Date
मङ्ल, मंसिर १, २०८३
Tue, November 17, 2026
Home Blog Page 574

मधानी महोत्सवकाे अन्तिम दिन कुस्ती प्रयाेगित सम्पन्न

0

वीरगंज । रौतहटको मौलापुरमा गत फागुन ५ गतेबाट सुरु भएको मधानी महोत्सव २०७९ को आइतबार समापन भएको छ ।मौलापुरस्थित पतौरामा रहेको प्राचीन महादेव मन्दिरलाई विश्व सम्पदा सूचीमा सूचिकृत गराउने लक्ष्य सहित मौलापुर नगरपालिकाद्वारा आयोजित महोत्सव सम्पन्न भएकाे हाे ।

महाेत्सवकाे अन्तिम दिन आइतबार अन्तर्राष्ट्रीय स्तरकाे दंगल तथा कुस्ती प्रतियोगिता सम्पन्न भएकाे छ । कुस्ती प्रतियोगीतामा नेपाल–भारतका सुप्रसिद्ध खेलाड़ी एवं महिला पहलवानहरुको बेजोड़ प्रस्तुति रहेको थियो ।

महोत्सवले रौतहटको ऐतीहाँसीक शिव मन्दिरलाई धार्मिक तथा सांस्कृतीक रुपमा विश्वमाझ चिनाउने विश्वास लिइएकाे मौलापुर नगरपालीकाकी प्रमुख रिना कुमारी शाहले वताइन ।

यस अघि शनिबार महोत्सवमा भोजपुरी सीनेमाका सुपरस्टार पवन सिंह, काजल रागवानी, ख्यातीप्राप्त नेपाली गायीका एन्जिला रेग्मी लगायत सुप्रसिद्ध कलाकारहरुले सांस्कृतीक प्रस्तुती दिएका थिए ।

३ दिन सम्म संचालन भएको महोत्सवले तराई–मधेश क्षेत्रको विभिन्न सम्पदाहरु तथा यहाँको प्राचीन एवं मौलिक अनुष्ठानको रुपमा रहेको मधानी महायज्ञलाई राष्ट्रिय तथा अन्तर्राष्ट्रीय स्तरमा प्रबर्द्धन गर्न विशेष सहयोग पुग्ने विस्वास नगरप्रमुख साहले व्यक्त गरिन ।

पर्सामा कांग्रेसको प्रशिक्षण सुरू

0

वीरगंज । नेपाली कांग्रेस पर्साले आइतबारदेखि आफ्ना नेता/कार्यकर्ताहरूका लागि प्रशिक्षण सुरु गरेको छ । प्रजातन्त्र दिवसको अवसर पारेर आइतबारदेखि सुरुआतमा वीरगंज महानगरपालिकाका ३२ वटै वडाका कांग्रेस सभापति, सचिव र महानगर कार्यसमितिका पदाधिकारीहरुलाई प्रशिक्षण दिइएको छ ।

जिल्लाका १४ वटै पालिका र ११२ वडाकै नेता/कार्यकर्तालाई प्रशिक्षित गर्ने कार्यक्रम तय भएको पर्सा कांग्रेसले जनाएको छ । कांग्रेसका वडा सभापतिहरूलाई कांग्रेसका स्थानीय नेताहरू विनोद गुप्ता, अमृत जोशी र कञ्चन झाले प्रशिक्षण दिएका हुन् ।

गुप्ता र जोशीले नेपाली कांग्रेसको झण्डाको इतिहास, रुख़ चिन्ह र मान्यतासहित सैद्धान्तिक विषयमा जानकारी गराएका थिए । त्यस्तै झाले नेपाली कांग्रेसको ईतिहास र पार्टीको विरुद्धमा फैलाइएको भ्रम चिर्न आवश्यक तथ्य र तथ्यांकहरू प्रस्तुत गरेका थिए । निजीकरण र उदारिकरणको उपलब्धीबारे झाले प्रष्ट्याएका थिए ।

