Date
सोम, कार्तिक ३०, २०८३
Mon, November 16, 2026
Home Blog Page 526

चिल्ड्रेन पार्कको अतिक्रमित संरचना हटाउन फेरि सुरु

0

वीरगंज । वीरगंज महानगरपालिकाले माईराम पोखरी (चिल्ड्रेन पार्क)को पश्चिमतर्फ अतिक्रमण गरेर निर्माण गरिएका संरचना हटाउन सुरु गरेको छ ।

बिहीबारबाट महानगरले अतिक्रमण गरिएका संरचना डोजर लगाएर हटाउन थालेको हो । यसअघि महानगर पूर्वतर्फको अतिक्रमित संरचना हटाएको थियो । गएको फागुन १६ गतेबाट अतिक्रमण हटाउन थालेको महानगरले अतिक्रमित संरचना हटाउन विभिन्न समयमा डोजर चलाउँदै आएको छ ।

अतिक्रमण गरेर निर्माण गरिएका संरचना हटाउन स्थानीयले पटक पटक समय मागे पनि मागेको समयमा संरचना नहटाएपछि बिहीबारबाट पुनः डोजर लगाएर हटाउन लागिएको हो ।

बिहीबार ३ वटा संरचना डोजर लगाएर हटाइएको भौतिक पूर्वाधार अतिक्रमण नियन्त्रण समितिका संयोजक समेत रहेका वडा नम्वर ५ का वडाध्यक्ष प्रदीप कुमार चौरसियाले बताए ।

महानगरले अतिक्रमण हटाउन नापजाँच गरेर चिह्न लगाइसकेको छ । महानगर प्रमुख राजेशमान सिंहको निर्देशनमा अहिले महानगरका ३२ वटै वडामा अतिक्रमण गरि निर्माण गरिएका संरचना हटाउनुका साथै सार्वजनिक ऐलानी जग्गा खोजी गर्ने क्रम जारी रहेको छ ।

अतिरिक्त हुलाक खारेजीकाे विराेधमा कर्मचारीहरु आन्दाेलित

0

वीरगंज । सरकारले गरेकाे अतिरिक्त हुलाक कार्यालय खारेजीकाे विराेधमा देशभर जस्तै पर्साका अतिरिक्त हुलाकका कर्मचारीहरु पनि आन्दाेलित भएका छन् ।

गणतन्त्र दिवसको दिन जेठ १५ गते बजेट भाषणकाे क्रममा सरकारले अतिरिक्त हुलाक खारेजकाे घोषण गरेकाे गरेकाे थियाे । साेहीकाे विराेधमा पर्साका अतिरिक्त हुलाक कर्मचारीहरु हात्तमा कालाे पटी बाँधी पर्साका प्रमुख जिल्ला अधिकारीलाई ज्ञापन पत्र बुझाउनुकाे साथै पत्रकार सम्मेलनकाे आयाेजना गरेका हुन् ।

नेपाल अतिरिक्त हुलाक कर्मचारी एशाेशिएसन पर्साले बिहिबार वीरगंजमा पत्रकार सम्मेलन गर्दै सरकारले देशभरका अतिरिक्त हुलाक कार्यालय खारेज गरेर हुलाक कर्मचारीहरु माथि अन्याय गरेकाे आराेप लगाएकाे छ ।

एशाेशिएसनले अतिरिक्त हुलाक निमावली २०३४ लाई परिमार्जिन गरी निजामती कर्मचारी सरह सुविधाको व्यवस्था गर्न, घोषित खारेजी बदर गरी अतिरिक्त हुलाकलाई प्रविधि मैत्री बनाई कार्य संचालन सुचारु गर्न, सरकारको एक पालिका एक हुलाकको निति भित्र हाल देश भर कार्यरत एक हजार ८ सय ५३ कर्मचारीको व्यवस्थापन गर्न माग गरेकाे छ ।

यसैगरी उमेरको हदबन्दीको कारण हटनुपर्ने कार्यरत कर्मचारीहरुको वर्गिकरण गरी उचित सेवा सुविधा सहित उपदान औषधी उपचार विमारी विदा सहितको एकमुष्ठ रकम उपलब्ध गर्नु पर्ने, नियमिति खाई आएको मासिक पारिश्रमिक वृद्धि तलब रकम आ.व. २०७८/०७९ को पाउनु पर्ने, बाकी रकम एकमुष्ठ उपलब्ध गराउन पर्ने र सरकारले अघि सारेकाे एक स्थानिय तह एक हुलाकाे अवधारणामा पहिलो स्थानमा खारिजीमा परेकाहरुलाई दिनु पर्ने एशाेशिएसनकाे माग रहेकाे छ ।

