Date
मङ्ल, मंसिर १, २०८३
Tue, November 17, 2026
Home Blog Page 576

प्रदेश सांसद जयसवालद्वारा सांसद विकास योजना सम्बन्धि छलफल

0

वीरगंज । पर्सा क्षेत्र नं. ३ (१) बाट स्वतन्त्र निर्वाचित प्रदेश सभा सदस्य (सांसद) प्रमोद जयसवालले प्रदेश सांसद विकास योजना सम्बन्धि वडा स्तरिय छलफल गरेका छन् । सांसद जयसवालले सांसद विकास याेजना छनाैटकाे लागि क्षेत्र अन्तर्गतकाे वडा मै पुगेर छलफल गरेका हुन् ।

सांसद जयसवालकाे सचिवालयको आयोजनामा सखुवा प्रसौनी गाउँपालिका वडा न. ४ देउरवानामा बुधबार प्रदेश सांसद विकास योजना सम्बन्धि वडा स्तरिय छलफल कार्यक्रम सम्पन्न भएको हाे ।

वडाका हरेक टोल र बस्तिबाट आएको योजनाहरुको प्राथमिकिकरण सहभागिमूलक बिधिबाट गरिएको थियो । योजनाको पहिचान, बिश्लेषण र प्राथमिकिकरण प्रक्रिया बारे सहजीकरण सांसद जयसवाल स्वयंले आफैले गरेका थिए ।

कार्यक्रमलाई सम्बाेधन गर्दै सांसद जयसवालले स्थानीय तह, प्रदेश सरकार र संघीय सरकार विच बिकास कार्यमा समन्वय नभए सम्म विकास कार्य प्रभावकारी हुन नसक्ने वताउँदै सबै नागरिक जिम्मेवार हुनु पर्नेमा जोड दिए । त्यसकाे लागि आफुले सम्पुर्ण नागरिक र हरेक तहको सरकार बिच समन्वयकारी भूमिका निर्वाह गर्ने सांसद जयसवालले वताए ।

पुर्व वडाध्यक्ष जुमादिन अन्सारीको अध्यक्षतामा भएकाे कार्यक्रममा वडाका हरेक टोल, जातजाती, समुदायका अगुवा, महिला, दलित समुदायको उल्लेख्य सहभागिता रहेको थियो । पुर्व कार्यपालिका सदस्य स्थानिय लक्ष्मण साह कानुले सहजीकरण गरेकाे कार्यक्रममा स्थानिय अगुवा नाजिर अन्सारीले स्वागत मन्तव्य राखेका थिए ।  

कार्यक्रमको अन्त्यमा स्थानिय समाजसेवी अगुवा नाजिर अन्सारीको अध्यक्षतामा हरेक टोल, जातजाती, धर्म, लिङ्ग, समुदाय र बिषयगत बिज्ञ सहित ५१ सदस्यीय वडा स्तरिय ” प्रदेश सांसद विकास समन्वय समिति” गठन भएको युवा नेता अनिल पटेल जानकारी दिए ।

यस प्रकारको कार्यक्रम हरेक वडामा संचालन गर्ने योजना रहेको सांसद जयसवालकाे सचिवालयले जनाएकाे छ । यस क्षेत्रमा पहिलाे पटक सांसद जयसवालले यस प्रकारको सार्वजनिक भेला गरी योजना र विकास बारे खुल्ला छलफल गरेको भन्दै स्थानियहरु खुशी व्यक्त गरेका छन् ।

युवा नेता द्विवेदी र गुप्ता जनमत पार्टीमा प्रबेश, सिके राउतले गरे स्वागत

0

वीरगंज । जनमत पार्टी पर्साकाे आयाेजनामा मंगलबार वीरगंजमा पार्टी प्रबेश कार्यक्रम सम्पन्न भएकाे छ । वीरगंजस्थित राेयल पार्टी प्यालेसमा भएकाे कार्यक्रममा गत प्रतिनिधि सभा तथा प्रदेश सभा निर्वाचानका आधा दर्जन उम्मेदवारहरु जनमत पार्टीमा प्रबेश गरेका छन् ।

