Date
मङ्ल, मंसिर १, २०८३
Tue, November 17, 2026
Home Blog Page 573

सांसद यादवद्वारा राधेमाईमा राम जानकी मन्दिरको प्राणप्रतिष्ठान एवं उद्घाटन

0

वीरगंज । संघिय सांसद प्रदिप यादवले वीरगंजकाे राधेमाईमा नवनिर्मित रामजानकी मन्दि प्राणप्रतिष्ठान एवं उद्घाटन गर्नु भएका छन् । वीरगंज महानगरपालिकाकाे वडा नं. १३ श्रीपुर राधेमाई टोलस्थित मठमा नवनिर्मित श्री रामजानकी मन्दिरको प्राणप्रतिष्ठान एवं उद्घाटन एक कार्यक्रमका बिच सांसद यादवले गरेका हुन् ।

मन्दिरमा आयोजित कार्यक्रममा सांसद यादवले पुजापाठ गर्दै मन्दिरको प्राणप्रतिष्ठान एवं मुलगेटमा लगाइएको रिवन काटेर उद्घाटन गरेका थिए ।

पर्सा निर्वाचन क्षेत्र नं. १ बाट संघिय सांसदमा निर्वाचित भएका यादवको संसदीय विकास कोषको ३५ लाख रुपैया एवं स्थानियवासीहरुको सहयोग मन्दिरको निर्माण भएको स्थानियहरुले बताए । मन्दिरद पहिला देखि नै समान्य रुपमा निर्र्माण भएको भएपनि सांसद यादवको सहयोगपछि थप व्यवस्थित बनाएको मठका अध्यक्ष बिनोद मण्डलले बताए ।

मन्दिरको उद्घाटन गर्दै सांसद यादवले अगामी दिनमा मन्दिरलाई अझै भव्य र व्यवस्थित बनाईने बताउँदै नवनिर्मित मन्दिरको उद्घाटन गर्न पाउँदा आफु निकै हर्षित भएको बताए ।

भव्य सजावटका बिच आयोजना भएको उद्घाटन कार्यक्रममा बीरगन्ज महानगरपालिका मेयर राजेशमान सिंह, बीरगन्ज महानगरपालिका वडा नं. ११ का वडा अध्यक्ष अजय चौररिया,वडा नं. १३ का वडा अध्यक्ष हिरा गिरी,मठका अध्यक्ष बिनोद मण्डल स्थानिय समाजसेवी एवं वडावासीहरुको सहभागीता रहेको थियो ।

मन्दिरको उद्घाट तथा सो क्षेत्रको सरसफाई भएसँगै मठमा रहेको जग्गा अतिक्रण लगायतको काममा कमि आउँने तथा स्थानियहरुलाई पुजापाठ एवं धार्मिक गतिबिधि गर्न थप सहज हुने स्थानियहरुको भनाई छ ।

गरिब परिवारकाे छाेरीकाे विवाहमा सहयोग

0
वीरगंज । पाेखरिया युवा समाजले ३ जना गरिब तथा विपन्न परिवारका छाेरीकाे विहेमा सहयाेग गरेकाे छ । समाजले कन्या दान माहा दान अभियान अन्तर्गत खाद्यन्न सामग्री सहयाेग गरेकाे हाे ।
 
विभिन्न व्यक्ति तथा संस्थाहरुकाे सहगाेमा खाद्यन्न समाग्री ४ बोरा चामल, ३ बोरा आलु, ३ टिना तेल, तीन टिना रिफाइन, ४५ किलो दाल, ३० किलो चिनी सहयोग गरिएकाे पाेखरिया युवा समाजका अध्यक्ष भगवान दास तात्वाले वताए ।
 
छिपहमाई तथा पाेखरिया नगरपालिकाका लेखापाल मन्दिप महतो, पोखरिया युवा समाज, मनोज चौहान, नौसाद आलम, त्रीलोक श्रीवास्त्व, बिकास रौनियार, बिपिन चौरसिया, दिनानाथ रौनियार लगायतकाे आर्थिक सहयाेगमा खाद्यान्न सामग्री सहयाेग गरिएकाे अध्यक्ष तात्वाले वताए ।
 
