Date
मङ्ल, मंसिर १, २०८३
Tue, November 17, 2026
Home Blog Page 588

खेल र खेलाडीको प्रोत्साहन गर्नुपर्नेमा सांसद यादवको जोड

0

वीरगंज । पर्सा क्षेत्र नम्बर १ का प्रतिनिधि सभा सदस्य प्रदीप यादवले खेल र खेलाडीलाई प्रोत्साहन गर्नुपर्नेमा जोड दिएका छन् । वीरगंज महानगरपालिकाको वडा नम्बर २२ जगरनाथपुरमा सम्पन्न वडाध्यक्ष क्रिकेट टुर्नामेन्टको समापन समारोहलाई सम्बोधन गर्दै सांसद यादवले खेलको बृद्धिविकासका लागि खेलाडीलाई प्रोत्साहन गर्नुपर्ने आवश्यक्ता औँल्याएका हुन् ।

क्रिकेट मात्रै नभएर फुटबलसहित अन्य खेलहरुको पनि संरक्षण एवम् संवद्र्धन गर्दै खेलाडीहरुको बृद्धिविकासका लागि सबैले सहकार्य गर्नुपर्ने यादवको भनाई छ । उनले भने, ‘हाम्रो तिर अझै पनि खेल क्षेत्रलाई अपहेलना गर्न र खेल्न नदिने सोच हाबी छ, तर खेलबाटै देशको नाम पनि रोशन गर्न सकिन्छ भने खेलेरै जीवनयापन गर्न पनि सकिन्छ ।’ यहाँ आवश्यक खेल मैदानको अभावमा पनि खेलाडीहरुले देखाएको खेलप्रतिको लगावलाई मध्यनजर गर्दै खेलाडी र खेलको विकासका लागि आफुले पदीय र व्यक्तिगत रुपमा कहिलै पछि नहट्ने प्रतिबद्धता पनि उनले व्यक्त गरेका छन् ।

पुष ९ गतेदेखि शुरु भएको वडाअध्यक्ष क्रिकेट टुर्नामेन्टको उपाधि पनि आयोजक वडा नम्बर २२ को जगरनाथपु युवा क्लबले हात पारेको छ । उपाधिसँगै जगरनाथपुर युवा क्लबले नगद ५१ हजारसहित शिल्ड र प्रमाणपा प्राप्त गरेको छ भने उपविजेता बनेको लक्ष्मणवा युवा क्लबले नगद २५ हजारसहित शिल्ड र प्रमाण पत्र प्राप्त गरेको क्लबका उपाध्यक्ष उपेन्द्र पटेलले जानकारी दिए ।

क्लबका अध्यक्ष जितेन्द्र प्रसाद पटेलको अध्यक्षतामा भएको प्रतियोगिताको समापन समारोहलाई सांसद यादवसँगै वीरगञ्ज महानगरपालिकाका उपप्रमुख इम्तियाज आलम, वडाअध्यक्ष द्वारिका महतो, क्लबका सल्लाहकार, मनोज ठाकुर, दिनेश ठाकुर लगायतले सम्बोधन गरेका थिए । प्रतियोगितामा ८ वटा समूहले सहभागिता जनाएका थिए ।

जनमत पार्टी पर्साकाे बैठक सम्पन्न, प्रवक्तामा सिए चाैरसिया चयन

0

वीरगंज । पर्सामा जनमत पार्टीको जिल्ला स्तरीय बैठक सम्पन्न भएको छ । जिल्ला इन्चार्ज श्याम शंकर चौरसियाको अध्यक्षतामा सम्पन्न बैठकले जिल्ला प्रवक्तमा सिए अजय चौरसियालाई सर्बसहमत चयन गरेकाे छ ।

यसैगरी बैठकले जिल्लाबाट राजनीतिक नियुक्तिको लागि संतोष कुमार साह सोनारको एकल नाम सिफारिस गर्न निर्णय गरेकाे छ ।

