Date
सोम, कार्तिक ३०, २०८३
Mon, November 16, 2026
Home Blog Page 524

दिगो वन ब्यवस्थापन सम्बन्धि ५ दिने गोष्ठी सम्पन्न

0

पर्सा । समृद्धीका लागी वन कार्यक्रम समुदायमा आधारित दिगो वन ब्यवस्थापनको डिभिजन स्तरिय ५ दिने अभिमुखिकरण गोष्ठी मंगलबार वीरगंजमा सम्पन भएको छ ।

डिभिजन वन कार्यालय पर्साको आयोजनामा भएको गाेष्ठिमा डिभिजन प्रमुख शुबास चन्द्र दास, सहायक वन अधिकृत फरमान मियाँ, वन अधिकृत सुमन पाण्डेले प्रशिक्षण दिएका थिए । गाेष्ठिमा बिन्दवासिनी, गादी र सबैया साझेदारीका संयोजक तथा प्रतिनिधीहरुको सहभागीता रहेको थियो ।

गाेष्ठिकाे अन्तिम दिन मंगलबार समापन समारोहमा गादीमाई साझेदारीका बिभल्व पटेल, सहरुम गदी, बिन्वासिनी साझेदारीका किशोरी कुश्वाहा, रामबाबु कलवार लगायतकाले मन्तब्य राखेका थिए ।

साझेदारीले अन्तिम रुप औपचारिक रुपमा नपाउदा आमजनता तथा वन उपभोग्ताहरु मर्कामा पर्दै आएका छन । यहि आसार मासान्त भित्र ३ वटै साझेदारीको गठन पश्चात वन सम्बन्धी नियमित काम शुचारु हुने वन कार्यालय पर्साले जनाएको छ ।

तराई मधेश कानून विद्यार्थी समाजको कमिटि गठन

0

वीरगंज । तराई मधेश कानून विद्यार्थी समाजको केन्द्रिय कमिटि गठन भएकाे छ । काठमाडाैंस्थित मंगलबार भएकाे कानुन विद्यार्थीहरुकाे एक भेलाले आकाश महताेकाे अध्यक्षमा १३ सदस्यीय कमिटी गठन गरेकाे हाे ।

नवगठित कमिटीकाे उपाध्यक्ष मुस्कान रौनियार, कोषाध्यक्ष विकास यादव, महासचिव अनिल कुमार साह, सचिव अंजली साह, सह सचिव रुपेश कनौजिया, ओम नाथ शर्मा रहेका छन् ।

कमिटीकाे सदस्यमा धर्मराज यादव, बिक्रान्त ठाकुर, जय प्रकाश यादव, आलिया हक, प्रियंका महासेठ र शालिनी साह रहेका छन् ।

भेलाले समाजकाे ५ सदस्यीय सल्लाहकार समिति समेत गठन गरेकाे छ । सल्लाहकार समितिमा रिना साह, श्याम साह, राजन महतो, वीरेन्द्र जैसवाल, मनिष रजक रहेका छन् ।

असार १४ गते सार्वजनिक बिदा

0
वीरगंज । नेपाल सरकारले यही असार १४ गते इदकाे अवसरमा सार्वजनिक बिदा दिएको छ ।
 
गृह मन्त्रालयले मंगलबार सार्वजनिक सूचना जारी गरी असार १४ गते बिहिबार बकर इद (ईद उल अजहा) पर्व भएकाले सार्वजनिक बिदा दिइएको जनाएको छ ।
 
मन्त्रालयका प्रवक्ता केदारनाथ शर्माद्वारा जारी उक्त सूचनाका अनुसार नेपाल राजपत्रमा प्रकाशित गत चैत २ को सूचना अनुसार इस्लाम धर्मावलम्बिको पर्व बकर इद (ईद उल अजहा) भएकाले बिहीबार सार्वजनिक बिदा दिने निर्णय भएकाे जनाइएकाे छ ।

पर्सामा पनि औद्योगिक ग्राम बनाउने सरकारकाे निर्णय

0

वीरगंज । संघिय सरकारले पर्साको जगरनाथपुर गाउँपालिकाकाे वडा नं. ५ मसिहानीमा पनि औद्योगिक ग्राम बनाउने निर्णय गरेकाे छ । मंगलबार बसेकाे मन्त्रिपरिषदकाे बैठकले पर्सा सहित देशका थप ६ जिल्लाका ७ स्थानमा औद्योगिक ग्राम बनाउने निर्णय गरेको हो ।

