिपेन्द्र चौहान, केन्द्रिय सदस्य केसी लामिछाने, शिव पुरी, रिंकु मिश्रा, प्रेस काउन्सिल नेपालका सदस्य लालबाबु शेख, वीरगंज उद्योग वाणिज्य संघका अध्यक्ष सुवोध गुप्ता लगायतले शुभकामना मन्तव्य राखेका थिए ।

वीरगंज १५ मा बाटो अतिक्रमण हटायाे महानगर

0

वीरगंज । वीरगंज महानगरपालिकाले नगरको विभिन्न स्थानका फुटपाथ र नाला माथी राखेको निर्माण सामग्री हटाउने कार्य अन्तरगत आइतबार वीरगंज महानगरपालिकाकाे वडा नम्बर १५ मा पर्ने इनरवाईपासको ४० फिटे बाटोको अतिक्रमण हटाउने कार्य सम्पन्न गरेको छ ।

इनरबाईपासको ४० फिटे सडक छेउ, फुटपाथ र नालामाथि जथाभावी निर्माण सामग्री तथा ठेला राखेर व्यवसाय गर्दा पैदल हिँड्न र सवारी दुर्घटनासमेत हुन सक्ने देखिएकाले महानगरले त्यसलाई हटाउन थालेको हो । महानगरले दुई दिन लगाएर ४० फिटे बाटोको अतिक्रमण हटाएको वीरगञ्ज महानगरका फोहोर व्यवस्थापन तथा हरियाली समितिका संयोजक जयप्रकाश खेतानले जानकारी दिए ।

अतिक्रमण नियन्त्रण र पार्किङ कार्यान्वयनका लागि खटिएको अभियानमा वीरगञ्ज महानगरपालिकाका सरसफाई तथा बृक्षारोपण संयोजक जयप्रकाश खेतान, बीरगंज महानगरपालिकाका सरसफाई शाखा प्रमुख सरफुद्दिन मिया सहितको टिम, नगर प्रहरी इन्चार्ज हरि भुषालको कमाण्डमा खटिएको टिम तथा बस पार्क प्रहरी चौकीका प्रहरी जवानहरुको सहभागिता रहेको थियो ।

ट्रककाे ठक्करबाट शिक्षक कुशवाहाकाे मृत्यु, शाेकमा विदा

0

वीरगंज । सवारी दुर्घटनामा परी पर्साकाे कालिकामाई गाउँपालिका वडा नं. २ मा रहेकाे श्री सुकई साह माध्यमिक विद्यालय भेडिहारीका शिक्षक ३५ बर्षिय रामनरेश प्रसाद कुशवाहाकाे शनिबार मृत्यु भएकाे छ ।

भारत बिहारकाे रामनगरमा ट्रककाे ठक्करबाट कालिकामाई गाउँपालिका वडा नं. २ भेडिहारी निवासी शिक्षक कुशवाहाकाे शनिबार दिउसाे ३ बजेकाे करिबमा मृत्यु भएकाे प्रहरीले जनाएकाे छ । रामनगरस्थित चिनिमिल अगाडीकाे सडकमा माेटरसाइकलमा सवार उनलाई ट्रकले ठक्कर दिएकाे थियाे । ठक्कर दिने ट्रक रामनगर चिनिमिल कै रहेकाे वताइएकाे छ । 

स्थानियका अनुसार शिक्षक कुशवाहा शुक्रबार रामनगर पुगेका थिए । रामनगरबाट शनिबार माेटरसाइकले घर फर्कने क्रममा ट्रकले ठक्कर दिदाँ शिक्षक कुशवाहाकाे घटना स्थल मै मृत्यु भएकाे थियाे । मृतक कुशवाहाकाे दुई छाेरा र एक छाेरी छन् ।

शिक्षक कुशवाहाकाे सवारी दुर्घटनामा परि निधन भएकाे शाेकमा कालिकामाई गाउँपालिकाले आइतबार विदा दिएकाे छ ।

गाउँ कार्यपालिकाका कार्यालयले आइतबार एक सूचना जारी गर्दै सवारी दुर्घटनामा परि शिक्षक कुशवाहाकाे भएकाे असामयिक निधनले सिंगो कालिकामाई गाउँपालिकालाई स्तब्ध तुल्याएको जनाएकाे छ । अकल्पनिय दुःखद घडिमा दिवंगत आत्माले शान्ति पाओस, वैकुण्ठमा वास होस् र शोक सन्तब्ध परिवार प्रति पर्न गएको अपूर्णिय छतिमा ईश्वरले धैर्य धारण गर्ने शक्ति प्रदान गरुन् भन्ने कामना गर्दै हार्दिक श्रद्धाञ्जली व्यक्त गर्दै समवेदना प्रकट समेत गाउँपालिकाले गरेकाे छ ।

