Date
सोम, कार्तिक ३०, २०८३
Mon, November 16, 2026
Home Blog Page 537

इप्रका छपकैयाकाे कार्यक्रममा सय जनाद्वारा रक्तदान

0

वीरगंज । ईलाका प्रहरी कार्यालय छपकैयाकाे आयोजनामा शनिबार वीरगंजमा खुल्ला रक्तदान कार्यक्रम सम्पन्न भएको छ । ईलाका प्रहरी कार्यालय छपकैयाका प्रमुख प्रहरी नायब निरीक्षक तेजप्रताप सिंहको अध्यक्षतामा भएकाे कार्यक्रममा एक महिलासहित एक सय जनाले रक्तदान गरेका हुन् ।

रक्तदान गर्नेहरूमा स्वच्छ समाज युवा क्लबका अध्यक्ष भूपेन्द्र पटेल, रञ्जित साह, अखिल पटेल, त्रिलोक प्रताप सिंह, सन्दिप यादव, दीपेन्द्र राउत, सुमन पटेल, श्याम साह, शैलेश साह र सञ्चारकर्मी आनन्द पटेल लगायत रहेका छ्न ।

कार्यक्रमका प्रमुख अतिथी जिल्ला प्रहरी कार्यालय पर्साका प्रहरी नायब उपरीक्षक दीपक गिरीले रक्त दाताहरुलाई रगतको पोका दिएर कार्यक्रमको उद्घाटन गरेका थिए । उनले रगतको अभावलाई कम गर्ने उद्देश्यले कार्यक्रम आयोजना गर्ने इलाका प्रहरी कार्यालय छपकैयालाई धन्यबाद समेत दिए ।

कार्यक्रममा परवानीपुर गाउँपालिकाका मेयर प्रत्यासी जसपा पार्टी नेपालका युवा नेता सञ्जु साहले रक्त संचार केन्द्र वीरगंजलाई ११ हजार सहयाेग गरेका थिए । उनले सहयाेग रकम बराबरकाे चेक हस्तान्तरण गर्दै सामाजिक कार्यमा आफ्नो सदैब साथ र सहयोग रहिरहने प्रतिबद्धता जनाए ।

सो अवसरमा इलाका प्रहरी कार्यालय विर्ताक प्रहरी प्रमुख प्रहरी निरीक्षक विदुर सिवाकोटी, बोर्डर आउट पोष्ट श्रीसियाका प्रमुख प्रहरी निरीक्षक दीपेन्द्र साउद, वीरगंज महानगरपालिका वडा नं १ का वडाध्यक्ष मनोज राउत कुर्मी, नेकपा एमालेका केन्द्रीय सदस्य अरबिन्द सिंह, स्वच्छ समाज युवा क्लबका उपाध्यक्ष उमेश साह, सरोज यादव, विभिन्न राजनीतिक दलका स्थानीय नेताहरु, प्रहरी कर्मचारी लगायत स्थानीय युवाहरुको उपस्थिति रहेको थियो ।

इलाका प्रहरी कार्यालय छपकैयामा परिसर मै भएकाे कार्यक्रममा रक्त सञ्चार बिरगंज केन्द्र सौरभ राज पाण्डे नेतृत्वकाे प्राविधिकहरुकाे समुहले प्राविधिक सहयोग गरेकाे थियो ।

पकहाँ मैनपुरकाे न्यायिक समितिकाे जिल्ला न्यायधिशद्वारा निरिक्षण

0

वीरगंज । पर्सा जिल्ला अदालत वीरगंजका न्यायधिश पुरुषोतम नेपालसहितकाे टाेलीले शनिबार पर्साको पकहाँ मैनपुर गाउँपालिकाका न्यायीक समितीको काम कारवाहीकाे निरिक्षण गरेकाे छ ।

