Date
मङ्ल, मंसिर १, २०८३
Tue, November 17, 2026
Home Blog Page 568

‘तु झुठी मैं मक्कार’ बन्याे वर्षकाे धेरै कमाउने दाेस्रो हिन्दी फिल्म

0

बलिउड अभिनेता रणवीर कपूर र श्रद्धा कपूर अभिनीत फिल्म ‘तू झुठी मैं मक्कार’ बक्स अफिसमा राम्रो कमाइ गरिरहेको छ ।

हिन्दी फिल्म बजार विश्लेषक तरण आदर्शका अनुसार फिल्मले १० दिनमा १०१ करोड ९८ लाख भारू कमाएको छ । उनले ट्विट गर्दै फिल्म सय करोड क्लबमा समावेश भएको जानकारी दिएका हुन् । 

‘तू झुठी मैं मक्कार’ यो वर्ष सय करोड कमाउने दोस्रो हिन्दी फिल्म बनेको छ । यसअघि शाहरूख खानको फिल्म ‘पठान’ ले दुई दिनमा सय करोड कमाएको थियो। 

फिल्ममा एक झुठी प्रेमिका र चलाख प्रेमीको प्रेमद्वन्द्वको कथा देखाइएको छ । उनीहरू एकअर्कालाई जालमा फसाउन संघर्षरत छन् । 

लभ रन्जनले निर्देशन गरेको फिल्ममा रणवीर र श्रद्धासँगै डिम्पल कपाडिया, बोनी कपूर, अनुभव सिंह बस्सीलगायत कलाकारको अभिनय छ । रोमान्टिक कमेडी जनराको फिल्म लभ फिल्म्स ब्यानर र टी-सिरिजको सहकार्यमा बनेको हो । 

यो फिल्मपछि रणवीर सन्दिप रेड्डी वांगाको फिल्म ‘एनिमल’ मा देखिनेछन् । फिल्ममा उनीसँगै रश्मिका मन्दनाको मुख्य भूमिका रहनेछ ।

वीरगंज नर्सिङ क्याम्पसमा अनेरास्ववियू विजयी

0

वीरगंज । वीरगंज नर्सिङ क्याम्पसमा आइतबार सम्पन्न स्वतन्त्र विद्यार्थी यूनियन (स्ववियू) को निर्वाचनमा बहुमत सदस्यसहित नेकपा एमाले निकट अखिल नेपाल राष्ट्रिय स्वतन्त्र विद्यार्थी यूनियन विजयी भएको छ ।

क्याम्पसमा आइतबार राति सम्पन्न भएको मतदानको नतिजाअनुसार एकजना सदस्य बाहेक सम्पूर्ण पदाधिकारी र सदस्यमा अनेरास्ववियू विजयी भएको हो ।

सभापतिमा अनेरास्ववियूकी मनिषा चौधरी निर्वाचित भएकी छन् । ९१ मतसहित चौधरी सभापतिमा निर्वाचित भएको निर्वाचन अधिकृत रोमिना श्रेष्ठले जानकारी दिइन् ।

चौधरीकी निकटतम प्रतिस्पर्धी नेपाल विद्यार्थी संघकी यामिनी खड्काले भने ६३ मत मात्रै पाएको श्रेष्ठले बताइन् ।

यस्तै सचिवमा पनि अनेरास्ववियूकै सृष्टि तिमिल्सिना ८९ मतका साथ, कोषाध्यक्षमा पनि अनेरास्ववियूकै अर्चना गुप्ता ९२ मतका साथ निर्वाचित भएकी छन् ।

सदस्यमा अनेरास्ववियूकै मुना श्रेष्ठ र विवेक रानाभाट तथा नेविसंघकी स्मृति थापा निर्वाचित भएका हुन् ।

त्यसैगरी समानुपाति तर्फ अनेरास्ववियूले ९० मत र नेवि संघले ६३ मत प्राप्त गरेकाे छ । समानुपातिककाे एक मत बदर समेत भएकाे निर्वाचन समितिले जनाएकाे छ ।

