Date
सोम, कार्तिक ३०, २०८३
Mon, November 16, 2026
Home Blog Page 539

युवालयद्वारा बालविवाह अन्त्य गर्न अभिभावकीय अभिमुखीकरण

0

वीरगंज । पर्साको पर्सागढी नगरपालिकाको विभिन्न वडामा बालविवाह अन्त्य गर्न अभिभावकीय अभिमुखीकरण सम्पन्न भएको छ । काठमाण्डौको युवालय भन्ने समाजिक संस्थाबाट संचालित क्रियटीङ सेफ स्पेस फर चिल्ड्रेन कार्यक्रम अन्तर्गत अभिमुखिकरण सम्पन्न भएकाे हाे । 

कार्यक्रममा बालविवाह अन्त्यको लागि अभिभावकको भुमिका र यस कुरुतिबाट हुने विभिन्न किसिमको असर, प्रभाव र यसलाई न्युनिकरण गर्न अभिभावकले खेल्नु पर्ने भूमिकाको विषयमा प्रशिक्षण यस कार्यक्रमका प्रशिक्षक भेष साहले दिएका थिए । 

कार्यक्रम बारे प्रकाश पार्दै युवालय पर्सा जिल्ला संयोजक राहुल साहले बालबालिकाको उज्वल भविष्यको लागि हाम्रो संस्थाले पर्शागढी नगरपालिकाको आठ वटा विद्यालयमा विभिन्न किसिमको विद्यालय स्तरीय कार्यक्रम, शिक्षकलाई तालिम तथा अभिभावकलाई समेत अभिमुखिकरण गराउँदै आएकाे वताए ।

उनले विभिन्न किसिमको अभिमुखीकरण मार्फत जनचेतना जगाउनुका साथै विद्यालयलाई हरित बनाउन वृक्षारोपण कार्यक्रम तथा हरेक विद्यालयमा डस्टविन राख्ने कार्यक्रम समेत हाम्रो संस्थाले गरिरहेको बताए ।

बाल उद्यान र विपश्यना पार्कलाई हेर्न र घुम्न लायक बनाइन्छ : मेयर सिंह

0

वीरगंज । वीरगंजलाई नयाँ पुस्ताले चाहेको जस्तै शहर बनाउने बाटोमा आफूहरु अग्रसर रहेको महानगरपालिकाका मेयर राजेशमान सिंहले बताएका छन् । वीरगंज पब्लिक कलेजमा साेमबार रेडियो वीरगंजले आयोजना गरेको ‘नयाँ पुस्तासँग मेयर’ संवाद कार्यक्रमलाई सम्बोधन गर्दै मेयर सिंहले आफ्नै कार्यकालमा महानगरको मुहार परिवर्तन गर्ने प्रतिबद्धता जनाए ।

उनले भने, ‘तपाई जस्तै युवाहरु नै मेरो ऊर्जाको स्रोत हुनुहुन्छ । तपाईहरुको साथ र सहयोग पाएँ भने महानगरलाई सभ्य, सुन्दर र घुम्न लायक बन्नमा कुनै समय लाग्दैन ।’ महानगरले अहिलेसम्म गरेका कामहरुको मुल्यांकन गर्दै आवश्यक सुझावसहित त्रुटीहरु औँल्याइदिन पनि उनले आग्रह गरे ।

सहभागी युवाहरुको जिज्ञासा मेटाउँदै मेयर सिंहले भने, ‘बाल उद्यान पार्क र परवानीपुरको विपश्यना पार्कलाई मनमोहक बनाउँदै नि:शुल्क प्रवेश गर्न पाइने बनाइनेछ । कुनै पनि किसिमको शुल्क तिर्नु नपर्ने गरी काम भइरहेको छ । पार्कलाई व्यवस्थित बनाई हेर्न र घुम्न लायक बनाउने तयारी भइरहेको छ ।’

उनका अनुसार वीरगंजकाे मितेरी पुलदेखि परवानीपुरसम्म घुम्ने र रमाउने खालका स्थानहरु निर्माणको अन्तिम तयारीमा छ । मुख्य सडक मात्रै नभएर गल्ली र अन्य स्थानका सबै सडकहरुलाई सुन्दर बनाउने महानगरको योजना रहेको पनि मेयर सिंहले सुनाए ।
महानगर अन्तर्गतका चार वटा सामुदायिक विद्यालयमा पूर्ण रुपमा अंग्रेजी माध्यम लागु गरिएको बताउँदै उनले नयाँ शैक्षिक सत्रदेखि शिक्षा क्षेत्रको सुदृढीकरणमा महानगर लागि परेको पनि जानकारी दिए ।

