Date
सोम, कार्तिक ३०, २०८३
Mon, November 16, 2026
Home Blog Page 531

मिडिया फेलोशिप बारे अभिमुखीकरण

0

वीरगंज । नेपाल पत्रकार महासंघ पर्साका अध्यक्ष अनुप तिवारीले पत्रकार तथा सञ्चारकर्मीहरूले सधैँ सकारात्मक सोच राखी प्रत्यक्ष कुराभन्दा परसम्म पुगेर शोषण वा अधिकार हननका संकेतको खोजी गर्नुपर्ने बताएका छन् ।

हाम्रो अभियान पर्साले साेमबार वीरगंजमा आयोजना गरेको मिडिया फेलोशिप बारे एक दिने अभिमुखीकरण कार्यक्रममा उनले यस्तो वताएका हुन् । कार्यक्रममा बोल्दै उनले पत्रकारिता पेशामा आउनेलाई र पुराना काम गरिरहेका पत्रकार तथा सञ्चारकर्मीहरुलाई औपचारिक कार्यक्रमका समाचार भन्दा पनि खोज पत्रकारितामा लागेर वास्तविक मुद्दामा लाग्न आवश्यक रहेको औल्याए ।

सामाजिक अभियन्ता प्रकाश थारुले सञ्चारले गर्दा नै आफुहरु समाजमा चिनाएको वताए । सञ्चारकर्मीले गर्दा समाज र जनताको समस्या थाहा पाएर हामी सामाजिक अभियन्तालाई समाधान गर्नमा सहयोग पुगेको बताए ।

सञ्चारकर्मीहरु अहिले राजनितिमा बढी ध्यान केन्द्रित गरेको हुँदा समाजमा रहेका दलित, जनजाति तथा सिमान्तीकृत सामुदायका समस्या खुलेर आउन नसकेको बताए ।

दलित महिलाकी अगुवा निला रामले अहिले पनि समाजमा दलित र एकल महिलाहरुलाई विभेद भईरहेको बताइन । उनले सरकारले छुवाछुत भेदभाव गर्न नमिल्ने कानुनी अपराध भए पनि सामुहिक पुजापाठमा उपल्लो जातका व्यक्तिबाट विभेद भईरहेको दुखेसो सुनाइन ।

यु.एस.एड./सिभिल सोसाईटी एण्ड मिडिया, द एसिया फाउन्डेशनको सहयोगमा हाम्रो अभियान पर्साले ल्याएको यस फेलोशिप कार्यक्रमबाट अवश्य नै खोज पत्रकारिताको विकास गर्ने विश्वास आफुहरुले लिएको कार्यक्रममा सहभागी अन्य वक्ताहरुले बताए ।

अभिमुखीकारण कार्यक्रममा फेलिोशिपका लागी छनौट गरिएका पर्सा, बारा, रौतहटका गरी १० जनाको सहभागिता रहेको थियो । फेलोशिप कार्यक्रमका प्रोग्राम अफिसर सालमा खातुनले सहभागीहरुलाई कार्यक्रमबारे विस्तृत जानकारी गराएकी थिइन ।

सो अवसरमा आयोजक संस्था हाम्रो अभियान पर्साका कार्यकारी निर्देशक शिवनाथ यादव लगायत प्रतिनिधिहरुको पनि सहभागिता रहेको थियो ।

संसदीय विकास कोष खारेज गर्नु हुँदैन : पूर्वमन्त्री यादव

0

वीरगंज । जनता समाजवादी पार्टी (जसपा) नेपालका प्रमुख सचेतक प्रदीप यादवले बजेट सन्तुलित नभएको टिप्पणी गरेका छन् ।

अर्थमन्त्री डा. प्रकाशरण महतले आगामी आर्थिक वर्षका लागि पेश गरेको बजेटमाथि संसदमा चलिरहेको छलफलमा सहभागी हुँदै प्रमुख सचेतक यादवले बजेट उत्पादनमा आधारित कार्यक्रमलाई प्राथमिकता दिएर आर्थिक सुधार तर्फ केन्द्रित रहेपनि सन्तुलित नभएको टिप्पणी गरे ।

पर्सा निर्वाचन क्षेत्र नम्बर १ का प्रतिनिधिसभा सदस्य (संसाद) समेत रहेका यादवले रोजगारी सृजना गर्न आयात, प्रतिस्थापन, उत्पादन वृद्धि र उत्पादनमा आधारित राजश्व वृद्धि गर्ने जस्ता कार्यक्रम बजेटमा समेटिनु सकारात्मक भएको बताए ।