प्रतिबन्धित लागु औषध सिरफ सहित बलजित यादव पक्राउ

0

वीरगंज । प्रतिबन्धित लागु औषध सहित एक जनालाई प्रहरीले पक्राउ गरेकाे छ । ईनर्वा प्रहरी चौकीबाट खटिएको प्रहरी टोलीले वीरगंज महानगरपालिकाकाे वडा नं. १५, भिष्वा निवासी २० बर्षिय बलजित यादवलाई पक्राउ गरेकाे हाे ।

वीरगंज महानगरपालिकाकाे वडा नं.१६ शंकराचार्य गेटस्थित सडकखण्डमा शनिबार राति ९:३० बजेको समयमा भारत रक्सौलबाट वीरगंज तर्फ जादैगरेको वी.म.न.पा.१ ह १-०११८ नम्बरको ई-रिक्सा चेकजाँच गर्दा लागु औषध ओनरेक्स १०० एमएल लेखीएको सिरफ ५ कार्टुनमा १७८ बोतल फेला परेको प्रहरीले जनाएकाे छ ।

उक्त ई-रिक्सा चालक यादवले ई-रिक्साको सिट मुनी लुकाइ छिपाइ ल्याएको प्रतिबन्धित लागु औषध फेला परेपछि नियन्त्रणमा लिइएकाे जिल्ला प्रहरी कार्यालय पर्साले जनाएकाे छ । फेला परेकाे लागु औषध ओनरेक्स, ई-रिक्सा र ई-रिक्सा चालक यादव समेतलाई नियन्त्रणमा लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

पक्राउ परेका यादवलाई लागु औषध सम्बन्धी कसुरमा आइतबार पर्सा जिल्ला अदालतबाट ७ दिन म्याद थप गरी थप अनुसन्धान कार्य भइरहेकाे प्रवक्ता गिरीले जानकारी दिए ।          

गलत र भ्रम फैलाउने खालको पत्रकारीता गर्नु हुँदैन् : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले जनतामा भ्रम फैलाउने खालको पत्रकारीता नगर्न सञ्चारकर्मीसँग आग्रह गरेका छन् ।

वीरगंज महानगरको सहयोगमा नेपाल पत्रकार महासङ्घ पर्साले आयोजना गरेको तीन दिने पत्रकारीता तालिममा सहभागि सञ्चारकर्मीलाई आइतबार प्रमाणपत्र वितरण गर्दै मेयर सिंहले यस्तो आग्रह गरेका हुन् ।

सिंहले भने, ‘गलतलाई सहि र सहिलाई गलत बनाएर समाचार लेख्ने प्रवृति पनि छ । यसले जनतालाई सत्यतथ्य सूचना भन्दा पनि भ्रमित पार्ने काम हुन्छ । यस्तो पत्रकारीता नगरिदनुस् भन्ने मेरो आग्रह छ ।’

उनले समाजमा रहेका विकृति र सरकारी निकायका बेथिती उजगार गर्न पत्रकारको महत्वपूर्ण भूमीका रहने भएकाले कसैको दबाब र प्रभावमा नपरि पत्रकारीता गर्न आग्रह गर्दै भने, ‘यदि महानगरमा पनि केहि गलत भएको पाउनुहुन्छ भने सिधा मलाई भन्नुहोला यदि मैले त्यसलाई सुधार गरिन भने निर्धक्क भएर त्यस विरुद्ध लेख्नुहोला ।’

उनले आफू महानगरको मेयरमा निर्वाचित भएको ३ वर्ष भित्रमै वीरगंज महानगरलाई व्यवस्थित बनाउनने योजना र लक्ष्य लिएर काम गरिरहेको बताए । उनले भने, ‘म पाँच वर्ष कुर्दिन । तीन वर्ष भित्रै यो वीरगंज शहरलाई व्यवस्थित र अरुले पनि अनुकरण गर्ने गरि उदाहरणीय काम गरेर देखाउछु । 