यसअघि शुल्क तिरेर पढ्नुपर्ने अंग्रेजी माध्यमलाई महानगरले निशुल्क बनाएर सबैले पढ्न पाउने व्यवस्था गरेको भन्दै उनले आउँदा शैक्षिक क्षेत्रबाट अन्य विद्यालयलाई पनि यस्तै परिमार्जन गर्दै लैजाने गरी गृहकार्य भइरहेको पनि बताए ।

यात्रुबाहक बस लगायतका सार्वजनिक सवारी साधनमा पनि विद्यार्थीहरुलाई परिचय पत्रका आधारमा छुटको व्यवस्था गर्नका लागि महानगरले सरोकारवालाहरुसँग छलफल गर्ने र विद्यार्थीको सहजताका लागि आवश्यक काम गरिने स्पष्ट पारे ।

वीरगंजमा घुम्ने ठाउँकाे अभाव : नयाँ पुस्ता 

कर्यक्रममा सहभागि नयाँ पुस्ताका सुमित क्यालले महानगर प्रमुखमा सिंह निर्वाचित भएदेखि धेरै सुधार र विकासका काम भएको बताए । उनले भने, ‘अहिलेसम्मको प्रगती सन्तोषजनक छ, तर यहाँ घुम्ने र रमाउने खालका ठाउँहरुको अभाव छ । विदाको दिन हामीलाई अहिले पनि हेटौडाको त्रिखण्डी, चितवनको सौराहा लगायतका ठाउँमा पुग्नुपर्छ । यसको अन्त्यका लागि पहल गरियोस् ।’

कार्यक्रममा सहभागी आशिका शर्माले वीरगंज ब्रह्म चोक पछाडीको क्षेत्रमा फोहोर उठाउने ट्याक्टर तथा सफाईकर्मीहरु नपुगेको गुनासो गरे । वीरगंजकाे पावरहाउसका शिशिर झाका अनुसार सडक लगायत विभिन्न सार्बजनिक स्थानहरुमा डस्टबिन राख्नुपर्ने आवश्यक्ता खट्किएको बताए ।

विद्यालयको शूल्कमा एकरुपता ल्याउनुका साथै शूल्क नदिँदा विद्यालयले दुर्ब्यवहार गर्ने गतिविधिप्रति सुधार गर्नुपर्ने आर्यन साहको सुझाव छ ।

वीरगंजकाे श्याम गुप्ताले वीरगंजमा पनि पढ्दै कमाउँदै सकिने खालको वातावरण निर्माण गर्नुपर्ने आवश्यक्ता औँल्याए ।
वीरगंज अशोकबाटीकाकी प्रिति पाण्डेले महानगरले सिरिसिया नदिलाई सफा बनाउने अभियान चालेकोमा खुशी व्यक्त गर्दै अब आउने छठ पर्वमा सफा नदिमा पूजा गर्न पाउने अपेक्षा व्यक्त गरिन । 

शिक्षाका लागि बाहिरिने विद्यार्थीको संख्या बढ्दै गएको प्रति चिन्ता व्यक्त गर्दै स्थानीय ध्रुबराज पराजुलीले वीरगंज मै टिकाउने खालका कार्यक्रम ल्याउन आग्रह गरिन । विभिन्न स्थानमा रहेका नालालाई कभर गर्नुपर्ने र सिर्सिया पुलमा सेफ्टि बेरियर र लाईट राख्न पनि उको आग्रह थियो ।

वीरगंज पब्लिक कलेजका निर्देशक डा. दिपक शाक्यकाे अध्यक्षतामा भएकाे कार्यक्रमकाे सहजिकरण पत्रकार ध्रुव साहले गरेका थिए ।

भ्रष्टाचार प्रकरणमा संलग्न सबैलाई कारवाही हुनुपर्छ : अध्यक्ष नेपाल

0

वीरगंज । पूर्व प्रधानमन्त्री एवम् नेकपा (एकीकृत समाजवादी) पार्टीका अध्यक्ष माधवकुमार नेपालले आफ्नै देशका नागरिकलाई अनागरिक बनाएर अर्को देशको नक्कली पहिचान बनाएर बिदेश पठाउने काम राष्ट्रद्रोही भएको बताएका छन् ।

