Date
मङ्ल, मंसिर १, २०८३
Tue, November 17, 2026
Home Blog Page 561

जनमत पार्टी पर्साका इन्चार्ज र संयाेजले गरे पदभार ग्रहण

0

वीरगंज । जनमत पार्टी पर्साकाे बैठक तथा छलफल कार्यक्रम शुक्रबार सम्पन्न भएकाे छ । वीरगंजस्थित हिमाल हाेटलमा बसेकाे बैठकमा नवनियुक्त जिल्ला इन्चार्ज र जिल्ला संयोजकले पदभार समेत ग्रहण गरेका हुन् ।

चैत ११ पर्सा जिल्ला इन्चार्ज माधव सिंह र जिल्ला संयाेजकले चैत १७ गते पदभार ग्रहण गरेका हुन् । 

बैठकमा जिल्ला इन्चार्ज माधव सिंह र जिल्ला संयाेजक ओमप्रकाश सर्राफलाई निर्वतमान जिल्ला इन्चार्ज श्याम शंकर चौरसिया र पूर्व जिल्ला इन्चार्ज सुजित चौरसियाले अबिरकाे टिका र माला लगाएर पदभार ग्रहण गराएका थिए ।

संयाेजक सर्राफकाे अध्यक्षतामा बसेकाे पहिलाे बैठकले पर्सा जिल्लाको गाउँ /गाउँ  टोल/टोलमा संगठनलाई बिस्तार गर्ने र सदस्यता बितरण गर्ने निर्णय गरेकाे हाे । 

क्रिकेटर आसिफ र आरिफलाई वीरगंजमा नागरिक अभिनन्दन

0

वीरगंज । आइसिसि विश्वकप लिग २ मा नेपालको तर्फबाट उत्कृष्ट प्रदर्शन गरेका वीरगन्जका दुई खेलाडीलाई शुक्रबार वीरगन्जमा नागरिक अभिन्दन गरिएको छ ।

नेपाली राष्ट्रिय क्रिकेट टिमका सदस्यद्वय आरिफ शेख र आसिफ शेखलाई वीरगन्ज महानगरपालिकाले शुक्रबार साँझ भव्य समारोह नै गरेर वीरगन्जवासीको तर्फबाट नागरिक अभिनन्दन गरेको हो । नागरिक अभिनन्दनसंगै महानगरले यसअघि घोषणा गरे अनुसार शेख दाजुभाईलाई एक एक थान यमहा एफजेडएफआइ मोटरसाइकल पनि प्रदान गरेको छ ।

आदर्शनगर स्थित पुरानोबसपार्क परिसरमा आयोजित समारोहमा वीरगन्जका मेयर राजेशमान सिंहले दुवै जना खेलाडीलाई दोशल्ला ओढाएर कदरपत्र प्रदान गरेर सम्मानित गरे । संगै उनले दुवैलाई मोटरसाइकलको साँचो पनि हस्तान्तरण गरे ।

वीरगन्जको मुर्ली निवासी आरिफ राष्ट्रिय टिमको ब्याट्सम्यान हुन् भने आसिफ ब्याट्सम्यान तथा विकेट किपर हुन् । २ चैतमा काठमाडौंमा भएको आइसिसि विश्वकप लिग २ को निर्णायक खेलमा शेख दाजुभाईले उत्कृष्ट प्रदन गरेकै कारण नेपाल आइसीसी विश्वकप क्वालिफायरमा छनौट हुन सफल भएको थियो ।

समारोहमा शेख दाजुभाईलाइ वीरगन्जवासीको तर्फबाट नागरिक अभिनन्दन गर्दै मेयर सिंहले वीरगन्ज निवासी दुवै खेलाडीको थप हौसला र उर्जा बढाउन महानगरले वीरगन्जवासीको तर्फबाट नागरिक अभिनन्दन गरेको बताए ।
यी दुइ खेलाडीले वीरगन्जको मात्र नभइ नेपालकै नाम अन्र्तराष्ट्रिय जगतमा उँचो बनाएको भन्दै मेयर सिंहले भने,‘ आसिफ र आरिफ नेपालकै गहना हुनुहुन्छ , उहाँहरुको साथामा सारा वीरगन्जवासी छन् ।