यादवले बजेटले सङ्घीयता कार्यन्वयन तर्फ ध्यान नदिएको आरोप लगाए । उनले भने, ‘बजेटमा राम्रा पक्ष पनि छन्, नराम्रा पक्ष पनि छन् । केही सुधारको आवश्यकता पनि छ । तर, समग्र रुपमा बजेटलाई हर्ने हो भने यो सन्तुलित छैन । अलिकति सङ्घीयतालाई ध्यान दिएको छैन । प्रदेशलाई सन्तुलित गरिएको छैन ।’

सङ्घ सरकारले मधेशमा सबैभन्दा कम बजेट पठाएकोमा आपत्ती जनाउँदै उनले मधेशमा बजेट बढाउन अर्थमन्त्रीको धान्याकर्षण गराए । ‘मधेश पिछडिएको छ । सुरुदेखि पिछडीएको छ । त्यहाँ विकासको आवश्यकता छ । त्यसैले त्यहाँ ध्यान जाओस,’ उनले भने ।

पूर्व वन तथा वातावरणमन्त्री समेत रहेका यादवले स्रोतको उचित व्यवस्थापन बिना ल्याइएको १७ खर्बभन्दा पनि बढीको बजेटको आकार ठूलो भएको टिप्पणी गरे । ‘आम्दानी अठ्ठ्नी हुन्छ र खर्च रुपैयाँ हुन्छ भने देशको टाट पल्टिन्छ । यसमा अर्थमन्त्रीज्यूको ध्यान जाओस,’ उनले थपे ।

राष्ट्रिय योजना आयोगले दिएको १६ खर्ब ८८ अर्बको सिलिङभन्द कमको बजेट ल्याउनु पर्नेमा बढीको ल्याउनु गलत भएको उनको धारणा छ । ‘आम्दानीको स्रोतको भन्दा खर्चको आकार बढाउँदा निश्चयनै बजेटको घाटा ठूलो देखिन्छ,’ उनले भने ।

संसदीय विकास कार्यक्रमको विरोध गरिरहेका सांसदलाई मौसमविद्को संज्ञा दिँदै उनले मिडियाले यस बारेमा भ्रम सृजना गरेको आरोप लगाउँदै कोषको रकम बढाउनु पर्ने बताए । ‘हामी चेपुवामा परेका छौँ । एकतिर हामी नीति बनाउनु आएका छौँ भन्छन् तर त्यहीँ अर्को तर्फ आफ्नो क्षेत्रमा जाँदा जनताले हामीसँग विकासको अपेक्षा गर्छन । त्यसैले क्षेत्रमा पूर्वाधार विकासका लागि आएको संसदीय कोष बारे बनेको नकारात्मक सोच हटाउनु पर्छ,’ उनले भने, ‘यो राम्रो हो, यो राख्नुपर्छ, यो अझै बढाउनु पर्छ । चुनावको समयमा जनतासँग हामीले गरेर आएको वाचा पूरा गर्न यसले मदत गर्छ ।’

निर्माण व्यवसायीमा विश्वासको वातावरण सृजना गर्दै अर्थतन्त्र चलायमान बनाउन भुक्तानी रोक्ने परिपाटी अन्त्य गर्नुपर्ने उनले सुझाव दिए । ‘निर्माण व्यवसायीले काम गर्दिन्छ । पहिलो बिल पेश गर्दा हाकिमले पिसी, डिसी रकम माग्छ, यो के हो ?,’ उनले प्रश्न गरे, ‘यसमा कसलाई थाहा छैन । हामी माननीयसँग केही लुकेको छैन । के गतिविधि हुन्छ हामीलाई सबै थाह हुन्छ । जुन हाकिमलाई पिसी दिँदैन उसले भुक्तानी रोक्दिन्छ । मन्त्रीलाई दिनुपर्छ भनेर झमेला खडा गर्छ ।’

पेस्तोलसहित १८ वर्षीय युवक पक्राउ

0

वीरगंज । प्रहरीले पेस्तोलसहित सिरहाबाट एक युवकलाई पक्राउ परेका गरेका छन् ।

आइतबार साँझ सिरहाको औरही गाउँपालिका १ गंगान पुल स्थितमा प्रहरी चौकी हर्कट्टी सिरहाबाट खटेको प्रहरी टोलीले सुखिपुर नगरपालिका ६ रंगीपुर बस्ने १८ वर्षीय विवेक कुमार साहलाई नियन्त्रणमा लिएको मधेश प्रदेश प्रहरी कार्यालय जनकपुरले जनाएको छ ।

