Date
सोम, कार्तिक ३०, २०८३
Mon, November 16, 2026
Home Blog Page 509

आन्दाेलित शिक्षकहरुद्वारा वीरगंजमा माेटरसाइकल र्‍याली

0

वीरगंज । प्रस्तावित शिक्षा ऐन २०८० काे विराेधमा आन्दाेलित पर्साका शिक्षकहरु मंगलबार वीरगंजमा प्रदर्शन गरेका छन् । सदरमुकाम वीरगंजमा जम्मा भएका जिल्ला भरिका शिक्षकहरु माेटरसाइकल र्‍याली निकालेका हुन् ।

नेपाल शिक्षक महासंघ केन्द्रिय समितिकाे आन्दाेलनकाे कार्यक्रम अन्तर्गत महासंघ पर्साको आयाेजनामा वीरगंजस्थित चिनिमिल पिपरामा रहेकाे सिद्धार्थ स्कुलबाट निस्केकाे माेटर साइकल र्‍याली नगर परिक्रममा गर्दै शिक्षा विकास तथा समन्वय इकाईमा पुगेर ज्ञापन पत्र समेत बुझाएकाे शिक्षक मुकेश साहले वताए ।

शिक्षकहरुले शिक्षक विकास तथा समन्वय इकाईका निमित प्रमुख मनाेज चाैधरीलाई सरकार संग भएकाे ३० बुंदे र ५१ बुंदे सहमती पत्र बुझाएकाे हाे । 

र्‍यालीमा सहभागिहरुले प्रस्तावित शिक्षा ऐन २०८० खारेजी गर, नेपाल सरकारकाे प्रथम श्रेणी (सहायक स्तर) कर्मचारी सरह पारिश्रमिक वृद्धि गर लगायतकाे नारा लगाएका थिए ।

र्‍यालीमा नेपाल शिक्षक महासंघका केन्द्रिय सदस्य चन्देश चाैहान, महासंघ पर्साका अध्यक्ष तिर्थराज यादव, उपाध्यक्ष हरिन्द्र कुर्मी, सचिव विनाेद गिरी लगायतकाे सहभागिता रहेकाे थियाे ।

जगरनाथपुर गापाद्वारा एमबिबिएस अध्ययनको लागि छात्रवृति प्रदान

0

वीरगंज । पर्साकाे जगरनाथपुर गाउँपालिकाले एमबिबिएस अध्ययनरत विद्यार्थीलाई छात्रवृति प्रदान गरेकाे छ ।

जगरनाथपुर गाउँपालिकाकाे वडा नं. १ बिषुनपुरवा निवासी साहिल आलमलाई गाउँपालिकाले रु २ लाख छात्रवृति प्रदान गरेकाे हाे ।

पूर्ण छात्रवृतिमा एमबिबिएस अध्ययनकाे लागि बंगलादेश जान लागेका आलमलाई साेमबार एक कार्यक्रमकाे बिच गाउँपालिका अध्यक्ष श्रीकान्त यादवले छात्रवृतिको रकम बराबरको चेक हस्तान्तरण गरेका हुन् ।

सो अवसरमा वडा नं. १ का वडाध्यक्ष लक्ष्मी साह तेलि, विनय द्विवेदी, इम्रान आलम लगायतको उपस्थिति रहेको थियो ।

 

बहुदरमाईमा नवनिर्मित विद्यालय भवनको उद्घाटन

0

वीरगंज । पर्साको बहुदरमाई नगरपालिकामा साेमबार नवनिर्मित विद्यालय भवनको उद्घाटन गरिएको छ ।

नगरपालिकाको वडा नम्बर ४ डकैला बहुअरीस्थित नेपाल राष्ट्रिय माध्यमिक विद्यालयको नवनिर्मित भवनको जिल्ला समन्वय समिति पर्साका प्रमुख निरञ्जन साह सोनारले उद्घाटन गरेका हुन् ।

जिल्ला समन्वय समिति पर्सा र बहुदरमाई नगरपालिकाको संयुक्त एक करोड रुपैयाँको लागतमा निर्मित दुई तले विद्यालय भवनमा ८ वटा कक्षाकोठा छन् ।