यस्तै कार्यक्रममा महानगरपालिकाका उपप्रमुख इम्तियाज आलमले दुवै खेलाडीको क्षमता र प्रतिभालाई अझ उचाँइमा पुरयाउनका लागि उनिहरुमा हौसला र उर्जा थप्न  वीरगन्ज महानगरपालिका सदैव तयार रहेको बताए ।

उक्त अवसरमा इरानमा सम्पन्न १९ वर्ष मुनिको वेल्र्ड कबड्डी च्याम्पियनसिपमा नेपाललाई तेश्रो स्थानमा पुरयाउन सफल राष्ट्रिय कबड्डी टिमका सदस्यद्वय वीरगन्ज निवासी दिपेन्द्र यादव र सागर यादवलाई पनि सम्मानित गरिएको छ । समारोहमा मेयर सिंहले यादवद्वयलाई दोशल्ला र कदरपत्रले सम्मानित गर्दै व्याक्तिग तर्फबाट दुवैलाई जनही २१/२१ हजार रुपैया पनि प्रदान गरे ।

समारोहमा आसिफ र आरिफका वीरगन्जका प्रशिक्षक जाहुर अन्सारी, क्रिकेटका वरिष्ठ प्रशिक्षक उमेश उपाध्याय, प्रशिक्षक प्रकाश शर्मा लगायतलाइ पनि सम्मानित गरिएको थियो ।

वीरगन्ज महानगरपालिकाका प्रमुख प्रशासकीय अधिकृत लक्ष्मी प्रसाद पौडेलको अध्यक्षतामा भएको नागरिक अभिनन्दन समारोहमा वीरगन्जका उपमेयर इम्तियाज आलम, वडाअध्यक्षहरुका साथै वीरगन्जवासीको सहभागिता थियो ।

म्याद गुज्रेका सामानहरु बिक्री गर्ने उद्याेगका संचालकहरु अझै पक्राउ परेनन्

0

वीरगंज । म्याद गुज्रिएका खाद्यान्न सामग्रीहरु पुन: रि-प्याकिङ गरि बिक्री गर्ने उद्याेगका संचालकहरुलाई अझै सम्म प्रहरीले पक्राउ गर्न सकेकाे छैन । वीरगंजस्थित आफ्नै घरमा संचालहरु बसिरहे पनि प्रहरीले नियन्त्रण गर्न नसकेकाे समाचार प्राप्त भएकाे छ ।

गत चैत १४ गते विशेष सूचनाको आधारमा पर्साका प्रहरी नायब उपरीक्षक दिपक गिरीको नेतृत्वमा गएको टोलीले वीरगंज महानगरपालिका वडा नं. १३ श्रीपुर स्थित संचालनमा रहेकाे ‘फुडको नेपाल क्रोप प्रा.लि.’ र ‘स्नेक एण्ड प्याक’ उद्योग छापामारी गरेका गरि म्याद गुज्रिएकाे खाद्यान्न सामग्रीसहित उद्याेगमा कार्यरत ३ जनालाई पक्राउ गरेकाे थियाे ।

उद्याेगमा छापामारी भएकाे थाहा पाए लगतै उद्याेग संचालकहरु वीरगंज महानगरपालिकाकाे वडा नं. ७ निवासी संजय अग्रवाल, सोही ठाउँ निवासी विद्या कुमारी सरावगी एवं भरतपुर ३ चितवन निवासी संतोष कुमार अग्रवाल फरार भएका थिए ।

तिनै जनाले संयुक्त रुपमा संचालन गरेकाे दुईटै फर्ममा अन्दाजी २७ हजार किलो भन्दा बढि म्याद सकिएको खाद्यान्न सामाग्री बरामद भएकाे थियाे ।

‘फुडको नेपाल क्रोप प्रा.लि.’ ले बाहिरबाट विभिन्न ब्राण्डका म्याद सकिएका खाद्यान्न सामाग्रीहरु बजारबाट संकलन गरेर ल्याउने र त्यही कम्पाउण्ड भित्र रहेको ‘स्नेक एण्ड प्याक’ उद्योगले म्याद सकिएको खाद्यान्न सामाग्रीलाई रि–प्याकिङ्ग गरि नयाँ लेबल टाँसी बजारमा विक्री वितरण गर्ने गरेको पाइएको थियो ।

