Date
मङ्ल, मंसिर १, २०८३
Tue, November 17, 2026
Home Blog Page 587

रौतहट २ का स्वतन्त्र सांसद किरण साह एमाले प्रवेश

0

चिसाे बढेपछि पर्साका विद्यालयहरु बन्दै हुँदै

0

वीरगंज । चिसो बढेपछि पर्साका विद्यालयहरु बन्द हुन थालेका छन् । हुस्सु र शितलहरका कारण अचानक चिसाे बढेपछि पर्साका स्थानिय तहहरु विद्यालयमा विदा दिन थालेका हुन् ।

 वीरगंज महानगरपालिकाले नगरभरिका विद्यालयहरुमा ४ दिन विदा दिएको छ । वीरगंज महानगरपालिकाले साेमबार एक सूचना जारी गर्दै मंगलबारदेखि शुक्रबारसम्मका लागि विद्यालयमा विदा दिएको हो ।

महानगरको शैक्षिक प्रशासन महाशाखाका प्रमुख एवम् निमित्त प्रमुख प्रशासकीय अधिकृत अरविन्द लाल कर्णले सोमबार साँझ सूचना जारी गर्दै नगरभित्र सञ्चालित सम्पूर्ण सामुदायिक र संस्थागत (निजी) विद्यालयमा भोलीदेखि शुक्रबारसम्मका लागि विदा दिइएको जनाएका हुन् ।

कर्णले जारी गरेको सूचनामा मौसम प्रतिकुलताका कारणबाट बालबालिकाहरुलाई नियमित विद्यालयमा पठनपाठन गर्न असहज हुँदै गएकोले मिति २०७९ पुष १९ गते मंगलबारदेखि २०७९ पुष २२ गते शुक्रबारसम्मका लागि हिउँदे विदाबाट कट्टा हुनेगरी विद्यालयमा पठनपाठन मात्र स्थगित गरिएको उल्लेख छ ।

यद्दपी पुनश्य: मौसम अनुकूल भए पश्चात पठनपाठन पुन: सूचारु हुने पनि सूचनामा उल्लेख छ ।

यसैगरी बिन्दवासिनी गाउँपालिकाले पनि सामुदायिक, संस्थागत र धार्मिक विद्यालयहरुमा विदा दिएकाे छ । बिन्दवासिनी गाउँपालिकाका शिक्षा अधिकृत कपिल लामिक्षानेले साेमबार एक सूचना जारी गर्दै शुक्रबार सम्मकाे लागि गाउँपालिका अन्तर्गतका सम्पूर्ण विद्यालयहरुमा विदा दिइएकाे जानकारी गराएका हुन् ।

हाल वढदै गइरहेको शितलहर तथा चिसोको कारण विद्यालयमा अध्ययनरत बाल बालिकाहरु प्रत्यक्ष रुपमा प्रभावित हुने हुनाले यस जोखिम परिस्थितिलाई मध्य नजर गर्दै गाउँपालिका अन्तर्गत संचालित सम्पुर्ण सामुदायिक / संस्थागत / धार्मिक विद्यालयहरुको पठन पाठन यहि मिति २०७९ ९ १९ गते मंगलवार देखि मिति २०७९ । ९ । २२ गते शुक्रबार सम्मका लागि बन्द गरिएको जारी सूचनामा उल्लेख गरिएकाे छ ।

यसैगरी पोखरिया नगरपालिकाले चिसाे कारण नगरपालिका अन्तर्गतका विद्यालयहरुमा विदा दिएकाे छ । अत्याधिक शीतलहर सहित जाडो बढेको कारण बालवालिकाहरुमा परिरहेकाे असरलाई ध्यानमा राखेर विदा दिइएकाे नगरपालिकाका निमित प्रमुख प्रशासकिय अधिकृत विजय कुमार झाले जानकारी दिए ।

झाले साेमबार एक सूचना जारी गर्दै नगरपालिका अन्तर्गत पर्ने सम्पुर्ण विद्यालयहरु मिति २०७२/०९/१९ गते देखि २०७९/०९/२२ गते सम्म विद्यालयको पठन-पाठन कार्य बन्द गरी मिति २०७९/०९/२४ गते आईतबार देखि नियमित रुपले विद्यालय संचालन गर्न हुनको जानकारी गराएका छन् ।