नेपाल पत्रकार महासङ्घ पर्साका अध्यक्ष अनुप तिवारीको अध्यक्षतामा भएको प्रमाणपत्र वितरण कार्यक्रममा मेयर सिंहका प्रेस सल्लाहकार महेश दास लगायतकाे उपस्थिती रहेकाे थियाे भने कार्यक्रमकाे संचालन पत्रकार महासंघ पर्साका उपाध्यक्ष युवराज खडड्काले गरेका थिए ।

चितवनकाे साैराहामा भएकाे तालिममा विभिन्न संचारमाध्यममा कार्यरत ३० जना पत्रकारहरुकाे सहभागिता रहेकाे थियाे ।

यज्ञमा दलितलाई बस्न नदिने घटनाप्रति दलित पत्रकार संघ पर्साको आपत्ती

0

वीरगंज । वीरगञ्ज महानगरपालिका वडा नम्बर १७ अलौको जातिय विभेद सम्बन्धी घटनामा राष्ट्रिय दलित पत्रकार संघ पर्साले आपत्ती जनाएको छ ।

आइतवार राष्ट्रिय दलित पत्रकार संघ पर्साले एक प्रेस विज्ञप्ती जारी गर्दै अलौमा यही चैत ८ गतेदेखि हुने शतचण्डी महायज्ञमा दलित समुदायलाई विभेद गरिएको घटनाको भत्सर्ना गरेको हो ।

संविधानले नै छुवाछुत एवम् भेदभावजन्य गतिविधिलाई अपराध मानेको अवस्थामा पनि जातकै आधारमा विभेद हुनु खेदजनक भएको संघका अध्यक्ष श्याम पासवान र सचिव सूर्यनारायण वि.क.द्वारा सयुँक्त रुपमा जारी विज्ञप्तमा भनिएको छ ।

महायज्ञका लागि त्याहाँका दलित समुदायले दिन खोजेको चन्दा पनि लिन अस्विकार गर्नु र उनीहरुलाई महायज्ञमा समावेश नगराउन गैरकानुनी भएको हुँदा घटनालाई गम्भिरताका साथ लिई भेदभाव गर्नेलाई कानुनबमोजिम कारवाही गर्न पनि संघले विज्ञप्तीमार्फत माग गरेको छ ।

खुलेयाम रुपमा बरु जेल जान तयार तर महायज्ञमा दलित समुदायलाई बस्न नदिने अभिव्यक्ति दिने व्यक्तिलाई कारवाहीकाय दायरामा नल्याउँदासम्म यस्ता विभेदजन्य घटना भइरहेको संघको ठहर छ ।

महायज्ञमा दलित समुदायलाई समावेश नगराए संघले पनि कडा रुपमा आन्दोलन गर्ने विज्ञप्तीमार्फत चेतावनी दिएको छ ।

गृहनगर वीरगंजमा आरिफ र आसिफलाई सम्मान

0

वीरगन्ज । आइसिसि विश्वकप लिग २ मा नेपालको तर्फबाट उत्कृष्ट प्रदर्शन गरेका वीरगन्जका दुई खेलाडीलाई वीरगन्ज महानगरपालिकाले स्वागत गर्दै सम्मानित गरेको छ ।

विश्वकपमा क्वालिफायर भएपछि पहिलो पटक गृहनगर वीरगन्जमा आइतबार आइ पुगेका नेपाली राष्ट्रिय क्रिकेट टिमका सदस्यद्वय आरिफ शेख (ब्याट्सम्यान) र आसिफ शेख ( ब्याट्स म्यान तथा विकेट किपर) लाई वीरगन्ज महानगरले भव्य स्वागत गर्दै सम्मानित पनि गरेको हो ।

आइतबार वीरगन्ज महानगरपालिकाकै परिसरमा मेयर राजेशमान सिंहले सहोदर दाजुभाइ समेत रहेका शेखद्वयलाई दोशल्ला ओढाएर स्वागत र सम्मान गरेका हुन् । मेयर सिंहले शेखद्वयका बुबा शेख सलाम र स्थानीय प्रशिक्षक जाहुर अन्सारीलाई पनि दोशल्ला ओढाएर सम्मानित गरे ।