तीनै संचालकहरु मध्येका संजय अग्रवाल र विद्या कुमारी सरावगी वीरगंजकै हुन् भने सन्तोष कुमार अग्रवाल चितवन निवासी हुन् । फरार सुचि मै रहेका संजय अग्रवाल र विद्या कुमारी सरावगी वीरगंजस्थित आफ्नै घरमा बस्दै आएपनि प्रहरीले नियन्त्रणमा लिन नसकेकाे हाे ।

। घटनालाई सामसुम पार्नको लागि ठूलै रकमको चलखेल भइरहेको श्रोतले बताएको छ । उक्त उद्योगले ड्राइफुड र मसला पदार्थ प्याकिङ्ग गर्न घरेलु तथा साना उद्योग कार्यालयबाट अनुमति लिई म्याद सकिएको खाद्यान्न सामाग्री रि–प्याकिङ्ग गरि नयाँ मितिको लेबल टाँसी विक्री वितरण गर्ने गरेको पाइएको थियो ।

ति दुबै फर्मको गोदाम किचेनमा प्रयोग गरिने सम्पूर्ण मसला, सस, मह, च्वकलेट, सेम्पु, सेवई, स्नेक, विस्कुट, जिरा, गरम मसाला, विभिन्न मिठाई फ्लेबरका पाउडर लगायतका खाद्यान्न सामाग्रीहरु बरामद भएको थियो ।

म्याद सकिएको खाद्यान्न सामाग्री बजारबाट संकलन गरि लेबल प्रिन्ट गरि पुनः रि–प्याकिङ्ग गर्ने गरेको सूचनाको आधारमा प्रहरीले छापामारी गरेको थियो । छापामारीको क्रममा उपभोक्ताले प्रयोग गर्ने किचेनका सम्पूर्ण सामानहरु एवं बच्चाहरुले खाने विभिन्न ब्राण्डका च्वकलेट म्याद सकिएर पुनः रि–प्याकिङ्ग गर्ने गरिएको अवस्थामा बरामद भएको थियो ।

जिल्ला प्रहरी कार्यालय पर्सा, जिल्ला प्रशासन कार्यालय पर्सा, बाणिज्य आपुर्ति तथा उपभाेक्ता संरक्षण कार्यालय वीरगंज, खाद्य तथा गुण कार्यालय वीरगंज र वीरगंज उद्याेग वाणिज्य संघकाे संयुक्त टाेली छापामारी गरेकाे थियाे ।

जिल्ला प्रहरी कार्यालय पर्साका प्रहरी उपरीक्षक कोमल शाहले फरार संचालकहरुको खोजी कार्य भइरहेको वताए ।

उनले उक्त घटनामा संलग्न विरुद्धको मुद्दामा थप अनुसन्धान भइरहेको भन्दै शुक्रबार पनि संचालकहरुलाई सम्पर्क ल्याउन खोजिएको तर सम्पर्क विहीन रहेको कारण पक्राउ गर्न नसकिएकाे बताए ।

बरामद भएको खाद्यान्नको पनि अनुसन्धान भइरहेको प्रहरी उपरीक्षक शाहले जानकारी दिए ।

चौथो पटक सांसदमा निर्वाचित रमेश रिजाल बने उद्याेग मन्त्री

0

वीरगंज । पर्सा निर्वाचन क्षेत्र नम्बर ४ का प्रतिनिधि सभा सदस्य रमेश रिजाल सङ्घ सरकारको उद्योग, वाणिज्य तथा आपूर्ति मन्त्रीमा नियुक्त भएका छन् ।

प्रधानमन्त्री पुष्पकमल दाहाल (प्रचण्ड) नेतृत्वको सरकारमा रिजाल नेपाली कांग्रेसको तर्फबाट उद्योग मन्त्रीमा नियुक्त भएका हुन् । नेपाली कांग्रेसको केन्द्रीय सदस्यसमेत रहेका रिजालले शुक्रबार मन्त्रीको शपथ समेत ग्रहण गरेका हुन् ।

राष्ट्रपति रामचन्द्र पौडेलले नवनियुक्त उपप्रधानमन्त्री एवं मन्त्रीलाई पद तथा गोपनीयताको शपथ गराएका थिए ।