वीरगंजस्थित होटेल एभ्री डेमा बसेकाे बैठकले पार्टी कार्यालय जिल्लाकाे पार्टीका सम्पूर्ण नेता तथा कार्यकर्ताहरुको सहयोगमा संचालन गर्ने पनि निर्णय गरेकाे छ । साथै बैठकले पार्टीकाे संगठन विस्तारको लागि क्षेत्रगत जिम्मेवारी समेत ताेकेकाे छ ।

बैठकले पर्सा क्षेत्र नं. १ मा संतोष कुमार साह सोनार, नजमा खातुन, बिजय यादव र विरेन्द्र यादवलाई जिम्मेवारी दिएकाे छ । त्यसैगरी क्षेत्र नं. २ मा केदार प्रसाद पटेल, पप्पु चौधरी, नेक महम्द र अब्दुल मियालाई, क्षेत्र नं. ३ मा राजु राज गिरी, महेश चौरसिया र सुजित चौरसियालाई र क्षेत्र नं. ४ मा श्याम शंकर चौरसिया र संतोष कुमार साह सोनारलाई जिम्मेवारी दिइएकाे हाे ।

बैठकमा जनमत पार्टीका केन्द्रिय उपाध्यक्ष अनिता देवी, पुर्व जिल्ला ईन्चार्ज सन्तोष कुमार साह सोनार, पुर्व जिल्ला अध्यक्ष चन्दन चौहान, पुर्व जिल्ला ईन्चार्ज सुजित कुमार चोरसिया, पुर्व जिल्ला सचिव बिनय यादव, पुर्व जिल्ला सह–सचिव राजेश चौरसिया, महिला नेत्री नजमा खातुन लगायतको उपस्थिति रहेको थियो ।

पर्साका ४ प्रदेश सभा सदस्यले लिए मातृभाषा भाेजपुरीमा शपथ

0

वीरगंज । मधेश प्रदेशका नवनिर्वाचित प्रदेश सभा सदस्यहरुले शुक्रबार पद तथा गोपनियताको शपथ लिएका छन । प्रदेश सभाका ज्येष्ठ सदस्य गोविन्द बहादुर न्यौपानेले नवनिर्वाचित प्रदेशसभा सदस्यहरुलाई शपथ ग्रहण गराएका हुन । 

प्रदेश सभा सचिवालयका अनुसार मधेश प्रदेशमा सबैभन्दा बढी ५३ जना प्रदेश सभा सदस्यहरुले नेपाली भाषामा शपथ लिएका छन । ४९ प्रदेशसभा सदस्यहरुले मातृ भाषामा शपथ लिए छन् ।

८ जना प्रदेशसभा सदस्यहरुले भोजपुरी भाषामा शपथ लिएका हुन । जैनब खातुन, बच्चाराउत अहिर, रमेशप्रसाद कुर्मी, शारदा दास पहाडी, शेख अबु कलाम आजाद, सरोज कुमार यादव, सिंगासन सा कलवार र प्रमाेद जयसवालले भोजपुरी भाषामा शपथ लिएका हुन ।

जस मध्ये मातृभाषा भाेजपुरी भाषामा सपथ लिने पर्साका ४ जना प्रदेश सभा सदस्य छन् । पर्सा क्षेत्र नं. २ काे १ बाट निर्वाचित कांग्रेसका श्याम पटेल, २ काे २ बाट निर्वाचित लाेसपाका रमेश प्रसाद कुर्मी, ३ काे १ बाट निर्वाचित स्वतन्त्र प्रदिप जयसवाल र ४ काे २ बाट निर्वाचित जसपाका सिंगासन सा कलवारले मातृभाषा भाेजपुरीमा सपथ लिएका हुन् । पर्साका अन्य प्रदेश सभा सदस्यले नेपालीमा सपथ लिएकाे प्रदेश सभा सचिवालयले जनाएकाे छ ।  

