Date
सोम, कार्तिक ३०, २०८३
Mon, November 16, 2026
Home Blog Page 525

जगरनाथपुरकाे ९ औं गाउँ सभा : ४१ कराेड ८८ लाख बराबरकाे बजेट प्रस्तुत

0

वीरगंज । पर्साकाे जगरनाथपुर गाउँपालिकाकाे ९ औं गाउँ सभाले आ.व. २०८०।०८१ को नीति तथा कार्यक्रमहरु सर्वसहमतीले पारित गरेकाे छ ।

गाउँपालिका अध्यक्ष श्रीकान्त प्रसाद यादवकाे अध्यक्षमा सम्पन्न गाउँ सभामा अगामी आर्थिक बर्ष २०८०/०८१ काे लागि रु ४१ कराेड ८८ लाख १० हजार एक सय एक बराबरकाे नीति, कार्यक्रम तथा बजेट प्रस्तुत गरिएकाे हाे ।

प्रस्तुत बजेट अनुसार भौतिक पूर्वाधार तथा विकास कार्यक्रममा ७ कराेड ६ लाख, कृषि तथा पुशमा ८५ लाख ५० हजार, समाजिक विकास तर्फ शिक्षामा २ कराेड ३५ लाख २० हजार, स्वास्थ्यमा एक कराेड १३ लखा, खाने पानी तथा चपाकाल जडानमा ४६ लाख ५० हजार, खेलकुदमा १२ लाख, समाजिक समावेशीकरणमा एक लाख बजेट छुट्याइएकाे छ । 

यसैगरी वन तथा विपद व्यवस्थापनमा ४७ लाख ५० हजार, सोलार सौर्यवती तथा विजुली वती जडानमा ४३ लाख, माठ मन्दिर मस्जिद तथा संस्कृतिक सम्पदा जगेर्नेमा एक कराेड ४३ लाख, कार्यालय संचालन प्रशासनिक खर्च तथा जनप्रतिनिधहरुको सेवा सुविधा तथा कार्मचारीहरुको तलव भतामा ८ कराेड ७९ लाख ९० हजार एक सय एक बजेट छुट्याइएकाे उपाध्यक्ष बबिता सिंहले वताइन ।  

उनले व्यय तर्फ नेपाल सरकारको सर्शत चालु १६ कराेड २६ लाख, पुजीगत खर्च ८६ लाख, समपुरक अनुदान ५० लाख, नेपाल सरकारको विशेष अनुदान ८० लाख, प्रदेश सरकारको समपुरक अनुदान २० लाख प्रदेश सरकारको विशेष अनुदान ३० लाख रहेकाे वताइन । 

गाउँपालिका अध्यक्ष यादवले अगामी आर्थिक बर्षकाे नीती तथा कार्यक्रम प्रस्तुत गर्दै विद्यालयहरुमा विद्यार्थीहरुलाई ल्याउ, टिकाउ र सिकाउ अभियान संचालन गरिने वताए । उनले विद्यालयलाई अपाङ्गता तथा बालमैत्री  बनाइने वताए ।

उनले भने “कक्षा १० का विद्यार्थीहरुकाे लागि अतिरिक्त कक्षा संचालन गरिने छ । एसईईमा उत्कृष्ट अंक ल्याएर उतिर्ण हुने छात्र/छात्राहरुलाई प्राेत्साहनसहित छात्रवृति प्रदान गरिने छ ।” साथै एमबिबिएस अध्ययनकाे लागि नाम निकाल्नेहरुलाई आर्थिक सहयाेग सहित सम्मान समेत गरिने अध्यक्ष यादवले वताए ।  

अध्यक्ष यादवले गाउँपालिकाबाट प्रवाह हुने सेवा मुस्कानसहित प्रदान गरिने वताए । उनले सासु, ससुरालाई राम्राेसंग स्याहार सुसार गर्ने बुहारीलाई सम्मान गरिने समेत वताए ।

