Date
मङ्ल, मंसिर १, २०८३
Tue, November 17, 2026
Home Blog Page 572

विद्यालयलाई पंखा सहयाेग

0

वीरगंज । उपकार सेवा नेपालले एक विद्यालयलाई पंखा सहयोग गरेकाे छ । संस्थाले वीरगंज महानगरपालिकाकाे वडा नम्बर १० आदर्शनगर स्थित रहेको बालमंदिर आधारभुत विद्यालयलाई १० थान पंखा सहयाेग गरेकाे हाे ।

विद्यालयमा मै पुगी एक कार्यक्रमकाे बिच विद्यालयलाई पंखा हस्तान्तरण गरिएकाे संस्थाकी अध्यक्ष बिध्या सरावगीले जानकारी दिइन । आउँदै गरेको गर्मीका कारण पठनपाठनमा बालबालिकालाई कुनै किसिमको समस्या नहोस् भन्ने उदेश्यका साथ विद्यालयकाे कक्षा कोठामा जाड़ान गर्नका लागि १० थान सिलिगं पंखा सहयाेग गरिएकाे अध्यक्ष सरावगीले वताइन ।

अध्यक्ष सरावगीले विद्यालय व्यवस्थापन समितिका अध्यक्ष नरेश प्रसाद अग्रवाल र प्रधानाध्यापक चन्देश चौहानलाई पंखा हस्तान्तरण गरेकी थिइन । विद्यालय परिसरमा गरिएको सो हस्तान्तरण कार्यक्रममा संस्थाका सदस्य सज्जन अग्रवाल, सुमन बगरिया, समाजिक अभियन्ता प्रकाश थारु लगायतको उपस्थिति रहेको थियो ।

स्पर्श हस्पिटलकाे सहयाेगमा निःशुल्क स्वास्थ्य जाँच शिविर सम्पन्न

0

वीरगंज । स्पर्श मल्टिस्पेशलिटि हस्पिटल वीरगंजकाे सहयोगमा सिम्रौनगढ नगरपालिका वडा नं. ७ वडा कार्यालयकाे आयाेजनामा शनिबार वृहत्त निःशुल्क स्वास्थ्य जाँच तथा परामर्ष शिविर सम्पन्न भएकाे छ ।

वडा अन्तर्गतका गरिब, विपन्न परिवारका व्यक्तिहरुलाई स्वास्थ्यमा समस्या पैसाको अभावमा चेकजाँच गराउन नसक्नेहरुलाई मध्यनजर गर्दै स्पर्श मल्टिस्पेशलिटि हस्पिटलको प्राविधिक सहयोगमा वडा कार्यालयले निःशुल्क स्वास्थ्य जाँच तथा परामर्ष शिविरको आयोजना गरेको थियाे ।

सिम्रौनगढ बजारस्थित श्री कंकाली उच्च माध्यमिक विद्यालयको प्राङ्गणमा आयोजित शिविरमा २ सय ३० जना पुरुष तथा १ सय ७० जना महिला गरि ४ सय जना विरामीको चेकजाँच गरिएको थियो । विरामीहरुलाई स्पर्श मल्टिस्पेशलिटि हस्पिटलका संचालक एवं मेडिशिन विशेषज्ञ डा. महेश्वर कुर्मी, डा. पवन चौरसिया, अर्थो विशेषज्ञ डा. नविन सिंह, जेनरल सर्जन विशेषज्ञ डा. नितेश कणर, डा. संजय साह, गाइनेक्लोजिष्ट डा. बबिता चौधरी, एम.बि.बि.एस. डा. राज पटेल, डा. विकास गुप्ता लगायतको टिमले चेकजाँच गर्नुका साथै विरामीहरुलाई परामर्ष समेत दिएका थिए ।

चेकजाँचको क्रममा खास गरेर मेडिशिन, अर्थो, पिडिया, सर्जरी, गाइने, कार्डियो लगायतका विरामीहरु फेला परेका थिए । फेला परेका विरामीहरुलाई तत्कालको लागि हस्पिटलको तर्फबाट निःशुल्क औषधी वितरण गरिएको थियो भने आउने दिनमा गम्भिर प्रकृत्तिको रुपमा लिन सक्ने विरामीहरुलाई प्यालोजी सहितका चेकजाँचहरु गराएर समयमै सचेत हुन परामर्ष समेत दिइएको थियो ।