बज्जिका भाषामा १३ जना प्रदेशसभा सदस्यहरुले शपथ लिएका छन् । बज्जिका भाषामा अभिराम शर्मा, उपेन्द्र महतो, कृष्णप्रसाद यादव, कौशलकिशोर राय, जंगीलाल राय, नागेन्द्र साह, रमिता प्रधान, रानी शर्मा तिवारी, रुपा कुमारी यादव, बीरेन्द्र प्रसाद सिंह, सकुन्ती देवी र शोभा देवीले शपथ लिएका हुन ।

मैथिली भाषामा ११ जना प्रदेश सभा सदस्यहरुले शपथ ग्रहण गरेका छन् । किरण कुमारी, कुमरकान्त झा, जिवछीकुमारी यादव, मनिष कुमार सुमन, ममतादेवी मण्डल, राजकुमार गुप्ता, रामअशिष यादव, रामचन्द्र मण्डल, रामसरोज यादव, शेषनारायण यादव, संजयकुमार यादव र सतिश सिंहले मैथिली भाषामा शपथ लिएको प्रदेशसभा सचिवालयले जनाएको छ ।

थारु भाषामा राजकुमार लेखी, राजेन्द्रप्रसाद चौधरीले शपथ लिएका छन । मगही र हिन्दी भाषामा २/२ जना प्रदेश सभा सदस्यहरुले शपथ लिएको प्रदेशसभा सचिवालयले जनाएको छ । भरतप्रसाद साह तथा सरोजकुमार सिंह मगहीमा र जितेन्द्र सोनल तथा सुरिता साहले हिन्दी भाषामा शपथ लिएका हुन ।

उर्दु भाषामा एक मात्र प्रदेशसभा सदस्य विमला अन्सारी तरन्नुमले शपथ लिएकी छिन । विवादका बिच मधेशी भाषामा जनमत पार्टीका नवनिर्वाचित प्रदेशसभा सदस्यहरुले मधेशी भाषामा शपथ लिएका छन । जनमत पार्टीका १३ जना प्रदेशसभा सदस्यहरुमध्ये १२ जना प्रदेशसभा सदस्यहरुले मधेशी भाषामा शपथ लिएका हुन । जनमत पार्टीको सतिश सिंहले मैथिली भाषामा शपथ लिएको प्रदेशसभा सचिवालयले जनाएको छ । 

मधेसलाई प्रविधियुक्त बनाउने अभियान वीरगंजबाट शुरु

0

वीरगंज । नेपाल उद्योग वाणिज्य महासंघ अन्तर्गत स्टार्टअप तथा इनोभेसन कमिटी, खल्ती र इजी इट्सले मधेस प्रदेशलाई प्रविधियुक्त बनाउने अभियानको थालनी गरेको छ । बिहीबार वीरगंजबाट यो अभियान थालिएको कमिटी संयोजक अनुप अग्रवालले जानकारी दिए ।

महासंघले औद्योगिक तथा आर्थिक शहर वीरगंजबाट यो अभियान थालेको बताएको छ । वीरगंजकाे वीरगंज पब्लिक कलेजबाट शुरु भएको कार्यक्रम ४५ ओटा शैक्षिक संस्थामा सञ्चालन गरिने आयोजकले बताएको छ ।

प्रविधिको प्रयोगबारे चेतना जगाउन यस्तो अन्तरक्रिया सञ्चालन गरिएको अग्रवालले बताए । उद्यमशीलतामार्फत मधेस प्रदेशलाई प्रविधिसँग जोड्ने र यसको उपयोग बढाउने उद्देश्यले कार्यक्रम आयोजना गरिएको महासंघका प्रदेशका अध्यक्ष गणेश प्रसाद लाठले बताए । 