साथै एशाेशिएसनले प्रति दिन रु. २ सय ५० को दरले न्यून पारिश्रमिक स्वरुप लिएर काम गर्ने हामी अतिरिक्त हुलाक कर्मचारीहरु हदै सम्मको मार्कामा परेकोले श्रम ऐनबाट तोकिएको स्वीकृत पारिश्रमिक रु. ८ सयको दरले दैनिक रकम उपलब्ध गराउन अनुरोध पनि गरेकाे छ ।

हाम्रो माग प्रति समबन्धित निकायले वेवास्ता राखी दमन गर्न खोजे मार्ग प्रसस्त र निकाश नदिएमा हाम्रो माग पुरा नगरिएमा नेपाल अतिरिक्त हुलाक केन्द्रिय एशोसिएसनको निर्देशन अनुसार हामी देशभरका हुलाक कर्मचारीहरु सरकारको विरुद्धमा आन्दोलनमा जान बाध्य हुने एशाेशियसन पर्साका अध्यक्ष रामबहादुर श्रेष्ठले वताए ।

सरकारकाे खारेजीले देश भरको २०७४ अतिरिक्त हुलाक र त्यसमा कार्यरत एक हजार ८ सय ५३ कर्मचारीहरु वरखास्तमा परेकाे उनले वताए । सरकारले न्यून तलबमा काम गर्ने कर्मचारीकाे पेटमाथि  लात हान्न काम गरेकाे उनले दुखेसाे पाेखे । उनका अनुसार पर्सामा एक सय ९३ जना अतिरिक्त हुलाक कर्मचारी रहेका छन् ।

वीरगंजका मेयर सिंह राष्ट्रिय परिषद सदस्यमा नियुक्त

0

वीरगंज । वीरगंज महानगरपालिकाका प्रमुख राजेशमान सिंह राष्ट्रिय परिषद सदस्यमा नियुक्त भएका छन् ।
प्रधानमन्त्री स्तरीय निर्णय बमोजिम संघ, प्रदेश र स्थानीय तह बीचको समन्वय तथा अन्तर सम्बन्ध व्यवस्थित गर्न गठित राष्ट्रिय परिषद सदस्यमा नियुक्त भएका हुन् ।

गएको जेठ २६ गतेको प्रधानमन्त्री स्तरीय निर्णय बमोजिम मधेस प्रदेशबाट वीरगंज महानगरका प्रमुख सिंह सदस्य चयन हुनु भएको हो । परिषदले साझा अधिकारका विषयमा कानून तथा नीति तर्जुमाको लागि संघ, प्रदेश र स्थानीय तहबीच समन्वय गर्ने, प्रदेश तथा स्थानीय स्तरमा कार्यान्वयन हुने राष्ट्रिय हित तथा स्वार्थसँग जोडिएको विषयमा समन्वय गर्ने, राष्ट्रिय योजना, नीति तथा कानूनहरुको प्रदेश तथा स्थानीय तहमा कार्यान्वयनका सम्बन्धमा रहेका जटिलता समाधान गर्ने लगायतका विषयमा काम गर्ने गर्दछ ।

‘सरकारका तीनै तहबीचको समन्वय प्रभावकारी बनाउन यहाँले महत्वपूर्ण भूमिका निर्वाह गर्नुहुनेछ भन्ने विश्वास छ,’ परिषद् सदस्यमा नियुक्त गरिएको पत्रमा भनिएको छ ।

विद्यार्थीहरुलाई ४५ प्रतिशत छुटकाे माग गर्दै वीरगंजमा प्रदर्शन

0
वीरगंज । विद्यार्थीहरुकाे लागि सार्वजनिक यातायातमा भएकाे ४५ प्रतिशत छुटकाे व्यवस्था लागु गर्न माग गर्दै प्रभु साह नेतृत्वकाे आम जनता पार्टी निकट आम विद्यार्थी माेर्चाले बुधबार वीरगंजमा विराेध प्रदर्शन गरेकाे छ ।
 
वीरगंजकाे बसपार्कबाट सुरु भएकाे विराेध प्रदर्शन जिल्ला प्रसासन कार्यलय वीरगंजमा पुगि पर्साका प्रमुख जिल्ला अधिकारी हिरालाल रेग्मीलाई ज्ञापन पत्र समेत बुझाएकाे आम विद्यार्थी माेर्चा पर्साका अध्यक्ष दिपेन्द्र साहले जानकारी दिए ।
 