ग्रामीण भेगका गरिब, विपन्न परिवारका सदस्यहरुले पैसा अभावको कारण सानो तिनो समस्या भए अस्पताल गई चेकजाँच गराउन आनाकानी गर्ने गरेको अवस्थामा विस्तारै त्यही समस्याले गम्भिर प्रकृत्तिका रुपमा परिणत हुने गरेकोले सानो तिनो समस्या भएपनि समयमा आफ्नो स्वास्थ्य चेकजाँच गराउनुपर्ने विरामीहरुलाई परामर्ष दिइएको थियो ।

स्वास्थ्यमा अलि समस्या हुने वित्तकै चिकित्सकको सल्लाह लिई समयमै उपचार गराए खर्च पनि कम लाग्ने र स्वास्थ्यको जोखम पनि नहुने भएकोले गम्भिर प्रकृत्तिका समस्या उत्पन्न हुन सक्ने विरामीले स्वास्थ्यमा लापरवाही नगर्नुपर्ने परामर्ष दिइएको थियो ।

स्वास्थ्य शिविर सम्पन्न पश्चात सिम्रौनगढ नगरपालिका वडा नं. ७ का वडाध्यक्ष वडाध्यक्ष विवेक मेहताले स्वास्थ्य शिविरमा प्राविधिक सहयोग पुर्‍याएका र विरामीहरुको स्वास्थ्य चेकजाँच पश्चात निःशुल्क औषधी समेत वितरण गर्ने स्पर्श मल्टिस्पेशलिटि हस्पिटलका संचालक एवं मेडिशिन विशेषज्ञ डा. महेश्वर कुर्मीलाई कदर पत्र सहित सम्मान समेत गरिएको हस्पिटलका प्रशासन प्रमुख सुनिल पटेलले जानकारी दिए ।

वीरगंज मेनरोडको अतिक्रम हटाउन स्थानीयको माग, सोमबार १७ औं पटक पेसी

0

वीरगंज । वीरगंजका स्थानीय वासीन्दाहरुले वीरगंजकाे मुख्य सडकको अतिक्रम हटाउनु पर्ने माग गरेका छन् । पथलैया देखि गण्डक सम्मको २५/ २५ मिटरको अतिक्रम हटीसके पनि गण्डक देखि मितेरी पुल सम्मको अतिक्रम सर्वोच्च अदालतको निषेधाज्ञा को कारण हटन सकेको छैन ।

‘३ वर्षमा १६ पटक पेसी चढीसक्दा पनि’ हेर्न नभ्याइने’ भन्दै सर्दै आएको छ । १७ औ पटक सोमबार फेरि पेसी छ हेरौ सर्वोच्च अदालतले कुनै आदेश गर्छ या फेरि हेर्न नभ्याउने भन्दै टर्छ ‘ वीरगंजका मुन्ना साह बताउन्छन।

त्रिभुवन राजपथमा पर्ने वीरगंजकाे मितेरी पुलदेखि गण्डक चौकसम्म मुख्य सडकको मुख्य विन्दुबाट दायाँबायाँ २५/२५ मिटर अतिक्रमित घर टहरा हटाउन सडक डिभिजनको निर्णयविरुद्ध परेका रिटको सोमबार सर्वोच्च अदालतमा पेसी छ । पटक पटक गरि १६ पटक सम्म स्थगित हुन्दै आएको पेसी १७ पटक सोमबार सुनवाइ हुन्दैछ । यसपटक को पेसी को क्रम संख्या ६ नम्बर रहेको छ ।

लक्ष्मण साह रौनियारसमेत त्रिभुवन राजपथ विस्तारको काम रोक्न २०७६ असोज ७ गते सर्वोच्च अदालतमा उत्प्रेषणको रिट निवेदन दिएका छन् । रिटमा प्रधानमन्त्री तथा मन्त्रिपरिषद्को कार्यालय सिंहदरबार काठमाडौं, सडक डिभिजन हेटौंडा, व्यापारिक मार्ग विस्तार योजना वीरगंज पथलैया, जिल्ला प्रशासन कार्यालय पर्सा, जिल्ला प्रहरी कार्यालय पर्सा, मालपोत कार्यालय पर्सासमेत मुद्दा दायर गरिएको छ ।

