वीरगंज । स्वतन्त्र मानवअधिकार समाज, केन्द्रीय कार्यालय वीरगंजकाे आयाेजनामा शनिबार घडिअर्वा पोखरि परिसरमा निःशुल्क सुगर शिविर सम्पन्न भएकाे छ ।
पर्सा सहायक प्रमुख जिल्ला अधिकारी भिमकान्त पौडेल र शिव प्रसाद लम्सालले सुगर चेकजाँच गराएर शिविरको शुभारम्भ गरेका थिए ।
विशेष गरि उच्च रक्त चाप र मधुमेहको रोकथामका लागि आयोजित शिविरमा ७२ पुरुष र ३० महिला गरि एक सय २ जनाले सुगर परिक्षण गराएकाे समाजका सभापति कृष्ण कुमार खनालले जानकारी दिए ।
शिविरमा नारायणी अस्पतालका मेडिकल फिजिसियन डाक्टर उदय नारायण सिंहले बिरामीहरुको चेकजाँच गरेका थिए ।
शिविरमा समाजका उपसभापति नन्दि किशोर यादव, माहासचिव दिपक साह कानु, कोषाध्यक्ष उर्मिला कुशवाहा, सचिव आशिष कुमार, सह-कोषाध्यक्ष राम भरोस यादव, सल्लाहकार प्रकाश कुमार गुप्ता (मुन्ना ), केन्द्रीय सदस्यहरु संदिप चौरसिया, लालबाबु प्रसाद गुप्ता लगायतको सहभागिता रहेको थियो ।