सार्वजनिक यातायातमा विद्यार्थीहरुलाई भएको ४५% छुटको व्यवस्था लागु गर्नुकाे साथै अपाङ्ग, जेष्ठ नागरिक र महिलालाई आरक्षण सीटको व्यवस्था लागू गर्न हाम्राे माग रहेकाे उनले वताए ।
 
आम बिद्यार्थी मोर्चाका केन्द्रिय अध्यक्ष बिबेक साह नेतृत्वकाे विद्यार्थीहरुले देशभर जस्तै जिल्ला प्रशासन कार्यालय पर्सामा समेत पुगि विद्यार्थी छुटकाे व्यवस्था कार्यन्वयन गराउन माग गर्दै ज्ञापन पत्र बुझाएकाे जिल्ला अध्यक्ष दिपेन्द्रले जानकारी गराए ।
 
आम विद्यार्थी माेर्चाले वुझाएकाे ज्ञापन पत्रमा विद्यार्थीहरुलाई सार्वजनिक यातायातमा ४५% छुटको व्यवस्था रहेको विषय सर्वविदित नै छ । तर विडम्बना अहिले मुख्यतः काठमाडौं उपत्यका बाहेक देशका अधिकांश ठाउँहरुमा व्यवहारतः विद्यार्थीहरुलाई सार्वजनिक यातायात ४५% छुट लागु भएको नदेखिएकाे उल्लेख छ ।
 
कलैया, जितपुर र पोखरीया लगायतका ठाउँहरुबाट विद्यार्थीहरु दिनहुँ विरगंजमा अध्ययन गर्न आउदा सार्वजनिक यातायातमा विद्यार्थीहरुले छुट समेत नपाईरहेका विषय आम विद्यार्थी माेर्चाले ज्ञापन पत्र मार्फत अवगत गराउँदै यस्ता गलत कार्यहरुलाई तुरन्त रोकी यस क्षेत्रमा पनि नियमानुसारको सम्पूर्ण व्यवस्था कार्यान्वयनमा ल्याउन माग गरेकाे छ ।
 
 साे ज्ञापन पत्र जिल्ला ट्राफिक प्रहरी कार्यालय, विरगंज र बस व्यावसायी संघ, विरगंजलाई समेत वाेद्धार्थ गरिएकाे छ ।
 
ज्ञापन पत्र बुझाउन आम बिद्यार्थी मोर्चाका ईन्चार्ज उमेश कुशवाहा, मधेस प्रदेस सह- इन्चार्ज दिपेन्द्र साह, मधेस प्रदेस अध्यक्ष राकेश बैठा लगायतकाे सहभागिता रहेकाे थियाे ।
 

वीरगंज महानगरले ल्यायाे ३ अर्ब २१ करोडकाे बजेट

0

वीरगंज । वीरगंज महानगरपालिकाले आगामी आर्थिक वर्ष २०८०/०८१ का लागि ३ अर्ब २१ करोड ३५ लाख ४४ हजार रुपैयाँ अनुमानित बजेट ल्याएको छ ।

वीरगंज महानगरपालिकाका उपप्रमुख इम्तियाज आलमले बुधबार नगर सभाको तेह्रौँ अधिवेशनमा आर्थिक वर्ष २०८०/०८१ का लागि उक्त अनुमानित आय व्यय बजेट प्रस्तुत गरेका हुन् ।

कुल बजेटमध्ये चालु तर्फ रु २ अर्ब ४८ करोड ८५ लाख ५ हजार अर्थात ७७ प्रतिशत र पूँजीगत तर्फ ६८ करोड ८७ लाख १५ हजार अर्थात २२ प्रतिशत बजेट विनियोजन गरिएको छ । यस्तै वित्तीय व्यवस्था तर्फ ३ करोड ६३ लाख २४ हजार अर्थात १ प्रतिशत बजेट छुट्याएको छ ।

बुधबार प्रस्तुत भएको बजेटमा आगामी वर्ष शिक्षा क्षेत्र सुधारतर्फ १२ करोड २० लाख, खानेपानी तथा सरसफाई क्षेत्रमा १२ करोड रुपैयाँ विनियोजन गरिएकाे छ । यस्तै आधारभूत स्वास्थ्य सेवालाई सर्वसुलभ एवं विकेन्द्रित रुपबाट उपलब्ध गराउन विकेन्द्रीत स्वास्थ्य सेवाको लागी ३ करोड ७५ लाख, यातायात पूर्वाधार क्षेत्रको लागि ५९ करोड, स्वयंसेवक शिक्षक कार्यक्रमका लागी ४ करोड ७५ लाख, खेलकुद क्षेत्रका लागि १ करोड रुपैयाँ छुट्याइएको छ ।