यसै मुद्दाको लगाउमा २०७६ पुस २१ गते राजकुमारी देवी तुल्स्यान, २०७७ माघ २७ गते भरतप्रसाद रौनियारसमेत, २०७६ कात्तिक १७ गते वीरेन्द्रकुमार संघई, २०७५ मंसिर ११ मा विक्रम गुरुङले दर्ता गरेको उत्प्रेषण मुद्दासमेत रहेको छ । कारण देखाउ आदेश जारी गरिएको यो मुद्दाको २०७६ असोज ८ गते पहिलो पेसी थियो भने आउँदो फागुन १५ गते १७ औं पेसी रहेको छ  ।

२०७९ भदौ २० मा १६ औं पेसी परेको थियो । प्रत्येक पेसीमा हेर्न नभ्याइएको भन्दै अर्को पेसी तोकिने गरेको छ । २०७६ माघ २१ को पेसी पछि एकैपटक एक वर्ष पछि २०७७ फागुन १७ गते पेसी, त्यस पछि २०७८ मा ३ पटक र २०७९ मा भदौ पछि फागुन १५ गते सोमबार पेसी तारेख परेका छ ।

जब जब अदालतमा परेको पेसीको म्याद नजिकिन्छ तब तब वीरगंजमा सडक विस्तारको यो विषयको चर्चा चुलिन्छ । अब महानगरवासीको नजर फागुन १५ गते सर्वोच्च अदालतमा परेको यो मुद्दाको पेसीमा छ । आफ्नो सहरको स्वरूप परिवर्तन गरिने र मुख्य सडकको कायापलट नै हुने भएकाले अधिकांश महानगरवासी यो विषयलाई चाख लिएर हेरिरहेका छन् ।

वीरगंज आदर्शनगर निवासी जयप्रकाश लोहिया लामो समयदेखि वीरगंजकाे सुन्दरता र भविष्यसँग जोडिएको यो समस्याले अब निकास पाउनुपर्ने बताउँछन् । ‘धेरै लामो समय हामीले बाधा अवरोध र कानुनी झमेलाका कारण खर्च गरी सक्यौं,’ उनले भने, ‘वीरगंज महानगरको भविष्य र प्रतिष्ठा जोडिएको यो विषयलाई अब कुनै पनि बहानामा बाधा अड्काउ गरिराख्नुभन्दा निकास दिनु उचित हुन्छ ।’

व्यापारिक मार्ग विस्तार योजना वीरगंज पथलैया कार्यालयका सूचना अधिकृत इन्जिनियर सञ्जीव गुप्ता अदालतबाट क्लिन चिट पाइए राजमार्गको दुवैतर्फ २५/२५ मिटर विस्तारको कामलाई गति दिन कुनै समस्या नरहेको बताउँछन् । वीरगंज महागनरपालिकाका मेयर राजेशमान सिंह नेपाल सरकारको मापदण्ड अनुसार राजमार्गको दायाँबायाँ सडक विस्तार भएमा त्यसमा आफ्नो बाधा विरोध नरहने बताउँछन् ।

सूर्य ज्योती लाइफ इन्स्योरेन्सद्वारा रु १० लाखकाे मृत्यु दाबी भुक्तानी

0

परवानीपुर । बाराको परवानीपुर गाउँपालिका वडा नं ५ बहुअरी टोलमा शनिबार सूर्य ज्योती लाइफ इन्स्योरेन्स कम्पनी लिमिटेड वीरगंज शाखाले मृत्यु दाबी भुक्तानी मार्फत १० लाख रुपैयाँ वितरण गरेको छ ।

वडा नं ५ बहुअरी निवासी राम आशिष दासले ५ महिना अगाडि पाँच लाखको जीवन बीमा गराएका थिए । आफ्ना सन्तान र परिवारको भविष्यको लागि बीमा गरेका उनलाई पछि प्राण घातकको रूपमा क्यान्सर रोग लाग्यो । रोग लागिसकेपछि उनलाई औषधि उपचारको लागि बीमा कंपनीले शुरुमा ५ लाख रुपैयाँ प्रदान गरेको थियो । तर धेरै कोसिसका बाउजुद पनि उनी बाँच्न सकेनन ।

यो कुराको जानकारी पाइसकेपछि बीमा कंपनीका स्टार एजेन्सी म्यानेजर उमेश साह कानुको अथक प्रयासले समयमै विमितले पाउनु पर्ने बाँकी पैसाको निकासागरी शनिबार स्वर्गीय राम असिश दासका श्रीमती सुमिन्त्रा देवीलाई रु १० लाखको चेक दिएर रकम भुक्तानी गरिएको विमा कम्पनीले जनाएकाे छ ।

