Date
मङ्ल, मंसिर १, २०८३
Tue, November 17, 2026
Home Blog Page 589

मेडिसिटी बयोधा अस्पतालमा बेसिक लाईफ सर्पोट तालिम

0

वीरगंज । नेपाल मेडिसिटी बयोधा अस्पतालले आकस्मिक अवस्थामा मानिसहरुलाई आवश्यक पर्ने जीवन रक्षाका तरीका, सीप र ज्ञान लगायतका विषयहरुमा तालिम दिएकाे छ । अस्पतालले १ सय जना स्वास्थ्यकर्मीहरुलाई बेसिक लाईफ सपाेर्ट तालीम दिएकाे हाे ।

अस्पतालमा पौष ६ देखि ८ गते सम्मा आयोजना भएको ३ दिने तालीममा दूर्घटना वा अन्य कारणले बेहोस भएका, हर्ट अट्याक लगायतका आकस्मिक उपचार आवश्यक भएकाहरुको जीवन रक्षा गर्ने तरीकाहरु सिकाईएको अस्पतालकी एसिस्टेन्ट मेडिकल सुपरिन्टेन्डेन्ट डा. स्वेता झाले बताइन ।

तालीममा कार्डियोपल्मोनरी रिसक्सिटेसन अन्तर्गत बालबालिका, नवजात शीशु तथा वयस्कहरुलाई प्रदान गरिने आकस्मिक सेवाको प्रयोगात्मक तथा सैद्धान्तिक दुवै ज्ञान दिईएको डा. झाले बताइन ।

त्यसैगरी घांटीमा खानेकुरा लगायतका सामान अडकिएमा कसरी निकाल्ने र सोको प्रारम्भिक उपचार कसरी गर्ने सम्बन्धमा पनि सीप तथा जानकारीहरु प्रदान गरिएको अस्पतालकी डेपुटी नर्सिङ्ग सुपरिटेन्डेन्ट विद्या गुप्ताले बताइन । उपचारका लागि अब बीरगंज बाहिर जानु नपर्ने र सम्भव भए सम्म सबै उपचार आफूहरुले बीरगंजमै सम्भव बनाउने प्रयास गरिरहेको नेपाल मेडिसिटी बयोधा अस्पतालका प्रमुख विजय रिमालले बताए ।

सोही प्रयास स्वरुप आफूले आफ्नो अस्पताल तथा सहकर्मी अन्य अस्पतालका स्वास्थ्यकर्मीहरुलाई पनि तालीम दिएको उनले वताए । पर्सा र बाराका विभिन्न अस्पतालका स्वास्थ्यकर्मीहरु सहभागिता रहेकाे तालीममा नेपाल मेडिसिटी काठमाडौका बेसिक लाईफ सर्पोट प्रशिक्षकहरु ज्ञानी देवी महर्जन, रेनु चौधरी, रेजिना सिलवाल र गीता चौधरीले प्रशिक्षण दिएका थिए ।

मातृभाषा भोजपुरीमा शपथ ग्रहण गरेका सांसद यादवको प्रशंसा

0

वीरगंज । मधेशको मौलिक पहिरन धोती, कुर्ता, गम्छा र पगडी लगाएर मातृभाषा भोजपुरीमा प्रतिनिधिसभा सदस्यका रुपमा शपथ ग्रहण गरेका सांसद् प्रदीप यादवले देशमा मात्र नभएर विदेशमा पनि प्रशंसा बटुलिरहेका छन् । 

प्रतिनिधिसभा सदस्य जस्तो पदको शपथ ग्रहण गर्दा आफ्नो मौलिक संस्कृति, पहिरन र मातृभाषाको सम्मान गरेर देशमा चौतर्फी तारिफ कमाएका सांसद् यादवको भारतीय कलाकार खेसारीलाल यादवले पनि प्रशंसा गरेका छन् । 

