Date
सोम, कार्तिक ३०, २०८३
Mon, November 16, 2026
Home Blog Page 516

तराईलाई सुखा ग्रस्त क्षेत्र घोष्णा गर्न सांसद यादवको मांग

0

वीरगंज । तराई क्षेत्रमा पानीको समस्या तत्काल सामाधान गर्न पर्सा निर्वाचन क्षेत्र नं १ का सांसद प्रदिप यादवले सभामुख मार्फत सरकारलाई आग्रह गरेका छन ।

बुधबार बसेको प्रतिनिधिसभाको बैठकमा बोल्दै जनता समाजवादी पार्टीका प्रमुख सचेतक समेत रहेका सांसद यादवले मधेश प्रदेशको वीरगंज लगायत आसपासको क्षेत्रमा पानीको हाहाकार मचिरहेको समयमा सरकारले यस तर्फ ध्यान नदिएको आरोप लगाए ।

चापाकलबाट कुनैबेला ५० फिट १०० फिटमा पानी आउथ्यो तर अहिले ३०० फिट गाडदा पनि पानी नआएको सांसद यादवले बताए । एक थोपा पानीको लागी तराईवासी तडपिरहेको बेला सरकार निरिह भएको उनले आरोप लगाए ।

रातभरी पानीको लागी त्यस क्षेत्रको जन्ता लाईन बस्नु पर्ने र कुन बेला नगरपालिकाको गाडी आउछ र पानी भर्छु त्यस्तो अवस्था रहेको सांसद यादवले भने ।

प्रतिनिधि सभामा बोल्दै पुर्व मन्त्री यादवले तराई क्षेत्रमा पानीको लागी आम जनता तर्सिरहेको अवस्थामा सरकारले आकस्मिक कोषबाट भएपनि पानीको समस्था छिटो भन्दा छिटो समाधान गर्न सभामुख माफर्त सरकारलाई ध्यानार्कषण गराएका छन ।

त्यसतै सांसद यादवले तराई मधेश क्षेत्रलाई सुखा ग्रस्त क्षेत्र घोषणा गरेर त्यस क्षेत्रका किसान र खानेपानीको अभाव भएको स्थानमा तत्काल समस्था सामाधन गर्न आग्रह गरे ।

प्रमुख निर्वाचन आयुक्त थपलियालाई माफी माग्नु पर्ने सांसद यादवकाे भनाई

त्यसैगरी अर्को प्रसङ्गमा बोल्दै सांसद यादवले प्रमुख निर्वाचन आयुक्त दिनेश थपलियालाई माफी माग्न आग्रह गरेका छन् ।

आफूहरुले समयमा नै चुनाव खर्च जिल्ला निर्वाचन कार्यालयमा बुझाएको र सामाजिक सञ्जालमार्फत सार्वजनिक गरेपनि प्रमुख आयुक्त थपलियाले खर्च विवरण सार्वजनिक नगरेको भन्दै विज्ञप्ति निकालेको भन्दै माफी माग्न आग्रह गरेका हुन् ।

प्रमुख आयुक्त थपलियाले जनप्रतिनिधिको चरित्र हत्या गरेको भन्दै उनले माफी नमागे मानहानीको मुद्दा लगाउने वा महाअभियोग लगाउने समेत चेतावनी दिए ।

जनप्रतिनिधिको चरित्र हत्या गर्ने गरी प्लानमा, डिजाइनमा प्रमुख आयुक्तले विज्ञप्ति जारी गर्नुभएको छ । जबकी हामीले समयमा नै खर्च विवरण बुझाएका छौं, जिल्ला निर्वाचन कार्यालयमा यसको लेखोट छ र हामीले आफनो फेसबुकमार्फत र सामाजिक सञ्जालमार्फत खर्च विवरण सार्वजनिक गरेका छौं सांसद यादवले भने ।