शपथग्रहण गर्नेहरूमा उपप्रधानमन्त्री तथा रक्षामन्त्रीमा पूर्णबहादुर खड्का, अर्थमन्त्रीमा डा प्रकाशशरण महत, उद्योग वाणिज्य तथा आपूर्ति मन्त्रीमा रमेश रिजाल र सहरी विकासमन्त्रीका रुपमा सीता गुरुङ रहेका छन् ।

यस्तै, नेकपा (माओवादी केन्द्र)का शक्ति बहादुर बस्नेतले पनि पद तथा गोपनियताको शपथ लिएका हुन् । उनले ऊर्जा, जलस्रोत तथा सिँचाइ मन्त्रालयको जिम्मेवारी पाएका छन् ।

नेकपा (एकीकृत समाजवादी)का तर्फबाट कृषि तथा पशुपन्क्षी विकासमन्त्रीमा वेदुराम भुसाल र भौतिक पूर्वाधार तथा यातायात व्यवस्थामन्त्रीका रुपमा प्रकाश जवालाले शथप लिएका हुन् ।

जनता समाजवादी पार्टी नेपालका तर्फबाट शिक्षा, विज्ञान तथा प्रविधि मन्त्रीमा अशोक राईले पद तथा गोपनियताको शपथ लिएका छन् । लोकतान्त्रिक समाजवादी पार्टीकातर्फबाट शरतसिंह भण्डारी श्रम, रोजगार तथा सामाजिक सुरक्षामन्त्री बनेका हुन् ।

यस्तै, नागरिक उन्मुक्ति पार्टीकी अध्यक्ष रञ्जिता श्रेष्ठ चौधरीले भूमि व्यवस्था, सहकारी तथा गरिबी निवारण मन्त्रीको रुपमा पद तथा गोपनियताको शपथ लिनुभएको छ । यसैगरी, नेपाल समाजवादी पार्टीका महिन्द्रराय यादवले महिला, बालबालिका तथा ज्येष्ठ नागरिक मन्त्रीको रुपमा शपथ लिएका हुन् ।

राष्ट्रपति कार्यालय शीतलनिवासमा आयोजित विशेष समारोहमा राष्ट्रपति पौडेलले उपप्रधानमन्त्री एवं मन्त्रीहरूलाई शपथ गराएका थिए ।

सो अवसरमा उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, राष्ट्रिय सभाका अध्यक्ष गणेशप्रसाद तिमिल्सिना, कायममुकायम प्रधानन्यायाधीश हरिकृष्ण कार्की, संवैधानिक निकायका प्रमुख, वरिष्ठ सञ्चारकर्मीलगायतको सहभागिता रहेकाे थियो ।

काे हुन् नवनियुक्त मन्त्री रिजाल ?

नवनियुक्त उद्योग मन्त्री रमेश रिजाल पर्सा जिल्लाका पुराना कांग्रेसी नेता हुन् । ६ दशक लामो राजनीतिक संघर्ष गरेका उनी यसबीचमा २०७९ सालकाे निर्वाचनमा चाैथाे पटक पर्सा क्षेत्र नम्बर ४ बाट प्रतिनिधि सभा सदस्यमा निर्वाचित भएका थिए ।

पर्साको जगरनाथपुर गाउँपालिका–५, धर्मपुर मसिहानीमा जन्मिएका रिजाल १४ वर्षकै उमेरमा म्याट्रिक (एसएलसी) गरेर वीरगंजकाे ठाकुरराम बहुमुखी क्याम्पसबाट वाणिज्यशास्त्रमा स्नातक भए ।

उनका बुवा मेघनाथ उपाध्याय ०१५ सालमा भएको पहिलो आम निर्वाचनमा नै नेपाली कांग्रेसबाट उम्मेदवार थिए । रमेश पनि होस सम्हालेदेखि नै आफ्ना पिताको राजनीतिक बाटोमा लागेका थिए । उनी विद्यार्थी जीवनमा नेविसंघको राजनीतिमा सक्रिय बने । २०२६–०४६ को अवधिमा पटक–पटक गरी ३ वर्ष जेल जीवन बिताए ।

