Date
मङ्ल, मंसिर १, २०८३
Tue, November 17, 2026
Home Blog Page 578

पिप्रा लिङ्क रोडकाे नाम महात्मा गान्धी पथ राख्ने कार्यकाे नेकपा एस वीरगंजद्वारा विराेध

0

वीरगंज । वीरगंज महानगरपालिकाकाे वडा नं. १४ पिप्रा स्थित लिङ्क रोडलाई महात्मा गान्धी मार्ग नमांकन गर्ने कार्यकाे नेकपा एकिकृत समाजावादी वीरगंज महानगर कमिटिले बिरोध जनाएको छ ।

कमिटिका अध्यक्ष मनोज चौधरीले बुधवार एक बिज्ञप्ती जारी गर्दै प्रदेश सरकार, वीरगंज महानगरपालिका र वीरगंजस्थित भारतीय महाणिज्यदुतावासको सहकार्य बिहिबार एक कार्यक्रमकाे आयाेजना गरि पिपराकाे लिंक राेडकाे नाम परिवर्तन गर्न लागिएकाेमा विराेध जनाएका हुन् । 

नेपालको बिभुती, सहिद तथा स्थानिय समाजसेवी नामाकारण गर्न सकिने भएपनि बिदेशी बिभुतीको नामले नामाकारण गर्न खोज्नु नेपाली राष्ट्रियता प्रतिको गम्भीर प्रहार भएको अध्यक्ष चाैधरीले वताए ।

एकिकृत समाजवादी महानगर कमिटि विकास एवं भौतिक पूर्वधार निर्माणको बिरोधी नरहेको वताउँदै उनले स्थानियहरुको ब्यापक बिरोधको बावजुद पनि नाम परिवर्तन गर्नु गलतकाे हुने वताउँदै त्यस्ताे कार्यमा हाम्राे सहमती नरहने जनाए ।  

पिप्रा लिङ्क रोडकाे नाम महात्मा गान्धी पथ राख्ने तयारी, स्थानियद्वारा विराेध

0

वीरगंज । वीरगंज महानगरपालिकाकाकाे वडा नं. १४ पिपरास्थित जेष्ठ नागरिक पार्कलाई महात्मागान्धी पार्क र पिप्रा लिङ्क रोडलाई महात्मा गान्धी पथ राख्नेगरी महानगरले तयारी गरेकाे सूचना बाहिरिएपछि स्थानियबासीले आपति जनाएका छन् ।

वीरगंज महानगरपालिकाले पिपराको ऐतिहासिक र धार्मिक महत्वलाई समाप्त पार्ने उद्देश्यले महात्मा गान्धीको नाउँबाट नामाकरण गर्न खोजिएको भन्दै स्थानीयहरुले विरोध जनाएका हुन । महानगरपालिकाले माघ १९ गते बिहिवार पिपरा लिङ्क रोडको नाउँ  महात्मागान्धी (एमजी) रोड नामाकरणगरी उदघाट्न गर्ने भएको तयारी गरेकाे स्थानियहरुकाे भनाई छ ।

यसै सन्दर्भ स्थानिय युवाहरुकाे एक समुहले मंगलबार वडाध्यक्ष मेहबुब एलाहीलाई ज्ञापन पत्र समेत बुझाएका छन् । युवा समाज पिपराका अध्यक्ष अनिल पटेल, नेकपा माओवादी केन्द्र वीरगंज १४ का अध्यक्ष महेश पटेल, नेकपा एकीकृत समाजवादी वीरगंज १४ का अध्यक्ष मदन प्रसाद कुर्मी, कौशल पटेल, कृपा पटेल लगायतले ज्ञापन पत्र मार्फत पिपराका ऐतिहासिक र यसको धार्मिक पक्षलाई ख्याल नगरि गैर नेपालीको नाउँमा नामाकरण गर्न खोज्नुले स्थानीय संस्कृतिमाथिको प्रहार भएको बताएका छन् । 

पिपरा लिङ्क रोड टोल विकास समितिले समेत विज्ञप्ती जारी गरेको विराेध गरेकाे थियो भने सामाजिक सञ्जालमा समेत व्यापक रुपमा विराेध हुँदै आएको छ । बुधबार साेही ठाउँमा स्थानिय युवाहरु विराेध प्रदर्शन गर्ने पनि तयारी गरेका छन् ।

