Date
सोम, कार्तिक ३०, २०८३
Mon, November 16, 2026
Home Blog Page 518

सडक विस्तारमा अवरोध नगर्न सांसद यादव र मेयर सिंहकाे आग्रह

0

वीरगंज । वीरगंज महानगरपालिकाकाे वडा नम्बर २३ प्रसौनी विर्तामा सडक विस्तारका क्रममा देखिएको समस्यालाई समाधान गर्न सांसद प्रदीप यादव र नगर प्रमुख राजेशमान सिंहले स्थलगत अनुगमन गरेका छन् ।

सडक विस्तार गर्न स्थानीयहरूले अवरोध सृजना गरेको जानकारी पाएसँगै जनता समाजवादी पार्टी नेपाल (जसपा) का प्रमुख सचेतक समेत रहेका सांसद यादव र नगर प्रमुख सिंहले स्थलगत अनुगमन गरि स्थानीयहरूसँग छलफल गरेका हुन् ।

पर्सा निर्वाचन क्षेत्र नम्बर १ अन्तर्गत पर्ने सडक खण्डको विस्तार गर्ने क्रममा स्थानीयहरूले आफ्नो नम्बरी जग्गा पनि परेको भन्दै विवाद खडा गरेका थिए । स्थानीय स्तरमै विवाद सल्टाउन प्रयास गरिए पनि नभएपछि सांसद यादव र मेयर सिंह आफै स्थानीयहरूसँग छलफल गर्न पुगेका थिए । 

छलफलका क्रममा पूर्व वन तथा वातावरण मन्त्रीसमेत रहेका यादवले विकास निर्माणको काममा कुनै पनि किसिमको बाधा, अवरोध सृजना नगरी सहयोग गर्न स्थानीयहरूसँग आग्रह गरे । उनले भने, ‘सडकको विकास भए मात्रै गाउँ ठाउँको विकास सम्भव हुन्छ ।’ 

विकासका निमित्त सडक सबैभन्दा महत्त्वपूर्ण पूर्वाधार भएको बताउँदै उनले भने, ‘सडक राम्रो भए गाउँमा उत्पादन हुने कृषि सामग्रीलाई सहजै बजारसम्म पुर्‍याउन सकिन्छ, पठनपाठनका लागि बालबालिकाहरू सहरका विद्यालयसम्म पुग्न सक्छन्, स्वास्थ्य उपचारका लागि आवश्यक पर्ने एम्बुलेन्स र आगजनीका समयमा वारुणयन्त्र सहजै गाउँसम्म पुग्न सक्छ । त्यसैले सडक विस्तारमा हामीले बाधा पुर्‍याउनु भन्दा पनि सहयोग गर्नुपर्छ ।’ 

त्यस्तै वीरगंज महानगरका मेयर राजेशमान सिंहले पनि सडक विस्तारमा अवरोध सृजना नगर्न स्थानीयहरूसँग अनुरोध गरे । उनले भने, ‘सडक नै विकासको पहिलो सिँढी हो । सडकको विकास नभएसम्म अन्य विकासका कामहरू अगाडि बढाउन सकिँदैन । त्यसैले सडकका लागि स्थानीयहरूले अवरोध खडा गर्नुभन्दा पनि स्वेच्छाले आफ्नो जग्गा दिनुपर्दछ ।’

मेयर सिंहले अवरोध सृजना गर्नुभन्दा पनि छलफल मार्फत निकास खोज्न आग्रह गर्दै स्थानीयहरूलाई आवश्यक सम्पूर्ण कागजपत्र लिएर महानगरपालिका आउन अनुरोध पनि गरे ।

बिन्दवासिनीकाे ईटियाही स्थित पाेल्ट्रि फार्ममा आगलागी, १० लाखकाे क्षति

0

संजय गुप्ता /

बिन्दवासिनी । पर्साकाे बिन्दवासिनी गाउँपालिका वडा नं.३ ईटियाही स्थित मनिष एन्ड अनिस पाेल्ट्रि फार्ममा शुक्रबार राति आगलागी भएकाे छ । मध्य रातमा बिधुत सर्ट सकिट भई भएकाे आगलागीमा परि रु १० लाख बराबरकाे क्षति भएकाे प्रहरीले जनाएकाे छ ।

