Date
सोम, कार्तिक ३०, २०८३
Mon, November 16, 2026
Home Blog Page 532

गैरसरकारी संस्था महासंघ पर्साकाे बैठक सम्पन्न

0

जितेन्द्र यादव /
पाेखरिया । गैर सरकारी संस्था महासंघ नेपाल जिल्ला शाखा पर्साकाे बैठक बिहिबार वीरगंजमा सम्पन्न भएकाे छ । वीरगंजकाे पानीटंकीस्थित गैरसरकारी संस्था महासंघ पर्साकाे सम्पर्क कार्यालयमा बसेकाे बैठक विभिन्न निर्णय गर्दै सम्पन्न भएकाे हाे ।

महासंघ पर्साका अध्यक्ष छठु साहको अध्यक्षतामा बसेकाे बैठकले गैसस महासंघ मधेस प्रदेशको अधिवेशनकाे लागि एक महिलासहित ३ जनालाई प्रतिनिधि चयन गरेकाे छ । चयन भएकाे प्रतिनिधिमा सिमा खड्का, छठु साह र चन्देश प्रसाद चौहान रहेका छन् ।

यसैगरी महासंघकाे मधेश प्रदेशको अधिवेशनमा थप एक जना महिला र दुई जना पुरूष क्रमश मनोज प्रसाद यादव, सुरज प्रसाद पंडित र कोपिला चौलागाई सहभागि गराउने निर्णय बैठकले गरेकाे छ ।

पांच दिने उद्घोषण तथा आधारभूत पत्रकारिता तालिम सम्पन्न

0

वीरगंज । वीरगंज महानगरपालिकाका मेयर राजेशमान सिंहले वीरगंजकाे पत्रकारिता क्षेत्रको विकास र सशक्तिकरणका लागि संस्थागत रुपमा सहयोग गर्न महानगर तयार रहेको बताएका छन् ।

रेडियो वीरगंज, टिभि वीरगंज र मधेशदृष्टिकाे संयुक्त आयोजनामा भएकाे उद्घोषण तथा आधारभूत पत्रकारिता विषयक तालिमको बिहीबार समापन कार्यक्रममा बोल्दै मेयर सिंहले यस्तो बताएका हुन् । उनले भने,,‘ वीरगंजकाे पत्रकारीता र पत्रकारहरुलाई सशक्त बनाउन के के सहयोग चाहिन्छ ? त्यसकालागि तपाईहरु प्रस्ताव लिएर आउनुस्, महानगर सहयोग गर्न तयार छ ।’

मेयर सिंहले कुनै व्याक्ति वा दल विशेषको लागि नभई समाजका लागि पत्रकारिता गर्न आग्रह पनि गरे । उनले पत्रकारीतामा पनि केहि विकृति रहेको औंल्याउदै उनले त्यसलाई सुधार गर्नु पर्नेमा जोड दिए ।

रेडियो वीरगंज, टिभि वीरगंज र मधेशदृष्टिका अध्यक्ष ध्रुब साहको अध्यक्षतामा भएको तालिमको ससमापन कार्यक्रममा तालिममा भाग लिएका प्रशिक्षार्थीहरुलाई प्रमाणपत्र समेत वितरण गरिएको थियो । कार्यक्रममा तालिमका मुख्य प्रशिक्षक समेत रहेका वरिष्ठ साहित्यकार एंव पत्रकार डाक्टर नवराज लम्साल र मधेसदेष्टि पत्रिकाका प्रधान सम्पादक रामकुमार एलनलाई दोशल्ला ओढाएर सम्मानित पनि गरिएको थियो ।

समापन कार्यक्रममा ममधेस विश्व विद्यालयका उपकुलपति डाक्टर दिपक शाक्य, नेपाल पत्रकार महासंघका मधेस प्रदेश महासचिव श्याम बन्जारा , पर्साका प्रमुख जिल्ला अधिकारी हिरालाल रेग्मी , उद्योगपति अशोक बैद्य, प्रेस सेन्टर पर्साका अध्यक्ष दिपक गाैतम, समाजवादी प्रेस संगठन पर्साका अध्यक्ष मनाेज पटेल, प्रेस युनियन पर्साका उपाध्यक्ष क्रान्ति साह लगायतकाे सहभागिता रहेकाे थियाे । कार्यक्रमको सहजीकरण रेडियो वीरगंज समाचार प्रमुख ध्रुब अधिकारीले गरेका थिए ।

