Date
मङ्ल, मंसिर १, २०८३
Tue, November 17, 2026
Home Blog Page 579

नेवि संघ पर्सा-काठमाडौं सम्पर्क समिति गठन

0

वीरगंज । नेपाल विद्यार्थी संघसंग आवद्ध विद्यार्थीहरुले नेवि संघ पर्सा – काठमाडौ सम्पर्क समिति गठन गरेका छन् । नेपाल ल क्याम्पसको सभाहलमा शनिबार पर्सा जिल्लावाट काठमाडौमा उच्च शिक्षा हासिल गर्न गएका विद्यार्थीहरुको भेलाले सम्पर्क समिति गठन गरेका हुन् ।

भेलाले बिए.एल.एल.बि. का विद्यार्थी सुदिप साहको अध्यक्षतामा ३१ सदस्यीय सम्पर्क समिति गठन गरेकाे नेवि संघ पर्साका सचिव फिरोज अन्सारिले जानकारी दिए । नवगठित समितिकाे उपाध्यक्ष आकाश चौरसिया, संदेश कुमार गुप्ता, किशोरी प्रसाद यादव, सचिव सरोज पटेल, रियाज आलम, सह-सचिव अफजफ हैदर, संदीप साह लगायतका चयन भएका छन् ।

नेपाली कांग्रेसका युवा नेता राकेश यादवकाे प्रमुख आतिथ्यतामा भएकाे भेलामा नेवि संघ पर्साका अध्यक्ष इ.रमेश यादव, पर्सा मिलन केन्द्र काठमाडौंका सदस्य मो. औरन्जेब, जितेन्द्र चौधरी, नेवि संघका केन्द्रिय प्रतिनिधि तिर्थ मिश्रा, नेवि संघ पर्साका पुर्व उपाध्यक्ष शाबिर अन्सारी, नेता वाल्मीकि यादव लगायत पर्सा जिल्लाका काठमाडौका विभिन्न क्लेजमा अध्ययनरत विद्यार्थीहरुको सहभागिता रहेकाे थियाे ।

कृषक समुह महासंघ पर्साको तेस्राे जिल्ला अधिवेशन सम्पन्न

0

वीरगंज । राष्ट्रिय कृषक समुह महासंघ पर्साको तेस्राे जिल्ला अधिवेशन शनिबार वीरगंजमा सम्पन्न भएकाे छ । कृषि ज्ञान केन्द्र वीरगंजमा सम्पन्न अधिवेशनले अनिल साह राैनियारकाे अध्यक्षतामा ९ सदस्यीय नयाँ कार्यसमिती सर्वसम्मत चयन गरेकाे छ ।

नयाँ कार्य समितिकाे उपाध्यक्षमा फुलमती देवी थारु, सचिवमा दिपेन्द्र पंडित, सह सचिवमा ओमप्रकाश साह, कोषाध्यक्षमा कमला घिमिरे, सदस्यमा अर्जुन कुमार, प्रदिप चौरसिया र जखमोदीन सर्विहमत चयन भएका छन् ।

त्यस अघि अधिवेशनकाे उद्घाटन कृषि अनुसन्धान निर्देशनालय परवानीपुर बाराका निर्देशक डा. बिशेषश्वर यादवको गरेका थिए । अधिवेशन उद्घाटन कार्यक्रमलाई सम्बाेधन गर्दै निर्देशक डा. यादवले नेपालमा ७ लाख मैटिरीक टन रसायनिक मलको आवश्यक्ता रहेको तर नेपाल सरकारले ४ लाख मैटिरकि टन खरिदका लागी रकम छुटयाउँदा अभाव हुने स्वभाविक रहेको बताए ।