त्याँहा संचालनमा रहेकाे फर्म मध्ये एउटा पुर्ण रूपमा जलेकाे छ । जलेकाे फर्ममा ९ सय कुखुरा तयारी अवस्थामा थियाे । साथै आगलागीमा २० बाेरा जति कुखुराकाे दाना पनि जलेर नष्ट भएकाे फर्मका सँचालक अनुप साहले वताए ।

आगलागीले बिधुत आपुर्ति गर्न राखिएकाे एक थान जेनेरेटर पनि जलेर नष्ट भएकाे अमरपट्टि प्रहरी चाैकीका प्रमुख हरि चाैहानले वताए ।

उनका अनुसार फर्ममा काेई नभएकाे बेला बिधुत सर्ट भई आगाे लागेकाे हाे । आगलागी बारे थाहा भए पश्चात् स्थानियहरू, नेपाल प्रहरी, सशस्त्र प्रहरीकाे सहयाेगमा आगाे नियन्त्रणमा आएकाे थियाे ।

मानव अधिकार समाजद्वारा निशुल्क सुगर जाँच शिविर सम्पन्न

0

वीरगंज । स्वतन्त्र मानव अधिकार समाज केन्द्रिय कार्यालय वीरगंजकाे आयाेजनामा शनिवार निःशुल्क सुगर परिक्षण शिविर सम्पन्न भएकाे छ ।

वीरगंज ४ स्थित अमर चौकमा भएकाे शिविरकाे‍ शुभारम्भ वीरगंज महानगरपालिका वडा नं ४ का वडाध्यक्ष जगत साह कानुले सुगर चेक जाँच गराई गरेका थिए । 

उक्त शिविरमा नारायणी अस्पतालका फिजिसियन डा. निरज कुमार सिंहले चेक जाँच गरेका थिए । शिविरमा ५३ महिलासहित १४७ जनाले स्वास्थ्य सेवा लिएको समाजका सभापति कृष्ण कुमार खनालले जानकारी दिए ।

समाजका सभापत्ति खनालको सभापतित्व र वडाध्यक्ष कानुकाे प्रमुख आतिथ्यतामाच भएकाे शिविरमा समाजका उप-सभापत्ति नन्दि किशोर यादव, महा सचिव दिपक साह कानु, कोषाध्यक्ष उर्मिला कुशवाहा, सचिव आशिष कुमार, केन्द्रिय सदस्यहरु संदिप चौरसिया, लालबाबु प्रसाद गुप्ता, निर्मला कुशवाहा, आशा देवी, सिता उप्रेती, विभा पराजुली, पुर्व महासचिव ध्रुव अधिकारी, वीरगंज जेसिसका पूर्व अध्यक्षहरु निशान्त लामिछाने, सन्तोष कुमार खनाल लगायतको सहभागिता रहेको थियो ।

मेयर सिंहले घाेषणा गरे अनुसार स्व. सर्राफकाे छाेरीले पाइन रु ५ लाख

0

वीरगंज । युवा पत्रकार स्वर्गीय नरेश सर्राफको परिवारलाई वीरगंज महानगरपालिकाले आर्थिक सहयोग गरेको छ । सर्राफकी छोरी श्रेया सर्राफको पठनपाठन तथा भरण पोषणका निमित्त वीरगंज महानगरपालिकाले आर्थिक सहयोग गरेको हो ।

वीरगंज महानगरपालिकाका मेयर राजेशमान सिंहले स्व. पत्रकारकाे श्रद्धान्जली सभामा घाेषणा गरे अनुसार महानगरबाट रु ५ लाख सहयाेग गरेका हुन् । साे रकम पत्रकार स्व. सर्राफकाे ७ बर्षिय छाेरी श्रेया सर्राफकाे नामले फिक्स डिपाेजिट गरिने‍ छ ।

सोका निमित्त शुक्रकार स्व. सर्राफकी छोरी श्रेयालाई जनता समाजवादी पार्टी नेपाल (जसपा) का प्रमुख सचेतक एवम् पर्सा निर्वाचन क्षेत्र नम्बर १ का प्रतिनिधिसभा सदस्य प्रदीप यादव र वीरगंज महानगरपालिकाका मेयर सिंहले पाँच लाख रुपैयाँ बराबरको चेक हस्तान्तरण गरेका हुन् ।