ताैल ढाँटेर मल बेच्ने थारु धराैटीमा रिहा

0

वीरगंज । कम ताैल गरी मल बिक्री गरेकाे आराेपमा पक्राउ परेका सहकारी संचालक धराैटीमा रिहा भएका छन् । पर्साकाे पर्सागढी नगरपालिका वडा नं. ८ हरपुरबाट पक्राउ परेका बनहरबाबा कृषि सहकारी संस्था पर्सागढी नगरपालिका वडा नं. ५ का संचालक विनाेद चाैधरी थारु धराैटीमा रिहा भएका हुन् ।

मंगलबार पक्राउ गरिएका थारुलाई रु ३ लाख ५८ हजार ५०० धराैटीमा बुधबार छाेडिएकाे गुणस्तर तथा नापताैल कार्यालय वीरगंजका अनुसन्धान अधिकृत संजिव कुमार ठाकुरले जानकारी दिए । सरकारी वकीलकाे प्रतिवेदन आइसकेपछि उनलाई अदालत पेश गरिने अनुसन्धान अधिकृत ठाकुरले वताए ।

उनी विरुद्ध नापताैल कसुरमा कारवाही अगाडी बढाइएकाे वताउँदै अधिकृत ठाकुरले कसुर ठहर भए ३ बर्ष सम्म कैद र ३० हजार जरिवाना हुन सक्ने कानुनी व्यवस्था रहेकाे वताए । 

इलेक्ट्राेनिक तराजुलाई नै बनाएर यर्थात ताैल भन्दा कम ताैल गरेर डिएपी मल बिक्री गरिरहेका अवस्थामा मंगलबार थारु पक्राउ परेका थिए ।

स्थानियहरुका अनुसार उनले बिक्री गरेकाे ३० किलाे मल अरु तराजुमा ताैल गर्दा २६ केजी मात्र भएकाे पाइएपछि मल लिन पुगेका कृषिकहरु हुहल्ला गर्दै इलाका प्रहरी कार्यालय एकटांगालाई खबर गरेका थिए । त्यसपछि इलाका प्रहरी कार्यालय एकटा‌ंगाबाट पुगेकाे प्रहरीले उनलाई नियन्त्रणमा लिएकाे थियाे ।

उनले प्रयाेग गर्दै आएकाे इलेक्ट्राेनिक तराजुमा १० केजी ताैल गर्दा १३ केजी र २० केजी ताैल गर्दा २५ केजी देखाउने गरेकाे थियाे ।  स्थानिय कृषकहरु उनले प्रयाेग गर्दै आएकाे तराजु पनि नियन्त्रणमा लिएर गुणस्तर तथा नापताैल कार्यालय वीरगंजलाई बुझाएका छन् ।   

पार्टीका नेताप्रति भएको दुर्व्यवहारकाे अध्यक्ष चाैधरीद्वारा भत्र्सना

0

वीरगंज । नेकपा (एकिकृत समाजावादी) पार्टी बीरगन्ज महानगर कमिटिले पार्टीका सम्मानित नेता प्रति भएको दुर्व्यवहारकाे घोर भत्र्सना गरेको छ । नेकपा (एकिकृत समाजावादी) पार्टीका बीरगन्ज महानगर कमिटि अध्यक्ष मनोज चौधरीले संचारकर्मीहरुसँग कुराकानी गर्दै घटनाको बिरोध गर्नुको साथै आफ्नो फेसबुक पेज मार्फत घटना निदनीय रहेको उल्लेख गर्नु भएको छ ।

पार्टीका सम्मानित नेता झलनाथ खनाल माथि केही पुनरुत्थानवादीहरुका मतियार तथा अराजक तत्वहरूले कार्यक्रमलाई बिथोल्ने नियतले हो हल्ला गर्ने, नारावाजी गर्ने, तोडफोड गर्ने र अभद्र ढंगले दुर्व्यवहार र अपमानित गरेको घटना निदनीय रहेको अध्यक्ष चौधरीले बताउनु भयो ।

उनले देशको कम्युनिष्ट आन्दोलन तथा लोकतान्त्रिक आन्दोलनमा अग्रनी भुमिका खेलेका नेताको अपमान हुनु दुखद भएको बताउँदै दोषीलाई यथासिघ्र कानुनी दायरा ल्याउनु पर्ने धारणा व्यक्त गर्नु भयो ।