 यस्तै लामखुटेमुक्त महानगर अभियानका लागि लामखुट्टेको लार्भा नियन्त्रण, बासस्थान नष्ट गर्न, औषधि छर्किने अभियानका लागि ३५ लाख रुपैयाँ विनियोजन भएको छ ।  

वीरगंज महानगरपालिकाले सङ्घीय सरकारको वित्तीय समानीकरणबाट ४२ करोड ८८ लाख रुपियाँ, राजश्व बाँडफाड २१ करोड १२ लाख रुपियाँ, सशर्त अनुदान ७५ करोड १६ लाख रुपियाँ प्राप्त हुने अनुमान गरेको छ ।

वीरगंज महानगरपालिकाले संघीय सरकारको वित्तीय हस्तान्तरणबाट १ अर्ब ३३ करोड २१ लाख रुपैयाँ, राजश्व बाँडफाँडबाट २५ करोड २४ लाख ७० हजार रुपैयाँ प्राप्त हुने अनुमान छ ।

यस्तै प्रदेश वित्तीय हस्तान्तरणबाट ४ करोड ४५ लाख ९५ हजार र प्रदेश राजश्व बाँडफाँडबाट २ करोड ८७ लाख रुपैयाँ र आन्तरिक राजश्वबाट १ अर्ब २० करोड ४४ लाख ३० हजार को अनुमान गरिएको छ ।

नगर सभाको १२ औं अधिवेशनले चालु आ.व.का लागि ३ अर्ब ३३ करोड ६३ लाख २ हजार बराबरको बजेट  ल्याएको थियो । आगामी आ.ब.का लागि भने बजेट घटेर आएको हो । 

नगर प्रमुख राजेशमान सिंहकाे अध्यक्षतामा भएकाे नगर सभामा प्रमुख प्रशासकिय अधिकृत लक्ष्मी प्रसाद पाैडल, नगर सभा सदस्य लगायतकाे सहभागिता रहेकाे थियाे ।

वीरगंज महानगर : बजेटमा सबैको अपनत्व दिलाउने प्रयास

0

वीरगंज । वीरगंज महानगरपालिकाका प्रमुख राजेशमान सिंहले आगामी आर्थिक वर्ष २०८०/०८१ को नीति,  कार्यक्रमका तथा बजेटकाे लागि यहाँका राजनीतिक दलका प्रतिनिधिसँग सुझाव लिएका छन् ।

आगामी आ.व.को नीति, कार्यक्रम तथा बजेट तर्जुमाका लागि सोमबार सबै राजनीतिक दलका प्रतिनिधिबाट राय सुझाव लिइएको महानगर प्रमुख सिंहले बताए । बुधबार नीति तथा कार्यक्रम र बजेट ल्याउने तयारी गरिरहेको महानगरले बजेटमा सबैको अपनत्व बनाउन यहाँ प्रतिनिधित्व गर्ने सबै राजनीतिक दलका प्रतिनिधिसँग राय सुझाव लिएको हो ।

वीरगंज बनाउन सबै लाग्नु पर्ने भएकाले बजेटमा सबैको सुझाव र सल्लाह समेट्न खोजिएको महानगर प्रमुख सिंहले बताए । राजनीतिक दलका प्रतिनिधिहरुले सामाजिक विकास, आर्थिक विकास, पूर्वाधार विकास, वन वातावरण, सेवा प्रवाह र सुशासनका सवालमा आफ्ना सुझाव सल्लाह र राय दिएका हुन् ।

नेपाली कांग्रेस वीरगंज महानगरका सभापति मणिन्द्रलाल श्रेष्ठले ट्राफिक समस्या समाधान गर्न विभिन्न स्थानमा स्काई बिज्र बनाउनु पर्ने, पछि जोडिएका वडाहरुमा सडक संजाल विस्तार गर्नु पर्ने लगायतका सुझाव दिए ।

नेकपा एमाले वीरगंज महानगर कमिटीका अध्यक्ष राजेन्द्र प्रसाद यादवले अहिले पानीको विकराल समस्या देखिएकोले यसको समाधानका लागि दीर्घकालिन उपाय खोज्न आग्रह गरे ।