उनले प्रत्येक वडाकाे स्वास्थ्य चाैकीमा एमबिबिएस डाक्टरकाे व्यवस्था गरिने र गाउँपालिकामा १५ बेडकाे अस्पताल संचालनकाे लागि संघ र प्रदेश सरकारसंग पहलन गरिने वताए ।

उनले जगरनाथपुुर गाउँपालिकालाई समृद्ध र सुखी बनाउने दिर्घकालीन उद्देश्य अनुरुप आर्थिक सामाजिक विकासको मौलिक ढाँचामा गाउँपालिका अगाडि बढि रहेको वताए ।

श्री ने.रा.मा.वि. संठीकाे विद्यालय प्राङ्गणमा भएकाे गाउँ सभाकाे ९ औं अधिवेशनकाे प्रदेस सभा सदस्य शंकर प्रसाद चौधरी, गाउँपालिका अध्यक्ष श्रीकान्त प्रसाद यादव, उपाध्यक्ष बबिता सिंह, प्रमुख प्रशासकिय अधिकृत कृष्ण नन्दन रायले संयुक्त रुपमा दिप प्रज्वलन गरी उद्घाटन गरेका थिए ।

प्रदेश सभा सदस्य शंकर प्रसाद चौधरीकाे प्रमुख आतिथ्यतामा भएकाे गाउँ सभामा नेपाली कांग्रेस पर्साका सह सचिव नबिन सिंह, महाधिवेशन प्रतिनिधि सहरुम राउत गद्दी, महम्द अफताब आलम, क्षेत्रिय सचिव बलिष्टर अहमद, प्रमुख प्रशासकिय अधिकृत कृष्णनन्दन राय, लेखापाल सन्देश कुशवाहा, वडाध्यक्षहरु लक्ष्मी साह तेली, नेपाली प्रसाद कुशवाहा, सुभाष कुमार यादव, प्रभुनाथ प्रसाद नुनिया, बिहारी महताे नुनिया, अयाेध्या प्रसाद कुर्मी ,गाउँपालिका अन्तर्गतका वडा सचिव, कर्मचारी, शिक्षक, संचारकर्मीसहित स्थानियहरुकाे उपस्थिति रहेकाे थियाे ।

पाेखरिया नगरपालिकाकाे बजेट ४५ कराेड ८ लाख

0

जितेन्द्र यादव /

पाेखरिया । पोखरीया नगरपालिकाले आ.व. २०८०/०८१ को लागि रू.४५ करोड ८ लाख २ हजार बराबरकाे निति तथा कार्यक्रम प्रस्तुत गरेकाे छ । नगरपालिकाकाे सातौं नगर सभाको पहिलो बैठकबाट साे नीति तथा कार्यक्रम प्रस्तुत गरिएकाे हाे ।  

पोखरी नगरपालिकाका प्रमुख प्रदुमन चौहानको अध्यक्षतामा शुक्रबार भएकाे कार्यक्रममा उप प्रमुख रुबी कुमारी ठाकुरकाे तर्फबाट वडा नं.४ का वडाध्यक्ष लक्षमण साहले बजेट प्रस्तुत गरेका थिए ।

प्रस्तुत निति तथा कार्यक्रममा पुग्न बाँकी रहेकाे नगरपालिकाकाे वडाका केन्द्रसम्म ल्याण्डलाईन टेलिफोन सेवा विस्तार गरिने, स्थानीय पत्रपत्रिका तथा रेडियो संचालनलाई प्रोत्साहन गरिने, ३५ दिनभित्र जन्मेका बालिकाहरूको लागि नगरपालिकाबाट संचालनमा रहेको बालिका स्वर्ण बिमाको लागि आवश्यक कोषको व्यवस्था गरिने याेजना रहेकाे छ ।

यसैगरी पोखरीया नगरपालिकाका सम्पूर्ण वडालाई नि:शुल्क वाइफाईको सुविधाको व्यवस्था गरिने, नगरपालिकाको बजेट, प्रधानमन्त्री कार्यक्रमको लागि विनियोजन भएको बजेट र डिभिजन वन कार्यालयको समन्वयमा आव २०८०/०८१ मा १० हजार बिरूवा बृक्षारोपण गरिनेछ ।