निरिक्षण टाेलीले न्यायिक समितिका कागाजात हेरी ५ बुंदे सल्लाह सुझाव समेत दिएको न्यायीक समितीका शाखा अधिकृत जाकिर हुसेनले बताए । निरिक्षणकाे क्रममा गाउँपालिकाकाे न्यायीक समितीको हालमा बसेको पर्सा अदालतको टोलीले न्यायीक समितीका सदस्यहरु संग अन्तरक्रिया समेत गरेकाे थियाे ।

न्यायीक समितीको सम्मपुर्ण कागाजात र छलफलको आधारमा टोलीले प्रत्येक मुद्दा अनुसारको आदेश पर्चा खडा गरी मिसिलमा राख्नु पर्ने, मुद्दाकाे अन्तिम निर्णयको अभिलेख राय किताबमा राख्नु पर्ने, तारेख भरपाईमा पक्षको नाम र मिती लेखी तारेखको प्रयोजन खुलाउनु पर्ने, म्याद तामिली प्रति मिसिलमा राख्नु पर्ने जस्ता रायसल्लाह सुझाव दिएको हो ।

निरिक्षण टाेलीमा पर्सा जिल्ला अदालतका न्याधिश नेपालसहित श्रेस्तेदार अरुण कोईराला, संदिप कुमार मेहता लगायतकाे सहभागिता रहेकाे थियाे । टोलीले पकहाँ मैनपुर गाउँपालिकाको न्यायीक समितीका काम कार्यवाही राम्राे देखिए पनि केही थप सुधार गरिनु पर्ने सल्लाह दिएको हाे ।

न्यायीक समितीकी संयोजक तथा गाउँपालिकाकी उपाध्यक्ष सर्फुन नेसाको अध्यक्षतामा भएकाे अन्तरक्रिया कार्यक्रममा गाउँपालिका अध्यक्ष सुरेश प्रसाद, उपाध्यक्षका स्वकिय सचिव नसुरुल्लाह मियाँ, कानुनी सल्लाहकार रामनारायाण कुर्मी, प्रशासन प्रमुख हरिमोहन महतो, लेखापाल निरन्जन पटेल, योजना शाखा प्रमुख शेखर सुधांशु सोनी लगायत न्यायीक समितीका सदस्यहरुकाे सहभागीता रहेको थियो ।

पकहाँ मैनपुरकाे दुई वटा विद्यालयलाई स्तोरन्ती गर्ने निर्णय

0

वीरगंज । पर्साको पकहाँ मैनपुर गाउँपालिकाले २ वटा विद्यालयलाई स्तोरन्ती गर्ने निर्णय गरेको छ । शिक्षा समितीका संयोजक समेत रहेका गाउँपालिका अध्यक्ष सुरेश प्रसाद मेहताको अध्यक्षतामा बैशाख १५ गते बसेको शिक्षा समितीकाे बैठकले २ वटा बिधालयलाई स्तोरन्नती गर्ने निर्णय गरेको शिक्षा शाखा प्रमुख दामोदर दुबेले जानकारी दिए ।

शिक्षा समितिकाे बैठकले वडा नम्बर १ धोरेमा रहेको श्री नेपाल राष्ट्रिय आधारभुत विद्यालयलाई माध्यमिक तहका लागी कक्षा ९ काे अध्ययन अध्यापनकाे लागि अनुमति दिने निर्णय गरेकाे प्रमुख प्रशासकिय अधिकृत राज कुश्वाहाले बताए ।

यसै गरी वडा नम्बर ५ सबैठवामा रहेको श्री नेपाल राष्ट्रिय प्राथमिक विद्यालयलाई कक्षा ६ र ७ थप गर्ने निर्णय गरेकाे शिक्षा शाखा प्रमुख दुबेले बताए । दुबेका अनुसार कक्षा ५ सम्म संचालनमा रहेको विद्यालयलाई कक्षा ६ र ७ थप गरी आधारभुतमा स्तोरन्ती गरिएको छ ।

