Date
मङ्ल, मंसिर १, २०८३
Tue, November 17, 2026
Home Blog Page 575

गोतामे पत्रकारिता स्वणर्पदकबाट महिला पत्रकार झा पुरस्कृत

0

वीरगंज । पत्रकार गोपालचन्द्र गौत्तम प्रतिष्ठान वीरगंजले गोतामे पत्रकारिता स्वणर्पदकबाट महिला पत्रकार मनिका झालाई पुरस्कृत गरेकाे छ । वीरगंज महानगरपालिकाकाे वडा नं. १५ स्थित ज्येष्ठ नागरिक पार्कको सभाहलमा आयाेजिकत गोतामे पत्रकारिता स्वणर्पद वितरण समाराेहमा वीरगंज महानगरका प्रमुख राजेशमान सिंहले पत्रकार झालाई एकतोलाको स्वणर्पदक प्रदान गरेका थिए ।

कार्यक्रममा प्रमुख जिल्ला अधिकारी हिरालाल रेग्मीले प्रमाणपत्र, स्वर्गिय गोपालचन्द्र गौत्तमकी पत्नि शोभा गौत्तमले टिका, माला लगाइन भने प्रतिष्ठानका अध्यक्ष जगदीशप्रसाद शर्माले पत्रकार झालाई शल पहिर्‍याउनु भएको थियो ।

सो अवसरमा वाेल्दै नगरप्रमुख सिंहले पत्रकार गोपालचन्द्र गौत्तम वीरगंजको धरोहर भएको बताए । उनले पत्रकार गौत्तमको नाममा प्रतिष्ठानले पुरस्कारको आयोजना गर्दै आएकोमा प्रशंसा गर्दै उनको नाममा सडक र शालिक बनाउन सुझाए ।

नगर प्रमुख सिंहले प्रतिष्ठानका लागि दश लाख सहयोग गर्ने घोषणा पनि गरे । उनले वीरगंजको नाम देशभर फैलाउने सबैको नाममा वीरगंजमा म्युजियम बनाउने र उनिहरुको कृति नयाँ पुस्तालाई सुनाउने वातावरणको निर्माण गर्न महानगरले साथ र सहयोग गर्ने बताए । नगर प्रमुख सिंहले सत्य समाचार प्रकाशन गर्न पत्रकारहरुलाई सुझाए ।

प्रमुख जिल्ला अधिकारी हिरालाल रेग्मीले स्व. पत्रकार गौत्तमको नाममा मोफसलमा रहेर विशिष्ठ पत्रकारिता गर्ने व्यक्तित्वलाई पुरस्कृत गर्दै आएकोमा प्रतिष्ठानको प्रशंसा गरे ।

वीरगंज उद्योग वाणिज्य सङ्घका अध्यक्ष सुबोध गुप्ताले आर्थिक नगरीको रुपमा चिनिएको वीरगंजमा सङ्घले यहाँको पहिचान देशभर बनाउने व्यक्तित्वहरुको बारेमा केही गर्ने सोच बनाएको बताए ।

नेपाल पत्रकार महासङ्घका पुर्व उपाध्यक्ष महेश दासले वीरगंज कार्यक्षेत्र बनाएर पत्रकार गोतामेले पत्रकारिताको माध्यमबाट वीरगंजलाई देशभर चिनाउने कार्य गरेको बताए । प्रतिकुल समयमा पत्रकार गोतामेले कलम चलाएकोलाई चानचुने मान्न नसकिने बताए ।

पुरस्कृत व्यक्तित्व पत्रकार मनिका झाले पत्रकार गोपालचन्द्र गौत्तमको नामबाट स्थापित पुरस्कार प्राप्त गरेर आफुमा थप उर्जा आएको बताइन । उनले पत्रकारिताका लागि पतिले दिदै आएको साथ र सहयोग पनि सम्झिन । पत्रकारिता पेशा नै चुनौतीको विषय भएको र महिलाहरुलाई पुरुषको तुलना अझ बढी चुनौती रहेको उनले बताइन ।

कार्यक्रममा प्रतिष्ठानका उपाध्यक्ष चन्द्रकिशोर झाले स्वागत गर्दै पत्रकार गोतामेको सङ्घर्षपुण जीवनगाथाका बारेमा सहभागिहरुलाई अवगत गराएका थिए ।