माध्यमिक तहसम्म पठनपाठन हुने विद्यालयमा भवन निर्माण भएसँगै विद्यार्थीहरूलाई सहजता हुने जिल्ला समन्वय समिति पर्साका सभापति सोनारले विश्वास व्यक्त गरे । 

बहुदरमाई नगरपालिका मेयर सिंहासन साह तेलीको अध्यक्षतामा भएकाे उद्घाटन कार्यक्रममा जिल्ला समन्वय समिती पर्साको उप- प्रमुख पुरन प्रसाद कुर्मी, बहुदरमाई नगरपालिकाका प्रमुख प्रशासकिय अधिकृत महमद शेरे मुस्तफा लगायतकाे उपस्थिती रहेकाे थियाे ।

एमालेले संसदमाथि खेलबाड गर्याे : सांसद यादव

0

वीरगंज । जनता समाजवादी पार्टी नेपालका प्रमुख सचेतक प्रदीप यादवले प्रमुख प्रतिपक्ष दल नेकपा (एमाले)ले संसदमाथि खेलबाड गरेको आरोप लगाएका छन् ।

सोमवार संसद बैठकपछि सञ्चारकर्मीहरूसँग कुराकानी गर्दै पर्सा निर्वाचन क्षेत्र नम्बर १ बाट निर्वाचित प्रतिनिधि सभा सदस्य (सांसद) यादवले प्रमुख प्रतिपक्ष दल एमालेले संसद अवरोध गरेर खेलबाड गरेको बताएका हुन् । उनले सुन तस्करी प्रकरणको छानबिन गर्न समिति बनाउनु आवश्यक नभएको बताए ।

पूर्व वन तथा वातावरण मन्त्री समेत रहेका यादवले समिति बनाए प्रतिवेदन थन्क्याएर राख्ने बाहेक काम नहुने भन्दै आपराधिक घटनाको छानबिन नेपाल प्रहरीलाई गर्न दिनुपर्नेमा जोड दिए ।

उनले भने, ‘संसद अवरोध प्रमुख प्रतिपक्षले गरेको छ । सांसदलाई खेलबाडका रूपमा प्रमुख प्रतिपक्षले हेरेको छ । संसद जनताको प्रतिनिधित्व गर्ने संस्था हो । जनताको न्यायको मन्दिर हो । समसामयिक मुद्दामा यहीँबाट बहसको थालनी हुन्छ । देशमा बाढी, पहिरोले धेरै जनधनको क्षति भएको छ । यो संसद चलाउनुको साटो संसद अवरुद्ध गर्नु जायज कुरा होइन ।’

सांसद यादवले गौर हत्याकाण्डको विषयलाई उठाएर जसपामाथि षड्यन्त्र र घेराबन्दी गर्न खोजिएको बताए । उनले तत्कालीन माओवादीको हठका कारण गौर हत्याकाण्ड भएको आरोप लगाए ।

एनएमएसआरएको स्थापना दिवशमा १०५ जनाद्वारा रक्तदान

0

वीरगंज । नेपाल औषधी तथा बिक्री प्रतिनिधि संघ (एनएमएसआरए) को ५४ औ स्थापना दिवशको उपलक्ष्यमा साेमबार रक्तदान कार्यक्रम सम्पन्न भएकाे छ । 

वीरगंजस्थित कलवार कल्याण समितीको प्राङ्गणमा भएकाे कार्यक्रममा २ महिलासहित १०५ जानले रक्तदान गरेका हुन् ।

कार्यक्रममा बिशाल राज गिरी, कृष्णा भट, रामबिश्वास साह कलवार, अशाेक कुमार चाैधरी, सुरज सर्राफ, बादल कुमार कर्ण, रबिरन्जन प्रसाद कुशवाहा, चिरन्जिबी बाेहारा, कृष्णा माली, शशिकान्त ठाकुर, लालबाबु प्रसाद कुशवाहा, निरज कुमार गिरी, गुडु कुमार साह, हिमान्सु गुप्ता, अरबिन्द कुमार साहले रक्तदान गरेका छन् ।