पकहाँ मैनपुर गाउँपालिका १६ वटा विद्यालय मध्ये १ वटा मात्रै माध्मिक स्तरको विद्यालय रहेको थियो । अब एउटा अझै माध्यमिक तहकाे अनुमति पाएसंगै दुईवटा भएकाे छ । कक्षा ६ देखी नै बिधार्थीहरु टाढाको गाउँमा बिधालय जानु पर्ने बाध्यता हटेको छ ।

अब आउने प्रत्येक बर्ष विद्यालयहरुलाई स्तोरन्ती गरिने गाउँपालिका अध्यक्ष मेहताले बताए । अध्यक्ष मेहताका अनुसार धोरे र सबैठवाका दुईटै बिधालयलाई स्तोरन्ती मात्रै होईन त्यसका लागी पालिकाबाट भौतीक संरचनाका लागी बजेट बिनियेजन गरी काम पनि सम्पन भईसकेको जानकारी दिए ।

आउने दिनमा पालिकामा रहेको १६ वटा बिधालय मध्ये कुनै पनि बिधालयमा भौतिक संरचनाको कमी हुन नदिने बताए । उता वडा नम्बर २ को दलित प्राबिमा पनि कक्षा कोठा निमार्ण भएको समेत बताए । यता वडा नम्बर ४ को ब्रम्हमबाबा प्रावि र श्री हरिहरराज उपाध्यायमा पनि कक्षाकोठा निमार्ण भएको हो ।

वीरगंज महानगरपालिकामा शुक्रबार शाेक विदा

0

वीरगंज । वीरगंज महानगरपालिकामा शुक्रबार शाेक विदा हुने भएकाे छ । कर्मचारी निधन भएकाे शाेकमा शुक्रबार महानगरपालिका अन्तर्गतका अत्यावश्यक सेवाहरु बाहेकका सम्पूर्ण सेवाहरु बन्द रहने महानगरपालिकाले जनाएकाे छ ।  

महानगरपालिकाले बिहिबार एक सूचना जारी गर्दै महानगर कार्यपालिकाको कार्यालय अन्तर्गत प्रसौनीविर्ता स्वास्थ्य चौकीका इन्चार्ज तथा सि.अ.हे.व. अधिकृत छैठौ पदमा कार्यरत मुनिलाल चौधरीको क्यान्सर (Cancer) को उपचारको क्रममा मिति २०८०।०२।०१ गते सोमवारका दिन साँझ करिव ७:१५ बजे मृत्यु भएकाे जनाएकाे छ ।

चाैधरिकाे असामयिक दु:खद निधन प्रति शोक व्यक्त गर्न मिति २०५०।०२।०५ गते शुक्रवार दिनको ११:०० बजे हुने शोक सभामा सम्पूर्ण कर्मचारीहरुलाई उपस्थित भईदिन पनि जारी सूचना उल्लेख गरिएकाे छ ।

महानगरका प्रशासन तथा व्यवस्थापन महाशाखा प्रमुख राज कृष्ण ताम्राकारद्वारा हस्ताक्षरित सूचना मार्फत चाैधरीकाे असामयिक निधन प्रति वीरगंज महानगरपालिकाले गहिरो दुःख व्यक्त गर्दै उनीप्रति भावपूर्ण श्रद्धाञ्जली अर्पण तथा शोक सन्तप्त परिवारजनप्रति समवेदना समेत ब्यक्त गरेकाे छ ।

फेटामा पनि सडक अतिक्रमण हटाईदै

0

आनन्द पटेल /
परवानीपुर । बाराको फेटा गाउँपालिका वडा नं ३ फेटा बजारमा बिहीबार देखी सडक किनारमा अतिक्रमण गरि बनाइएको घर टहरा भत्काउन शुरु गरिएको छ । गाउँपालिका प्रमुख रुस्तम अन्सारीको निर्देशमा घर टहराहरु भत्काउनु शुरू गरिएको हो ।