त्यसक्रममा मेयर सिंहले नेपाललाई विश्वकप क्वालिफायरमा पुरयाउन विशेष भूमीका निर्वाह गरेका दुवै खेलाडीलाई वीरगन्ज महानगरले यहि चैत १७ गते वीरगन्जमा भव्य समारोह गरेर नागरिक अभिनन्दन पनि गर्ने घोषणा गरे ।

उक्त समारोहमै यसअघि वीरगन्ज महानगरले घोषणा गरेअनुसार दुवै खेलाडीलाई एक एक थान यमहा एफ जेड एफ आइ मोटरसाइकल पनि प्रदान गर्ने पनि उनले बताए । मेयर सिंहले उक्त नागरिक अभिनन्दन समारोहमा सहभागी भइ वीरगन्जका यी दुइ खेलाडीको हौसला बढाइदिन वीरगन्जवासीसंग आह्वान पनि गरे ।

आइतबारको सम्मान कार्यक्रममा मेयर सिंहले वीरगन्ज दुवै खेलाडीले नेपालको नाम अझ उचाईमा पुरयाएर वीरगन्ज महानगरको नाम पनि उँचो बनाएको बताए ।

उनले वीरगन्जका यी दुइ खेलाडी राष्ट्रकै गहना बनेका छन् , यिनीहरुको हौसला बढाउन वीरगन्ज महानगरले कुनै कसर बाँकी राख्दैन ।

महानगरले सम्मान गरेपछि खेलाडीद्वय आसिफ र आरिफले महानगरको यो सम्मानले आफुहरुलाई अझ हौंसला थपिदिएको प्रतिक्रिया दिए । आसिफले भने ,‘ गहृनगरमै यति भव्य सम्मान पाउदा खुशीले मन गदगद् भएको छ , आउने दिनमा देशको नाम रोशन गर्न अझ हौंसला थपिदिएको छ ।

सन्चारकर्मीलाई प्रतिक्रिया दिदै शेखद्वयका बुबा शेख सलामले आफना यी दुवै छोराले देशको नाम अझ उचाईमा पुरयाउदाँ आफु पनि गौरवान्वित भएको प्रतिक्रिया दिए । उनले भने,‘ मेरा यी दुई छोरा अब मेरो मात्रै छोरा रहेनन्, अब यिनीहरु यो देशकै छोरा भएका छन् ।

आइतबारको सम्मान कार्यक्रममा वीरगन्ज महानगरका निमित्त प्रमुख प्रशासकिय अधिकृत अरविन्दलाल कर्ण , वडाध्यक्षहरु बैजुलाल स्वर्णकार, प्रदीप चौरसिया , सुरेश गुप्ता , जगत साह कानु लगायतको सहभागिता थियो ।

दोस्रो परवानीपुर गोल्डकपकाे उपाधी वीरगंज युनाईटेड क्लबले उचाल्यो

0

वीरगंज । कृष्णा फाउन्डेसन दोस्रो परवानीपुर गोल्डकप २०७९ को उपाधी वीरगंज युनाईटेड क्लब वीरगंजले उचालेको छ । परवानीपुर खेल मैदानमा भएको फाईनल प्रतियोगीतामा जनकपुर स्पोर्ट क्लब जनकपुरलाई हराउँदै वीरगंज युनाईटेड क्लब वीरगंजले उपाधि उचालेको हो ।

प्रतियोगीतामा जनकपुर स्पोर्ट क्लब जनकपुरलाई ०–५ गोल अन्तरले पराजित गर्दै वीरगंज युनाईटेड क्लब वीरगंजले उपाधि उचालेको आयोजक परवानीपुर युथ क्लबका महासचिव दिपक यादवले बताए । प्रतियोगितामा विजेता वीरगंज युनाईटड क्लब वीरगंजले १ लाख ५० हजार नगद शिल्ड तथा मेडल प्राप्त गरेको थियो ।

विजेतालाई प्रदेश सभा सदस्य जितेन्द्र सोनारले पुरस्कार वितरण गरेका थिए भने उपविजेता जनकपुर स्पोर्ट क्लब जनकपुरले ७५ हजार नगद शिल्ड तथा मेडल पाएको छ । उपविजेतालाई परवानीपुर गाँउपालिकाका अध्यक्ष रामक्षत्री कुर्मीले पुरस्कार वितरण गरे ।

