Date
मङ्ल, मंसिर १, २०८३
Tue, November 17, 2026
Home Blog Page 567

नारायणी सिचाई व्यवस्थापन कार्यालय प्रमुख सिंहकाे मनाेपरी

0
वीरगंजकाे गण्डकस्थित रहेकाे नारायणी सिचाई व्यवस्थापन कार्यालय, बाराकाे बसवरियास्थित १२ नम्बर बलकमा निर्माण भएकाे गेट र कार्यालय प्रमुख सिंह । तस्बिर : कालिका टाईम्स

वीरगंज । नारायणी सिचाई व्यवस्थापन कार्यालय गण्डक बहअरी, पर्साका प्रमुख मनाेरन्जन सिंहले नियम विपरित मनाेपरी तरिकाले काम गरिरहेकाे समाचार प्राप्त भएकाे छ ।

सप्तरी निवासी प्रमुख सिंहले १० बर्षदेखि कार्यरत रहेका करारका कर्मचारीहरुलाई हटाएर आफ्ना आफन्तहरुलाई भर्ना गरेका छन् । नेपाल सरकारले काररमा नयाँ कर्मचारी भर्नामा राेक लगाए पनि उनले सुपरभाइजर, गेट अपरेटर र ढलफा लगायतका पदमा नयाँ कर्मचारीहरु भर्ना गरेका छन् ।

प्रमुख सिंहले नियम विपरित एक जना गेट अपरेटरकाे म्याद नथपेर विभिन्न पदमा आधा दर्जन भन्दा बढी आफ्नाे गृह जिल्ला सप्तरीकाे व्यक्तिहरुलाई न्युक्त गरेकाे कर्मचारी स्राेतले जनाएकाे छ ।

प्रमुख सिंहले नयाँ न्युक्त गरेका कर्मचारीहरुकाे लुकाएर छुट्टै रजिष्टरमा हजारी गराइरहेका छन् । यसका साथै प्रमुख सिंहले अवकाश प्राप्त कर्मचारीहरुलाई समेत ज्यालादारीमा राखेर काम गराइरहेका छन् । तर १० बर्षदेखि कार्यरत कर्मचारीकाे म्याद थप्न मानेका छैनन् ।

यस्तै प्रमुख सिंहले विना टेन्डर काेटेशनकाे भरमा पानी नै नजाने बलक नम्बर १४ अन्तर्गतकाे नहरकाे सरसफाई गराइरहेका छन् । स्राेतका अनुसार प्रमुख सिंहले एक कर्मचारी मार्फत नहरकाे सरसफाई गराए पनि पछि पक्रिया पुर्याएर ठेक्दार कम्पनी मार्फत प्यामेन्ट गर्ने याेजना रहेकाे छ ।

यसैगरी विना टेन्डर बाराकाे बसवरियास्थित १२ नम्बर बलकमा गेट समेत निर्माण गराएका छन् । त्यहाँस्थित नहरमा समेत पानी नजाने गरेकाे स्थानियहरुकाे भनाई छ ।

यस विषयमा बुझ्न प्रमुख सिंहले प्रयाेग गर्दै आएकाे माेबाइल नम्बरमा फाेन गर्दा सुचना अधिकारी सुरेश साहले फाेन उठाए पनि केही बताउन चाहेनन् । साेमबार फाेन गर्दा म एउटा मिटिङमा रहेकाेले एक घण्टापछि कुरा गर्ने वताएका थिए । पछि मंगलबार पुन: फाेन गर्दा आफु दुर्घटनामा परेर खुट्टा फ्रेकचर भएका कारण पेन भइरहेकाेले कुरा गर्न नसकिने वताए । उनले कार्यालयमा भेटेर कुरा गर्न भन्दै कुरा गर्न चाहेनन् । 

ठोरीमा बाघको आतंक, गोठमा पसेर बाख्रा र पाडा मार्याे

0

वीरगंज । पर्साको ठोरीमा पाटे बाघको आतंक बढेकाे छ । बाघले एक किसानको गोठमा रहेको बाख्रा र पाडा मारेको छ । सोमबार राति १२ बजे पर्सा राष्ट्रिय निकुञ्जबाट निस्कीएको पाटे बाघले ठोरी गाउँपालिका वडा नम्बर ४ घ्याङडाँडाका मिकमर लामाको गोठमा पसेर बाख्रा र पाडा मारेको स्थानीय बुद्ध पाख्रीनले जानकारी दिए ।