सो बजारको सडक फराकिलो गर्न तथा बजारलाई व्यवस्थित रूपमा सञ्चालन गर्ने उद्देश्यले यो अभियान सुरु गरिएको गाउँपालिका प्रमुख अन्सारीले बताए । उनले यो कार्य विगतका गाउँपालिका प्रमुखले गर्ने कार्य भए पनि उनले गर्न नसकेर आफू स्वयम् आफ्नै घर सडक किनारबाट भत्काई खाली गराएको र बाकी स्थानियहरुको घर खाली गरी १ हप्तामा भत्काउन समय दिएको बताए ।

प्रमुख अन्सारीले आफूले निर्वाचनको बेला जनतामा गरेकाे हरेका वाचालाई क्रमश पूरा गर्दै जाने प्रतिबद्धता जनाए । अतिक्रमण खालि गराउने कार्यमा गाउँपालिकाका कर्मचारी, स्थानीय राजनीतिक दलका नेता, समाजसेवी, वडा अध्यक्ष लगायतकाे सहभागिता रहेकाे थियाे ।

नेपाल-भारत सम्बन्धलाई नयाँ सिराबाट अघि बढाउनु पर्छ : मन्त्री रिजाल

0

वीरगंज । उद्योग, वाणिज्य तथा आपूर्ति मन्त्री रमेश रिजालले भारत–नेपाल द्विपक्षीय आर्थिक सम्बन्धलाई नयाँ सिराबाट अघि बढाउनु पर्ने बताएका छन् । बिहिबार वीरगंजमा आयोजित ‘भारत–नेपाल आर्थिक साझेदारी शिखर सम्मेलन २०२३’ लाई सम्बोधन गर्दै मन्त्री रिजालले यस्तो बताएका हुन् ।

कोरोना संक्रमणले विश्वव्यापी अर्थतन्त्रलाई पारेको असरका कारण दुई मुलुकको विगतको इतिहास, सम्बन्ध र व्यापार गर्ने तरिकाहरूको मूल्याङ्कन र अध्ययन गर्न अत्यन्तै आवश्यक रहेको मन्त्री रिजालले बताए । कोरोना संक्रमणले विश्वव्यापी अर्थतन्त्रमा परेको नकारात्मक असरको बाबजुद पनि नेपाल भारत बिच भएको कारोबार डिजिटलाइजेशन सकारात्मक रहेको मन्त्री रिजालको भनाई थियो ।

दुई देशबिच विभिन्न क्षेत्रहरूमा सहयोग आदानप्रदान हुँदै आएको बताउँदै मन्त्री रिजालले नेपालमा लगानीको सबैभन्दा ठूलो स्रोत भारत रहेको उल्लेख गरे । दुई देश बिचको सम्बन्धलाई अझ प्रगाढ बनाउन ‘भारत–नेपाल आर्थिक साझेदारी शिखर सम्मेलन २०२३’ ले महत्त्वपूर्ण भूमिका खेल्ने मन्त्री रिजालले बिश्वास व्यक्त गरे ।

सम्मेलनले ऊर्जा, पूर्वाधार, दूरसञ्चार, बैंकिङ, वित्तीय सेवा र बीमा, सूचना प्रविधि जस्ता क्षेत्रहरूमा आपसी सहयोगलाई गति दिने मन्त्री रिजालको विश्वास छ । मन्त्री रिजालले नेपालमा व्यापारको प्रक्रियालाई सरलीकरण गर्ने र दुई मुलुकहरूबीच पारस्परिक लाभ र भविष्यमा सहयोग वृद्धि गर्न प्रमुख चुनौतीहरू पहिचान गरी समाधानका उपायहरू निकाल्न सम्मेलन सफल हुने अपेक्षा गरेका थिए ।

पोखरियामा नि:शुल्क स्वास्थ्य शिविर सम्पन्न

0

वीरगञ्ज । पर्साको पोखरिया नगरपालिका वडा नम्बर ८ मा निशुल्क स्वास्थ्य शिविर सम्पन्न भएको छ । लायन्स क्लब अफ वीरगञ्ज सेन्ट्रल सिटी र प्रभु अस्पतालको सयुँक्त आयोजनामा शिविर सम्पन्न भएको हो ।