उनले ४ लाख मैटिरीक टनका लागी खरिद गर्न छुटयाएको रकमबाट पनि अपुग रकम भएका कारण १ लाख ५८ मेटिरकि टन मात्रै नेपाल आएकोले नेपालमा रसायनिक मलको अभाव भएको वताए । निर्देशक डा. यादवका अनुसार युकरेन र रसियाका युद्धका कारण पनि कच्चा पदार्थ भारतमा आउन नसक्नु पनि भारतमा पनि रसायनिक मलको अभाव हुनाले पनि नेपालको सिमावर्ती गाउँहरुमा मल अभाव भएकाे हाे ।

राष्ट्रिय कृषक महासंघका सचिव रामहरि शर्माले महासंघका जिल्ला कार्यसमितीले तीनै तहका सरकारलाई झकझकाउनु पर्ने वताए । साथै उनले कृषकहरुलाई आफ्नाे अधिकारकाे लागि चुप लागेर नबस्न आग्रह समेत गरे ।

गैरसरकारी संस्था महासंघ नेपाल पर्साका अध्यक्ष छठु साहले समाजिक संघ/संस्था बिना नेपालमा विकासको सपना देख्नु मुर्खता भएकाे बताए । उनले वास्तविक कृषकहरु तीनै तहको सरकारबाट सेवासुबिधा लिनबाट बंचित रहेको र कृत्रिम कृषकहरु ठुल्ला ठुल्ला कृषी सेवासुबिधा लिईरहेको आरोप लगाए ।

बिन्दवासिनी गाउँपालिकाकी उपाध्यक्ष ज्योती चौरसियाले अब आउने दिनमा कृषी र समाजिक क्षेत्रमा बजेट बिनियोजन गर्ने बताईन । उनले पहिलो कार्यकाल रहेकोले सिक्ने क्रममा समाजिक तथा कृषी क्षेत्रमा बजेट नराखिएकोले अब नछुटने वताइन ।

जिल्ला कार्य समिती पर्साकी निरा झाकाे अध्यक्षतामा भएकाे अधिवेशवन उद्घाटन कार्यक्रममा सालट्रेडिङ्ग कम्पनि लिमिटेड वीरगंजका संजय कुमार गुप्ता, कृषि ज्ञान केन्द्रका बाली अधिकृत राजकिशोर पटेल लगायतकाे सहभागीता रहेको थियो भने कार्यक्रमकाे संचालन कृषि महासंघ पर्साका पुर्व जिल्ला अध्यक्ष नरेश जयसवालले गरेका थिए ।

भागबाण्डाको राजनीतिक देशको लागि दुर्भाग्य हो : प्रभु साह

0

वीरगंज । स्वतन्त्र सांसद प्रभु साहले अहिले सत्तामा उपप्रधानमन्त्री धेरै भएको भन्दै आलोचना गरेका छन् । शनिबार बसेको प्रतिनिधि सभाको बैठकमा बोल्दै धेरै उपप्रधानमन्त्री किन बनाइयो भनेर प्रश्न गरेका हुन् । 

‘अहिले बनेका उपप्रधानमन्त्रीज्यूहरू यति जरूरी थियो नेपालमा ? के आवश्यकता कै कोणमा यति उपप्रधानमन्त्री बनेको हो ? उपप्रधानमन्त्रीको झुन्डले देशमा सुशासन ल्याउँछ ? के नेपाली जनतालाई उत्साही बनाउँछ ?,’ उनले प्रश्न गरे । 

त्‍यस्तै उपप्रधानमन्त्री चाहिएकै भएपनि मन्त्रालयसम्मत नभएको पनि बताएका छन् । उपप्रधानमन्त्री बनाएपनि परराष्ट्र मन्त्री, रक्षा मन्‍त्री जस्ता मन्त्रालयलाई दिनुपर्ने उनको भनाई थियो।

आम जनता पार्टीका अध्यक्ष समेत रहेका सांसद साहले यस्ता पदहरू आवश्यकताको आधारमा नभई कुनै व्यक्तिलाई खुसी बनाउनको लागि सिर्जना भइरहेको बताए ।

