Date
सोम, कार्तिक ३०, २०८३
Mon, November 16, 2026
Home Blog Page 514

निजामती कर्मचारी संगठनद्वारा मानव सेवा आश्रमलाई खाद्यान्न सहयाेग

0

वीरगंज । नेपाल निजामती कर्मचारी संगठन पर्साले नेपालकाे पेशागत आन्दोलनमा सहादत प्राप्त गरेका सहिदहरुकाे सम्झनामा साेमबार मानव सेवा आश्रम वीरगंजलाई खाद्यान्न सामग्री सहयाेग गरेकाे छ ।

सहिद मनाेज-झपेन्द्र-सुरेन्द्रकाे स्मृति सप्ताह ब्यापी कार्यक्रम मनाउने क्रममा संगठन पर्साले वीरगंजकाे श्रीसियामा रहेकाे मानव सेवा आश्रममा पुगि चामल, दाल, तेल, मशाला, फलफुल लगायतकाे खाद्यान्न समाग्री सहयाेग गरेकाे हाे ।

पेशागत महासंघ मधेश प्रदेश इन्चार्ज रामदेव लाल दासकाे प्रमुख अतिथियामा भएकाे खाद्यान्न सामग्री हस्तान्तरण कार्यक्रममा निजामती कर्मचारी संगठन मधेश प्रदेशका उपाध्यक्ष राज कुशवाहा, पेशागत महासंघ पर्सा जिल्ला इन्चार्ज सन्तोष सिंह, संगठन पर्साका सुनिल राैनियार लागयतकाे उपस्थिति रहेकाे थियाे ।

रोट्रयाक्ट र रोटरी क्लबद्वारा विद्यार्थीहरुलाई ब्याग वितरण

0

वीरगंज । रोट्रयाक्ट क्लब अफ वीरगंज र रोटरी क्लब अफ ज्ञानेश्वरले आइतबार एक कार्यक्रमका बिच विद्यार्थीहरुलाई ब्याग र स्टेशनरीको सम्मान वितरण गरेकाे छ ।

वीरगंज महानगरपालिकाकाे वडा नं. ३० प्रसोतिपुरमा रहेको श्री नेपाल राष्ट्रिय आधारभूत विद्यालयमा अध्ययनरत बाल शिक्षादेखि कक्षा ५ सम्मका २५० जना बिद्यार्थीहरुलाई ब्याग र स्टेशनरी वितरण गरिएको रोट्रयाक्ट क्लवका पूर्व अध्यक्ष आयुष गुप्ताले जानकारी दिए । 

रोट्रयाक्ट क्लब अफ वीरगंज र रोटरी क्लब अफ ज्ञानेश्वरको संयुक्त आयोजनामा `हैप्पी स्कूल प्रोजेक्ट´ अन्तर्गत विद्यार्थीहरुलाई ब्याग र स्टेशनरीको सम्मान वितरण गरिएकाे उनले वताए ।

ब्याग र स्टेशनरीको सम्मान वितरण कार्यक्रममा डिष्ट्रिक्ट गवर्नर आरटिएन राजेन्द्र धोजु, प्रथम महिला आरटिएन समिरा धोजु, निवर्तमान डिस्ट्रिक्ट गभर्नर आरटीएन सञ्जय गिरी, सहायक डिस्ट्रिक्ट गभर्नर आरटिएन राम प्रसाद, रोटरी क्लब अफ वीरगंजका अध्यक्ष आरटीएन दिपक तुल्स्यान, चार्टर्ड सेक्रेटरी रोटरी क्लव अफ ज्ञानेश्वर आरटिएन सृष्टि त्रिपाठी तथा रोटर्याक्ट क्लब अफ वीरगंजका अध्यक्ष सन्नी सर्राफ, सचिव आरटीआर विवेक कुमार पटेल, उपाध्यक्ष आरटीआर योगेश जैसवालकाे उपस्थिती रहेकाे थियाे ।