यसैगरी सखुवा प्रसाैनी गाउँपालिकाले पनि जाडाे विदा दिएकाे छ । अत्यधिक मात्रामा शीतलहर सहित जाडो बढेको कारण बालवालिकामा प्रतिकूल असर परेको हुँदा गाउँपालका अन्तर्गत पर्ने सम्पूर्ण विद्यालयहरू यही मिति २०७९-०९-२२ गते शुक्रवार सम्म विद्यालयको पठनपाठन कार्य बन्द गाउँपालिकाद्वार जारी सूचनामा उल्लेख गरिएकाे छ ।

विकास निर्माणकाे लागि एकताबद्ध हुनुपर्छ : सांसद रिजाल

0

वीरगंज । नेपाली कांग्रेसका केन्द्रिय सदस्य एवम् प्रतिनिधि सभा सदस्य (सांसद) रमेश रिजाले विकास निर्माणकाे लागि एकताबद्ध हुनु पर्ने वताएका छन् ।  ४७ औं राष्ट्रिय एकता तथा मेलमिलाप दिवसकाे अवसरमा वीरगंजमा आयाेजित चियापान कार्यक्रमलाई सम्बाेधन गर्दै सांसद रिजालले विकास निर्माणकाे सवालमा फरक विचारधार भएका राजनीतिक दलका नेताहरु पनि एक हुनु पर्ने वताएका हुन् । 

उनले आफ्नाे दल अहिले प्रतिपक्षमा भएपनि मुलुक विकासकाे लागि, मुलुककाे हितकाे लागि सरकारकाे साथमा रहने वताए । तर याे सरकार जनताकाे हित विपरित जान थाल्याे, प्रजातन्त्रकाे विपरित जान थाल्याे, संविधानकाे विपरित जान थाल्याे, संघियताकाे विपरित जान थाल्याे भने सरकारकाे विराेधमा जनमत तयार गरी परास्त गर्ने अभियानमा लाग्ने पनि चेतावनी दिए ।

कार्यक्रमका प्रमुख अतिथी समेत रहेका सांसद रिजालले नेपाली कांग्रेसकाे नेतृत्वमा सरकार बन्नु पर्ने चाहना अनकुल नभएकाेमा पनि निराश नहुन पार्टी नेता तथा कार्यकर्ताहरुलाई आग्रह गरे । उनले संगठन निर्माणमा लाग्न आग्रह समेत गरे । 

 

नेपाली कांग्रेस पर्साद्वारा आयाेजित कार्यक्रममा नेपाली कांग्रेसका केन्द्रिय सदस्य एवम् प्रतिनिधि सभा सदस्य अजय चाैरसिया,नेकपा एमालेका केन्द्रिय सदस्य एवम् प्रतिनिधि सभा सदस्य प्रभु हाजरा, राप्रपाकी नेतृ एवम् प्रतिनिधि सभा सदस्य विना जयसवाल, संविधान सभा सदस्य अनिल रुंगाटा, एमालेका केन्द्रिय सदस्य अरविन्द सिंह, जसपा पर्साका अध्यक्ष रामनरेश यादव, कांग्रेस मधेश प्रदेशका महामन्त्री बृहस्पती कृष्ण श्रेष्ठ, नेता ओमप्रकाश शर्मा, नविन सिंह लगायतकाे सहभागिता रहेकाे थियाे । 

नेपाली कांग्रेस पर्साका उपसभापति रामनारायण कुर्मीकाे अध्यक्षतामा भएकाे कार्यक्रमकाे संचालन नेपाली कांग्रेस पर्साका सचिव एवम् वीरगंज महानगरपालिकाका उप मेयर इमतियाज आलमले गरेका थिए ।

बिन्दवासिनी गापाद्वारा एमबिबिएस अध्ययन गर्नेलाई छात्रवृति प्रदान

0
वीरगंज । पर्साकाे बिन्दवासिनी गाउँपालिकाले एमबिबिएस अध्ययनरत एक जना छात्रलाई प्राेत्साहन स्वरुप छात्रवृति उपलब्ध गराएकाे छ । गाउँपालिकाले वडा नं.४ अमरपट्टी निवासी पवन कुमार चौरासियालाई रु ५० हजार छात्रवृति उपलब्ध गराएकाे हाे ।
 
चौरासियाले NEET परिक्षा उतिर्ण गरी भारतमा MBBS अध्ययन छात्रवृति प्राप्त गरेकोले प्राेत्साहन स्वरुप रु. ५० हजार छात्रवृति उपलब्ध गराइएको गाउँपालिका कार्यालयले जनाएकाे छ ।
 
गाउँपालिका अध्यक्ष श्री प्रमोद तिवारीले साेमबार एक कार्यक्रमका बिच चौरासियालाई छात्रवृत रकम बराबरकाे चेक हस्तान्तरण गरेका थिए । अध्यक्ष तिवारीले चाैरसियाकाे उत्तराेत्तर प्रगतिको कामना सहित उत्प्रेरणा प्रदान गर्न सानाे सहयाेग गरिएकाे वताए ।
 