पैसा पाइसकेपछि राम आशिषका बुवा सीता राम दासले सूर्य ज्योती लाइफ इन्स्योरेन्स कम्पनी लिमिटेडका सम्पूर्ण टिमलाई धन्यवाद दिए । साथै उनले आज घरमै आएर कम्पनीले पैसा दिएकोमा यो पैसाले आफ्ना नाति नातिनीहरुको पालन पोषण र शिक्षामा लगानी गर्ने बताए ।

जीवनबीमा सबैको लागि अतिनै आवश्यक र आफ्नो परिवारको भबिश्य जोडीएको हुनाले सबैले समयमा नै बीमा गर्नु पर्ने युवा नेता तथा समाजसेवी सञ्जु साहले बताए । कम्पनीले स्वास्थ्य बीमा, दुर्घटना बीमा, जीवन बीमा लगायतका विषयमा सेवा दिदै आएको छ ।

सो अवसरमा बीमा कंपनीका क्षत्रिय प्रबंधक परमेश्वर साह, वीरगंज शाखाका प्रमुख प्रमोद चौधरी, मार्केटिङ म्यानेजर अरविन्द कुमार साह, जयप्रकाश पटेल, सरोज यादव, ओमप्रकाश कुमार कलवार, वडाध्यक्ष रामेश्वर साह कलवार, स्वच्छ समाज युवा क्लबका प्रमोद यादव, सन्दिप यादव, वडा सदस्य उमेश साह लगायत स्थानीयहरुको उपस्थिति रहेको थियो । कार्यक्रम स्टार एजेन्सी म्यानेजर उमेश साह कानुको अध्यक्षमा सम्पन्न भएको थियो ।

छिपहरमाई १ मा नेकपा एसकाे कमिटी गठन

0

वीरगंज । नेकपा (एकीकृत समाजबादी) छिपहरमाई गाउँपालिका वार्ड न . १ को भेला शनिबार भलुवहियामा सम्पन्न भएको छ । सम्पन्न भेलाले बशिस्ट नारायण यादवको अध्यक्षता १३ सदस्यीय वार्ड कमिटी गठन गरेको छ ।

नवगठित समितिकाे उपाध्यक्षमा अरबिन्द साह, सचीवमा सुनिल यादव, सह-सचीवमा तन्बिर अन्सारी, सदस्यमा रिकेश पासवान, समीर मियाँ, अकलेस पासवान, रबिस पासवान, अलिअखतर आलम र अमिर अनसारी रहेका छन् ।

 पार्टीका जिल्ला कमिटी सदस्य सुशील कुमार हजराको अध्यक्षता र जिल्ला सचिवालय सदस्य बृजलाल पासवानको विशेष उपस्तिथिमा समिति गठन भएकाे हाे । 

कर्मचारी प्रिमियर लिगकाे उपाधि पकहा मैनपुरले जित्याे

0

वीरगंज । सकेसेस लोकसेवा इन्स्टिच्युट वीरगंजकाे आयाेजनामा भएकाे “कर्मचारी प्रिमियर लिग क्रिकेट २०७९” काे उपाधि पकहा मैनपुर गाउँपालिकाले जितेकाे छ ।

बाराको प्रसौनी खेल मैदानमा शनिबार भएकाे क्रिकेट प्रतियाेगिताकाे फाइनल खेलमा कालिकामाई गाउँपालिकालाई दुई विकेटले हराउँदै पकहा मैनपुर विजयी भएकाे हाे । विजयी टिमलाई संघीय सरकारकाे कृषि मन्त्री ज्वाला साहले पुस्कृत गरेका थिए ।

 त्यसैगरी उप विजेता कालिकामाईलाई कलैया उप महानगरपालिकाका प्रमुख प्रशासकीय अधिकृत नाथु साहले पुरस्कृत गरे ।

आयाेजक संस्थाका नरेश सर्राफकाे अध्यक्षतामा भएकाे पुरस्कार वितरण कार्यक्रम नेकपा एमालेका केन्द्रिय सदस्य अरविन्द सिंह, कालिकामाई गाउँपालिकाका प्रमुख प्रशासकिय अधिकृत अमित गिरी, जगरनाथपुर गाउँपालिकाका प्रमुख प्रशासकिय अधिकृत कृष्णनन्दन राय लगायतकाे उपस्थिती रहेकाे थियाे ।

प्रतियोगिताको प्रायोजक जगदम्बा सिमेन्ट, सर्वोत्तम स्टिल र नेपाल मेडिसिटी वयोधा रहेका थिए ।