मधेस विश्व विद्यालयका उपकुलपति प्राध्यापक डा. दीपक शाक्यले प्रविधिको उपयोगमा अवसरसँगै यसका जोखिमप्रति पनि सचेत हुनुपर्नेमा जोड दिए । खल्ती एपका बरुण प्रताप शाह, इजी इट्सका सिम्रन चौरसिया, बीपीसी कलेजका सहायक क्याम्पस प्रमुख अरबिन्द श्रेष्ठ लगायतले आजको युगमा प्रविधिको आवश्यकता अपरिहार्य भएको उल्लेख गरे ।

विपद् पूर्व तयारी तथा प्रतिकार्यको लागि अभिमुखिकरण

0

वीरगंज । पर्साको पटेर्वा सुगौली गाउँपालिकामा बिहिबार विपद् पूर्व तयारी तथा प्रतिकार्यको लागि स्थानीय शिक्षा समुह गठन, परिचालन, समन्वय र अभिलेखिकरण सम्बन्धि पालिका स्तरिय अभिमुखीकरण कार्यक्रम सम्पन्न भएकाे छ ।

EU/UNICEF को प्राविधिक सहयोग तथा आर्थिक सहयोगमा भुकम्प प्रविधी रास्ट्रीय समाज नेपाल (NSET) संचालित कोभिड १९  नेपालमा शिक्षा समुहको सुदृढीकरण परियोजना अन्तर्गत मधेस प्रदेश शिक्षा समुहको आयोजनामा एक दिने अभिमुखिकरण कार्यक्रम सम्पन्न भएकाे पालिका क्लस्टर कोर्डिनेटर मित्रदेब यादवले जानकारी दिए ।

गाउँपालिका अध्यक्ष दिनेश कुमार चौधरीकाे अध्यक्षमा सम्पन कार्यक्रममा शिक्षा समितिका सदस्य, प्रअ, स्थानीय रेड क्रस, शिक्षा सङ्ग सरोकार राख्ने अन्य संघ/सस्था तथा स्थानिय पालिकाका सम्बन्धित शाखाका प्रतिनिधिहरुको उपस्थिति रहेकाे थियाे ।

जसमा गाउँपालिका अध्यक्ष दिनेश कुमार चौधरीकाे संयोजकत्वमा ९ सदसिय पटेरवा सुगौली गाउँपालिका शिक्षा समुह गठन भएको थियाे । जुन समितिकाे  सदस्यहरू गाउँपालिका उपाध्यक्ष ममता महतो, वडाध्यक्ष विजय गैरे, जाँदो लाल साह, श्याम घिमिरे र सदस्य सचिव पालिका शिक्षा प्रमुख सम्भु साह लागायतका रहेका छन् । 

अभिमुखीकरणमा सिकाइ निरन्तर अभियानको अवधारणा, महत्व, आवश्यकता र यसको प्रयोग बिधिको बारेमा बिस्तृत जानकारी गराइएको तथा आउने दिनहरुमा कुनै बिपद वा महामारी आएको खण्डमा विभिन्न किसिमका पढाईका बैकल्पिक बिधिहरु प्रयोग गरि बालबालिकाहरुको पढाईमा हुने क्षतिलाई न्यूनीकरण गरि उनिहरुको पढाई सिपमा सुधार ल्याउन सकिन्छ ।

अभूखिकरण कार्यक्रममा पालिकाको शिक्षा अधिकृत सम्भु साह र पालिका क्लस्टर कोर्डिनेटर मित्र देब यादवले सहजीकरण गरेका थिए ।

प्रभु साहकाे अध्यक्षतामा “आम जनता पार्टी” घाेषणा

0

वीरगंज । प्रतिनिधि सभा सदस्य (स्वतन्त्र सांसद) प्रभु साहले नयाँ पार्टी खोलेका छन् । रौतहट क्षेत्र नम्बर ३ बाट विजयी साहले बिहीबार काठमाडौंमा एक कार्यक्रम गरेर आम जनता पार्टी घोषणा गरेका हुन् । 