ग्रामिण भेगका महिलाहरुको स्वास्थ्य परीक्षणसँगै आवश्यक परामर्श तथा औषधी वितरण गर्ने अभिप्रायका साथ शिविरको आयोजना गरिएको लायन्स क्लब अफ वीरगञ्ज सेन्ट्रल सिटीकी अध्यक्ष सलमा खातुनले जानकारी दिइन् । खातुनका अनुसार शिविरमा स्वास्थ्यको परीक्षण गराएका ग्रामिण भेगका ५०  जना गर्भवती महिलाहरुलाई पोषण सामग्रीसँगै आवश्यक औषधीसमेत उपलब्ध गराइएको थियो । 

शिविरमा बरिष्ठ स्त्री तथा प्रसुती रोग विशेषज्ञ डा. लक्ष्मी थापाले गर्भवती महिलाहरुको चेकजाँच गर्नुका साथै निशुल्क रुपमा परामर्श पनि दिएकी थिइन् । गाउँका महिलाहरु शहरमा आउन समय नमिल्ने हुँदा क्लबले आयोजना गरेको शिविरबाट ग्रामिण भेगका महिलाहरु लाभान्वित भएको डा. थापाले बताइन् ।

साथै महिलाहरुले आफ्नो समस्यालाई पनि लुकाएर राख्ने र बताउन नसक्दा समस्या झनै बल्झिने हुँदा खुलेर समस्या बताउन पनि उनले बिरामीहरुलाई सचेत गराएकी छिन् । 

उद्योगी बिरेन्द्र कुमार संघाईले शिविरमा सहभागी महिलाहरुलाई पोषण सामग्री उपलब्ध गराउन सहयोग गरेका थिए । 

शिविरमा उद्योगीहरु रमेश अग्रवाल, रामविहारी पाण्डेय, उमेश शर्मा, वडाध्यक्ष किशोरी साह, स्थानीय नेता सुनिल साह, युवा अभियन्ता दिलीपराज कार्की, देवकीनन्दन अग्रवाल लगायतको उपस्थिती रहेको थियो ।

युवाहरु राजनीतिमा आउन जरुरी छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले समाजमा रहेका विकृति विसंगति हटाउन पनि युवाहरुले राजनीतिमा सकृय सहभागिता जनाउनु पर्नेमा जोड दिएका छन् । रेडियो वीरगंजले बिहिबार मुनलाईट स्कुलमा आयोजना गरेको ‘नयाँ पुस्तासँग मेयर’ संवाद कार्यक्रमलाई सम्बोधन गर्दै उनले यस्तो बताएका हुन् ।

मेयर सिंहले वीरगंजलाई धार्मिक पर्यटकीय स्थलको रुपमा विकास गर्न आफू लागि परेको बताए । उनले वीरगंजलाई नयाँ पुस्ताले चाहेको जस्तै शहर बनाउने बाटोमा आफूहरु अग्रसर रहेको बताउँदै महानगरले अहिलेसम्म गरेका कामहरुको मुल्यांकन गर्दै आवश्यक सुझावसहित त्रुटीहरु औँल्याइदिन पनि आग्रह गरे ।

नगर प्रमुख सिंहले वीरगंजकाे मितेरी पुलदेखि परवानीपुरसम्म घुम्ने र रमाउने खालका स्थानहरु निर्माणको अन्तिम तयारीमा महानगर जुटेको बताउँदै मुख्य सडक मात्रै नभएर गल्ली र अन्य स्थानका सबै सडकहरुलाई सुन्दर बनाउने योजना महानगरको रहेको पनि बताए ।

महानगर अन्तर्गतका चार वटा सामुदायिक विद्यालयमा पूर्ण रुपमा अंग्रेजी माध्यम लागु गरिएको बताउँदै उनले नयाँ शैक्षिक सत्रदेखि शिक्षा क्षेत्रको सुदृढीकरणमा महानगर लागि परेको जानकारी दिए ।