यसैगरी आरटीआर नवीन गुप्ता, आरटीआर सोनी गुप्ता, आरटिआर राहुल कुशवाहा, जिल्ला ट्राफिक प्रहरीका इन्स्पेक्टर मणिराम थापा, श्रीपुर प्रहरी कार्यालयका इन्स्पेक्टर आशुतोष शाही, विद्यालय व्यवस्थापन समितिका अध्यक्ष वीरेन्द्र यादव, वडाध्यक्ष मनोज यादव लगायत स्थानियको पनि उपस्थिति रहेको थियो ।

दक्ष जनशक्ति उत्पादनका गर्न महानगर लगानी गर्न तयार छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले निजी क्षेत्रको माग बमोजिम दक्ष श्रमिक उत्पादन गर्ने महानगरको लक्ष्य अनुरुप काम भइरहेको बताएका छन् ।

स्व. दिवाकर गोल्छाको ७० औं जन्म जयन्तिको उपलक्ष्यमा वीरगंजकाे वडा नम्वर ३१ बेलवामा रहेको हिप्को सुपरबिल्डमा आयोजित एक कार्यक्रमलाई सम्बाेधन गर्दै उनले यहाँ रहेका औद्योगिक कलकारखानालाई चाहिने दक्ष श्रमिक उत्पादन गर्ने लक्ष्य बमोजिम महानगरले आवश्यक प्राविधिक तालिममा लगानी गर्ने बताए ।

उनले अहिले यहाँका उद्योगहरु भारतीय श्रमिकमा निर्भर रहेको बताउँदै उनले त्यसलाई पूर्ति गर्न आफ्नै नेपाली कामदारलाई दक्ष बनाउने गरि तालिम संचालनलाई महानगरले प्राथमिकतामा रहेको वताए ।

यहीका श्रमिकलाई प्रशिक्षणमार्फत आवश्यक विषयमा दक्ष बनाउन सकिए श्रमको उचित ज्याला र श्रम सम्मान पाउने अवस्था आउने पनि मेयर सिंहकाे भनाई थियो ।

वीरगंज महानगरपालिकाले हिप्कोसँगको सहकार्यमा अहिले ८९ जनालाई स्टील फ्याब्रिकेशन सम्बन्धी तालिम दिएर उनीहरुलाई रोजगारको बाटो समेत देखाएको छ ।

तालिम प्राप्त गरेका ८९ जनालाई मेयर सिंहले आइतबार प्रमाणपत्र समेत वितरण गरेका हुन् ।

रोजगारका लागि सीप कार्यक्रम अन्तर्गत वीरगंज ईन्स्टिच्युट अफ टेक्नोलोजी र दिवाकर गोल्छा कर्पोरेशन बीच सम्झौता समेत भएको छ । सम्झौतामा गोल्छा कर्पोरेशनले स्टील फ्याब्रिकेशन सम्बन्धी तालिम तथा रोजगार दिने र वीआईटीले दक्ष विधार्थी पठाउने उल्लेख छ ।

यसले शिक्षा र रोजगारलाई साथसाथ जोड्ने विश्वास लिइएको हुलास स्टीलका वित्तीय प्रमुख सुनिल मनौतले बताए ।

गोल्छा कर्पोरेशनले समय सापेक्ष र दिगो रुपमा आर्थिक योगदानमा मात्रै सिमित नरही समग्र क्षेत्रमा दिगो रुपमा योगदान गर्दै जाने योजना बमोजिम महानगरसँगको हातेमालोमा श्रमिकहरुलाई दक्ष बनाउन तालिम दिन लागिएको वित्तीय प्रमुख मनौतले बताए ।

कार्यक्रममा बिआईटीका प्राध्यापक निरज श्रीवास्तव, स्थानीय जनप्रतिनिधि, प्रशिक्षक लगायतको सहभागिता रहेको थियो ।

नेवा देय् दबू महानगरद्वारा स्वास्थ्य शिविर संचालन

0

वीरगंज  । नेवा देय् दबू बिरगंज महानगर समितिले वीरगंज महानगरपालिकाकाे वडा नम्बर ४ को कार्यालयमा आयोजना गरेको महिलाहरुको पाठेघर सम्बन्धि निशुल्क स्वास्थ्य शिविर कार्यक्रममा ७४ महिलाले चेकजाँच गराएका छन l 