प्रमुख आयुक्तले जानीजानी र कानुनको आफैं ब्याख्या गरेर जनप्रतिनिधिको चरित्र हत्या गरेको यादवले आरोप लगाए । त्यसैले म यो सदनमार्फत प्रमुख आयुक्तजीलाई माफी माग्न अनुरोध गर्दछु । उनले माफी माग्नुभएन भने त्यस्ता प्रमुख आयुक्तलाई बाध्य भएर कि त मानहानीको मुद्दा ठोक्नुपर्छ अथवा महामभियोग लगाउनुपर्छ सांसद यादवले भने ।

वीरगंज महानगरद्वारा जिल्लाका स्थानीय तहसंग छलफल

0

वीरगंज । वीरगंज महानगरपालिकाकाे वडा नम्वर २४ र २८ मा रहेको प्राविधिक विद्यालयमा विद्यार्थी अभाव हुँदा संचालनमा कठीनाई आएको भन्दै विद्यार्थी पठाएर सहयोग गर्न महानगरले जिल्लाका सबै पालिका प्रमुखसँग आग्रह गरेको छ ।

महानगरपालिकाले मंगलबार पर्साका सबै पालिकाका प्रमुखसँग अन्तरकृया गर्दै प्राविधिक शिक्षा अहिलेको आवश्यकता भएकाले प्राविधिक शिक्षा अध्ययन गर्न चाहने पालिकाका विद्यार्थीलाई सम्बन्धित विद्यालयमा आउने वातावरण बनाइदिन आह्वान गरेको हो ।

वीरगंज महानगरपालिकाकाे बैठक कक्षमा भएकाे छलफलमा महानगरका मेयर राजेशमान सिंहले प्राविधिक शिक्षा आजको आवश्यकता भएकाले सबै पालिकाले प्राविधिक शिक्षा अध्ययनका लागि विद्यार्थीलाई प्रेरित गर्नु पर्नेमा जोड दिए ।

वीरगंजकाे वडा नम्वर २४ रामगढवामा रहेको सारदा प्राविधिक मा.वि.मा कृषि र पशु विज्ञानको अध्ययन हुने गरेको छ भने वडा नम्वर २८ सोलकपुरमा पशु विज्ञानको अध्यापन हुने गरेको छ ।

सिटिइभिटीबाट सम्बन्धन प्राप्त गरी १८ महीने जेटिए, तीन वर्षे आइएससी (एजी) र भेटेनरी (पशु रोगको चिकित्सा वा उपचार सम्बन्धी) शिक्षा पठनपाठन हुँदै आएको छ ।

विद्यालयमा उक्त विषयको पठन पाठन निशुल्क हुने भए पनि पर्सा जिल्लाका विद्यार्थीको उपस्थिति ज्यादै न्यून रहेको सारदा मा.वि.का प्रधानाध्यापक विनोद मेहताले बताए । भएका विद्यार्थी पनि अन्य जिल्लाका रहेको उनले बताए ।

सबै विषय अध्ययनका लागि सिटिइभिटीले ४०/४० जनाको सिट संख्या तोकेको छ । तर तोकिएको सिट संख्या बमोजिम अहिले विद्यालयले विद्यार्थी पाउन सकेको छैन ।

ठोरी गाउँपालिकाका प्रमुख लालबहादुर श्रेष्ठले ठोरीमा पशु शिक्षाको अध्ययन भइरहेको भन्दै कृषि शिक्षा अध्ययनका लागि आफ्नो ठाउँबाट विद्यार्थी पठाउने व्यवस्था मिलाउने प्रतिबद्धता जनाए ।

पर्सागढी नगरपालिकाका मेयर गोकर्ण पाठकले देश कृषि प्रधान भनिएता पनि कृषिलाई पेशा र व्यवसाय बनाउन नसकिएको भन्दै अब स्थानीय सरकारले नीतिगत रुपमा नै लगानी गरेर कृषि क्षेत्र सुधार गर्नु पर्ने धारणा व्यक्त गरे ।