केही व्यक्तिहरुले गोप्य सहयोग समेत गरेकाे उनले जानकारी दिए । यस्ता सहयाेगहरु तात्वाकाे अगुवाईमा पाेखरिया युवा समाजले निरन्तर गर्दै आएकाे छ । 

वीरगंजमा रात्री सांस्कृतिक तथा खाना मेला

0

वीरगंज । वीरगंज कलेजकाे आयोजना शुक्रबारदेखि वीरगंजमा रात्रीकालिन खाना तथा सांस्कृतिक मेला सुरु भएकाे छ । दुई दिन सम्म लाग्ने मेलाको उद्घाटन वीरगंज महानगरपालिका मेयर राजेशमान सिंहले गरेका थिए ।

मेलाकाे उद्घाटन गर्दै मेयर सिंहले यस्ता कार्यक्रमहरुले बिधार्थीहरुमा उदमशीलताको बिकास हुने वताए । 

मेला उद्घाटन कार्यक्रममा वीरगंज महानगरपालिकाकाे वडा नं. ५ का वडाध्यक्ष प्रदिप चौरसिया, वडा नं. ३ का वडाध्यक्ष बैजुलाल स्वर्णकार, वडा नं. १७ का वडाध्यक्ष संन्जु छतकुली, वीरगंज कलेजका क्याम्पस चिफ बिनोद गुप्ता, सुरेश चौधरी, रुदल ठाकुर लगायतको उपस्थिती रहेको थियो ।

वीरगंजकाे घण्टाघरस्थित मुख्य सडक छेउमा रहेको फुटपाथमा २५ भन्दा बढी स्टलहरुको निर्माण गरी बिधार्थीहरुको सहभागीतामा रात्रिकालिन खाना एवं सांस्कृतिक महोत्सवको आयोजना गरिएको वीरगंज कलेजका अध्यक्ष डा. दिपेन्द्र चौधरीले बताए ।

विद्यार्थी पढाईसँगै आत्म निर्भर हुनु पर्ने भन्दै डा. चौधरीले सिक्दै जाउँ कमाउँदै जाउको अवधारणा अन्तर्गत कार्यक्रमको आयोजन गरिएको बताए । सांस्कृतिक कार्यक्रममा कलेजका विद्यार्थीहरु सहित पर्साका चर्चित गायक सुनिल पंडितको समेत प्रस्तुति हुने डा. चौधरीले बताए ।

मेलामा बिक्री वितरण भईरहेको खानाहरु निकै स्वादिष्ट रहेको तथा तथा बिधार्थीहरुको कार्य सराहनिय रहेको ग्राहकको प्रतिक्रिया दिएका छन् । मेलाले बीरगन्ज महानगरपालिको रात्रीकालिन बजार खुल्ले सोचलाई प्रोत्साहन गर्ने आयोजकको भनाई छ ।

मेलाको व्यवस्थापन मात्र कलेजले गरेको बाँकी मेलामा सम्पूर्ण परिकार बनाउने, बिक्री वितरण गर्ने तथा सांस्कृतिक कार्यक्रमको समेत सम्पूर्ण जिम्मा विद्यार्थीहरुलाई दिइएको कलेजका प्रकाशन प्रमुख सुरेन्द्र चौधरीले बताए ।

मेलाको पहिलो दिन शुक्रवार दुई हजार भन्दा बढी ग्राहकहरुलाई सेवा दिइएको र बिधार्थीहरुले सोचे भन्दा राम्रो व्यापार गरेको कलेज प्रशासनले जनाएको छ ।

