Date
सोम, कार्तिक ३०, २०८३
Mon, November 16, 2026
Home Blog Page 538

शोषण र निरङ्कुशताविरुद्ध पार्टी प्रतिबद्ध छ : अध्यक्ष नेपाल

0

काठमाडौँ । नेपाल कम्युनिष्ट पार्टी (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले समाजमा भएका शोषण, दमन र निरङ्कुशतासँग जुधेर लोकतन्त्रका मूल्य, मान्यता स्थापित गर्न आफ्नो पार्टी प्रतिबद्ध रहेको बताउनुभएको छ ।

३०औँ मदन–आश्रित स्मृति दिवसका अवसरमा अध्यक्ष नेपालले आज विज्ञप्ति जारी गर्नुहुँदै जनताको लामो सङ्घर्षबाट प्राप्त राजनीतिक उपलब्धिलाई समाप्त गर्न कम्युनिष्ट आन्दोलन विसर्जनवादतर्फ उन्मुख भएकाले लोकतान्त्रिक माध्यमबाट सामाजिक न्यायसहितको समाजवादको आधार निर्माण गर्ने उद्देश्यले पार्टी पुनर्गठन गरिएको बताउनुभयो ।

पुष्पलाल श्रेष्ठले कोर्नुभएको जनवादी क्रान्तिको रुपरेखाको उत्तराधिकार ग्रहण गर्दै एकीकृत समाजवादीले यस क्रान्तिलाई उच्चतम लक्ष्यसम्म पु¥याउने सङ्कल्प गरिएको विज्ञप्तिमा उल्लेख छ । विश्वभर रक्षात्मक रहेको कम्युनिष्ट आन्दोलन तत्कालीन समयमा अग्रज नेता मदनकुमार भण्डारीले प्रतिपादन गर्नुभएको जनताको बहुदलीय जनवादले नेपाली क्रान्तिको मौलिक सिद्धान्तलाई स्थापित गरी अन्तर्राष्ट्रिय तहमा कम्युनिष्ट विचार तथा आन्दोलनलाई उचाइमा पु¥याएको अध्यक्ष नेपालद्वारा जारी विज्ञप्तिमा उल्लेख छ ।

नेपाली कम्युनिष्ट आन्दोलनका नवीन विचारक, सिद्धान्तकार, लोकतान्त्रिक र देशभक्तिपूर्ण आन्दोलनको नेतृत्वकर्ता जननेता भण्डारी र कुशल सङ्गठक जीवराज आश्रितले पार्टीको विधि विधान, सिद्धान्त, नीति र आदर्शअनुरुप सङ्गठन निर्माणमा गरेको अतुलनीय योगदानको स्मरणका साथै अध्यक्ष नेपालले उहाँहरूप्रति श्रद्धाञ्जलि व्यक्त गर्नुभएको छ । रासस

नागरिक उन्मुक्ति पार्टीद्वारा नेपाल बन्दकाे घोषणा

0

काठमाडौं । नागरिक उन्मुक्ति पार्टीले आगामी जेठ ६ गतेदेखि १० गतेसम्म नेपाल बन्द गर्ने घोषणा गरेको छ । रिपोर्टर्स क्लब नेपालमा आज पत्रकार सम्मेलन गरी नाउपाले नेपाल बन्दको घोषणा सार्वजनिक गरेको हो ।

रेशम चौधरीको मुद्दालाई राजनीतिक मुद्दा नबनाएर जन्मकैदको फैसला सदर भएको भन्दै नाउपाले आन्दोलन गर्ने चेतावनी दिएको छ । सर्वोच्च अदालतले मंगलबार टीकापुर हत्याकाण्डमा जन्मकैदको सजाय भोगिरहेका रेशम चौधरीलाई उच्च अदालत दिपायलकै फैसला सदर गर्दै दोषी ठहर गरेको छ ।

जेसिस सप्ताह अन्तर्गत हाजरी जवाफ प्रतियाेगिता सम्पन्न

0

वीरगंज । जेसिस सप्ताह अन्तर्गत मंगलबार हेटाैंडामा स्व. अम्बिका देवी कार्कीकाे स्मृतिमा हाजरी जवाफ प्रतियाेगिता सम्पन्न भएकाे छ । प्रतियाेगितामा प्रथम बर्षा न्याैपाने, द्वितिय सुरज कुमार यादव, सुमित्रा न्याैपाने र तृतिय सुनिल न्याैपाने भएका हुन् ।

