Date
सोम, कार्तिक ३०, २०८३
Mon, November 16, 2026
Home Blog Page 517

ठाउँठाउँमा टंकी राखेर खानेपानीको प्रबन्ध मिलाउँदै वीरगंज महानगर

0

वीरगंज । खानेपानीको समस्यासँग जुधिरहेका नगरवासीका लागि ट्यांकरबाट खाने पानी वितरण गर्दै आएको वीरगंज महानगरपालिकाले अत्यावश्यक स्थानहरुमा टंकी र धारा जडान गर्ने कार्यलाई तिब्रता दिएको छ ।

खानेपानी संस्थानको पाइपलाइन विस्तार भएको वडा नम्वर १ देखि १७ र १९ मा धारा जडान गर्नुका साथै पाइपलाइन नपुगेका स्थानमा टंकीमार्फत अस्थायी रुपमा पिउने पानीको व्यवस्था मिलाउन महानगरले सुरु गरेकाे हो ।

घरघरमा रहेका चापाकल सुकेर पानीको समस्यासँग जुधिरहेका नागरिकलाई तत्काल आवश्यक पानीको व्यवस्था मिलाउन महानगरका मेयर राजेशमान सिंहले निर्देशन दिएका छन् ।

महानगरले आइतबार वडा नम्वर १ र १५ को सार्वजनिक स्थानमा १० हजार लिटरको टंकी राखेर पिउने पानीको प्रबन्ध मिलाएको छ ।

यस्तै खानेपानी संस्थानको धारा सार्वजनिक स्थानहरुमा जडान गर्ने कार्य सोमबारदेखि नै सुरु गर्ने गरि आवश्यक सबै प्रकृया मिलाइसकेको महानगरका प्रमुख प्रशासकीय अधिकृत लक्ष्मी प्रसाद पौडेलले जानकारी दिए ।

खानेपानी पाइपको लाइन भएका क्षेत्रमा सार्वजनिक चोक तथा बढी चाँप भएका स्थानमा धारा जडान गर्नुका साथै पाइपलाइनले नछोएका वडा तथा स्थानमा भने टंकी नै राख्ने प्रबन्ध मिलाइएको पनि उनले बताए ।

ग्रमी मौसममा चापाकल सुकेपछि अरु कुनै पानीको स्रोत नभएकाहरुको जनजीवन कष्टकर हुँदै गएकाले महानगरले नगरवासीको जनजीवन सहज बनाउन आवश्यक व्यवस्था मिलाउन थालिएकाे जनाएकाे छ ।

केही दिनभित्रै ३२ वटै वडामा आफूहरुले धारा जडानका साथै टंकी राखिसक्ने गरी काम गरिरहेको पनि प्रमुख प्रशासकीय अधिकृत पौडेलले बताए ।

यस्तै वडा नम्वर २५ का वडाध्यक्ष आशुतोष चतुर्वेदीले भने आफ्नो व्यक्तिगत खर्चमा टंकी राखेर वडाका बासिन्दालाई पानीको व्यवस्था मिलाएका छन् ।

सबैको प्रयास र हातेमालोबाट मात्रै प्राकृतिक विपत्तिको सामना गर्न सकिने भएकाले वडावासीका लागि आफ्नै लगानीमा १० हजार लिटरको ट्यांकी मार्फत ठाउँठाउँमा पानीको प्रबन्ध मिलाएको उनले बताए ।

महानगरको मात्रै मुख ताक्न नहुने भन्दै उनले भने ‘सबै जनप्रतिनिधि, उद्योगी व्यवसायी साथमा साथ मिलाएर अघि बढे यस्ता विपत्तिहरु सहजै सामना गर्न सकिन्छ ।’

पर्सा ट्राफिक प्रहरीकाे दादागिरी, महिनवारी नदिने गाडी चल्न नदिने

0

वीरगंज । पर्सामा ट्राफिक प्रहरीले महिनावारी नदिने ठूला सवारी साधनकाे अवागमनमा अवराेध पुर्याइरहेका छन् । ट्रिपर, ट्रक लगायतका मालवाहक सवारी साधन संचालनमा पर्सा ट्राफिक प्रहरीले अवराेध पुर्याउने गरेकाे सवारी धनिहरुले वताएका छन् ।

जिल्ला ट्राफिक प्रहरी कार्यालय पर्सा मातहतमा खटिने वीरगंजकाे पावर हाउस चाैक, परवानीपुर, ड्राइपाेर्ट, पाेखरिया लगायतका ट्राफिक प्रहरीले ठुला सवारी साधनहरुबाट महिनवारी बुझ्ने गरेका छन् । महिनवारी नदिने गाडीहरुलाई ट्राफिक प्रहरीले विभिन्न वहानामा दु:ख दिने गरेकाे सवारी चालकहरुले गुनासाे गरेका छन् ।