अक्षय कुमारले दिए भारतीय नागरिकताका लागि आवेदन, क्यानडाको त्यागे

0

बलिउड अभिनेता अक्षय कुमारले आफूले क्यानडाको नागरिकता त्यागेको बताएका छन् । भारतीय नागरिकता पुनः प्राप्तिका लागि आवेदन दिइसकेको समेत उनले खुलासा गरेका छन् ।

फिल्म ‘सेल्फी’को प्रमोसनका क्रममा दिएको एक अन्तर्वार्तामा अक्षयले आफ्नो नागरिकताको बारेमा कुरा गरेका थिए । आफ्नो लागि भारत नै सबथोक भएको भन्दै उनले राहदानी परिवर्तनका लागि आवेदन गरिसकेको बताएका छन् । साथै, क्यानडेली नागरिकताबारे यथार्थ नबुझिकन मानिसले जेसुकै भन्दा आफूलाई चित्त दुख्ने पनि उनले बताए ।

अक्षयले भने, ‘मैले जे कमाएको छु, जे पाएको छु, यहींबाट पाएको छु र फिर्ता दिने मौका पाएकोमा म भाग्यमानी छु । मलाई नराम्रो लाग्छ जब मान्छेहरु केही नबुझेर बोल्छन् ।’

सन् १९९० को दशकमा अक्षयका १५ भन्दा बढी फिल्म फ्लप भएका थिए । यसबारे कुरा गर्दै उनले फिल्मले बक्स अफिसमा गरेको कमजोर प्रदर्शनले क्यानडाको नागरिकताका लागि आवेदन दिन प्रेरित गरेको बताए । साथीको सल्लाहमा उनी क्यानडा जान चाहन्थे । उनले भने, ‘मलाई लाग्यो कि मेरो फिल्म चल्दैन र काम गर्नुपर्छ । म कामको लागि त्यहाँ गएको थिएँ । मेरो साथी क्यानडामा थियो र उसले यता आऊ भन्यो । मैले आवेदन दिए र छाडें ।’

अक्षय भन्छन्, ‘मेरो दुई फिल्म मात्र रिलिज हुन बाँकी थिए र दुवै सुपरहिट हुनु भाग्यको कुरा हो । मेरो साथीले भन्यो फर्केर जाऊ, काम सुरु गर । मैले केही फिल्म पाएँ र थप काम पाइरहेको छु । मसँग राहदानी छ भनेर मैले बिर्सें । मैले यो राहदानी बदल्नुपर्छ भनेर कहिल्यै सोचेको थिइनँ । तर अब हो, मैले मेरो राहदानी बदल्न आवेदन दिएको छु ।’

अक्षय आफ्नो क्यानेडियन नागरिकताका कारण सधैं विरोधको निशानामा रहन्छन् । उनको क्यानेडियन नागरिकता बहसको विषय भएको छ । अक्षयले तीन वर्षअघि आफ्ना फ्यानलाई भारतीय राहदानीका लागि छिट्टै आवेदन दिने वाचा गरेका थिए ।

अक्षय शुक्रबारदेखि रिलिज भएको फिल्म सेल्फीमा देखिंदैछन् । यसमा उनको साथमा इमरान हासमी र नुसरत भरुचा पनि छन् । यो फिल्म मलयालम फिल्म ‘ड्राइभिङ लाइसेन्स’ को हिन्दी रिमेक हो । यसपछि अक्षय कुमार टाइगर श्राफको अपोजिट ठूलो ‘मियाँ छोटे मियाँ’ मा देखिनेछन् । यसबाहेक उनीसँग ‘ओ माइ गड २’, ‘फिर हेराफेरी २’ जस्ता फिल्म पनि छन् । 

दलित विद्यार्थीहरुलाई छात्रबृत्ति  प्रदान

0

वीरगंज । मधेशी एशोसिएसन ईन अमेरीका (एमएए) द्वारा बारा एवम् पर्साका ४ जना दलित एवम् जेहेन्दार विद्यार्थीहरुलाई छात्रबृत्ति प्रदान गरिएकाे छ ।  