प्रहरीको गस्ति टोलीले भारतीय नम्बर प्लेटको मोटरसाइकललाई शंकाको आधारमा चेकजाँच गर्दा साहले बोकेको पोका पुल मुनी फालेकोमा पोकालाई खोलि हेर्दा सानो पेस्तोल १ थान १ म्यागजिन सहित गोली ६ राउण्ड बरामद भएको प्रहरीले जनाएका छन् ।

यस सम्बन्धमा थप अनुसन्धान भइरहेको प्रहरीले जनाएका छन् ।

सर्वोच्चको आदेश विरुद्ध वीरगंजमा प्रदर्शन

0

वीरगंज । नागरिकता विहीन नागरिक संघर्ष समिति वीरगंजले ‘जन्मसिद्ध नागरिकका सन्तानलाई वंशजको आधारमा नागरिकता दिनुपर्ने तथा आमाको नामबाट नागरिकता दिनुपर्ने’ माग गर्दै वीरगंजमा विरोध प्रदर्शन गरेको छ ।

राष्ट्रपतिले प्रमाणीकरण गरेको नागरिकता ऐन तत्काल कार्यान्वयन नगर्न सर्वोच्च अदालतले अल्पकालीन आदेश जारी गरेको विरोधमा घण्टाघरमा जम्मा भएका संघर्ष समितिका युवाहरुको समूह नाराबाजी गर्दै विरोध प्रदर्शन गरेका हुन् । सर्वोच्चको अल्पकालीन आदेशले आफुहरु थप पीडामा परेको नागरिकता विहीन नागरिक संघर्ष समिति वीरगंजका अध्यक्ष विवेक रौनियारको भनाई छ ।

राष्ट्रपतिबाट प्रमाणीकरण भई राजपत्रमा प्रकाशन भइसकको नागरिकता ऐन तत्काल कार्यान्वयन नगर्न सर्वोच्च अदालतले दिएको आदेश पुर्वाग्रही रहेको उनको आरोप थियो । उनले सर्वोच्चको कदमलाई समर्थन गर्ने राष्ट्रिय स्वतन्त्र पार्टीका अध्यक्ष रवि लामिछाने र नेकपा एमालेका अध्यक्ष केपी ओली मधेस विरोधी भएको आरोप लगाए ।

उनले रबि लामिछानेले अमेरिका र नेपाल दुबैको नागरिकता, पासपोर्ट लिन पाउने तर हामी एउटा पनि नागरिकता लिन नपाउने ? हामी यस देशको नागरिक होइनौं ? भन्दै राष्ट्रिय स्वतन्त्र पार्टीका अध्यक्ष रवि लामिछानेको तस्विर समेत जलाएका थिए । सर्वोच्चले आफ्नो पुर्वाग्रही फैसला तत्काल नसच्याए नागरिकता विहिन लाखौं युवायुवतीहरु अब आत्मदाहको स्थितिमा पुग्न बाध्य हुने आन्दोलनकारीहरुले चेतावनी समेत दिएका छन् ।

सर्वोच्च अदालतले नागरिकता विधेयक कार्यान्वयन नगर्न अल्पकालीन अन्तरिम आदेश जारी गरेकाले नयाँ नागरिकता ऐन अनुसार सोमबारदेखि हुने भनिएको नागरिकता वितरण कार्य जिल्ला प्रशासन कार्यालय पर्साले रोकेको छ । सोमबारदेखि ऐन अनुसार नयाँ नागरिकता वितरणको लागि जिल्ला प्रशासन कार्यालय पर्साले आइतबार नै एक सूचना जारी गरेको थियो । तर आइतबार नै सर्वोच्च अदालतका न्यायाधीश डा. मनोजकुमार शर्माको एकल इजलासले नागरिकता ऐन कार्यन्वयन नगर्न आदेश दिएकोले नयाँ नागरिकता वितरण कार्य रोकिएको पर्साका सहायक प्रमुख जिल्ला अधिकारी भीमकान्त पौडेलले जानकारी दिए ।

देशको दुवै सदनबाट दुई/दुई पटक पारित भएको नागरिकता विधेयक राष्ट्रपति रामचन्द्र पौडेलले गत बुधबार प्रमाणीकरण गरेका थिए । राष्ट्रपतिले विधेयक प्रमाणीकरण गरेपछि सरकारले राजपत्रमा सूचना प्रकाशित गर्दै नयाँ ऐनअनुसार नागरिकता वितरण गर्न देशभरका जिल्ला प्रशासन कार्यालयलाई परिपत्रसमेत गरिसकेको थियो ।

राष्ट्रपति रामचन्द्र पौडेलले गैरसंवैधानिक रूपमा नागरिकता विधेयक प्रमाणीकरण गरेको भन्दै वरिष्ठ अधिवक्ता सुरेन्द्र भण्डारी र बालकृष्ण न्यौपानेले सर्वोच्चमा दायर गरेको रिटमाथि आइतबार सुनुवाइ गर्दै सर्वोच्चले अल्पकालीन अन्तरिम आदेश जारी गरेको छ भने अन्तरिम आदेशका लागि दुवै पक्षलाई बोलाएको छ ।