यसैगरी, सुरक्षा व्यवस्था मिलाउन नगर प्रहरी भर्ना गरिनेछ र शान्ति सुरक्षा कायम गर्न पोखरीया बजार क्षेत्र भरी सि.सि.टिभी जडान गरिने र पोखरीया अस्पतालको ओपिडि टिकेट नि:शुल्क गरिनेछ ।

ब्लड व्यवस्थापन गर्न ब्लड बैंक सँग समझौता गर्नेछ कार्य अगाडी बढाइनुकाे साथै एकल महिला, बृद्ध, ज्येष्ठ नागरिक, दीर्घ रोगी, असहाय, गरिब, गर्भवती महिला र अपांगलाई नि:शुल्क रगत तथा एम्बुलेन्स सेवा प्रदान गरिने जनाइएकाे छ ।

शिक्षा तर्फ आवश्यक शिक्षक दरबन्दी मिलानको प्रक्रिया अगाडि बढाइने, छात्राहरूको उपस्थित दर बढाउन महिला र अपाङ्ग मैत्री शौचालय निर्माणमा जोड दिइने, कक्षा १० का विद्यार्थीका लागि नि:शुल्क टियुशन कक्षाको व्यवस्था गरिने, लोक सेवा, शिक्षक सेवा, प्रहरी सेवा र बैंकिङ सेवा तयारी कक्षा नि:शुल्क कक्षा संचालन गरिने याेजना पनि यस बर्ष रहेकाे नगर प्रमुख चाैहानले वताए ।

उनले कृषि मिटरको व्यवस्था अनुदानमा किशानलाई गरिनेकाे साथै कर्मचारी तथा जनप्रतिनिधि बीचको सम्बन्ध प्रगाढ बनाउन कर्मचारी र जनप्रतिनिधि बिच फुटबल खेलको आयोजना गरिने वताए ।

पाेखरिया नगरपालिकाकाे वडा नं. ४ स्थित शिवम् बंकेटमा भएकाे कार्यक्रममा प्रमुख प्रशासकिय अधिकृत देवेन्द्र सापकाेटा, लेखापाल मन्दिप महताे, नगर सभा सदस्यहरु, विभिन्न राजनितिक दलका प्रतिनिधि, कर्मचारी र संचारकर्मीकाे सहभागिता रहेकाे थियाे ।

डिभिजन स्तरिय ५ दिने अभिमुखिकरण गोष्ठी सुरु

0

वीरगंज । समृद्धीका लागि वन कार्यक्रम समुदायमा आधारित दिगो वन ब्यवस्थापनको डिभिजन स्तरिय ५ दिने अभिमुखिकरण गोष्ठी शुक्रबारदेखी वीरगंजमा सुरु भएकाे छ । 

डिभिजन वन कार्यालय पर्साको आयोजनामा शुरु भएको कार्यक्रममा डिभिजन प्रमुख शुबास चन्द्र दासले गादीमाई वन ब्यवसथापन समितीका लागी ३७ वटा वडामा प्रतिनिधी छनौट भईसकेकोले अब तुरन्त ब्यवस्थापन समिती गठन हुने बताए ।

गठनका लागी तीन वटा साझेदारीका लागी १५ लाख रकम पनि बिनियोजन भएको र ५।५ लाख को दरले उदघाटन र चुनावका लागी खर्च गरिने बताए ।

वन कार्यालयको सभाहालमा शुरु भएको तालिममा बिन्दवासिनी, गादी र सबैया साझेदारीका संयोजक तथा प्रतिनिधीहरुको सहभागीता रहेको छ । गाेष्ठिमा वन अधिकृत सुमन पाण्डे लगायतकाले प्रशिक्षण दिइरहेको वन डिभिजन कार्यालय पर्साले जनाएको छ ।