संस्थाका नेपाल प्रतिनिधी मदन गुप्ताले बिहिबार एक कार्यक्रमकाे बिच ३ जना विद्यार्थीहरुलाई रु १५ हजारको दरले र एक जनालाई १० हजारको दरले गरी रु ५५ हजारको छात्रबृत्ति बितरण गरेका हुन् । गुप्ताले साे अवसरमा वाेल्दै छात्रवृति प्रदान गरिएकाे विद्यार्थीहहरुकाे कक्षा ११ र १२ का पढाई पुरा नहुञ्जेल सम्म सहयोग गर्ने पनि प्रतिबद्धता जनाए ।

 एमएए संस्थाले मधेशमा अब उपरान्त यस प्रकारको छात्रबृत्ति प्रदान गरिरहने गुप्ताले जानकारी दिए ।छात्रबृत्ति  बितरण कार्यक्रममा सामाजिक अभियानता प्रकाश थारु, कमल चौगाई, ओम प्रकाश सरर्फा लगायत संचारर्कीहरुको सहभागीता रहेको थियो ।

लामखुट्टे नियन्त्रणका लागि वीरगंजमा औषधी छर्न सुरु

0

वीरगंज । वीरगंज महानगरपालिकाले लामखुट्टे नियन्त्रणका लागि ‘एयर स्प्रे’ र ‘पम्प स्प्रे’ बाट औषधी छर्न सुरु गरेको छ । गर्मी मौसम सुरु हुन लागेकाले लामखुट्टे नियन्त्रणका लागि महानगरले ‘एयर र पम्प स्प्रे’ बाट औषधी छर्ने काम सुरु गरेको हो ।

महानगरको सरसफाइ व्यवस्थापन शाखा अधिकृत सर्फुदिन मियाँले बुधबारबाट तालिका नै बनाएर ३२ वटै वडामा ‘एयर र पम्प’ दुबै तरिकाबाट औषधी छर्ने काम सुरु भएको जानकारी दिए ।

बुधबार पहिलो दिन महानगरपालिकाको वडा नं. १, २ र ३ मा ‘एयर र पम्म’ दुबै माध्यमबाट औषधी छरिएको र वडा नम्बर ४ मा पम्प स्प्रेबाट लामखुट्टेको औषधी छर्ने काम भएको उनले जानकारी दिए ।

फगिङ्ग मेसिनबाट रोड तथा नालामा एयर स्प्रे र फगिङ्ग मेसिन पुग्न नसक्ने भित्री नालाहरुमा पम्प स्प्रेबाट औषधी छरिएको हो ।

बिहान १० बजेदेखी नै पम्प स्प्रेबाट नाला तथा पानी जमेका स्थानको खोजी गर्दै लामखुट्टे मार्ने औषधी छर्कन जनशक्ति परिचालन गरिएको सरसफाई अधिकृत मियाँले जानकारी गराए ।

फगिङ्ग मेसिनबाट ‘एयर स्प्रे’ गर्न भने बेलुका ५ बजेपछि सुरु भएको पनि उनले वताए । बुधबारबाट सुरु भएको लामखुट्टे मार्ने औषधी छर्ने काम चैत ६ गते सम्म चल्ने छ ।

लामखुट्टेको लार्भा मार्न बिहान र दिउसोको समयमा ३ राउण्ड पम्प स्प्रे गर्ने र वयस्क लामखुट्टे मार्न बेलुकाको समयमा फगिङ्ग मेसिन पार्फत २ राउण्ड ‘एयर स्प्रे’ गर्ने तालिका महानगरले सार्बजनिक गरेको छ ।

चिसो र गर्मी मौसम सुरु हुँदै गर्दा वीरगंजमा लामखुट्टेको अत्याधिक प्रकोप देखिन्छ । लामखुट्टे हुर्कन नदिन र हुर्किसकेकोलाई नियन्त्रण गर्न वीरगंज महानगरपालिकाले वर्षमा दुईपटक औषधि छर्ने गरेको छ ।