पर्सा कांग्रेसको सचिवको जिम्मेवारीबाट पार्टी राजनीतिमा आएका रिजालले २०५९ सालमा प्रजातान्त्रिक कांग्रेस गठन हुँदा शेरबहादुर देउवालाई साथ दिए । त्यसयता लगातार देउवा क्याम्पमा रहे उनी । यसबीचमा उनी पार्टीमा अनुशासन समिति संयोजक, कार्य सम्पादन समिति सदस्य र मधेश प्रदेश संयोजक रहे ।

प्रतिनिधिसभा निर्वाचनबाट चौथो पटक प्रतिनिधिसभा सदस्य निर्वाचित रिजालले यसपाली भने मन्त्री बन्ने अवसर पाएका छन् । गत ४ मंसिरको निर्वाचनमा उनले नेकपा एमालेका जालिम मियाँ मन्सुरीलाई पराजित गरेका थिए । रिजालले ३१ हजार १४२ र मन्सुरीले २५ हजार ६१२ मत पाएका थिए ।

उद्योग र व्यापार क्षेत्रकाे आर्थिक संकट समाधान गर्छु : उद्योग मन्त्री रिजाल

नवनियुक्त उद्योग वाणिज्य तथा आपूर्ति मन्त्री रमेश रिजालले आर्थिक संकटबाट गुज्रिएको उद्योग र व्यापारिक क्षेत्रलाई माथि उठाउने बताएका छन् । शुक्रबार राष्ट्रपतिबाट मन्त्री पदकाे शपथ लिएपछि सन्चारकर्मीहरुसंग कुरा गर्दै रिजालले हालको आर्थिक संकट आफ्नो कार्यकालमा समाधान गर्ने दाबी गरे ।

‘उद्योग, वाणिज्य र आपूर्तिका क्षेत्रमा आर्थिक संकटका कारण समस्याहरु छन्,’ मन्त्री रिजालले भने, ‘यसलाई मेरो पालामा समाधान गर्छु । उद्योग र व्यापारिक क्षेत्रलाई संकटबाट माथि उठाउँछु ।’

निजी क्षेत्रलाई विश्वासमा लिएर मुलुकको औद्योगीकरण र व्यावसायिक वातावरण र आपूर्ति व्यवस्था सहज बनाउन आफ्नो प्रमुख भूमिका हुने मन्त्री रिजालले बताए । विश्वको मञ्चमा तीब्र आर्थिक विकास गरिरहेका नेपालका दुई छिमेकी मुलुक भारत र चीनको आर्थिक समृद्धिबाट नेपाललाई लाभ हुनेगरी पहल गर्ने पनि उनले बताए ।

दुई ठूला मुलुकहरुबाट लाभ लिन सक्नेगरी नेपालमा लगानी भित्र्याउन पनि मैले पहल गर्नेछु,’ मन्त्री रिजालले भने, ‘यसका लागि प्रधानमन्त्रीलाई पनि विश्वासमा लिनेछु ।’ मन्त्रालयमा आफूले धेरै कुरा सिक्न बाँकी रहेको भन्दै उनले कर्मचारी र सम्पूर्ण संस्थान तथा कार्यालयहरुबाट सकारात्मक सहयोगको अपेक्षा गरेको पनि उनले बताए ।

राम नाम मात्र हाेइर राम जस्ताे व्यवहार पनि गर्नु पर्याे : विधायक विहारी

0

वीरगंज । रामनवमीकाे अवसरमा भारत विहारकाे सेनवरिया सिधवलियामा लागेकाे मेलाकाे बिहिबार लउरीया विधान सभाका विधायक विनय विहारीले उद्घाटन गरेका छन् ।

एक भव्य कार्यक्रमका बिच मेलाकाे उद्घाटन गर्दै विधायक विहारीले राम नाम भनेर मात्र हाेइन राम जस्ताे व्यवहार गर्नु पर्ने वताएका छन् । विधायक विहारीले आफ्नाे आमा र बुवाकाे आदेश पाल्ना गरेका रामकाे जन्म आजकाे दिन भएकाेले हामीले विभिन्न किसिमले उत्सव मनाउने गरेकाे वताए ।

उनले भने “आजकाे छाेरा/छाेरी आमा बुवाकाे ओषधी समेत ल्याउन मान्दैनन् । त्यही भएर रामकाे नारा मात्र लगाएर केही फाइदा हुँदैन, राम जस्ताे व्यहार गर्नु पर्छ ।”