कृषि उत्पादन बृद्धिका लागि कृषि प्राविधिक जनशक्तिको खाँचो रहेको भन्दै उनले वीरगंज महानगरपालिकाको विद्यालयमा अध्यापन हुँदै आएको कृषि विज्ञान र पशु विज्ञान अध्ययनका लागि आफूहरुले विद्यार्थी उपलब्ध गराउने बताए ।

बैठकमा पोखरीया नगरपालिकाका मेयर प्रधुम्न प्रसाद चौहान, बहुदरमाई नगरपालिकाका मेयर सिंगासन साह, कालिकामाई गाउँपालिकाका अध्यक्ष वशिष्ठ कुमार, धोविनी गाउँपालिकाका अध्यक्ष मदन प्रसाद चौहान, पकाहाँ मैनपुर गाउँपालिकाकी उपाध्यक्ष सरफुन नेशा, वीरगंज महानगरपालिकाका प्रमुख प्रशासकीय अधिकृत लक्ष्मी प्रसाद पौडेल लगायतको सहभागिता रहेको थियो ।

कार्यक्रमको सहजिकरण महानगरको शिक्षा महाशाखा प्रमुख अरविन्दलाल कर्णले गरेका थिए ।

वाणिज्य कार्यालय वीरगंजद्वारा ३४५ फर्मकाे दर्ता खारेज

0

वीरगञ्ज । वाणिज्य, आपूर्ति तथा उपभोक्ता संरक्षण कार्यालय वीरगंजले गत आर्थिक बर्षमा ३ सय ४५ फर्महरु खारेज गरेकाे छ । आर्थिक वर्ष २०७९/८० मा ३ सय ३४ प्राइभेट फर्म र ११ साझेदार फर्मको दर्ता खारेज गरिएको वाणिज्य कार्यालयका सूचना अधिकारी दिलीप खाङ्गले जानकारी दिए ।

कार्यालय मातहतका पर्सा, बारा, राैतहट, मकवानपुर, चितवन, सर्लाही, सप्तरीका र सिराहा जिल्लाका फर्मका संचालकहरुले आफलै बन्द गर्न निवेदन दिएपछि वाणिज्य कार्यालयले खारेज गरेकाे उनले जानकारी दिए । 

यस्तै सोही आवमा प्राइभेट र साझेदारी फर्म गरी एक हजार ३ सय ४७ व्यावसायिक फार्म दर्ता भएको जनाइएको छ । सूचना अधिकारी खङ्गका अनुसार सो अवधिमा प्राइभेट फार्म एक हजार तीन सय २३, साझेदारी फार्म २४ दर्ता भएका छन् ।

यस्तै ११ कम्पनी दर्ता भएको जनाइएको छ । सो अवधिमा दुई हजार एक सय ३२ प्राइभेट फार्म र ६७ साझेदार फार्मको नवीकरण गरिएको र एक हजार ३ प्राइभेट तथा २१ साझेदार फर्म संशोधन गरिएको सूचना अधिकारी खङ्गले बताए ।

यसैगरी आर्थिक वर्ष २०७९/८० मा तोकिएको मापदण्ड विपरीत सामान बिक्री गर्ने र अनुमति नलिएका ७६ व्यावसायिक फार्ममाथि कारबाही भएकाे छ ।

आव २०७९/८० मा पाँच सय २७ व्यावसायिक फार्मको अनुगमन गर्ने क्रममा म्याद गुज्रेका सामान बिक्री गर्ने, मूल्यसूची नराख्ने, खरिद बिल नकाट्ने र इजाजत नलिएका ७६ व्यावसायिक फार्ममाथि कारबाही गरिएको वाणिज्य कार्यालयले जनाएको छ ।

सो कार्यालयका अनुसार आव २०७९/८० मा पर्साका ४१, बारा र सिरहाका १०/१०, मकवानपुरका पाँच, सर्लाहीका चार, सप्तरी र चितवनका तीन/तीन व्यावसायिक फार्ममाथि कारबाही गरिएको छ ।