समाजवादी प्रेस संगठन नेपाल पर्साले सोमबार वीरगंजमा आयाेजना गरेकाे पत्रकार सम्मेलनमा वाेल्दै अध्यक्ष नेपालले नक्कली भुटानी शरणार्थी भ्रष्टाचार प्रकरणमा सरकारले चालेको कदमको सराहनिय रहेकाे वताए । उनले देशको मान, सम्मान र मर्यादामा आँच पु¥याउने भ्रष्टाचार प्रकरणमा संलग्न सबैलाई कानुनी कारवाहीकाे दायरामा ल्याउनु आग्रह गरे ।

‘राजनीतिको आडमा ठगी खाने पेशा बनाउनेलाई कुनै पनि हालतमा संरक्षण गरिनु हुन्न, दण्डित गर्नुपर्छ,’ उनले भने, ‘अहिलेसम्म सरकारले जुन कदम चालेको छ, एकदमै सह्रानीय छ । यही कामलाई निरन्तरता दियोस् । अन्तिम समयसम्म पनि सरकारले खुट्टा कमाउनु हुँदैन ।’

उनले सांस्कृतिक एवम् प्राकृतिक सम्भावना तथा वीरहरुको इतिहास बोकेको देशमा अत्यन्तै निन्दनीय काम गर्नु बिडम्बना भएको बताए । उनले दलित भएकै कारण विभेद भोग्नुपरेका अमानवीय घटनामा विभेद गर्नेहरुको अझै चेत नखुलेको बताए ।

समाजवादी प्रेस संगठन पर्साका अध्यक्ष मनोज पटेलको अध्यक्षतामा भएको पत्रकार सम्मेलनमा नेकपा एसका केन्द्रीय सचिव नागेन्द्र चौधरी, दलित मुक्ति संगठनका अध्यक्ष एवम् पार्टीका पोलिटब्युरो सदस्य गणेश बिक, केन्द्रीय सदस्य एवम् पर्सा जिल्ला अध्यक्ष बालगोपाल थापा, महानगर कमिटी अध्यक्ष मनोज चौधरी, समाजवादी प्रेस संगठनका केन्द्रीय उपमहासचिव रामकुमार एलनलगायतको उपस्थिति रहेकाे थियो ।

वीरगंजस्थित मकालु हाेटलमा भएकाे पत्रकार सम्मेलनकाे सहजीकरण समाजवादी प्रेस संगठन पर्साका उपाध्यक्ष शम्भु कुमार सुमनले गरेका थिए ।

पकहाँ मैनपुर गाउँपालिकामा शाेक सभा

0

वीरगंज । पर्साको पकहाँ मैनपुर गाउँपालिकाले आइतबार शाेक सभा गरेकाे छ । गाउँ कार्यपालिका कार्यालयमा कार्यरत कार्यालय सहयाेगी कलावती देवीको निधन भएकाे शाेकमा गाउँपालिकाले शाेक सभा गरेकाे हाे ।

शोक सभामा गाउँपालिका अध्यक्ष सुरेश मेहताले स्व. कलावति देवीको तस्बिरमा अबिरको टिका र फुलको गुच्छा चढाएर श्रद्धाञ्जली दिएका थिए ।

शोक सभामा वाेल्दै अध्यक्ष मेहताले क्रियाशिल, कर्मठ, ईमान्दार र अनुशासित कार्यालय सहयोगी गुमाउँदा पालिकालाई ठेस पुगेकाे वताए । उनले पालिकाले एक अनुशासित र इमान्दार कर्मचारी गुमाएकाे वताए । 

वीरगंजकाे श्रीपुर घर भएकाे कार्यालय सहयाेगी कलावतीकाे शनिबार अल्पायु मै निधन भएकाे थियाे । उनकाे निधनकाे शाेकमा आइतबार गाउँपालिकाले सार्वजनिक विदा समेत दिएकाे थियाे । 

शोक सभामा वडा नम्बर १ का वडाध्यक्ष बिनोद मेहता, वडा नम्बर ४ का वअध्यक्ष ढेडी यादव, प्रशासन प्रमुख हरिमोहन महतो, योजना शाखाका सहायक संदिप साह लगायत कर्मचारीहरुको सहभागीता रहेको थियो । 