नारायणी अस्पतालको सहयोगमा संचालन भएको स्वास्थ्य शिविर कार्यक्रमलाई सम्बोधन गर्दै बिरगंजकी समाजसेवीका अन्नपुर्ण मानन्धरले महिलाहरु स्वस्थ भए मात्रै परिवार र समाजको स्वास्थ्य सुधार हुनेमा जोड दिइन l उनले नेपाली महिलाहरुमा पाठेघरको मुखको हुने क्यान्सरले बिकराल रुप लिरहेको भन्दै समयमै महिलाहरु आफ्नु स्वास्थ्य प्रति सचेत हुनुपर्ने कुरामा समेत जोड दिइन l

स्वास्थ्य शिविरमा चेकजाँचको क्रममा महिलाहरुमा तल्लो पेट दुख्ने, सेतो पानी बग्ने लगायतको समस्या भेटिएको नारायणी अस्पतालकी स्त्री तथा प्रसुति रोग बिशेषज्ञ डा. दिप्ती यादवले जानकारी दिइन l पाठेघरको मुखको क्यान्सर स्क्रिनिंग(भिआइए ) परीक्षण गराएका मध्ये १२ जनामा पाठेघर सम्बन्धी समस्या देखिएकाले थप उपचारका लागि नारायणी अस्पताल आउन सल्लाह दिएको उहाँले बताइन l

शिविरमा नारायणी अस्पतालकी स्त्री तथा प्रसुति रोग बिशेषज्ञ डा. प्रिती यादव, डा. दिप्ती यादव, डा. मिता महर्जनले संयुक्तरुपमा महिलाहरुको चेकजाँच गरेका थिए l

पाठेघर सम्बन्धि निशुल्क स्वास्थ्य शिवीर बिशेष गरी गाउँघरमा हुने गरेको हुदा सहरी क्षेत्रमा समेत यसको आवश्यकतालाई मध्य नजर गर्दै बिरगंजमा यो शिविरको आयोजना गरिएको नेवा देय दबू बिरगंज महानगर समितिका अध्यक्ष सत्यम खड्गीले जानकारी दिए l उनले पाठेघरमा हुने क्यान्सरको कारण महिलाहरुले ज्यान गुमाउनु परेको भन्दै यही बिकराल समस्या केही न्यूनीकरण होस भन्ने उद्देश्य लिएर शिविरको आयोजना गरेको बताए l

नारायणी अस्पतालकी प्रसुती गृहकी नर्सिङ्ग इन्चार्ज हेमा थापाले पाठेघरको मुखको क्यान्सर तथा स्तन क्यान्सरको बिषयमा जानकारी गराएकि थिइन l उनले गाउँघरमा महिलाहरु स्वास्थ्य अज्ञानताको कारण र सहरी क्षेत्रमा भने जानकारी भएर पनि चेकजाँचका लागि समय नभएको कारण यो रोगबाट पिडीत हुने गरेको बताइन l थापाले यसबाट जोगिन बेलाबेलामा पाठेघरको समस्या चेकजाच गर्न आग्रह समेत गरिन l

शिविर कार्यक्रममा नारायणी अस्पतालका मेडिकल सुपरिटेनडेन्ट डा. चितरजन शाह, बरिष्ठ स्त्री तथा प्रसुति रोग बिशेषज्ञ डा. चौधरी लगायतको उपस्तिथी रहेको थियो l शिबिरमा उपचार पश्चात निशुल्क औषधि समेत वितरण गरिएको थियो l

मानवअधिकार समाजद्वारा निःशुल्क सुगर शिविर सम्पन्न

0

वीरगंज । स्वतन्त्र मानवअधिकार समाज, केन्द्रीय कार्यालय वीरगंजकाे आयाेजनामा शनिबार घडिअर्वा पोखरि परिसरमा निःशुल्क सुगर शिविर सम्पन्न भएकाे छ ।