गोठमा रहेका ६ वटा बाख्रा र १ पाडाे मारेको पीडित लामाले बताए । बाघ गोठमा प्रवेश गरी आक्रमण गरेको थाहा पाएलगत्तै लामा दम्पतीले सहयोगका लागि गाउँलेलाई बोलाएका थिए । त्यसपछि उनीहरुले निकुञ्जका कर्मचारी र आर्मीको सहयोगमा मंगलबार बिहान ४ बजे मात्र बाघ जंगलतर्फ धपाउन सफल भएका थिए ।

लामाले बाघको आक्रमणबाट एक लाख रूपैयाँ भन्दा बढीको क्षति भएको वताए । बाघ फेरि गाउँ पस्ने डरले स्थानीय बासिन्दा त्रसित छन् ।

सबैठवामा श्री नवाह परायण प्राण प्रतिष्ठा महायज्ञ

0

वीरगंज । पर्साकाे पकहाँ मैनपुर गाउँपालिका वडा नं. ५ सबैठवामा आजदेखि श्री श्री १००८ श्री नवाह परायण प्राण प्रतिष्ठा महायज्ञ सुरु भएकाे छ । सबैठवा गाउँवासीकाे आयाेजनामा सुरु भएकाे महायज्ञकाे पहिलाे दिन मंगलबार कलश यात्रा निकालिएकाे थियाे ।

कलश यात्राकाे उद्घाटन पकहा मैनपुर गाउँपालिकाका अध्यक्ष सुरेश मेहता र उपाध्यक्ष सरफुन नेशाले संयुक्त रुपमा गरेका थिए । 

सयाैं कुंवारीहरुकाे सहभागितामा सबैठवाबाट निस्केकाे कलश यात्रा खेस्राहा, भेलहा, लहावरथकरी, भेडिहारी, गदियानी, गदियानी पाेखरिया हुँदै सिकटा नदीमा जल भरी पुन: यज्ञ स्थलमा पुगी सम्पन्न भएकाे थियाे ।

सुख, शान्ति एवम् समृद्धिकाे कामना गर्दै आयाेजना गरिएकाे महायज्ञ ९ दिन सम्म चल्ने वडाध्यक्ष बलिराम चाैरसियाले जानकारी दिए । यज्ञमा अन्तराष्ट्रिय ख्याती प्राप्त विद्वान मृदुभाषी वक्ता, कथावाचक, रामलीला, गायन कलाकारकाे प्रस्तुती रहने महायज्ञ समितिले जनाएकाे छ ।

यसका साथै मनाेरन्जनकाे लागि झुला, माैत कुवाँ, सर्कस लगायतकाे खेलतामाशाकाे समेत व्यवस्था गरिएकाे आयाेजकले जनाएकाे छ ।

बारा २ मा पनि बैशाख १० गते नै उपनिर्वाचन हुने

0

वीरगंज । राष्ट्रपतिकाे निर्वाचन क्षेत्र नम्बर तनहुँ १ र उपराष्ट्रपतिकाे निर्वाचन क्षेत्र नम्बर बारा २ मा पनि बैशाख १० गते नै उपनिर्वाचन हुने भएकाे छ । निर्वाचन आयोगको साेमबार बसेकाे बैठकले प्रतिनिधि सभा सदस्य निर्वाचन ऐन, २०७४ को दफा ६८ बमोजिम संवत् २०८० साल वैशाख १० गते आइतबारका दिन तनहुँ जिल्ला निर्वाचन क्षेत्र नम्बर १ र बारा जिल्ला निर्वाचन क्षेत्र नम्बर २ मा उपनिर्वाचन गर्ने निर्णय गरेकाे हाे ।

निर्वाचन आयाेगले निर्वाचनको मिति तोक्नुका साथै उक्त दिन बिहान ७ः०० बजेदेखि बेलुका ५ः०० बजेसम्म मतदान हुने गरी मतदानको समयसमेत निर्धारण गरेकाे छ ।