पूर्व प्रधानमन्त्री नेपाल वीरगंजमा

0

वीरगंज । पूर्व प्रधानमन्त्री एवम् नेकपा (एकीकृत समाजवादी) का अध्यक्ष माधव कुमार नेपाल वीरगंज आएका छन् । अध्यक्ष नेपाल आइतबार सांझ ५:३० काे विमानले वीरगंज आएका हुन् ।

दलित मुक्ती संगठन मधेस प्रदेशको दोस्रो प्रदेश अधिबेशनमा सहभागि हुन अध्यक्ष नेपाल वीरगंज आएका दलित मुक्ती संगठन पर्साका इन्चार्ज बृजलाल पासवानले जानकारी दिए ।

अध्यक्ष नेपाललाई स्वागत गर्न सिमरा विमानस्थलमा नेकपा (एकीकृत समाजवादी) का नेता नागेन्द्र चाैधरी, किशान श्रेष्ठ, दिनेश राई, बालगाेपाल थापा, किशाेरी कुशवाहा, मनाेज चाैधरी लगायतका पुगेका थिए ।

उनी वीरगंज कै एक हाेटलमा बास बसेका छन् । साेमबार विहान ९ बजे पत्रकारसंग भेटघाट गरि ११ बजेदेखी नगर सभा गृह वीरगंजमा आयाेजना हुने अधिबेशनमा सहभागि हुने कार्यक्रम रहेकाे छ ।  

एल.एस. न्युराेकाे सहयाेगमा नि:शुल्क स्वास्थ्य शिवीर सम्पन्न

0

वीरगंज । नेपाली सेनाकाे आयाेजनामा बाराकाे सिम्राैनगढमा बृहत नि:शुल्क स्वास्थ्य शिवीर सम्पन्न भएकाे छ । सिम्रोनगढस्थित कन्कालीमाई विद्यालयमा भएकाे शिविरमा १ हजार २५ जनाले स्वास्थ्य परिक्षण गराएका हुन् ।

नेपाली सेना श्री मध्य पुर्वी पृतना हेड्क्वाटरको मार्गनिर्देशन, श्री २८ नम्बर बाहिनी अड्डाको पहल र श्री ज्वालदल गण बाराको  संयोजकत्व तथा एल.एस. न्युरो एन्ड जेनरल हस्पिटल प्रा. लि.को सहयोगमा बृहत शिविर सम्पन्न भएको हाे ।

शिविरमा बिरामीहरुलाई नि:शुल्क औषधि समेत बितरण  गरिएको श्री ज्वालदल गण का सेनानी कृष्ण कुमार श्रेष्ठले जनकारी दिए ।

एल. एस. न्युराे हस्पिटलका बरिष्ठ फिजिसियन डाक्टर अजय गुप्ता, वरिष्ठ स्त्री तथा प्रसुती रोग विशेषज्ञ डा. एनि पाण्डे, डा. तरनुम अफरोज, मेडिकल अफिसर डा.आमिर हुसेन डा. मनोहर हवारी  गुप्ता, साबित्रा आधिकारी लगायतकाको टोलीले शिविरमा सहभागीहरुको स्वास्थ्य परीक्षण गरेका थिए ।

शिविरकाे उदघाटन नेपाली सेनाका मध्य पुर्बी पृतना हेड्क्वाटरको पृतनापति उपरथि प्रेम ध्वज अधिकारीले गरेका थिए ।

पकहाँ मैनपुर गाउँपालिकामा आज शोक विदा

0

वीरगंज । कर्मचारी निधन भएकाे शाेकमा पर्साकाे पकहाँ मैनपुर गाउँपालिकाले आज (आइतबार) शाेक विदा दिएकाे छ । कार्यालय सहयोगि पदमा कार्यरत कर्मचारी कलावती देवी धानुककाे निधन भएकाे शाेकमा गाउँपालिकाकाले विदा दिएकाे हाे ।

कर्मचारी निधन भएकाे शाेकमा आज गाउँपालिका कार्यालय, सम्पूर्ण वडा कार्यालयहरु साथै यस गाउँपालिका अन्तर्गत रहेका कार्यालयहरु समेत बन्द रहने गाउँपालिकाका प्रशासन प्रमुख हरि माेहन महताेले जानकारी दिए ।

गाउँपालिकाकाे कार्यालय सहयाेगी धानुककाे शनिबार अल्पायुमै निधन भएको थियाे । उनकै असमायिक निधन भएकाेमा गाउँपालिकाले दुःखद व्यक्त गर्दै परिवारजनप्रति समवेदना समेत व्यक्त गरेकाे छ ।