पर्सा सहायक प्रमुख जिल्ला अधिकारी भिमकान्त पौडेल र शिव प्रसाद लम्सालले सुगर चेकजाँच गराएर शिविरको शुभारम्भ गरेका थिए ।

विशेष गरि उच्च रक्त चाप र मधुमेहको रोकथामका लागि आयोजित शिविरमा ७२ पुरुष र ३० महिला गरि एक सय २ जनाले सुगर परिक्षण गराएकाे समाजका सभापति कृष्ण कुमार खनालले जानकारी दिए ।

शिविरमा नारायणी अस्पतालका मेडिकल फिजिसियन डाक्टर उदय नारायण सिंहले बिरामीहरुको चेकजाँच गरेका थिए । 

शिविरमा समाजका उपसभापति नन्दि किशोर यादव, माहासचिव दिपक साह कानु, कोषाध्यक्ष उर्मिला कुशवाहा, सचिव आशिष कुमार, सह-कोषाध्यक्ष राम भरोस यादव, सल्लाहकार प्रकाश कुमार गुप्ता (मुन्ना ), केन्द्रीय सदस्यहरु संदिप चौरसिया, लालबाबु प्रसाद गुप्ता लगायतको सहभागिता रहेको थियो ।

नारायणी रंगशालाकाे लागि बजेट व्यवस्था गरिदिन खेलकुद मन्त्रीसँग मेयर सिंहको आग्रह

0

वीरगंज । लामो समयदेखि जीर्ण रहेको वीरगंजस्थित नारायणी रंगशाला पुनः निर्माणका लागि वीरगंज महानगरपालिकाका मेयर राजेशमान सिंहले पहल थालेका छन् ।

मेयर सिंहले शनिबार आफ्नै कार्यकक्षमा नेपाल सरकारका युवा तथा खेलकुद मन्त्री डिगबहादुर लिम्बुलाई स्वागत गर्दै रंगशाला पुनःनिर्माण गर्न अतिआवश्यक रहेकाले बजेटको व्यवस्था मिलाइदिन आग्रह गरेका हुन् ।

उनले भने, ‘यो रंगशाला पुनःनिर्माणले यस क्षेत्रका युवा तथा खेलप्रेमीका लागि उत्साह थप्नुका साथै खेलकुद गतिविधिमा पनि बृद्धि हुने निश्चित छ, त्यसैले रंगशाला निर्माणका लागि यहाँको सहयोग चाहियो ।’ स्थानीय सरकार एक्लैले चाहेर मात्रै सम्भव नरहेकाले त्यसका लागि संघ सरकारको सहयोग आवश्यक रहेको मेयर सिंहले बताए ।

मन्त्री लिम्बुले युवा तथा खेलकुदका लागि सरकारले लगानी गरिरहेको भन्दै वीरगंजमा रहेको नारायणी रंगशाला निर्माणमा आफ्नो चासो रहने बताए । त्यसका लागि संघ, प्रदेश र स्थानीय तीन वटै सरकारको समन्वयमा काम गर्न आफू तयार रहेको पनि उनले वताए ।

यो रंगशाला संघ सरकार मातहत रहेकाले संघले यसमा लगानी गर्न सँधै तयार रहेको भन्दै आवश्यक योजना बनाएर आउन पनि उनले आग्रह गरे ।

मेयर सिंहले मन्त्री लिम्बुलाई वीरगंजबासीकाे तर्फबाट मायाको चिनो समेत प्रदान गरेका थिए ।

सांसद यादवलाई बदनाम गर्न खोजिएपछि जनताले घेरे ठेकेदार

0

वीरगंज । वीरगंज महानगरपालिकाकाे वडा नं. ३१ स्थित मिलन चौकदेखि लालपर्सा सम्म बनिरहेको सडकमा कमसल काम भएको भन्दै त्यसलाई तत्काल मादण्ड अनुसार निर्माण गर्न ठेकेदार कम्पनी एवं भौतिक पूर्वधार विकास मन्त्रालय अन्तर्गतको सडक डिभिजन कार्यालय हेटौडाका इन्जिनियरलाई संघिय सांसद प्रदिप यादवले निर्देशन दिएका छन् ।