उद्घाटन कार्यक्रममा पकहा मैनपुर गाउँपालिकाका अध्यक्ष सुरेश मेहतालाई गाउँवासीले फुल माला र दाेसल्ला ओढाएर सम्मान गरेका थिए ।

कार्यक्रममा सिकटा विधान सभाका विधायक दिलिप बर्माका छाेरा आयुष बर्मा, भेलाहीका पूर्व मुखिया भुवन पटेल, एमालेका नेता धामु शर्मा, जसपाका नेता तबरेज अहमद, पकहा मैनपुर ५ का पूर्व वडाध्यक्ष लेखन पटेल लगायतकाे सहभागिता रहेकाे थियाे । 

बारा २ मा रास्वपाको उम्मेदवार रमेश खरेल

0

वीरगंज । राष्ट्रिय स्वतन्त्र पार्टी (रास्वपा) ले आगामी वैशाख १० गते चितवन, तनहुँ र बारामा हुने उपनिर्वाचनका लागि उम्मेदवारहरूको प्रारम्भिक नामावली सार्वजनिक गरेको छ।

बिहीबार रास्वपाले एक विज्ञप्ति जारी गर्दै चितवन निर्वाचन क्षेत्र नम्बर २, तनहुँ-१ र बारा-२ को प्रतिनिधि सभा सदस्यको उपनिर्वाचनका लागि प्रारम्भिक उम्मेदवारको नामावली सार्वजनिक गरेको हो।

रास्वपाले चितवन-२ मा रवि लामिछानेलाई उम्मेदवार सिफारिस गरेको छ। तनहुँ-१ मा डाक्टर स्वर्णिम वाग्ले, ईश्वर लामिछाने र डाक्टर रूपक विक घिमिरेको नाम सिफारिस गरिएको छ। 

त्यस्तै बारा-२ मा रास्वपाले रमेश खरेल र युवराज न्यौपानेको नाम सिफारिस गरेको छ।

तनहुँमा तीन जनाको नाम सिफारिस भए पनि पार्टीले यहाँ स्वर्णिम वाग्लेलाई र बारा-२ मा रमेश खरेललाई उम्मेदवार बनाउने भएको रास्वपा स्रोतले जनाएको छ।

पूर्व डिआइजी खरेल सुशासन पार्टी खोलेर गत निर्वाचनमा काठमाडौं-१ बाट उठेका थिए। यसपालि उनलाई रास्वपाले बारा-२ बाट उम्मेदवार बनाउन लागेको हो। 

रास्वपाले यी प्रारम्भिक उम्मेदवारीउपर दाबी विरोध गर्न चैत १७ गते बिहान ११ बजेसम्मको समय दिएको छ।

रामनवमीमा वीरगंजमा गुन्जियाे जय श्रीरामकाे नारा

0

वीरगंज । रामनवमीकाे अवसरमा बिहिबार वीरगंजमा भव्य शाेभा यात्रा सम्पन्न भएकाे छ । कुर्मी सेवा सदन तथा कुर्मी सशक्तिकरण मंच पर्सा लगायतकाे संघ/संस्थाहरुकाे आयाेजना निस्केकाे शाेभा यात्रामा हिन्दु समाजका युवाहरुकाे उत्सापूर्ण  सहभागिता रहेकाे थियाे ।

शाेभा यात्रामा सहभागि अधिकांशले भगुवा बस्त्र लगाएका थिए । उनीहरु जय श्री राम लेखिएकाे झन्डा समेत हातमा लिएर सक्रिए सहभागिता जनाएका थिए । वीरगंज नगरकाे परिक्रममा गरेकाे शाेभा यात्राका सहभागिहरुले जय श्रीरामकाे नारा लगाएका थिए ।

डिजे बाजासहित वीरगंजकाे विभिन्न टाेलबाट निस्केकाे जुलुशहरु वीरगंज बजार क्षेत्र परिक्रममा गर्ने जय श्रीरामकाे नारा दिनभर गुन्जिरहयाे । रामनवमीकाे अवसरमा यस्ताे कार्यक्रम भएकाे याे पहिलाे भएकाे वताइएकाे छ । 