यसैगरी बिन्दवासिनी गाँउपालिकाले गाउँपालिका अन्तर्गतका ३ वटा माध्यमिक विद्यालयहरुमा अतिरिक्त क्रियाकलाप संचालन गर्न /गराउँन एक/एक थान साउन्ड बक्स उपलब्ध गराएकाे छ ।
 
सो अवसरमा प्रमुख प्रशासकिय अधिकृत राजु साह, वडा नं. ३ का वडाध्यक्ष जय प्रकाश चौरासियासहित सम्बन्धित शाखा प्रमुखहरु तथा शिक्षक र अभिभावकहरुको उपस्थिति रहेको थियो ।

प्रविसा र विलनको स्वरमा ‘चोखो माया बस्न देउ’ सार्वजनिक

0

काठमाण्डौं । गायिका प्रविसा अधिकारी र विलन थापाको स्वरमा रहेको ‘चोखो माया बस्न देउ’ रिलिज भएको छ । गीता गिरीको शब्द तथा विलन थापको संगीतमा रहेको उक्त गीतमा सुदिप सागरको संगीत संयोजन छ ।

गीतको भिडियोमा केशव राज भट्टले निर्देशन गरेका हुन् ।  भिडियोमा रोशन केसी, स्मारिका ढकाल र बसन्त घिमिरेको अभिनय देख्न सकिन्छ । बुद्ध थापा छायांकनमा रहेको भिडिओलाई दिप्सन शाहले सम्पादन गरेका हुन् ।

गीतको पुरा भिडियो हेर्न तल क्लिक गर्नुहोस ।

संघीयता कार्यान्वनमा चुनौती कायमै : मुख्यमन्त्री राउत

0
जनकपुरधाम । मधेस प्रदेशका मुख्यमन्त्री लालबाबु राउतले अझै पनि संघीयता कार्यान्वयनमा चुनौती रहेको बताएका छन् । प्रदेश सांसदहरूको शपथग्रहणपछि सोमबार बसेको पहिलो प्रदेशसभाको बैठकलाई सम्बोधन गर्दै मुख्यमन्त्री राउतले संघीयता कार्यान्वयन गर्न मधेस प्रदेशलाई अझ बढी चुनौती रहेको बताएका हुन् ।
 
नयाँ सरकारकालाई प्रदेश प्रहरी भर्ना गर्न चुनौती हुने बताउँदै मुख्यमन्त्री राउतले सबै दल एकमत भएर अगाडि बढ्नुपर्नेमा जोड दिए । प्रहरी समायोजनको काम अन्तिम चरणमा पुगेकोले प्रधानमन्त्री पुष्पकमल दाहालसँगको समन्वयमा ध्यान दिनुपर्ने उनको भनाइ छ ।
 
‘चुनौतीका बीच प्रदेशसभाबाट प्रदेश प्रहरी ऐन, प्रदेश निजामती ऐन बनाउँदा सबै दलको सहयोग सरकारका लागि महत्त्व राख्दछ,’ राउतले भने,‘ऐन र नीति तथा कार्यक्रम प्रदेश सभाबाट पारित गर्न सकारात्मक सहयोग प्राप्त भयो ।’
 
संघीयता कार्यान्वयनकै लागि संघीय सरकारविरुद्ध दर्जनभन्दा बढी मुद्दा दायर गर्नु परेको पनि उनले बताए । मुलुकमा मधेस प्रदेशले मात्र संघीयता टिकाएको दाबी गर्दै मुख्यमन्त्री राउतले प्रदेश सांसद एकताबद्ध भएर अगाडि बढे मात्रै संघीयता कार्यान्वयन हुने बताए ।
 
स्रोतसाधनको अभावबीच ५ वर्षको यात्रा निकै कष्टकर भएको पनि मुख्यमन्त्री राउतको गुनासो थियो । मुख्यमन्त्रीका रूपमा काठमाडौं जाँदा तीनकुनेमा गाडी बिग्रिएर अलपत्र परेको अनुभव पनि उनले सुनाए । पाँच वर्षे कार्यकालमा कार्यकक्ष र कर्मचारी अभावले भनेजस्तो काम गर्न नसकेको पनि उनको भनाइ थियो ।