नेकपा एकीकृत समाजवादीका वीरगंज महानगर अध्यक्ष मनोज चौधरीले सबै राजनीतिक दलका प्रतिनिधिलाई बोलाएर सुझाव लिने परम्परा थालेकोमा महानगर प्रमुख सिंहलाई धन्यवाद दिए ।

उनले वीरगंजकाे लाइफलाइनको रुपमा रहेको सिर्सिया नदी सफाईलाई प्राथमिकता दिँदै नदीको राइट अफ वे छुट्याएर करिडोर निर्माण गर्न आग्रह गरे ।

जनमत पार्टीका पर्सा संयोजक ओमप्रकाश सर्राफले स्थानीय सरकारले स्थानीय उत्पादनको पहिचान गरेर ब्राण्डिङ गर्दै आयआर्जनलाई व्यवसायिकरण बनाउने गरि बजेट व्यवस्था गर्न माग गरे ।

महानगरले गर्ने काम परदर्शी हुनु पर्ने भन्दै उनले जनसंख्या र भूगोलको आधारमा वडामा बजेट विनियोजन गर्न पनि सुझाव दिए ।

जसपाका नगरकमिटी अध्यक्ष इश्वरचन्द्र यादवले पानीको समस्या समाधान गर्न घरबाट निस्कने पानी सोझै नालामा नभई भूमिगत पानीको पुनर्भरणका लागि घरमा व्यवस्था मिलाउन पर्ने सुझाव दिए ।

महानगर प्रमुख सिंहले वीरगंजकाे विकास र समृद्धिका लागि हरेक महिना सबै राजनीतिक दलका प्रतिनिधिसँग छलफल गर्दै आएकाे वताए ।

महानगर प्रमुख सिंहको अध्यक्षतामा सम्पन्न बैठकमा सबै राजनीतिक दलका प्रतिनिधि, महानगर प्रमुखका प्रेस सल्लाहकार महेश दास, जनसम्पर्क सल्लाहकार नवराज फुयाँल लगायतको सहभागिता रहेको थियो ।

जिल्ला मै पहिलाे बहुदरमाईकाे नगर सभा सम्पन्न

0

वीरगञ्ज । पर्साको बहुदरमाई नगरपालिकाको दशौ नगर सभा साेमबार सम्पन्न भएकाे छ । नगरपालिकाले नगर सभाबाट पारित आ.व. २०८०/०८१ काे निती तथा कार्यक्रम जिल्ला मै पहिलाे सार्वजनिक समेत गरेकाे छ । असार १० गते भित्र गर्नु पर्ने सभा बहुदरमाईले यस बर्ष असार ४ गते नै गर्न सफल भएकाे हाे ।

नगरपालिकाकी उपप्रमुख सुष्मा कुमारी कुशवाहले ४४ करोड ८१ लख ६६ हजार ५ सय रुपैयाँ बराबरको नीति तथा कार्यक्रम प्रस्तुत गरेकी हुन् ।

उप प्रमुख कुशवाहाद्वारा प्रस्तुत कार्यक्रममा कृषि प्रयोजनका लागि प्रयोग हुने कृषि विद्युत मिटरको ४० प्रतिशत महशुल नगरपालिकाले ब्यहोर्ने, नगरपालिकाभित्रका किसानहरुका साना तथा ठूला पशुहरुको विमा गर्ने लगायतका याेजनाहरु पनि समेटिएका छन् । 

नगरपालिकाले एक घर एक रोजगारको नीति लागु गर्ने उपाध्यक्ष कुशवाहले बताइन् । नगरपालिकालाई धार्मिक तथा सांस्कृतिक पर्यटकीय स्थलको रुपमा विकास गर्ने योजना पनि अघि सारिएको छ । विद्यालयलाई प्रविधिमैत्री बनाउनेदेखि सामुदायिक विद्यालयमा नगरपालिकाको तर्फबाट सरसफाई गर्ने कर्मचारीको व्यवस्था गर्ने नीति तथा कार्यक्रममा उल्लेख छ । 

नगरभित्रका प्रत्येक मावि र निमाविमा किशोरीहरुलाई महिनावारी प्याड प्रयोग गर्नका लागि छुट्टै हाइजिन रुमको व्यवस्था गरिने उपाध्यक्ष कुशवाहले बताइन् । उनकाअनुसार महिला र बालबालिकाका साथ उपमेयर कार्यक्रम पनि सञ्चालन गरिनेछ । युवाको हात, मेयरको साथ भन्ने नारासहित युवाहरुको सहयोगी समूह तयार गरी प्रत्येक वडामा युवासँग मेयर कार्यक्रम पनि सञ्चालन गर्ने नीति तथा कार्यक्रममा उल्लेख छ । 