पार्टीका केन्द्रिय अध्यक्ष डा. सिके राउतकाे प्रमुख आतिथ्यतामा भएकाे कार्यक्रममा ठाकुर राम बहुमुखी क्याम्पसका निवर्तमान सभापति मुकेश द्विवेदी, रेडियाे सम्रग मधेशका संचालक श्याम गुप्ता लगायतले पार्टी प्रबेश गरेकाे जनमत पार्टी पर्साका प्रवक्ता सिए अजय चाैरसियाले जानकारी दिए ।

नव प्रबेशीहरुलाई जनमत पार्टीका केन्द्रिय अध्यक्ष डा. सिके राउतले पार्टीकाे सदस्यता प्रदान गरी पार्टीमा प्रबेश गराएका थिए ।

जनमत पार्टीमा प्रबेश गरेका द्विवेदी गत प्रतिनिधि सभा तथा प्रदेश सभाकाे निर्वाचनमा पर्सा क्षेत्र नं. २ काे (२) बाट स्वतन्त्र प्रदेश सभा सदस्यमा चुनाव लडेका थिए । त्यस अघि जनता समाजवादी पार्टीमा रहेका उनले साेही क्षेत्रबाट प्रदेश सभा टिकट माग्दा पार्टीले नदिएपछि स्वतन्त्र उम्मेदवार भएका थिए ।

यसैगरी जनमत पार्टीमा प्रबेश गरेका गुप्ता समेत पर्सा क्षेत्र नं. १ काे (२) बाट स्वतन्त्र प्रदेश सभा सदस्यमा चुनाव लडेका थिए ।

कार्यक्रमलाई सम्बोधन गर्दै अध्यक्ष डा. सिके राउतले मधेसी दलले मधेसका मुद्दाहरुलाई सत्तामा पुग्ने भरयाङ बनाएर भजाएका कारण चुनावमा मधेसी जनताले तीनलाई ठेगान लगाएको बताए । उनले आफनो पार्टी मधेसमा नयाँ शक्तिको रुपमा उदाएको पनि जिकिर गरे ।

राउतले भने ,‘ मधेसी दलले अहिले सम्म मधेसका मुद्दादाई सत्तामा पुग्ने भरयाङ  बनाउदै आएका थिए , त्यहि भएर तीनलाई मधेसी जनताले ठेगान लगाइ दिए , अनि मधेसको वैकल्पिक शक्तिका रुपमा जनमत पार्टीलाई रोजेका हुन् । उनले आगामी दिनमा पार्टीले मधेसका मुद्दाहरुलाई कहिल्यै पनि नछोड्ने र पार्टीलाई अझ सशक्त रुपमा बढाउने पनि बताए ।उनले पर्सा जिल्लामा विगतमा आफनो पार्टीको संगठन कमजोर रहेपनि मंगलबारको पार्टी प्रवेश कार्यक्रमले संगठनलाई नयाँ उचाईमा पुर्याउने दावी पनि गरे ।

जनमत पार्टीका पर्सा इन्चार्ज श्याम शंकर चाैरसियाकाे अध्यक्षतामा भएकाे पार्टी प्रबेश कार्यक्रममा पूर्व जिल्ला इन्चार्ज सुजित चाैरसिया,  पार्टीका महिला विभागकी केन्द्रिय अध्यक्ष अनिता रौनियार, डाक्टर.अजय यादव, सब्बु खातुन लगायतको  उपस्थिती रहेकाे थियाे ।   

मधेस प्रदेशका नवनियुक्त राज्यमन्त्री रहबरले लिए शपथ

0

वीरगंज । मधेस प्रदेशको मन्त्री तथा राज्यमन्त्रीमा नियुक्त भएका माओवादी केन्द्रका दुई सांसदले पद तथा गोपनीयताको शपथ लिएका छन् ।

मधेस प्रदेशको उद्योग, पर्यटन तथा वनमन्त्रीको रुपमा नियुक्त भएकी सुनिता यादव प्रदेश प्रमुख हरिशंकर मिश्रबाट र राज्यमन्त्रीमा नियुक्त भएका रहबर अन्सारी प्रदेश प्रमुखको उपस्थितिमा मुख्यमन्त्री सरोजकुमार यादवबाट पद तथा गोपनीयताको सपथ लिएका हुन् । मन्त्री सुनिता मैथली भाषा र राज्यमन्त्री रहबर भाेजपुरी भाषामा सपथ ग्रहण गरेका थिए । 