परवानिपुर गाउँपालिकाको बजेट ३५ करोड ७७ लाख

0

वीरगंज । बाराको परवानीपुर गाउँपालिकाको १२ औं गाउँसभाबाट आगामी आर्थिक वर्ष २०८०/८१ को नीति तथा कार्यक्रम सार्वजनिक गर्दै झन्डै ३६ करोड रुपैयाँको बजेट ल्याएको छ । 

गाउँपालिकाले गाउँसभाबाट चालू आर्थिक वर्षको प्रगति विवरण पारित गर्नुका साथै आगामी आर्थिक वर्षका लागि ३५ करोड ७७ लाख ४४ हजार रुपैयाँको आय विवरणसहित बजेट पारित गरिएको हो ।

केन्द्र सरकारले विभिन्न अनुदानमा कटौती गरेपछि परवानीपुर गापाको आगामी आवको बजेट पनि घटेको प्रमुख प्रशासकीय अधिकृत मुन्ना साह रौनियारले बताए ।

गापा उपाध्यक्ष सुगन्धीदेवी कनुइनले प्रस्तुत गरेकी बजेटमा शिक्षा, स्वास्थ्य, कृषिलाई प्राथमिकता, सीपमूलक कार्यक्रमबाट दक्ष जनशक्ति उत्पादन गर्ने, सिंचाइ, खानेपानी, भौतिक संरचनालगायतका योजनाहरूमा विशेष जोड दिएको बताइन् ।

आगामी बजेटमा सङ्घ सरकारबाट वित्तीय समानीकरणमा ९ करोड ६३ लाख, सशर्त अनुदान चालूतर्फ ९ करोड ४५ लाख, सङ्घीय सशर्त अनुदान पूँजीगततर्फ ७० लाख, सङ्घीय सरकार समपूरक अनुदान ५० लाख, सङ्घीय विशेष अनुदान १ करोड प्राप्त भएको छ भने प्रदेश सरकारबाट वित्तीय समानीकरणमा ६७ लाख ९९ हजार, प्रदेश समपूरक अनुदान २० लाख, प्रदेश विशेष अनुदान ३० लाख, सङ्घीय राजस्व बाँडफाँड ६ करोड ३१ लाख ४५ हजार, आन्तरिक स्रोत अनुमानित ५ करोड, २०७९/८० को नगद मौज्दात २ करोडलगायत गरी ३५ करोड ७७ लाख ४४ हजारको अनुमानित बजेट पारित भएको छ ।

गाउँपालिका अध्यक्ष रामक्षत्रीप्रसाद कुर्मीको अध्यक्षाता र नेकपा एमालेकी बारा–३ की सांसद एवं पूर्व कृषि मन्त्री ज्याला कुमारी साहकाे प्रमुख आतिथ्यतामा भएकाे कार्यक्रममा बारा–४ (१)का प्रदेश सांसद देवनारायण चौधरी, राप्रपाका मोहन यादव, बहुअरीका अगुवा शिवशङ्कर पटेल, लोसपा नेता जगतनारायण महतो, माओवादी नेता लालबहादुर पटेल लगायतले मन्तव्य राखेका थिए ।

सत्तारुढ दल भएपनि सरकारको गलत कामको विरोध गर्छाैं : पूर्वमन्त्री यादव

0

वीरगंज । पर्सा क्षेत्र नम्बर १ का प्रतिनिधी सभा सदस्य (सांसद) प्रदीप यादवले आफू सत्तारुढ दलको सांसद भएपनि सरकारले मनलाग्दी गर्दा त्यसको पक्षमा ताली नबजाउने बताएका छन् ।

जसपाको प्रमुख सचेतकसमेत रहेका सांसद यादवले शुक्रवार प्रतिनिधिसभाकाे बैठकमा बाैल्दै जसपा सत्तारुढ दल भएपनि सरकारको गलत कामको विरोध गर्ने बताए ।