साथै कालिकामाई गाउँ कार्यपालिकाको आइतबार बसेको आकस्मिक बैठकको निर्णय बमोजिम कालिकामाई गाउँपालिकाको कार्यालय, वडा कार्यालय, शैक्षकि संस्था तथा गाउँपालिका मातहतका कार्यालयहरुमा मिति २०७९-०९-०३ गते आईतवारका दिन विदा हुने जारी सूचनामा उल्लेख गरिएकाे छ ।

आशा किरण केन्द्रको वार्षिकोत्स सम्पन्न

0
वीरगंज । आशा किरण केन्द्र वीरगंजकाे वार्षिकोत्सकाे अवसरमार विभिन्न कार्यक्रमहरु सम्पन्न भएकाे छ । वीरगंजकाे सिद्धार्थ माध्यमिक विद्यालयमा रहेको आशा किरण केन्द्रले सुस्त मनस्थिति, मस्तिष्क पक्षघात बालबालिकाहरुको सहिपहिचानका लागि नि:शुल्क स्वास्थ परिक्षण शिविरको आयोजना गरेको हो ।
 
एकल महिला, वृद्ध, जेष्ठ नागरिक, बालबालिकाहरुका लागि आयाेजित शिविरमा दक्ष चिकित्सकको टोलीद्वारा आँखा, दात, स्त्रीरोग, हार्डजोर्नी, फिजिसियन, बालबालिका लगायत स्वास्थ्य सम्बन्धि सल्लाह सुझाव सहित नि:शुल्क औषधि समेत उपलब्ध गराइएकाे आशा किरण केन्द्रका महासचिव राजन श्रीवास्तवले जानकारी दिए । शिविरमा ६ सय २७ जनाले लभान्वित भएकाे महासचिव श्रीवास्तवले वताए ।
 
शिविर स्थलमा पुगेका वीरगंज महानगरपालिकाका मेयर राजेशमान सिंहले यस्ता सामाजिक कार्यमा महानगरको तर्फबाट हरदम सहयोग हुने साथै माहनगरबाट यसलाई अझ बिस्तार गर्नको लागी छिटै समन्वय हुने वताए ।
 
 
भारतका महावाणिज्यदूत नितेस कुमारले बिशेष शिक्षा प्रदान गर्नका लागि विशेष बिद्यालयकाे रुपमा शुरूवात गर्नु भएकोमा आभार व्यक्त गर्दै दूतावासबाट समन्वय र सहयोग हुने प्रतिबद्धता जनाएका थिए ।
 
शिविर पश्चात् वाषिर्कोत्सव बिशेष कार्यक्रममा परिणत हुँदै कार्यक्रममा सहयोग गर्ने एवं आशा किरणबाट आजिवन सदस्य लिनेलाई प्रमाणपत्र एवं संमान-पत्र प्रदान गर्ने कार्य भएको थियो ।
 
संस्थाका संस्थापाक सुनिल गुप्ताको अध्यक्षता र स्नेह नामक संस्थाका संस्थापक पन्कज माडोकाे प्रमुख आतिथ्यतामा भएकाे कार्यक्रममा आशा किरणका कोषाध्यक्ष सन्दिप मोहता, सदस्य मधुराणा, पबित्रा गजुरेल, डा. महेस धामी, कबिता खेतान, नुतन सरावगी, अरबिन्द सिंह, अनिसकान्त कुश्वाहा, राधेश्याम गुप्ता, राधा धोकानिया, अफ्साना खातुन, दिनेस कुशवाहा, सङिता मोहता, समर कुमार लगायतको उपस्थिति रहेको थियो ।
 
आशा किरण केन्द्रको वाषिर्कोत्सवको अवसरमा पौष १ गते शुक्रबार वीरगंज महानगरपालिकाकाे वडा नं. ३१ मा एक सय थान कम्बल बितरण समेत गरिएको थियो ।

लायन्स क्लब ऑफ वीरगंजकाे स्वर्ण जयन्तीमा रक्तदान

0

वीरगंज । लायन्स क्लब ऑफ वीरगंजकाे स्वर्ण जयन्ती बर्षको अवसरमा शनिवार बीरगंज महानगरपालिकाको वड़ा नम्बर ३२ को चोरनीमा रक्तदान कार्यक्रम सम्पन्न भएको छ । लियो क्लब अफ वीरगंजको सहयोग र लायन्स क्लब अफ वीरगंजको आयोजनामा चोर्नीस्थित ज्योतिफार्म चोकमा भएकाे कार्यक्रममा ९४ जनाले रक्तदान गरेकाे रक्त संचार केन्द्र वीरगंजले जनाएकाे छ ।