खेलको म्यान अफ दि म्याच वीरगंज युनाईटड क्लबका चतुरधन चौधरीले र म्यान आफ दि सिरिज अभिशेख चौधरीले पाए । प्रतियोगीतामा वीरगंज युनाईटेड क्लबका विकाश चौधरीले बेस्ट डिफेन्डर, दिलमणी चौधरी वेस्ट गोलकिपरको पुरस्कार पाएका हुन ।

यस्तै जनकपुर स्पोर्ट क्लब जकनपुरका खेलाडी राकेश यादवले बेस्ट फरवार्ड खेलाडीको पुरस्कार पाएका थिए । जनकपुर स्पोर्ट क्लब जकनपुरका खेलाडी संजय मगरले मिड फिल्डरको पुरस्कार पाए ।

यस्तै वीरगंज युनाईटेड क्लबका वेस्ट कोचको पुरस्कार मुना चौचारीले पाए । प्रतियोगितामा मधेश प्रदेशका ६ वटा र बागमती प्रदेशका दुई वटा गरी ८ टिमको सहभागी भएको थियो ।

क्षमतावान एवं विश्वसनीय पत्रकार अहिलेको आवश्यकता : डा. महेन्द्र विष्ट

0

वीरगंज । नेपाल पत्रकार महासंघका पूर्व अध्यक्ष डा. महेन्द्र विष्टले बढ्दो आधुनिक युगसँगै क्षमतावान पत्रकार बन्नुपर्ने सुझाव दिएका छन् । वीरगंज महानगरपालिकाको सहयोगमा नेपाल पत्रकार महासंघ पर्सा शाखाले चितवनको सौराहा स्थित आयोजना गरेको ‘पत्रकारहरुको क्षमता अभिवृद्धि’ तालिमको क्रममा बढ्दो आधुनिक युगसँगै पत्रकारहरुले पनि आफ्नो क्षमता अभिवृद्धि गर्नुपर्ने सुझाव दिए ।

तालिमको क्रममा सहभागी सञ्चारकर्मीहरुले उठाएको जिज्ञासा ‘स्थानीय पालिकाबाट सूचना पाउन सकस’ भन्ने विषयमा जानकारी गराउँदै उनले वर्तमान अवस्थामा पालिका प्रमुखदेखि कर्मचारीहरुले पत्रकारहरुको योग्यता, क्षमता एवं व्यवहार हेरेर मात्रै सूचना दिने गरेको अवस्थाले यसलाई सुधारको आवश्यकता रहेको औल्याँए । तर वर्तमान अवस्थामा केही पत्रकारहरुमा पनि कमि कमजोरी भएको कारण यो अवस्था सृजना भएको जानकारी गराए ।

तालिमको प्रशिक्षक समेत रहेको डा. विष्टले ‘पत्रकारिता’ पेशा नै आफ्नो पेशा नभई पाठकवर्ग एवं सर्वसाधारणहरुले निर्णय गर्ने पेशा भएको कारण पत्रकारहरुले लेख्ने समाचारलाई सर्वसाधारणदेखि कर्मचारी, जनप्रतिनिधिहरु पनि नजिकबाट नियाली कुन पत्रकार कतिको क्षमतावान छन्, कतिको विश्वसनीय समाचार सम्प्रेशन गर्ने गरेको छन्, सबै जानकारी लिई सोही अनुसार व्यवहार गर्ने गरेको अवस्था सृजना भएको भन्दै यसतर्फ सञ्चारकर्मीहरु पनि आफैमा क्षमतावान हुनुपर्ने, विश्वसनीय समाचार सम्प्रेशन गर्नुपर्ने सुझाव दिए ।