उनले भने ‘हामी आवश्यकताको आधारमा पद सृष्टी गर्छौं कि व्यक्तिलाई खुशी बनाउन पद सृष्टी गर्छौं । केही लामो समयदेखि हामी भागबन्डाको राजनीति हेरिरहेका छौं । यो भागबन्डाको राजनीतिले देशलाई सुशासनको दिशामा लान्छ ? भागबन्डाको राजनीतिले व्यक्तिलाई खुसी बनाउने राजनीतिले के देशलाई समृद्धिको दिशामा लान्छ ? यसले देशकाे लागि दुर्भाग्य हुन्छ ।”

अहिले चार जना उपप्रधानमन्त्री छन् । विष्णु पौडेल, नारायणकाजी श्रेष्ठ, रवि लामिछाने र राजेन्द्र लिङ्देन उपप्रधानमन्त्री छन् । 

पकाहाँ मैनपुरमा सरस्वती पुजाको चन्दा माग्न गएका विद्यार्थीमाथी कुटपिट

0

वीरगंज । पर्साको पकाहा मैनपुर गाउँपालिकामा सरस्वती पुजाको चन्दा माग्न गएका विद्यार्थीमाथी कुटपिट भएको छ ।

स्थानिय बुलट बर्णवाल, भुवन चौहान र जंग बहादुरले चन्दा माग्न गएका श्री राम चरित्र भगत मावि पकहा मैनपुरका कक्षा ९ का विद्यार्थी आशिष मेहतालाई कुटपिट गरेको प्रहरीले जनाएको छ ।

कुटपिटबाट विद्यार्थी मेहताको टाउकोमा गम्भीर चोट लागेको छ । उनको टाउकोमा ७ वटा टाका लागेको स्वास्थ्य चौकी पकहा मैनपुरले जनाएको छ ।

कुटपिटबाट केही विद्यार्थीहरु समान्य घाईते भएको प्रहरी चौकी धाेरेका प्रहरी सहायक निरीक्षक मनाेज दासले वताए ।

स्थानियका अनुसार पकहा मैनपुर चौकमा संचालनमा रहेको पसल संचालक र चन्दा माग्न पुगेका श्री राम चरित्र भगत माविका विद्यार्थीहरु बिच विवाद भएको थियो । विवादको क्रममा तिनै जनाले विद्यार्थीहरुलाई कुटपिट गरेका हुन् ।

कुटपिट पछि पकहा मैनपुर चौकमा तनाव भएपछि प्रहरी चौकी खेस्राहा, प्रहरी चौकी धोरे, सशस्त्र प्रहरी बेस क्याम्प पकहा मैनपुर, प्रहरी बेस क्याम्प सुर्जाहा कट्टीका प्रहरीको टोलि पुगेको थियो ।

कालिकामाईमा आगलागी, दुई लाख भन्दा बढीकाे क्षति

0
वीरगंज । पर्साको कालिकामाई गाउँपालिका वडा नं. २ भेडिहारीको एउटा घरमा शनिबार विहान आगलगी भएकाे छ । स्थानिय अच्छेलाल साह तेलीको घरमा आगलगी हुँदा रु दुई लाख भन्दा बढीकाे धनमाल जलेर नष्ट भएको प्रहरीले जनाएकाे छ ।
 
आगलागीले कंची (खप्डा) काे घर पूर्ण रुपले जल्नुकाे साथै घरमा रहेकाे ढाेका २ थान, टायर एक थान, चाैकी एक थान र काठ एक टेलर जलेर नष्ट भएकाे पिडित साहले जानकारी दिए ।  
 
आगो तापनका लागी बालिएको आगो शनिबार विहान ४ बजे सल्केर आगलगी भएको स्थानियहरु बताएका छन् । पोखरीया नगरपालिकाबाट पुगेकाे बारुण यन्त्र र स्थानियहरुकाे सहयाेगमा आगाे नियन्त्रणमा आएकाे थियाे ।
 