भारतका प्रख्यात भोजपुरी गायक तथा अभिनेता खेसारीलाल शुक्रबार बिहान सामाजिक सञ्जाल मार्फत धोती कुर्ता र गम्छा लगाएर भोजपुरी भाषामा शपथ ग्रहण गरेर भाषाको मान सम्मान बढाएको बताउँदै सांसद् यादवको प्रशंसा गर्दै बधाई दिएका हुन् ।

‘छिमेकी देश नेपालको संसदमा जब भोजपुरीमा शपथ लिइनछ र त्यो पनि धोती कुर्ता र गम्छा लगाएर अनि मन गदगद भइहाल्छ,’ खेसारीलालले भोजपुरीमा लेखेका छन् ।

सांसद् यादवले भोजपुरीमा शपथ लिएको सकारात्मक प्रभावका कारण भारतमा भोजपुरी भाषा आठौँ अनुसूचीमा समावेश होस् भन्ने अपेक्षा राख्दै उनले थपेका छन्, ‘प्रदीप यादव जी तपाईलाई धेरै धेरै बधाई, भोजपुरीको मान सम्मान बढाउनुका निमित्त । आशा छ की भारतमा पनि भोजपुरीलाई आठौँ अनुसूचीमा छिट्टै समावेश गर्न यसले सकारात्मक प्रभाव पार्ने छ ।’ 

भारतमा आठौँ अनुसूचीमा समावेश भाषालाई राष्ट्रिय भाषाको मान्यता प्राप्त हुन्छ । भोजपुरी भाषालाई हालसम्म पनि भारतले आठौँ अनुसूचीमा सूचिकृत गरेको छैन ।

पर्सा निर्वाचन क्षेत्र नम्बर १ बाट दोस्रो कार्यकालका लागि विजयी यादवले बिहिबार काठमाडौँमा सम्पन्न प्रतिनिधिसभा सदस्यको शपथ ग्रहणमा मधेशको मौलिक पहिरन धोती, कुर्ता, गमछा र पगडी लगाएर भोजपुरी भाषामा शपथ लिएका थिए । भोजपुरी भाषामा शपथ ग्रहण गर्ने उनि पर्सा जिल्लाका एकल सांसद् हुन् ।

यसअघि २०७४ मा निर्वाचित हुँदा यादवले यसरीनै धोती, कुर्ता लगाएर भोजपुरी भाषामा शपथ लिएका थिए । भोजपुरी भाषाको सम्मान, संरक्षण र प्रवर्द्धनका निमित्त आफूले यस्तो गरेको उनि बताउँछन् ।

लैंगिक हिंसा निवारण कोष कार्यन्वयनमा ल्याउने प्रतिवद्धता

0

वीरगंज । लैंगिक हिंसा निवारण कोष कार्यन्वयन, प्रभावकारिता र चुनौती विषयक जिल्ला स्तरीय कार्यशाला गोष्ठी बिहिबार वीरगंजमा सम्पन्न भएको छ ।

एक्सन एड नेपाल र दिब्य युवा क्लब बिरन्चीवर्वाको संयुक्त साझेदारीमा संचालित स्थानिय अधिकार कार्यक्रम अन्तर्गत वीरगंजकाे लिंक राेडस्थित कुमु प्यालेस हाेटलमा भएकाे कार्यशाला गाेष्ठी सम्पन भएको हाे ।

गाेष्ठिमा वाेल्ने वक्ताहरुले स्थानिय तहहरुमा लैगिंक हिंसा निवारण काेषकाे लागि छुट्टै खाता संचालनमा ल्याउनु पर्ने वताए । वक्ताहरुले स्थानिय तहरुमा काेषकाे लागि छुट्टै खाता संचालनमा नल्याएसम्म प्रभावकारी नहुने वताए ।

स्थानिय तहका जनप्रतिनिधिहरुले लैंगिक हिंसा निवारण कोष कार्यन्वयनमा ल्याउने प्रतिवद्धता जनाए ।

दिव्य युवा क्लबका अध्यक्ष उमेश चौहानको अध्यक्षतामा र पकहामैनपुर गाउँपालिकाका अध्यक्ष सुरेश मेहताको प्रमुख आतिथ्यतामा भएकाे कार्यक्रममा पर्सा जिल्लामा लैगिंक हिंसाको अवस्था, कानुनी व्यवस्था र कोषको आवश्यकता बारेमा अधिवक्ता हरेराम सर्साफले कार्यपत्र प्रस्तुत गरेको थिए ।