नेपालको संविधानको धारा ६२ को उपधारा (६) र धारा ६७ को उपधारा (३) मा निर्वाचन, मनोनयन वा नियुक्ति हुने राजनीतिक पदमा बहाल रहको व्यक्ति राष्ट्रपति वा उपराष्ट्रपति पदमा निर्वाचित भएमा निजको त्यस्तो पद स्वतः रिक्त हुने व्यवस्थाबमोजिम २०७९ फागुन २५ गते सम्पन्न राष्ट्रपति निर्वाचनमा रामचन्द्र पौडेल राष्ट्रपति पदमा निर्वाचित हुनुभई तनहुँ जिल्ला निर्वाचन क्षेत्र नं. १ प्रतिनिधि सभा सदस्य रिक्त भएको र २०७९ चैत ३ गते सम्पन्न उपराष्ट्रपति निर्वाचनमा माननीय श्री रामसहाय प्रसाद यादव उपराष्ट्रपति पदमा निर्वाचित हुनुभई बारा जिल्ला निर्वाचन क्षेत्र नं. २ प्रतिनिधि सभा सदस्य रिक्त भएको हो ।

यसरी रिक्त हुन आएको प्रतिनिधि सभा सदस्य पदमा नेपालको संविधानको धारा ८४ को उपधारा (७) बमोजिम प्रतिनिधि सभाको कार्यकाल ६ महिनाभन्दा बढी बाँकी छँदै कुनै सदस्यको स्थान रिक्त भएमा त्यस्तो स्थान जुन निर्वाचन प्रणालीबाट निर्वाचित भएको हो सोही प्रक्रियाद्वारा पूर्ति गरिने व्यवस्था र प्रतिनिधि सभा सदस्य निर्वाचन ऐन, २०७४ को दफा ६८ मा यस्तो पदपूर्ति आयोगले तोकेको मितिमा हुने उपनिर्वाचनबाट हुने व्यवस्था बमोजिम आयोगले उपनिर्वाचनको मिति र निर्वाचनसम्बन्धी कार्यक्रम स्वीकृत गरेको आयाेगका सहायक प्रवक्ता सूर्य प्रसाद अर्यालले जानकारी दिए ।

प्रतिनिधि सभा सदस्य निर्वाचन ऐन, २०७४ को दफा ७ बमोजिम उक्त दुवै क्षेत्रको निर्वाचन चितवन जिल्लाको उपनिर्वाचनका लागि आयोगबाट स्वीकृत भएको निर्वाचन कार्यक्रम बमोजिम नै हुने व्यवस्था गरिएको छ । जसअनुसार २०७९ चैत १६ गते उपनिर्वाचन प्रयोजनको निम्ति आयोगबाट स्वीकृत अन्तिम मतदाता नामावली प्रकाशन गरिनेछ ।

त्यसैगरी चैत १८ गते निर्वाचन अधिकृतको कार्यालय स्थापना, चैत २० गते उम्मेदवारको मनोनयन दर्ता र चैत २३ गते उम्मेदवारको अन्तिम नामावली प्रकाशन गरी निर्वाचन चिन्ह प्रदान गरिने निर्वाचन आयाेगले जनाएकाे छ ।

उक्त उपनिर्वाचन प्रयोजनको लागि निर्वाचनमा भाग लिन चाहने राजनीतिक दललाई मिति २०७९ चैत ८ गतेदेखि मिति २०७९ चैत १२ गतेसम्म नेपालको संविधानको धारा २७१ तथा राजनीतिक दलसम्बन्धी ऐन २०७३ बमोजिम दफा ४८ र ४९ बमोजिम राजनीतिक दल दर्ता गर्ने समय उपलब्ध गराउने गरी दल दर्ताको सूचना जारी गर्ने र आयोगको मिति २०७९ फागुन १ को निर्णय अनुसारको मतदाता नामावली अद्यावधिक (दावी विरोध समेत) कार्यक्रम, २०७९ बमोजिम प्रकाशित अन्तिम मतदाता नामावलीकै आधारमा तनहुँ जिल्ला निर्वाचन क्षेत्र नम्बर १ र बारा जिल्ला निर्वाचन क्षेत्र नम्बर २ को उपनिर्वाचन समेत सम्पन्न गर्ने निर्णय गरिएको निर्वाचन आयाेगले जारी गरेकाे प्रेस विज्ञप्तीमा उल्लेख गरिएकाे छ ।