लामखुट्टेको टोकाइबाट फैलिन सक्ने डेंगु, मलेरियाजस्ता प्राणघातक रोगको संक्रमण फैलन नदिन महानगरका ३२ वटै वडामा ‘एयर स्प्रे’ र ‘पम्प स्प्रे’ सुरु गरिएको महानगर प्रमुख राजेशमान सिंहकाे सचिवालयले जनाएकाे छ ।

कर्मचारी प्रिमियरकाे सेमिफाइनलमा एक बैंक र ३ गाउँपालिका प्रबेश

0

वीरगंज । पर्साकाे पाेखरियामा जारीमा कर्मचारी प्रिमियर लिगकाे तेस्राे दिनकाे खेल मंगलबार सम्पन्न भएकाे छ । सकसेस लाेकसेवा इन्सिटच्यूट वीरगंजकाे आयाेजनामा संचालित क्रिकेट प्रतियाेगिताकाे तेस्राे दिन ४ वटा खेल सम्पन्न भएकाे हाे ।

मंगलबार भएकाे पहिलाे खेलमा राष्ट्रिय वाणिज्य बैंक वीरगंज विजयी भएकाे आयाेजक संस्थाका नरेश सर्राफले वताए । वीरगंज महानगरपालिकालाई ७ विकेटले हराउँदै राष्ट्रिय वाणिज्य बैंक विजयी भएकाे सर्राफले जानकारी दिए ।

त्यसैगरी दाेस्राे खेलमा कालिकामाई गाउँपालिका विजयी भएकाे थियाे । पकहा मैनपुर गाउँपालिकालाई ३२ रनले हराउँदै कालिकामाई विजयी भएकाे जिराभवानी गाउँपालिकाकाे प्रमुख प्रशासकिय अधिकृत प्राण मेहताले वताए ।

त्यसैगरी तेस्राे खेलमा जगरनाथपुर गाउँपालिका विजयी भएकाे थियाे । पाेखरिया नगरपालिकालाई ३ विकेटले हराउँदै जगरनाथपुर विजयी भएकाे जगरनाथपुर गाउँपालिकाका प्रमुख प्रशासकिय अधिकृत कृष्णनन्दन रायले वताए ।

त्यसैगरी मंगलबार नै भएकाे चाैथाे खेलमा परवानीपुर गाउँपालिका विजयी भएकाे थियाे । जिराभवानी गाउँपालिकालाई ९ विकेटले हराउँदै परवानीपुर विजयी भएकाे परवानीपुर गाउँपालिकाका प्रमुख प्रशासकिय अधिकृत मुन्ना राैनियारले वताए ।   

पाेखरियाकाे शेरा खेल मैदानमा जारी प्रतियाेगिताकाे सेमिफाइनलकाे लागि राष्ट्रिय वाणिज्य बैंक, कालिकामाई, जगरनाथपुर र पकहा मैनपुर गाउँपालिका छनाैट भएका छन् । शनिबार हुने सेमिफाइनल खेल राष्ट्रिय वाणिज्य बैंक र कालिकामाई गाउँपालिका बिच तथा जगरनाथपुर गाउँपालिका र पकहा मैनपुर गाउँपालिका बिच हुने आयाेजकले जनाएकाे छ ।

एक बैंक र ७ पालिका सहभागि प्रतियाेगिताकाे फाइनल खेल पनि फागुन १३ गते शनिबार नै हुने छ । प्रतियाेगिताबाट  जिराभवानी गाउँपालिका, पाेखरिया नगरपालिका, वीरगंज महानगरपालिका र परवानीपुर गाउँपालिका बाहिरिएका छन् ।