कार्यक्रममा जगरनाथपुर गाउँपालिका अध्यक्ष श्रीकान्त यादव, सखुवा प्रसौनी गाउँपालिकाका अध्यक्ष यशवन्त यादव, उपाध्यक्ष सर्मिला बिष्ट, जिल्ल प्रहरी कार्यालय पर्साका प्रहरी नायव उपरिक्षक निर्मल बुढाथोकी, गैर सरकारी संस्था महासंघ नेपाल पर्साका अध्यक्ष छठु साह, ठोरी गाउँपालिकाका योजना प्रमुख धर्मराज थापा, महिला अधिकारकर्मी कमला घिमिरे, सामाजिक अभियन्ता लिला राम लगायतले मन्तव्य राखेका थिए ।

कार्यक्रमकाे संचालन दिव्य युवा क्लबकी कार्यक्रम संयोजक कोपीला चौलागाईले गरेकी थिइन ।

नेत्र ज्योति संघद्वारा नि:शुल्क आँखा परिक्षण शिविर

0

वीरगंज । नेपाल नेत्र ज्योती संघ पर्साको आयोजनामा बिहिबार वीरगंजमा नि:शुल्क आँखा परिक्षण शिविर सम्पन्न भएकाे छ ।

वीरगंजकाे तेजारथटोलस्थित नेपाल नेत्र ज्योति संघको कार्यालयमा भएको शिविरमा ६३ जना लभान्वित भएकाे नेपाल रेडक्रस साेसाइटी पर्साका राजन श्रीवास्तवले जानकारी दिए । 

नेत्र ज्याेति संघ पर्सा शाखाकी सभापति मधु राणाको अध्यक्षतामा भएको आँखा परिक्षण शिविरको प्रमुख अतिथि संघका केन्द्रिय उपाध्यक्ष श्याम कुमार पोखरेलले आँखा जाच गराउन आउने बिरामीलाई पुर्जी हस्तान्तरण गरि कार्यक्रमको सुभारभ गरेका थिए ।

कार्यक्रममा नेपाल नेत्र ज्योति संघका भगवती प्रसाद चौधरी, मदन प्रसाद गुप्ता, सचिव गणेश शाह, उमेश गुप्ता, सन्तोस जैसवाल, मधुसूदन उपाध्याय, राजन श्रीवास्तव, चिकित्सकहरु लगायतको उपस्थिति रहेको थियो ।

वीरगंज महानगरले ३० युनिटसम्मकाे विद्युत महसुल आफैं तिरिदिने

0

वीरगंज । वीरगंज महानगरपालिकाले मासिक ३० युनिटसम्म विद्युत खपत गर्ने नगरवासीको विद्युत महसुल रकम ब्यहोर्ने भएको छ । बिहीबार महानगरपालिका र विद्युत प्राधिकरणबीच सम्झौता भएसँगै यही पुसदेखिको नगरवासीको ३० युनिटसम्मको विद्युत महसुल निःशुल्क हुने भएको हो ।

अब मासिक ३० युनिटसम्म विद्युत् खपत गर्ने प्रयोगकर्ताको न्यूनतम शूल्क र इनर्जी शुल्क महानगरले नै भुक्तानी गर्ने सम्झौतामा उल्लेख छ । बिहीबार महानगरको सभाहलमा आयोजित पत्रकार सम्मेलनकाबीच नगरप्रमुख राजेशमान सिंहले आफूहरुले निर्वाचनका बेला जनताकाबीच गरिएको प्रतिबद्धता बमोजिम नगरवासीको विद्युत महसुल निशुल्क गर्ने सम्झौता गरेको बताए ।

महानगरको मेयरमा सपथ लिएसँगै सिंहले पहिलो बैठकबाटै विद्युत महशुल निशुल्क गर्ने निर्णय गर्नुका साथै नगरपरिषद्बाट समेत निर्णय पारित गराउनुभएको थियो ।