यस अघि नै पर्सामा पनि औधाेगिक ग्राम बनाउने उद्याेग, वाणिज्य तथा आपुर्ति मन्त्री रमेश रिजालले घाेषणा गरेका थिए । साेही घाेषणा अनुसार मन्त्री रिजाल कै पहलमा सरकारले अगामी आर्थिक बर्ष २०८०/०८१ मा औद्याेगिक ग्रामकाे लागि बजेट समेत छुट्याएकाे छ ।

पर्सासहित बाराको महागढीमाइ नगरपालिका ५, कालीकोट जिल्लाको रास्कोट नगरपालिका ६, सोही जिल्लाको नरहरिनाथ गाउँपालिका २, बाँकेको राप्तीसोनारी गाउँपालिका ४, पाल्पाको रम्भा गाउँपालिका ३ र अर्घाखाँचीको शीतगंगा गाउँपालिका १३ मा औद्योगिक ग्राम घोषणा गर्ने निर्णय मन्त्रिपरिषद बैठकले गरेको हो ।

‘एक स्थानीय तह एक औद्योगिक ग्राम’को नीतिअनुसार सरकारले यसअघि ११३ वटा स्थानमा औद्योगिक ग्राम घोषणा गरिसकेको छ । यीसहित अब देशका १२० स्थानमा औद्योगिक ग्राम बन्नेछ ।

हेलमेटमा लुकाएकाे ८ लाख रुपैयाँसहित एक युवक पक्राउ

0

वीरगञ्ज । पर्सा प्रहरीले हुण्डी कारोवारकाे आराेपमा एक जनालाई आठ लाख रकमसहित पक्राउ गरेको छ । वीरगंज महानगरपालिकाकाे वडा नम्बर १६ स्थित सडकखण्डबाट प्रहरी चौकी ईनर्वाबाट खटिएको टोलीले बाराको प्रसौनी गाउँपालिका वडा नम्बर २ निवासी ३३ वर्षीय सुनिल कुमार साहलाई पक्राउ गरेको हो । 

भारतको रक्सौलबाट ना. २८ प ९००८ नम्बरको मोटरसाइकलमा वीरगंजतर्फ आउँदै गरेको अवस्थामा शंकाको आधारमा प्रहरीले चेकजाँच गरेको जिल्ला प्रहरी कार्यालय पर्साका प्रवक्ता एवम् प्रहरी नायब उपरीक्षक दिपक गिरीले जानकारी दिए । 

प्रवक्ता गिरीका अनुसार चेकजाँचको क्रममा साहले लगाएको हेलमेटभित्र लुकाएको अवस्थामा स्रोत नखुलेको १ हजार दरको नोट ८ सय थान बरामद भएको हो । साहको साथबाट बरामद भएको नेपाली ८ लाख रुपैयाँ, उनी सवार मोटरसाइकलसहित साहलाई नियन्त्रणमा लिइएको प्रवक्ता गिरीले वताए ।

साह विरुद्ध बैंक तथा वित्तीय संस्था सम्बन्धी ऐन २०७३ विरुद्धको कसूरमा पर्सा जिल्ला अदालतबाट ५ दिनको म्याद थपी आवश्यक अनुसन्धान भइरहेको उनले प्रेस विज्ञप्ती मार्फत जानकारी गराएका छन् ।  

 नारायणी अस्पतालमै मृगौला प्रत्यारोपण हुने

0

वीरगंज । वीरगंज महानगरपालिकाका नगर प्रमुख राजेशमान सिंहको पहलमा नारायणी अस्पतालमै मृगौला प्रत्यारोपण सेवा सुरु हुने भएको छ ।

मृगौला प्रत्यारोपण सेवा सुरु गर्ने विषयमा सहिद धर्मभक्त राष्ट्रिय प्रत्यारोपण केन्द्र भक्तपुरका कार्यकारी निर्देशक वरिष्ठ मृगौला तथा लिभर प्रत्यारोपण विशेषज्ञ डा. पुकारचन्द्र श्रेष्ठसहितको टोलीसँग छलफल गर्दै नारायणी अस्पतालमै यस्तो सेवा सुरु गर्ने तयारी गरिएको हो ।

मंगलबार वीरगंज महानगरपालिका कार्यालयमा भएको छलफलमा नगर प्रमुख सिंहले मृगौला प्रत्यारोपण सेवा सुरु गर्न सबै प्रकारको भौतिक संरचना सहितको सहयोग उपलब्ध गराउने प्रतिबद्धता व्यक्त गरेका हुन् । वीरगंजसहित मधेस प्रदेशको मृगौला बिग्रिएको र डायलासिसमा रहेको बिरामीलाई प्रत्यारोपण गराउन हरसम्भव सहयोग गर्ने प्रमुख सिंहले बताए ।