बहुदरमाई नगरबासीको जनजीवनमा सकारात्मक परिवर्तनको अनुभुति गर्ने गरी स्वच्छ, सुन्दर, सुरक्षित र समृद्ध नगर बनाउने विषयलाई प्राथमिकतामा राखेर नीति तथा कार्यक्रम ल्याइएको नगर प्रमुख सिंगासन साह तेलीले बताए ।

शहरी पूर्वाधार निर्माण, कृषि विकास, पर्यटन प्रवर्धन, आधुनिक तथा व्यवसायिक शिक्षा, सर्वसुलभ, गुणस्तरीय र पहुँचयोग्य स्वास्थ्य सेवा, उद्यमशीलता विकास तथा रोजगारी प्रबर्धन, सूचना प्रविधिमा आधारित कागजरहित सेवा प्रवाह र यातायात व्यवस्थापन लगायतका क्षेत्रलाई पालिकाले प्राथमिकता दिएको प्रमुख तेलीले जानकारी गराए । 

नगर प्रमुख तेलीको अध्यक्षतामा कार्यक्रममा प्रमुख प्रशासकिय अधिकृत महमद शेरे मुस्तफा, लेखापाल उपेन्द्र साह, हरि प्रसाद कुर्मी, रामबाबु पटेल, सम्पूर्ण वडाका वडाध्यक्ष, नगर सभा सदस्य, कर्मचारी, सुरक्षाकर्मी, संचारकर्मी लगायतको उपस्थिती रहेको थियो ।

अतिक्रमित टिनको टहरा बचाउन नाला नै मोडियो

0

वीरगंज । वीरगंज महानगरपालिकाले वर्षौदेखि जाम रहेको महानगरभित्रको नालाहरुलाई सफाई अभियान चलाएको छ । अतिक्रमित नालालाई अतिक्रमणमुक्त बनाई नाला सरसफाई गर्ने अभियान तिब्र रुपमा चलि रहेको छ । तर जिल्ला प्रशासन कार्यालय अगाडि रहेको ठूलो नाला सफाई गर्ने क्रममा अतिक्रमण गरि बनाइएको संरचना नहटाई महानगरपालिकाले ठूलो नालालाई नै मोडेको छ ।

जिल्ला प्रशासन कार्यालय पर्साको ठीक अगाडि रहेको ठूलो नाला अतिक्रमण गरि बनाइएको टिनको टहरा नभत्काई नालालाई मोडेकोले स्थानीयहरु विरोध जनाएका छन् । जिल्ला प्रशासन कार्यालय अगाडि रहेको नाला अतिक्रमण गरि वीरगंज टाटो सेन्टर युक्त लेखिएको बोर्ड झुण्डयाइएको टिनको संरचना निर्माण गरिएको छ ।

नाला सफाई गर्नु सह्रानीय कार्य हो तर कसैलाई काखा पाखा गर्नुले महानगरका सरसफाई कर्मचारीले टहरा बचाएको आरोप लागेकाे छ । नाला सफाईको क्रममा युवा स्पोर्टस् क्लब छेउमै रहेको टिनको टहरा भत्काएको छैन । टिनको टहरा बचाउनका लागि ठूलो नालालाई नै मोडिएकोले स्थानीयहरु विरोध जनाई रहेका छन् ।

जबकी टिनको उक्त टहरा पुरै सार्वजनिक नाला अतिक्रमण गरि बनाइएको छ । त्यही टिनको टहरा छेउमै रहेको नाला अतिक्रमण गरि ठूलो तीन तल्ले भवन निर्माण गरिएको छ । त्यो भवनको महानगरपालिकाले नाप नक्सा नै नगरी नाला सफाई मात्रै गरेको बताइएको छ ।

नाला सफाईको क्रममा महानगरपालिकाले नापनक्सा गरि अतिक्रमित संरचनालाई हटाउनु पर्नेमा न त टिनको संरचना हटाइएको छ न त भवनलाई छोइएको छ । नालालाई नै मोडिएको छ, यस कार्यको सर्वत्र चर्चा चलि रहेको छ ।