‘हामीले सपथ लिएसँगै यो निर्णय कार्यान्वयन गराउने प्रयास गरेका हौँ, भनेको भन्दा केही महिना ढिला हुन पुगेको छ,’ उनले भने, ‘लाभग्राही पहिचान र तथ्यांक संकलन गर्न समय लाग्यो, अब ढिलै भए पनि यो महिनादेखि कार्यान्वयनमा ल्याउन हामी सफल भएका छौँ ।’

सम्झौता बमोजिम अब मासिक ३० युनिटसम्म विद्युत खपत गर्ने प्रयोगकर्ताको न्यूनतम शूल्क र इनर्जी शुल्क महानगरले भुक्तानी गर्ने उनले वताए ।

८ बुँदे सम्झौतामा महानगरपालिकाभित्रका ग्राहस्थ (घरेलु) मिटरमा ५ र १५ एम्पीअरको एमसिबी प्रयोग गरी अधिकतम् ३० युनिट खपत गर्ने ग्राहकको विद्युत महशुल र न्युनतम मासिक महशुल महानगरले व्यहोर्ने उल्लेख छ ।

यस्तै महानगरभित्र संचालित सिंगल फेज कृषि मिटरको सम्पूर्ण ग्राहकको मासिक विद्युत महशुल पनि महानगरले नै व्यहोर्ने छ ।
महानगरले प्राधिकरणको खातामा अग्रिम रकम भुक्तानी गर्ने र त्यही अनुरुप प्राधिकरणले हरेक महिना रिबेटसहितको ग्राहकको शुल्क फस्र्यौट गर्ने छ ।

सम्झौता बमोजिमको सुविधा प्राप्त गर्न ग्राहकले सम्झौता लागु हुनु पूर्वको आफ्नो बक्यौता भने चुक्ता गरेको हुनु पर्ने पनि सम्झौतामा उल्लेख छ ।

कुनै कारणबस सम्झौता बमोजिमको शुल्क भुक्ता हुन छुट भए उपभोक्ताले मासिक मिटर रिडिङ भएको मितिले ६ दिन भित्र प्राधिकरणको कार्यालयमा दावी गर्न सकिने पनि उल्लेख छ । नगरवासीको प्रतिघर मासिक ३० युनिटसम्म विद्युत महसुल र इनर्जी शुल्क निशुल्क गर्ने वीरगञ्ज महानगर मधेस प्रदेशमै पहिलो पालिका बनेको छ ।

सम्झौतामा महानगरपालिकाका प्रमुख प्रशासकीय अधिकृत लक्ष्मी प्रसाद पौडेल र नेपाल विद्युत प्राधिकरण वीरगंज वितरण केन्द्रका प्रमुख जितेन्द्र कुमार झा र सिमरा वितरण केन्द्रका प्रमुख रामु श्रेष्ठले हस्ताक्षर गरेका छन् । महानगरपालिकामा बिहिबार पत्रकार सम्मेलन आयाेजना गरी सम्झौता पत्र आदान प्रदान गरिएको थियो ।

धाेबिनीमा पनि प्रयाेगशाला स्थापना हुने, गाउँपालिकाले बुझ्याे आवश्यक सामग्री

0

वीरगंज । पर्साकाे धाेबिनी गाउँपालिकामा सुविधा सम्पन्न प्रयाेगशाला स्थापना हुने भएकाे छ । गाउँपालिकामा प्रयोगशाला स्थापनाको लागि प्रदेश जनस्वास्थ्य प्रयोगशाला जनकपुरधामले बुधबार जगरनाथपुर गाउँपालिकालाई करिब रु ६० लाख बराबरको ल्याब सम्बन्धित स्वास्थ्य सामग्री र उपकरणहरु उपलब्ध गराएकाे छ ।