विशेष गरेर भारतिय गाडीहरुलाई राेकेर विभिन्न वहानामा विना रसिद अवैध रकम असुल्ने गरेका छन् । दिनहु चल्ने नेपाली ठुला सवारी साधनहरुले ट्राफिक प्रहरीकाे झमेलाबाट मुक्ति पाउन महिनवारी नै बझाउनु पर्ने बाध्यता रहेकाे छ । महिनवारी नदिने गाडीहरुकाे कागज पत्र लिएर पैसा दिन बाध्य बनाउने गरेका छन् ।

यस बिषयमा जिल्ला ट्राफिक प्रहरी कार्यालय पर्सा प्रमुख प्रहरी निरिक्षक मणिराम थापालाई जानकारी हुँदा पनि एक्सन नलिनु उनकाे सलंग्नता पनि रहेकाे प्रमाणित हुन थालेकाे छ । ठुला सवारी साधनबाट असुली हुने अवैध रकमबाट प्रहरी निरिक्षक थापालाई समेत आउने गरेका कारण उनी केही नगरेकाे ट्राफिक प्रहरी स्राेतले नै जनाएकाे छ ।

यस्ता गुनासाहरु लिएर सेवाग्राहीहरु कार्यालयमा पुग्दा प्रमुख प्रहरी निरिक्षक थापा कार्यालय मै भेटिदैन । फाेन गर्दा कहिले काँही त फाेन नै उठदैनन्, फाेन उठेपनि आफु बाहिर कार्यक्रममा रहेकाेले पछि आउन भन्ने गरेकाे सेवाग्राहीहरुकाे भनाई छ ।

एक महिना पहिला पाेखरियामा खटिएका रामसय यादव भनिने ट्राफिक प्रहरीले एउटा ट्रिपरकाे परमिट लिएका थिए । पाेखरिया रुटकाे परमिट नरहेकाे भन्दै अरु रुटकाे परमिट खाेसेका ट्राफिक प्रहरीसंग पछि परमिट माग्दा जिल्लामा बुझाएकाे वताएका थिए । पाेखरियाकाे परमिट नपाउने गरेका कारण त्यहाँकाे परमिट नलिएकाे सवारी धनीले वताए ।

परमिटकाे लागि सवारीधनीले जिल्ला ट्राफिक प्रहरी कार्यालयमा पुग्दा यातायात कार्यालयमा बुझाइएकाे त्याँहा कार्यरत कर्मचारीले वताए । सवारीधनी यातायात कार्यालय पुग्दा त्यहाँका कर्मचारीहरु यहाँ जिल्लाबाट तपाईकाे परमिट नआएकाे वताए । पछि पुन: सवारीधनी जिल्लामा पुग्दा जिल्ला ट्राफिक प्रहरी कार्यालयमा रहेका ट्राफिक प्रहरी उनीसंग कुरा गर्न चाहेनन् । 

यी गुनासाेहरु सुनाउन कार्यालय प्रमुख प्रहरी निरिक्षक थापाकाे कार्यकक्षमा सवारी धनी पुग्दा उनी भेटिएनन् । अब उनी कहाँ जाने भनेर दिक्क लागेर घर फिर्ता भए । उनले खाेसिएकाे परमिट फिर्ता गर्न धेरै ट्राफिक प्रहरीले दु:ख दिएकाे गुनासाे गरे । याे त उदाहरण पात्र घटना मात्र हुन । यस्ता थुप्रै गुनासाेहरु छन् । यसबाट सहजै ट्राफिक प्रहरीकाे नियत बारे अनुमान गर्न सकिन्छ ।  

यस बिषयमा बुझ्न सम्बन्धित ट्राफिक प्रहरी यादवसंग फाेनमा सम्पर्क गर्दा उनले परमिट आफुले दिइसकेकाे वताउँदै अहिले आफु एउटा पंचायतीमा रहेकाेले पछि कुरा गर्ने वताए । पर्सा ट्राफिक प्रहरी प्रमुख थापासंग फाेनमा सम्पर्क गर्न खाेज्दा उनकाे फाेन नउठेर सम्पर्क हुन सकेन । 