सांसद यादवद्वारा वीरगंज कारागारकाे अनुगमन

0

वीरगंज । पर्सा क्षेत्र नम्बर १ का प्रतिनिधी सभा सदस्य (सांसद) प्रदीप यादवले वीरगंज कारागारको भौतिक अवस्था जीर्ण भएकाले त्यसको सुधार गर्नुपर्ने आवश्यकता औंल्याएका छन् । मंगलबार आफै कारागारको स्थलगत निरिक्षण गर्दै पुर्व वन तथा वातावरण मन्त्री समेत रहेका यादवले सुरक्षा र मानव अधिकारका दृष्टिकोणले पनि कारागारको अवस्थामा सुधार ल्याउन आवश्यक भएको बताएका हुन् ।

सांसद यादवले ८ दशक पहिले निर्माण भएको कारागारको संरचना निक्कै पुरानो भइ जीर्ण अवस्थामा पुगिसकोले यसले कारगारकार भित्र रहेका कैदीबन्दी मात्र नभइ त्यहाँ कार्यरत सुरक्षाकर्मी र कर्मचारी पनि जोखिममा रहेको बताए । कारागारको सुरक्षाकर्मी बस्ने पोस्ट पनि भत्किने अवस्थामा पुगिसकेको अवस्था रहेको भन्दै यादवले मानव अधिकारको दृष्टिकोणले पनि कारागारको अवस्थामा सुधार ल्याउन आवश्यक भएको बताए ।

अनुगमनका क्रममा कारागारमा क्षमता भन्दा दोब्बर कैदीबन्दी रहेको पाइएको भन्दै यादवले भने ,‘ तत्कालै कारागारको लागि नयाँ संरचनाको आवश्यकता छ, यदि त्यो सम्भव नभए हालकै भौतिक संरचनामा सुधार ल्याएर कैदीबन्दीको मानवाधिकारलाई सुरक्षित गर्ने तर्फ ध्यान दिनुपर्ने हुन्छ ।

उनले निरिक्षणमा संगै रहेका वीरगंज महानगरपालिकाका प्राविधिक सल्लाहकारलाई यस विषयमा काम गर्न निर्देशन पनि गरे । यसका साथै जीर्ण वीरगंज कारागारका बारेमा संसदमा आवाज उठाएर समस्या समाधानको लागि पहल गर्ने प्रतिबद्धता पनि जनाए ।

सांसद यादवले कारागार निरिक्षण गर्ने क्रममा जिल्ला समन्वय समिति पर्साका प्रमुख अजय सर्राफ, कारागार प्रशासनका कर्मचारी , वीरगंज महानगरपालिकाका कर्मचारी, कारागारका सुरक्षाकर्मी लगायतको पनि सहभागिता रहेकाे थियो ।

पर्सामा स्कारपियोकाे ठक्करबाट एक विद्यार्थीकाे ज्यान गयाे

0

वीरगंज । पर्साकाे ठाेरीमा स्कारपियोकाे ठक्करबाट एक विद्यार्थीकाे मृत्यु भएकाे छ । कोचिङ्ग पढ‍ेर घर फर्किने क्रममा ठोरीबाट वीरगञ्ज तर्फ आउदै गरेको स्कारपियोकाे ठक्करबाट ठोरी गाउँपालिका वडा नं.४ विजयवस्ती निवासी १३ बर्षिय विश्वास श्रेष्ठकाे मृत्यु भएकाे प्रहरीले जनाएकाे छ ।  

जिल्ला पर्सा ठोरी गाउँपालिका वडा नं.४ विजयवस्ती स्थित हुलाकी सडक खण्डमा मंगलबार विहान ०८:३० बजेको समयमा नम्बर एकिन नभएको सेतो रंगको स्कारपियो गाडीले ठक्कर दिदा श्रेष्ठको टाउको र शरीरमा गम्भिर चोट लागेर घाइते भएका थिए ।