यस अघि शनिबार नै प्रतियाेगिताकाे सेमिफाइनल खेल भएकाे थियाे । राष्ट्रिय वाणिज्य बैंकलाई हराउँदै कालिकामाई र जगरनाथपुर गाउँपालिकालाई हराउँदै पकहा मैनपुर फाइनलमा पुगेका थिए ।

साउथ जोन उचाल्यो पहिलो वीरगंज मेयर कप फुटबलको उपाधि

0

वीरगंज । साउथ जोन माध्यमिक विद्यालयले वीरगंज पहिलो मेयर केशरमान मानन्धरको स्मृतिमा सन्चालित अन्तर विद्यालय नकआउट फुटबल टुर्नामेन्ट २०७९ को उपाधि उचालेको छ ।

शनिबार वीरगंंजस्थित आदर्शनगर रंगशालामा सम्पन्न फाईनल खेलमा मुनलाईट माविलाई टाई बे्रकरमा ४–१ ले पराजित गर्दै साउथ जोनले उपाधि उचालेको हो । पहिलो हाफमा मुनलाईटलाई दबाबमा राख्दै साउथ जोनका रोहनराज श्रेष्ठले एक गोल गरेका थिए ।

तर दोस्रो हाफको शुरुवातदेखि नै साउथ जोनलाई दबाबमा राख्न सफल भएको मुनलाईटले इन्जुरी समयमा एक गोल फर्काएपछि साउथ जोनले अग्रता गुमाएको थियो । दोस्रो हाफमा मुनलाईटले उत्कृत्ट खेल प्रदर्शन गरे पनि टाई ब्रेकरमा साउथ जोनले ४–१ को स्कोर बनाएपछि उसले उप–विजेतामा चित्त बुझाउनु प¥यो ।

फाईनल खेलको म्यान अफ द म्यान साउथ जोनका रोहनराज श्रेष्ठ घोषित भए । यस्तै, प्रतियोगिता अवधिभर उत्कृष्ट खेल प्रदर्शन गरेका मुनलाईटका रितेश चौधरी बेस्ट डिफेन्डर, साउथ जोनका सावन चौधरी बेस्ट गोलकिप्पर र साउथ जोनका रोशन चौधरीले म्यान अफ द सिरिजको उपाधि पाए ।

यसअघि, भेट्रान्स सिटी क्लब वीरगंजकाे आयोजनामा गत फागुन ७ गतेदेखि शुरु भएको सो प्रतियोगितामा फाईनल खेलको उद्घाटन वीरगंज महानगरपालिका मेयर राजेशमान सिंहले गरेका थिए ।

क्लबका कोषाध्यक्ष सुबोध श्रीवास्तावको अध्यक्षतामा भएको सो प्रतियोगिताका समापन समारोहमा वीरगंजबाट फुटबल खेलेर वीरगंजकाे शान र मान राष्ट्रिय र अन्र्तराष्ट्रिय स्तरमा बढाएकोमा कदर स्वरुप मनोज भट्राईलाई मेयर सिंहले प्रशंसा पत्रले सम्मान गरे । समापन समारोह क्लबका संस्थापक सचिव विनोद परियारको सहजीकरणमा भएको थियो ।

सरकारी मोटरसाईकल चाेरी

0
वीरगंज । पर्साकाे जिराभवानी गाउँपालिका वडा नं. १ स्थितबाट शुक्रबार सरकारी माेटरसाइकल चाेरी भएकाे छ । बहुदरमाई नगरपालिकाकाे नाममा रहेकाे प्र २-०३-००१ ब ५८ नम्बरकाे सुपर स्पलेन्डर मोटरसाइकल चाेरी भएकाे हाे ।
 
बहुदरमाई नगरपालिका अन्तर्गत पञ्जिकरण शाखामा कार्यरत प्रबिन्द कुमार साहले चलाईरहेको मोटरसाईकल शुक्रबारका दिउसाे ३ः३० बजे चाेरी भएकाे नगरपालिकाले जनाएकाे छ । जिराभवानी गाउँपालिकाका पञ्जिकरण शाखाकाे एम.आई.एस अपरेटरसंग भी पीएन सम्बन्धी बिषयमा समन्वय गरी फर्किएको बेला जिराभवानी गा.पा नजिक रहेको मन्दिर दर्शन गर्ने शिलसिलामा मोटरसाइकल चोरी भएको नगरपालिकाले आफ्नाे फेसबुकमा पाेष्ट गरेकाे सूचनामा उल्लेख गरिएकाे छ ।
 