राजश्व विभागको किर्ते स्टिकरसहित वीरगंजबाट दुई जना पक्राउ

0

वीरगंज । आन्तरिक राजश्व विभागको किर्ते तवरबाट तयार गरिएको स्टिकरसहित दुई जना वीरगंजबाट पक्राउ परेका छन् । बाराकाे विश्रामपुर गाउँपालिका वडा नं.५ हाल वीरगंज महानगरपालिकाकाे वडा नं.१५ त्रिशुल चोक बस्ने वर्ष २७ को मनिष कुमार साह तेली र साेही ठाउँ बस्ने वर्ष २५ को रंजन कुमार रामलाई प्रहरीले पक्राउ गरेकाे हाे ।

रक्सौलबाट वीरगञ्जतर्फ आउँदै गरेकाे दुई जनाले आन्तरिक राजश्व विभागको किर्ते तवरबाट तयार गरिएको स्टिकर लिएर आउँदै छन् भन्ने पुष १५ गते प्राप्त भएको सूचनाको आधारमा तालुक मधेश प्रदेश प्रहरी कार्यालय तथा जिल्ला प्रहरी कार्यालयबाट खटिएको संयुक्त प्रहरी टोलीले दुबै जनालाई पक्राउ गरेकाे थियाे ।

वीरगंज महानगरपालिका वडा नं.१६ स्थित सडकखण्डमा गोप्यरूपमा निगरानी गर्दै गरेको अवस्थामा दिउसाे ३ बजेकाे समयमा प्र.२-०३-००८ प २६६९ नम्बरको NS 200 CC को मोटरसाईकलमा वीरगञ्जतर्फ आउँदै गरेकाे दुबै जनालाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

निजहरूलाई रोकी दुबै जनाकाे शरीर रीतपूर्वक खानतलासी गर्दा मनिष कुमार साहले लगाएको ज्याकेटको दाहिनेतर्फको भित्री खल्तीमा लुकाइ छिपाई राखिएको आन्तरिक राजश्व विभाग Liquor 25 up 375ml लेखिएको स्टिकर पाना-१ ३९ स्टिकर भएको छायाँकपी पाना-१ फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

दुबै जनालाई माेटरसाइकल र बरामद आन्तरिक राजश्व विभागको स्टिकर सहित जिल्ला प्रहरी कार्यालयमा ल्याइ निजहरू विरुद्द लिखत सम्बन्धी कसूरमा पर्सा जिल्ला अदालतबाट ७ दिन म्याद लिइ थप अनुसन्धान भइरहेकाे प्रवक्ता गिरीले जानकारी दिए । 

माइस्थान निषेधित क्षेत्रमा गाडी लैजाने कर्मचारीलाई महानगरले साेध्याे स्पष्टिकरण

0

वीरगंज । वीरगञ्ज वीरगञ्जको माइस्थान मन्दिर अगाडी सवारी पार्किङ गर्ने कर्मचारीलाई महानगरपालिकाले कारबाही प्रकृया अघि बढाएको छ । वीरगञ्ज महानगरपालिकाको सवारी साधन महानगरकै कर्मचारीले विना अनुमति निषेधित क्षेत्रमा पार्किङ गरेकाले उनीहरुलाई कारबाही प्रकृया अघि बढाएको हो ।

घटनामा संलग्न भएका कर्मचारीलाई विदाको दिन कसको अनुमतिमा सरकारी गाडी संचालन गरेको र निषेधित क्षेत्रमा कसरी पुर्याइएको हो सो सम्बन्धमा तीन दिनभित्र स्पष्टिकरण बुझाउन आदेश दिइएको छ ।  ‘महानगरको योजना शाखाका इन्जिनियर भरत बहादुर थापा, सवारी चालक रमेश गुप्ता र महानगर प्रहरी प्रमुख प्रहरी निरीक्षक हरि भुषाललाई तीन दिन भित्र लिखित स्पष्टिकरण पेश गर्न भनिएको छ ।

यस्तै माइस्थान मन्दिर परिसरमा डिउटीमा रहेका नगर प्रहरीका अन्य ६ जनालाई पनि स्पष्टि करण बुझाउन आदेश दिइएको छ । नगर प्रहरी सहायक निरीक्षक छोटेलाल राउत र राजेन्द्य्र महरा, नगर प्रहरी जवान दिपेन्द्र प्रसाद यादव, नारायण साह कानु, अभिमन्यु यादव र बृज किशोरसँग स्पष्टिकरण माग गरिएको महानगरले जनाएको छ । 

महानगरका निमित्त प्रमुख प्रशासकीय अधिकृत अरबिन्द लाल कर्णले तीन दिन भित्र चित्त बुझ्दो स्पष्टिकरण नबुझाए थप कारबाही गरिने चेतावनी पनि दिएका छन् ।