कार्यक्रमका प्रमुख अतिथी मकवानपुर मल्टिपल क्याम्पसका अध्यक्ष एवम् संविधान सभा सदस्य आनन्त पाैडेलले क्रमश प्रथम, द्वितिय र तृतिय हुनेलाई पुरस्कारी राशी ९ हजार, ६ हजार र ३ हजारकाे चेक र प्रमाण पत्रले पुस्कृति गरेका थिए ।

 जेसिस हेटाैंडाले आयाेजना गरेकाे कार्यक्रममा जेसिस हेटाैंडाका अध्यक्ष श्रवण कुमार ब्रतवला, जेसिस सप्ताहकाे प्रमुख कार्यक्रम संयाेजक अमृता ब्रतवला, कार्यक्रम संयाेजक सिसिर पराजुली लगायतकाे उपस्थिति रहेकाे थियाे ।

भ्रष्टाचार विरुद्ध वीरगंजमा जनमतकाे प्रदर्शन

0

वीरगंज । नक्कली शरणार्थी काण्ड लगायत भ्रष्टाचार काण्डहरुलाई निष्पक्ष छानबिन गर्न माग गर्दै जनमत पार्टी पर्साले मंगलबार वीरगंजमा विरोध प्रदर्शन गरेको छ ।

‘भ्रष्टाचार विरुद्ध जनमत पार्टीको खबरदारी, भ्रष्टाचार विरुद्ध सम्पूर्ण नेपाली एक हौं’ भन्ने नारा सहित आयोजित विरोध प्रदर्शन कार्यक्रमलाई सम्बोधन गर्दै जनमत पार्टी पर्साका जिल्ला अध्यक्ष ओमप्रकाश सरार्फले भ्रष्टचारीहरुलाई कारवाही हुनुपर्ने माग गरेका हुन् ।

‘सानालाई ऐन, ठूलालाई चैन हुनु हुँदैन’, ‘साइकल काण्डमा निष्पक्ष छानविन गर’, ‘भ्रष्टाचार अन्त्य गरौ’ लगायतको नारायुक्त प्लेकार्ड बोकी गरिएको विरोध प्रदर्शन कार्यक्रममा सहभागी वक्ताहरुले नक्कली भुटानी शरणार्थी काण्ड छनबिन निश्पक्ष हुनु पर्ने, मधेस सरकारको साईकल घोटाला काण्ड, छोरी बीमा कार्यक्रम, पोखरी सौन्दर्यकरणको नाममा भएको भ्रष्टाचार काण्डहरु सुक्ष्म तरिकाले छानबिन गरि भ्रष्टाचारीहरुलाई कडा कार्वाही गरि सबै सम्पत्ति जफत गर्नुपर्ने माग गरेका थिए ।

कार्यक्रममा जनमत पार्टीका केन्द्रिय सदस्य डा. अजय यादव, जिल्ला सह- इन्चार्ज मुकेश दिवेदी, सह संयोजक रामजी रौनियार, महिला जिल्ला संयोजक अन्जना गुप्ता, जिल्ला सचिव रेखा यादव, नेताहरू सिए अजय चौरसिया, श्याम गुप्ता, सुजित चौरसिया, श्याम शंकर चौरसिया, राजेश चौरसिया, नजमा खातुन, बिराजु यादव, राम नरेश पटेल, संजय बर्मा लगायतको उपस्थिति रहेको थियो ।

पाेखरियाकाे प्रमुख प्रशासकिय अधिकृतमा उप सचिव सापकाेटा

0

पोखरिया । पर्साको पोखरिया नगरपालिकाकाे प्रमुख प्रशासकिय अधिकृतमा उप सचिव देवेन्द्र सापकोटा हाजिर भएका छन् । साेमबार हाजिर भएका उनलाई नगरपालिकाका जनप्रतिनिधि र कर्मचारीहरुले स्वागत गरेका थिए ।