यसैगरी, श्याम किशाेर यादव, अजय चाैधरी, हरेन्द्र साह अनुराग गुप्ता, हरेराम चाैधरी, निरज प्रसाद श्रीवास्तव, राजेश साेनी, एमडी सतार, विकास कुमार गुप्ता, दिपेश चाैधरी, खेमराज राय, राजकिशाेर महताे धानुक, प्रमेश्वर पुर्वे, राजन कुमार सिंह, रामनरेश यादव, जयप्रका चाैधरी, दिपेन्द्र चाैधरी, प्रमाेद चाैधरी लगायतकाले रक्तदान गरेका हुन् ।

एनएमएसआरए पर्साद्वारा आयोजित रक्तदान कार्यक्रमकाे उद्घाटन वीरगंज महानगरपालिकाका मेयर राजेशमान सिंहले गरेका थिए ।

सङ्घका जिल्ला अध्यक्ष राम गोसाईंको सभापतित्वमा भएकाे कार्यक्रमकाे उद्घाटन गर्दै मेयर सिंहले युवाहरूले रक्तदान गर्ने बारे गाउँ-गाउँसम्म चेतना जागृत गराउने काम गर्नु पर्नेमा जोड दिए ।

उनले अहिले पनि अस्पतालहरूमा उपचार गर्न आउने बिरामीले सहजै रगत पाउने अवस्था नरहेको भन्दै रक्तदानका लागि जागृत गराउनु पर्ने आवश्यकता रहेको बताए ।

एक फरक प्रसङ्गमा बोल्दै उनले वीरगंज व्यवस्थित र सफा सुन्दर बनाउन सबैको साथ र सहभागिताको आवश्यकता रहेको भन्दै त्यसका लागि सङ्घसँग हातेमालो गरेर आफूहरू अघि बढ्न तयार रहेको बताए । 

संघीय शिक्षा ऐनकाे विराेधमा पर्साका शिक्षकहरु पनि आन्दाेलित

0

वीरगंज । नेपाल शिक्षक महासंघ केन्द्रीय कार्य समितिको आहवानमा पर्साका शिक्षकहरु पनि आन्दाेलित भएका छन् । संघीय शिक्षा ऐन २०८० को मस्यौदाको विरोधमा पूर्व घोषित आन्दोलनकाे कार्यक्रम अन्तर्गत पर्साका १४ पालिकाकाे कार्यालयमा आइतबार शिक्षकहरु धर्ना दिनुकाे साथै पालिकामा ज्ञापन पत्र समेत बुझाएका छन् ।

नेपाल शिक्षक महासंघको पहिलाे चरणकाे धर्ना र ज्ञापनपत्र बुझाउने कार्यक्रम अन्तर्गत पकहा मैनपुर गाउँपालिकामा आन्दाेलनकाे कार्यक्रम सम्पन्न भएकाे शिक्षक विकाश पाण्डेले वताए । शिक्षक महासंघ पकहा मैनपुर गाउँपालिकाकाे आयाेजना गाउँपालिका कार्यालय पकहाँ मैनपुरमा धर्ना दिनुकाे साथै ज्ञापन पत्र समेत बुझाइएकाे उनले जानकारी दिए ।

यसैगरी कालिकामाइ गाउँपालिका कार्यालय हरिहरपुर विर्तामा समेत त्यहाँका शिक्षकहरु धर्ना दिएका छन् । गाउँपालिका अन्तर्गतका सम्पूर्ण विद्यालयका शिक्षकहरु गाउँपालिका कार्यालयमा धर्ना दिनुकाे साथै गाउँपालिका अध्यक्ष बशिष्ट कुमार गुप्तालाई ज्ञापन पत्र बुझाएका हुन् ।

शिक्षक महासंघ कालिकामाई गाउँपालिकाका अध्यक्ष इन्द्रदेव प्रसाद कुर्मीकाे अध्यक्षता र नेपाल शिक्षक महासंघ पर्साका जिल्ला सदस्य राहुल कुमार साहकाे प्रमुख आतिथ्यतामा भएकाे धर्नाकाे कार्यक्रममा पालिका भरिका सम्पुर्ण शिक्षक, शिक्षिकाकाे सहभागिता रहेकाे थियाे । 