निजगढ अन्तराष्ट्रिय विमानस्थलको प्रसङ्ग झिक्दै पूर्व वनमन्त्रीसमेत रहेका यादवले भने, ‘सरकारले वास्तवमै निजगढ अन्तराष्ट्रिय विमानस्थल बनाउन चाहेको छैन, यसमा सरकारले दोहोरो चरित्र देखाइरहेको छ ।’

आगामी आर्थिक वर्षको बजेटमा सरकारले निजगढ विमानस्थल निर्माणका लागि १२ करोड १० लाख रुपैयाँ मात्रै विनियोजन गरेको भन्दै यादवले भने, ‘१२ करोड १० लाख बजेटले विमानस्थल बन्छ त ? नबनाउने नियत नै हो भने यति थोरै रकम विनियोजन गरेर नाटक किन गरेको सरकारले ? यसतर्फ म नागरिक उड्ययन तथा पर्यटनमन्त्रिको ध्यानाकर्षण गराउन चाहन्छु ।’

सांसद यादवले वीरगंज कारागार सुधारगृह नभई यातना गृह भएको टिप्पणी पनि गरे । क्षमताभन्दा तेब्बर कैदीबन्दी राखिएको र भौतिक संरचनापनि अत्यन्त जीर्ण भइसकेको वीरगंज कारागार सुधारगृह नभइ यातना गृह बनेको उनले दोहोर्‍याए । यादवले भने, ‘यस बारे सदनमा मैले यसअघिपनि सरकारको ध्यानाकर्षण गराइएको थियो । तर नयाँ बजेटमा वीरगंज कारागारको स्तरोन्नत्ती बारे एक रुपैयाँपनि रकम विनियोजन गरिएको छैन । वीरगंजसंगै देशभरका कारागारहरुको अवस्था दयनीय हुदाँपनि गृहमन्त्रीको ध्यानाकर्षण हुन नसक्नु दु:खद भएको यादवले बताए ।

हालै चीनको भ्रमण गरेर फर्किएका जनता समाजवादी पार्टी नेपालको केन्द्रीय कार्यकारिणी सदस्यसमेत रहेका यादवले चीनसँग जोडिएको नेपालको सीमामा नेपाली सुरक्षाकर्मीको पोष्ट खाली रहेको अवस्थामा भेटिएको बताए । उनले भने, ‘हालै चीन भ्रमणमा हामी सांसद्हरुको टोली गएका थियौं । हुम्लाको हिल्सा नाकामा पुग्दा त्यहाको पोष्ट खाली थियो, एकजनापनि प्रहरी थिएनन् । संवेदनशील नाकामा यस्तो चरम लापरवाही किन ? भन्दै उनले गृहमन्त्रीसँग प्रश्न गरे ।

यादवले चीनका नाकामा खटिएका नेपाली सुरक्षाकर्मीहरुको सेवासुविधा र बन्दोवस्तीमा सरकारले ध्यान नदिएका कारण त्यहाका नेपाली प्रहरीहरु अत्याधिक चिसोले पोष्ट छाडेर अन्तै गएर बस्ने गरेको अवस्था पाइएको यादवले बताए ।

पाेखरियामा ३५ जनाद्वारा रक्तदान

0

पोखरिया । पर्साको पोखरिया नगरपालिका वडा नम्बर ४ सतवरियामा शुक्रबार रक्तदान कार्यक्रम सम्पन्न भएकाे छ । पाेखरिया नगरपालिका वडा नं. ४ काे कार्यालयकाे आयाेजनामा भएकाे कार्यक्रममा ३५ जनाले रक्तदान गरेका हुन् ।

नेपाल रेडक्रस साेसाइटी उप शाखा पाेखरियाकाे भवनमा भएकाे कार्यक्रममा अनिल कुमार गिरी, रामप्रवेश प्रसाद यादव, आकाश कुमार साह, अखिलेश कुमार, अफताब आलम, जयप्रकाश ठाकुर, बिरा राम, रमेश महताे नुनिया, रमेश कुमार साह, राजेश साह कानु, ओमप्रकाश साह कानु, राज साह, गाेलु गुप्ता, राेशन प्रसाद साेनार, विशाल पासवान, अमरेश प्रसाद अहिर, रमेश प्रसाद राैनियार, आशिष कुमार ठाकुर लगायतकाले रक्तदान गरेकाे हुन् ।