काठमाडौंस्थित क्रिस्टल पार्ट प्यालेसमा पत्रकार सम्मेलन गरेर साहले ’आम जनता पार्टी’ घोषणा गरेका हुन् । अहिले साहले आफ्नै नेतृत्वमा ५१ सदस्यीय केन्द्रीय तदर्थ कमिटी बनाएका छन् । बिहीबार उक्त तदर्थ केन्द्रीय समितिको बैठक बसेको थियो । बैठकले प्रदेश, विभागका इन्चार्जहरु पनि चयन गरेको साहले जानकारी दिए ।

स्वतन्त्र उम्मेदवार जिताऊँ अभियानलाई आम जनता पार्टीमा रुपान्तरण गरिएको अध्यक्ष साहले प्रेस विज्ञप्ती मार्फत जानकारी गराएका छन् ।

साह स्वतन्त्र सांसद भएपछि नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधकुमार नेपाल र नेकपा एमालेका दोस्रो, तेस्रो तहका नेताहरुसँग संवादमा थिए । तर उनको तत्कालै कुनै पार्टीसँग कुरा मिलेन ।

एमालेले उनलाई साधारण सदस्यबाटै निष्कासित गरिसकेको छ । माओवादी र समाजवादीले पनि उनका माग पूरा गर्ने अवस्था तत्कालै नदेखिएपछि नयाँ यात्रामा निस्किएका हुन् ।

नयाँ पार्टी निर्माणका लागि प्रभु साहलाई ब्रदी न्यौपानेले साथ दिएका छन् । न्यौपाने तत्कालीन चुरे भावर पार्टीको हुँदै एमालेको राजनीतिमा सक्रिय थिए भने चुनाव अगाडि एमाले छाडेर निष्क्रिय थिए । एमालेले जसपासँग चुनावी तालमेल गरेकोप्रति असन्तुष्टि जनाउँदै उनले एमाले छाडेको घोषणा गरेका थिए । न्यौपाने उनै हुन्, जसले तत्कालीन समयमा मधेसी जनअधिकार फोरमलाई कडा टक्कर दिएका थिए ।

न्यौपानेले प्रभुलाई नयाँ पार्टी बनाउन सहयोग गर्दा प्रभुकै अभियानमा रहेका भनिएका स्वतन्त्र सांसद अमरेश कुमार सिंहले भने सहभागी भएनन् । यसअघि साह र उनी निकटस्थले अमरेश कुमार सिंहको पनि नयाँ पार्टीमा सहभागिता रहने प्रचार गरिएको थियो । ​साहको पार्टीमा न्यौपाने बागमती र गण्डकी प्रदेश इन्चार्ज रहेका छन् ।

पार्टीले प्रदेश अध्यक्ष, सचिव र इन्चार्जको जिम्मेवारी समेत तोकेको छ । पार्टीको प्रदेश १ अध्यक्षमा हरिप्रसाद पोखरेल रहेका छन् भने इन्चार्जमा रामप्रित राम रहेका छन् । यस्तै मधेस प्रदेशमा श्रीचम मुखिया अध्यक्ष र इन्चार्ज उपेन्द्र साह रहेका छन् भने बागमतीमा नाम्गेल मोक्तान अध्यक्ष र बद्री न्यौपाने इन्चार्ज छ

यसैगरी गण्डकी प्रदेशमा राजन यादव अध्यक्ष र इन्चार्ज बद्री न्यौपाने नै रहेका छन् भने लुम्बिनीमा परमानन्द बर्मा अध्यक्ष र रितादेवी यादव इन्चार्ज छन् । यस्तै कर्णालीमा सियाराम कुश्वाहा अध्यक्ष र इन्चार्ज उपेन्द्र साह रहेका छन् भने सुदूरपश्चिम प्रदेशमा केशव राय चौधरी र इन्चार्ज कुन्दन कुश्वाहा रहेका छन् । सो पार्टीले विभिन्न जनवर्गीय संगठन तथा विभाग पनि बनाएको छ ।