संघिय मामिला तथा सामान्य प्रशासन मन्त्रालयले एक सप्ताह पहिला नै उप सचिव सापकाेटालाई पाेखरिया नगरपालिकाकाे प्रमुख प्रशासकिय अधिकृतमा सरुवा गरेपनि उनी साेमबार मात्र हाजिर भएका हुन् । उनलाई नगरपालिकाका मेयर प्रधुमन चाैहाले हाजिर गराएका थिए ।

त्यसपछि प्रमुख प्रशासकिय अधिकृत सापकाेटाले जनप्रतिनि तथा कर्मचारीसंग परिचात्मक कार्यक्रम गरेका थिए । परिचात्मक कार्यक्रममा वाेल्दै मेयर चाैहानले केही समयदेखि राेकिएकाे नगरपालिकाकाे काम अब गति लिने वताए । 

प्रमुख प्रशासकीय अधिकृत सापकोटाले आफुले कसैको दबाबमा नपर्ने र विकास निर्माणकाे कामकाज नियम/कानुन अनुसार अगाडी बढाउने वताए ।

मेयर चौहानको अध्यक्षतामा भएकाे परिचात्यमक कार्यक्रममा उप मेयर रूबी कुमारी ठाकुर, वडाध्यक्ष प्रमोद गिरी, केदार महतो चाई, रामप्रवेश प्रसाद चौहान, लक्ष्मण साह कानू, महेंद्र महतो चाई, प्रमानंद प्रसाद पटेल, किशोरी शाह तेली, नौशाद आलम, प्रशासन शाखा तथा शिक्षा शाखा प्रमुख विजय कुमार झा, लेखा शाखा प्रमुख मनदीप महतो, बन्दना खतिवडा लगायतकाे उपस्थिती रहेकाे थियाे ।

आत्मनिर्भरका लागि प्राकृतिक श्रोतको सदुपयोग जरुरी : मन्त्री रिजाल

0

वीरगंज । उद्योग, वाणिज्य तथा आपूर्ति मन्त्री रमेश रिजालले आत्मनिर्भर अर्थतन्त्रका लागि औद्योगिक पूर्वाधार प्रति सरकार प्रतिबद्ध रहेको बताएका छन ।

मंगलबार मेक इन नेपाल स्वदेशी सम्मेलनको उद्घाटन गर्दै मन्त्री रिजालले लगानी मैत्री औद्योगिक वातावरणको निर्माण, आत्मनिर्भर अर्थतन्त्रका लागि औद्योगिक पूर्वाधार र समृद्धिका लागि प्राकृतिक श्रोतको सदुपयोगको लागि आवश्यक वातावरण बनाउनका लागि नेपाल सरकार प्रतिबद्ध रहेको बताएका हुन ।

आत्मनिर्भर अर्थतन्त्र निर्माणका लागि सरकार र निजी क्षेत्रबीच समन्वय एवम् सहकार्य थप प्रभावकारी रूपमा हुन आवश्यक रहेको बताउँदै मन्त्री रिजालले औद्योगिकरणको उचित विकास बिना दिगो आर्थिक वृद्धि तथा समृद्धि सम्भव नरहने बताए ।

औद्योगिकरणको विकास तथा प्रवर्द्धनका लागि नीतिगत सुधार, आवश्यक वातावरण निर्माण प्रतिस्पर्धात्मक क्षमताको विकास, दक्षता अभिवृद्धि र स्वदेशी वस्तुहरूको उत्पादन उपभोग र निर्यात प्रवर्द्धनको वातावरण निर्माण लगायतका क्षेत्रमा मन्त्रालयले प्रभावकारी भूमिका निभाउने भन्दै मन्त्री रिजालले प्रतिवद्धता ब्यक्त गरे ।

स्वदेशी वस्तुको उत्पादन, प्रवर्द्धन एवम् निर्यात बढाउन गरिनुपर्ने नीतिगत तथा व्यावहारिक पक्षका सम्बन्धमा सम्मेलनबाट आउने सुझावहरू तथा प्रतिक्रियालाई सरकारले गम्भिरतापूर्वक लिने मन्त्री रिजालले स्पष्ट पारे ।