गाउँपालिका अध्यक्ष मदन चाैहानकाे पहल र समन्वयमा गाउँपालिकामा सुविधासम्पन्न प्रयाेगशाला स्थापनाकाे लागि प्रदेश जनस्वास्थ्य प्रयोगशालाले आवश्यक सामग्री र उपकरणहरु उपलब्ध गराएकाे प्रमुख प्रशासकिय नवाज हुसेनले जानकारी दिए ।

साे सामग्री बुझ्न गाउँपालिका अध्यक्ष चाैहान कै नेतृत्वकाे टाेली बिहिबार जनकपुरधाम पुगेकाे थियाे । गाउँपालिकाको वडा नं. ४ मा रहेकाे लंगडी स्वास्थ्य चौकीमा प्रयोगशाला संचालनकाे लागि बिहिबार नै प्रदेश जनस्वास्थ्य प्रयोगशाला जनकपुरधाम र जगरनाथपुर गाउँपालिका बीच १८ बुंदे सम्झाैता समेत भएकाे प्रमुख प्रशासकिय अधिकृत हुसेनले जानकारी गराए ।

समझाैता अनुसार प्रयोगशालासंग सम्बन्धित प्राविधिक तथा प्रशासनिक विषयहरु प्रदेश प्रयोगशालासंग समन्वय गरी संचालन गर्नु पर्नेछ । सेवाग्राहीलाई बस्ने, खानेपानी र आराम गर्ने राम्रो व्यवस्था स्थानिय तहले गर्नु पर्ने छ । ल्याव रिपोर्टको राम्रो व्यवस्था गर्नु पर्ने छ, DHIS 2 लगायतका रिपोर्टिङहरु तोकिएको समय गर्नुपर्ने छ ।

कर्मचारी र Kits/Reagents/Consumables को व्यवस्था यस आर्थिक बर्षकाे लागि प्रदेश जनस्वास्थ्य प्रयोगशालाले गर्नेछ । आगामी वर्षको लागि प्रदेश सरकारबाट वजेट प्राप्त भए अनुसार हुनेछ । अन्यथा पालिकाले स्वास्थ्यको बजेटबाट गर्नु पर्नेछ । जनशक्तिहरुलाई तालिम प्रयोगशालाबाट प्रदान गरिनेछ ।

सम्पन्न दुई पक्षिय सम्झाैता पत्रमा प्रदेश जनस्वास्थ्य प्रयाेगशालाका निर्देशक डा. श्रवण कुमार मिश्र, गाउँपालिका अध्यक्ष यादव र लंगडि स्वास्थ्य चौकी प्रमुख मनु पटेलले हस्ताक्षर गरेका छन् । 

यस अघि बुधबार नै जगरनाथपुर गाउँपालिक‍ाले विजबनिया स्वास्थ्य चाैकीमा प्रयाेगशाला संचालनकाे लागि प्रदेश जनस्वास्थ्य प्रयाेगशालासंग समझ्ताै गर्दै आवश्यक समाग्री र उपकरणहरु बुझेकाे थियाे । 

पर्साका एक मात्र सांसद प्रदिप यादवले भाेजपुरीमा लिए शपथ

0

वीरगंज । पर्सा क्षेत्र नम्बर १ बाट निर्वाचित प्रतिनिधिसभा सदस्य (सांसद) प्रदीप यादवले आफ्नो मातृभाषा भोजपुरीमा शपथ लिएका छन् । जिल्लाबाट प्रत्यक्ष र समानुपातिक गरी ७ जना सांसद रहे पनि अन्यले नेपाली भाषामै शपथ लिएका हुन् ।

सांसद यादवले मधेशको मौलिक पहिरन धोती, कुर्ता र पगडी लगाएर आफ्नो भाषा र संस्कृतीको संरक्षण र प्रवर्द्धनका लागि भोजपुरी भाषामा शपथ लिएकाे वताएका छन् । 

पूर्व वन तथा वातावरण मन्त्रीसमेत रहेका सांसद यादव मातृभाषा भोजपुरीमा शपथ लिने पर्साका एकल सांसद हुन् । पर्साबाट एक मात्र सांसद यादवले आफ्नाे मातृभाषा भाेजपुरीमा सपथ लिएपछि पर्साबासीले उनकाे प्रशंसा गरेका छन् । 