राउण्ड टेबलकाे आयाेजनामा वीरगंजमा दौड प्रतियाेगिता सम्पन्न

0

वीरगंज । ‘शिक्षाका लागि दौड’ नाराका साथ वीरगंजमा आयोजित म्याराथन प्रतियोगिता सम्पन्न भएको छ । राउण्ड टेबल नेपालद्वारा शनिबार आयोजित ‘वीरगंज म्याराथन – शिक्षाका लागि दौड’ सम्पन्न भएको हो ।

वीरगंजकाे आदर्शनगरस्थित पूरानो बसपार्कबाट सुरु भएको चार किलोमिटर लामो म्याराथनमा नगरका विभिन्न स्थान हुँदै पुन: पूरानो बसपार्क मै पुगेर सम्पन्न भएको थियो ।

म्याराथनमा अमरनाथ साह प्रथम भए । साह सबैभन्दा छिटो सुरुवाती बिन्दूबाट दौड सुरु गरेर पुन: पूरानो बसपार्क पुगेका थिए । उनलाई पुरस्कार स्वरूप १० हजार रुपैयाँ प्रदान गरिएको आयोजक संस्थाले जनाएको छ ।

दौडमा सत्रुधन पटेल दोस्रो र आलोक चन्द्र झा तेस्रो भए । उनीहरुलाई क्रमस ५ हजार र २५ सय रुपैयाँबाट पुरस्कृत गरिएको संस्थाका दिपाल खन्नाले जानकारी दिए । त्यस्तै सान्तावाना पुरस्कार स्वरूप चौथोदेखि आठौँ स्थानमा दौड सम्पन्न गरेका पाँच जनालाई ५ सय रुपैयाँको दरले पुरस्कृत गरिएको उनले बताए ।

विजेताहरुलाई राउण्ड टेबल इन्टरनेशनलका अध्यक्ष तथा कार्यक्रमका प्रमुख अतिथि जयन्त अग्रवाल, विशिष्ट अतिथि प्रायोजक हिमालयन बैंकका वीरगंज शाखा प्रवन्धक अमर अमात्य, राउण्ड टेबल इन्टरनेशनल आसपा क्षेत्रका प्रमुख सौरभ केडिया, क्षेत्र ३ का संयोजक आरोह मित्तल, वीरगंज फ्रेन्ड्स राउण्ड टेबल – ८ का कार्यक्रम प्रमुख मनिष लाठ लगायतले प्रमाणपत्र र पुरस्कार रासी बराबरको चेक हस्तान्तरण गरेका थिए ।

कार्यक्रमलाई सम्बोधन गर्दै प्रमुख अतिथि जयन्त अग्रवालले शिक्षाका लागि आयोजित दौडको परोपकारी नाराका साथ आयोजित म्याराथनमा वीरगंजवासीले देखाएको सहभागिताबाट आफू उत्साहित भएको बताए । म्यारथन आयोजनाको उद्देश्य शिक्षा मात्र नभएर स्थानीयलाई स्वस्थ रहन सन्देश दिनुपनि रहेको उनको कथन थियो । उनले आगामी दिनमा पनि राउण्ड टेबल नेपालले यस्ता कार्यक्रमको आयोजना गर्दा वीरगंज सहयोगको अपेक्षा गरेको बताए ।

त्यसैगरी विशिष्ट अतिथि हिमालयन बैंकका वीरगंज शाखा प्रवन्धक अमर अमात्यले शिक्षामा योगदान पुर्‍याउने उद्देश्यले आयोजित म्यारथनमा सहयोग गर्न पाउँदा गौरवान्वित महसुस गरेको बताए । अमात्याले आगामी दिनमा पनि यस्ता कार्यक्रममा आफ्नो बैंकले निरन्तर सहयोग गरिरहने प्रतिवद्धता व्यक्त गरे ।

वीरगंजमा भ्रष्टचार विरुद्ध प्रदर्शन

0

वीरगंज । वीरगंजमा शुक्रबार भ्रष्टाचार र भ्रष्टाचारी विरुद्ध प्रदर्शन भएकाे छ । नेकपा (एकीकृत समाजवादी) वीरगंज महानगर कमिटी र नेकपा माओवादी केन्द्र निकट वाइसिय पर्साकाे संयुक्त आयोजनामा भ्रष्टाचार विरुद्ध प्रदर्शन भएकाे हाे ।