वीरगंज ३० का एसईई उत्तीर्ण छात्राहरुलाई कम्प्युटर

0
वीरगंज । वीरगंज महानगरपालिकाकाे ३० नम्बर वडा कार्यालयले एसईई उत्तीर्ण गरि कक्षा ११ मा अध्ययनरत छात्राहरुलाई कम्प्युटर वितरण गरेकाे छ । वडा कार्यालयले मंगलबार एक कार्यक्रमकाे आयाेजना गरि वडा अन्तर्गतका १६ जना एसईई उतिर्ण छात्राहरुलाई कम्प्युटर सेट वितरण गरेकाे हाे ।
 
कार्यक्रमका प्रमुख अतिथी पूर्व मन्त्री एवम् पर्सा क्षेत्र नं. १ का प्रतिनिधि सभा सदस्य प्रदिप यादव र बिशिष्ट अतिथी वीरगंज महानगरपालिकाका मेयर राजेशमान सिंहले छात्राहरुलाई कम्प्युटर वितरण गरेका हुन् ।
 
छात्राहरुले प्राप्त गरेको उपलब्धिको मूल्याङकन गर्दै आगामी दिनमा पनि पढाइलाई निरन्तरता दिन प्रोत्साहन स्वरुप वडाले कम्प्युटर वितरण गर्नु कार्य सराहनिय भएकाे सांसद यादवले वताए । 
 
वडाध्यक्ष मनाेज यादवले परोपकारी तथा निकै महत्वपूर्ण कार्यक्रम ल्याएकाे वताउँदै सांसद यादवले उनलाई विशेष धन्यवाद समेत दिए । उनले भने “आशा गर्दछु अन्य वडाका प्रतिनिधिहरूले पनि उहाँबाट सिक्नु हुन्छ ।”
 
चुनावी घोषणापत्र अनुसार एसईई उत्तीर्ण गरी हाल कक्षा ११ मा अध्ययनरत छात्राहरुलाई कम्प्युटर प्रदान गरिएको वडाध्यक्ष यादवले वताए । उनले कम्प्युटर शिक्षामा पनि दक्ष बनाउने उद्देश्यका साथ छात्राहरुलाई कम्प्युटर वितरण गरिएको वताए ।
 
यसपालि एसईई परीक्षामा सहभागी भएका छात्राहरुलाई असार मसान्तपछि कम्प्युटर प्रदान गर्ने योजना रहेको वडाध्यक्षले सुनाए । छात्राहरुलाई ल्यापटप वितरण गर्ने योजना भए पनि बजेट अभावका कारण डेस्कटप कम्प्युटर वितरण गर्नुपरेको उनले सुनाए ।
 
वडाध्यक्ष यादवकाे अध्यक्षतामा भएकाे कम्प्युटर वितरण कार्यक्रममा पूर्व प्रदेश सभा सदस्य जन्नत अन्सारी, वडा नं. ३१ का वडाध्यक्ष जितेन्द्र यादवसहित समाजिक अगुवा, प्रधानाध्यापक, शिक्षक/शिक्षिका, स्थानीय लगायत विद्यार्थीहरुको उपस्थिति रहेकाे थियो ।

प्रेस युनियन पर्साकाे अध्यक्षमा विजय चाैहान विजयी

0

वीरगंज । नेपाल प्रेस युनियन पर्साकाे अध्यक्षमा विजय चाैहान विजयी भएका छन् । प्रेस युनियन पर्साकाे १० औं अधिवेशन अन्तर्गत जिल्ला अध्यक्ष पदकाे लागि साेमबार भएकाे निर्वाचनमा चाैहान २३ मत ल्याएर विजयी भएका हुन् । उनका प्रतिस्पर्धी लालकिशाेर सिंहले १८ मत पाएका थिए । 

अध्यक्ष वाहेकाे पदमा निर्विराेध कार्य समितिका पदाधिकारी तथा सदस्यहरु निर्वाचित भएकाे निर्वाचन अधिकृत उदय दास थारुले जानकारी दिए । उनका अनुसार खुल्ला उपाध्यक्षमा क्रान्ति साह, समावेशी उपाध्यक्षमा अलिअसगर देवान, सचिवमा इरफान अलि, सह सचिवमा आरजु देवकाेटा, काेषाध्यक्षमा कपिलदेव यादव निर्विराेध निर्वाचित भएका हुन् ।