व्यावसायिक फर्ममाथि गरिएको कारवाहीबाट रु १७ लाख ८६ हजार राजस्व सङ्कलन भएको वाणिज्य कार्यालयले जनाएकाे छ । अनुगमनका क्रममा विभिन्न व्यावसायिक फर्मबाट म्याद गुज्रेको बियर, रेडबुल, स्प्राइट, कोक, भुजा, चिउरा, मह, दालमोठ, पापड, बेसनलगायतका रु ६४ लाख १८ हजार नौ सय ६७ मूल्य बराबरका सामान नष्ट गरिएकाे कार्यालयकाे प्रगति प्रतिवेदनमा उल्लेख गरिएकाे छ ।

पकहाँ मैनपुरबाट चरेशसहित पासवान पक्राउ

0

वीरगंज । पर्साको पकहाँ मैनपुर गाउँपालिका वडा नं. ५ सबैठवाबाट लागू औषध चरेससहित एक जना पक्राउ परेका छन् । पक्राउ पर्नेमा कालिकामाई गाउँपालिका वडा नं. १ मूडली निवासी ४४ वर्षीय प्रेम पासवान रहेकाे इलाका प्रहरी कार्यालय पाेखरियाले जनाएकाे छ ।

सशस्त्र प्रहरी बल बिओपी लहावरथकरीले माेटरसाइकलमा नेपालबाट भारत तर्फ जादै पासवानलाई लागु औषध चरेशसहित आइतबार दिउसाे २ बजे नियन्त्रणमा लिएकाे हाे । पासवान सवार ना ३० प ४४४३ नम्बरको मोटरसाइकल राेकी चेकजाँ गर्ने क्रममा माेटरसाइकलकाे सिटमुनी लुकाएर राखेकाे ५ किलाे ७ सय ग्राम (२२ प्याकेट) चरेश बरामद भएकाे प्रहरीले जनाएकाे छ । 

सशस्त्र प्रहरी लहावरथकरीले लागु औषध चरेस र मोटरसाइकलसहित साेमबार नै आवश्यक कारबाहीका लागि इलाका प्रहरी कार्यालय पाेखरियामा बुझाइएकाे जनाएकाे छ । 

प्रहरीबाट कुटिएको भनिएका यादवको पहिलादेखि नै मेरुदण्डको समस्या

0

वीरगंज । बारा प्रहरीबाट कुटिएको भनिएका राजनीतिकर्मी भैयाराम यावदको मेरुदण्डको समस्या पहिलादेखि नै रहेको पाइएको छ । छलफलको क्रममा उत्पन्न विवादलाई साम्य पार्न प्रहरीले भीडलाई बाहिर निकाल्न खोज्दा प्रहरी र राजनीतिकर्मीबीच धक्काधुक्की भएको थियो ।

सोही क्रममा आफूलाई बाराका डिएसपी पुरुषोत्तम पाण्डे र इन्स्पेक्टर रुपेश साहले कुटपिट गरेको र सोबाट मेरुदण्डमा समस्या देखिएको आरोप लगाएका यादवको मेरुदण्डको समस्या विगत लामो समयदेखि रहेको पाइएको हो ।

यादव विगत लामो समयदेखि मेरुदण्डको समस्या लिएर काठमाडौंदेखि दिल्लीसम्म उपचार गराएको उनकै सामाजिक सञ्जालमा पोष्ट्याइएको तस्विरबाट पुष्टि भएको छ । यादव सन् २०१९ मा मेरुदण्डको समस्या लिएर भारतको दिल्ली स्थित मेदान्ता हस्पिटलमा उपचार गराएको सामाजिक सञ्जालबाट पुष्टि भएको हो ।

उनले सन् २०१९ जुलाई ५ तारेखका दिन भारतको दिल्ली स्थित मेदान्ता अस्पतालबाट आफ्नो परिवार सहित फोटो पोष्ट गरेका छन् । जसमा लेखिएको छ ‘नव जीवन प्राप्ति पश्चात तेश्रो पटक डाक्टरलाई भेटेपछि हामी दुईटैले सल्लाह गर्यौ….’ ।