‘प्रचण्ड साहसी व्यक्ति हुन्, मुलुकले उहाँ जस्तो प्रधानमन्त्री कमै पाउँछ’ : पूर्वमन्त्री यादव

0

वीरगंज । संविधानको संरक्षण र संघियताको सफल कार्यन्वयनका लागि प्रधानमन्त्री पुष्पकमल दाहाल (प्रचण्ड) लाई विश्वासको मत दिने जनता समाजवादी पार्टी नेपाल (जसपा) का सांसद् प्रदीप यादवले बताएका छन् । 

सोमबार प्रतिनिधिसभाको बैठकमा प्रधानमन्त्री प्रचण्डले पेश गरेको विश्वासको मत प्राप्त गर्ने सम्बन्धी प्रस्तावमाथिको छलफलमा भाग लिँदै पर्सा क्षेत्र नम्बर १ बाट निर्वाचित सांसद् यादवले देशको जर्जर अर्थतन्त्रलाई सही बाटोमा ल्याई जनतालाई सुशासनको प्रत्याभुती दिलाउनका निमित्त प्रधानमन्त्री प्रचण्डलाई विश्वासको मत दिनुपर्ने बताए । 

यसअघिको कार्यकालको अनुभवका आधारमा देश र जनताको लागि फरक र सक्रिय भूमिका निर्वाह गर्ने प्रचण्डको प्रतिबद्धतालाई सफल बनाउन सबैले सहयोग गर्ने विश्वास पनि उनले व्यक्त गरेका छन् । प्रधानमन्त्री प्रचण्ड नेतृत्वको सरकारले जनतालाई सुशासन र परिवर्तनको आभाष दिलाउनेमा कुनै आशंका नगर्न आग्रह गर्दै यादवले जसपा विश्वासको मत दिने प्रस्तावको समर्थनमा रहेको जानकारी गराउँदै सम्पूर्ण प्रतिनिधिसभा सदस्यहरुलाई उनको पक्षमा मतदान गर्न अनुरोध गरे । 

पूर्व वन तथा वातावरणमन्त्रीसमेत रहेका यादवले भने, ‘पुष्पकमल दाहालजी जस्तो साहसी प्रधानमन्त्री कमै पाउँछ । उहाँ एउटा खुल्ला किताब हुनुहुन्छ । उहाँको मनमा केही पनि रहँदैन । प्रष्ट बोल्ने र प्रष्ट कुरा राख्ने । अहिले मुलुकमा जुन प्रकारको सङ्कट परेको छ । मुकुलमा जुन प्रकारको अर्थतन्त्रमा तरलता आएको छ । यो अवस्थामा हामी सबै मिलेर प्रधानमन्त्री पुष्पकमल दाहाललाई आज मतदान गरौँ । म अनुरोध गर्न चाहन्छु ।’

अर्थतन्त्रमा देखिएको तरलताप्रति चिन्ता व्यक्त गर्दै सांसद् यादवले परनिर्भर भएर देश विकास हुन नसक्ने बताए । कृषीप्रधान देशमै कृषक र कृषीको चिन्ताजनक अवस्था हुँदा देशको जिडिपीमा कृषिको योगदान एक तिहाईबाट घटेर २२ प्रतिशतमा पुगेको तथ्यांक यादवले प्रस्तुत गरे । 

कृषकलाई मलको अनुदान काटिएको, सिचाई, बिउ लगायतमा अनुदान नदिने जस्ता समस्याका सम्बन्धमा पनि यादवले सभामुखमार्फत सरकारलाई सचेत गराएका छन् । विकासमा योगदान कम हुने क्षेत्रमा लोन बढाउँदै जानुको औचित्य नभएको यादवको तर्क छ । कर्मचारी, पुलिस, सेनामा ५ अर्ब रुपैयाँ भत्तामा मात्रै जानु, सामाजिक सुरक्षा भत्तामै २ खर्ब खर्च हुनु जस्ता कारणले विकास निर्माणमा केही रुपमा प्रभाव परीरहेको उनले बताए । 