आगलागी भएकाे घर नजिकै स्थानिय तपसी बरैको ग्यास, सिलिन्डरको पसल रहेकोले समय मै आगो नियन्त्रण हुँदा धेरै क्षती हुनेबाट जोगिएको स्थानिय राजेन्दर राउत बरैले वताए ।
 

७० जना सीडीओ र सहायक सीडीओको सरुवा, पर्सामा हिरालाल रेग्मी आउदै

0

वीरगंज । सरकारले एकैपटक ७० जना प्रमुख जिल्ला अधिकारीहरुको सरुवा गरेको छ । गृहमन्त्रालयले विभिन्न जिल्लाका सीडीओ, सहायक सीडीओसहित ७० जनाको काज सरूवा गरेको हो ।

आज बसेको उपप्रधान तथा गृहमन्त्रीस्तरीय निर्णयानुसार राजपत्रांकित प्रथम (सहसचिव) र द्वितीय श्रेणी (उपसचिव)समेतका प्रमुख जिल्ला अधिकारी, सहायक प्रमुख जिल्ला अधिकारी लगायतका कर्मचारीहरुको सरुवा गरिएको मन्त्रालयले विज्ञप्तिमार्फत जनाएको छ ।

मन्त्रालयका अनुसार पर्साका प्रजिअ उमेश कुमार ढकाललाई गृह मन्त्रालयमा सरुवा भएकाे छ । पर्साकाे नयाँ प्रजिअमा हिरालाल रेग्मीलाई पठाइएको छ । उनी हाल दाङको प्रमुख जिल्ला अधिकारी थिए ।

यस्तै, सहायक प्रमुख जिल्ला अधिकारीमा वेदनिधी खनाललाई पठाइएको गृह मन्त्रालयको विज्ञप्तिमा उल्लेख छ ।

पर्सा र बारामा भएकाे कार्यक्रममा १३३ जनाद्वारा रक्तदान

0

वीरगंज । ठाकुरराम बहुुमुखी क्याम्पस वीरगंजमा शुक्रबार रक्तदान कार्यक्रम सम्पन्न भएकाे छ । अखिल नेपाल राष्ट्रिय स्वतन्त्र विधार्थी युनियन (अनेरास्ववियु) र नेपाल खेलकुद महासंघको संयुक्त आयोजनामा भएकाे कार्यक्रममा ३ महिला सहित ३३ जनाले रक्तदान गरेका छन् ।

रक्तदान गर्नेहरुमा मेघराज यादव , प्रदीप साह , पवन कलवार , राजन गुप्ता , शक्ति अग्रवाल, भीमबली पटेल , मोनी गुप्ता , शीवानी गुप्ता , प्रियंका कुमारी लगायतका रहेको रक्त सन्चार केन्द्र वीरगन्जका प्राविधीक धिरेन्द्र झाले जानकारी दिए ।

अनेरास्ववियु वीरगंज महानगर कमिटीका आशिफ अहमदको अध्यक्षता र नेकपा एमालेका केन्द्रिय सदस्य अरविन्द सिंहको प्रमुख आतिथ्यतामा भएको रक्तदान कार्यक्रममा नेपाल खेलकुद महासंघका मधेस प्रदेश इन्चार्ज मानदेव हजरा, उपमहासचिव शीवजी गुप्ता, जिल्ला सचिव सन्दिप बस्नेत, खेलकुद महासंघका वीरगंज महानगर अध्यक्ष श्याम प्रसाद रौनियार, अनेरास्ववियु केन्द्रिय सदस्य मेराजुल हवारी, अनेरास्ववियु जिल्ला अध्यक्ष रेयाज अन्सारी, क्याम्पस प्रमुख उमेश चैरसिया लगायतकाे उपस्थिति रहेकाे थियोे ।