यसैगरि यादवले सन् २०१९ डिसेम्बर १३ तारेखमा फोटो पोष्ट्याई लेखेका छन् ‘नयाँ जीवन दाता डा. सुशान्त भुयान मेदानता हस्पिटल दिल्ली, आफ्नो विरामीलाई देख्दा डाक्टर खुशी हुँदा म पनि…..’ । यस पोष्टबाट पनि उनी विगत लामो समयदेखि मेरुदण्ड समस्याबाट ग्रसित रहेको र गम्भिर अवस्थाबाट पुनः नयाँ जीवन पाएका छन् ।

यसरी उनी पटक पटक डाक्टरलाई भेटेर उपचार गराएका छन् । त्यती मात्रै नभई उनी मेरुदण्डको समस्या लिएर करिब २ वर्ष अगाडि काठमाडौं स्थित बि.एन.बि. अस्पतालमा करिब अढाई महिनासम्म भर्ना भई उपचार गराएका छन् । यसरी लामो समयदेखिको समस्यालाई अहिले ‘समसामयिक इसु’ बनाई बारा प्रहरीमाथि राजनीतिकरण गरिँदैछ ।

आफूमाथि कुटपिट भएको नाममा नेपाली कांग्रेस बाराका सचिव समेत रहेका यादवले पुराना समस्याहरुलाई देखाई उपचारका लागि दिल्लीसम्म जाने तयारीमा रहेका छन् । यता कुटपिट भएकाे विराेधमा उनका समर्थकले आन्दाेलन समेत गरिरहेका छन् ।

जबकी बारा प्रहरीले दुबै पक्षबाट कमि कमजोरी भएको हुन सक्ने भन्दै घटनाको निन्दा गरि सकेको छ । आफ्नो कर्मचारीबाट गल्ती भए कारवाही गर्ने प्रहरी उपरीक्षक होबेन्द्र बोगटीले विश्वास दिलाई सकेका छन् । त्यसको साथसाथै प्रदेश प्रहरी प्रमुखको संयोजकत्वमा छानविन समिति पनि गठन भइसकेको छ ।

असार १२ गते रोकेर राखिएको पिकअप भ्यानमा पछाडिबाट मोटरसाइकलले ठोकेको थियो र सवारी चालक नभएका मोटरसाइकल चालक घाइते भएका थिए ।

सो घटनाको विषयमा अस्थायी प्रहरी चौकी कलैया बसपार्कमा छलफल भई समाधान भइसकेकोमा पुनः जिल्ला प्रहरी कार्यालयमा साउन २ गते बेलुका छलफल हुने क्रममा आफ्नो पक्षमा पार्न दबाब दिन खोज्दा तथा होहल्ला गर्दा विवाद उत्पन्न भएको थियो । विवादको क्रममा आफूमाथि डिएसपी र इन्स्पेक्टरले कन्ट्रोलमा राखेर कुटपिट गरेको र त्यही कुटपिटबाट आफ्नो मेरुदण्डमा समस्या देखिएको राजनीतिकर्मी यादवको आरोप छ ।

वीरगंजबाट सर्टगनको गोली सहित भारतीय नागरिक पक्राउ

0

वीरगंज । पर्सा प्रहरीले वीरगंजबाट सर्टगनको गोली सहित एक जना भारतीय नागरिक पक्राउ गरेकाे छ । प्रहरी चौकी बसपार्कबाट खटिएको नियमित चेकिङ टोलीले भारत विहार पश्चिमी चम्पारण जिल्ला वेतिया ग्राम लगुनाहा वडा नं.१४ बस्ने वर्ष २२ को मुरारी कुमार कुशवाहालाई नियन्त्रणमा लिएकाे हाे ।

आइतबार राति ‍९:३० बजेको समयमा वीरगंज महानगरपालिकाकाे वडा नं.१६ भानुचोक स्थित सडकखण्डमा  चेकिङ टोलीले चेकजाँच गर्ने क्रममा संकास्पदरूपमा हाँतमा झोला बोकी पैदल हिँडि बसपार्कतर्फ आउदै गरेको अवस्थामा कुशवाहाकाे खानतलासी गर्दा सर्टगनको १९ राउण्ड गाेली फेला परेको प्रहरीले जनाएकाे छ ।