घटनाकाे जानकारी प्राप्त हुन साथ प्रहरी चौकी विजयवस्ती पर्साबाट खटिएको प्रहरी टोलीले गम्भीर घाइते श्रेष्ठलाई उपचारार्थ तराइ अस्पताल वीरगंजमा ल्याई भर्ना गरेकाे थियाे । उपचार हुँदाहुँदै मंगलबार विहान १०:१५ बजे मृत्यु भएको जिल्ला प्रहरी कार्यालय पर्साले जनाएकाे छ ।

प्रहरी चौकी सिर्सियाबाट खटिएको प्रहरी टोलीले दुर्घटना पश्चात फरार रहेको बाग्मती प्रदेश – ०१-०२७ च ०३०३ नम्बरकाे स्कार्पियाे गाडी र चालक जिल्ला चितवन माडी ३ बस्ने वर्ष २५ को पदम बिलास पन्त वतनकालाई नियन्त्रणमा लिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

यसका साथै मृतक लासको लास जाँच प्रकृति मुचुल्का, घटनास्थल प्रकृति मुचुल्का र ट्राफिक स्केच लगायतका कार्यहरू समपन्न गरी थप अनुसन्धान भैरहेको उनले जानकारी दिए ।

क्षेत्रकाे विकास निर्माणकाे काममा सांसद यादवको चासो, सडकको स्थलगत अनुगमन

0

वीरगंज । पर्सा क्षेत्र नम्बर १ का प्रतिनिधि सभा सदस्य प्रदीप यादवले आफ्नो संसदीय क्षेत्रका विकास निर्माणका कामको बारेमा चासो लिएका छन् । नेपाल सरकारका पूर्व वन तथा वातावरण मन्त्रीसमेत रहेका यादवले सोमवार वीरगञ्जका विभिन्न क्षेत्रमा भइरहेका विकास निर्माणका कामहरुको स्थलगत अनुगमन गरेका हुन् ।

पर्साको क्षेत्र नम्बर १ अन्तर्गत वीरगञ्जको हरपतगञ्जदेखि मनियारी, ईटियाही, भवानीपुर हुँदै जगरनाथपुर नहरसम्म जोड्ने साढे ६ किलोमिटर सडक खण्डको सांसद यादवले अनुगमन गरेका हुन् ।

अनुगमनका क्रममा सांसद यादवले सडक निर्माणको कार्यप्रगति सन्तोषजनक रहेको बताउँदै गुणस्तरीय ढंगले लापरवाही नगरी निर्माण गर्न निर्माण कम्पनीलाई निर्देशन दिए । सडक सञ्जालको निर्माणले नै विकासको ढोका खुल्ने हुने सांसद यादवको बुझाई छ । उनले भने, ‘सडकको बिकास भएपछि अरु कुराको स्वत विकास हुन्छ, सडक भनेको बाटो मात्रै हैन, विकासको पनि बाटो हो ।’

सडक बिकासको पहिलो आधार भएको बताउँदै उनले आफ्नो क्षेत्रलाई कच्ची सडक मुक्त क्षेत्र बनाउने दावी गरे । सो क्षेत्रका जनता सडक सञ्जालसँग जोडिने भएकोमा खुशी व्यक्त गर्दै पूर्व मन्त्री यादवले सडक निर्माण भएपश्चात सो क्षेत्रका किसानहरुको उत्पादनले सहज रुपमा बजार पाउने बिश्वास व्यक्त गरेका छन् ।

नेपाल सरकारको भौतिक पूर्वाधार तथा यातायात मन्त्रालयअन्र्तगतको सडक डिभिजन कार्यालय हेटौडाले सडकको निर्माण गर्न लागेको हो । करिब साढे ६ किलोमीटर लम्बाईको कालोपत्रे सडक पुष मशान्त २०८१ भित्र सम्पन्न गर्ने गरी २० करोड ५७ लाख २१ हजारमा हिम सगरमाथा जेभी वीरगञ्जले काम गरीरहेको छ ।

नेपाल सरकारको वन तथा वातावरण मन्त्री भएको बेलामा ११ भदौमा यादवले नै उक्त सडकको शिलान्यास गरेका थिए ।