मधेस सरकार गठन भएयता मुख्यमन्त्रीले तेस्रो पटक मन्त्रिपरिषद् विस्तार गरेसँगै मन्त्रीमण्डलले पूर्णता पाएको छ ।

गत पुस २७ गते ६३ प्रदेशसभा सदस्यको समर्थनमा मुख्यमन्त्रीमा नियुक्त भएका यादवले पहिलो पटक तीनजना मन्त्री, दोस्रो पटक ६ मन्त्री र ३ राज्यमन्त्री तथा तेस्रो पटक १ मन्त्री र १ राज्यमन्त्री नियुक्त गरेका हुन् ।

मुख्यमन्त्री यादवले भौतिक पूर्वाधार विकासमन्त्रीमा नेकपा एमालेको संसदीय दलका नेता सरोजकुमार यादव, अर्थमन्त्रीमा जनता समाजवादी पार्टीका संजय यादव, भूमि व्यवस्था तथा कृषि सहकारीमन्त्रीमा जनमत पार्टीका बसन्त कुशवाहालाई पहिलो पटक मन्त्रीमण्डल विस्तार गर्दा नियुक्त गरेका थिए ।

यस्तै, दोस्रो पटक मन्त्रिमण्डल विस्तार गर्दा जसपाकी सुरिता साह सामाजिक विकासमन्त्री, जनमतका महेश यादव शिक्षा विज्ञान प्रविधि तथा वाणिज्यमन्त्री, एमालेका शत्रुधनप्रसाद सिंह गृह तथा सञ्चार, एमालेकै मो. जैयद आलम महिला बालबालिका युवा तथा खेलकुद, जसपाका सिंगासन सा कलवार खानेपानी तथा ऊर्जा र एमालेका राजकुमार लेखी कानुन न्याय तथा प्रदेशसभा मामिलामन्त्रीको रूपमा नियुक्त भएका थिए ।

यस्तै, सामाजिक विकास राज्यमन्त्रीमा जसपाका शेष अबुल कलाम आजाद, गृह तथा सञ्चार राज्यमन्त्रीमा एमालेका केशव राय र भूमि, वयवस्था कृषि तथा सहकारी राज्यमन्त्रीमा जनमतका संजयकुमार यादव नियुक्त भएका थिए ।

ओविसिकाे आयाेजनामा नि:शुल्क आँखा शिविर सम्पन्न

0

वीरगंज । पर्साकाे बहुदरमाई नगरपालिका वडा नं. २ ध्यानसिहं पिपरामा मंगलबार नि:शुल्क आँखा शिविर सम्पन्न भएकाे छ । 

नेपाल पिछडावर्ग (ओविसि) महासंघ पर्साकाे आयाेजनामा भएकाे शिविरमा १६७ जना आँखा परिक्षण गराएकाे ओविसी पर्साका अध्यक्ष देवनाथ महतोले जानकारी दिए । जस मध्ये ९० जनामा समस्या देखिएकाे अध्यक्ष महताे वताए ।

ओविसी पर्साका अध्यक्ष देवनाथ महतोकाे अध्यक्षतामा भएकाे शिविरमा ओविसि पर्साका सचिव निरज महतो, वीरगंज महानगर अध्यक्ष राजाबाबु साह, बदुदरमाई नगर अध्यक्ष सौरभ सिंह, सदस्य राहुल पटेल, गोबीनद चौधरी नुनीया, राज पटेल लगायतले सहयाेग गरेका थिए ।

मातृका आई फाउन्डेसनकाे प्राविधिक सहयाेगमा भएकाे शिविरमा डाक्टर मनोरञ्जन यादव, ईनद सिंह धामी लगायतकाे टाेलीले बिरामीहरुकाे आँखा परिक्षण गरेकाे कार्यक्रम संयोजक अकाश पटेल सिंहले जानकारी दिए । 

पर्साका प्रदेश सांसद रहबर राज्य मन्त्री बन्दै

0

वीरगंज । मधेश प्रदेशकाे पर्सा क्षेत्र नम्बर १ (१) बाट निर्वाचित  प्रदेश सभा सदस्य रहबर अन्सारी मन्त्री बन्ने भएका छन् । नेकपा माओवादी केन्द्रबाट निर्वाचित रहबर मधेश प्रदेशको वन तथा पर्यटन राज्य मन्त्री बन्ने भएका हुन् । 