डलरको तुलनामा नेपाली मुद्रा कमजोर रहेको बताउँदै पूर्व वन तथा वातावरण मन्त्रीसमेत रहेका यादवले ऋणको भार बढ्दै गएकोप्रति पनि चिन्ता व्यक्त गरे । अर्थतन्त्रलाई दिगो बनाउन सके मात्रै समृद्धिको यात्रातर्फ लम्किन सकिने उनको धारणा छ । सबै बैंकहरु स्थापित व्यवसायीक घरानाको दबदबामा रहेको टिप्पणी गर्दै यादवले राष्ट्र बैंकको मौद्रिक नीति नैतिक रुपमा स्वतन्त्र भएपनि व्यवस्थापनका हिसावले स्वतन्त्र नभएको बताए । व्यापारीले नाफा, सरकारले कर र जनताले राहत खोजीरहेको अवस्थामा सबैलाई सन्तुष्ट बनाउने किसिमको नीति निर्माण गर्नुपर्नेमा उनको जोड छ ।

जगरनाथपुरमा चार काेठे विद्यालय भवनकाे शिलान्यास

0
वीरगंज । पर्साकाे जगरनाथपुर गाउँपालिका वडा नं. ४ जगरनाथपुरमा रहेकाे श्री ने.रा. आधारभुत माध्यमिक विद्यालयमा साेमबार एक कार्यक्रमकाे बिच चार काेठे भवनकाे शिलान्यास गरिएकाे छ ।
 
राष्ट्रपति शैक्षिक सुधार योजना अन्तर्गतको रु ४५ लाखकाे लागतमा निर्माण हुने भवनकाे नेपाली कांग्रेसको महाधिवेशन प्रतिनिधि एवम् स्थानीय अगुवा रामदेव प्रसाद चौहानले शिलान्यास गरेका हुन् ।
 
विद्यालय भवनकाे शिलान्यस गर्दै चाैहानले समयमा निर्माण कार्य पुरा गर्न आग्रह गरे । उनले भवन निर्माण भएपछि विद्यालयमा कक्षा कठाकाे समस्यमा कमि आउने वताए ।    
 
विद्यालयका प्रधानाध्यापक चन्देश्वर यादवकाे अध्यक्षतामा भएकाे शिलान्यास कार्यक्रममा जग्गा दाता सतेन्द्र चौहान, ई. प्रमोद राम , वडाध्यक्ष प्रभु नुनिया, शिक्षक सुरेन्द्र चौहान, ने.बि.संघको गाउँपालिका सभापति मन्जय गिरी लगयात स्थानीयहरुकाे उपस्थिती रहेको थियो ।

महानगरले वीरगंज मै पहिलो पटक “रात्री बजार” लगाउँदै

0

वीरगंज । वीरगंज महानगरपालिकाले वीरगंज मै पहिलो पटक “रात्री बजार” लगाउने तयारी गरेको छ ।

वीरगंजबासीकाे सपना साकार पार्न महानगरपालिकाका प्रमुख राजेशमान सिंहको संकल्प अनुरुप वीरगंज मै पहिलो पटक “रात्री बजार” लगाउन थालिएको हो ।

यही चैत ३० गते बेलुका देखि बैशाख २ गते मध्य रातिसम्म वीरगंज आदर्शनगर चोक देखि पुरानो बसपार्कसम्म “रात्री बजार” लगाइने महानगर प्रमुख राजेशमान सिंहले जानकारी दिए ।

आर्थिक नगरी भनेर वीरगंजलाई चिनिने गरेको भए पनि वीरगंजकाे व्यवसाय साँझ नपर्दै बन्द हुने गरेको थियो ।

यहाँको आर्थतन्त्र चलायमान बनाउन र बजार अबेरसम्म संचालन हुने वातावरण बनाउन पनि परीक्षण स्वरुप नयाँ वर्षको अवसर पारेर तीन दिने रात्री बजार लगाउन जमर्को गरेको महानर प्रमुख सिंहले बताए ।