महानगरका मेयर सिंहको कार्यकक्षमा बोलाएर छाेरी श्रेया र स्व. सर्राफकी श्रीमती पूजा कुमार साहलाई चेक हस्तान्तरण गरिएको थियो ।

चेक हस्तान्तरण गर्दै पूर्व वन तथा वातावरण मन्त्री समेत रहेका सांसद यादवले आगामी दिनमा पनि स्वर्गीय पत्रकार सर्राफको परिवारलाई सहयोग गर्ने प्रतिबद्धता व्यक्त गरे । सर्राफ एक होनहार तथा इमानदार पत्रकार रहेको बताउँदै यादवले उनको विरासतलाई अन्य सञ्चारकर्मीहरूले निरन्तरता अगाडि बढाउनु पर्नेमा जोड दिए ।

त्यस्तै वीरगंजका मेयर सिंहले सर्राफको निधन पश्चात् उनको परिवार बिचल्लीमा पर्न नदिन आफूले हरेक सम्भव प्रयास जारी राखेको बताए । सोही प्रयास स्वरूप आज पाँच लाख रुपैयाँ उपलब्ध गराइएको र आगामी दिनमा आवश्यक परे थप सहयोग गर्ने उनले पनि प्रतिबद्धता व्यक्त गरे ।

यसैबिच नेपाल पत्रकार महासङ्घ पर्सा शाखाले स्व. सर्राफको स्मृतिमा स्थापना गरेको अक्षय काेषमा पनि महानगरले रु १० लाख सहयाेग गरेकाे छ । मेयर सिंहले रु १० लाखकाे चेक पत्रकार महासंघ पर्सालाई उपलब्ध गराएका हुन् ।

उनले शुक्रबार एक कार्यक्रमका बिच रकम बराबरको चेक महासङ्घ पर्साका अध्यक्ष अनुप तिवारी र कोषाध्यक्ष सञ्जीव मिश्रलाई हस्तान्तरण गरेका हुन् ।

पत्रकार सर्राफको गत वर्ष मङ्सिर १५ गते हृदयाघातका कारण अल्पायु मै निधन भएको थियो । समाजवादी प्रेस संगठन पर्सा र रेडियाे वीरगंजले संयुक्त रुपमा आयाेजना गरेकाे स्व. सर्राफकाे श्रद्धान्जली सभामा मेयर सिंहले स्व सर्राफकाे नाम स्थापना हुने अक्षय काेषमा रु १० लाख र उनकाे छाेरीकाे नामले रु ५ लाख फिक्स डिपाेजिट गरिदिने घाेषणा गरेका थिए ।

साेही घाेषणा अनुसार मेयरले सिंहले शुक्रबार साे रकम बराबरकाे चेक हस्तान्तरण गरेका हुन् । साेही श्रद्धान्जली सभामा समाजवादी प्रेस संगठन र रेडियाे वीरगंजले स्व. सर्राफकाे छाेरीकाे नाममा फिक्स डिपाेजिट गर्न रु एक/एक लाख सहयाेग समेत गरेका थिए ।

वीरगंजमा चापाकल सुकन थालेपछि खाने पानीकाे हाहाकार

0
वीरगंज । वीरगंज लगायतकाे क्षेत्रमा चापाकल सुकन थालेपछि खाने पानीकाे हाहाकार भएकाे छ । वीरगंजकाे राधेमाई, श्रीपुर, मुर्ली, रानीघाट, अशाेकबाटिका, भिस्वा, बसपार्क लगायतकाे क्षेत्रमा पानी हाहाकार भएकाे स्थानियहरुले वताएका छन् ।
 
चापाकल पानीकाे मुख्य स्राेत रहेकाे यस क्षेत्रमा माेटर पनि पानी तान्न छाडेका छन् । चापाकल सुकेपछि माेटर समेत पानी दिन छाडेकाे राधेमाईका स्थानिय मन्दिप महताेले वताए । 
 