ठाकुर राममा नेवि संघद्वारा सरसफाई

0

वीरगंज । नेवि संघले ठाकुर राम बहुमुखि क्याम्पस वीरगंजमा सरसफाई गरेहेकाे छ । सरस्वती पुजाकाे अवसरमा नेवि संघ ठाकुर राम क्याम्पस इकाई समितिकाे आयाेजनामा क्याम्पस परिसरमा सर-सफाई कार्यक्रम सम्पन्न भएकाे हाे ।

बिद्यार्थी नेता सुधानसु प्रसाद चौरसियाको अध्यक्षतामा भएकाे कार्यक्रममा नेपाली कांग्रेस पर्साका उप सभापति रामनारायण कुर्मी, अशोक गुप्ता, पर्सा क्षेत्र नं. २ को क्षेत्रीय सभापति महमद सहाबुदिन, वीरगंज महानगर अध्यक्ष मनिन्द्र लाल नेपाली, ठाकुर राम बहुमुखि क्याम्पस प्रमुख उमेश प्रसाद चौरसिया, क्याम्पसका लेखा प्रमुख गुन्जन सिंह, क्याम्पसका प्राध्यापक कन्हैया झा, उमा मिश्रा,  प्रजातान्त्रिक कर्मचारी संघको सभापति गिता श्रेष्ठ लगायतकाे सहभागिता रहेकाे थियाे ।

कालिकामाईबाट लागु औषध गाँजासहित एक जना पक्राउ

0

वीरगंज । प्रहरीलेे पर्साकाे कालिकामाई गाउँपालिका वडा नं.१ मुडलीबाट एक जनालाई लागु औषध गाँजासहित पक्राउ गरेकाे छ ।

ईलाका प्रहरी कार्यालय पोखरियाबाट प्रहरी निरिक्षक आयुश प्रसाद जोसीको कमाण्डमा खटिएको टोलीले मंगलबार सांझ ५ बजे भारत विहार जिल्ला गोपालगञ्ज थाना गोपालगञ्ज ग्राम जगरी टोल निवासी ५५ बर्षिय शम्भु सहनीलाई पक्राउ गरेकाे जिल्ला प्रहरी कार्यालय पर्साले जनाएकाे छ ।

विभिन्न सवारी साधन तथा पैदलयात्रुहरूलाई चेकजाँच गर्ने क्रममा बिआर२८ के ४९१९  नम्बरको हिराे हुन्डा मोटरसाईकललाई रोकी जाँच गर्दा सहनीले उक्त मोटरसाइकलको सिटमुनी फल्स बटम बनाई कालो ब्यागभित्र हरियो प्लाष्टिकले वेरी राखेको अवस्थामा लागु औषध गाँजा ७ के.जी. फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक निर्मल बुढाथाेकीले वताए ।

उक्त लागु औषध र मोटरसाइकल सहित सहनीलाई नियन्त्रणमा लिई लागु औषध सम्बन्धी कसूरमा मंगलबार पर्सा जिल्ला अदालतबाट ४ दिनकाे म्याद थप अनुमति प्रदान गरि अनुसन्धान अगाडि बढाइएको प्रवक्ता बुढाथाेकीले जानकारी दिए ।

राष्ट्रिय वाणिज्य बैंककाे बार्षिकाेत्सवमा सत्ताव्यापी कार्यक्रम सम्पन्न

0

वीरगंज । राष्ट्रिय वाणिज्य बैंककाे ५८ औं बार्षिकाेत्सवकाे अवसरमा वीरगंजमा सत्ताव्यापी कार्यक्रम सम्पन्न भएकाे छ । बैंककाे मधेश प्रादेशिक कार्यालय वीरगंजले रक्तदान सहितकाे विभिन्न कार्यक्रमकाे आयाेजना गरि सत्ताव्यापी रुपमा बार्षिकाेत्सव मनाएकाे हाे ।