जिल्लास्थित प्रशिक्षण विभागका प्रमुख एवम् जिल्ला उपसभापति रामनारायण कुर्मीको सभापतित्व र नेपाली कांग्रेसका केन्द्रीय सदस्य एवम् प्रतिनिधि सभा सदस्य अजय कुमार चौरसियाको प्रमुख आतिथ्यतामा भएको प्रशिक्षण कार्यक्रममा प्रदेश सभा सदस्य एवम् पार्टी सभापति जनार्द्धन सिंह क्षेत्री लगायतकाे उपस्थिती रहेकाे थियाे । 

एनआईसी एशिया बैंकलाई दाेस्राे पटक जरिवाना

0

वीरगंज । वीरगंज महानगरपालिकाले पटक पटक बाटोमा फोहोर फ्याल्ने एनआइसी एशिया बैंक वीरगंज शाखालाई रु ११ हजार जरिवाना गरेको छ ।

यस अघि पनि महानगरपालिकाले एनआईसी एशिया बैंकलाई पहिलो पटक चेतावनी र दोश्रो पटक रु ५ हजार जरिवाना गरिसकेको छ । आइतबार अनुगमनको क्रममा सरसफाइको गाडीमा फोहोर नदिएर बाटोमा फोहोर फ्याकेको भेटिएपछि ११ हजार जरिवाना गरिएको महानगरपालिका सरसफाई अधिकृत सर्फुदिन मियाँले जानकारी दिए ।

बैंक जस्तो जिम्मेवार संस्थाबाट यसरी पटकपटक फोहोर गर्नु कानुन र मर्यादाको विपरीत भएकोले अब उप्रान्त फ्यालिएको भेटिएमा रु २५ हजार देखि २ लाख सम्म जरिवाना गरिने सरसफाइ पार्किङ संयोजक प्रकाश खेतानले बताए ।

वीरगंज महानगरपालिकाले सरसफाई प्राथमिकतामा राखी अभियान नै चलाएको खेतानले बताए । रु ५ सयबाट सुरु गरेको जरिवाना रु १ हजार हुँदै रु ५ हजार सम्म गर्दै आएको छ । रु ११ हजार जरिवाना गरेको यो पहिलो पटक हाे ।

कर्मचारी प्रिमियर लिगमा कालिकामाई, वीरगंज, पकहामैनपुर र आरबिबि विजयी

0

वीरगंज । पर्साको पोखरियामा शनिबारदेखि “कर्मचारी प्रिमियर लिग २०७९” सुरु भएको छ । सक्सेस ईन्स्टिच्युट वीरगंजकाे आयोजनामा सुरु भएकाे प्रतियाेगिताकाे उद्घाटन पाेखरिया नगरपालिकाका मेयर प्रधुमन चाैहानले गरेका थिए ।

पाेखरियाकाे शेरा खेल मैदानमा सुरु भएकाे क्रिकेट प्रतियोगिताकाे पहिलाे खेलमा कालिकामाई गाउँपालिका विजयी भएकाे नेपाल राष्ट्र बैंकका अधिकृत नरेश सर्राफले जानकारी दिए । बाराकाे परवानीपुर गाउँपालिकालाई २५ रनले हराउँदै कालिकामाई गाउँपालिका विजयी भएकाे अधिकृत सर्राफले वताए । 

यसैगरी शनिबार नै भएकाे दाेस्राे खेलमा वीरगंज महानगरल विजयी भएकाे छ । जगरनाथपुर गाउँपालिकालाई ५ विकेटले पराजित गर्दै वीरगंज विजयी भएकाे हाे ।

टस जितेर ब्याटिङ गरेको जगरनाथपुरले निर्धारित ओभरमा ५ विकेट गुमाउँदै १०९ रन जोडेको थियो । ११० रनको लक्ष्यका साथ मैदान उत्रिएको वीरगंजले ५ विकेटको क्षतिमा लक्ष्य भेट्टाएको थियाे ।

वीरगंजकाे जितमा रुपनारायण राउतले नट आउट ४० रनको योगदान दिए । 

त्यसैगरी शनिबार नै भएकाे तेस्राे खेलमा पकहा मैनपुरा गाउँपालिका विजय भएकाे छ । जिराभवानी गाउँपालिकालाई ७ विकेटले हराउँदै पकहा मैनपुर विजयी भएकाे आयाेजकले जनाएकाे छ ।