उनले भने “चापाकल र माेटर पानी दिन छाडेकाे छ, खानेपानी कार्यालयमा नल जडानकाे लागि निवेदन दिदाँ महिना दिन लाग्ने भनेका छन् । जारकाे पानी किनेर प्रयाेग गर्दैछाैं । अरु कुनै वैकलपिक माध्यम पानीकाे नभएर समस्या भइरहेकाे छ ।”
 
गर्मी माैसममा चापाकल सुकन थालेपछि अरु कुनै पानीकाे स्राेत नभएकाहरुकाे जनजिवन कष्टकर भएकाे छ । कतिपैले पडाेसी र आसपासकाे क्षेत्रबाट पानी लिएर जिवनयापन गरिरहेका छन् भने कतिपयले जारकाे पानी किनेर बाचीरहेका छन् ।
 
वीरगंजका केही क्षेत्रमा महानगरपालिकाले ट्यांकीबाट पानी समेत वितरण गरिरहेकाे छ । वीरगंजकाे घडिअर्वा क्षेत्रमा बिहिबार सांझ नगरपालिकाले पानी वितरण गरेकाे थियाे ।  
 
यसैगरी वीरगंज महानगरपालिकाकाे केही ग्रामिण वडामा समेत पानीकाे समस्या भएकाे स्थानियहरुले वताएका छन् । ग्रामिण वडाहरुमा पनि खानेपानीकाे मुख्य स्राेत रहेकाे चापाकल सुकन थालेकाेले समस्या भएकाे स्थानियहरुकाे भनाई छ ।
 
यसैबिच पानीको समस्यालाई मध्यनजर गर्दै सखुवा प्रसौनी गाउँपालिकाका अध्यक्ष यस्वन्त यादवले वीरगंज महानगरपालिकाकाे वडा नं. १७ अलौंमा ट्याङ्कीले ६ हजार लिटर खानेपानी वितरण गर्न लगाएका छन् ।
 
जिल्लाको एउटा स्थानीय तहमा समस्या आउँदा अर्को स्थानीय तहले सहयोग गर्नुपर्ने ध्ययका साथ अध्यक्ष यादवले खानेपानी वितरण गरेको बताए । उनले आगामी दिनमा पनि यसलाई निरन्तरता दिने सखुवाप्रसौनी गाउँपालिका सधैं तयार रहने बताए । 

जनमत पर्साद्वारा हेल्पलाईन नम्बरहरु जारी

0

वीरगंज । जनमत पार्टी पर्साले स्वास्थ उपचार सेवामा सहयोग र सहजीकरणको लागी बिहिबारदेखि हेल्पलाईन नम्बरहरु जारी गरेकाे छ ।

चिकित्सक जनमत संघ पर्साका संयोजक र राष्ट्रिय परिषद सदस्य डा अजय यादव र स्वास्थकर्मी जनमत संघका पर्सा संयोजक नन्दन सिंहले हेलपलाईनकाे नेतृत्व गर्ने जनमत पार्टी पर्साका संयोजक ओमप्रकाश सरार्फले बताए ।

आम जनतालाई स्वास्थ, उपचार सेवामा कठिनाइ भए, अस्पतालमा शैया मिलाउन सहयोगदेखि रगत उपलब्ध गराउने एवं उचित परामर्श सेवा उपलब्ध गराउने यो अभियानको लक्ष्य रहेको डा अजय यादवले बताए ।

स्वास्थ क्षेत्रमा देखिएका बेथितिका कारण आम जनता महँगो शुल्कमा पनि भरपर्दो सेवा लिन नसकेको वर्तमान अवस्थामा लोक कल्याणकारी अभियानको रुपमा यसलाई तदारुकताका साथ कार्यन्वयन गर्ने पार्टीको जोड रहेको छ ।

अन्य क्षेत्रको सेवा प्रदायक सार्वजनिक र सरकारी कर्यालयहरुमा सहज, सुलभ र बिना घुसखोरीको सेवा प्रदान गर्न थप जनशक्ति परिचालन गरि हेल्पलाईन नम्बरहरु जारी गरिने आगामी योजनाहरु रहेको पार्टीका जिल्ला संयोजक सरार्फले बताए ।

पार्टीलाई जन मैत्री बनाउन एवं आम जनता संग जोडन कुनै कसर बाकी नराख्ने पार्टीको निति रहेको उनले दाबी समेत गरे ।