प्रतिष्ठानका अध्यक्ष जगदीशप्रसाद शर्मालको अध्यक्षतामा भएको कार्यक्रममा नेपाल पत्रकार महासङ्घ पर्साका अध्यक्ष अनुप तिवारी, पूर्व अध्यक्ष शत्रुधन नेपाल लगायतकाे उपस्थिती रहेकाे थियाे भने कार्यक्रमकाे सहजीकरण प्रतिष्ठानका सदस्य प्रताप श्रेष्ठले गरेका थिए ।

वीरगंजमा ट्रकले साईकललाई ठक्कर दिदाँ एक जनाकाे ज्यान गयाे

0

वीरगंज । वीरगंज महानगरपालिकाकाे वडा नं. २० अपौनी चोकमा ट्रकले साईकललाई ट्रक ठक्कर दिदा एक जनाकाे मृत्यु भएकाे छ । ट्रककाे ठक्करबाट साईकलमा सवार अपाैनी निवासी नागेन्द्र ठाकुरकाे मृत्यु भएकाे प्रहरीले जनाएकाे छ ।

प्रहरीका अनुसार अपौनी चोक स्थित साेमबार सांझ ७:३५ बजेको समयमा बहुअरीबाट परवानीपुर तर्फ गईरहेको बा.प्र.०३-००१ ख १४१८ नम्बरको ट्रकले परवानीपुरबाट अपौनी आफनो घर आउने क्रम्मा अपौनी चोकबाट दायां मोडदै गरेको साईकलमा सवार ठाकुरलाई ट्रकले ठक्कर दिएकाे थियाे ।

ट्रककाे ठक्करबाट सडक किनाराको सिमेन्टको रेलिङ्गमा च्यापीइ ठाकुर गम्भीर घाईते भएका थिए । जिल्ला प्रहरी कार्यालय पर्साका प्रहरी उपरिक्षक कोमल शाहको कमाण्डमा ८० जनाको प्रहरी टोली खटी गई घाईते ठाकुरलाई उद्धार गरी नारायणी अस्पताल पुर्याएकाे थियाे ।

अस्पताल पुर्याइएकाे घाइते ठाकुरलाई चिकित्सकले ई.सि.जी. लगायतको जाँच गर्दा मुत्यु भईसकेको जानकारी प्राप्त भएको जिल्ला प्रहरी कार्यालय पर्साले जनाएकाे छ ।

ठक्कर दिने ट्रक र जिल्ला मकवानपुर थाहा नगरपलिका वडा नं. ४ पालुङ बस्ने ट्रक चालक रमेश गोम्बालाई कानुनी प्रकृया पुरा गरी वरामद तथा नियन्त्रणमा लिई थप अनुसन्धान कार्य भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

वीरगंजमा मिस स्कार्लेटको चर्चा, चलचित्रमार्फत पर्यटन प्रबर्धन गर्नुपर्नेमा जोड

0

वीरगंज । वीरगंजले चलचित्रमार्फत पर्यटन भित्र्याउने प्रचुर सम्भावना बोकेको कान्तिपुर फिल्म एकेडेमीका प्रमुख कार्यकारी अधिकृत (सिईओ) प्रकाश पुरीले बताएका छन् । चलचित्र पत्रकार संघ पर्साले सोमवार आयोजना गरेको अन्तरक्रिया कार्यक्रमलाई सम्बोधन गर्दै सिईओ पुरीले वीरगंज आर्थिक एवम् व्यापरिक नगरीसँगै कला र कलाकारको शहरसमेत भएको बताए । वीरगंज निर्देशक र मुख्य कलाकारलाई समावेश गरिएको वेब सिरिजले उनीहरुलाई अझै राम्रो अवसर प्रदान गर्नेमा उनी विश्वस्त छन् । 

वेब सिरिज ‘मिस स्कार्लेट’ को छायांकनका क्रममा वीरगंज बिताइएको दुई हप्ताको समयले यहाँको रहनसहन, चालचलनसँगै रितिरिवाज र संस्कृति केही हदसम्म बुझ्न पाइएको बताउँदै उनले ति संस्कृतीलाई चलचित्रमार्फत जगेर्ना गर्नुपर्नेमा उनले जोड दिए । 