‘व्यवसायीक रुपमा वीरगंजकाे पहिचान थप बढाउन र रोजगारको अवसर प्रदान गर्ने योजना सहित रात्री बजार लगाउन लागेका हौँ,’ उनले भने, ‘यसले बजार चलायमान बनाउने पनि विश्वास लिएका छौँ ।’

महानगरको आयोजनामा वीरगंज मै पहिलो पटक हुन लागेको “रात्री बजार” मा विभिन्न ठाउँका विशेष खानाका परिकार, लत्ताकपडा, कस्मेटिक, भाडाकुडा लगायतका सरसामान पाउनुका साथै वीरगंज मै पहिलो पटक तन्दुरी चायको शुरुआत गरिने पनि महानगर प्रमुख सिंहले जानकारी दिए ।

रात्री बजार आयोजना गर्दै गर्दा अवसर र चुनौतीबारे सम्बन्धित निकायसँग समन्वय भइरहेको र यसबाट नयाँ संदेश सहित सफलता प्राप्त भए लामो समय सम्म बजार लगाउन सकिने भएकोले वीरगंज मै पहिलो पटक नयाँ अवधारणा सहित लाग्ने बजारमा सहभागी भई सफल बनाउन प्रमुख सिंहले अपिल पनि गरेका छन् ।

महानगरले रात्री बजार संचालनका लागि विभिन्न संस्थासँग सहकार्य समेत गरेको छ ।

ग्रीन सिटी सामुदायिक सेवा प्रहरी केन्द्र, एन.वाई.ई.एफ, वीरगंज साइकलिंग क्लब, ओमेन्स क्रिएसन र फोर.जि.आर जस्ता संस्थाहरुसँगको सहकार्यमा “रात्री बजार” तयारीको काम अघि बढाइएको उनले वताए ।

रात्री बजारमा लगाइने स्टलहरु बुकिङको काम अहिले धमाधम भइरहेको सह आयोजकको रुपमा रहेको ग्रिन सिटीका अध्यक्ष जय प्रकाश खेतानले जानकारी दिए ।

आदर्शनगर चोकदेखि कैलास चोक र त्यहाँबाट पुरानो बसपार्क सम्मको क्षेत्रमा करिब १ सय स्टल लगाउने गरि आवश्यक तयारी गरिएको र अहिले स्टल बुकिङको काम धमाधम भइरहेको उनले वताए ।

अझै पर्साका ८ पालिकाले जग्गा बर्गीकरण नगर्दा किताकाट हुन सकेन

0
malpot karyalaya parsa_kalikatimes

वीरगंज । पर्साको केही पालिकाहरुको लापरवाहीले गर्दा सर्बसाधारण मर्कामा परेका छन । केही पालिकाहरु बाहेक अधिकांश पालिकाहरु जग्गाको बर्गीकरणको निर्णय गरी मालपोत तथा नापी कार्यालयमा नपठाएका कारण जग्गाको किताकाट रोकिएको छ ।

सानो आकारको जग्गा बिक्री गर्न किताकाट आवश्यक रहेकोले पालिकाको निर्णय बिना किताकाट हुनसकेको छैन । कालिकामाई गाउँपालिका वडा नम्बर दुई भेडिहारी निवासी हितेश कुश्वाहाका अनुसार जग्गा किताकाट नहुँदा जग्गा बिकरी हुन सकेकाे छैन । 

जग्गा बिक्री नहुँदा लिएको कर्जा तिर्न नसकेर ब्याजले मर्ने बेला भएको उनले गुनासाे गरे । कुश्वाहाका अनुसार पालिकाले निर्णय गरी गरीब, असहाय माथी ठुलो गल्ती गरेको छ ।

हाल सम्म जग्गा बर्गीकरण गरी नपठाउनेमा पर्साका ८ वटा पालिका रहेको मालपाेत कार्यालय पर्साले जनाएका छ । कालिकामाई, धोबिनी, पोखरीया, जीराभवानी, ठोरी, बिन्दवासिनी, छिपहरमाई र जगरनाथपुर गाउपालिकाले जग्गाको बर्गीकरणको निर्णय नगर्दा स्थानिय सर्बसाधाराण मर्कामा परेका हुन ।