वीरगंजकाे घण्टाघरदेखि निस्केकाे विराेध जुलुश माइस्थान चोक सम्म पुगि पुन: घण्टाघरमा पुगेर कोण सभामा परिणत भएको थियो ।  नक्कली भुटानी शरणार्थी प्रकरणमा जारी अनुसन्धानलाई अघि बढाउनका लागि दबाब स्वरूप प्रदर्शन गरिएकाे युवा संघ नेपालका केन्द्रीय सदस्य तथा पर्सा ईन्चार्ज अनिल पटेलले वताए ।

काेण सभामा नेकपा एस वीरगंज महानगरका अध्यक्ष मनाेज चाैधरी, सचिव बृजलाल पासवान, वाईसिएल पर्साका संयोजक दिपेन्द्र सिंह पटेल, संताेष पटेल, समाजवादी प्रेस संगठन पर्साका अध्यक्ष मनाेज पटेल, अनेरास्ववियू क्रान्तिकारीका सन्दीप विक्रम साह, विद्यार्थी नेता अनिश पटेल लगायतकाले भ्रष्टचार विरुद्ध कडाईकाे साथ सरकार अघि बढनु पर्ने वताएका थिए ।

पकहाँ मैनपुरमा प्रदेश सांसद क्षेत्रीद्वारा प्रयाेगशालाकाे उदघाटन

0

वीरगंज । प्रदेश सभा सदस्य जनार्दन सिंह क्षेत्रीले पर्साको पकहाँ मैनपुर गाउँपालिका वडा नम्बर २ मधुबनीमा रहेको पोखरीको जग्गामा पार्क निमार्ण गराउने प्रतिबद्धता जनाएका छन् । पर्सा क्षेत्र ३ काे २ बाट निर्वाचित प्रदेश सभा सदस्य क्षेत्रीले पकहाँ मैनपुर गाउँपालिकामा जनस्वास्थ्य प्रयाेगशालाकाे उदघाटन गर्दै साे प्रतिवद्धता जनाएका हुन् ।

नेपाली कांग्रेस पर्साका सभापति समेत रहेका क्षेत्रीले पकहाँ मैनपुरको अस्पताल १५ बेडको स्तारोतरी गर्नका लागि पनि केन्द्र तथा प्रदेशबाट बजेट बिनियोजन गराउन कुनै कसर वाकी नराख्ने वताए ।

उदघाटन समाराेहलाई सम्बाेधन गर्दै प्रदेश सभा सदस्य क्षेत्रीले पालिकाले कृर्षी, उन्नतजातका बाख्रा पालन, गाईपालन, भैंसी पालन जस्ता कार्यक्रममा फडको मार्न आग्रह गरे । उनले शिक्षालाई पनि बालविकास, नर्सरी देखी नै अंग्रेजी माध्यमबाट पढाउन पहलकदमी अगाडी बढाउन आग्रह गरे ।

उनले पोखरीयामा जिल्ला स्तरिय खेल मैदानका लागि पनि आफ्नो बजेट बिनियोजन गर्ने बताए । क्षेत्रीले पकहाँ मैनपुर गाउँपालिकालाई पर्सामा नमुनाको रुपमा पालिका बनाउन जनप्रतिनिधिहरुलाई आग्रह गरे ।

उनले भने “जसरी पर्सामा चुनावको बेला एकत्रित भई १४ पालिका मध्ये कांग्रेसका लागि नमुना पालिका बनेकाे छ । त्यसरी नै विकासको मामलामा नमुना बन्नुस् ।”

गाउँपालिका अध्यक्ष सुरेश मेहताको अध्यक्षमा भएको उदघाटन समारोहमा गाउँपालिका उपाध्यक्ष सरफुन नेशा, १ देखी ५ का वडाध्यक्षहरु, नेपाल ट्रेड युनियन तथा कांग्रेसका नेता लक्ष्मण कुर्मी, पुर्व महाधिवेश प्रतिनिधी मनोज यादव, नसुरुल्ला मियाँ, गाउँपालिका स्वास्थ्य संयोजक संजय कम्मकर, पकहाँ मैनपुर स्वास्थ्य ईन्चार्ज रामनाथ महतो लगायतकाले शुभकामना मन्तब्य राखेका थिए भन्ने कार्यक्रमकाे संचालन सोही पालिकाका समाजसेवी अनिल साहले गरेका थिए ।