त्यसैगरी शनिबार नै भएकाे चाैथाे खेलमा राष्ट्रिय वाणिज्य बैंक विजयी भएकाे छ । पाेखरिया नगरपालिकालाई २६ रनले हराउँदै राष्ट्रिय वाणिज्य बैंक विजयी भएकाे हाे ।

कामबाट थकित भएका कर्मचारीलाई रिफ्रेस बनाउन प्रतियोगिता आयोजना गरिएको आयोजकले जनाएको छ । याे प्रतियाेगिताकाे वाकी खेल फागुन ७, ९ र १३ गते हुने छ । 

खो खो खेल्न वीरगंज महानगरको टोली भक्तपुर प्रस्थान

0

वीरगंज  । भक्तपुर नगरपालिकाको आयोजनामा भोलीदेखि हुन लागेको अन्तर नगर पुरुष खो खो प्रतियोगितामा सहभागि हुन वीरगञ्ज महानगरपालिकाको टोली आज त्यस तर्फ प्रस्थान गरेको छ ।

टोलीलाई महानगर प्रमुख राजेशमान सिंहले टिका लगाएर विदाई गर्नुभयो । प्रतियोगितामा सहभागि हुन टिम म्यानेजरसहित १४ जना भक्तपुर लागेका हुन् ।

टोलीको विदाई गर्दै महानगर प्रमुख सिंहले प्रतियोगितामा विजयी भएर आउन शुभकामना दिनुभयो ।

भोलीदेखि ९ गतेसम्म चल्ने प्रतियोगितामा विभिन्न नगरपालिका तथा महानगर गरी १४ वटा टिमले सहभागिताका लागि टिम दर्ता गरेको भक्तपुर नगरपालिकाका प्रमुख सुनिल प्रजापतिले जानकारी दिए ।

टेक्निकल टिचर एसोशिएसन पर्सा गठन

0

वीरगंज । पर्सामा प्राविधिक शिक्षकहरुले समिति गठन गरेका छन् । पर्सामा कार्यरत प्राविधिक शिक्षकहरुकाे एक भेलाले टेक्निकल टिचर एसोशिएसन (टिटिए) पर्सा गठन गरेका हुन् ।

वीरगंज महानगरपालिकाकाे वडा नं. १४ पिपरामा रहेकाे श्री नृसिंह माध्यमिक विद्यालयमा भएकाे भेलाले संजय कुमार सक्सेनाकाे अध्यक्षमा ११ सदस्यीय जिल्ला समिति गठन गरेकाे हाे ।

नवगठित समितिकाे उपाध्यक्षमा अजय कुमार महताे, सचिवमा सराेज कुमार उपाध्याय, सह सचिवमा राहुल कुमार साह, काेषाध्यक्षमा अभिषेक यादव, सदस्यहरुमा संताेष साह, श्याम सुन्दर कुशवाहा, सनसुदिन अन्सारी, विकास पटेल, मुकेश कुमार महताे, धर्मनाथ कुमार झा सर्वसहमत चयन भएका छन् ।

 टिटिए मधेश प्रदेशका सचिव अनन्त कुमारको अध्यक्षता र टिटिए मधेश प्रदेशका संस्थापक सचिव इ. राजेश यादवकाे प्रमुख आतिथ्यतामा भएकाे भेलाकाे सहजिकरण प्राविधिक शिक्षक राहुल साहले गरेका थिए ।

भारतमा ९ महिनादेखि हराएका युवकको वीरगंज महानगरद्वारा उद्धार

0

वीरगंज । वीरगंज महानगरपालिकाले ९ महिनादेखि हराएका एक युवकलाई भारतबाट उद्धार गरि अभिभावकको जिम्मा लगाएको छ ।

वीरगंज महानगरपालिका वडा नम्बर २१ का ३० वर्षिय इब्राहिम देवानलाई अभिभावकले उपचारका लागि भारत लिएर गएका बेला उनि किछौछा दरगाह सरीफबाट हराएका थिए । ९ महिना पहिले हराएका देवानलाई, वीरगंज महानगरपालिकाले गठन गरेको खोज तलाश समितिले बिहारको समस्तीपुरमा फेला पारेर उद्धार गरि घर फर्काएको हो ।