अगामी दिनमा यस्ता घटना नदोहरियोस तर्फ सरकार संचेत हुनु पर्ने बताउँदै नेता चौधरीले हाम्रो गौरवशाली नेताहरु उपर भइरहेको श्रुखलावद अपमान जनक टिक्का टिप्पणी तथा अभद्र व्यवहार नरोकिए बीरगन्ज सहित देशभरी आन्दोलनको बिगुल फुक्न युवाहरु पछि नपर्ने अध्यक्ष चौधरीले चेतावनी दिनु भयो । घटनाको पार्टी केन्द्रीय कार्यालयले समेत बिज्ञप्ती निकाली भत्सना गरहेको छ ।

मेयर सिंहद्वारा सरसफाई सम्बन्धी सीपमुलक तालिमको उद्घाटन

0

वीरगंज । वीरगंज महानगरस्तरीय सरसफाई सम्बन्धी सीपमुलक तालिम तथा गोष्ठी सुरु भएको छ । महानगरपालिकाको सहयोगमा नेशनल इम्प्लोयमेन्ट डेभलपमेन्ट सेन्टर प्रा.ली.ले आठ दिने तालिमको आयोजना गरेको हो ।

सरसफाई सम्बन्धी सचेतना फैलाउनुका साथै फोहोरको उचित व्यवस्थापन गरी फोहोरबाट मोहर बनाउने किसिमका सीप सिकाउने अभिप्रायका साथ तालिमको आयोजना गरिएको महानगर प्रमुख राजेशमान सिंहले बताए ।

वीरगंज महानगरलाई सफा र सुन्दर शहर बनाउने महानगरको अभियानलाई सफल बनाउनका लागि फोहोरको सही व्यवस्थापन गर्न सबै सचेत हुनुपर्ने आवश्यक्ता उनले औँल्याए । सरसफाईको क्षेत्रमा परिवर्तन भएपनि पर्याप्त नभएको बताउँदै महानगरले प्राथमिकताका साथ काम गरीरहेको पनि उनले जानकारी गराए ।

अहिलेसम्म भएको कामले आफू सन्तुष्ट नभएको बताउँदै उनले गल्लीगल्लीका सडक एवम् नालाहरुलाई आफ्नै कार्यकालमा पूर्ण रुपमा सफा बनाउने दृढता देखाएका छन् । तालिमले फोहोरबाट मोहर बनाउन सहयोग पुग्ने उनको विश्वास छ ।

वीरगंज महानगरपालिका वडा नम्बर ११ का वडाध्यक्ष अजय कुमार बरैले सफा र सुन्दर बनाउने अभियानमा साथ दिन सबैलाई आग्रह गरेका छन् । सबै वडाअध्यक्षहरु सक्रिय भएर आआफ्नो वडालाई सफा बनाएमा महानगर आफै सफा बन्ने बरैको विश्वास छ ।

तालिममा सहभागीहरुलाई नरेश जैसवालले प्रशिक्षक दिइरहेका छन् । तालिमको सहजीकरण आयोजक संस्थाका कार्यक्रम संयोजक सन्दीप तिवारीले गरेका थिए ।

दुई दशकपछि वीरगंजका ठूला नाला सफाई हुँदै

0

वीरगंज । एकैछिनको वर्षाले जलमग्न हुने जिल्ला प्रशासन कार्यालय पर्सा (सिडिओ अफिस) नजिकको नाला दुई दशकपछी सफा गरिएको छ । सिडिओ अफिस अगाडीको नाला वीरगंज महानगरपालिकाको स्काभेटर र सरसफाई कर्मचारीले दुई दशकपछी सफा गरेका हुन् ।

नाला सफा गर्नका लागि सिडिओ अफिस बाहिरको पर्खालसमेत भत्काउनु परेको महानगरपालिकाको सरसफाई शाखा प्रमुख सर्फुदिन मियाँले बताए । उनले भने, ‘बिसौँ वर्षपछि यो नाला सरसफाई गरेका हौँ । महानगर प्रमुख राजेशमान सिंहको निर्देशनमा महानगरमा हुने डुबानको जोखिमलाई कम गर्नका लागि ठाउँठाउँमा वर्षाैँदेखि सफा नगरिएका नाला सरसफाई गर्ने क्रम जारी नै छ ।’

नाला सफा गरिएसँगै डुबानको जोखिम कम भएको र भएपनि विगतको जस्तो नहुने मियाँको विश्वास छ । आफ्नै कार्यकालमा महानगरका हरेक नालालाई सफा गरेर व्यवस्थित गर्ने महानगर प्रमुख राजेशमान सिंहको प्रतिबद्धता छ  । महानगरले अघि सारेको सफा र स्वच्छ वीरगंज बनाउने अभियानमा हातेमालो गर्दै नालामा फोहोर नफालेर ढल मात्रै बग्न दिन उनले महानगरबासीसँग आग्रह गरेका छन् ।