निजी विद्यालयको महंगो शुल्क तिर्नु भन्दा सरकारी विद्यालयमा अंग्रेजी माध्यमबाट महानगरले निःशुल्क पठन पाठनको व्यवस्था मिलाएको हुँदा बालबालिकालाई सरकारी विद्यालयमा पढाउन आग्रह समेत गरे ।

मेयर सिंहले राम्रो उद्देश्यले कतिपय काम गर्दा मुद्दा मामिलामा अल्झिनु परेको गुनासो गर्दै नगवा पोखरीको सौन्दर्यकरणको काम प्रदेश सरकारले शुरु गरी अलपत्र छाडेकोमा गुनासो गरे । उनले प्रदेश सरकार र केन्द्र सरकारले अधिकांश काम वीरगंजमा अधुरै छाड्दा यसको अपजस महानगरले खेप्नु परेको भन्दै नगरवासीलाई महानगरको बाध्यता बुझि दिन आग्रह समेत गरे ।

विद्यार्थीसँग प्रत्यक्ष संवाद गरी रहेका नगर प्रमुख सिंह विद्यालयमा ठूलो संख्यामा बालबालिकाको आमा, हजुरआमा लगायतका अभिभावकहरु उपस्थित भएपछि बालबालिकालाई खाजा खुवाई रहेको स्थानमा पुगेर उनिहरुको गुनासो समेत सुनेका थिए ।

अधिकांशले निजी विद्यालयमा पढाउँदा पनि ट्युशन तथा कोचिङ्ग क्लास लिन विद्यालयले बाध्य पार्ने गरेको, गरिब जेहेन्दार विद्यार्थीलाई छात्रवृत्ति उपलब्ध नगराएको लगायतका गुनासो गरेका थिए ।

मुनलाईट माविका प्राचार्य श्याम केसीको अध्यक्षतामा सम्पन्न ‘नयाँ पुस्तासँग मेयर’ संवाद कार्यक्रमको सहजिकरण रेडियो वीरगंज एवं टिभी वीरगंजका कार्यकारी अध्यक्ष ध्रुव साहले गरेका थिए ।

अलौंमा चल्यो डोजर, हटाइयो अतिक्रमित संरचना

0

वीरगंज । वीरगंज महानगरपालिकाको वडा नम्बर १७ अलौंमा सार्बजनिक जग्गा अतिक्रमण गरेर बनाइएको संरचना हटाइएको छ ।सार्बजनिक सडक अवरुद्ध हुने गरि निर्माण गरिएको संरचना महानगरको टोलीले हटाएको हो ।

डोजरसहित गएको टोलीले अलौंमा रहेको इनार नजिकैको एउटा घर भत्काएर सडक खुलाएको छ । यस्तै पोखरीको पूर्वपट्टी रहेको सडकमा निर्माण गरिएका ४ वटा घरको पर्खाल पनि हटाइएको छ ।

सडक अतिक्रमण गरि बनाइएका पर्खाल हटाइएसँगै रोकिएको नाला निर्माण कार्य अघि बढ्ने वडा नम्बर १७ का वडाध्यक्ष संजिव बहादुर क्षेत्रीले बताए ।

महानगरपालिकाले सार्वजनिक, ऐलानी जग्गा खोजी गर्नुका साथे त्यसमा बनेका संरचना हटाउने अभियान नै अघि बढाएको छ ।अतिक्रमित संरचना हटाउन महानगपालिकाका प्रमुख राजेशमान सिंह आफैं पुग्नु भएको थियो ।

वीरगंज महानगरपालिकाका प्रमुख सिंहले महानगरको ३२ वटै वडामा सार्वजनिक तथा ऐलानी जग्गा खोजी गर्ने अभियान नै चलाइएको बताउनुहुँदै कहीँकतै अतिक्रमण भएको सूचना भए आफूलाई जानकारी दिन पनि आग्रह गर्नु भयो ।