वीरगंज महानगरपालिकाले उपमेयर इम्तियाज आलमको नेतृत्वमा खोजतलाश समिति नै गठन गरेको छ । त्यहि समितिको पहलमा देवानलाई उद्धार गरिएको हो । मंगलबार उपमेयर आलमले आफनै कार्यकक्षमा देवानका बुबा शाह महम्मदलाई बोलाएर देवानलाई जिम्मा लगाएर घर पठाएका हुन् ।

केहि दिन पहिले देवान, बिहारको समस्तीपुर जिल्लाको मुमरी धरारी थाना नजिक रुपौलीमा रहेको जानकारी खेजतलाश समितिले पाएको थियो । त्यसपछि समितिका सदस्य र वीरगंज महानगरको बालअधिकार समितिकी प्रमुख साबित्री भण्डारी सहितको टोलीले भारतमा गएर देवानलाई उद्धार गरि वीरगंज ल्याएर मंगलबार परिवारको जिम्मा लगाएको उपमेयर आलमकाे सचिवालयले जनाएकाे छ ।

वीरगंजमा क्रिकेट लिग सुरु, मेयर सिंहले गरे उद्घाटन

0

वीरगंज । पर्सा क्रिकेट संघको आयोजनामा आजदेखि वीरगंजकाे नारायणी रंगशालामा लिग क्रिकेट प्रतियोगिता सुरु भएको छ ।
प्रतियोगिताको वीरगंज महानगरपालिकाका प्रमुख राजेशमान सिंहले उद्घाटन गर्नुहुँदै खेल क्षेत्रको विकासका लागि महानगर सहयोग गर्न सदैब तयार रहेको बताए ।

उनले वीरगंजकाे पहिचान देशभर र विदेशमा समेत फैलाउने गरी आफ्नो प्रदर्शन देखाउन खेलाडीहरुलाई आग्रह पनि गरे ।
९ गते सम्म चल्ने प्रतियोगितामा वीरगंजका विभिन्न ८ वटा टोलीले सहभागिता जनाएका छन् ।

प्रतियोगिताको उद्घाटन खेलमा युनाइटेड क्लब विजयी भएको छ । नेशनल इन्फोटेकलाई ४ विकेटले पराजित गर्दै युनाइटेडले विजयी सुरुवात गरेको हो ।

टस जितेर व्याटिङ गरेको नेशनल इन्फोटेकले निर्धारित २० ओभरमा ८ विकेट गुमाउँदै १ सय रनमै समेटिन पुग्यो । १०१ रनको लक्ष्यका साथ मैदान उत्रिएको युनाइटेड १७ ओभर ३ बल खेल्दै ६ विकेटको क्षतिमा लक्ष्य भेट्टाएको हो ।

युनाइटेडको जितमा सुरज पटेलले ३९ रनको योगदान दिए भने सन्तोष कार्कीले २४ रन जोडेका थिए ।

यस्तै मंगलबार नै भएको दोस्रो खेलमा किन्लिस स्पोर्टस विजयी भएको छ । वीरगंज क्रिकेट ट्रेनिङ सेन्टरलाई ६ विकेटले पराजित गर्दै किन्लिसले विजयी यात्रा तय गरेको हो ।

टस जितेर व्याटिङ थालेको वीरगंज क्रिकेट ट्रेनिङ सेन्टर १२ ओभर ३ बल खेल्दै ५२ रन बनाएर अलआउट हुन पुग्यो । ५३ रनको झिनो लक्ष्यका साथ मैदान उत्रिएको किन्लिसले ११ ओभरमा ४ विकेट गुमाउँदै लक्ष्य भेट्टायो । चन्दन रामले लिएको ४ विकेट किन्लिसका लागि जित तय गर्ने बाटो खुल्यो ।

प्रतियोगिता अन्तर्गत भोली पनि २ खेल हुने आयोजक पर्सा क्रिकेट संघका अध्यक्ष मुर्तुजा अहमदले जानकारी दिए ।

नालामाथि बनेका संरचना ७ दिन भित्र हटाउ : महानगर

0

वीरगञ्ज । वीरगञ्ज महानगरपालिकाले आदर्शनगर क्षेत्रका १० फिटे नालामाथि बनेका संरचनाहरु ७ दिन भित्र हटाउन सूचना जारी गरेको छ ।