यसै बिच सांसद यादवलाई बदनाम गर्न खोजिएको एवम् काम कमसल गरेको भन्दै ठेकेदार कम्पनीका संचालकलाई स्थानियहरुले घेरेका छन् । स्थानियहरुले यथासिघ्र गुणस्तरीय काम गर्न माग गरेका छन् ।

मिलन चौकदेखि लालपर्सा सम्मको ७.५ किलोमिटर सडक स्तरोउन्नती एवं कालोपत्रे गर्न शारधा अमित जेवी कम्पनीले ठेक्का सकार गरेका थिए । कम्पनीले सो सडक ३.५ मिटरदेखि ७ मिटर सम्मको चौडाईमा काम गर्ने ठेक्का लिएको थियो । कम्पनीले सो सडकमा कालोपत्रे गर्न २ करोड ९८ लाखमा ठेक्का सकार गरेको थियो ।

काम समाप्त भएको केहि दिनमै पिच खुइलिएको भिडियोहरु समाजिक सञ्जालमा सार्वजनिक भएपनि संघिय सांसद प्रदिप यादवले सडकको अनुगमन गर्न इन्जिनियर एवं निर्माण कम्पनी सहितको टोलीलाई शनिवार मिलन चौकमा पठाएका हुन् । स्थानियहरुले पर्सा क्षेत्र नं. १ का सांसद यादवले शिलान्यास गरेको सडकको निर्माण कार्यमा ठेक्केदार कम्पनीकै बदमासी रहेको बताएका छन् ।

अनुगमनको क्रममा पुगेका संचारकर्मीहरुसँग कुराकानी गर्दै स्थानिय कमाल अख्तरले यदावलाई वदनाम गर्न खोजिएको बताए । कालोपत्रे कमजोर हुनुमा भौतिक पूर्वधार विकास अन्तर्गतको सडक डिभिजन कार्यालयका कर्मचारी एवं ठेकेदार कम्पनी दोषी रहेको अख्तरले वताए ।

स्थानिय शेख सदामले निर्माण कम्पनीले हतारमा रातीको समयमा काम गरेको कारण पिच राम्ररी नवसेको प्रतिक्रिया दिए । उनले काम कमजोर भएको ठाउँमा पुन: काम गराउन माग गरे । ठेकेदार कम्पनी शारधा अमित जेवीका संचालक जितेन्द्र साहले पिच गर्ने वेलामा पानी परेको एवं केहि टेकनिकल त्रुटी भएको कारण मिलन चौकमा पिच राम्ररी नवसेको बताए । उनले कालेपत्रे राम्ररी नवसेको जानकारी पाउँने वितिकै पुन सो ठाउँमा आफुहरुले काम शुरु गरिसकेको बताए ।

मौसमले साथ दिए बिग्रेको ठाउँमा एक हप्तादेखि बढीमा १५ दिनमा पुन कालेपत्रे गरि सकिने संचालक साहले बताए ।

अनुगमनको लागि मिलन चौक पुगेका भौतिक पूर्वधार विकास कार्यालय अन्तर्गतका सडक डिभिजन कार्यालय हेटौडाका इन्जिनियर ग्रिसनन्द पोरसले कम्पनीले राम्ररी काम नगरे धरौटी फिर्ता नहुने एवं अन्य कानुनी उपचार रहेको बताउँदै सडक भिडिजन कार्यालयले ठेक्काको रकम असुल उपर गर्न सक्ने समेत बताए ।

केहि ठाउँमा कालोपत्रे खुलिएको कुरा आएको हुँदा कम्पनीलाई तत्कालै सो ठाउँमा पुन: कालोपत्रे गर्न पत्रचार गरि सकिएको पोरसले बताए । उनले कार्यालयको पत्रचारपछि कम्पनीले काम पनि शुरु गरिसकेको हुँदा स्थानियहरुलाई नआतिन आग्रह गरे । गुनासो बढेपछि आफु स्वयम पुन: बाटो हेर्न आएको उनको भनाई थियो ।