बारा प्रहरीबाट नेता कुटिएकाे भन्दै आन्दाेलन, राजनीति भयाे : प्रहरी

0

वीरगंज । जिल्ला प्रहरी कार्यालय बारामा राजनीतिककर्मी कुटिएकाे विवाद आन्दाेलनकाे रुप लिएकाे छ । प्रहरी नायब उपरीक्षक पुरुषोत्तम पाण्डे र प्रहरी निरीक्षक रुपेश साहबाट राजनीतिकर्मी कुटिएको घटनाले आन्दोलनको रुप लिएको हाे । घटनालाई लिएर कलैयामा दिनहुँ आन्दोलन भइरहेको छ ।

शनिबार नेपाली काँग्रेसका कार्यकर्ताहरुले कलैयाकाे भरतचौक स्थित टायर बालेर विरोध प्रदर्शन गर्नुका साथै प्रहरी नायब उपरीक्षक पाण्डे र प्रहरी निरीक्षक साहको कारवाहीको माग गर्दै प्रदर्शन गरेका हुन् ।

नेपाली काँग्रेस जिल्ला कार्य समिति बाराका सचिव भैयाराम यादवले आफूलाई जिल्ला प्रहरी कार्यालय भित्रै प्रहरीले कुटपिट गरेको आरोप लगाएका छन् । तर बारा प्रहरीले यादवले आरोप लगाए जस्तो कुनै किसिमको कुटपिट नभएको दाबी गर्दै आएको छ ।

जिल्ला प्रहरी कार्यालय बाराका प्रहरी नायब उपरीक्षक पुरुषोत्तम पाण्डेले यादवमाथि आफू लगायत कुनै प्रहरीले कुटपिट नगरेको दाबी गरेका छन् । उनले विवाद साम्य पार्न खोज्दा यादवको साथमा भएको कार्यकार्यकर्ताहरुले प्रहरीमाथि नै जाइलागेपछि यादवलाई केहीबेर नियन्त्रणमा लिएर छाडिएको बताए ।

छलफल हुने बेलामा आफू त्यहाँ नरहेको तर कार्यालयमै ल्याएर डिएसपीले कुटेको लगाइएको आरोप निराधार रहेको डिएसपी पाण्डेको भनाई छ । यादवलाई कुनै किसिमको कुटपिट भएको छैन, बढि होहल्ला भएपछि विवादलाई साम्य पार्नको लागि तिनीहरुलाई बाहिर निकालिएको हो, तर यो कुरालाई राजनीतिकरण गरिएको र अनावश्यक रुपमा प्रहरीलाई बद्नाम गर्न खोजिएको डिएसपी पाण्डेले बताए ।

यसबारे जिल्ला प्रहरी कार्यालय बाराका प्रहरी उपरीक्षक होबेन्द्र बोगटीले आफ्नो अनुपस्थितिमा प्रहरी र राजनीतिकर्मीबीच भएको घटनाप्रति दुःख व्यक्त गरे । उनले दुर्घटनाको क्रममा घाइते भएकालाई उपचारको खर्च मिलाउने क्रममा भनाभन हुँदा डिएसपीको निर्देशनमा बाहिर निकाल्न भन्दा (पहिलादेखि नै मेरुदण्डको समस्या रहेका) जिल्ला सचिव यादव हिँड्न नसक्दा धक्का भएको हुन सकेको बताए ।

उनले मधेश प्रदेश प्रहरी प्रमुखको कमाण्डमा छानविन समिति गठन भइसकेको छ, त्यसले दिएको प्रतिवेदनको आधारमा दोषीमाथि कारवाही हुने बताए । हामी संयमित हुनुपर्छ, त्यसको साथसाथै घटना मिलाउने पक्षपनि संयमित हुनुपर्ने प्रहरी उपरीक्षक बोगटीको भनाई छ ।

प्रहरी कार्यालयभित्र यस्ता घटना परिस्थिति हुनु हुँदैन, कानून कार्यान्वयन गराउने प्रहरी नै यस्ता कार्यहरुमा संलग्न हुनु हुँदैन, यदि संलग्न छ भने ढाकछोप पनि गर्नुहुँदैन भन्दै प्रहरी उपरीक्षक बोगटीले यसमा दोषी देखिए गल्ती गर्ने प्रहरी कर्मचारीलाई विभागीय कारवाही हुने विश्वास व्यक्त गरे । थप कारवाहीको लागि उहाँहरुलाई प्रदेश प्रहरी कार्यालयमा पठाइसकिएको बताए ।

जिल्ला प्रहरी कार्यालय भित्र यस्ता परिस्थिति उत्पन्न भए नागरिकको सेवामा खटेका प्रहरीलाई सेवा दिन कठिनाई हुने बताए । यता प्रहरीबाट कुटिएको भनिएका नेपाली काँग्रेस जिल्ला सचिव भैयाराम यादवको वीरगंज स्थित मल्टिस्पेशलिटी अस्पतालमा भर्ना भएका छन् ।