पर्सा क्षेत्र नं. १ बाट प्रतिनिधि सभा सदस्यमा दाेस्राे पटक यादव निर्वाचित भएका हुन् । इतिहास मै पहिलाे पटक पर्सा क्षेत्र नं. १ बाट दाेस्राे कार्यकालकाे लागि सांसद यादव निर्वाचित भएका हुन् ।   

गत आम निर्वाचनबाट पहिलो पटक सांसदका रुपमा निर्वाचित हुँदा पनि यादवले मधेशको मौलिक पहिरन धोती, कुर्ता र पगडी लगाएर भोजपुरी भाषामा शपथ लिएका थिए ।

पाँच वर्ष जिल्लाको विकास र समृद्धिका लागि काम गर्छु : सांसद यादव

दाेस्राे कार्यकालकाे लागि सपथ लिएपछि सांसद यादवले पाँच वर्ष पर्सा जिल्लाको विकास र समृद्धिका लागि काम गर्ने बताएका छन् ।

बिहिबार प्रतिनिधिसभा सदस्यको शपथ ग्रहण पश्चात सामाजिक सञ्जालमा एउटा पोस्ट लेख्दै यादवले सङ्घीय सांसदका रुपमा पाँच वर्षसम्म पर्सा जिल्लाको समृद्धि र विकासका लागि आफूले काम गर्ने बताएका हुन् ।

यादवले मधेशको मौलिक पहिरन लगाएर भोजपुरी भाषामा शपथ लिने अवसर दिएकोमा पर्सा जिल्लावासीलाई पनि धन्यवाद दिएका छन् । 

यादवले लेखेका छन्, ‘जनताको न्यायको मन्दिर सङ्घीय संसदमा प्रतिनिधिसभा सदस्यको रूपया आजदेखि मेरो दोस्रो कार्यकालको सुरुवात भएको छ । मधेशको पहिचान र संस्कृतिको सम्मान गर्दै आफ्नो मौलिक पहिरन धोती, कुर्ता, पगडी र गम्छा लगाएर दोस्रो पटक भोजपुरी भाषामा शपथ ग्रहण गर्ने अवसर मिल्यो । यस अवसरका लागि मेरो निर्वाचन क्षेत्र तथा पर्सा जिल्लाका सम्पूर्ण जनताप्रति हृदयदेखि आभार प्रकट गर्दछु । सङ्घीय सांसद्का रुपमा ५ वर्षसम्म जिल्लाको समृद्धि र विकासका लागि काम गर्ने म वचनवद्धता गर्दछु ।’

जगरनाथपुरमा सुविधासम्पन्न प्रयाेगशाला स्थापना हुने

0

वीरगंज । पर्साकाे जगरनाथपुर गाउँपालिकामा सुविधा सम्पन्न प्रयाेगशाला स्थापना हुने भएकाे छ । गाउँपालिकामा प्रयोगशाला स्थापनाको लागि प्रदेश जनस्वास्थ्य प्रयोगशाला जनकपुरधामले बुधबार जगरनाथपुर गाउँपालिकालाई करिब रु ५० लाख बराबरको ल्याब सम्बन्धित स्वास्थ्य सामग्री र उपकरणहरु उपलब्ध गराएकाे छ ।

गाउँपालिका अध्यक्ष श्रीकान्त प्रसाद यादवकाे पहल र समन्वयमा गाउँपालिकामा सुविधासम्पन्न प्रयाेगशाला स्थापनाकाे लागि प्रदेश जनस्वास्थ्य प्रयोगशालाले आवश्यक सामग्री र उपकरणहरु उपलब्ध गराएकाे प्रमुख प्रशासकिय अधिकृत कृष्णनन्दन रायले जानकारी दिए ।