वेब सिरिजमार्फत निर्देशनमा डेब्यु गरेका निर्देशक बलिराम चौहानले भाषा र स्थानभन्दा पनि चलचित्रको कथावस्तु र गुणस्तरमा प्रतिस्पर्धा गर्ने समय भएको बताए । मिस स्कार्लेट वेब सिरिज निश्चित क्षेत्र भन्दा पनि विश्वका हरेक ठाउँका व्यक्तिले अपनत्व गर्ने दावी चौहानको छ । उनले भने, ‘यो सिरिजको कथा वस्तुले सानो बालकदेखि बृद्धसम्मको अवस्थालाई चित्रण गरेको हुँदा सबैले मन पराउनुहुन्छ भन्नेमा हाम्रो टिम ढुक्क छ ।’ थुप्रै नेपाली चलचित्रको छायांकन गरीसकेका छायांकार शेरबहादुर तामाङ्सहित दर्जनौ चलचित्रहरुमा सहायक निर्देशन गरीसकेका सुदिप कुवँर लगायतसँग काम गर्न पाउँदा गर्वान्वित महसुस भएको पनि चौहानले सुनाए । 

कार्यक्रममा चलचित्र पत्रकार संघ पर्साका सल्लाहकार निरज पिठाकोटे, सहसचिव प्रणय साह, सदस्यहरु शम्भु सुमन, रञ्जित यादव लगायतले वीरगंजमा चलचित्रको बजार र यहाँका चलचित्र हलहरुको अवस्थाका बारेमा चर्चा गरेका थिए । 

कान्तिपुर फिल्म एकेडेमीले बनाइरहेको सिरिजको तीन एपिसोडसम्मको छायांकन सोमवार सम्पन्न भएको छ । माघ २० गते वीरगंजकाे गण्डकस्थित कलार्क रिसोर्टबाट सुरु भएको छायांकन वीरगंजकाे आदर्शनगर, घण्टाघर, टाउन हल, चिकेन स्टेशन, ज्ञानदा एकेडेमी लगायतका स्थानको दृश्य सिरिजमा राखिएको फिल्म एकेडेमीले जानकारी दिएको छ । 

कार्यक्रमको सहजीकरण संघका सचिव सूर्यनारायण वि.क.ले गरेका थिए ।

प्रदेश सांसद जयसवालको योजना छान्दै स्थानिय नागरिक

0
वीरगंज । पर्सा क्षेत्र नं. ३ (१) बाट स्वतन्त्र निर्वाचित प्रदेश सभा सदस्य (सांसद) प्रमाेद जयसवाले नयाँ अभ्यासकाे सुरुवात गरेका छन् । प्रदेश सांसद जयसवालले संसदिय विकास योजना छान्न जिल्ला मै नयाँ अभ्यासको शुरुवात गरेका हुन् ।
 
उनले क्षेत्र अन्तर्गतकाे सखुवा प्रसौनी गाउँपालिका वडा नं. १ मधुवन मथौलमा आइतबार “प्रदेश सांसद विकास योजना सम्बन्धि वडा स्तरिय छलफल कार्यक्रमकाे आयाेजना गरेका छन् । यस अघि सांसद जयसवालले यस्तै कार्यक्रम सखुवा प्रसौनी गाउँपालिकाकाे वडा न. ४ देउरवानामा आयाेजना गरि स्थानिय संग याेजना छनाैट बारे छलफल गरेका थिए ।  
 
मधुवल मथवलमा आयाेजित कार्यक्रमका सहभागीहरुले आफुहरुसंग रायसल्लाह गरी विकास योजना गर्ने परिपाटीको विकास गरेकोमा खुशी व्यक्त गर्दै सांसद जयसवाललाई धन्यवाद दिएका थिए । उनीहरुले यस्ताे कार्य आफुहरुकाे क्षेत्रमा पहिलाे पटक भएकाे वताए ।
 
स्थानिय नेता रामा दास थारुको अध्यक्षता र सांसद जयसवालको प्रमुख आतिथ्यमा भएकाे कार्यक्रममा पुर्व गाविस अध्यक्ष लालदेव उराव, स्थानिय नेता मनबुद्धि उराव, स्थानिय युवा मनोज पटवारी, अशोक साह लगायत दर्जनौ अगुवा महिला-पुरुषले आ-आफ्नो बिचार राखेका थिए ।  
 