कुशवाहाकाे साथबाट १२ शक्तिमान १२ एक्सप्रेस लेखिएको सर्टगनको गोली राउण्ड १५ थान, केएफ १२ लेखिएको सर्टगनकै गोली राउण्ड ३ थान र १२ केएफ १२९६ लेखिएको राउण्ड १ थान गाेली फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक निर्मल बुढाथाेकीले जानकारी दिए ।

उक्त गोली सहित कुशवाहालाई नियन्त्रणमा लिई निज विरुद्द हातहतियार तथा खरखजाना सम्बन्धी कसूरमा थप अनुसन्धान भइरहेकाे उनले वताए ।

खानेपानीको समस्या समाधान गर्न हामी लागेका छौँ : मेयर सिंह

0

वीरगंज । ग्रिन सिटी सामुदायिक सेवा केन्द्र तथा ग्रिन सिटी सामुदायिक प्रहरी सेवा केन्द्र आदर्शनगरले वीरगंज १० स्थित आदर्शनगर चोकमा जडान गरेको नि:शुल्क खानेपानी मेसिनको साेमबार उद्घाटन गरिएको छ ।

रूङ्गटा वेलफेयर सोसाइटीको आर्थिक सहयोग र सामुदायिक प्रहरी साझेदारी कार्यक्रम अन्तर्गत केन्द्रको सहजीकरणमा आदर्शनगर चोकमा जडित नि:शुल्क चिसो खानेपानी मेसिन, पानी ट्याङ्की, मिटर र मोटरको वीरगंज महानगरपालिकाका मेयर राजेशमान सिंहले उद्घाटन गरेका हुन् । 

सोमबार आयोजित एक कार्यक्रमका बिच प्रमुख अतिथिसमेत रहेका मेयर सिंहले रिबन काटेर खानेपानी मेसिनको उद्घाटन गरेको ग्रिन सिटी सामुदायिक सेवा केन्द्रका अध्यक्ष जयप्रकाश खेतानले बताए ।

उद्घाटन कार्यक्रमलाई सम्बोधन गर्दै मेयर सिंहले वीरगंजमा हाल जारी पानी सम्बन्धी समस्याबाट जडित मेसिनले थोरै भए पनि राहत मिल्ने विश्वास व्यक्त गरे । ‘प्रतिकूल मौसम र भू-जल साबिकको सतहभन्दा तल झर्दा वीरगंजसहित तराई-मधेसका अधिकांश स्थानमा देखिएको खानेपानीको समस्यालाई समाधान गर्न हामी लागेका छौँ,’ उनले भने, ‘आज यहाँ जडान गरिएको नि:शुल्क खानेपानी मेसिनबाट थोरै भए पनि स्थानीयहरूलाई राहत मिल्ने मेरो विश्वास छ ।’

आगामी दिनहरूमा वीरगंजका अन्य स्थानमा पनि यस्तै नि:शुल्क खानेपानी मेसिन जडान गरिने उनले प्रतिबद्धता पनि व्यक्त गरे ।

मेयर सिंहले खानेपानीको समस्यासँग जुधिरहेका नगरवासीका लागि वीरगंज महानगरले ट्याङ्करबाट खानेपानी वितरणको गर्दै आएको बताउँदै भने, ‘हिजोदेखि वीरगंज महानगरपालिकाले अत्यावश्यक स्थानहरूमा ट्याङ्की र धारा जडान गर्ने कार्यलाई तीव्रता दिएका छ । खानेपानी संस्थानको पाइपलाइन विस्तार भएको वडा नम्बर १ देखि १७ र १९ मा धारा जडान गर्नुका साथै पाइपलाइन नपुगेका स्थानमा ट्याङ्कीमार्फत अस्थायी रूपमा पिउने पानीको व्यवस्था मिलाउन सुरु गरिएको हो ।’ 