नारायणी अस्पतालमा इन्फेक्सन नहुने गरि अपरेसन थियटर बन्न सुरु भएपछि यहाँ आवश्यक जनशक्तिलाई सहिद धर्मभक्त राष्ट्रिय प्रत्यारोपण केन्द्र भक्तपुरमा तालीम दिने र राष्ट्रिय प्रत्यारोपण केन्द्रको चिकित्सक सहितको समुहले मृगौलाको प्रत्यारोपण सुरु गर्ने सहिद धर्मभक्त राष्ट्रिय प्रत्यारोपण केन्द्र भक्तपुरका निर्देशक डा. श्रेष्ठले बताए ।

नारायणी अस्पतालको निरीक्षण आफूले गरेको र सबै मिलेर लागे केही महिना भित्रमा नै मृगौला प्रत्यारोपण हुन सक्ने निर्देशक डा.श्रेष्ठले बताए । नारायणी अस्पतालको मेडिकल सुपरिटेण्डेण्ट डा. चित्तरन्जन साहले मृगौला प्रत्यारोपण केन्द्रको सहकार्यमा चाडै मृगौला प्रत्यारोपण सेवा सुरु गराउन आफूहरुले तयारी गरेको बताए ।

वरिष्ठ उद्योगपती तथा समाजसेवी अशोक बैद्यले नारायणी अस्पतालको भौतिक संरचना र सेवामा स्थानीय उद्योगी व्यवसायीले सहयोग गर्दै आएको र मृगौला प्रत्यारोपणको लागि पनि सहयोग गर्ने बताए ।

छलफलमा स्वास्थ विटको जानकार वरिष्ठ पत्रकार अतुल मिश्र, महानगरका प्रमुख प्रशासकीय अधिकृत लक्ष्मी प्रसाद पौडेल, हेल्थ टुडेका सम्पादक पदम राज जोशी, महानगरका प्रेस सल्लाहकार महेश दास, मृगौला प्रत्यारोपण केन्द्रका चिकित्सक र स्वास्थकर्मीहरुको उपस्थिति रहेको थियो ।

वीरगंजमा वर्ल्ड लिङ्कको आकर्षक अफर

0

वीरगंज । नेपालको सबैभन्दा ठूलो इन्टरनेट सेवा प्रदायक कम्पनी वर्ल्ड लिङ्कको शाखा वीरगंजकाे आदर्शनगरमा विस्तार भएको छ ।

उत्कृष्ट इन्टरनेट सेवा उपलब्ध गराउँदै देशकै सबैभन्दा ठूलो सेवा प्रदायक बनेको वर्ल्ड लिङ्कले वीरगंजकाे आदर्शनगरमा शाखा विस्तार गर्दै सुविधा सम्पन्न कार्यालय स्थापना गरेको हो । आदर्शनगरस्थित कार्यालयमा पहिलोको भन्दा धेरै ठाउँ भएको हुँदा जनशक्ति पनि थपिएको छ ।

सेवाग्राहीलाई छिटोछरितो र कार्यालय सम्मको पहुँचलाई बढाउन आदर्शनगरस्थति एसबीआइ ब्याङ्क भन्दा २ सय मिटर पश्चिम तर्फ कार्यालय स्थापना गरिएको वीरगंज शाखाका प्रमुख अरफात देवानले जानकारी दिए ।

इन्टरनेट सेवा उपलब्ध गराउनुका साथै वर्ल्ड लिङ्कले आफ्नो सामाजिक उत्तरदायित्वलाई निर्वाह गर्दै विभिन्न सामाजिक क्रियाकलाप पनि गर्दै आएको छ । सामाजिक क्रियाकलाप अन्तर्गत कम्पनीले भर्खरै वीरगंजकाे एक दर्जन स्थानमा नि:शुल्क वाइफाइ जडान गरेको हो ।

वीरगंज महानगरपालिकाका मेयर राजेशमान सिंहको विशेष पहल कम्पनीले उक्त कार्य गरेको र भविष्यमा थप स्थानमा वाइफाइ जडान गर्ने योजना रहेको शाखा प्रमुख देवानले बताए ।

त्यस्तै कम्पनीले पछिल्लो समय बढेको गर्मीका कारण चलेको तातो हावा (लू) बाट परेको प्रभावलाई कम गर्न स्थानीयहरूलाई चिसो पानी र सर्बत पनि वितरण गरेको उनले जानकारी दिए ।