असार १२ गते रोकेर राखिएको पिकअप भ्यानमा पछाडिबाट मोटरसाइकलले ठोकेको थियो र सवारी चालक नभएका मोटरसाइकल चालक घाइते भएका थिए । सो घटनाको विषयमा अप्र चौकी कलैया बसपार्कमा छलफल भई समाधान भइसकेकोमा पुनः जिल्ला प्रहरी कार्यालयमा साउन २ गते बेलुका छलफल हुने क्रममा आफ्नो पक्षमा पार्न दबाब दिन खोज्दा तथा होहल्ला गर्दा विवाद उत्पन्न भएको थियो ।

चुरे संरक्षणकाे माग गर्दै वीरगंजमा प्रदर्शन

0

वीरगंज । चुरे संरक्षणकाे माग गर्दै शनिबार वीरगंजमा प्रदर्शन भएकाे छ । चुरे क्षेत्रकाे उत्खन्नले तराईमा पानीकाे बिकराल समस्या निमत्याएकाे भन्दै स्थानिय युवाहरु शान्तिपूर्ण प्रदर्शन गरेका हुन् ।

प्रदर्शनमा वीरगंजमा घरै पिछे खाने पानीकाे चरम समस्या उत्पन्न किन भइरहेकाे ?, अनुचित निकासीका निमित उत्खन्न बन्द गर, हाेसियार तराईका निमित चुरे क्षेत्र भुमिगत जल भण्डारणकाे स्राेत हाे,  प्राकृतिक जल स्राेत संरक्षण गर्नमा सरकारकाे दायित्व के हाे ? लगायतकाे नारा लेखिएकाे प्ले कार्डसहित सहभागि भएका थिए ।

शान्तिपूर्ण प्रदर्शनमा सहभागि युवाहरुले वीरगंजमा पानी नभएर संकटग्रस्त भएकाे वताउँदै तराईका निम्ति चुरे क्षेत्रले भूमिगत जल भण्डारको काम गरेले संरक्षण जरुरी रहेकाे वताए ।

महिला उद्यमीलाई प्रोत्साहन गर्न वीरगंजमा समर फेयर

0

मुस्कान श्रेष्ठ / 

वीरगंज । वीरगंजका महिलाहरुद्वारा संचालित वुमन क्रिएसन नामक संस्थाले ‘समर फेयर २०२३’ को अयोजना गरेको छ । महिला उद्यमीहरुको क्षमता अभिवृद्धि र आत्मविश्वास बढाउने उदेश्यले शनिबार वीरगंजमा ‘समर फेयर २०२३’ को आयोजना गरिएको हो ।

मेलामा महिलाहरु आफैले उत्पादन गरेको विभिन्न बस्तुहरुको प्रदर्शन गर्नुकाे साथै मनोरञ्जनका लागि विभिन्न खेलहरुको व्यवस्था गरिएको थियो । मेलाको अवलोकन गर्दै वीरगंज महानगरपालिकाका मेयर राजेशमान सिंहले देशकै आर्थिक नगरीको रुपमा चिनिने वीरगंजमा महिलाहरु समेत उद्यम, व्यापार क्षेत्रतर्फ अग्रसर भएको देख्दा खुसी लागेको बताए ।

उनले प्रतिषपर्धाले भरिएको अहिलेको युगमा महिलाहरुद्वारा उत्पादीत वस्तुहरु केवल कोठा वा पसल भित्रसम्म सिमित रहेको भन्दै वीरगंज महानगरपालिकाले प्रत्येक महिनाको अन्तिममा आयोजना गर्ने रात्रि बजारमा विक्री वितरणका लागि राख्न आग्रह गरे ।

उनले विश्वभरका उद्यमीहरुले प्रविधिको भरपूर प्रयोग गरेर अन्तराष्ट्रियस्तरमा आफ्नो व्यापार व्यवसायीमा मनग्य आमदानी गरिरहेको भन्दै डिजीटल मार्केटिङग गर्न महिला उद्यमीहरुलाई सुझाव दिए । उनले महिलालाई आत्मनिर्भर बनाउने उदेश्यले वीरगंज महानगरपालिकाले क्षमता अभिवृद्धि तालिमको आयोजना गरिरहेको जानकारी दिए ।

नगर प्रमुख सिंहले देशको सम्मानिय राष्ट्रपति जस्तो पदमा समेत महिलाले प्रतिनिधित्व गरिसकेको हुँदा उद्यम व्यापारमा समेत अगाडी बढ्नुपर्ने कुरामा जोड दिँदै त्यसका लागि महानगरपालिकाले भरपूर सहयोग गर्ने प्रतिबद्धता व्यक्त गरे ।