आफ्नो मन्तव्य राख्दै पुर्व गाबिस अध्यक्ष लालदेव महतो उरावले आफु राजनितिमा लागेको दशकौ बिति सकेको भए पनि यस क्षेत्रका कोही सांसद तहका नेताले यस प्रकार जनताको भेलाबाट राय सल्लाह गरी योजना छानेको नदेखेको भन्दै हाम्रो छोरा सरहका उमेरका जयसवालजीको काम गर्ने प्रक्रिया देख्दा खुशि लागेकाे वताए । उनले आफ्नाे क्षेत्रका प्रदेश सांसद जयसवाललाई धन्यवाद र सफलताको शुभकामना दिन चाहन्छु भन्दै क्षेत्रकाे विकासकाे लागि आफुबाट हुने सहयाेग गर्ने प्रतिबद्धता समेत जनाए ।
 
जनमुखी विकास पद्धति अनुसार काम गर्ने चुनाव ताकाको आफ्नो प्रतिबद्धता अनुसार सबै नागरिकहरुको साथ सहयोग र सहकार्यमा विकास कार्य अघि बढाउन आफु हर सम्भव प्रयास गर्न लागि परेको प्रदेश सांसद जयसवालले वताए ।
 
उनले सबै मिलेर आफ्नो ठाउँको विकासमा एकजुट भएर लाग्न र तिन वटै तहका सरकारलाई नागरिकको हितमा जिम्मेवार बनाउन खबरदारी र सहयोग गर्न आम नागरिकलाई अनुरोध गरेका थिए । योजना छनौट प्रकियाको सहजीकरण समेत सांसद जयसवालले नै गरेका थिए ।
 
कार्यक्रमको अन्तमा ५१ सदस्यीय ” प्रदेश सांसद वडा स्तरिय विकास समन्वय समिति” र शिक्षा, स्वास्थ्य, कृषि, वन-पर्यटन, महिला बिकास लगायतका केही बिषयगत समितिहरु निर्माण गरी काम गर्ने सहमती भएको थियो । उल्लेख्य जनसहभागिता रहेको कार्यक्रममा समस्या पहिचान, योजना छनौट र बिश्लेषण गर्ने कार्य भएको थियो ।
 
यस्ताे कार्यक्रम क्षेत्रका १६ वटै वडाहरुमा सन्चालन गर्ने योजना रहेको सांसद जयसवालकाे सचिवालयले जनाएकाे छ ।

चितवन २ मा उपनिर्वाचन वैशाख १० गते हुने

0

वीरगंज । निर्वाचन आयोगको आइतबार बसेको बैठकले चितवन निर्वाचन क्षेत्र नं. २ मा रिक्त रहेको प्रतिनिधि सभा सदस्यको उपनिर्वाचन २०८० साल बैशाख १० गते गर्ने निर्णय गरेकाे छ । बैठकले प्रतिनिधि सभा सदस्य निर्वाचन ऐन, २०७४ को दफा ६८ बमोजिम चितवन २ मा रिक्त रहेको प्रतिनिधि सभा सदस्यको उपनिर्वाचनकाे मिति बैशाख १० गते तोक्ने निर्णय गरेकाे निर्वाचन आयाेगले जनाएकाे छ ।

चितवन २ बाट प्रतिनिधि सभा सदस्यमा निर्वाचित भएका रवि लामिछाने प्रतिनिधि सभा सदस्य निर्वाचन ऐन, २०७४ को दफा १३ बमोजिम अयोग्य भएको भनी सर्वोच्च अदालतबाट मिति २०७९।१०।१३ मा आदेश भै आएको र संघीय संसदको च.नं. ३२ मिति २०७९।१०।१९ को पत्रबाट लामिछानेको प्रतिनिधि सभा सदस्य पद नेपालको संविधानको धारा ८९ को (ख) बमोजिम रिक्त भएको भनी आयोगमा जानकारी प्राप्त भएपछि साे क्षेत्रमा उप निर्वाचनकाे मिति ताेक्ने निर्णय भएकाे निर्वाचन आयाेगका सहसचिव एवं प्रवक्ता शालिग्राम शर्मा पौडेलले जानकारी दिए ।