यसैगरी २२ औ सशस्त्र प्रहरी दिवस २०७९ को अवसरमा बाराकाे पिलुवामा रक्तदान कार्यक्रम सम्पन्न भएकाे छ । रिजर्भ गण हे.क्वा पिलुवामा भएको कार्यक्रममा ७ महिला सहित एक सय जनाले रक्तदान गरेकाे रक्त संचार केन्द्र वीरगंजका प्राविधिक प्रमुख सराैभ राज पाण्डेले जानकारी दिए ।

साताैं प्याब्सन क्रिकेट : जीवन ज्योति र आदर्श मावि विजयी

0

वीरगंज । साताैं प्याब्सन अन्तर विद्यालय नकआउट क्रिकेट प्रतियोगिता अन्तर्गत शुक्रबार भएको पहिलो खेलमा जीवन ज्योति मावि विजयी भएको छ । शुक्रबार बिहान अल्पाईन स्कुललाई २० रनले पराजित गर्दै जीवन ज्योति विजयी भएको हो ।

टस जितेर अल्पाईनले बलिङ रोजेपछि जीवन ज्योतिले पहिला ब्याटिङ गरको थियो । १५ ओभर खेलेर ४ विकेटको क्षतिमा जीवन ज्योतिले १ सय ३८ रन बनाएको थियो । १ सय ३९ रनको लक्ष्य पछ्याएको अल्पाईन १४ ओभर एक बलमा १ सय १८ रनमै अलआउट भएको थियो ।

यसैगरी शुक्रबार नै भएको दोस्रो खेलमा सिदार्थ माविलाई ९५ रनले पराजित गर्दै आदर्श मावि विजयी भएको छ । टस जितेर सिदार्थले बलिङ रोजेपछि ब्याटिङ गरेको आदर्श माविले पुरै १५ ओभर खेलेर ३ विकेटको क्षतिमा १ सय ७० बनाएको थियो ।

सिदार्थ १ सय ७१ रनको जवाफी लक्ष्य सहित ब्याटिङमा उत्रिएको थियो । उसले १५ ओभर खेल्दा ८ विकेटको क्षतिमा ७५ रन मात्रै जोड्न सक्यो । २६ बलमा ३ चौका र २ छक्का सहित ३८ रन तथा ३ विकेट लिन सफल भएका आदर्शका क्रिस श्रीवास्ताव म्यान अफ दी म्याच घोषित भए ।

टि–२० क्रिकेट प्रतियोगिता भएपनि दैनिक तीन वटा खेल सञ्चालन गर्नुपर्ने भएकोले क्वाटरफाईनलसम्म १५ ओभरको खेल खेलाईने प्याब्सन पर्साका प्रवक्ता अशोक संग्रौलाले जानकारी दिए । माघ १४ गतेसम्म संचालन हुने प्रतियोगितामा वीरगंजका २५ वटा विद्यालयले सहभागी जनाएका छन् । प्रतियोगितामा विजयी हुने टिमले शिल्ड तथा प्रमाणपत्र प्राप्त गर्ने छन् ।

पर्सामा कुष्ठ राेगकाे बिरामी बढ्दै, सबै भन्दा बढी वीरगंजमा

0

वीरगंज । पर्सामा कुष्ठ रोगका बिरामीको संख्या बढ्दै गएको छ । अन्तराष्ट्रिय कुष्ठ रोग दिवसको सन्दर्भमा शुक्रबार वीरगंजमा आयोजित पत्रकारहरुकाे लागि कुष्टराेग सम्बन्धि अभिमुखिकरण कार्यक्रममा यस्ताे जानकारी गराइएकाे हाे । 

पर्सा जिल्लामा अहिले कुष्ठ राेगका विरामी ५४१ जना रहेको द ल्याप्रोसी मिसन नेपालकी पर्सा जिल्ला अनुगमन तथा मुल्यांकन अधिकृत रिजु तिवारीले वताइन । ती मध्ये जटील अवस्थाका ४४१ जना र सामान्य अवस्थाका ९८ जना रहेको उनले जानकारी गराइन ।