महानगरपालिकाको ना १ झ १५९७ नम्वरको पिकअप भ्यान सार्वजनिक विदाको दिन सवारी निषेधित क्षेत्र माइस्थान परिसरमा पार्किङ गरिराखेको फोटो सामाजिक सञ्जालमा सार्वजनिक भए पछि महानगरप्रमुख राजेशमान सिंहले घटनामा संलग्न सबैलाई कारबाही गर्ने बताएका थिए । 

‘महानगर प्रमुखकै सवारी साधन पनि यस क्षेत्रमा प्रवेश निषेध छ, अन्य सवारी प्रवेशको छुट हुने कुरै छैन,’ नगरप्रमुख सिंहले भन्नुभयो ।

पाेखरियामा जसपाकाे नगर समिति पुनर्गठन, अध्यक्षमा राजु साह

0

वीरगंज । पर्साको पोखरीया नगरपालिकामा जनता समाजवादी पार्टी (जसपा) नेपालकाे नगर स्तरिय समिति पुनर्गठन भएको छ । राजु साहको अध्यक्षतामा २९ सदस्यीय नयाँ नगर समिति सर्वसहमत गठन भएको हो ।

नवगठित समितिकाे उपाध्यक्षमा संध्या देवी पासवान, हरेन्द्र साह कानु, कोषध्यक्षमा देवेन्दर कुमार गुप्ता, सह कोषाध्यक्षमा सुनरपति देवी, सदस्यहरुमा रामदरश साह कानु, हरिओम गिरी, जग मुखिया, लिलावती देवी, फुलकान्ती देवी लगायतका रहेका छन ।

जसपा पर्सा क्षेत्र नं. ३ काे क्षेत्रिय अध्यक्ष नागिन्दर यादवको अध्यक्षतामा भएको नगर स्तरिय बैठकमा जसपाका केन्द्रिय सदस्य सलमा खातुन, राजनिती समिती सल्लाहकार खलिल मियाँ, प्रदेश सभा क्षेत्र नं. ३ काे २ का अध्यक्ष पवन कुमार सिंह लगायतकाे विशेष उपस्थिती रहेकाे थियाे ।

कट्टी मठकाे जग्गामा मधेश विश्वविद्यालयको शाखा राख्न माग

0

वीरगंज । पर्साको पकाहा मैनपुर गाउँपालिका वडा नं २ स्थित रहेको श्री राम जानकी मन्दिरको जग्गामा मधेश विश्वविद्यालयको एउटा शाखा राख्न युवाहरु जागरुक भएका छन् । पत्रकार बिन्दूबुषण साहको अगुवाइ र कृष्णा कुशवाहा लगायत पाकहा मैनपुर र कालिकामाई गाउँपालिकाका शिक्षा प्रेमी, समाजसेवी लगायत युवाहरुको सहभागिता भएको भेला कट्टी मठकै जग्गामा मधेश विश्वविद्यालयको एउटा शाखा राख्न युवाहरु लागी परेका छन् ।

मधेश विश्वविद्यालयको एउटा शाखा राख्न २५ देखि ३० बिगाहा क्षेत्रफल रहेको जग्गा किन्नु भन्दा श्री राम जानकी मन्दिरको नाम रहेको २५ बिगाहामा मधेस विश्वविद्यालय बनाउन उपयुक्त भएको भन्दै युवाहरु जागरुक भएका हुन् । पकहा मैनपुर र कालिकामाई गाउँपालिका युवाहरुले मधेस विश्ववद्यालयको एउटा शाखा राख्न कट्टी मठकै जग्गा राम्रो भएको भन्दै यस क्षेत्रका सांसद राजकुमार गुप्ता, प्रदेश सभा सदस्य जनार्दन सिंह क्षेत्री र मधेश विश्ववद्यालयका उपकुलपति डा दीपक शाक्यसँग भेट गरी विश्व विद्यालयको एउटा शाखा राख्ने विषयमा उहाँहरूले आवश्यक पहल गर्ने चाहिने बेला हामी आफै उपस्थित हुने युवाहरुले बताएका छन् ।

पकहा मैनपुर गाउँपालिका वडा नं २ मा पर्ने गुठी संस्थान अन्तरगत करिब ३० बिगाहा जग्गा रहेको छ । विगतका दिनमा गाविस हुँदा पनि वीरगंज विश्व विद्यालयको लागि पनि सो जग्गामा विश्व विद्यालय बनाउनु पर्ने आवाज उठेको थियो ।