अन्य ठाउँहरुको पिचको गुणस्तर राम्रो पाइएको भएपनि मिलन चौकमा अलि समस्या रहेको उनले बताए । बाटो निर्माण भएको वेलामा कुनै ठाउँमा पिच नखुइएिको बताउँदै उनले कम्पनीलाई आर्थिक बर्षको अन्ततिर भुक्तानी गरिएको भएपनि बिग्रेको काम पुन: ठेकेदार कम्पनीले बताउनु पर्ने प्रवधान रहेको बताए ।

सडक हेर्न मिलन चौक पुगेका संघीय सांसद प्रदिप यादवका स्वकीय सचिव निखिल बर्णवालले काम ठेक्का मार्फत भएको कारण सडकको शिलान्यास गर्दैमा सांसद दोषी नहुने बताए । जनताको गुनासो आएको बताउँदै उनले केहि ठाउँहरुमा बिग्रेको बाटो ठेकेदार कम्पनीसँग जसरी भएपनि बनाउँन लगाउने ठोकुवा गरे । उनले केहि व्यक्तिहरुले विकासप्रेमी सांसद यादवलाई राजनितिक प्रतिसोधका कारण वदनाम गारउँन खोजेकाे प्रतिक्रिया दिए । मानिय सांसद यादवकै निर्देशनमा आफुहरु बाटोको अनुगमन गर्न पुगेको उनले बताए ।

सो बिषयमा सांसद प्रदिप यादवसँग प्रतिक्रिया लिदा उनले आफ्नो काम बजेट ल्याउने रहेको बताए । उनले काम ठेक्का मार्फत भएको कारण मलाई बदनाम गर्नुको कुनै औचित्य नरहेको बताए । कमसल काम भएको छ भने पुन बनाउँन लगाइएने नत्र ठेकेदार कम्पनीलाई कारवाहीको दायरामा ल्याउने यादवले बताए ।

जगरनाथपुरमा मन्त्री रिजालकाे प्रमुख आतिथ्यतामा वृक्षाराेपण

0

वीरगंज । पर्साकाे जगरनाथपुर गाउँपालिका वडा न .४ सुहपुर सोहरीमा शनिबार वृक्षाराेपण कार्यक्रम सम्पन्न भएकाे छ । संघिय सरकारका उद्याेग, बाणिज्य तथा आपूर्ति मन्त्री रमेश रिजालले बिरुवा राेपेर कार्यक्रमकाे उद्घाटन गरेका थिए ।

कार्यक्रमका प्रमुख अतिथी समेत रहेका मन्त्री रिजालले मानव जिवनमा बाेट विरुवाकाे महत्व धेरै भएकाे वताए । उनले बनजंगल संरक्षण गर्नुकाे साथै गाउँ घरमा रुपेर संरक्षण गर्नु पर्ने वताए ।  

जगारनाथपुर गाउँपालिकाको वन तथा वातावरण शाखाको सहयोग र सुहपुर सोहारी हरियाली वन व्यवस्थापन समुह जगरनाथपुर ४ पर्साकाे आयाेजनामा समृद्धिका लागि वन परियाेजना अन्तर्गत वृक्षाराेपण कार्यक्रम सम्पन्न भएकाे हाे ।

सोहरीको वन लगाउने ठाउँमा सागवान, शिरीष, सपेता, बकायन, कदम, निम, बेल, पिपल, बर्गज, भिलोर, जंगली बिरुवा, जडिबुटी, आँप, जामुन, आवला लागायत विभिन्न प्रजातिका ६ हजार बिरुवा रोपिएकाे गाउँपालिका अध्यक्ष श्रीकान्त प्रसाद यादवले जानकारी दिए ।