कुर्मी समाजकाे शाेभा यात्रामा प्रतिनिधि सभा सदस्य विना जयसवाल कुर्मी, प्रदेश सभा सदस्य श्याम पटेल, नेपाली कांग्रेसका नेता रामनारायण कुर्मी, नेकपा एमालेका नेता शिव पटेल, जनता समाजवादी पार्टीका नेता सुरेन्द्र कुर्मी, नेकपा एकीकृत समाजवादीका नेता मनाेज चाैधरी लगायतकाे विशेष सहभागिता रहेकाे थियाे ।   

कांग्रेसले टुङ्ग्यायाे मन्त्रीको नाम, पर्साबाट रमेश रिजाल मन्त्री बन्दै

0

वीरगंज । नेपाली कांग्रेसले सरकारमा सहभागी हुने मन्त्रीहरुको नाम टुङ्ग्याएको छ । कांग्रेसले उपसभापति पूर्णबहादुर खड्काको नेतृत्वमा ८ जना सांसदलाई मन्त्रालयमा पठाउने भएको छ ।

कांग्रेसबाट उपसभापति खड्का र रमेश रिजालमध्ये एक जनाले परराष्ट्र र एक जनाले रक्षा मन्त्रालयको जिम्मेवारी सम्हाल्ने छन् । रमेश रिजाल पर्सा निर्वाच क्षेत्र नं. ४ बाट निर्वाचित प्रतिनिधि सभा सदस्य हुन् । 

यस्तै अर्का उपसभापति धनराज गुरुङ् सामान्य प्रशासन, एनपी साउँद शहरी विकास, सिता गुरुङ् भूमि ब्यवस्था, डिग बहादुर लिम्बू कानून, प्रकाश शरण महत अर्थ र मोहन बहादुर बस्नेत स्वास्थ्य मन्त्रालयको जिम्मेवारी सम्हाल्ने भएका हुन् ।

बिहीबार बसेको कांग्रेस केन्द्रीय कार्यसम्पादन समितिको बैठकले कांग्रेसबाट मन्त्रीको नाम टुङ्गो लगाउने जिम्मेवारी सभापति शेरबहादुर देउवालाई दिएका थिए ।

स्वर्गीय नरेश सर्राफ पत्रकारिता पुरस्कारबाट पत्रकार सिंह पुरस्कृत

0

वीरगंज । प्रथम स्वर्गीय नरेश सर्राफ स्मृति क्रियाशिल पत्रकारिता पुरस्कार पत्रकार राजेन्द्र सिंहले पाएका छन । नेपाल पत्रकार महासंघ पर्साले एक कार्यक्रमका बिच २० हजार राशीको क्रियाशिल पत्रकारिता पुरस्कार पत्रकार सिंहलाई वितरण गरेको हो ।

पत्रकार महासंघ पर्साकाे सभाहलमा आयाेजित कार्यक्रममा सिंहलाई पर्साका प्रमुख जिल्ला अधिकारी हिरालाल रेग्मीले सम्मान पत्र र पुरस्कार राशी बाराबरकाे चेकले पुरस्कृत गरेका थिए ।

गत शनिबार बसेको पत्रकार महासंघ पर्सा शाखाको बैठकले महासंघकाे स्थापना दिवसकाे अवसरमा पत्रकार सिंहलाई पुरस्कृत गर्ने निर्णय गरेकाे थियो । प्रेस चौतारी पर्साको सचिव समेत रहेका पत्रकार सिंह हाल रेडियो नेपाल, एन्युज टेलिभिजन र पब्लिक एफएममा कार्यरत छन् ।

नेपाल पत्रकार महासंघ पर्साका अध्यक्ष अनुपत तिवारीको अध्यक्ष्तामा भएको कार्यक्रममा जिल्ला प्रहरी कार्यालय पर्साका प्रहरी उपरिक्षक कोमल शाह, नेपाल पत्रकार महासंघका पुर्व केन्द्रिय सदस्य महेश दास, प्रेस युनीयन पर्साका अध्यक्ष रामनारायण कुर्मी, समाजवादी प्रेस संगठन पर्साका अध्यक्ष मनोज पटेल लगायतकाले मन्तव्य राखेका थिए ।