अतिक्रमण हटाउन महानगर प्रमुखका साथै प्रमुख प्रशासकीय अधिकृत लक्ष्मी प्रसाद पौडेल, भौतिक संरचना अतिक्रमण नियन्त्रण समितिका संयोजक तथा वडा नम्बर ५ का वडाध्यक्ष प्रदिप चौरसिया, महानगरपालिकाका सचिवालय सल्लाहकार हरि प्रसाद पोखरेल, जनसम्पर्क सल्लाहकार नवराज फुयाँल, नगर प्रहरी प्रमुख हरि प्रसाद भुषाल लगायतको टोली पुगेको थियो ।

प्रदेशको बजेटमा मेयर सिंहले मागे वीरगंजका लागि विशेष प्याकेज

0

वीरगंज । वीरगन्ज महानगरपालिकाका मेयर राजेशमान सिंहले मधेस प्रदेशकै एकमात्र महानगर वीरगन्ज महानगरपालिकाका लागि विशेष प्याकेज सहितको व्यवस्था गर्न प्रदेश सरकारसंग माग गरेका छन् ।

बुधबार महोत्तरीको बर्दिवासमा प्रदेश सरकारको अर्थ मन्त्रालयले आयोजना गरेको आगामी आर्थिक वर्षको पुर्व बजेट सम्बन्धि छलफल कार्यक्रममा सहभागी मेयर सिंहले यस्तो माग गरेका हुन् ।

कार्यक्रममा बोल्दै मेयर सिंहले वीरगन्ज मधेस प्रदेशकै एकमात्र महानगर भएकाले नयाँ नीति तथा कार्यक्रममा वीरगन्ज महानगरकालागि विशेष प्याकेजको व्यवस्था गर्न अनुरोध गरे ।
प्रदेश सरकारको नीति तथा कार्यक्रम बनाउनु पुर्व प्रदेश सरकारका अर्थमन्त्री, योजना आयोगका उपाध्यक्षका साथै सम्बद्ध मन्त्रालयका सचिवसहितका टोलीलाई वीरगन्जमै आएर स्थलगत भ्रमण र अवलोकन गरिदिनका लागि मेयर सिंहले निम्तो पनि दिए ।

मेयर सिंहले भने,‘ मन्त्री ज्यु , उपाध्यक्ष ज्यु सहितको टोलीलाई एकपटक वीरगन्जमै आएर स्थलगत भ्रमणका लागि आइदिन म निमन्त्रणा गर्दछु , तपाईहरुले स्थलगत भ्रमण गरेपछि मात्रै वीरगन्जका आवश्यकता के के हुन् स्पष्ट हुन्छ , त्यसले बजेट विनियोजनमा अझ सहज हुनेछ ।

संघीय सरकारबाट देशका ६ वटा महानगरमध्ये सबै भन्दा कम बजेट वीरगन्ज महानगरले पाइरहेको प्रसंग सुनाउदै मेयर सिंहले भने,‘ वीरगन्ज मधेसकै एकमात्र महानगर हो , त्यसका कारण प्रदेश सरकारले अपनत्व लिएर वीरगन्जका लागि विशेष प्याकेजसहितको बजेट विनियोजन गर्नुपर्छ ।

यदि वीरगन्जलाई मधेस प्रदेशकै सम्मुनत र समृद्ध शहर बनाउने हो भने त्यसका लागि प्रदेश सरकारले वीरगन्जमा आवश्यक पूर्वाधार निर्माणमा विशेष जोडदिनुपर्ने पनि उनले बताए ।

कार्यक्रममा मधेस प्रदेश सरकारका अर्थमन्त्री सन्जय यादव, मधेस प्रदेश योजना आयोगाका उपाध्यक्ष नाथु प्रसाद चौधरी, मन्त्रालयका सचिवहरु, प्रदेशसभा सदस्यहरु, पालिकाका प्रमुखहरुका साथै वीरगन्ज महानगरपालिकाका प्रमुख प्रशासकीय अधिकृत लक्षमी प्रसाद पौडेल, मेयर सिंहका स्वकीय सचिव सत्यराज घिमिरे लगायतको पनि सहभागीता थियो ।