नेकपा माओवादी केन्द्रले मधेस प्रदेशमा सुनिता यादव र रहबर अन्सारीलाई मन्त्री बनाउने निर्णय गरेको छ । सुनिता र रहबर नेकपा माओवादी केन्द्रका केन्द्रीय सदस्य हुन् ।

नेकपा माओवादीका वैकल्पिक केन्द्रीय सदस्य रहबर अन्सारीलाई राज्य मन्त्री बनाउने निर्णय भएको नेकपा माओवादीका प्रदेश सदस्य उदय बरबरिया यादवले जानकारी दिए ।  

मधेस प्रदेशमा माओवादी केन्द्रको भागमा परेको मन्त्रालय छाडेर अन्य ९ मन्त्रालयमा मन्त्रीको शपथ ग्रहण तथा पदभार ग्रहण भइसकेको छ । तर माओवादीको भागमा परेको उद्योग, पर्यटन तथा वन मन्त्रालयको मन्त्रीमा सुनिता र राज्यमन्त्रीमा रहबरलाई बनाउने निर्णय भएको हो । 

सुनिता जनयुद्धकालीन शहिद रामवृक्ष यादवकी कान्छी छोरी हुन । रामवृक्षको माओवादी जनयुद्धकालमा सेनाले हत्या गरेको थियो । सुनिताको परिवारमा दाजु शेखर यादव तथा श्रीमान डम्बर यादवले सहादत प्राप्त गरेका थिए ।

समता स्कुलका बिद्यार्थीहरुलाई आवश्य सामग्री बितरण

0

वीरगंज । वीरगंज कारागारमा रहेकाे समता स्कुलमा अध्ययनरत बिद्यार्थीहरुलाई सोमबार नि:शुल्क रुपमा जुता तथा कापी, कलम, साबुन, बिस्कुट र जुस लगायतका सामग्री बितरण गरिएको छ ।

परिर्वतन नेपाल फाउन्डेसनको सहयोगमा सामुदायिक सेवा केन्द्र तथा सामुदायिक प्रहरी सेवा कुम्हाल टोल वीरगंजे साेमबार बिद्यालयमा अध्ययनरत ७५ जना बिद्यार्थीहरुलाई साे सामग्री वितरण गरेकाे हाे ।

कार्यक्रमका प्रमुख अतिथी वडा प्रहरी कार्यालय बिर्ताका प्रमुख प्रहरी निरिक्षक बिशाल मल्लले बिधार्थीहरुलाई सामग्री बितरण गर्दै सामाजीक कार्यमा सबैले हातोमालो गर्दै अगाडी बढन आग्रह गरे । उनले अगामी दिनमा पनि सामाजिक कार्य गर्नका साथै यस क्षेत्रको शान्ति सुरक्षामा कमी आउन नदिने प्रतिबद्धता जनाए ।

कार्यक्रममा सामुदायिक सेवा केन्द्रका अध्यक्ष रमेश चौधरी, परिर्वतन नेपाल फाउन्डेसनका अध्यक्ष रणधिर वर्णवाल, सामुदायिक कुम्हाल टोलका सल्लाहकार नन्दलाल राउत, विद्यालयका शिक्षक, शिक्षिका लगायत संचारकर्मीहरुको सहभागिता रहेको थियो ।

दुई कक्षासम्म पढाई हुने सो विद्यालयमा करागारमा रहेका कैदीबन्दीका छोरा/छोरी लगायत अति बिपन्न वर्गका छोरा/छोरीहरुले शिक्षा आर्जन गर्दै आएका छन ।

गरिबी निवारणकाे लागि लघु उद्यम तालिम

0

वीरगंज । गरिबी निवारणमा योगदान गर्ने उद्देश्यले लघु उद्यम तालिम सम्पन्न भएको छ । वीरगंज उधोग बाणिज्य संघले लघु व्यवसाय विकास कोष पर्साको सहकार्यमा लघु व्यवसायी कार्यक्रम तालिम दिइएको हो ।

वीरगंज महानगरपालिकाकाे समन्वयमा भएको तालिममा सिलाई कटाई, ढाका बुनाई, मध्यम तालिम अन्तर्गत बेतबासका फर्निचर, मोबाइल बनाउने तालिम र काठका फर्निचर निर्माण गर्ने तालिम सञ्चालन गरिएको थियाे ।