कार्यक्रमको सहजीकरण नेपाल पत्रकार महासंघ पर्साका उपाध्यक्ष युवराज खड्काले गरेका थिए भने स्वागत मन्तव्य नेपाल पत्रकार महासंघ पर्साका कोषाध्यक्ष संजीव मिश्राले गरेका थिए ।

स्वर्गीय पत्रकार सर्राफ नेपाल पत्रकार महासंघ पर्साका कार्यसमिति सदस्य थिए । उनको यसै बर्षकाे मंसिर १५ गते हृदयघात भएर अल्पायु मै निधन भएको थियो ।

अक्षयकोषमा अध्यक्ष अहमदको ५० हजार सहयोग

पुरस्कार वितरण कार्यक्रम मै स्वर्गीय पत्रकार नरेश सर्राफको स्मृतिमा स्थापना भएको अक्षयकोषमा राष्ट्रिय भूमि आयोग पर्साका अध्यक्ष तवरेज अहमदले रु ५० हजार सहयोग गरेका थिए ।

जनता समाजवादी पार्टी पर्साका सचिव समेत रहेका अहमदले सहयाेग रकम बराबरकाे चेक पत्रकार महासंघ पर्साका अध्यक्ष अनुप तिवारी र काेषाध्यक्ष संजिव मिश्रलाई हस्तान्तरण गरेका थिए ।

अहमदले मंसिर २५ गते समाजवादी प्रेस संगठन पर्सा र रेडियाे वीरगंजले संयुक्त रुपमा आयाेजना गरेकाे श्रद्धाञ्जलि सभामा अक्षय काेषमा एक महिनाकाे तलब सहयाेग गर्ने घाेषणा गरेका थिए । 

महासंघकाे स्थापना दिवसकाे अवसरमा प्रभातफेरी

नेपाल पत्रकार महासंघको ६८ औं स्थापना दिवसको अवसरमा बिहिबार विहान वीरगंजमा प्रभातफेरी समेत निकालिएकाे थियाे ।  

नेपाल पत्रकार महासंघ पर्सा शाखाकाे आयाेजनामा वीरगंजकाे घण्टाघरबाट निस्केकाे प्रभातफेरी माइस्थान पुगी पुन: घण्टाघरमा हुँदै मुर्लीस्थित नेपाल पत्रकार महासंघ पर्साकाे भवनमा पुगी सम्पन्न भएकाे थियाे ।

पर्सागढीमा दुई महिने सिलाईकटाई तालिम सम्पन्न

0

वीरगंज । पर्साकाे पर्सागढी नगरपालिका वडा नं. २ बागवानामा संचालित ६० दिने सिलाई कटाई तालिम सम्पन्न भएकाे छ ।  पर्सागढी नगरपालिकाको आर्थिक सहयोग र परिवर्तन अभियान नेपाल पर्साकाे आयाेजनामा संचालित तालिम सम्पन्न भएकाे हाे । 

उक्त कार्यक्रममा अथिति गण श्री लक्ष्मी बिक ,राधिका चौधरी ,बिरेन्द्र महतो थारू र लक्ष्मण आचार्य आदिले सिलाई कटाई तालिमको उदेश्य र महतब बारे प्रकाश पारेका छन् ।

तालिम समापन समाराेहलाई सम्बाेधन गर्दै पर्सागढी नगरपालिकाका मेयर गोकर्ण पाठकले ६० दिने सिलाई कटाई तालिममा सिकेका सीपको उपयोग गर्दै स्वरोजगार बन्न सहभागीहरूलाई आग्रह गरे । उनले यस्ताे सिपमूलक कार्यक्रम फेरि ल्याउने पनि प्रतिबद्धता जनाए ।

आयाेजक संस्था परिवर्तन अभियानका अध्यक्ष मनोज कुमार यादवकाे अध्यक्षता र मेयर पाठककाे प्रमुख आतिथ्यतामा भएकाे समापन कार्यक्रममा वडा नं. २ का अध्यक्ष बिरेन्द्र महतो थारू, वडा सदस्य लक्ष्मी बिक, श्री श्यामसुन्दर चौधरी, लक्ष्मण आचार्य , हिरामति पंजियार, वडा सचिव राधिका चौधरी, मनिषा महतो, विन्देश्वर साह लगायतले मन्तव्य राखेका थिए ।