यस्तै वुमन क्रिएशनकी अध्यक्ष हेमा अग्रवालले महिलाहरु केवल घरको कामकाजमा मात्र सिमित नभई घर बाहिरका जिम्मेवारीहरु समेत समाल्हन सक्ने बताईन् । उनले महिलाहरु पुरुष सरह नेतृत्व गर्ने, उद्योग, व्यापार संचालन गर्ने र निर्णय गर्न सक्ने क्षमता भएको हुँदा पनि अवसर नपाउने गुनासो गरिन् ।

अध्यक्ष अग्रवालले कुनै पनि उद्योग वा व्यवसाय स्थापनाका लागि विभिन्न स्रोत–साधन तथा सुविधाहरूको आवश्यक पर्ने हुँदा सम्पूर्ण मात्रामा महिला उद्यमी आफैले व्यवस्था गर्न नसक्न बताईन् ।

यस्तो अवस्थामा उनीहरूलाई सहयोग गर्न सरोकारवाला निकायदेखि महिलासंग आबद्ध संस्थाहरु अघी बढ्नुपर्नेमा उनले जोड दिइन् । वीरगंजका मेयर राजेशमान सिंहले कार्यक्रमलाई सकारात्मक रुपमा लिएकोमा आफूलाई थप हौसला प्रदान गरेको बताउदै उनले मेयर सिंहले दिएको सुझावलाई मन्न गरेर अघी बढ्ने बताईन् ।

यस्तै वुमन क्रिएसनकी उपाध्यक्ष सुमोना बेर्नजीले अहिले पनि हाम्रो समाजले महिलालाई घर–परिवारको रेखदेख गर्ने रुपमा मात्र लिएको बताइन् । यस्तो मानसिकतालाई चिर्न वुमन क्रिएसनले यसप्रकारको कार्यक्रमको आयोजना गर्दै आएको बताइन् ।

वीरगञ्जमा थुप्रै महिला उद्यमीहरु भएपनि उनीहरुद्वारा उत्पादीत वस्तुको बजारीकरण हुन नसक्दा पछि परेको क्रिएसनकी उपध्यक्ष बेर्नजीको भनाई छ । सोही कुरालाई ध्यानमा राखी आफूहरुले समर फेयरको आयोजना गरेको र यसले महिला उद्यमीहरुलाई आफ्नो क्षमता देखाउनुका साथै ग्राहकसंग सोझै सम्पर्क गर्ने अवसर प्रदान गरेको बताईन् ।

फेयरमा खाने कुरा, लत्ताकपडा, सजावटका सामाग्री लगायत गरी ५० वटा स्टल राखिएको छ । २००२ मा ४ जना महिलाबाट सञ्चालन भएको वुमन क्रिएसन संसथामा हाल ५० जना सदस्य रहेका छन् ।

कार्यक्रममा वुमन्स क्रिएसनकी नेन्सी अग्रवाल, अफ्साना खातुन, नेपाली युवा उद्यमी मञ्च वीरगञ्जका पूर्व अध्यक्ष अनुप अग्रवाल, उद्यमी सञ्जय अग्रवाल, महिला उद्यमीहरु, सञ्चारकर्मी आशु कुमार सर्राफ लगायतको उपस्थिति रहेको थियो ।

कुटपिट गर्नेमाथि कारवाहीकाे माग गर्दै प्रदर्शन

0

वीरगंज । वीरगंज महानगरपालिकाकाे वडा नं. ३ छपकैयामा भएकाे कुटपिटकाे घटनाकाे दाेषी माथि कारवाहीकाे माग गर्दै शनिबार वीरगंजमा प्रदर्शन भएकाे छ ।

स्थानिय युवाहरु बिहीवार दिउँसो सो वडाको कैलाश कोल्ड स्टोरेजनजीक बाटोमा गाडी रोकिएको विषयलाई लिएर गरेकाे गाडी धनी लगायतलाई कुटपिट गर्ने समुह माथि कारवाहीकाे माग गर्दै प्रदर्शन गरेका हुन् ।

वीरगंजकाे घण्टाघरबाट निस्केकाे विराेध प्रर्शन वीरगंज बजार क्षेत्रकाे परिक्रममा पछि पुन: घण्टाघर मै पुगि काेण सभामा परिणत भएकाे थियाे ।

काेण सभामा वाेल्ने वक्ताहरुले कुटपिट गर्ने ८ जना विरुद्ध किटानी जाहेरी दिइएपनि प्रहरीले हाल सम्म तीन जनालाई मात्र पक्राउ गरेकाेले वाकी ५ जनालाई पनि पक्राउ गरि कारवाही अगाडी बढाउनु पर्ने माग गरे ।