यी ८ मध्ये धोबिनी गाउँपालिकाको निर्णय भएको सुचना पाएको मालपोत कार्यालय पर्साका नायब सुब्बा राजेश्वर साह तेलीले बताए ।

यस अगाडी नै वीरगंज महानगरपालिका, पकहा मैनपुर, पटेवर्वासुगौली , सखुवा प्रसाैनी गाउँपालिका, बहुदरमाई र पर्सागढी नगरपालिकाहरुले जग्गाको बर्गीकरण गरी किताकाट शुरु गरी सकेको नायव सुब्बा तेली जानकारी दिए ।

“भाटभटेनी सुपरमार्केट” वीरगंजमा पनि संचालन हुँदै

0

वीरगंज । नेपालकै ठूलो चेन सुपर मार्केट ‘भाटभटेनी सुपरमार्केट’ अब मधेश प्रदेशकाे वीरगंजमा पनि सञ्चालनमा आउने भएको छ । भाटभटेनीको २४ औं स्टोरको रुपमा वीरगंजमा शुभारम्भ हुँदैछ । स्टोरको आगामी चैत्र ९ गते औपचारिक समुद्घाटन हुने भाटभटेनीका अध्यक्ष तथा प्रबन्ध निर्देशक मिन बहादुर गुरुङले जानकारी दिए ।

देशभर स्टोर विस्तार अभियानमा रहेको भाटभटेनीले यस अगाडि २३ वटा स्टोर सञ्चालनमा ल्याइसकेको छ । यो स्टोर मधेश प्रदेशमा पहिलो स्टोर हो । नेपालमै अन्तराष्ट्रिय स्तरको सपिङ सेवा र अनुभव प्रदान गर्ने उद्देश्यले देशभरका ठूला शहरहरुमा भाटभटेनीको सेवा विस्तार गरिएको सुपर मार्केटका अध्यक्ष तथा प्रबन्ध निर्देशक गुरुङको भनाई छ ।

यसै क्रममा देशको प्रमुख औद्योगिक शहर वीरगंजबाट पनि सेवा प्रदान गर्ने लक्ष्यका साथ २४ औं स्टोर स्थापना गरिएको र शुभारम्भका लागि तयारी भइरहेको भन्दै गुरुङले यस स्टोरमा २ अर्ब ५० करोड बढीको लागत रहेने तथा करिब २५० जना स्थानियले रोजगार प्राप्त गर्ने बताए ।

देशको मुख्य औद्योगिक शहर तथा मधेश प्रदेशको सबैभन्दा ठुलो शहर वीरगंजबाट हाम्रो सेवा सुरु गर्न पाउँदा खुशी लागेको उनले वताए । यस स्टोको शुभारम्भले यस क्षेत्रका जनतालाई सपिङको सहजता र यहाँको बजार थप चलायमान हुनेमा हामी विश्वस्त रहेको भन्दै प्रबन्ध निर्देशक गुरुङले यहाँका स्थनीयबाट पनि अन्य स्टोरहरुमामा जस्तै माया र सद्रभाव एवम् साथ सहयोगको अपेक्षा लिएको बताए । भाटभटेनीले स्वदेशी उत्पादन र स्वरोजगारलाई विशेष प्राथमिकता दिएको उनको दाबी छ ।

उनले भने ‘हामीले अन्तराष्ट्रिय स्तरको स्टोरबाट स्थानीय जनतालाई सेवा दिने मात्रै होइन, स्थानीय उत्पादन खरिद र बिक्री तथा स्वरोजगारलाई विशेष प्राथमिकतामा राखेका छौं । स्टोरमा ग्रोसरी, भाडाकुँडा, बच्चाका खेलाउनाका सामान, लत्ताकपडा, जुत्ता, टिभि, फ्रीज, वासिङ मेसिन लगायत दैनिक उपभोग्य सबै सामान एकै ठाउँमा बजारकै मूल्यमा उपलब्ध हुने व्यवस्थापक विनोद भट्टराईको भनाई छ ।