वर्तमान अवस्थामा महानगर प्रमुख राजेशमान सिंह आफै उपस्थित भई अतिक्रमित टहराहरु भत्काई नाला सफाई गर्ने कार्यलाई तिब्र पारेका छन् । यसबाट महानगरवासी सन्तुष्ट छन् । महानगर प्रमुख सिंहको वाहवाही गरि रहेका छन् तर सानो तिनो कुरामा पनि महानगर प्रमुख राजेशमान सिंहकाे ध्यान पुग्न जरुरी देखिन्छ ।

स्पोर्टस् क्लब अगाडि रहेको टिनको टहरा बचाएर नाला सफाई गरिएकोले त्यो नगरी नाप नक्सा गरि नालालाई अझै फराकिलो बनाउनुपर्ने स्थानीयहरुको माग रहेको छ ।

एनवाइइएफ वीरगंजकाे तेस्रो साधारण सभा सम्पन्न, अग्रवाल बने नयाँ अध्यक्ष

0

वीरगंज । नेपाली युवा उद्यमी मञ्च (एनवाइइएफ) वीरगंज च्याप्टरको नयाँ कार्यसमिति चयन भएको छ । सोमबार सम्पन्न एनवाइइएफ वीरगंज च्याप्टरको तेस्रो साधारणसभाले सर्वसहमतिबाट सन्दीप अग्रवालको अध्यक्षतामा नयाँ कार्यसमिति चयन गरेको हो ।

यहाँस्थित होटल लर्ड्स दियालो प्लाजामा आयोजित साधारणसभाले आगामी वर्ष २०८०/८१ को कार्यकालका लागि अग्रवालको नेतृत्वमा गठन गरेको कार्यसमितिको प्रथम उपाध्यक्षमा पंकज अग्रवाल र दृतिय उपाध्यक्षमा विश्वास प्रताप साह चयन भएका छन् ।

त्यसतै कार्यसमिति सदस्यमा विकास ठाकुर, अक्षत शाह, मनिषा सुनुवार श्रेष्ठ, मोहित गुप्ता, दीपल खन्ना, किसन केयाल, सूरज रुङ्ग्टा, चन्दन सिंह र राधा हमाल चयन भएका छन् । च्याप्टरको आमन्त्रित कार्यसमिति सदस्यमा मनिष सिस्का र रिकेश साहलाई मनोनित गरिएको छ ।

निवर्तमान अध्यक्ष राकेश साहलाई पनि एनवाइइएफको प्रावधानअनुसार कार्यसमिति सदस्यमै राखिएको नवनिर्वाचित अध्यक्ष अग्रवालले जानकारी दिए । त्यसैगरी च्याप्टरको सल्लाहकार समितिमा एनवाइइएफ वीरगंजका संस्थापक अध्यक्ष अरविन्द्र बहादुर अमात्य, पूर्व अध्यक्ष अनुप अग्रवाल, राहुल अग्रवाल र आशिष कुमार लाठलाई मनोनित गरिएको छ ।

साधारणसभामा बोल्दै प्रमुख अतिथि वीरगंज महानगरपालिकाका मेयर राजेशमान सिंहले नगर विकासका लागि युवा उद्यमीसँग आफू सधै हात्तेमालो गर्न तयार रहेको बताए । ‘तपाईँ युवाहरु मेरो ऊर्जाका स्रोत हुनुहुन्छ । तपाईँहरुसँग मिलेर काम गर्न म सधै तयार छु, आउनुहोस हात्तेमालो गरौँ, के गर्न सकिन्छ मिलेर गरौँ,’ उनले भने ।

मेयर सींहले वीरगंजमा नयाँ किसिमको उद्योग, व्यवसाय र उद्यमको स्थापना गर्नुपर्नेमा जोड दिँदै भने, ‘त्यहीँ परम्परागत सिमेन्ट, छडको उद्योग नखोलेर अब युवा साथीहरुले नयाँ किसिमको उद्योगमा लगानी गर्दै स्थानीयहरुका लागि रोजगारीको सृजना गर्नु पर्‍यो ।’

नयाँ उद्योग र व्यवसाय स्थापनाका लागि आवश्यक मैत्रीपूर्ण नीति बनाउन महानगरपालिका सधै तयार रहेको बताउँदै उनले थपे, ‘बोलाएर मात्र आउँछु भन्ने प्रवृति पनि छाड्नुपर्‍यो, महानगर तपाईँ सबैको हो, यसलाई वैभव बनाउँने जिम्मा पनि तपाईँ सबैको । आउनुहोस, हात्तेमालो मात्र नगरेर काँधमा काँध मिलाएर अगाडि बढौँ ।’