महानगरबासी जिम्मेवार भएर फोहोर सबै डस्टबिन र फोहोर उठाउने गाडीमा फाल्ने हो भने नालामा ढलको पानी मात्रै बग्ने र जसले गर्दा डुबान नहुने सिंहको बुझाई छ ।

नागरिकता विधेयक प्रमाणीकरण भएपछि सांसद यादवद्वारा खुसी व्यक्त

0

वीरगंज । जनता समाजवादी पार्टी (जसपा) का प्रमुख सचेतक प्रदीप यादवले नागरिकता विधेयक प्रमाणीकरण गरेकोमा राष्ट्रपति रामचन्द्र पौडेलप्रति आभार व्याक्त गरेका छन् ।

यसअघिकी तत्कालीन राष्ट्रपति विद्यादेवी भण्डारीले दुई/दुई पटक अस्वीकृत गरेको नागरिकता विधेयक बुधबार राष्ट्रपति पौडेलले प्रमाणीकरण गरेपछि पर्सा क्षेत्र नम्बर १ का प्रतिनिधी सभा सदस्य (सांसद) समेत रहेका यादवले राष्ट्रपति पौडेललाई धन्यवाद दिएका हुन् ।

राष्ट्रपतिलाई धन्यवाद दिँदै यादवले सामाजिक सञ्जाल फेसबूकमा लेखेका छन् ,‘निरन्तर पहल र लामो सङ्घर्ष पश्चात आज अन्ततः सम्माननीय राष्ट्रपति रामचन्द्र पौडेलज्यूले नागरिकता विधेयक प्रमाणीकरण गर्नुभएको छ । विधेयक प्रमाणीकरण गर्नुहुने सम्माननीय राष्ट्रपतिज्यूसहित सङ्घर्षमा सहयोग गर्नुभएका सबै प्रति आभार व्यक्त गर्दछु ।’

लाखौँ नागरिकताविहिन युवाहरुको आवाज बनेर आफूले सदन र सडक मार्फत उठाउँदै आएको माग आज बुधबार पूरा हुँदा आफू निक्कै हर्षित भएको उल्लेख गर्दै यादवले खुसी व्यक्ति गरेका छन् ।

संविधानमा उल्लेख भएअनुसार राष्ट्रपति पौडेलबाट नागरिकता विधेयक प्रमाणीकरण भएसँगै लाखौँ युवाहरुले नागरिकता प्राप्त गर्दै एउटा सुनौली भविष्य तर्फको आफ्नो यात्रा अगाडि बढाउँने यादवको विश्वास छ ।

पूर्व वन तथा वातावरणमन्त्री समेत रहेका यादवले सदन र सडक मार्फत निरन्तर नागरिकताको विषयलाई उठाउँदै आएका थिए ।

शैक्षिक गुणस्तर सुधारको लागि पालिकालाई युवा संजालकाे ध्यानाकर्षण

0

वीरगंज । युवा संजाल केन्द्र, पटेर्वासुगौली गाउँपालिकाका सदस्यहरुले शैक्षिक गुणस्तर सुधारको माग गर्दै गाउँपालिकामा ध्यानाकर्षण पत्र बुझाएका छन् ।

संविधानमा सुनिश्चित गरिएको मौलिक अधिकारसँगै आधारभुत तहको शिक्षा अनिवार्य र माध्यमिक तहसम्मको शिक्षा निशुल्क रहने व्यवस्था भएता पनि पालिकाले अहिले सम्म कार्यान्वयन नगरेको भन्दै ध्यानआर्कषण पत्र बुझाएका हुन् ।

पालिकाले शिक्षा नियामावलीमा उल्लेखित भए बमोजिम शिक्षक तथा कक्षाकोठाको व्यवस्था, विपन्न, गरीब बालबालिकाहरुलाई उच्च शिक्षा पढ्नको लागि छात्रबृत्ति सहयोग गर्ने व्यवस्था, विद्यालयमा अपांगमैत्री तथा लैंगिक मैत्री भौतिक संरचना निर्माण, गरिब, विपन्न, जेहेन्दार, दलित, लक्षित तथा सिमान्तकृत वर्ग र पिछाडिएको क्षेत्रका बालबालिकाहरुको विधालयमा पहुँच बढाउन र टिकाउन उनीहरुले माग गरेका छन् ।