पाेखरिया नगरपालिका वडा नम्बर ४ का वडाध्यक्ष लक्षण साह कानुको अध्यक्षता र पोखरिया नगरपालिकाका मेयर प्रदुमन प्रसाद चाैहानकाे प्रमुख आतिथ्यतामा भएकाे रक्तदान कार्यक्रममा उप मेयर रूबी कुमारी ठाकुर, प्रमुख प्रशासकीय अधिकृत देवेन्द्र सापकोटा, पूर्व मेयर दीपनारायण प्रसाद रौनियर, अजय कुमार श्रीवास्तव, रेडक्रॉस उप साखा पोखरियाका सभापति भगवान प्रसाद कुर्मी, वडाध्यक्ष प्रमोद गिरी, केदार महतो चाई, समाज सेवी गोरख साह कानु लगायतकाे उपस्थिति रहेको थियो ।

जनमतले वीरगंजमा बजेट जलायाे

0

वीरगंज । संघीय सरकारको बजेट मधेश विरोधी भएको भन्दै जनमत पार्टीले बजेटकाे प्रतिलिपि जलाएको छ । जनमत पार्टी पर्साले विहीबार वीरगंजस्थित घण्टाघरमा बजेट जलाउँदै संशोधन नभए संघर्ष जारी राख्ने चेतावनी दिएको हो ।

मधेशी जनताबाट कर उठाउने तर मधेशीलाई बजेट नदिने प्रबृतिकै पुर्नावितृ भएको भन्दै बजेट जलाइएको जनमत पार्टी पर्साका संयोजक ओमप्रकाश सर्राफले बताए । बजेट दहन कार्यक्रममा पूर्वमन्त्री करिमा बेगमले मधेशीहरुमाथि औपनिवेशिक शासन जारी रहेको भन्दै यस्तो बजेट स्वीकार नगर्ने चेतावनी दिइन् ।

जनमत पार्टीका नेता सशी कपुर मियाले सरकारले विभेद नराेके पुनः मधेशमा आन्दोलन चर्किनो बताए ।

कार्यक्रममा जनमत पार्टीका नेता बीपी साह, प्रहलाद गिरी, मुकेश द्विवेदी, डा. अजय यादव, माधव सिंह लगायत स्थानीय नेता तथा कार्यकर्ताहरुको उपस्थिति रहेको थियो ।

कालीकामाईबाट लागु औषध चरेसहित एक युवक पक्राउ

0

वीरगंज । पर्साको कालीकामाई गाँउपालिका वडा नम्बर ५ सेमराबाट सशस्त्र प्रहरीले लागु औषध चरेसहित एक युवकलाई पक्राउ गरेको छ ।

पक्राउ पर्नेमा पर्सा कै छिपहरमाई गाँउपालिका वडा नम्बर ५ भिस्वाका ३७ वर्षिय राजेश साह रहेका छन् । साह १५ किलो ५०० ग्राम चरेशसहित पक्राउ परेका हुन् ।

बिहीबार दिउँसो सशस्त्र प्रहरी बेस क्याम्प पोखरियाबाट खटिएको सशस्त्र प्रहरीको टोलीले सेमराबाट भिस्वातर्फ जाँदै गरेका साह सवार बीआर २२ एपी ६८१५ नम्बरको मोटरसाइकल रोकेर चेकजाँच गरेको थियो ।

त्यसक्रममा मोटरसाइकलको ट्याङकी भित्र र सिटमुनि लुकाएर राखिएको ५०० ग्रामको १९ प्याकेट र २५० ग्रामको २४ प्याकेट चरेस बरामद भएको सशस्त्र प्रहरी बल नेपाल नं. १३ गणका सुचना अधिकारी प्रहरी नायब उपरीक्षक सन्तोष बस्नेतले बताए ।