वर्ल्ड लिङ्कले आगामी दिनमा स्थानीयहरूलाई सुलभ दरमा इन्टरनेट उपलब्ध गराउन नयाँ र सस्तो प्याकेज पनि घोषणा गर्न लागेको छ । सबैलाई इन्टरनेटको पहुँचमा ल्याउन कम्पनीले यस नीति अन्तर्गत काम गरिरहेको देवानले बताए । कम्पनीले साना व्यवसायी, विद्यार्थी र एकल परिवारका लागि पनि छुट्टै सस्तो र भरपर्दो प्याकेजहरू ल्याएको छ ।

देवानले समयमै वर्ल्ड लिङ्कको कार्यालयमा बिहान ७ बजेदेखि साँझ ७ बजेसम्म सम्पर्क गरेर प्याकेजको फाइदा उठाउन आग्रह गरेका छन् । उनले फोन नम्बर ०५१५२३३८१ र ०५१५२१४९० मा सम्पर्क गरेर पनि ग्राहकले सेवा र प्याकेजको बारेमा जानकारी लिन सक्ने जनाएका छन् ।

जिराभवानीकाे १२ औं गाउँ सभा : शिक्षा, स्वास्थ्य र कृषिलाई प्राथमिकता

0

वीरगंज । पर्साको जिराभवानी गाँउपालिकाको १२ औं गाउँ सभाबाट पारित आ.व. २०८०/०८१ काे नीति, कार्यक्रम तथा बजेट आइतबार सार्वजनिक गरिएकाे छ । गाउँपालिका वडा नं. ३ स्थित बरात भवनमा भएकाे कार्यक्रममा गाँउपालिका अध्यक्ष अनोज चौधरीले आगामी आर्थिक वर्ष २०८०/०८१ का लागि ३४ करोड ८० लाख रुपैयाको बजेट प्रस्तुत गरेका थिए ।

गाउँपालिका अध्यक्ष अनोज चौधरीले राजनितिकर्मीको निति लिएर बिकास कार्यक्रम गर्नुभन्दा समाजसेवी भएर बिकासको बाटोमा लाग्नु आवश्यक रहेको बताए । उनले बिकास कार्यमा बाधा अवरोध नगर्न अनुरोध गर्दै एकता बनाएर बिकासको बाटोमा लागे समृद्ध गाउँपालिका बनाउन सकिने बताए ।

अगामी आर्थिक बर्षकाे निति तथा कार्यक्रम गाउँपालिकाकी उपाध्यक्ष रेखा चौधरीले प्रस्तुत गरेका थिइन । आगामी आर्थिक बर्षकाे नीति तथा कार्यक्रममा जिराभवानी गाँउपालिकाले शिक्षा, कृषि, स्वास्थ्यलाई मूख्य प्राथमिकतामा राखिएकाे जनाएकाे छ ।

गाउँपालिकाले एक वडा एक माध्यमिक बिद्यालयको अवधारणा ल्याई हरेक, जाती, धर्म तथा समूदायका बालबालिकाहरुलाई शिक्षामा अनिवार्य पहुच गराउने निति ल्याएकाे प्रमुख प्रशासकिय अधिकृत अमित कुमार गिरीले वताए । बिद्यालयमा रहेका बिद्यार्थीहरुको अनुपातमा शिक्षक दरबन्दी मिलान गरी गुणस्तर शिक्षा प्रदान गरिने निति यस बर्ष रहेकाे उनले जनाए ।

यसका साथै पर्यटन भित्रियाउन संभावित स्थान जिराभवानी मन्दिर, लाटोमाई, सुगिभार मन्दिर परिसरलाई बिकास गर्ने निति तथा कार्यक्रममा समेटिएकाे छ । साथै संभावित स्थानको मूल्याकंन गरी भ्यू टावरको निर्माण समेत गरिने याेजना रहेकाे छ ।

यसका अलावा पालिका भित्र रहेका मुख्य सडकलाई तीस फिट चौडा बनाईने, सडकको दाया बाया रहेका एलानी जग्गामा बृक्षारोपण गरिने जनाइएकाे छ । अगामी बर्षमा जिल्लाकै ठूलो खेल परसवा गोल्डकप आयोजना गरिने गाउँपालिकाले जनाएकाे छ ।

गाउँपालिका अध्यक्ष अनोज चौधरीको अध्यक्षतामा सम्पन्न कार्यक्रममा वडाध्यक्ष रामशरण ख्वास, महादेव महतो थारु, सुरज राय, दारा सिंह राउत थारु, कार्यपालिका सदस्य सरोज चौरसिया, रुना माझी मुस्हर, बसन्ती देवी, लेखा प्रमुख मुकेश मिश्रा लगायतकाे उपस्थिति रहेका थियाे ।