उनले वीरगंजलाई युवा मैत्री शहर बनाउँन एनवाइइएफबाट आफूले आगामी वर्षमा वर्तमान भन्दा दश गुणा बढी काम र सहकार्यको अपेक्षा गरेको बताए ।

नवनिर्वाचित अध्यक्ष सन्दीप अग्रवालले सिकाइमार्फत सदस्यहरुको नेतृत्व र उद्यमशीलता विकास गर्ने तर्फ आफ्नो कार्यकाल केन्द्रित रहने प्रतिबद्धता व्यक्त गरे । अघिल्लो नेतृत्वबाट प्राप्त सिकाइलाई लागू गर्दै आगामी वर्ष थप कार्यक्रम आयोजना गर्ने आफ्नो योजना सुनाउँदै उनले भने, ‘नयाँ र पूराना सदस्य विचको सम्बन्धलाई प्रगाढ बनाउने किसिम गतिविधिलाई मैले प्राथमिकतामा राख्ने छु, एक अर्कासँग सिक्दै नेतृत्व र उद्यमशीलता विकास गरेर आफ्नो व्यवसाय र उद्यममा योगदान गर्न सक्ने किसिमको माहोल बनाउने मेरो प्रयास रहन्छ ।’

एनवाइइएफका निवर्तमान अध्यक्ष राकेश साहको सभापतित्वमा भएकाे कार्यक्रममा कार्यक्रममा नेपाल उद्योग वाणिज्य महासङ्घका केन्द्रीय सदस्य डा. सुवोध कुमार गुप्ता, नेपाल उद्योग वाणिज्य महासङ्घ मधेश प्रदेशका निवर्तमान अध्यक्ष गणेश लाठ, वीरगंज उद्योग वाणिज्य सङ्घका अध्यक्ष अनिल पटवारी, एनवाइइएफ एनजीसीका अध्यक्ष रितेश लामिछाने, प्रथम उपाध्यक्ष साहारा जोशी, दृतिय उपाध्यक्ष कुशल सुन्दर श्रेष्ठ, एनजीसी सदस्य कृष्ण सापकोटा, नेपाल भारत सहयोग मञ्चका राष्ट्रिय अध्यक्ष अशोक वैध, वीरगंज उद्योग वाणिज्य सङ्घका निवर्तमान अध्यक्ष गोपाल केडिया, वरिष्ठ उद्योगपति एवम् अर्थविद् जगदीश अग्रवाल, वरिष्ठ उद्योगपति रमेश अग्रवाल, लायन्स क्लबका देवकी नन्दन अग्रवाल, पर्साका प्रमुख जिल्ला अधिकारी हिरालाल रेग्मी, पर्साका प्रहरी उपरीक्षक (एसपी) कोमल शाहल गायतको उपस्थिति रहेको थियो ।

१९ लाखकाे माेबाइल र घडिसहित एक भारतिय पक्राउ

0

वीरगंज । भन्सार छली चोरी पैठारी गरी भारतबाट नेपाल भित्राइएकाे बिभिन्न ब्राण्डका मोबाईल र घडीसहित एक भारतिय नागरिकलाई प्रहरीले पक्रा‍उ गरेकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले भारत विहार पूर्वी चम्पारण बिसुनपुर पोष्ट अमवा बिसुनपुर निवासी ३३ बर्षिय मनोज कुमारलाई नियन्त्रणमा लिएकाे हाे । 

विशेष सूचनाको आधारमा शनिबार खटिएको टोलीले वीरगंज महानगरपालिकाकाे वडा नं. ३२ वदननगरस्थित मनाेज साहकाे घरबाट अनाधिकृतरूपमा भन्डारण गरेर राखिएकाे रू १९ लाख १४ हजार बराबरको घडी तथा मोबाईलहरू बरामद गरेकाे हाे । 

मनोज साहको घरमा कोठा भाडामा लिइ बस्दै आएका मनोज कुमारको कोठा खानतलासी गर्दा उक्त कोठाबाट भन्सार छलिकाे विभिन्न ब्रान्डकाे माेबाइल र खडिहरु बरामद भएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

उक्त घडी तथा मोबाईल सहित पक्राउ परेका मनोज कुमारलाई आवश्यक कारवाहीको लागि आइतबार वीरगंज भन्सार कार्यालयमा बुझाइएको उनले जानकारी दिए ।