यसैगरी खुल्ला सदस्यमा संजय कुमार, राकेश प्रसाद चाैरसिया, जंगबहादुर पटेल, आदिवासी सदस्यमा ओमप्रकाश चाैधरी, मधेशी सदस्यमा हुकुम सिंह राजपुत र अल्पसंख्यक सदस्यमा नुर आलम निर्विराेध निर्वाचित भएका छन् । १५ सदस्यीय कार्य समिति मध्ये वाकी ३ जना मनाेनित गर्ने प्रवधान रहेकाे छ ।

नेकपा एस निकट दलित मुक्ति संगठनको प्रदेश अधिबेशन सम्पन्न

0

वीरगंज । नेपाल दलित मुक्ति संगठनको मधेस प्रदेशको दाेस्राे अधिबेशन वीरगंजमा सम्पन्न भएको छ । वीरगंजस्थित नगर सभा गृहमा सम्पन्न अधिवेशनले रामाशिस दासको नेतृत्वमा ५१ सदस्यीय मधेश प्रदेश कमिटी सर्बसहमत चयन गरेको छ ।

प्रदेश कमिटीकाे बरिष्ठ उपाध्यक्षमा कमल राम, उपाध्यक्ष नाथुराम परियार, सनिता कुमारी सदा, सचिवमा रामसरुप राम, उप सचिवमा प्रविन कुमार रजक, आदित्य कुमार रजक, ममता विश्वकर्मा, सदस्यमा शिव कुमार पासवान, शाेभा देवी राम, फुलेना देवी राम, रामबाबु रवि दास, अरुण दास, निर्मल पासवान लगायतका रहेका छन् । 

यसैगरी अधिवेशनबाट पर्सा जिल्ला कमिटीको अध्यक्षमा पुनः सुशील हजरा निर्विरोध निर्वाचित भएका छन् । हजराकाे अध्यक्ष ३१ सदस्यीय जिल्ला कमिटी सर्वसहमतीबाट चयन भएकाे दलित मुक्ति संगठन पर्साका इन्चार्ज बृजलाल पासवानले जानकारी दिए ।

अधिवेशनकाे उद्घाटन नेकपा (एकिकृत समाजवादी) पार्टीका केन्द्रिय अध्यक्ष एवं पूर्व प्रधानमन्त्री माधव कुमार नेपाले गरेका थिए । 

अधिवेशनको उद्घाटन समाराेहलाई सम्बोधन गर्दै नेकपा (एकिकृत समाजवादी) पार्टीका केन्द्रिय अध्यक्ष नेपालले अहिले पनि दलितको नाम मानव मानव बिच भेदभाव छुवाछुत रहेको कुरा दुःखद भएको बताए ।

उनले नेकपा एकिकृत समाजावादी पार्टी दलितको सवालमा बाहिर र पार्टी भित्र पनि समान्ताको अधिकार दिलाउँने पक्षमा रहेको बताए । देशको हिमालदेखि तराई सम्मको सबै दलितहरुको हक अधिकारको सवालमा पार्टी गम्भीर रहेको तथा देशैभरी दलित मुक्ति तथा वर्गिय लडाईको पक्ष विगुल फुकेको बताए ।

अध्यक्ष नेपालले लमो संघर्ष पछि प्राप्त भएको उपलब्धी एक जना संकि तथा स्वेछाचारी व्यक्तको कारण धरापमा परेको टिप्पणी गर्दै अब कसैको पछि लाग्नु नपर्ने बताउँदै नेकपा एकिकृत समाजवादीले सबै दलितहरुलाई देशको संविधानले दिएको हक अधिकार दिलाउँन काम गर्ने बताए । 