१ सय २० जनालाई विभिन्न किसिमका तालिमहरु प्रदान गरिएको आयाेजक संस्थाकी अध्यक्ष चंचला दासले वताइन । उनका अनुसार यो कार्यक्रम नतिजामा आधारित र वास्तविक विपन्न मात्रै यो कार्यक्रमको लक्षित वर्गमा पर्ने गर्छन ।

वीरगंज महानगरपालिका उप-प्रमुख इम्तियाज आलमले अति बिपन्न, न्युन आयस्तर भएका, गरिब, बेरोजगारीलाई पनि आत्मनिर्भर बनाउनु पर्ने वताए । उनले उनीहरुका लागि पनि केहि सिपमुलक कार्यक्रमहरु संचालन गर्नु पर्ने वताए । 

तालिम समापन्न कार्यक्रमलाई सम्बाेधन गर्दै उप मेयर आलमले आफुले सिकेको सिप र ज्ञानलाई ब्यवहारिक रुपमा कार्यान्वयन गर्न सके थुप्रै उपलब्धी हासिल गर्न सकिने सुझाव दिए ।

माइस्थान तथा मिना बजार क्षेत्रका तरकारी बजार गिता मन्दिर नजिक स्थानान्तरण

0

वीरगंज । वीरगंजकाे माइस्थानदेखि नेपाल टेलिकमसम्मको सडकपेटीमा हुँदै आएको तरकारी तथा फलफुल बजारलाई गिता मन्दिर नजिक रहेको खाली जग्गामा व्यवस्थापन गरिएको छ । मिना बजार क्षेत्रको सडक पेटीमै लाग्ने गरेको तरकारी तथा फलफुल बजारले आउजाउमा असहज भए पछि वीरगंज महानगरपालिकाले गिता मन्दिर नजिकको खाली जग्गामा व्यवस्थापन गरेको हो ।

महानगरले गएको बुधबार सूचना जारी गर्दै माइस्थानदेखि नेपाल टेलिकमसम्मको सडकपेटी, २ र ३ नम्वर रोड आसपासको सडकपेटीमा अव्यवस्थित तरकारी बजार लगाइरहेकालाई गिता मन्दिर नजिकको खाली जग्गामा स्थानान्तरण हुन आग्रह गरेको थियो । त्यस क्षेत्रको सडक पेटीमा व्यवसाय गर्दै आएका फलफुल तथा तरकारी व्यवसायीहरु सोमबारबाट गिता मन्दीर नजिकको खाली जग्गामा पसल संचालनका लागि स्थानान्तरण भएका छन् ।

महानगरपालिकाको नगर प्रहरी र सरसफाई शाखाका प्रतिनिधिको रोहबरमा व्यवसायीलाई पसल संचालनका लागि खाली जग्गामा व्यवस्थापन गरिएको हो । महानगरपालिकाका प्रमुख राजेशमान सिंहले बजार व्यवस्थित बनाउन सडक पेटीमा अव्यवस्थित रहेका तरकारी तथा फलफुल बजारलाई खाली ठाउँमा व्यवस्थापन गर्न निर्देशन दिएका थिए ।

सोही बमोजिम सोमबारदेखि सडक पेटीमा यात्रु आउजाउ गर्नै नमिल्ने गरी थापिएका तरकारी तथा फलफुल पसललाई खाली जग्गामा स्थानान्तरण गरिएको महानगरका सरसफाई शाखा प्रमुख सर्फुद्धिन मियाँले जानकारी दिए ।

महानगरपालिकाले माइस्थान तथा मिना बजार क्षेत्रको सडक तथा सडक पेटीमै हुने गरेको तरकारी तथा फलफुल बजार स्थानान्तरण गरेसँगै यात्रुलाई आउजाउमा सहज भएको छ ।

वीरगंजलाई पर्यटकीय शहर बनाउन महानगर लागि परेकाे छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंजलाई पर्यटकीय नगरीको रुपमा विकास गर्न आफू लागि परेको बताएका छन् । सोमबार वीरगंजमा आयोजित पर्यटन प्रवर्धन तथा पर्यटन सुरक्षामा सरोकारवाला निकायहरुको भूमिका विषयक कार्यक्रमलाई सम्बोधन गर्दै मेयर सिंहले यस्तो बताएका हुन् ।