उनले भने ‘पत्रकारिता पेशा आम जनतासँग सम्बन्धित हुन्छ, जस्तै औषधी उत्पादन गर्ने सँस्थाले आफ्नो उद्योग हो, जतिको मात्रामा केमिकल मिसाई औषधी उत्पादन गर्न सक्ने आफ्नो अधिकार रहेको भन्ने बुझ्नु गलत रहेकोले चिकित्सा एवं पत्रकारिता पेशा पनि सर्वसाधारणसँग सम्बन्धित रहेकोले पत्रकारले जे मनमा लाग्यो त्यो लेख्न पाउने आफ्नो अधिकार रहेको बुझ्नु गलत रहेको बताए ।

दिनप्रतिदिन सबै कुराको विकास हुँदै गएको छ, पत्रकारिता क्षेत्रमा पनि विकास भएको छ, पहिला पत्रपत्रिका, रेडियो एफ.एम., टेलिभिजन, बेग्लाबेग्लै थियो, तर अहिले आएर सबै अनलाइनमा सीमित भएको छ, र अनलाइनहरु पनि यति धेरै मात्रामा संचालनमा छन्, धेरैले आफ्नो स्वार्थ सिद्ध गर्नको लागि मात्रै अनलाइन संचालन गरेका छन्, त्यो प्रवृत्ति भोलिका दिनमा पत्रकारिता पेशालाई नै संकटमा पार्ने भएकोले पत्रकारहरुलाई पनि दक्षता अभिवृद्धिको आवश्यकता रहेको बताए ।

वर्तमान अवस्थामा प्रवृधिले फड्को मार्दै गइरहेको छ, यो सकारात्मक पक्ष हो भने एका तर्फ पत्रकारिता जगतको लागि चुनौति पनि हो, त्यसमा पनि सामाजिक सञ्जालले पत्रकारिता पेशामा थप चुनौति बढेको छ भन्दै विगतमा पत्र पत्रिका प्रकाशित हुँदा आजको घटना भोलि प्रकाशित हुन्छ, तर अहिले सामाजिक सञ्जालमा तत्काल घटनाहरु सार्वजनिक भइरहेका छन्, यो चुनौतिलाई स्वीकार गर्दै आफूमा दक्षता वृद्धि गरि अगाडि बढ्नुपर्ने जानकारी दिए ।

तालिमको दोश्रो दिन प्रशिक्षक डा. विष्टले ‘विकास पत्रकारिता तालिम एवं स्थानीय तहसँग सम्बन्धित’ विषयका बारेमा सहभागीहरुलाई जानकारी गराएका थिए । तालिम शनिबारसम्म संचनलन हुनेछ ।

विश्वकप लिग २ मा उत्कृष्ठ प्रदर्शन गरेका वीरगंजका २ खेलाडीलाई मोटरसाइकल पुरस्कारको घोषणा

0

वीरगंज । विश्वकप क्रिकेटमा देशलाई क्वालिफायर छनोटमा पु¥याउन महत्वपूर्ण भूमिका निर्वाह गरेका वीरगञ्जका २ जनालाई खेलाडीलाई वीरगञ्ज महानगरका प्रमुख राजेशमान सिंहले पुरस्कारको घोषणा गर्नु भएको छ ।

आईसीसी क्रिकेट विश्वकप लिग २ को खेलमा ओपनिङ ब्याट्सम्यान आसिफ शेष र अलराउण्डर आरिफ शेषले निर्वाह गरेको भूमिकाको प्रशंसा गर्दै दुबैलाई पुरस्कार स्वरुप एक एक थान मोटरसाईकल प्रदान गर्ने बताउनुभएको हो ।

राष्ट्रको शीर उच्च बनाउन सफल नेपाल राष्ट्रिय क्रिकेट टिमका सम्पूर्ण खेलाडीलाई बधाई तथा शुभकामना दिनुहुँदै महानगर प्रमुख सिंहले प्रतियोगितामा सहभागि वीरगञ्जका दुबै जना खेलाडीले प्रदर्शन गरेको खेल वीरगञ्जकै लागि गौरबको विषय भएको पनि बताउनुभयो ।

उहाँले राष्ट्रका गहनालाई सम्मान र प्रोत्साहन गर्नु सबै तहका सरकारको उत्तिकै दायित्व रहेकाले आफूहरुले वीरगञ्जका उर्जावान खेलाडीलाई थप हौसला बढाउन पुरस्कार दिन लागेको बताउनुभयो ।