साे सामग्री बुझ्न गाउँपालिका अध्यक्ष यादव कै नेतृत्वकाे टाेली बुधबार जनकपुरधाममा पुगेकाे थियाे । गाउँपालिकाको वडा नं. ३ मा रहेकाे विजवनिया स्वास्थ्य चौकीमा प्रयोगशाला संचालनकाे लागि बुधबार नै प्रदेश जनस्वास्थ्य प्रयोगशाला जनकपुरधाम र जगरनाथपुर गाउँपालिका बीच १८ बुंदे सम्झाैता समेत भएकाे प्रमुख प्रशासकिय अधिकृत रायले जानकारी गराए ।

समझाैता अनुसार प्रयोगशालासंग सम्बन्धित प्राविधिक तथा प्रशासनिक विषयहरु प्रदेश प्रयोगशालासंग समन्वय गरी संचालन गर्नु पर्नेछ । सेवाग्राहीलाई बस्ने, खानेपानी र आराम गर्ने राम्रो व्यवस्था स्थानिय तहले गर्नु पर्ने छ । ल्याव रिपोर्टको राम्रो व्यवस्था गर्नु पर्ने छ, DHIS 2 लगायतका रिपोर्टिङहरु तोकिएको समय गर्नुपर्ने छ ।

कर्मचारी र Kits/Reagents/Consumables को व्यवस्था यस आर्थिक बर्षकाे लागि प्रदेश जनस्वास्थ्य प्रयोगशालाले गर्नेछ । आगामी वर्षको लागि प्रदेश सरकारबाट वजेट प्राप्त भए अनुसार हुनेछ । अन्यथा पालिकाले स्वास्थ्यको बजेटबाट गर्नु पर्नेछ । जनशक्तिहरुलाई तालिम प्रयोगशालाबाट प्रदान गरिनेछ ।

सम्पन्न दुई पक्षिय सम्झाैता पत्रमा प्रदेश जनस्वास्थ्य प्रयाेगशालाका निर्देशक डा. श्रवण कुमार मिश्र, गाउँपालिका अध्यक्ष यादव र गाउँपालिकाका स्वास्थ्य शाखा प्रमुख प्रभेन्द्र साहले हस्ताक्षर गरेका छन् । 

सिर्सिया नदी फोहोर गर्दै उद्योग, अनुगमन गर्दै वीरगंज महानगर

0

वीरगंज । वीरगंजकाे मरियम लेदर उद्योगले सोझै सिर्सिया नदीमा फोहोर तथा फोहोर पानी फाल्ने गरेको भेटिएको छ ।
सिर्सिया नदी क्षेत्रमा रहेका उद्योगहरुको अनुगमन गर्न गठित सिर्सिया नदी प्रदुषण नियन्त्रण समितिले मंगलबार अनुगमनका क्रममा यस्तो फेला पारेको हो ।

उद्योगले छालाबाट निस्केको फोहोर पदार्थका साथै उद्योग संचालन गर्दा निस्केका केमिकलयुक्त दुर्गन्धित फोहोर पानी सोझै सिर्सिया नदीमा फाल्ने गरेको भेटिएको अनुगमन टोलीमा रहेका पर्साका सहायक प्रमुख जिल्ला अधिकारी भिमकान्त पौडेलले बताए ।

उद्योगबाट निस्केको फोहोर पानी प्रशोधन गरेर मात्रै नदीमा मिसाउनु पर्ने कानुनी व्यवस्था भए पनि यहाँका अधिकांस उद्योगहरुले सोझै दुर्गन्धित पानी नदीमा फाल्दै आएका छन् ।

मरियम लेदर उद्योगमा पनि पानी प्रशोधन केन्द्र नभेटिएको महानगरका वातावरण निरीक्षक प्रदीप साहले बताए । अनुगमन टोलीले आज मरिअमसहित नारायणी लेदर र निम्बसको पनि अनुगमन गरेको छ । अनुगमन गरेकामध्ये नारायणी लेदरले फोहोर पानी प्रशोधन गरेर फाल्ने गरेको भेटिएको महानगरका वातावरण निरीक्षक साहले बताए ।