नेपालको संविधानको धारा ८४ को उपधारा ७ मा प्रतिनिधि सभाको कार्यकाल ६ महिनाभन्दा बढी बाँकी छँदै कुनै सदस्यको स्थान रिक्त भएमा त्यस्तो स्थान जुन निर्वाचन प्रणालीबाट पूर्ति भएको थियो सोही प्रक्रियाद्वारा पूर्ति गरिनेछ भन्ने व्यवस्था रहेको साथै प्रतिनिधि सभा सदस्य निर्वाचन ऐन, २०७४ को दफा ६८ ले पहिलो हुने निर्वाचित हुने निर्वाचन प्रणाली अन्तर्गत निर्वाचित कुनै सदस्यको पद प्रतिनिधि सभाको अवधि ६ महिनाभन्दा बढी कायम रहँदै कुनै कारणले रिक्त भएमा आयोगले तोकेको मितिमा त्यस्तो रिक्त सदस्यको पद उपनिर्वाचनद्वारा पूर्ति गरिने व्यवस्था भए बमोजिम आयोगले उपनिर्वाचनको मिति तोकेको प्रवक्ता पाैडेलले वताए ।

प्रतिनिधि सभा सदस्य निर्वाचन ऐन, २०७४ को दफा ७ बमोजिम आयोगले आइतबार स्वीकृत गरेको उपनिर्वाचन सम्बन्धी निर्वाचन कार्यक्रम अनुसार भोलि २०७९ फागुन १ गतेदेखि २०७९ चैत १६ गतेसम्म मतदाता नमावली अद्यावधिक कार्यक्रम सञ्चालन हुनेछ ।

त्यसैगरी उम्मेदवारको मनोनयन दर्ता २०७९ चैत २० गते, उम्मेदवारको विरोधमा उजुरी दिने चैत २१ गते, मनोनयनपत्र र उजुरीउपर जाँचबुझ गरी निर्णय दिने तथा उम्मेदवारको नामावली प्रकाशन गर्ने चैत २२ गते, उम्मेदवारको नाम फिर्ता र उम्मेदवारको अन्तिम नामावली प्रकाशन गरी उम्मेदवारलाई निर्वाचन चिन्ह प्रदान गर्ने कार्य चैत २३ गते हुने निर्वाचन आयाेगले जारी गरेकाे विज्ञप्तीमा उल्लेख गरिएकाे छ । 

जनयुद्ध दिवसकाे अवसरमा साेमबार सार्वजनिक विदा

0

वीरगंज । सरकारले जनयुद्ध दिवसकाे साेमबार सार्वजनिक विदा दिने निर्णय गरेको छ ।

आइतबार दिउँसो प्रधानमन्त्री तथा मन्त्रिपरिषदको कार्यालय सिंहदरबारमा बसेको मन्त्रिपरिषदको बैठकले फागुन १ गते जनयुद्ध दिवसका रूपमा सार्वजनिक विदा दिने निर्णय गरेको हो ।

वि.सं. २०५२ फागुन १ गतेबाट सुरू भएको जनयुद्ध २०६३ मंसीर ५ गते विस्तृत शान्ति सम्झौतामा रूपान्तरण भएको थियो । त्यही जनयुद्धको जगमा नेपालमा राजनीतिक परिवर्तन सम्भव भएको थियो भने गणतन्त्र, संघीय प्रणाली, समावेशी लोकतन्त्र, सामाजिक न्यायजस्ता उपलब्धि जनयुद्ध र जनआन्दोलनको बलमा नै स्थापित भएका थिए ।

जनयुद्धको नेतृत्वकर्ता पार्टी माओवादी केन्द्रले प्रत्येक वर्ष फागुन १ गतेलाई जनयुद्ध दिवसको रूपमा मनाउँदै आएको छ । परिवर्तनका पक्षमा भएका सबै आन्दोलन र क्रान्तिहरूको सम्मानमा सरकारले सार्वजनिक विदा दिने निर्णय लिएको हो ।