पक्राउ पर्नेमा छपकैया निवासी अजुरद्दीन अन्सारी, साहिल राजा लगायतका रहेका छन् । उनीहरूमाथि अभद्र व्यवहारसम्बन्धी मुद्दा दर्ता गरिएको प्रहरी नायब उपरीक्षक दीपक गिरीले बताए । 

पक्राउ परेका युवकहरूले गाडी धनीलगायत निजका आफन्तहरूमाथि कुटपिट, दुर्व्यवहार गरेका थिए । ती युवाहरूले सो कार्य जानाजान गरेको देखिएपछि प्रहरीले उनीहरूलाई पक्राउ गरेको थियो ।

उनीहरूले गरेको कुटपिटको घटना भिडियो फुटेजमार्फत सार्वजनिक भएको थियो र सोमा युवकहरू दोषी देखिएपछि प्रहरीले पक्राउ गरेको हो ।

यो घटनालाई शनिबार वीरगंजमा प्रदर्शन हुने जानकारी प्राप्त हुन साथ ठूलो सङ्ख्यामा प्रहरी परिचालन गरिएकाे थियाे ।

पकहाँ मैनपुरमा शिक्षक संगठनकाे समिति गठन

0

वीरगंज । पर्साको पकहाँ मैनपुर गाउँपालिकामा शनिबार नेपाल राष्ट्रिय शिक्षक संगठनको दोस्राे अधिवेशन सम्पन्न भएकाे छ । अधिवेशनले राधा बैठाको अध्यक्षतामा १३ सदस्यीय गाउँपालिका स्तरिय शिक्षक संगठन सर्वसहमत गठन गरेकाे शिक्षक बिकास पाण्डेले जानकारी दिए ।

नव गठित समितिकाे उपाध्यक्षमा टेकबहादुर कामी, महिला उपाध्यक्षमा तम्मना खातुन, सचिवमा ध्रुव प्रसाद चौहान, कोषाध्यक्षमा विकास पाण्डे, सहसचिवमा निर्मला चौरसिया, सह कोषाध्क्षमा जानकी कुमारी, सदस्यमा नरेश प्रसाद चौहान, मनोज राम, श्रीमती रिता शर्मा, तारा चौरसिया चयन भएका हुन् ।

शिक्षकहरुको पेशागत हकहित, संरक्षण, सम्बर्धन तथा अधिकार प्राप्तिकाे मुल नाराकाे साथ श्री नेपाल राष्ट्रिय प्राथमिक बिधालय मानिपुरमा भएको संगठनमा आवद्ध रहेका शिक्षकहरुको भेलाले सर्वसहमत समिति गठन गरेकाे हाे ।

शिक्षक राधा बैठाको अध्यक्षतामा र संगठन पर्साका अध्यक्ष शिवनाथ महतो थारुको प्रमुख आतिथ्यमा भएको भेलामा शिक्षक संगठन पर्सा सचिव बिनोद गिरी लगायतको बिशेष उपस्थिती रहेकाे थियाे ।

बहुअरीमा एसईई उत्तीर्ण ७० जना विद्यार्थी सम्मानित

0

आनन्द पटेल /

परवानीपुर । बाराको परवानीपुर गाउँपालिका वडा नं ५ बहुअरी टोलमा शनिबार यस वर्ष एसईई परीक्षा उत्तीर्ण गरेका ७० जना विद्यार्थीहरुलाई एक कार्यक्रमका बीच सम्मान गरिएको छ ।

स्वच्छ समाज युवा क्लबले एक कार्यक्रमका बिच एसईई उतिर्ण सन्ध्या साह, हिमांशु कुमार यादव, अञ्जली कुमारी पटेल, करिश्मा कुमारी पटेल, सोनु कुमार श्रीवास्तव, पुष्पा कुमारी राम, मन्दिप यादव लगायतकालाई सम्मान गरेकाे हाे ।

कार्यक्रमका प्रमुख अतिथी समाज सेवी डाक्टर शिवशंकर यादवले सम्मानीत विद्यार्थीहरुलाई अगामी भविष्यको शुभकामना दिदै अल्बर्ट आइंस्टाईन जस्तै सफल ब्यक्तित्व बन्न शुभकामना दिए । उनले शिक्षाका साथै समाजमा पनि सेवा गर्न विद्यार्थीहरुलाई आग्रह गरे ।