समुहका अध्यक्ष ब्रिजेश प्रसाद यादवकाे अध्यक्षतामा भएकाे कार्यक्रममा प्रदेश सभा सदस्य शंकर चौधरी, जगरनाथपुर गाउँपालिकाका अध्यक्ष श्रीकान्त प्रसाद यादव,नेपाली कांग्रेसका नेता बशिष्टनारायण प्रसाद कुर्मी, वडा अध्यक्ष प्रभुनाथ प्रसाद नुनिया, बिहारी महताे, लक्ष्मी साह, सुभाष कुमार यादव लगायतकाे उपस्थिति रहेकाे थियाे ।

जिराभवानीकाे रु ३० कराेड ३१ लाख बराबरकाे बजेट सार्वजनिक

0

वीरगंज । पर्साकाे जिराभवानी गाउँपालिकाले १२ औं गाउँ सभाबाट पारित आर्थिक बर्ष २०८०/०८१ काे बजेट तथा कार्यक्रम शुक्रबार एक कार्यक्रमकाे बिच सार्वजनिक गरेकाे छ ।

गाउँपालिका अध्यक्ष अनाेज चाैधरीकाे अध्यक्षतामा भएकाे कार्यक्रममा गाउँपालिकाकी उपाध्यक्ष रेखा चाैधरीले चालु आ.व.काे रु ३० कराेड ३१ लाख ४८ हजार बराबरकाे विनियाेजित बजेट प्रस्तुत गरेकी थिइन । 

उनले प्रस्तुत गरेकाे बजेट अनुसार आम्दनी तर्फ नेपाल सरकारबाट प्राप्त अनुदान वित्तिय समानिकरण रु ९ कराेड ४२ लाख, सर्शत चालु रु ११ कराेड २४ लाख, सर्शत पुंजिगत रु ९० लाख, विशेष अनुदान एक कराेड र समपुरक अनुदान रु ५० लाख र राजश्व बाँडफाड रु ५ कराेड ४५ लाख रहेकाे छ ।

यसगरी प्रदेश सरकारबाट प्राप्त अनुदान वितिय समानिकरण रु ६५ लाख ४८ हजार, विशेष अनुदान रु ३० लाख र समपुरक अनुदान रु २० लाख रहेकाे छ भने आन्तरिक आय रु ५० लाख र आन्तरिक राजश्व रु १५ लाख रहेकाे छ । 

उपाध्यक्ष चाैधरीले खर्चमा पुंजिगत तर्फ कृषि विकास तथा पशु सेवामा रु ५० लाख, शिक्षा क्षेत्र विकासमा रु एक कराेड १२ लाख, स्वास्थ्य क्षेत्र विकासमा रु ५० लाख, मर्मत सम्भार काेषमा रु ५० लाख, सम्पुरक काेष रु ५० लाख, भैपरी आउने पुंजिगत खर्च रु ४० लाख, गाउँपालिकाकाे प्रमुख सडक मर्मत रु ४० लाख, बृक्षाराेपण रु १० लाख, सडक बत्ती खरिद रु १० लाख, महिलाहरुकाे क्षमता विकास तथा जनचेतना कार्यक्रम रु २० लाख, खेलकुद विकास रु १५ लाख, न्यायिक समिति व्यवस्थापन रु ५ लाख बजेट छुट्याएकाे वताइन ।

यसैगरी वडा स्तरिय याेजनाहरुकाे लागि रु २ कराेड, गत आ.व.काे भुक्तानी गर्नु पर्ने वाकी रु एक कराेड ४८ लाख, गत आ.व.काे आन्तरिक भुक्तानी गर्नु पर्ने वाकी रु एक कराेड २६ लाख, कृषी पाेल तथा तार जडान रु एक कराेड २५ लाख, कृषकहरुकाे कृषि माेटर खरिद तथा वितरण कार्यक्रमकाे लागि रु २५ लाख र विपद व्यवस्थापनकाे लागि रु १० लाख विनियाेजन गरेकाे जानकारी दिइन ।