महानगरले आइतबार वडा नम्बर १ र १५ को सार्वजनिक स्थानमा १० हजार लिटरको ट्याङ्की राखेर पिउने पानीको प्रबन्ध मिलाएको उनले बताए । यस्तै खानेपानी संस्थानको धारा सार्वजनिक स्थानहरूमा जडान गर्ने कार्य पनि आजदेखि सुरु भएको उनले जानकारी दिए ।  

उनले भने, ‘खानेपानी पाइपको लाइन भएका क्षेत्रमा सार्वजनिक चोक तथा बढी चाँप भएका स्थानमा धारा जडान गर्नुका साथै पाइपलाइनले नछोएका वडा तथा स्थानमा भने ट्याङ्की नै राख्ने प्रबन्ध मिलाइएको छ ।’ उनले केही दिनभित्रै ३२ वटै वडामा आफूहरूले धारा जडान गर्नुका साथै ट्याङ्की राखिसक्ने गरी काम गरिरहेको बताए ।

केन्द्रका अध्यक्ष जयप्रकाश खेतानको सभापतित्वमा भएको कार्यक्रममा महानगरका प्रमुख प्रशासकिय अधिकृत लक्ष्मि पाैडेल, वडा प्रहरी बिर्ताका प्रहरी निरीक्षक विदुर प्रसाद सिवाकोटी, रूङ्गटा वेलफेयर सोसाइटीका अध्यक्ष सुरेश रूङ्गटा,  वीरगंज महानगरपालिका अन्तर्गतको सरसफाइ व्यवस्थापन शाखाका प्रमुख सर्फुदीन मियाँ, ग्रिन सिटी सामुदायिक केन्द्रका मुरली जलान, राकेश अग्रवाल, सुशील काद्म्बीय, कैलाश बजाज लगायातको उपस्थिति रहेको थियो ।

पानीको समस्या समाधान नगरिए आन्दोलन गर्ने जपा पर्साकाे चेतावनी

0

वीरगंज । जनमत पार्टी पर्साले वीरगंजमा अहिले भएको खानेपानीको हाहाकार र अघोषित लोडसेडिङको समस्या तत्काल समाधानको माग गर्दै सम्बन्धित निकायमा ध्यानाकर्षण गराएको छ ।

जनमत पार्टी पर्साका संयोजक ओमप्रकाश सरार्फको नेतृत्वको टोलीले आइतबार वीरगंजस्थित नेपाल खानेपानी संस्थान र नेपाल विद्युत प्राधिकरणको कार्यालयमा पुगेर ध्यानाकर्षण गराएको हो ।

वीरगंजमा देखिएको खानेपानीको विकराल समस्या समाधानको लागी खानेपानी संस्थानका प्रमुखलाई भेटेर आग्रह गरिएको संयोजक सर्राफले बताए ।

यस्तै आइतबार नै विद्युत प्राधिकरण वीरगंज वितरण केन्द्रमा पनि पुगेर कार्यालय प्रमुखलाई भेटेर अनियमित लोडसेडिङको समस्या समाधानका लागि आग्रह गरिएको उनले बताए । यदि यी दुवै समस्या समाधानका लागि तत्काल पहिल नगरिए जनमत पार्टी आन्दोलनमा उत्रिने चेतावनीपनि दिइएको संयोजक सर्राफले जानकारी दिए ।

टोलीमा जनमत पार्टी पर्साका सह संयोजक रामजी रौनियार, सचिव राजनरायण मिश्र, नेता श्याम गुप्ता, पुर्व जिल्ला इन्चार्ज सन्तोष साह, युवा दस्ताका जिल्ला संयोजक कन्हैयालाल झा, युवा जनमत संघका जिल्ला संयोजक राजु राज गिरी, प्रेस जनमत संघ पर्साका संयोजक मुन्ना ठाकुर, सचीव राज सरार्फ लगायतको सहभागीता थियो ।