यसैगरी छात्रवृत्ति व्यवस्था, कुल बजेटको कम्तीमा शिक्षा क्षेत्रमा २०% बजेट शिक्षामा छुट्याउनु पर्ने र लैगिंक संबेदनशीलता र समाबेशीताको बिषयलाई संम्बोधन गर्नै गरि बजेटको विनियोजन सुश्चिता, शैक्षिक बजेट तथा कार्यक्रम योजना निमार्णको प्रक्रियामा युवाको संलग्नताको माग राखि गाउँपालिकाका शिक्षा प्रमुख शोलेन्द्र पंञ्जीयारलाई ज्ञापन–पत्र बुझाएका हुन् ।

ज्ञापनपत्र बुझाए पश्चात शिक्षा प्रमुख शोलेन्द्र पञ्जीयारले यि सबै मागलाई पुरा गर्नको लागी सक्दो सहयोग गर्ने प्रतिवद्धता व्यक्त गरेकाे युवा संजाल केन्द्रले जनाएकाे छ ।

पर्सागढीबाट कम ताैल गरी मल बिक्री गर्ने सहकारी संचालक पक्राउ

0

वीरगंज । कम ताैल गरी मल बिक्री गर्ने एक सहकारीका संचालक पर्साकाे पर्सागढी नगरपालिका वडा नं. ८ हरपुरबाट पक्राउ परेका छन् ।

इलेक्ट्राेनिक तराजुलाई नै बनाएर यर्थात ताैल भन्दा कम ताैल गरेर डिएपी मल बिक्री गरिरहेका बनहरबाबा कृषि सहकारी संस्था पर्सागढी नगरपालिका वडा नं. ५ का संचालक विनाेद चाैधरीलाई प्रहरीले नियन्त्रणमा लिएकाे हाे ।

स्थानियहरुका अनुसार उनले बिक्री गरेकाे ३० किलाे मल अरु तराजुमा ताैल गर्दा २६ केजी मात्र भएकाे पाइएपछि मल लिन पुगेका कृषिकहरु हुहल्ला गर्दै इलाका प्रहरी कार्यालय एकटांगालाई खबर गरेका थिए । त्यसपछि इलाका प्रहरी कार्यालय एकटा‌ंगाबाट पुगेकाे प्रहरीले उनलाई नियन्त्रणमा लिएकाे थियाे ।

उनले प्रयाेग गर्दै आएकाे इलेक्ट्राेनिक तराजुमा १० केजी ताैल गर्दा १३ केजी र २० केजी ताैल गर्दा २५ केजी देखाउने गरेकाे थियाे ।  स्थानिय कृषकहरु उनले प्रयाेग गर्दै आएकाे तराजु पनि नियन्त्रणमा लिएर गुणस्तर तथा नापताैल कार्यालय वीरगंजलाई बुझाएका छन् ।   

 गुणस्तर तथा नापताैल कार्यालय वीरगंजले पक्राउ परेका चाैधरी विरुद्ध मुद्दा चलाउने तयारी गरेकाे गरेकाे छ । 

प्रभु अस्पतालमा दन्त उपचार सेवा पनि सुरु

0

वीरगंज । वीरगंजकाे पानीटंकीमा रहेको प्रभु अस्पतालमा दन्त उपचार सेवा पनि सुरु भएको छ । प्रभु अस्पतालमा स्थापना गरिएको दाँत क्लिनिकको बुधबार उद्घाटन गरिएको छ ।

दाँत क्लिनिकको दन्तरोग विशेषज्ञ डाक्टर मनोज उपाध्यायले उद्घाटन गरेका हुन् । डाक्टर ज्योती गुप्ताले दाँत उपाचारको सेवा दिने प्रभु अस्पतालका संचालक डा. मनोज गुप्ताले जानकारी दिए ।

उद्घाटन कार्यक्रममा प्रभु अस्पतालका बरिष्ठ सर्जन डाक्टर मनोज कुमार गुप्ता, प्रसुती तथा स्त्री रोग विशेषज्ञ डाक्टर लक्ष्मी थापा गुप्ता, वीरगंज ८ का वडा सदस्य गफार मिया, दिलिप राज कार्की,अस्पतालका नर्स र कर्मचारीहरुको उपस्थिति रहेको थियो ।

अस्पतालमा स्थापना गरिएको दाँत उपचार केन्द्रमा दाँत सम्बन्धि सम्पूर्ण उपचार सेवा उपलब्ध हुने दन्तरोग विशेषज्ञ डाक्टर ज्योति गुप्ताले वताइन ।

त्यस्तै २०८० जेष्ठ भरी नि:शुल्क दन्त परिक्षण र अन्य दन्त चेक जाचमा १५ % छुट हुने जानकारी उनले गराइन ।