रोटरी र रोट्रयाक्टकाे आयाेजनामा स्वास्थ्य शिविर सम्पन्न

0

वीरगंज । रोटरी क्लब अफ वीरगंज मेट्रोपोलिस र रोट्रयाक्ट क्लब अफ वीरगंज मेट्रोपोलिसकाे संयुक्त आयाेजनामा शनिबार नि: शुल्क स्वास्थ्य शिविर सम्पन्न गरेको छ ।

वीरगंज महानगरपालिका वडा – २६ आठराहा सुगौलीमा भएकाे शिविरमा २ सय ८८ जनाले स्वास्थ्य परिक्षण गराएकाे रोट्रयाक्ट क्लब अफ वीरगंजका चार्टर अध्यक्ष प्रकाश कर्णले जानकारी दिए ।

शिविरमा त्रिलोकी क्लिनिक वीरगंजका विशेषज्ञ चिकित्सक डा. सिभ कुमार झा, किरण आँखा अस्पतालका टिम र डा. अमर क्याल, सहारा डेन्टल केयर वीरगंजका डा. एहसान आलम अन्सारीले विरामीहरुकाे स्वास्थ्य परिक्षण गरेका थिए ।

शिविरमा वीरगंज महानगरपालिका वडा २६ आठराहा सुगौलीका अध्यक्ष शम्भु मिश्रा लगायतकाे उपस्थिती रहेकाे थियाे । शिविरमा नेशनल मेडिकल कलेजका एमबीबीएस अध्यनरत विद्यार्थीहरुले प्राविधिक सहयाेग गरेका थिए ।

लिटलबडीकाे आयाेजनामा निशुल्क आँखा शिविर सम्पन्न

0

वीरगंज । लिटलबडि इन्टरनेशनल प्रिय स्कुल वीरगंजकाे आयाेजनामा शनिबार निशुल्क आँखा जाँच शिविर सम्पन्न भएकाे छ । वीरगंजकाे पानीटंकीस्थित विद्यालय परिसरमा भएकाे शिविरमा २ सय जनाले आँखा जाँच गराएकाे प्रकाश डान्स स्टुडियाेका संचालक प्रकाश कर्णले जानकारी दिए ।

विद्यालयका प्रधानाध्यापक विजय कुमार बलकाे अध्यक्षतामा भएकाे शिविरमा प्याबसन वीरगंजका अध्यक्ष ङआलाेक चाैरसिया, सचिव राहुल श्रीवास्तव, वीरगंज युवा समाजका कमल चाैलागाई, नेपाल पत्रकार महासंघ पर्साका उपाध्यक्ष युवराज खड्का, युवराज केशरी, रवि पाेखरेल, प्रकाश कर्ण, रिसु अग्रवाल लगायतकाे उपस्थिती रहेकाे थियाे ।

राेट्रेक्ट क्लब अफ वीरगंज मेट्राेपाेलिसकाे सहयाेगमा भएकाे शिविरमा वीरगंज मेडिकेयर प्रालिका चिकित्सकहरुले आँखा परिक्षण गरेका थिए ।

स्थानीय तहले करको दरमा एकरुपता ल्याउने

0

वीरगंज । वीरगंज पथलैया औद्योगिक क्षेत्रमा पर्ने तीनै वटा स्थानीय तहले आउँदो आर्थिक वर्षबाट करको दरमा एकरुपता ल्याउन गृहकार्य सुरु गरेका छन् । वीरगंज महानगरपालिकाको पहलमा बिहीबार तीनै स्थानीय तहका प्रमुखबीच भएको बैठकले करको दर र आयका शीर्षकमा एक रुपता ल्याउने निर्णय गर्दै त्यसका लागि कार्यदल बनाएको छ ।

वीरगंज महानगरका प्रमुख राजेशमान सिंहले औद्योगिक करिडोरमा पर्ने तीनै वटा सरकारले यहाँका उद्योगि व्यवसायी तथा स्थानीयको सहजताका लागि करको दरमा एक रुपता ल्याउन खोजिएको बताए । बैठकले आयका शीर्षक र करको दरमा एक रुपता ल्याउन वीरगंज महानगरपालिकाका राजश्व शाखा प्रमुख मनोज कर्णको संयोजकत्वमा ३ सदस्यीय कार्यदल गठन समेत गरेको छ ।