पटेर्वा सुगौलीको ११ औँ गाउँ सभा सम्पन्न

0

वीरगञ्ज । पर्साको पटेर्वा सुगौली गाँउपालिकाको ११ औँ गाउँ सभा आइतबार सम्पन्न भएको छ ।

गाउँपालिका अध्यक्ष दिनेश चाैधरीकाे अध्यक्षतामा भएकाे गाउँ सभामा उपाध्यक्ष ममता महतो थारुले आगामी आर्थिक वर्ष २०८०/८१ को लागि ३८ करोड १५ लाख ६ हजार ३ सय रुपैयाँको अनुमानित आय व्ययसहितको बजेट प्रस्तुत गरेकी थिइन ।

गाउँपालिका अध्यक्ष दिनेश चौधरीले नीति तथा कार्यक्रममा पालिकाले कृषि, शिक्षा, स्वास्थ्य, पर्यटन र भौतिक पूर्वाधारको क्षेत्र मुख्य प्राथमिकतामा राखेको बताए । सबै क्षेत्र विकास मुखी बनाउनका लागि आफू प्रतिबद्ध रहेको बताउँदै अध्यक्ष चौधरीले आवश्यक्ताका आधारमा बजेट बिनियोजन गरिएको  दाबी गरे । 

गाउँ सभामा पालिकाले विभिन्न क्षेत्रमा योगदानपु-याएका व्यक्तित्व र कर्मचारीलाई दोसल्ला ओढाएर प्रशंसा पत्र प्रदान गरी सम्मानित पनि गरिएको प्रमुख प्रशासकिय अधिकृत सन्देश कुमार यादवले जानकारी दिए ।

गाउँ कार्यपालिकाकाे कार्यालय प्राङ्गणमा भएकाे सभामा समाजसेवी प्रमेश्वर गौराे, प्रमुख प्रसाशकिय अधिकृत संदेश यादव, वडाअध्यक्ष फरमान मियाँ, माधो राउत थारु, बासु पंजियार, बिजय गैरे, बिपिन मुखिया, लेखापाल सोनु सोनी, योजना प्रमुख राजकुमार महतो, शिक्षा प्रमुख शम्भु साह, अन्य कर्मचारी, शिक्षक, स्वास्थ्य कर्मचारी, संचारकर्मी, सुरक्षाकर्मी लगायतको सहभागीता रहेको थियो ।

पकहाँ मैनपुरकाे बजेट रु ३२ करोड ५० लाख

0

वीरगंज । पर्साको पकहाँ मैनपुर गाउँपालिकाकाकाे १० औं गाउँ सभामा आर्थिक बर्ष २०८०।०८१ निती, कार्यक्रम तथा बजेट प्रस्तुत गरिएकाे छ ।

गाउँपालिका अध्यक्ष सुरेश प्रसादको अध्यक्षतामा भएको गाउँ सभामा रु ३२ करोड ५० लाख ७७ हजार बराबरकाे नीति, कार्यक्रम तथा बजेट प्रस्तुत गरिएकाे प्रमुख प्रशासकिय अधिकृत राज कुशवाहाले वताए ।

गाउँ कार्यपालिकाकाे कार्यालय पकहाँ मैनपुरमा भएकाे सभामा गाउँपालिकाकी उपाध्यक्ष सर्फुननेशाले बजेट प्रस्तुत गरेकी थिइन । सभामा शिक्षा र कृर्षीलाई प्राथमिकतामा राखेर अघि बढनु पर्ने छलफल भएकाे थियाे ।

पालिकाका शाखा प्रमुखहरुले आ आफनो क्षेत्रका समस्या र सामाधानका लागी बजेट बिनियोजन गर्नु पर्ने वताएका थिए । गाउँ सभाका सदस्यहरुले मिलेर जाने प्रतिबद्धता समेत जनाएका थिए ।

अगामी बर्षकाे बजेटमा श्री रामचरित्र भगत माध्यमिक विद्यालयमा भवन निर्माण र कृषि सिचाईकाे लागि बिधुतको पोलमा तार तान्नका प्राथमिकतामा राखिएकाे गाउँपालिका अध्यक्ष मेहताले वताए ।

सभामा वडाध्यक्ष विनाेद मेहता, संजय चौहान, मुकुट चौहान, ढेडी प्रसाद यादव, बलिराम चाैरसियासहित गाउँ सभा सदस्य, गाउँपालिकाकाे कर्मचारी लगायतकाे सहभागिता रहेकाे थियाे ।