जगरनाथपुरका मठमन्दिरका पुजारीहरुलाई विद्युतीय चुल्हाे

0

वीरगंज । पर्साकाे जगरनाथपुर गाँउपालिकाले विभिन्न वडामा रहेका मठमन्दिरका पुजारी साधुहरुलाई खाना पकाउने विद्युतीय इन्डक्सन चुल्हाे वितरण गरेकाे छ ।

बिहीबार गाँउपालिका अध्यक्ष श्रीकान्त यादवले वडा नम्बर १ मा रहेकाे श्रीराम जानकी मन्दिर र शिव मन्दिर, वडा नम्बर ३ मा रहेकाे शिव मन्दिर र रामजानकी मन्दिर तथा वडा नम्बर ५ मा रहेकाे शिव मन्दिर र रामजानकी मन्दिरका पुजारी साधुहरुलाई १/१ थान इन्डक्सन चुल्हाे प्रदान गरेका हुन् ।

अध्यक्ष यादवले पालिकाकामा रहेका मठमन्दिरहरुमा पुजारीहरुलाई आवश्यक पर्ने अन्य सामानहरु पनि उपलब्ध गराउने भन्दै बाँकी रहेका वडाका मठमन्दिरका पुजारी साधुहरुलाई पनि उक्त विद्युतीय चुल्हाे वितरण गरिने बताए ।

चुल्हाे वितरण कार्यक्रममा वडाअध्यक्षहरु लक्ष्मी साह र सुभाष यादव, स्थानीय समाजसेवी लगायतकाे पनि उपस्थिति रहेकाे थियाे ।

पानीको समस्या लिएर प्रधानमन्त्री प्रचण्डकोमा पुगे सांसद यादव

0

वीरगंज । वीरगञ्ज र यस आसपासका क्षेत्रमा केहीदिन यता चापाकलहरू सुकेर खानेपानीको समस्या भएपछि यस बारे पर्सा क्षेत्र नम्बर १ का प्रतिनिधिसभा सदस्य (सांसद) प्रदीप यादवले सरकारको ध्यानाकर्षण गराएका छन् ।

जनता समाजवादी पार्टी नेपाल (जसपा) का प्रमुख सचेतकसमेत रहेका यादवले बिहीबार प्रधानमन्त्री पुष्पकमल दाहाल प्रचण्डलाई सिंहदरबारस्थित प्रधानमन्त्री कार्यालयमै भेटेर वीरगञ्जमा निम्तिएको  खानेपानीको भयावह स्थिति बारे ध्यानाकर्षण गराएका हुन् ।

त्यस क्रममा पूर्व वन तथा वातावरण मन्त्रीसमेत रहेका यादवले वीरगञ्ज र यस आसपासका क्षेत्रमा केही दिन यता चापाकल लगायतका पानीको प्राकृतिक श्रोत सुक्दै गएपछि खानेपानीको लागि समेत भयावह स्थिति उत्पन्न भएको प्रधानमन्त्री प्रचण्डलाई जानकारी गराएका थिए । वीरगञ्जमा देखिएको पानीको समस्या समाधानका लागि सरकारका तर्फबाट तत्कालै पहल थाल्न उनले प्रधानमन्त्री प्रचण्डसँग आग्रह पनि गरे ।

लगत्तै प्रधानमन्त्री प्रचण्डले सङ्घीय सरकारका खानेपानी मन्त्री महिन्द्र राय यादवलाई आफ्नो कार्यकक्षमा बोलाएर वीरगञ्जमा देखिएको पानीको समस्या समाधानका लागि तत्काल कदम चाल्न निर्देशन दिएको सांसद यादवले जानकारी दिए ।

प्रधानमन्त्रीको निर्देशनअनुसार खानेपानी मन्त्री यादवले पनि वीरगञ्जमा देखिएको खानेपानीको समस्या छिटो भन्दा छिटो समाधानका लागि मन्त्रालयले मातहतका निकायहरूलाई तत्कालै काम अगाडि बढाउन निर्देशन दिने प्रतिबद्धता जनाएको सांसद यादवले बताए ।