लायन्स क्लब ऑफ वीरगंजका अध्यक्ष सुनील खेतानको अध्यक्षतामा भएको कार्यक्रममा ज्योति युवा क्लबका अध्यक्ष बाबूराम खनाल, गणेश बास्कोटा, नारायण प्रसाद बराल, सन्नी श्रेस्ठ, गैन बहादुर गुरुंग, बिक्की गुरुंग, निर्मल काफ़्ले, सुशांत महरजन, शक्ति ढुङ्गेल, लेश बहादुर आले मगर, सांजित राउत, आशिष श्रेस्ठ, संजय तामांग सँगै स्थानीय सरोज राम, दीपक यादव, नागेन्द्र चौधरी, शिव बालक मन्डल, उमेश कुमार पण्डित, कृष्ण कुमार राम लगायतकाले रक्तदान गरेको कार्यक्रमका संयोजक लायन पप्पु श्रीवास्तवले जानकारी दिए ।

लायन गजेन्द्र मान सिंहको प्रमुख आतिथ्यतामा भएको कार्यक्रममा लायन्स क्लब अफ वीरगंजका उपाध्यक्ष राजेश बर्णवाल, लायन्स क्लब ऑफ वीरगंजका पूर्व अध्यक्ष संतोष साह, अध्यक्ष तथा ज़ोन चेयरपर्सन छेदुप लामा, लायन्स क्लब बीरगंजका कोषाध्यक्ष गोविन्दा प्रसाद कानू, लियो क्लब अफ वीरगंजका पूर्व अध्यक्षहरू सरिता खड्गी, निकेश श्रेस्ठ, दिपेन्द्र यादव, क्लबका अध्यक्ष जेयाद अंसारी, सुजीत मंडल लगायतकाको सहभागिता रहेको थियो ।

रक्तदान कार्यक्रममा नेपाल रेडक्रस रक्त संचार केन्द्र वीरगंजका धीरेन्द्र झा नेतृत्वको प्राविधिकहरुको टोली प्राविधिक सहयोग गरेको थियो ।

सेकेण्ड फेलोसिप क्रिकेट प्रतियोगितामा पत्रकार महासंघ विजयी

0

परवानीपुर । सेकेण्ड फेलोसिप क्रिकेट प्रतियोगिता २०२२ को उपाधि नेपाल पत्रकार महासंघ पर्साले उचालेको छ । वीरगंजस्थित ज्ञानदा एकडेमीमा शनिबार आयोजित प्रतियोगितामा रोटरी क्लबलाई ९ बिकेटले हराउदै महासंघ बिजयी भएको हो ।

६ ओभरको खेलमा रोटरी क्लबले ६२ रनको टारगेट दिएको थियो । जवाफी व्याटिङ्गमा उत्रेकाे महासंघले ३ बल अगाडि नै १ बिकेटको क्षतिमा लक्ष्य भेटाएको थियो । प्रतियोगितामा सफल खतिवडा, सदाम हुसेन र अरबिन्द पटेलले आक्रमक ब्याटिङ्ग गरेका थिए ।

महासंघका कप्तान भुषण यादवले चौका प्रहार गर्दैैै खेल जिताएका थिए । यादवको कप्तानीमा खेलिएको प्रतियोगितामा आरोहण साह, राम मेहता, बिनय कुशवाहा, कृष्णा कुशवाहा, आनन्द पटेल, तिवारी यादवले उत्कृष्ट प्रर्दशन गरेका थिए ।

बैंकर एशोसियनलाई पराजित गर्दै सुखद सुरुवात गरेको महासंघले सेमिफाईनलमा वीरगंज उद्योग वाणिज्य संघलाई पराजीत गरि फाईनमा प्रवेश गरेको थियो । प्रतियोगिता अन्तर्गत खेलिएको तिन वटै खेलको म्यान अफदि म्याच महासंघका सदाम हुसेन र म्यान अफ दि सिरिजको उपाधि पनि सदामले पाएका थिए ।

बलिङ्ग तर्फ महासंघका सदाम हुसेनले ह्याट्रीक लिदै प्रतियोगितामा कुल ६ बिकेट लिदै ३२ रन बनाएका थिए । त्यस्तै प्रतियोगितामा सफल खतिवडाले २ तथा अरबिन्द पटेल र आनन्द पटेलले एक एक बिकेट हात पारेका थिए ।

सो प्रतियोगितामा ६ वटा टिमको सहभागिता रहेको थियो । प्रतियोगितामा नेपाल पत्रकार महासंघ पर्साका अध्यक्ष अनुप तिवारी , सहसचिव जितेन्द्र साह, कोषाध्यक्ष संजिव मिश्रा, बरिष्ठ पत्रकार बिजय कुशवाहा, प्रेस चाैतारी पर्साका उपाध्यक्ष तुलसीराज भण्डारी, कोषाध्यक्ष राकेश साह लगायतको उपस्थिती थियो । एनवाईईफ र वीरगंज बैंकर्सको आयोजनामा प्रतियोगिता सम्पन्न भएको थियो ।