उनले भारतीय पर्यटक भित्र्याउने गरी महानगरले काम गरिरहेको भन्दै त्यसमा सबैले साथ दिन आह्वान गरे । वीरगंजमा धेरै आउने भनेको भारतीय पर्यटक नै हो, यहाँका पर्यटन व्यवसायी पनि भारतीय पर्यटकको पर्खाइमै रहेका हुन्छन्,’ उनले भने, ‘त्यसैले हामीले पनि भारतीय पर्यटक बढी भित्रिउन भनेर निर्वाचित भएर आएसँगै भारतीय सवारीसँग लिने गरिएको सवारी कर हटाइदियौँ ।’

भारतीय सवारी सँग लिने गरिएको कर हटाउँदा महानगरको वार्षिक ६ करोड आम्दानी गुमेको भए पनि भारतीय पर्यटकको आगमनले पर्यटनसँग आश्रित व्यवसायी र परिवारको घर चल्न ठूलो मद्दत मिलेको उनले बताए ।

महानगरले माइस्थान मन्दिर सौन्दर्यकरण गरेर धार्मिक पर्यटनको मार्ग खुलाउन खोजेको भन्दै उनले अब १५० वर्ष भन्दा बढी पुरानो नृसिंह पिपरा मठको पुननिर्माणमा आफूहरु लागि परेको पनि बताए ।

आउँदो चैत्र सम्ममा वीरगंजकाे मुहार फेर्ने गरी काम गरिरहेको भन्दै त्यसका लागि सबैको साथको आवश्यकता रहेको पनि बताए ।
सबैले आफ्नो ठाउँबाट काम गरे मात्रै वीरगंजलाई आर्थिक नगरीसँगै पर्यटकीय नगरीको रुपमा विकास गर्न सकिनेमा उनको जोड थियो ।

पर्यटक प्रहरी कार्यालय भृकुटीमण्डप काठमाण्डौको आयोजनामा भएको कार्यक्रममा जिल्ला प्रशासन कार्यालय पर्साका सहायक प्रमुख जिल्ला अधिकारी भिमकान्त पौडेल, ससस्त्र प्रहरी उपरीक्षक सुमन थपलिया, जिल्ला प्रहरी कार्यालय पर्साका प्रहरी नायव उपरीक्षक निर्मल बुढाथोकी, पत्रकार महासंघका केन्द्रीय सचिव दिपेन्द्र चौहान, केन्द्रिय सदस्य केसी लामिक्षाने लगायत होटल व्यवसायी तथा सुरक्षा निकायका पदाधिकारीहरुको उपस्थिति रहेको थियो ।

ठाकुर राममा नि:शुल्क स्वास्थ्य परिक्षण

0

वीरगंज । भाेट फर चेन्ज इन्डेपेन्डेन्ट स्टुडेन्ट युनियनकाे आयोजनामा आइतबार ठाकुर राम बहुमुखि क्याम्पस वीरगंजमा आँखा, नाक, कान र खाँटीकाे निशुल्क परिक्षण गरिएकाे छ ।

किरण आँखा अस्पतालको सहयोगमा भएकाे कार्यक्रममा १५० छात्रासहित ४ सय जनाकाे निशुल्क स्वास्थ्य परिक्षण गरिएकाे ठाकुर राम क्याम्पसका विद्यार्थी नेता जितेन्द्र मिश्राले जानकारी दिए । 

क्लेज परिसरमा भएकाे कार्यक्रममा डा.अमर क्याल, डा.बन्दना क्याल, डा. सलिजा नन्द भुरेल, डा.पवन यादव र डा. बिबेक कुमार यादवले क्लेजका विद्यार्थी तथा कर्मचारीहरुकाे स्वास्थ्य परिक्षण गरेकाे मिश्राले वताए ।

स्वास्थ्य परिक्षण कार्यक्रमकाे उद्घाटन ठाकुर राम क्याम्पसका निर्वतमान स्ववियु सभापति मुकेश दुबेदीले गरेका थिए ।

उद्घाटन कार्यक्रममा उमा शंकार गुप्ता, कृष्णा पासवान,आलमगिर अन्सारी, अनिश पटेल, किरण यादव, मुराज आलम, सन्तोष साह, मुना साह, सन्तोष केसरी, गोपाल पास्वान, मनिश यादव, गौतम यादव, अफ्रोज आलम लगायतकाे उपस्थिति रहेको थियो ।