समितिमा जितपुर सिमरा उपमहानगरपालिकाका राजश्व शाखा प्रमुख रामप्रसाद शर्मा र परवानीपुर गाउँपालिकाका राजश्व शाखा प्रमूख कृष्ण प्रसाद यादब सदस्य रहेका छन् ।

कार्यदलले यस क्षेत्रमा कुन विषयमा कति कर लगाउन मुनासिब देखिन्छ भन्ने बारे अध्ययन गरेर तीन दिन भित्र प्रतिबेदन बुझाउने जिम्मेवारी पाएको छ । कार्यदलले अध्ययन गरेर प्रतिबेदन दिएपछि पुन: बैठक बसेर त्यस बारेमा निर्णय लिइने महानगर प्रमुख सिंहले बताए ।

महानगर प्रमुख सिंहको अध्यक्षतामा बसेको बैठकमा जितपुर सिमराका प्रमुख राजन पौडेल, वीरगंज महानगरपालिकाका उपप्रमुख इम्तियाज आलम, जितपुरसिमराका उपप्रमुख भोला प्रसाद अधिकारी,  परवानिपुर गाउँपालिकाका प्रमुख राछत्री प्रसाद कुर्मी, वीरगंज महानगरपालिकाका प्रमुख प्रशासकीय अधिकृत लक्ष्मी प्रसाद पौडेल लगायत तिनै वटा स्थानीय तहका राजश्व शाखाका कर्मचारीको सहभागिता रहेको थियो ।

वीरगंज २१ मा वडा कार्यालयकाे भवन शिलान्यास

0

वीरगंज । वीरगंज महानगरपालिकाकाे वडा नम्बर २१ मा निर्माण हुने वडा कार्यालय भवनको शुक्रवार शिलान्यास गरिएको छ ।

जनता समाजवादी पार्टी नेपाल (जसपा) का प्रमुख सचेतक प्रदीप यादव र वीरगंज महानगरपालिकाका मेयर राजेशमान सिंहले संयुक्त रुपमा हिन्दू धर्म संस्कृति अनुसार पूजापाठ गर्दै वडा कार्यालय भवनको शिलन्यास गरेका हुन् ।

शिलान्यास गर्दै पर्सा निर्वाचन क्षेत्र नम्बर १ का प्रतिनिधिसभा सदस्य (सांसद) यादवले भवन निर्माणसँगै वडा कार्यालयबाट हुने सेवा प्रवाहमा सहजता आउने विश्वास व्यक्त गरे । आफ्नै भवन भएपछि हाल पूरानो पूर्वाधारसहितको साँघुरो भवनबाट सञ्चालित वडा कार्यालयबाट सेवाग्राहीले भोगिरहेको सास्तीको पनि अन्त्य हुने उनको विश्वास छ ।

जनतासँग प्रत्यक्ष रुपमा काम गर्ने सरकार भनेकै स्थानीय तह भएको बताउँदै उनले भने, ‘गुणस्तरीय र जनअपेक्षा अनुसार सेवा प्रदान गर्न कार्यालयको ठूलो भूमिका हुन्छ । हालको वडा कार्यालयमा कुनै पनि सुविधा छैन । सेवाग्राहीका लागि राम्रोसँग बस्ने ठाउँको समेत व्यवस्था छैन,’ उनले भने, ‘नयाँ भवन बनेपछि सबै समस्याको समाधान हुने मैले विश्वास लिएको छु ।’

पूर्व वन तथा वातावरणमन्त्रीसमेत रहेका यादवले एक फरक प्रसङ्गमा बोल्दै सङ्घ सरकारले वीरगंज महानगरलाई हेपेको आरोप लगाए । ‘मधेश प्रदेशको एक मात्र महानगर वीरगंज हो । तर सङ्घ सरकारले वीरगंजका लागि पठाएको बजेट पर्याप्त छैन । बढी राजश्व उठ्ने र पूर्वाधार निर्माणको आवश्यकता रहेको वीरगंजलाई ठूलो अनुदान दिनुपर्नेमा काठमाडौँलाई धेरै अनुदान दिने सरकारको नीति गलत छ,’ उनले भने । वीरगंजकाे विकासका लागि विशेष प्याकेज ल्याउन आफू लागिपरेको उनले सुनाए ।

शिलान्यास कार्यक्रमका विशिष्ट अतिथी वीरगंज महानगरपालिकाका मेयर राजेशमान सिंहले छिट्टै महानगरका प्रत्येक वडाले आफ्नै भवनबाट कार्यालय संचालन गर्ने बताए । बाँकी रहेका वडाहरुमा पनि पर्याप्त सुविधासहितको वडा कार्यालय भवन बनाउन बजेट व्यवस्थापनमा आफूहरु लागेको उनले बताए ।