‘खुशी र गौरवको यस क्षणमा आगामि दिनमा अझ राम्रो प्रदर्शनको अपेक्षा राख्दै दुबै खेलाडीलाई थप प्रोत्साहन र हौसला बढाउन महानगरपालिकाको तर्फबाट यामाहा FZ-FI
मोटरसाईकल एक÷एक थान प्रदान गर्ने घोषणा गर्छु ।’ उहाँले भन्नुभयो ।

दोस्रो परवानीपुर गोल्डकप : जनकपुर स्पोर्ट क्लब फाईनलमा

0

वीरगंज । कृष्णा फाउन्डेसन दोस्रो परवानीपुर गोल्डकप २०७९ को दोस्रो सेमिफाईनल खेलमा जनकपुर स्पोर्ट क्लब जनकपुर जित निकाल्दै फाईनलमा प्रवेश गरेको छ ।

परवानीपुर खेल मैदानमा गोरखा फुटबल क्लब सर्लाहीलाई हराउँदै जनकपुर स्पोर्ट क्लब जनकपुर फाईनलमा प्रवेश गरेको हो ।

प्रतियोगिता अन्तर्गत आज भएको खेलमा गोरखा फुटबल क्लब सर्लाहीलाई १–० गोल अन्तरले पराजित गर्दै जनकपुर स्पोर्ट क्लब जनकपुर फाईनलमा प्रवेश गरेको आयोजक क्लबका बरिस्ठ उपाध्यक्ष उपाध्यक्ष अनिल श्रीवास्तवले जानकारी दिए ।

खेलको म्यान अफ दि म्याच जनकपुर स्पोर्ट क्लब जनकपुरका जर्सी नम्बर १ का गोलकिपर सागर मगरले पाएका थिए ।
उनलाई वीरगन्ज महानगरपालिका वडा नम्बर २१ का वडा अध्यक्ष राधाकृष्ण रौनियारले नगद ५ हजार र ट्रफि प्रदान गरेका थिए ।

९० मिनेटको निर्धारित समयको पहिलो हाफ सम्ममा दुवै टिमले विना गोलको बराबरी खेलेका थिए । सुरु देखि नै रोमान्चक भएको खेलमा गोल हुन नसकेपछि खेल टाईब्रेकरमा धकेलिएको थियो ।

ट्राइब्रेकरमा पहिलो पटक दुबै टोलि बराबरी गोल गरेका थिए ।
त्यसपछि दुबै टिमका गोलकिपरले पालो पालो गोल हान्नलाई अवसर पाए ।

त्यसमा पहिलो पटक जनकपुर स्पोर्ट क्लब जनकपुरका गोल किपर मगरले गोल गरे । भने गोरखा फुटबल क्लब सर्लाहीका गोलकिपर मिस गरेपछि जनकपुर स्पोर्ट क्लब जनकपुर फाइनलमा प्रवेश गरेको हो ।

यसअघि आयोजक परवानीपुर युथ क्लब परवानीपुरलाई वीरगन्ज युनाइटेड क्लब वीरगन्जले ट्राइब्रेकरमा हराउँदै फाइनलमा प्रवेश गरिसकेको छ ।

चैत ४ गते शनिबार वीरगन्ज युनाइटेड क्लब वीरगन्ज र जनकपुर स्पोर्ट क्लब जनकपुर बीच फाइनल प्रतिस्पर्धा हुनेछ ।
प्रतियोगितामा मधेश प्रदेशका ६ वटा र बागमती प्रदेशका दुई वटा गरी ८ टिमको सहभागी थिए ।

प्रतियोगिता चैत ४ गतेसम्म संचालन हुनेछ । प्रतियोगितामा प्रथम हुनेलाई १ लाख ५० हजार, दोस्रो हुनेलाई ७५ हजार नगद शिल्ड तथा मेडल प्रदान गरिने आयोजक परवानीपुर युथ क्लबले जनाएको छ ।