जनस्तरको आवाज सरकारसम्म पुर्‍याउन सांसद यादवले समय समयमा अबाज उठाउँदै आएका छन् । केही दिन अगाडि मात्रै उनले पर्सा र मधेश प्रदेशका कृषकहरूले भोगिरहेको समस्याको बारेमा संसद्लाई जानकारी गराउँदै सिँचाइको व्यवस्थापन गर्न माग गरेका थिए ।

उपेन्द्र विरुद्ध चुनाव लड्ने शिवचन्द्र जनमतबाट निष्कासित

0

वीरगंज । जनमत पार्टीबाट बारा २ काे उपनिर्वाचनमा चुनाव लडेका शिवचन्द्र कुशवाहा कारबाहीमा परेका छन् । जनता समाजवादी पार्टीका अध्यक्ष उपेन्द्र यादव विरुद्ध उनी उपनिर्वाचनमा लडेका थिए ।

उपनिर्वाचनको सङ्घारमा नेकपा माओवादी परित्याग गरी जनमत पार्टीमा प्रवेश गरेर उम्मेदवार भएका कुशवाहा अनुशासनको कारबाहीमा परेका हुन् । 

जनमत पार्टीका राष्ट्रिय उपाध्यक्ष तथा अनुशासन विभाग प्रमुख दिपककुमार शाहले जारी गरेको प्रेस विज्ञप्ति अनुसार कुशवाहालाई पार्टी विरोधी गतिविधि तथा नेतृत्वको विरोधमा विभिन्न क्रियाकलापमा संलग्न भएको भन्दै साधारण सदस्यसमेत नरहने गरी कारबाही गरिएको हो ।

यसै गरी, सप्तरीका गुलाब मण्डल र शङ्कर खडका, रुपन्देहीको भोपेन्द्र यादव, कपिलवस्तुको भगवान् दास यादवलाई भने १ वर्षका लागि निलम्बनमा राखिएको छ ।

मधेश प्रदेशमा प्रथम हरवाचरवा मुक्ति दिवश मनाइयाे

0

वीरगंज । मुक्त हरवाचरवाहरुको न्यायिक पुनरस्थापना हाम्रो सरोकार, शिक्षा, स्वास्थ्य, रोजगारी र सामाजिक सुरक्षा हाम्रो अधिकार भन्ने मुल नाराका साथ राष्ट्रिय हरवाचरवा अधिकार मञ्चको आयोजनामा मधेश प्रदेशको राजधानी जनकपुमा प्रथम हरवाचरवा मुक्ति दिवश सम्पन्न भएको छ ।

कार्यक्रमको उदघाटन गर्दै प्रमुख अतिथी एवं मधेस प्रदेश सरकारका भूमि ब्यवस्था, कृषि तथा सहकारी मन्त्री गोबिन्द्र बहादुर न्यौपानेले मधेस प्रदेश सरकारले आर्थिक बर्ष २०८०/२०८१ को निति तथा कार्यक्रमले मुक्त हरवाचरवाको सवाल बिशीष्ट ढंगले सम्बोधन गरेको कुरा औल्याए ।

उनले मधेश प्रदेश सरकारले आगामी बर्षको निति तथा कार्यक्रमको बुदा नं. १७९ मा स्थानिय सरकारको समन्वयमा मधेश प्रदेशको सबै जिल्लाहरुमा मुक्त हरवाचरवाको तथ्यांक संकलन गरी प्रमाणीकरण र परिचयपत्र बितरण गरिने कुरा उल्लेख भएको बताउँदै यसको प्रभावकारी कार्यान्वयनका लागि मधेस प्रदेश सरकारको तर्फबाट प्रतिबद्धता समेत ब्यक्त गरे ।

मधेस प्रदेशका सांसदद्वय माला कर्ण र रत्नेश्वर गोहितले मुक्त हरवाचरवाको पुनरस्थापनाका लागि मधेस प्रदेश सभामा आफनो तर्फबाट भूमिका निर्वाह गरिने कुरा प्रतिबद्धता जाहेर भयो ।