पकहाँ मैनपुरमा बृक्षा राेपण कार्यक्रम सम्पन्न

0

वीरगंज । पर्साको पकहाँ मैनपुर गाउँपालिकाकाे वडा नम्बर ३ पकहाँ मैनपुरमा आइतबार बृक्षा राेपण कार्यक्रम सम्पन्न भएकाे छ । ४१ औ बिपी स्मृती दिवसको अवसरमा वृक्षा राेपण कार्यक्रम सम्पन्न भएकाे पकहाँ मैनपुर ३ का वडाअध्यक्ष संजय चौहानले वताए । 

नेपाली कांग्रेस पकहाँ मैनपुर गाउँपालिका वडा नं. ३ काे आयाेजनामा श्री रामचरित्र भगत माध्यमिक बिधालयमा भएकाे बृक्षारोपण विभिन्न किसिमकाे विरुवाहरु राेपिएकाे वडाध्यक्ष चाैहानले जानकारी दिए । 

बृक्षरोपण कार्यक्रममा नेपाली कांग्रेसका नेता लक्ष्मण कुर्मी, पकहाँ मैनपुर गाउँ कार्यपालिका सदस्य नेकमहम्मद अंसारी, प्रध्यानाध्यापक छोटेलाल साह, शिक्षक, विद्यार्थी लगायतकाे सहभागीता रहेको थियो ।

पाेखरियाकाे पानी ट्यांकी संचालनमा आउन्छ : मेयर चाैहान

0

छठु साह /

वीरगंज । पर्साको पोखरीया नगरपालिकामा अब केही दिनमै खानेपानीको समस्या सामाधान हुने नगर प्रमुख प्रधुमन चौहानले बताएका छन् । नगर कार्यपालिकाको बिशेष बैठक तथा नगर सभाबाट खानेपानी संस्थान काठमाण्डौलाई खानेपानी योजनाको जिम्मा लगाउने निर्णय गरेपछि तत्काल केही दिनमै समस्या सामाधान हुने मेयर चौहानको दाबी गरेका हुन् ।

मेयर चौहानका अनुसार नेपाल खानेपानी संस्थानको सम्मपुर्ण टोली यहि साउन २५ गते भित्र पोखरीया नगरपालिकमा अध्ययन तथा स्थलगत अनुगमन गर्ने आउने कार्यक्रम रहेको छ । अनुगमन र अध्ययन पश्चात तिब्र रुपमा काम अगाडी बढने उनले बताए ।

बिगत २ दशक अगाडी देखी निमार्ण भई शुचारु नभएका खानेपानी टयांकी प्रयोग बिहिन अवस्थामा रहेको छ । जनप्रतिनिधी बिहिन अवस्था र बिगत २०७४ सालको निर्वाचित जनप्रतिनिधीहरुले टयांकीलाई संचालनमा ल्याउन नसक्दा अहिले खानेपानीकाे समस्या देखिएकाे हाे ।

यसैगरी केन्द्रिय योजना तथा बजेटबाट निमार्ण भएका पर्साका दर्जनौ खानेपानी टयांकी अलपत्र अवस्थामा रहेको स्थानियहरु बताएका छन । पोखरीया, बिन्दवासिनी, पकहाँ मैनपुर, कालिकामाई, छिपहरमाई, बहुदरमाई, पटेवर्वा सुगौली, जीराभवानी, ठोरी लगायतका ठाउमा खानेपानी टयांकी हुँदाहुँदै पनि उपभोग विहिन रहेकाे छ ।

कराैडाैंकाे लगानीमा निर्माण भएका पानी टयांकीहरु संचालनमा नआउदा त्यसकाे लगानी बालुवामा पानी हाले जस्तै भएको छ । चापाकल  खानेपानीकाे मुख्य स्राेत रहेकाे यस क्षेत्रमा उपयाेगमा नआएका पानीट‌याकीहरु अब चापाकलहरु सुकन थालेपछि आवश्यकता महसुन हुन थालेकाे हाे ।