त्यस्तै निम्बस उद्योगको उत्पादन अहिले बन्द रहेकाले त्यहाँबाट पानी निकासा नभेटेको पनि उनले बताए । निम्बसले पानी प्रशोधन केन्द्र भने बनाएको छ । नदी आसपासमा कम्तिमा पनि एक सयभन्दा बढी उद्योगहरु रहेको र ती उद्योगले जथाभावी फोहोर पानी फाल्दा अहिले सिर्सिया दुर्गन्धित बनेको छ ।

महानगरका उपमेयर इम्तियाज आलमको संयोजकत्वमा रहेको टोलीले पहिलो चरणमा अनुगमनलाई निरन्तरता दिएको हो ।
‘पहिलो चरणमा अनुगमन र सचेत गर्ने काम गर्दै हिँडेका छौँ,’ उपमेयर आलमले भने, ‘यति गर्दा पनि नदी प्रदुषण नियन्त्रण नभए फोहोर पानी नदीमा फाल्ने उद्योगलाई हामी कारवाही गर्छौँ ।’

निर्वाचनमा सिर्सिया नदी प्रदुषण नियन्त्रण गर्दै स्वच्छ बनाउने प्रतिबद्धता जनाएका महानरका मेयर राजेशमान सिंहले निर्वाचनका बेला सिर्सिया नदी प्रदुषण नियन्त्रण गर्दै स्वच्छ बनाउने प्रतिबद्धता जनाएका थिए । त्यही अनुरुप नदीमा भइरहेको प्रदुषण नियन्त्रण गर्दै स्वच्छ बनाउन पहिलो चरणमा अनुगमन अघि बढाइएको उनले बताए ।

मंगलबार उद्योगको अनुगमन गर्न गएको टोलीमा पर्साका सहायक प्रमुख जिल्ला अधिकारी पौडेल, महानगरको वातावरण शाखा प्रमुख देवेन्द्र चौधरी, प्रहरी निरीक्षक दावा तेन्जी शेर्पा, वीरगंज उद्योग वाणिज्य संघका अनिल कुमार अग्रवाल लगायतको सहभागिता रहेको थियो ।

जथाभावी पार्किङ र फुटपाथ अतिक्रमण धमाधम हटाउँदै महानगर

0

वीरगंज । वीरगंजकाे बाइपास सडक छेउमा लामो समयदेखि पार्किङ गरेर छाडेको बेवारिसे ट्रक वीरगंज महानगरपालिकाले हटाएको छ । महानगरले सडक पेटीमा राखेका निर्माण सामग्री तथा सवारी हटाउने अभियानका क्रममा बाइपास सडकमा लामो समयदेखी वेवारिसे रुपमा छाडेको ना ३ ख ९२९५ नम्वरको ट्रक हटाएको हो ।

वडा नम्वर १५ लक्ष्मनवा स्थित बाइपास सडक छेउमा पार्किङ गरेर राखेको वेवारिसे ट्रकलाई महानगरपालिकाले नियन्त्रणमा लिएर अहिले बालमन्दिरको चौरमा राखेको छ ।

यसैबीच अभियानकै क्रममा सडक पेटीमा राखिएका निर्माण सामग्री हटाउनुका साथै फुटपाथमा राखिएका ठेला तथा पसल हटाइएको वीरगंज महानगरपालिकाका सरसफाई प्रमुख सरफुद्धिन मियाँले जानकारी दिए । सडक छेउ, फुटपाथ र नालामाथि जथाभावी निर्माण सामग्री तथा ठेला राखेर व्यवसाय गर्दा तथा सवारी पार्किङ गर्दा पैदल हिँड्न र सवारी दुर्घटनासमेत हुन सक्ने देखिएकाले महानगरले त्यसलाई हटाउन थालेको हो ।

मंगलबार फुटपाथ अतिक्रमण नियन्त्रण र पार्किङ कार्यान्वयनका लागि खटिएको अभियानमा वीरगंज महानगरपालिकाका सरसफाई प्रमुख सरफुद्धिन मियाँ, नगर प्रहरी प्रमुख हरि भुषाल लगायत विभिन्न संघसंस्थाका प्रतिनिधिहरुको सहभागिता रहेको थियो ।