यसअघि पुस २७ लाई राष्ट्रिय एकता दिवसका रूपमा सरकारले सार्वजनिक विदा दिएको थियो ।

सामाजिक रुपान्तरणका लागि शिक्षा अपरिहार्य छ : पूर्व मन्त्री यादव

0

वीरगंज । पर्सा क्षेत्र नम्बर १ का प्रतिनिधि सभा सदस्य प्रदीप यादवले शिक्षाबाट कोही पनि बञ्चित हुन नहुने बताएका छन् । समाज रुपान्तरणका लागि शिक्षाको अपरिहार्यताका बारेमा प्रकाश पार्दै पूर्व वन तथा वातावरण मन्त्रीसमेत रहेका यादवले शिक्षाको पहुँचबाट टाढा रहेका बालबालिकालाई विद्यालयसम्म ल्याउन प्रोत्साहन गर्ने अभियानको थालनी गर्नुपर्नेमा जोड दिए ।

वीरगञ्जको राधेमाईस्थित साउथ जोन माध्यमिक विद्यालयले १४ औँ वार्षिकोत्सवका अवसरमा आयोजना गरेको कार्यक्रमलाई सम्बोधन गर्दै सांसद यादवले हरेक स्थानीय तहका वडाध्यक्षहरुले आ–आफ्नो वडामा विद्यालयसम्म नपुगेका बालबालिकाको खोजी गर्दै उनीहरुलाई विद्यालय लैजाने अभियान सुरु गर्न सुझाव दिए । यादवले भने, ‘स्कुलसम्म आउन नसक्ने बालबालिकालाई वडाध्यक्षहरुले मासिक १ हजार रुपैयाँ प्रोत्साहनस्वरुप दिने घोषणा गर्नुहोस्, जसले गर्दा स्थानीय सरकारको आभाष पनि जनताले गर्न पाउँछन् र बालबालिकाहरु पनि शिक्षाबाट बञ्चित हुँदैनन् ।’

विगतमा छोरालाई मात्रै पढाउने र बिहे गरेर जाने छोरीलाई पढाउन नहुने मान्यता बिस्तारै हराउँदै गएको र अहिले छोरा भन्दा पनि छोरीलाई बढी पढाउने संस्कारको विकास हुँदै गएकोमा उनले खुशी व्यक्त गरे । वीरगञ्जमै अब्बल र गुणस्तरीय शिक्षा दिने शैक्षिक संस्थासँगै शिक्षकहरु भएको हुँदा अध्ययनकै लागि विदेशिनुपर्ने अवस्थाको अन्त्य गर्नुपर्नेमा पनि पूर्व मन्त्री यादवको जोड थियाे ।

गरिब, विपन्न एवम् दलित समुदायमा शिक्षाको पहुँच बढाउनुपर्ने बताउँदै उनले शिक्षासँगै अतिरिक्त क्रियाकलापलाई पनि प्राथमिकता दिएमा विद्यार्थीको व्यक्तित्व विकास र क्षमता अभिवृद्धि हुने विश्वास व्यक्त गरे ।

साउथ जोन माविका प्रधानाध्यापक सरोज कुमार चौधरीको अध्यक्षतामा भएको कार्यक्रमलाई प्याब्सन पर्साका अध्यक्ष पुरण प्रधान, उपाध्यक्ष शिव गुप्ता, अभिभावक संघ पर्साका अध्यक्ष अमर गौतम, विद्यालयकी निर्देशिका सूर्यमाया खड्का, नबिल बैंक श्रीपुरका शाखा प्रबन्धक सन्तोष साह, पुस्तक व्यवसायी संघ पर्साका अध्यक्ष रोहित ब्याहुत, सामाजिक अभियानता प्रकाश थारु लगायतको उपस्थिती रहेको थियो ।

सोही अवसरमा विद्यालयमा वर्षभरी भएका अतिरिक्त क्रियाकलापमा उत्कृष्ट विद्यार्थीहरुलाई पुरस्कृत समेत गरिएको थियो । साथै लामो समयसम्म विद्यालयका भूतपूर्व शिक्षक शिक्षिकाहरुलाई पनि सम्मानपत्रमार्फत सम्मान गरिएको थियो । आजै साउथ जोन डान्सिंग स्टार र साउथ जोन आइडल सिजन ४ पनि सम्पन्न भएको छ । जसमा पुनम सिंह र राजेश चौधरीले नृत्यतर्फ र गायकद्वय मन्दिप खड्का र सद्धाम हुसैनले गायनतर्फको निर्णायकको भूमिका निर्वाह गरेका थिए ।