महानगरकाे लाेक कल्याणकारी विज्ञापन सम्बन्धमा अन्तरक्रिया

0

वीरगंज । वीरगंज महानगरपालिकाको आम सञ्चार माध्यम नियमन तथा प्रबर्द्धन समितिले स्थानीय पत्रपत्रिकालाई संरक्षण र प्रबर्धन गर्ने उद्देश्यले बिहीबार अन्तरक्रिया कार्यक्रम गरेको छ । महानगरपालिकाले दिँदै आएको लोक कल्याणकारी विज्ञापन र सूचनालाई व्यवस्थित र पारदर्शी ढंगले समानुपातिक रुपमा वितरण गर्ने उद्देश्यले पत्रिकाहरुको समस्या र महानगरपालिकाले गर्न सक्ने समाधानको विषयमा छलफल भएको हो ।

कार्यक्रममा वीरगंज महानगरपालिकाका प्रमुख प्रशासकी अधिकृत लक्ष्मी प्रसाद पौडेलले यहाँबाट प्रकाशित पत्र पत्रिका, अनलाईन, रेडियो, टेलिभिजनलाई व्यवस्थित गर्दैै उनीहरुको संरक्षण र सम्बर्धनका लागि महानगरपालिकाले देशमै पहिलो पटक ऐन, नियम, कानुन बनाएर सहयोग पु¥याउँदै आएको बताए ।

कार्यक्रममा प्रतिक दैनिकका प्रधान सम्पादक एवं वरिष्ठ पत्रकार जगदीश शर्माले महानगरले सुरुवात गरेको अभियान सह्रानीय भएको बताउँदै पत्र पत्रिकालाई गुणस्तरीयताका आधारमा वर्गिकरण गरी महानगरपालिकाबाट प्राप्त सहयोगलाई पारदर्शी रुपमा वितरण गर्नु पर्नेमा जोड दिए ।

कार्यक्रममा पत्रिकाका संचालकहरुले महानगरपालिकाले दिँदै आएको लोककल्याणकारी विज्ञापन वापतको भुक्तानी लामो समय देखि रोकिएको र यसले पत्र पत्रिकाहरु अप्ठ्यारोमा परेको भन्दै चाँडै रकम निकासा गरिदिन आग्रह गरेका थिए । साथै सबै पत्रिकालाई एउटै टोकरीमा हालेर व्यवहार गरिएको भन्दै अब समाचार सामग्रीका आधारमा वर्गिकरण गरी त्यही अनुरुपको रकम दिने व्यवस्था मिलाउन पनि आग्रह गरे । महंगी बढ्दै गएकाेले साेही अनुसारकाे लाेक कल्याणकारी विज्ञापन वापतकाे रकम बढाउनु पर्ने पनि पत्रिका संचालकहरु माग गरेका थिए । 

दैनिक र साप्ताहिक पत्रिकाका संचालक तथा सम्पादकहरुसँग पहिलो र दोस्रो सत्रमा गरेर सुझाव लिइएको थियो । 

पहिलो सत्रको कार्यक्रममा वीरगंजबाट प्रकाशित दैनिक पत्रिकाका सम्पादक, प्रकाशकहरुको सहभागिता रहेको थियो भने दोश्रो सत्रको कार्यक्रममा साप्ताहिक पत्रिका सम्पादक, प्रकाशकहरुको सहभागिता रहेको थियो ।