उनले चालु तर्फ चालु खर्च रु ५ कराेड ४४ लाख ४८ हजार र नेपाल सरकारकाे सर्शत कार्यक्रममा रु १४ कराेड एक लाख विनियाेजन गरेकाे वताइन ।

गाउँपालिकाकाे वडा नं. ३ स्थित बरात भवनमा भएकाे कार्यक्रममा डा. बालकृष्ण चाैधरी, प्रदेश सभा सदस्य शंकर चाैधरी, प्रमुख प्रशासकिय अधिकृत अमित कुमार गिरी, सबै वडाका वडाध्यक्ष, गाउँ सभा सदस्य, गाउँपालिकाका कर्मचारी, सुरक्षाकर्मी, संचारकर्मी, स्थानिय लगायतकाे सहभागिता रहेकाे थियाे ।  

वीरगंजमा ट्यांकर र टंकीबाट टोलटोलमा पानी बाँडिदै

0

वीरगंज । वीरगंजकाे अधिकांस क्षेत्रमा चापाकल सुकेर पानीको अभाव हुन थालेपछि महानगरपालिकाले विभिन्न वडामा ट्यांकरबाट पानी वितरण गर्ने कार्यलाई तिब्रता दिएको छ ।

महानगरले ट्यांकरबाट पानी वितरण गर्नुका साथै विभिन्न स्थानमा अस्थायी ट्यांकी नै राखेर पानी वितरणको व्यवस्था मिलाएको हो ।

महानगरले वडाहरुमा पानी वितरणका लागि समय तालिका नै सार्वजनिक गरेको छ । नगरवासीको जनजीवन सहज बनाउन महानगरले समय नै तोकेर पानी वितरणका लागि तालिका सार्वजनिक गरेको महानगरका मेयर राजेशमान सिंहले बताए ।

विहान ५ बजेदेखि राती ८ बजेसम्म विभिन्न १९ वटा वडामा ट्यांकरमार्फत पानी वितरण गरिरहेको र अन्य वडामा पनि समस्या देखिए पानी उपलब्ध गराउने मेयर सिंहले बताए ।

ट्यांकरबाट अहिलेसम्म १९ वटा वडामा दैनिक पानी उपलब्ध गराइरहेको र अहिलेसम्म ७ वटा वडाको विभिन्न स्थानमा अस्थायी ट्यांकी राखिएको छ । यसका साथै खानेपानी संस्थानको पाइपलाईन विस्तार भएका ठाउँको सार्वजनिक स्थानहरुमा खानेपानीको धारा राख्ने कामलाई पनि महानगरले तिब्रता दिएको छ ।

खानेपानीको पाइपलाइन वडा नम्वर १ देखि १७ र १९ मा विस्तार भएकाले ती वडाका सार्वजनिक स्थानमा पानीको धारा राख्ने काम भइरहेको महानगरको खानेपानी शाखाका प्रमुख भोगेन्द्र चापागाईँले जानकारी दिए ।

जलस्तर तल झरेपछि वीरगंजका विभिन्न वडाका हजारौँ चापाकलहरु सुकेका छन् । तत्कालै प्राकृतिक रूपमै जलस्तरमा सुधार आउने सम्भावना कम देखिएकाले महानगरले अहिले पानी ट्यांकीमार्फत अस्थायी रूपमा समस्या समाधानको प्रयास गरिरहेको हो ।

यस वर्ष अपेक्षाकृत निकै कम वर्षा भएकाले समस्या आएको हो । ‘यो प्राकृतिक विपत् भएकाले तत्काल पानीको अस्थायी व्यवस्थापनका लागि खानेपानी संस्थानसँगको समन्वयमा सार्वजनिक स्थानमा पानीको धारा जोड्ने काम गरिरहेका छौँ,’ मेयर सिंहले भने, ‘ट्यांकर र टंकी राखेर महानगर आफैँले पानी वितरण गरिरहेको छ ।’

यसैगरी अन्य केही व्यक्ति र संस्थाहरुले पनि पानीकाे समस्या रहेकाे वीरगंजका वडाहरुमा टयांकरबाट पानी वितरण गरिरहेका छन् ।