विद्यालयकी नेपाली विषय विभाग प्रमुख प्रमिला निरौलाले स्वागत मन्तव्य व्यक्त गरेको कार्यक्रमको सहजीकरण विद्यालयकै सहप्रध्यापक अशोक संग्रौलाले गरेका थिए ।

दिव्य युवा क्लबकाे २६ औं बार्षिक साधारण सभा सम्पन्न

0

वीरगंज । दिव्य युवा क्लब बिरन्चीबर्वा, पर्साकाे २६ औं बार्षिक साधारण सभा शनिबार वीरगंजमा सम्पन्न भएकाे छ । वीरगंजकाे लिंकराेडस्थित हाेटल कुमु प्यालेसमा भएकाे साधारण सभा बार्षिक प्रगति प्रतिवेदन तथा आर्थिक प्रतिवेदन सर्वसहमत पारित गर्दै सम्पन्न भएकाे हाे ।

क्लबका अध्यक्ष उमेश चौहानकाे अध्यक्षतामा भएकाे साधारण सभामा आ.ब. २०७८/०७९ को बार्षिक प्रगति प्रतिवेदन र आ. ब. २०७९/०८० को बार्षिक प्रस्तावित कार्यक्रम संस्थाका सचिव सोनालाल राउतले प्रस्तुत गरेका थिए भने बार्षिक आर्थिक प्रतिवेदन र बार्षिक प्रस्तावित बजेट कोषाध्यक्ष कन्हैया साहले प्रस्तुत गरेका थिए ।

साधारण सभाकाे उद्घाटन सत्रमा वाेल्ने वक्ताहरुले संस्थाले राम्राे काम गरेकाे भन्दै प्रशंसा गरेका थिए । संस्थाले सरकारी निकायले गर्न नसकेकाे काम गरेकाे भन्दै प्रशंसा समेत व्यक्त गरेका थिए । संस्थाले विभिन्न परियाेजना तथा कार्यक्रम मार्फत जिल्लाकाे विकासमा सहयाेग पुर्याएकाे वक्ताहरुकाे भनाई थियाे ।  

उद्घाटन समाराेह मै संस्थाका संस्थापकका सचिव एवम् कालिकामाई गाउँपालिका वडा नं. ५ का वडाध्यक्ष जयनारायण पटेल, पटेर्वा सुगौली गाउँपालिकाकी उपाध्यक्ष ममता महतो लगायतकालाई सम्मान समेत गरिएकाे थियाे ।

जिल्ला समन्वय समिति पर्साका उप प्रमुख पुरण प्रसाद कुर्मीकाे प्रमुख आतिथ्यतामा भएकाे कार्यक्रममा पाेखरिया नगरपालिकाकी पूर्व उप प्रमुख सल्मा खातुन, गैर सरकारी संस्था महासंघ नेपाल पर्साका अध्यक्ष छठु साह, समािजक संस्था जिल्ला समन्वय समिति पर्साका अध्यक्ष इब्राहिम देवान, दिव्य युवा क्लबका कार्यकारी निर्देशक रामाकान्त पटेल लगायतकाले मन्तव्य राखेका थिए भने कार्यक्रमकाे संचालन संस्थाकी कार्यक्रम संयाेजक कपिला चाैलागाई साहले गरेकी थिइन ।

संस्थाले हाल एक्सनएड नेपालको सहयोगमा स्थानिय अधिकार कार्यक्रम, जि.पि.फण्ड परियोजना, एक्सनएड नेपाल र आईरिश एडको सहयोगमा महिला अधिकार कार्यक्रम, भिएसओ नेपालको सहयोगमा किशोरी शसक्तिकरण लागि शैक्षिक कार्यक्रम र वीरगंज महानगरपालिकाको सहयोगमा सामी परियोजना संचालन गर्दै आएको छ ।

प्रदेश भरि मै खानेपानीकाे अभाव हुन दिन्नाैं : खानेपानी मन्त्री कलवार

0

वीरगंज । मधेश प्रदेशका खानेपानी तथा उर्जा मन्त्री सिंहासन साह कलवारले मधेश प्रदेशमा खानेपानीको अभाव हुन नदिन बताएका छन् । मन्त्री भएपछि पहिलाे पटक गृह जिल्ला पर्सा आएका मन्त्री कलवारले यस्ताे वताएका हुन् ।