फुडकोर्ट सहितको पूर्ण वातानुकुलीत एवम् आकर्षक सजावट सहित एकै स्थानमा अन्तराष्ट्रिय स्तरको सपिङगर्दा यस क्षेत्रका आम उपभोक्ताको समयको समेत बचत हुने उनी बताउँछन । हामीले यस स्टोरको संचालनबाट यँहाका स्थानियहरुले मात्र नभई छिमेकी मुलुक भारतका सिमावर्ती शहरका आम सर्वसाधारण समेत लाभान्वित हुने उनको बिश्वास छ ।

यस स्टोरमा अन्तराष्ट्रिय स्तरको पेपे पिज्जा, मल्टिप्लेक्स सिनेमा हल, वल्र्ड क्लास ब्राण्डेड लुगाहरु लगाएतका सुविधाहरु पनि रहने उनले बताए । व्यवस्थापक भट्टराइले स्टोरको शुभारम्भको अवसरमा ग्रोसरीमा १० प्रतिशत र इलेक्ट्रिक सामानमा २० प्रतिशत छुटसँगै फ्रि होमडेलिभरी सुविधा रहेको जानकारी दिए ।

वीरगंज महानगर – १४ गण्डक, बहुअरिमा २ बिगाहा १० कठ्ठा क्षेत्रफलमा स्टोर निर्माण सम्पन्न हुन लागेको स्टोरमा २ लाख ५० हजार स्क्वायर फिटको सपिङ स्पेस रहेको तथा अण्डरग्राउण्ड बेसमेन्ट पार्र्किङ सहित ७ तल्लाको भवन रहेको छ । यो स्टोर अहिले सम्मका सबै स्टोरहरु मध्य भवन तथा सपिङ स्पेसको हिसाबले सबै भन्दा ठुलो रहेको भाटभटेनी सुपर स्टोरका व्यवस्थापक विनोद भट्टराईको भनाई छ ।

कालिकामाईमा स्थानियहरुले आफै बनाए ब्रहमस्थान जाने बाटाे

0

वीरगंज । पर्साको कालिकमाई गाउँपालिका वडा नम्बर दुईमा स्थानियहरुले चन्दा संकल्न गरी बाटो निमार्ण तथा सडक ढलान गरेका छन ।

वडा अन्तर्गत पर्ने ठूलाे गदियानीका स्थानियवासीहरुले गाउँपालिका तथा वडा कार्यालयले बजेट बिनियोजन नगरे पछि आफै बाटाे ढलान गरेका हुन् । स्थानिय समाजसेवी तथा युवाहरुको सक्रियतामा लगभग दुई सय फिट बाटो निर्माण गरि ढलान समेत गरिएकाे स्थानिय बिरेन्द्र साहले वताए ।

गदियानी गाउँको बरहमस्थानमा आउनजान बाटो नरहेको र सो बाटोका लागी सोही गाउँका मुस्लिम समुदायका ५ जनाले हिन्दुहरुको पुजा गर्ने स्थल बरहमस्थानका लागी जग्गा समेत उपलब्ध गराएका छन् ।

मुल सडकबाट बरहमस्थान निर जानका लागी सोही गाउँका शमशेर राउत गदी, नगीन राउत गदी, असिन राउत गदी, सुनरमन राउत गदी र दरोगा राउत गदीले ४ फिट जग्गा उपलब्ध गराएका हुन् ।

हिन्दु र मुस्लिम एक आपसमा भाई/भाई हुन भने परिचय गादियानीका मुस्लिम समुदायले सन्देश दिइएका छन् ।

जग्गा उपलब्ध भए पछि स्थानियहरुले बाटो निमार्ण तथा ढलानका लागी जनप्रतिनिधिहरुलाई गुहारे पनि बजेट बिनियोजन नहुँदा स्थानियहरु कम्मर कसी आफैमा चन्दा संकल्न गरी बाटो निमार्ण तथा ढलान गरेको साहले बताए ।

साह कै अगुवाईमा दर्जनौ युवा, समाजसेवी तथा स्थानियहरुको पहलकदमीमा सो बाटो निमार्ण तथा ढलान गरिएको हो ।