कार्यक्रमका अथिती समाज सेवी तथा खेलकुद प्रेमी शिवशंकर पटेलले पास भएका विद्यार्थीहरुलाई बधाई दिदै यस टोलका विद्यार्थीहरु भबिष्यमा ठूला नेता, प्रोफेसर, इन्जिनियर, डाक्टर आदि बन्न शुभकामना दिए ।

यसका साथै उनले विद्यार्थीहरूलाई अनुशासित र आफ्नो अभिभावक प्रति सम्मान गर्न पनि आग्रह गरेका थिए ।

कार्यक्रममा वडाध्यक्ष रामेश्वर साह कालवारले पास गर्ने सबै विद्यार्थीहरुलाई बधाई र अझ राम्रो पढाइगरी सफल व्यक्ति बन्न शुभकामना दिए । उनले क्लवले आयोजना गरेको कार्यक्रमको प्रशंसा गर्दै क्लबलाई आउने दिनमा साथ र सहयोग गर्ने प्रतिबद्धता समेत जनाए ।

कार्यक्रममा परवानीपुर गाउँपालिकाका अध्यक्ष पदका प्रत्यासी युवा नेता सञ्जु साहले एसईई उतिर्ण विद्यार्थीहरूको आगामी भविष्यको सफलताको कामना गर्दै बहुअरी टोल बारा जिल्लामै वर्षौं देखी शिक्षामा अगाडी रहेको बताए ।

उनले शिक्षाको साथ-साथै समाजलाई पनि सही दिशामा अगाडि बढाउन यहाका राजनीतिक दल, युवा, स्थानीय सरकार, बुद्धिजीवी लगायतको साथ र सहयोग आवश्यक रहेको बताए ।

सम्मान कार्यक्रममा बार एसोसिएसनका केन्द्रीय उपाध्यक्ष रामचन्द्र सिंहले पास भएका विद्यार्थीहरुलाई बधाई दिदै भविश्यमा अझ कडा मिहिनेत गरेर ठूलो व्यक्ति बन्न आशीर्वाद दिए । उनले अहिलेका विद्यार्थीहरुमा मोबाइलको बढी प्रयोगले शिक्षाको स्तर कम हुँदै गएको प्रति चिन्ता व्यक्त गरे ।

यसैगरी कार्यक्रममा प्रोफेसर किशोरी राम, वडा सदस्य दारा सिंह पटेल, शिक्षाबिद डाक्टर प्रमोद यादव, अर्जुन पटेल, जितेन्द्र कुमार वर्मा, डाक्टर अजय यादव, इलाका प्रहरी कार्यालय सिरिसियाका इन्चार्ज तेज प्रताप सिंह, रामजी सिंह, सुरेन्द्र पटेल, नेकपा माओवादी केन्द्रका नेता लालबहादुर पटेल लगायतले कार्यक्रमको सफलता सहित विद्यार्थीहरूको उज्जवल भविष्यको कामना गरेका थिए ।

सो अवसरमा क्लबका उपाध्यक्ष उमेश साह, कोषाध्यक्ष मुर्तुजा आलम, सदस्यहरु सरोज यादव, प्रमोद यादव, अखिल पटेल, सन्दिप यादव, रोहित यादव, रञ्जित साह लगायतको विशेष सहयोग रहेको थियो ।

कार्यक्रमको अन्त्यमा क्लबका अध्यक्ष भूपेन्द्र पटेलले कार्यक्रमलाई सफलता पार्न उपस्थित सम्पूर्ण अतिथी, विद्यार्थी, क्लबका सदस्य सबैलाई धन्यवाद, दिदै प्लस २ पढन चाहने गरीब, असाहाय, मिहिनेती विद्यार्थीहरुलाई वडाध्यक्षको सिफारिसमा निःशुल्क रूपमा पढाउने घोषण गरे ।

कार्यक्रममा स्वागत मन्तव्य क्लबका सदस्य आनन्द पटेलले गरेका थिए भने कार्यक्रमको सञ्चालन क्लबका सचिव त्रिलोक प्रताप सिंहले गरेका थिए ।

एनएमएसारए वीरगंजको अन्तरक्रिया कार्यक्रम सम्पन्न

0

दिपेन्द्र यादव /

वीरगंज । नेपाल औषधि तथा बिक्री प्रतिनिधि संघ वीरगंजको आयोजनामा एक दिने अभिमुखिकरण तथा अन्तरक्रिया कार्यक्रम शनिबार वीरगंजमा सम्पन्न भएको छ ।