बार्षिकाेत्सवकाे अवसरमा आयाेजित सत्ताव्यापी कार्यक्रमकाे अन्तिम दिन बैंकले वीरगंजकाे श्रीसियास्थित मानव सेवा आश्रममा खाना खुवाउनुकाे साथै बैंककाे प्रादेशिक कार्यालय आदर्शनगरमा समापन समाराेहकाे आयाेजना गरेकाे बैंकका आलाेक कर्णले जानकारी दिए ।

बैंकका प्रादेशिक प्रबन्धक कमलेश ठाकुरकाे अध्यक्षतामा भएकाे कार्यक्रममा राष्ट्र‍िय वाणिज्य बै‍ंककाे शाखा कार्यालय आदर्शनगर, श्रीपुर र प्रादेशिक कार्यालय वीरगंजका कर्मचारी लगायतकाे सहभागिता रहेकाे थियाे ।

 बैंककाे सभा हलमा आयाेजित कार्यक्रममा पूर्व कर्मचारी र उत्कृष्ट कर्मचारीहरुलाई सम्मान समेत गरिएकाे कर्णले वताए ।

यस्तै बैंकले बार्षिकाेत्सवकाे अवसरमा रक्तदान, प्रभातफेरी,  विभिन्न खेलकुद लगायतकाे कार्यक्रम गरिएकाे बैंकका कर्मचारी राहुल ओझाले वताए ।

कर्पुरी ठाकुरकाे ९९ औं जयन्ती वीरगंजमा मनाइयाे

0

वीरगंज । भारत विहारका पूर्व मुख्यमन्त्री स्व‍. कर्पुरी ठाकुरकाे ९९ औं जयन्ती वीरगंजमा मनाइएकाे छ । नेपाल नाई समाज पर्साकाे आयाेजनामा मंगलबार वीरगंजकाे छपकैयामा जयन्तीकाे समाराेह सम्पन्न भएकाे छ ।

कार्यक्रमलाई सम्बाेधन गर्दै नेपाल नाई समाजका राष्ट्रिय अध्यक्ष डा. राजेन्द्र ठाकुरले नाई समाजकाे सन्नततीकाे उत्थानकाे लागि आप्ननाे पेनसनबाट नाई समाजलाई रु ५ लाख सहयाेग गर्ने प्रतिवद्धता जनाए ।

त्रिभुवन विश्व विद्यालयका पूर्व सभासद समेत रहेका डा. ठाकुरले नाई समाजकाे राजनीतिक धेरै कम पहुँच रहेकाेले पहुँच बढाउन पनि जरुरी रहेकाे वताए । उनले समाजकाे उत्थानकाे शिक्षामा ध्यान दिनु पर्ने जरुरी रहेकाे वताए ।

डा. ठाकुरले स्व. कर्पुरी ठाकुरकाे जिवनीकाे बारेमा चर्चा गर्दै उनी दुई पटक विहारकाे मुख्यमन्त्री र एक पटक उप मुख्यमन्त्री भएकाे वताए ।

नाई समाज पर्साका अध्यक्ष शिवशंकर ठाकुरकाे अध्यक्षतामा भएकाे कार्यक्रममा समाजका गान्धी ठाकुर, चिरन्जीवी  ठाकुर, संताेष ठाकुर, विजय ठाकुर लगायतकाले मन्तव्य राखेका थिए भने कार्यक्रमकाे संचालन नाई समाज पर्साका सचिव उमेश ठाकुरले गरेका थिए ।

पकहा मैनपुरमा हिउँदे बाली सम्बन्धी ३ दिने तालिम शुरु

0
वीरगंज । पर्साको पकहा मैनपुर गाउँपालिका वडा नम्बर दुई सुर्जाहामा साेमबार हिउँदे बाली सम्बन्धी ३ दिने तालिम शुरु भएकाे छ । तालिमकाे एक कार्यक्रमका बिच गाउँपालिका अध्यक्ष सुरेश मेहताले उद्घाटन गरेका हुन् ।
 
तालिम उद्घाटन गर्दै मेहताले कृषकहरु नै अन्नदाता भएको र हरेक मानवको लागी भगवान सरह भएका कारण कृषकहरुलाई सम्मान गर्न राज्य तथा अन्य सबै सरकारले सिक्नु पर्ने वताए । 
 