पर्साका पकहामैनपुर गाउँपालिकाका अध्यक्ष सुरेश मेहताले मन्त्रालयबाट आफनो पालिकामा खानेपानीका लागी सहयोग गर्न मन्त्री कलवारसंग आग्रह गरेपछि जवाफ उनले पालिकामा मात्रै होईन पुरै मधेश प्रदेशमै अभाव हुननदिन वताए ।

पकहा मैनपुर गाउँपालिका वडा नम्बर ५ गदियानी पोखरीयाको उतरपटि सिक्टा नदिमा झुलुंगे पुल निमार्णका लागी पनि पहल गर्न अपिल गर्दा मन्त्री कलवारले आर्थिक बर्ष ०७८।०७९ को मेरो बजेटबाट गत भदौ महिनामा बजेट निकासा भईसकेकोले सो झुलुंगे पुल निमार्ण गराउन र थप केही बजेट कमी भए भौतिक मन्त्रालयसंग पहल गर्ने समेत आश्वाशन दिए ।

पकहा मैनपुर गाउँपालिकाका अध्यक्ष सुरेश मेहताले मंत्री कलवारलाई गाम्छा ओढाई सम्मान समेत गरेका थिए । 

वीरगंजकाे राधेमाईस्थित मन्त्री कलवारकाे निवसामा जनता समाजवादी पार्टी पर्साका अध्यक्ष रामनरेश यादव, पत्रकार छठु साह लगायतकाहरु समेत पुगेका थिए ।

यसै बिच मन्त्री भएपछि पहिलाे पटक गृह जिल्लाकाे सदमुकाम वीरगंज आएका कलवारलाई उनका पार्टीका नेता तथा कार्यकर्ताहरुले भव्य स्वागत गरेका छन्  भने मन्त्री कलवारले वीरगंजकाे घण्टा‍घरस्थित सहिद स्मार्कमा पुगेर सहिदहरुकाे शालिक माल्यार्पण समेत गरेका छन् । 

पिपरा पशुपति नाथ मन्दिरमा सोमबार महाआरती हुने

0

वीरगंज । वीरगंज महानगरपालिकाकाे वडा नम्वर १४ पिपरामा रहेको पशुपतिनाथ मन्दिरमा आउँदो फागुन १ गते महाआरती हुने भएको छ । महाआरतीका लागि मन्दिर सिंगार्नुका साथै आवश्यक तयारी तिब्र पारिएको छ ।

भारतको काशी विश्वनाथका मुख्य पुजारी, पशुपतिनाथ मन्दिर काठमाण्डौका भट्ट र जनकपुरधामका महन्थको संयुक्त उपस्थितिमा महाआरती हुन लागेको हो । वीरगंज मै पहिलो पटक तीनै धामका पुजारीलाई बोलाएर महाआरती आयोजना गर्न लागिएको वीरगंज महानगरपालिकाले जनाएकाे छ ।

वीरगंज महानगरपालिका र विश्व हिन्दु परिषदकाे संयुक्त आयोजनामा महाआरती सफल बनाउन आवश्यक तयारी अघि बढाइएकाे छ । वीरगंजलाई धार्मीक पर्यटकीय गन्तव्यको केन्द्र बनाउने गरी वीरगंज महानगरपालिकाले काम गरिरहेको महानगरका मेयर राजेशमान सिंहले बताए ।

महानगरले माइस्थान मन्दिर क्षेत्रलाई यस अघि नै सौन्दर्यकरण गर्न सुरु गरिसकेको छ । माइस्थान क्षेत्रमा बाँकी रहेको लाइटिङ र गार्डेनिङको काम चाँडै सम्पन्न गर्ने गरी काम भइरहेको मेयर सिंह जानकारी दिए ।

तराईमै एक मात्र रहेको पशुपति नाथ मन्दिर सौन्दर्यकरण गरेर यसको पहिचान स्थापित गर्न पनि नेपाल भारत दुबै देशका प्रख्यात धामका मुख्य पुजारी बोलाएर महाआरती गर्न लागिएको उनले वताए । काठमाण्डौंको पशुपति नाथ मन्दिरसम्म जान नसक्ने भक्तजनहरु पिपरामा रहेको पशुपती मन्दिरमा पुगेर पुजा अर्चना गर्न सक्ने छन् ।