साथै हराएको मोटरसाईकल यदि कसैले हेर्न साथ बहुदरमाई नगरपालिकाको कार्यालय, नजिकको प्रहरी चौकी वा जिला प्रशासन कार्यालय पर्सामा जानकारी गरिदिनहुन् समेत साे सूचनामा उल्लेख गरिएकाे छ ।

वीरगञ्ज महानगरमा ४८ जना कर्मचारी माग भएकोमा करिब १७ सय जनाको आवेदन

0

वीरगंज । वीरगंज महानगरपालिकाले विभिन्न पदका लागि आह्वान गरेको दरखास्तमा झण्डै १७ सय जनाले आवेदन दिएका छन् ।

जसमध्ये सबैभन्दा बढी कम्प्युटर अपरेटरका लागि दरखास्त दिएका हुन् ।

कम्प्युटर अपरेटरमा सबैभन्दा धेरै १ हजार ४८० जनाको आवेदन परेको महानगरका प्रमुख प्रशासकीय अधिकृत लक्ष्मी प्रसाद पौडेलले जानकारी दिए ।

चौंथो तहको कम्प्युटर अपरेटरमा ३३ जनाका लागि महानगरले दरखास्त आह्वान गरेको थियो ।

‘३३ जना चौंथो तहको कम्प्युटर अपरेटर माग भएकोमा यसैमा सबैभन्दा धेरै दरखास्त परेको छ,’ उनले भने, ‘अन्य पदहरुमा पनि माग भन्दा धेरै नै आवेदन परेका छन् ।’

आवेदन बुझाउने बिहीबार अन्तिम दिन सम्ममा विभिन्न पदमा १ हजार ६ सय ८२ जनाले आवेदन बुझाएको पौडेलले वताए ।

२ जना सिभिल इन्जिनियरको माग भएकोमा २४ जनाको आवेदन परेको छ ।

यस्तै १/१ जनाको माग भएको रोजगार सहायक र कम्प्युटर इन्जिनियर पदमा क्रमश: २८ र ३१ जनाको आवेदन परेको छ ।

अमीन सहायक चौंथोका लागि ११ जना माग भएकोमा ११९ जनाको आवेदन परेको छ ।

खुला प्रतिष्पर्धा बाट करारमा दक्ष जनशक्ति पदपूर्ति गर्नु पर्ने भएकाले महानगरले गएको माग २५ गते सूचना प्रकाशित गर्दै दरखास्त आह्वान गरेको थियो ।

परीक्षा मिति भने अहिले तय भइ नसकेको र केही दिनमा सार्वजनिक गरिने प्रमुख प्रशासकीय अधिकृत पौडेलले बताए ।

राष्ट्रपतिमा काङ्ग्रेसको उम्मेदवारलाई समर्थन गर्ने जसपाको निर्णय

0

वीरगंज । जनता समाजवादी पार्टी (जसपा) नेपालको कार्यकारिणी समितिको बैठकले राष्ट्रपतिमा नेपाली काङ्ग्रेसको उम्मेदवारलाई समर्थन गर्ने निर्णय गरेको छ ।

शुक्रबार अबेर राति सम्पन्न बैठकले राष्ट्रपतिमा कांग्रेसका उम्मेदारलाई समर्थन गर्ने निर्णय गरेको जसपा प्रचार विभाग प्रमुख पूर्ण बस्नेतले जानकारी दिए ।

उपराष्ट्रपति जसपाले पाउने गठबन्धन दलहरुबीच सैद्धान्तिक सहमति भएपनि पार्टी बैठकमा उपराष्ट्रपतिको उम्मेदवारको विषयमा छलफल नभएकाे उनले वताए । 

यस अघि शुक्रबार साँझ बसेको सरकारकाे नेतृत्व गरिरहेकाे नेकपा माओवादी केन्द्रसहितकाे ८ दलको बैठकले राष्ट्रपतिमा नेपाली कांग्रेसका उम्मेदवारलाई समर्थन गर्ने निर्णय गरेकाे थियाे । 

बैठकमा प्रधानमन्त्री पुष्प कमल दहाल प्रचण्डले गरेकाे प्रस्तावमा माओवादी, जनता समाजवादी पार्टी, नेकपा एकीकृत समाजवादी, जनमत पार्टी, लोकतान्त्रिक समाजवादी पार्टी, नागरिक उन्मुक्ति र राष्ट्रिय जनमोर्चाले समर्थन गरेका थिए ।