आम सञ्चारमाध्यम नियमन तथा प्रबर्द्धन समितिका संयोजक ध्रुव अधिकारीको अध्यक्षतामा सम्पन्न अन्तरक्रिया कार्यक्रममा नेपाल पत्रकार महासंघ पर्साका अध्यक्ष अनुप तिवारी, नगर प्रमुखका प्रेस सल्लाहकार महेश दास, जनसम्पर्क सल्लाहकार नवराज फुयाँल, प्रबर्द्धन समितिका बृजलाल पासवान, मनोज पटेल, अमित अग्रवाल, माधुरी महतो, मुस्कान श्रेष्ठ लगायतको सहभागिता रहेको थियो ।

कार्यक्रमको सहजिकरण वीरगंज महानगरपालिका सूचना शाखाका प्रमुख शम्भु कुशवाहाले गरेका थिए ।

चोक चोकमा आगो ताप्न महानगरले उपलब्ध गरायो दाउरा

0

वीरगंज । कठ्याग्रिदो जाडो बढेसँगै वीरगंज महानगरपालिकाले ३२ वटै वडामा आगो ताप्ने व्यवस्था मिलाएको छ । ३२ वटै वडाका वडाअध्यक्षको रोहबरमा आवश्यक स्थानको पहिचान गरी आगो ताप्न महानगरले दाउरा उपलब्ध गराएको हाे ।

बुधबारदेखि फेरि सितलहरी सुरु भएकाले ठाउठाउँमा दाउरा पठाएर आगो ताप्ने व्यवस्था मिलाइएको महानगरका नगर प्रमुख राजेशमान सिंहले बताए । महानगरले यस वर्ष जाडोबाट बँच्न आगो ताप्न ३ सय क्विन्टल दाउराको व्यवस्था गरेको छ ।

यस्तै महानगरले नै विभिन्न स्थानबाट संकलन गरेको ६ ट्रक रुखका जराहरु पनि जम्मा गरेर राखेको छ । आवश्यक परेका ठाउँमा आगो बाल्न दाउरा तत्काल पुर्याउने व्यवस्था मिलाइएको बताउँदै महानगरप्रमुख सिंहले जरुरत परेको ठाउँमा स्थानीय जनप्रतिनिधिसँग समन्वय गरी दाउरा माग गर्न आग्रह गरे ।

महानगरले बजार क्षेत्रमा आदर्शनगर चोक, घण्टाघर, माइस्थान चोक, मुरलीचोक, छपकैयाँ, विर्ता, पुरानो बसपार्क, मालपोत चोक लगायतका स्थानमा आगो ताप्ने व्यवस्था मिलाइएको मेयर सिंहकाे सचिवालयले जनाएकाे छ ।

मनोज तिवारीले पनि गरे सांसद प्रदिप यादवको प्रशंसा

0

वीरगंज । भारतका बहुचर्चित कलाकार एवम् लोकप्रिय नेता मनोज तिवारीले पर्सा क्षेत्र नम्बर १ का प्रतिनिधिसभा सदस्य (सांसद्) प्रदीप यादवको प्रशंसा गरेका छन् ।

भारतका लोकसभा सदस्य एवम् भारतीय जनता पार्टीका प्रभावशाली नेतासमेत रहेका तिवारीले शुक्रवार एक ट्विीट गर्दै यादवको प्रशंसा गरेका हुन् ।

प्रतिनिधिसभा सदस्यमा निर्वाचित यादवले भोजपुरी संस्कृति झल्किने भेषभुषा पहिरिएर आफ्नो मातृभाषा भोजपुरीमा शपथ लिएपछि यादवको चौतर्फी चर्चा चुलिएको हो । भोजपुरी भाषाका प्रसिद्ध गायकसमेत रहेका मनोज तिवारीले यादवको तारिफ गर्दै ट्विट गरेका छन् ।

उनले ट्विटरमा भोजपुरीमा लेखेका छन्, ‘नेपालको संसदमा प्रदीप यादव जीले भोजपुरी भाषामा शपथ लिनुभएको खबरले मन अत्यन्तै हर्षित भएको छ । छिटै हाम्रो सपनालाई सार्थकतामा बदल्न निरन्तर प्रयास जारी छ ।’