वडाध्यक्ष मुकुट चौहानको अध्यक्षतामा भएको उद्घाटन समारोहमा गाउँपालिका उपाध्यक्षका प्रतिनिधि नसुरल्लाह मियाँ, वडा नम्बर १ का वडाध्यक्ष बिनोद मेहता, ३ का वडाध्यक्ष संजय चौहान, ४ का वडाध्यक्ष ढेडी यादव, ५ का वडाध्यक्ष बलिराम चौरसिया, समाजसेवी तथा युवा नेता राकेश मेहता, अनिल साह लगायतकाले मन्तब्य राखेका थिए ।
 
तालिममा वडा नं. १ देखी ५ सम्मका ५/५ जना गरी २५ जनाको सहभागीता रहेको छ ।

गाउँपालिका अध्यक्ष मेहताद्वारा विद्यालय भवनकाे शिलान्यास

0

वीरगंज । पर्साको पकहा मैनपुर गाउँपालिका वडा नम्बर ४ लहारवथरीमा रहेकाे श्री बरम्हस्थान नेपाल राष्ट्रि आधारभुत विद्यालयमा साेमबार एक कार्यक्रमकाे बिच ४ काेठे भवनकाे शिलान्यास गरिएकाे छ ।

राष्ट्रिय शैक्षिक सुधार परियोजना अन्तर्गत निर्माण हुने भवनकाे पकहा मैनपुर गाउँपालिकाका अध्यक्ष सुरेश मेहताले शिलान्यास गरेका हुन् । भवन शिलान्यास गर्दै अध्यक्ष मेहताले निर्माण कार्य समय मै पुरा गर्न निर्देशन समेत दिए । भवन  ४५ लाखको लागतमा निमार्ण हुने गाउँपालिकाले जनाएकाे छ ।

विद्यालयका प्रधानाध्यापक उमेश यादवको अध्यक्षतामा भएको शिलान्यास कार्यक्रममा नेपाली कांग्रेसका पकहा मैनपुर गाउँपालिकाका सभापति हरि चौहान, नेता नसुरल्लाह मियाँ, वडाध्यक्षहरु ढेडी यादव, मुकुट चौहान, बलिराम चौरसिया, समाजसेवी अनिल साह, नेपाली कांग्रेसका युवा नेता राकेश कुश्वाहा, समाजसेवी गणेश कुमार साह तेली लगायतकाे उपस्थिती रहेकाे थियाे ।

सशस्त्र प्रहरी दिवसकाे अवसरमा एक सय जनाद्वारा रक्तदान

0

वीरगंज । सशस्त्र प्रहरी बल नेपाल नम्बर १३ गण हेडक्वाटर पर्साकाे आयाेजनामा आइतबार वीरगंजमा रक्तदान कार्यक्रम सम्पन्न भएकाे छ । सशस्त्र प्रहरी दिवसकाे अवसरमा भएकाे कार्यक्रममा ३ महिलासहित एक सय जनाले रक्तदान गरेका हुन् ।

गणका निमित्त गणपति सशस्त्र प्रहरी नायब उपरीक्षक सन्तोष बस्नेतको संयोजकत्वमा सम्पन्न कार्यक्रममा सशस्त्र प्रहरी नायब उपरीक्षक बस्नेतसहित सशस्त्र प्रहरी निरीक्षक सन्दिप थापा, तिर्थराज न्यौपाने, हरेराम सर्राफ, इनरपरी सर्राफ, बबिता पासवान, रमिता चौधरी लगायतले रक्तदान गरेको नेपाल रेडक्रस सोसाइटीका राजन श्रीवास्तवले जानकारी दिए । 

सशस्त्र प्रहरी दिवसका अवसरमा आयोजित कार्यक्रमलाई सम्बोधन गर्दै जिल्ला प्रशासन कार्यालय पर्साका प्रमुख जिल्ला अधिकारी उमेश कुमार ढकालले सशस्त्र प्रहरीले शान्ति सुरक्षा, सीमा सुरक्षासँगै सामाजिक कार्यमा पनि सक्रिय भएको बताए । सबै निकायले आफ्नो जिम्मेवारीसँगै समाजप्रतिको उत्तरदायित्व पनि निर्वाह गर्नुपर्नेमा उनले जोड दिए । 