चरेससहित पक्राउ परेका साह र मोटरसाइकल आवश्यक कारबाहीका लागि ईलाका प्रहरी कार्यालय पोखरियामा बुझाइएको सुचना अधिकारी बस्नेतले जानकारी दिए ।

रेडियो सिमाञ्चलकाे परिक्षण प्रसारण सुरु

0

वीरगंज । नेपाल पोष्ट मिडिया प्रालिद्वारा संचालित रेडियो सिमाञ्चल ९५.१ मेगाहर्जले बुधवारदेखि आफ्नो परिक्षण प्रसारण शुरु गरेको छ ।

सिमा क्षेत्रको सूचना, संगित तथा कला संस्कृतिको जेगर्ना गर्ने उदेश्यका साथ रेडियोले प्रसारण यात्रा शुरु गरेको रेडियाेका अध्यक्ष मनाेज पटेलले वताए । रेडियोले निकट भविष्यमै नियमित प्रसारण शुरु गर्ने अध्यक्ष पटेलले जानकारी दिए ।

वीरगंज १४ श्रीपुरमा आफ्नो स्टेशन टावर राखी रेडियोले परिक्षण प्रशारण शुरु गरेको उनले बताए । पर्सामा संचालनमा रहेको बिभिन्न रेडियो तथा एफ. एम. स्टेशनको बिचमा स्रोताको माग अनुसारको कार्यक्रम गीत–संगीत, मनोरञ्जनात्मक एवं समाचार मुलक कार्यक्रमहरु प्रस्तुत गर्ने रेडियो सिमाञ्चलले लक्ष्य लिएको रेडियाेका संचालक संताेष साहले वताए ।

१०० वाट रेडियो प्रसारणको इज्जात प्राप्त गरेको रेडियोले स्रोतहरुको माग अनुसार प्रसारण क्षमता बढाउदै जाने याेजना रहेकाे अध्यक्ष साहले बताए ।

पकहाँ मैनपुरमा ५५ आमाहरुलाई हाइजिनक किट वितरण

0

वीरगंज । पर्साको पकहाँ मैनपुर गाउँपालिका वडा नं. ४ खेश्राहा टोलका मुसहर वस्तीका ५५ जना गर्भवती महिला र सुत्केरीहरुलाई प्रत्यक्ष लाभ हुने गरी बिभिन्न उन्नत जातका विउ विजन कुखुरा तथा सरसफाईको लागि हाइजिनक किट वितरण गरिएको छ ।

सबैको लागि पोषण सधैको लागि पोषण वहुक्षेत्रीय पोषण योजना कार्यक्रम अन्तर्गत पोषण मैत्री स्थानीय शासन अन्तर्गत छनौट भएका वडा नं. ४ टोल खेश्राहाका मुसहर वस्तीमा सुनौलो हजार दिनका ५५ जना आमाहरुलाई हाइजीन किट १ वटा, ब्रस १ थान, पेष्ट २ थान, तौली १ थान, डिटवल साबुन १ वटा, सर्फ १ पकेट, साबुन १ वटा धाराबाल बाल्टिन १ थान, वाटा १ थान, उन्नत जातका विउ विजन १ सेट र ४ वटा कुखुरा वितरण गरिएको पोषण सहजकर्ता गणेश रामले जानकारी दिए । 

युनिसेफको सहयोग र पकहाँ मैनपुर गाउँपालिकाको आयोजनामा भएको कार्यक्रममा प्रमुख अतिथि तथा गाउँपालिका अध्यक्षा सुरेश मेहता, विशिष्ट अतिथि उपाध्यक्ष सर्फुन नेशा, वडा नं. ४ का वडाध्यक्ष ढेडी यादव, स्वास्थ्य संयोजक रमेश मेहता, वडा सदस्य पप्पु गिरी, पूर्व गाविस अध्यक्ष नसुरलाह मियाँ लगायतकाले सुनौलो हजारका आमाहरुलाई ती सामग्रीहरु वितरण गरेका थिए ।