भोजपुरी भाषा र संस्कृतिको संरक्षण, प्रवद्र्धनसँगै जगेर्ना गर्नुपर्नेमा जोड दिँदै हिन्दी तथा भोजपुरी भाषी चलचित्रसमेतमा काम गरेर अभिनेताको समेत पहिचान बनाएका तिवारीले यादवको सह्राना गरेका छन् ।

यसअघि भोजपुरी अभिनेता एवम् सुप्रसिद्ध गायक खेसारीलाल यादवले पनि प्रदीप यादवको प्रसंशा गरेका थिए । पर्सा जिल्लाबाट भोजपुरी भाषामा शपथ ग्रहण गर्ने सांसद् यादव एकल सांसद् हुन् । उहाँसँगै जसपाका अर्का सांसद् रामसहाय यादवले पनि भोजपुरी भाषामै शपथ ग्रहण गरेका थिए ।

गैसस महासंघ पर्साले प्रत्येक बर्ष ५ जनालाई पुरस्कृत गर्ने

0

वीरगंज । गैरसरकारी संस्था महासंघ नेपाल पर्साको प्रथम बैठक विभिन्न निर्णय गर्दै सम्पन्न भएको छ । महासंघ पर्साका अध्यक्ष छठु साहको अध्यक्षतामा बसेको बैठकले प्रत्येक बर्षको साधारणसभामा ५ जनालाई पुरस्कृत गर्ने निर्णय गरेको छ ।

महासंघ पर्साको सम्पर्क कार्यालय वीरगंजस्थित पानीटंकीमा बसेकाे बैठकले एक जना पत्रकार, एक जना समाजिक कार्यकर्ता, एउटा गैरसरकारी संस्था, एउटा कृषक र एक जना महिलालाई सम्मान तथा पुरस्कृत गर्ने निर्णय गरेको हो ।

बैठकले महासंघ पर्साको ८ औं साधारण सभाबाट गठित ५ सदस्यीय सल्लाहकार समितिलाई पुर्णता पनि दिएको छ । सल्लाहकार समितीमा मनोज गुप्ता, शिवचरण रौनियार, रामाकान्त पटेल, मनोज यादव र माधुरी महतोलाई चयन गरिएको महासंघ पर्साका बरिष्ठ उपाध्यक्ष सुरज पंडितले जानकारी दिए ।

यसैगरी महासंघ पर्साले जिल्ला भरीको १४ पालिकामा संयोजक पनि तोकेको छ । वीरगंज महानगरपालिकामा सिमा खडका साह, पोखरीया नगरपालिकामा ललन पटेल, बहुदरमाई नगरपालिकामा सुरज पंडित, सखुवापरसौनी र जगरनाथपुर गाउँपालिकामा मनोज राम, पर्सागढी नगरपालिकामा मनोज यादव, जिराभवानी गाउँपालिकामा जयनारायण चौधरी, ठोरी गाउँपालिकामा नरेश जयसवाल, छिपहरमाई गाउँपालिकामा जितेन्द्र यादव, पटेवर्वा सुगौली र पकहा मैनपुर गाउँपालिकामा कोपीला चौलागाई साह, धोबिनी, बिन्दवासिनी र कालिकामाई गाउँपालिकामा छठु साहलाई संयोजक तोकेको हो ।

यसैगरी पर्सामा कार्यरत दातृनिकाय संग समन्वय गर्ने, १४ वटै पालिका संग समन्वय, सहकार्य र सम्पर्क गरी बढदो चिसो र जाडोमा गरीब परिवारलाई न्यानो कपडा, कम्बल जस्ता जाडो छल्ने सरसम्मान बितरण गराउन पहल गर्ने बैठकले निर्णय गरेको महासंघ पर्साकी उपाध्यक्ष कोपिला चौलागाई साहले वताइन ।