“वैभव वीरगंज” को सपनालाई साकार पर्न आफूलाई नगरवासीको साथको खाँचो रहेको बताउँदै उनले भने, ‘मेरो कल्पना अनुसारको वैभव वीरगंज बनाउन मलाइ नगरवासीको साथको खाँचो छ । विगतका एक वर्षमा मैले महानगरमा रहेको नीतिगत एवम् संरचनागत समस्यालाई समाधान गरे । अब विकास निर्माणको कामलाई गति दिन्छु । परवानीपुरसहितका सम्पूर्ण ग्रामिण वडालाई प्रमुख बजारसँग जोड्न सडकदेखि अन्य आवश्यक पूर्वाधारको काम पनि छिट्टै अगाडि बढ्छ ।’

कार्यक्रममा वडाका वडाध्यक्ष राधाकृष्ण साह रौनियार, निवर्तमान वडाध्यक्ष हबिब मियाँ लगायत स्थानीय बुद्धिजीवी, अग्रज, समाजसेवी र विभिन्न राजनीतिक दलका प्रतिनिधिहरुको उपस्थिति थियो ।

महानगरको नगरस्तरीय १ करोड ७ लाख रुपैयाँ बजेटमा बन्न लागेको वडा कार्यालय भवन निर्माणको ठेक्का दिव्य सूर्योदी आस्था जेभी, वीरगंजले पाएको छ । शिलन्यास भएको मितिदेखि ९ महिना भित्र निर्माण सम्पन्न हुने दुई तल्ले भवनमा १२ कोठा हुनेछन् ।

वीरगंजमा पुन: जेठ २६ र २७ गते रात्रि बजार लाग्ने

0

वीरगंज । वीरगंजमा यही जेठ २६ र २७ गते रात्रि बजार लगाउने गरि तयारी अघि बढाइएको छ । हरेक महिनाको अन्तिम शुक्रबार र शनिबार रात्रि बजार संचालन गर्ने पूर्व घोषित कार्यक्रम अनुरुप यस महिना पनि रात्रि बजार लगाउने तयारी अघि बढाइएको हो ।

रात्रि बजार संचालनको तयारीका लागि शुक्रबार महानगरमा सरोकारवालाहरुबीच छलफल भएको छ । छलफलले यस पटक पनि आदर्शनगर क्षेत्रमा रात्रि बजार प्रभावकारी रुपमा संचालन गर्न आवश्यक तयारी अघि बढाउने निर्णय गरेको छ ।

वीरगंजकाे अर्थतन्त्र चलायमान बनाउने उद्देश्यले नयाँ वर्षदेखि सुरु गरिएको रात्रि बजारलाई अहिले महिनाको अन्तिम शुक्रबार र शनिबार गरि २ दिन संचालन गरिँदै आएको छ । रात्रि बजार व्यवस्थापन समितिको शुक्रबार बसकाे बैठकले रात्रि बजार प्रभावकारी भएको भन्दै आउँदा दिनमा यसलाई अझै विस्तार गर्दै लैजाने निर्णय पनि गरेको छ ।

बैठकमा महानगर प्रमुख राजेशमान सिंहले आउँदा दिनमा घण्टाघरदेखि आदर्शनगर, घडिअर्वा लगायतका क्षेत्रलाई समेटेर रात्रि बजारलाई विस्तार गर्दै लैजाने गरि आवश्यक तयारी अघि बढाउन समितिलाई आग्रह गरेका हुन् ।

वीरगंजकाे बजार अवेर सम्म संचालन हुने वातावरण बनाउन आफूले रात्रि बजारको अवधारणा अघि बढाएको भन्दै उनले यसका लागि यहाँका उद्योगी, व्यवसायी तथा स्थानीय नै अघि सर्नु पर्ने बताए । महानगर प्रमुख सिंहले रात्रि बजार व्यवसाय चलायमान बनाउनका लागि पहल थालिएको भन्दै यसलाई निरन्तरता दिन अब यसको नेतृत्व वीरगंज उद्योग वाणिज्य संघले लिनु पर्ने पनि बताए ।

अहिले महिनामा २ दिन मात्रै चलिरहेको रात्रि बजारलाई आफूले हरेक दिन देख्न चाहेको भन्दै त्यस अनुरासको सुरक्षा व्यवस्था र भन्सार खुला गर्ने जिम्मेवारी लिन आफू तयार रहेको पनि उनले बताए ।