देशैभर सशस्त्र प्रहरी दिवस मनाउने क्रममा पर्सा जिल्लामा पनि सामाजिक कार्य गर्ने सोचका साथ रक्तदान कार्यक्रमको आयोजना गरिएको निमित्त गणपति बस्नेतले बताए । सशस्त्र प्रहरीले सीमा सुरक्षा मात्रै नभएर सामाजिक काम पनि गर्छ भन्ने सन्देश प्रवाह गर्न खोजेको बस्नेतेको भनाई छ । उनले भने, ‘रक्तदान जस्तो पुण्य अनि मानवीय काम अरु हुन सक्तैन, हामीले गरेको रगत दानले कोही कसैको ज्यान बच्छ ।’ 

रक्तदान कार्यक्रममा जिल्ला प्रहरी कार्यालय पर्साका प्रमुख प्रहरी उपरीक्षक कोमल शाह, नेपाल पत्रकार महासंघका केन्द्रीय सदस्य केसी लामिछाने, नेता अर्विन्द सिंह, वीरगंज सामुदायिक आँखा अस्पतालका मेडिकल संयोजक महेश सिंह धामी, सामाजिक अभियानता प्रकाश थारु, युवा अभियानता कमल चौगाई लगायतको उपस्थिती रहेको थियो ।

स्वतन्त्र प्रदेश सभा सदस्य जयसवाल जसपा प्रबेश, मन्त्री बन्ने

0

वीरगंज ।  मधेश प्रदेशका २ जना स्वतन्त्र प्रदेश सभा सदस्य जनता समाजवादी पार्टी (जसपा) नेपालमा प्रवेश गरेका छन् ।

पर्साको निर्वाचन क्षेत्र नम्बर ३ (१) बाट निर्वाचित स्वतन्त्र प्रदेश सभा सदस्य प्रमोद कुमार जयसवाल र महोत्तरीको क्षेत्र नम्बर २ (ख) बाट निर्वाचित सुरिता साह जसपामा प्रवेश गरेका हुन् ।

दुवै प्रदेशसभा सदस्यलाई आइतबार काठमाडाैंकाे बालकुमारीस्थित जसपाको पार्टी कार्यालयमा अध्यक्ष उपेन्द्र यादवले स्वागत गर्दै पार्टी प्रवेश गराएकाे जसपाका नेता एवम् प्रतिनिधि सभा सदस्य प्रदिप यादवले जानकारी दिए ।

मधेस प्रदेशसभामा जसपाको १६ प्रदेशसभा सदस्य रहेकामा थप दुई प्रवेश गरेपछि प्रदेशसभामा अब १८ जना भएका छन् ।

साे अवसरमा संसदीय दलका नेता रामसहाय प्रसाद यादव, पर्सा क्षेत्र नम्बर १ का प्रतिनिधि सभा सदस्य प्रदीप यादव, मधेश प्रदेशका मुख्यमन्त्री सरोज यादव लगायतका नेताहरुकाे उपस्थिती रहेकाे थियाे ।

जसपा प्रबेश गरेका प्रदेश सभा सदस्य जयसवाललाई मन्त्री बनाउने सहमती भएकाे छ । सहमती अनुसार चाँडै विस्तार हुने मधेश प्रदेश सरकारकाे मन्त्री परिषदमा जसपाले पार्टीकाे तर्फबाट जयसवालाई पनि सहभागि गराउने छ ।

जसपा स्राेतका अनुसार जयसवाल समाजिक विकास मन्त्री बन्ने छन् । जयसवालकाे समाजिक क्षेत्रमा राम्राे अनुभव रहेका कारण उनलाई जसपाले समाजिक विकास मन्त्री बनाउने तयारीकाे साथ पार्टी प्रबेश गराएकाे हाे । 

पार्टी प्रबेशकाे विषयमा जयसवालसंग फाेनमा सम्पर्क गर्न प्रयास गर्दा उनकाे माेबाइल स्विच अफ भएका कारण सम्पर्क हुन सकेन ।