वीरगंजस्थित त्रिजुद्द माबिको सभा हलमा भएको कार्यक्रमा वाेल्दै नेपाल चिकित्सक संघ वीरगंजका अध्यक्ष डा. मनोज कुमार गुप्ताले चिकित्सक संग प्रत्यक्ष सरोकार रहेको यो पेशा मर्यादित तथा सभ्य भएकोले यसलाई अझ सरल र मर्यादित बनाउन हाम्रो पनि साथ र सहयोग रहने वताए ।

नेपाल औषधि तथा बिक्री प्रतिनिधि संघ नेपालका केन्द्रिय उपाध्यक्ष मनोज साहले यस गौरवशाली संस्थाले रचनात्मक कार्यहरुलाई अगाडि बढाउँदै आएको र यश पेशासंग आवद्ध रहेका श्रमिकको हकहितको लागि सदैव तत्पर रहने वताए ।

यश बजार प्रतिनिधि जस्तो मर्यादित पेशामा आबद्ध भइसकेपछि यसको बारेमा जानकारी लिएर अगाडी बढ्न थप सहयोग पुगोस् भन्ने उद्देश्यले कार्यक्रमको आयोजना गरिएको संस्थाका अध्यक्ष राम गोसाईले बताए ।

कुनै पनि संस्थामा लागिसकेपछि संस्थाको बारेमा बुझ्न आवश्यक रहेको र स्थापना कालदेखिनै यो संस्थाले यस क्षेत्रमा छुट्टै पहिचान स्थापित गर्न सफल भएको कार्यक्रमका सभामुख समेत रहेका संस्थाका अध्यक्ष गोसाइले बताए ।

कार्यक्रममा विशेषगरी बजार प्रतिनिधि संग सम्बन्धित विभिन्न समस्या चुनैती तथा ट्राफिक एवम् एचआईभी सम्बन्धि विशेषज्ञलाई बोलाएर प्रशिक्षण पनि गराइएको कार्यक्रमका संयोजक रमेश कुमार गिरिले बताए ।

कार्यक्रममा ट्राफिक सम्बन्धि सचेतता वीरगंज ट्राफिक प्रहरीकै इन्स्पेक्टर मणि राम थापाले गरेका थिये भने एचआईभी तथा ब्याक्तित्व बिकास सम्बन्धि आशिष गुरागाइ र रमेश कुमार गिरिले पालै पालो प्रशिक्षण गरेका थिए ।

उक्त कार्यक्रममा सुशील कुमार सिंह, सिवाजी यादव, मनोज कुमार साह, नरेन्द्र कुश्वाहा लगायतकाे पनि उपस्थिति रहेको थियो भने कार्यक्रमको सहजीकरण मौसम राज भट्टराईले गरेका थिए ।

पानीकाे समस्या समाधान गर्न पर्साका सात दलको माग

0

वीरगंज । वीरगंजमा उत्पन्न खानेपानी समस्या समाधानका लागि जिल्लाका क्रियाशील राजनीतिक दलहरुले चासो देखाएका छन् । पर्साका राजनीतिक दलहरुले खानेपानी समस्या समाधानका लागि सर्वदलीय बैठक बसेर सम्बन्धित सरोकारवाला निकायको ध्यानकर्षण गराएका हुन् ।

नेपाली कांग्रेस, जनता समाजवादी पार्टी नेपाल, नेकपा माओवादी केन्द्र, नेकपा एकीकृत समाजवादी, राष्ट्रिय प्रजातन्त्र पार्टी, जनमत पार्टी, नागरिक उन्मुक्ति पार्टी लगायतका राजनीतिक दलहरुले शनिबार सर्वदलीय बैठक बसेर खानेपानी समस्या समाधानका लागि स्थानीय सरकार, प्रदेश सरकार र संघीय सरकारको समेत ध्यानाकर्षण गर्ने निर्णय गरेको नेकपा एस पर्साका अध्यक्ष बालगाेपाल थापाले जानकारी दिए ।

बैठकमा खानेपानी समस्याको विषयमा सबै तहका सरकारको ध्यानाकर्षण गराई यथाशक्य छिटो समाधान गर्न माग गरिएकाे उनले बताए ।

बैठकमा नेपाली कांग्रेसका पर्सा सभापति जनार्दन सिंह क्षेत्री, जनता समाजवादी पार्टीका अध्यक्ष रामनरेश यादव, जिल्ला सचिव तबरेज अहमद, नेकपा माओवादी केन्द्रका प्रदेश सदस्य छोटेलाल यादव, नेकपा एसका पर्सा अध्यक्ष बालगोपाल थापा, जनमत पार्टीका उमाशंकर गुप्ता, राप्रपाका शम्भु गिरी, नागरिक उन्मुक्तिका राजकुमार ओझैया लगायतको उपस्थिति रहेको थियो ।