बैठकमा उद्योग वाणिज्य संघ वीरगंजका अध्यक्ष अनिल अग्रवालले महानगरले यहाँको बजार चलायमान बनाउन गरेको प्रयास सह्रानीय रहेको भन्दै आउँदा दिनमा यसलाई संचालन गरेर अघि बढ्नु पर्ने जिम्मेवारी आफूहरुको रहेको धारणा व्यक्त गरे ।

रात्रि बजारमा थरिथरिका स्टल राखिने र विशेष गरेर विभिन्न खानाका परिकार, लत्ताकपडा, जुत्ताचप्पल तथा अन्य विविध किसिमका स्टल राखिने रात्रि बजार व्यवस्थापन समितिका सदस्य जयप्रकाश खेतानले जानकारी दिए ।

अत्यधिक गर्मी बढेपछि पर्साका विद्यालहरु बन्द हुँदै

0

वीरगंज । अत्यधिक गर्मी बढेपछि पर्सामा विद्यालयहरु बन्द हुन थालेका छन् । विभिन्न पालिकाहरुले अत्यधिक गर्मीले विद्यालहरुमा पठनपाठन गर्न कठिनाई सृजना भएकाे भन्दै विदा दिन थालेकाे हाे । पर्साका अधिकांश पालिकाहरुले बर्षे विदाबाट काटा हुने गरी ४ दिनदेखि १० दिन सम्म विदा दिएका छन् ।

पर्साकाे विन्दवासिनी गाउँपालिका बिहिबार एक सुचना जारी गर्दै पालिका अन्तर्गतका सामुदायिक तथा निजि विद्यालयहरुमा गर्मी विदा दिएकाे छ ।

गाउँपालिकाले प्रतिकुल मौसमका कारण अत्यधिक गर्मीले गर्दा विद्यालयहरुमा पठनपाठन गर्न कठिनाई सृजना भएको हुदाँ बिन्दवासिनी गाउँ कार्यपालिका कार्यालयकाे जेठ १८ गतेकाे निर्णय अनुसार गाउँपालिका क्षेत्रभित्र संचालित सम्पुर्ण सामुदायिक तथा संस्थागत विद्यालयहरुमा जेठ १९ गते देखि जेठ २२ गते सम्म विदा दिएकाे हाे ।

गाउँपालिकाकाे शिक्षा शाखा प्रमुख कपिल लामिक्षानेद्वारा हस्ताक्षरित सूचनामा वर्षे विदाबाट मिलान हुने गरी बिदा गर्नु/गराउनुहुन सम्बन्धित सबैमा जानकारीको लागि अनुरोध  गरिएकाे छ ।

पकहाँ मैनपुरमा ६ दिन विदा

यसैगरी पकहाँ मैनपुर गाउँपालिकाले पनि सबै सामुदायिक तथा संस्थागत विद्यालयहरुमा गर्मी विदा दिएकाे छ । गाउँ कार्यपालिका कार्यालयको जेठ १८ गतेको निर्णयानुसार हाल बढदो अत्याधिक गर्मीको कारण बालबालिकाहरुको स्वास्थ्यमा पर्न सक्ने प्रतिकुल असरलाई मध्य नजर गर्दै जेठ २१ गते आईतवार देखि जेठ २६ गते शुक्रवार सम्म विदा दिइएकाे निमित प्रमुख प्रशासकिय अधिकृत सुधाँशु शेखर प्रसादले वताए ।

वर्षे विदाबाट कट्टा हुने गरी गाउँपालिका अन्तर्गतका बालविकासदेखि कक्षा १२ सम्मका सबै सामुदायिक तथा संस्थागत विद्यालयहरु बन्द रहने उनले जानकारी दिए ।

कालिकामाईमा ८ दिन विदा

यसैगरी कालिकामाई गाउँपालिकाले पनि सामुदायीक तथा संस्थागत विद्यालयहरु गर्मी विदा दिएकाे छ । गाउँपालिकाले बढदो अत्याधिक गर्मीका कारण वालवालिकाहरुको स्वास्थ्यमा पर्न सक्ने प्रतिकुल असरलाई मध्य नजर गर्दै जेठ १९ गते शुक्रवारदेखि जेठ २६ गते शुक्रवार सम्म ८ दिन  विदा दिइएकाे जनाएकाे छ ।

वर्षे विदावाट कट्टा हुने गरी गाउँपालिकाका अन्तर्गतका वालविकास देखि कक्षा १२ सम्मका सबै सामुदायिक तथा संस्थागत विद्यालयहरुको पठनपाठन बन्द रहने गाउँपालिकाका शिक्षा शाखा प्रमुख मणिभूषण प्रसाद साहले जानकारी दिए ।

जगरनाथपुरमा ९ दिन विदा

यसैगरी जगरनाथपुर गाउँपालिकाले पनि सामुदायिक, धार्मिक, संस्थागत विद्यालयहरुमा गर्मी विदा दिएकाे छ ।