त्यस्तै अर्का बक्ता मधेस प्रदेश निति आयोगका उपाध्यक्ष नाथु प्रसाद चौधरीले मुक्त हरवाचरवाहरुको बहुआयामिक समस्याहरुको सामाधान गर्ने प्रमुख दायित्व राज्यको भएकोले उनीहरुको सामाजिक न्यायका सवालहरु नीति माध्यम सम्बोधन गर्नुृपर्ने कुरामा जोड दिए ।

यसका लागि प्रदेश निति आयोगले आफनो तर्फबाट सकारात्मक भुमिकाको पहल कदमीको थालनी गर्ने बताए ।

कार्यक्रममा नेपाल कम्युनिष्ट पार्टी (एकिकृत समाजवादी) महोत्तरी जिल्ला अध्यक्ष कौशीलाल यादव, ईन्सेकका मधेस प्रदेश प्रमुख राजु पाशवान, द फ्रिडम फण्डका जनवकालत सल्लाहकार बालाराम भट्टराई, ट्रेड यूनियनका मधेस प्रदेशका सचिव अनिल कुमार झा, राष्ट्रिय हरवाचरवा अधिकार मञ्चका केन्द्रीय कोषाध्यक्ष राजवती मण्डल, जिल्ला हरवाचरवा अधिकार मञ्च महोत्तरीका अध्यक्ष शिब सदा, जिल्ला हरवाचरवा अधिकार मञ्च सप्तरीका अध्यक्ष देवलाल राम र दलित जनकल्याण यूवा क्लव सिराहाका अध्यक्ष उमेश बिशुंके लगायतले मन्तब्य ब्यक्त गरेका थिए ।

राष्ट्रिय हरवाचरवा अधिकार मञ्चका केन्द्रीय अध्यक्ष दशनलाल मण्डलको अध्यक्षतामा सम्पन्न कार्यक्रममा दलित जनचेतना दलित संगमका अध्यक्ष रामलखन रामले स्वागत मन्तब्य ब्यक्त गरेका थिए भने सामुदयिक सुधार केन्द्र धनुषाका अध्यक्ष संजय शाहले कार्यक्रमको उद्देश्यमाथी प्रकाश पारेका थिए ।

कार्यक्रमको सञ्चालन राष्ट्रिय दलित नेटवर्क, नेपालका महोत्तरी जिल्ला एक्टीभिष्ट ममता बिश्वकर्माले गरेका थिए ।

उक्त कार्यक्रममा हरवाचरवा मुक्ति आन्दोलन नेता एवं राष्ट्रिय हरवाचरवा अधिकार मञ्चका केन्द्रीय अध्यक्ष दशनलाल मण्डललाई कार्यक्रमका प्रमुख अतिथीबाट सम्मान समेत ब्यक्त गरिएको थियो ।

कार्यक्रममा राष्ट्रिय हरवाचरवा अधिकार मञ्च तथा मधेस प्रदेशका ८ वटै जिल्लाका हरवाचरवा अधिकार मञ्चका प्रतिनिधीहरु, मधेसप्रदेश सभा सदस्यहरु, सरकारी निकाय, मानव अधिकारकर्मी, ट्रेड यूनियन, नागरिक समाज र सञ्चारकर्मीहरुको सहभागिता रहेको थियो ।

सोही अवसरमा नेटवर्कका केन्द्रीय अध्यक्ष गणेश बिश्वकर्माले प्रेस बिज्ञप्ती जारी गर्दै मुक्त हरवाचरवाको पुनरस्थापनाका लागि संविधानसभा सदस्य तथा नागरिक आन्दोलनका अगुवा श्याम श्रेष्ठको संयोजकत्वमा गठित मुक्त कमैया, कम्लरी, हलिया तथा हरवाचरवा सम्वन्धी वस्तुस्थितिको अध्ययन प्रतिवेदन २०७९ को अक्षरसः कार्यान्वन गर्नका लागि जोडदार गर्नका लागि जोडदार माग गरेका थिए ।

मुक्ति दिवशकै अवसरमा मंगलबार बेलुका मधेस प्रदेशका ८ वटै जिल्लाका ३२ वटा पालिकाहरुमा स्थानिय हरवाचरवा अधिकार मञ्चद्धारा दिप प्रज्वलन गरिएकाे राष्ट्रिय दलित नेटवर्कका कार्यकारी निर्देशक हुकुम सार्कीले बताए ।