उनका अनुसार जिल्लामा सबै भन्दा बढि वीरगंज महानगरपालिकामा २०६ जना र ठोरी गाँउपालिकामा भने कुष्ठ रोगका बिरामीको संख्या शुन्य रहेको छ ।

यस्तै पटेर्वासुगौली गाँउपालिकामा ७० जना, पोखरिया नगरपालिकामा ५१ जना, कालिकामाई गाँउपालिकामा ४१ जना, विन्दवासीननी गाँउपालिकामा ४० जना, जीराभवानी गाँउपालिकामा २६ जना, बहुदरमाइ नगरपालिकामा २६ जना, जगरनाथपुर गाँउपालिकामा २३ जना, पकाहा मैनपुर गाँउपालिकामा १७ जना, छिपहरमाई गाँउपालिकामा १४ जना, सखुवा प्रसौनी गाँउपालिकामा १३ जना, धोबिनी गाँउपालिकामा ९ जना र पर्सागढी नगरपालिकामा ५ जना कुष्ठ रोगका बिरामी रहेका छन् ।

जिल्लामा फेला परेका सबै बिरामी उपचाररत रहेका छन् । हरेक पालिकाको स्वास्थ्य संस्थाबाट ती बिरामीले स्वास्थ्य उपचार निशुल्क पाइरहेका छन् ।

देशभरका सातै प्रदेश मध्ये सबै भन्दा बढि मधेस प्रदेशममा ७४३ जना र सबै भन्दा कम कर्णली प्रदेशमा ६७ जना कुष्ठरोगका बिरामी रहेका छन् । देशभरमा कुष्ठरोगका कुल बिरामीको संख्या २ हजार १७३ जना रहेको छ ।

स्वास्थ्य कार्यालय पर्साको समन्वय र द ल्याप्रोसी मिसन नेपालकाे आयाेजनामा वीरगंजस्थित नेपाल पत्रकार महासंघ पर्साकाे सभा हलमा भएकाे कार्यक्रममा नेपाल पत्रकार महासंघ पर्साका अध्यक्ष अनुप तिवारी, काेषाध्यक्ष संजिव मिश्र लगायतका संचारकर्मीहरुकाे सहभागिता रहकाे थियाे । 

वीरगंज व्यवस्थित गर्न ज्येष्ठ नागरिकको अनुभव आवश्यक छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंजकाे विकासका लागि ज्येष्ठ नागरिकको मार्गदर्शनको आवश्यक्ता रहेको बताएका छन् ।

एक्लाे प्रयासले मात्रै केही गर्न नसक्ने भन्दै उनले वीरगंजलाई व्यवस्थित गर्न सबैको साझा प्रयास हुनु पर्नेमा जोड दिए । उनले ज्येष्ठ नागरिकको अनुभव समेत आवश्यक रहेको बताए ।

ज्येष्ठ नागरिक संघ पर्साको आयोजनामा शुक्रबार वीरगंजकाे ज्येष्ठ नागरिक पार्कमा दम रोग र उपचार विधीका बारेमा आयोजित प्रशिक्षण शिविरलाई सम्बोधन गर्दै उनले यस्तो बताएका हुन् ।

गम्भीर प्रकृतिका दीर्घ रोगको उपचारका लागि महानगरले आवश्यक सहयोग गर्ने भन्दै मेयर सिंहले ज्येष्ठ नागरिकको सामाजिक सुरक्षामा कुनै कसर बाँकि नराख्ने प्रतिबद्धता जनाए ।

संघका अध्यक्ष जगदिश शर्माको सभापतित्वमा सम्पन्न कार्यक्रममा वीरगंज महानगरपालिकाका प्रमुख प्रशासकीय अधिकृत लक्ष्मी प्रसाद पौडेल, अभिषेक सिंह, जितेन्द्र पुरुष ढकाल, श्याम कुमार पोखरेल, बद्रि केसी, रामानन्द प्रसाद कुर्मी लगायतको सहभागिता रहेको थियो ।