गाउँ कार्यपालिका कार्यालयको मितिः २०८०।०२।१८ गतेका निर्णयानुसार हाल बढदो अत्याधिक गर्मीको कारण बाल बालिकाहरूको स्वास्थयमा पर्न सक्ने प्रतिकुल असरलाई मध्य नजर गर्दै जेठ १९ गते शुक्रवार देखी जेठ २६ गते शुक्रवार सम्म विदा दिइएकाे प्रमुख प्रशासकिय अधिकृत कृष्णनन्दन रायले वताए ।

वर्षे विदाबाट कट्टा हुने गरी गाउँपालिका अन्तर्गतका सबै सामुदायिक, धार्मिक, संस्थागत विद्यालयहरू बन्द रहने व्यहोरा उनले जानकारी दिए ।

पटेर्वा सुगाैलीमा १० दिन विदा

यसैगरी पटेर्वा सुगाैली गाउँपालिकाले पनि सबै सामुदायिक तथा संस्थागत विद्यालयहरु विदा दिएकाे छ ।

गाउँ कार्यपालिका कार्यालयको मिति २०८०।०२।१८ गतेको निर्णयानुसार हाल बढदो अत्याधिक गर्मीको कारण बालवालिका तथा विद्यार्थीहरुको स्वास्थ्यमा पर्न सक्ने प्रतिकुल असरलाई मध्ये नजर गर्दै जेठ १९ गते देखी जेठ २८ गते सम्म विदा दिइएकाे प्रमुख प्रशासकिय अधिकृत सन्देश यादवले वताए ।

वर्षे विदाबाट कट्टा हुने गरी गाउँपालिका अन्तर्गतका बालविकास केन्द्र देखी कक्षा १२ सम्मका सबै सामुदायिक तथा संस्थागत विद्यालयहरु बन्द रहने उनले जानकारी दिए ।

सखुवा प्रसाैनीमा पनि ८ दिन विदा

यसैगरी सखुवा प्रसाैनी गाउँपालिकाले पनि सम्पूर्ण विद्यालयहरुमा गर्मी विदा दिएकाे छ ।

अत्यधिक गर्मीको कारण बालबालिकाहरुको स्वास्थ्यमा प्रतिकुल असर पर्ने भएकोले मिति जेठ १९ गते शुक्रबार जेठ २६ गते शुक्रबार सम्म वर्षे विदा वाट कट्टा हुने गरी गर्मी विदा गरिएको गाउँपालिकाकाे शिक्षा शाखा प्रमुख नेपाल इन्दु शाहले जानकारी दिए ।

छिपहरमाईमा पनि ६ दिन विदा

यसैगरी छिपहरमाई गाउँपालिकाकाले पनि सम्पूर्ण विद्यालयमा गर्मी विदा दिएकाे छ । 

गर्मी बढ्दै गएपछि विद्यार्थीहरुको स्वास्थ्यमा पर्न सक्ने असरलाई मध्यनजर गर्दै गाउँपालिकाले जेठ २१ गते आइतबारदेखि जेठ २६ गते शुक्रबारसम्मका लागि गाउँपालिकाका सम्पूर्ण सामुदायिक र संस्थागत विद्यालयमा गर्मी विदा दिएकाे हो ।

गाउँपालिकाका प्रमुख प्रशासकीय अधिकृत राकेश ओझाले बिहिबार एक सूचना गर्दै गाउँपालिका अन्तर्गतका विद्यालयमा बर्षे विदाबाट मिलान हुने गरि विदा दिइएकाे जनाएका छन् । उनले पुन: जेठ २८ गते आइतबारदेखि नियमित विद्यालय समयमा सञ्चालनमा आउने पनि जनाएका हुन् ।

वीरगंजका विद्यालय पनि ८ दिनकाे लागि बन्द

यस अघि नै वीरगंज महानगरपालिकाले सम्पूर्ण शिक्षण संस्थाहरुमा शुक्रबारदेखि ८ दिनका लागि विदा दिइसकेकाे छ ।

बढ्दाे गर्मीका कारण बालबालिकाहरुकाे स्वास्थ्यमा प्रभाव परिरहेकाे भन्दै वीरगंज महानगरपालिकाकाे कार्यालयले बुधबार नै सूचना जारी गर्दै जेठ १९ देखि जेठ २६ सम्म महानगरमा रहेका बालविकास देखि कक्षा १२ सम्मकाे पठनपाठन हुने सबै सामुदायिक र संस्थागत विद्यालयहरु बन्द गर्ने निर्णय गरिएकाे जनाएकाे थियाे ।