वीरगञ्जका सबै क्षेत्रको सडक, फुटपाथ तथा नाला अतिक्रमण गरी बनाइएको सिढी, र्याम्प, छेकवार तथा आदर्शनगर क्षेत्रमा रहेका नाला माथि बनेका सबै संरचना हटाउन महानगरले ७ दिने सूचना जारी गरेको हो ।

७ दिनभित्र नहटाए महानगरले हटाउने भन्दै हटाउँदा लागेको खर्च पनि सम्बन्धित व्यक्तिबाटै असूल गर्ने पनि सूचनामा उल्लेख छ ।

सोमबार बसेको महानगरको भौतिक पूर्वाधार अतिक्रमण खाली गर्ने समितिको बैठकले यस्तो निर्णय गरेको हो ।

अहिले महानगरपालिकाले अतिक्रमति भूमी फिर्ता ल्याउनुका साथै अतिक्रमण गरेर बनाइएका संरचना हटाउने अभियान नै चलाइरहेकाले महानगर भित्रका नाला तथा सडक, फुटपाथ अतिक्रमण गरी बनेका संरचना हटाउने निर्णय गरिएको समितिका संयोजक प्रदीप कुमार चौरसियाले बताए ।

केमेस्ट्री शिक्षककाे माग गर्दै दिव्य कन्याका विद्यार्थीहरुद्वारा तालाबन्दी

0

वीरगंज । पर्साकाे कालिकामाई गाउँपालिका वडा नं. ५ मा रहेकाे दिव्य कन्या प्राविधिक विद्यालय बिरन्चीबर्वमा विद्यार्थीहरु तालाबन्दी गरेका छन् । शिक्षक अभाव परिपुर्तिकाे माग गर्दै विद्यार्थीहरुले गरेकाे तालबन्दीका कारण मंगलबार विद्यालयकाे पठनपाठन प्रभावित भएकाे थियाे ।

विद्यालय समय सकिएपछि विद्यालयकाे मुल गटेमा लगाएकाे ताला विद्यार्थीहरु खाेले पनि प्रधानाध्यापककाे कक्ष र लेखा शाखामा लगाएकाे ताला यथावत राखेका छन् । समस्या समाधान नहुँनजेल सम्म तालबन्दी यथावत रहने विद्यार्थीहरुकाे भनाई छ ।

लामाे समयदेखि केमेस्ट्री शिक्षक नहुँदा आज बाध्य भएर तालबन्दी गर्नु परेकाे कक्षा ११ का विद्यार्थी रहमत हुँसेनले वताए । बार्षिक परिक्षा नजिकिए पनि केमेस्ट्री विषयकाे पढाई नहुँदा आफुहरु मर्कामा परेकाे उनले वताए ।

विषय शिक्षककाे साथै विद्यालयकाे प्रयाेगशाालामा कुनै समाग्री नभएकाे र कम्युटरहरु पनि खराब भएकाे गुनासाे उनले गरे । आफुहरुकाे समस्या समाधान गर्न विद्यालयका प्रधानाध्यापकले कुनै चासाे नदेखाएकाे उनले आराेप समेत लगाए ।

परिक्षा मात्र दुई महिना बाकी रहेपनि अहिले सम्म २५ प्रतिशत पनि केमेस्ट्री विषय पढाई नभएकाे कक्षा १२ की विद्यार्थी सुसानी गुप्ताले वताइन । आफुहरु कक्षा १२ मा आएदेखि केमेस्ट्री शिक्षक नरहेकाे वताउँदै उनले आफुहरु परिक्षामा फेल भए यसकाे जिम्मेवारी कसले लिने प्रश्न समेत गरिन ।

यसका साथै ओजिटीकाे पैसा पनि हाल सम्म आफुहरु नपाएकाे उनले गुनासाे गरिन ।

केमेस्ट्री शिक्षककाे लागि जेठ मै आफुले गाउँपालिकासंग माग गरे पनि हाल सम्म शिक्षककाे समस्या समाधान हुन नसकेकाे विद्यालयका प्रधानाध्यापक रामयतन प्रसादले वताए । जिल्ला मै केमेस्ट्री शिक्षक अभाव भएका कारण तत्काल व्यस्थापन गर्न समस्या भएकाे उनकाे भनाई छ ।