अधिवेशन उद्घाटन समाराेहमा नेकपा (एकिकृत समाजवादी) पार्टीका केन्द्रिय सचिव नागेन्द्र चौधरी, नेपाल दलित मुक्ति संगठनका केन्द्रिय अध्यक्ष गणेश विक, पार्टीका पोलिट व्युरो सदस्य रामचन्द्र साह, केन्द्रिय सदस्य एवम् पर्सा जिल्ला अध्यक्ष बालगोपाल थापा, केन्द्रिय सदस्य दिनेश राई, वीरगंज महानगर अध्यक्ष मनाेज चाैधरी, संविधान सभा सदस्य रामअवतार पासवान, पूर्व प्रदेश सांसद रविन्द्र बैठा लगायतले मन्तव्य राखेका थिए भने कार्यक्रमकाे दलित मुक्ति संगठन पर्साका इन्चार्ज बृजलाल पासवानले गरेका थिए ।

बन्द उद्योगहरु संचालनकाे लागि सरकार लागि परेकाे छ : मन्त्री रिजाल

0
वीरगंज । उद्योग वाणिज्य तथा आपूर्ति मन्त्री रमेश रिजालले बन्द रहेका सरकारी उद्योगहरु पुन सन्चालनका लागि सरकार लागेकाे बताएका छन् ।
 
साेमबार वीरगंजमा नेपाल प्रेस युनियन पर्साकाे १०ओैं अधिवेशनकाे उद्घाटन समाराेहलाई सम्बाेधन गर्दै मन्त्री रिजालले यस्ताे बताएका हुन् । उनले भने, “बन्द रहेकाे वीरगंज चिनी कारखानासहितका सरकी उद्योगहरु पुन: चलाउनका लागि सरकारले गृहकार्य गरिरहेकाे छ । कुन माेडलमा चलाउने बारेमा छलफल चलिरहेकाे छ ।”
 
नक्कली भुटानी शरणार्थी प्रकरण बारे बाेल्दै रिजालले एमालेकै सरकारका पाला देखि याे भ्रष्टाचार प्रकरण सुरु भएकाे बताए । उनले भने, राम बहादुर थापा बादल गृहमन्त्री भएका बेला प्रधानमन्त्री कुन पार्टीका थिए ? टाेपबहादुर रायमाझी मन्त्री हुदाँ प्रधानमन्त्री कुन पार्टीका थिए ? याे सबैलाई थाहा छ ।
 
नक्कली शरणार्थीका नाममा भएकाे भ्रष्टाचार प्रकरणकाे अनुसन्धानमा अहिलेकाे गठबन्धन सरकारले पुर्ण रुपमा सघाइरहेकाे बताउँदै मन्त्री रिजालले भने, भ्रष्टाचारीलाई कारबाही हुनै पर्छ, सरकारले अनुसन्धानमा कुनै हस्ताक्षेप गर्दैन ।
 
प्रेस युनियनका जिल्ला अध्यक्ष रामनारायण कुर्मीकाे अध्यक्षतामा भएकाे उद्घाटन समाराेहलाई प्रदेशसभा सदस्यद्वय जनार्दन सिंह क्षेत्री, श्याम पटेल, कांग्रेस जिल्ला उपसभापति रामनारायण कुर्मी, नेपाल पत्रकार महासंघका केन्द्रीय सचिव दिपेन्द्र चाैहान, नेपाल प्रेस युनियनका केन्द्रीय सचिव अशाेक तिवारी, नेपाल प्रेस युनियनका मधेस प्रदेश अध्यक्ष सत्यप्रसाद श्रेष्ठ, वीरगंज उपमहानगरपालिकाका उपमेयर इम्तियाज आलम, कांग्रेसका जिल्ला सहसचिव नवीन सिंह, नेपाल पत्रकार महासंघका केन्द्रिय सदस्य केसी लामिछाने, पत्रकार महासंघका मधेस प्रदेश महासचिव श्याम बन्जारा, समाजवादी प्रेस संगठनका जिल्ला अध्यक्ष मनाेज पटेल, प्रेस सेन्टरका जिल्ला अध्यक्ष दिपक गाैतम लगायतले पनि सम्बाेधन गरेका थिए ।
 
आजै सांझ सम्पन्न हुने अधिवेशनले प्रेस युनियन पर्साकाे नयाँ नेतृत्व चयन गर्ने छ । जिल्ला अध्यक्षकाे लागि तीन जनाले दाबी गरेपछि निर्वाचन हुन लागेकाे हाे । १५ सदस्यीय कार्य समिति चयनकाे लागि निर्वाचन प्रक्रिया अगाडी बढी सकेकाे छ ।