धर्ना कार्यक्रमलाई सम्बाेधन गर्दै प्रमुख अतिथी जिल्ला सदस्य साहले बिगतमा भएकाे ३० बुंदे र ५१ सुत्रिय सहमतिलाई कार्यन्वयन गर्नु पर्ने बताए । उनले २०७५ सालपछि स्थायी भएका शिक्षकहरुलाई पुरानै प्रणाली अनुसार पेन्सनको व्यवस्था गर्नु पर्ने वताए ।

उनले आन्दाेलनकाे कार्यक्रम अन्तर्गत ३० गते शिक्षक विकास तथा सम्न्वय एकाइमा ३० बुंदे र ५१ सुत्रिय सहमती बुझाइने र ३२ गते प्रदेश सामाजिक बिकास मन्त्रालयमा साेही सहमती पत्र बुझाउने कार्यक्रम रहेकाे वताए । 

शिक्षक महासङ कालिकामाईका अध्यक्ष कुर्मीले संधिय शिक्षा ऐन हाम्रो पेशागत हक हितको बिपरित रहेकाेले त्यसकाे विरुद्ध सबै शिक्षकहरु एकजुट भएर लडनु पर्ने वताए । 

यसैगरी बिन्दवासिनी गाउँपालिका, सखुवा प्रसाैनी गाउँपालिका, जगरनाथपुर गाउँपालिका, धाेबिनी गाउँपालिका, छिपहरमाई गाउँपालिका, पटेर्वा सुगाैली गाउँपालिका, पाेखरिया नगरपालिका, बहुदरमाई नगरपालिका लगायतका पालिकाहरुमा शिक्षकहरुले धर्ना दिएका थिए ।

“वीरगंज यूथ सम्मिट एन्ड अवार्ड्स – २०२३” सम्पन्न

0

वीरगंज । अन्तर्राष्ट्रिय युवा दिवसको अवसरमा वीरगंजमा पहिलो पटक आयोजित राष्ट्रिय स्तरको युवा सम्मेलन सम्पन्न भएको छ ।

वीरगंज उद्योग वाणिज्य सङ्घ र नेपाल युवा उद्यमी मञ्च (एनवाइईएफ) वीरगंजले संयुक्त रूपमा नगरमै पहिलो पटक आयोजना गरेको एक दिने राष्ट्रिय स्तरको युवा सम्मेलन “वीरगंज यूथ सम्मिट एन्ड अवार्ड्स – २०२३” शनिबार सम्पन्न भएको हो ।

विभिन्न पृष्ठभूमि र विचारका युवाहरूलाई एक मञ्चमा ल्याएर उनीहरूको साझा विचार राख्न र समसामयिक विषयमाथि छलफल तथा उठान गर्ने उद्देश्यका साथ आयोजित वीरगंज यूथ सम्मिट सफलतापूर्वक सम्पन्न भएको एनवाइईएफ वीरगंजका अध्यक्ष सन्दीप अग्रवालले बताए ।

कार्यक्रममा नेपालका युवाले वर्तमान अवस्था भोगिरहेका समस्या र त्यसको दीर्घकालीन समाधानका बारेमा छलफल गरिएको अध्यक्ष सन्दीपले बताए । ‘यूथ सम्मिटका क्रममा भएका विभिन्न कार्यक्रमहरू मार्फत उपस्थित तिन सय भन्दा बढी युवाहरूले सक्रिय सहभागिता जनाउँदै आफ्नो जिज्ञासा, आकाङ्क्षा र नवीनतम विचार राख्दै समस्याहरूको दीर्घकालीन समाधानका बारेमा छलफल गरेका थिए,’ उनले भने ।

कार्यक्रममा बोल्दै प्रमुख अतिथि वीरगंज महानगरपालिकाका प्रमुख (मेयर) राजेशमान सिंहले वीरगंजलाई एउटा विकसितसँगै स्वच्छ, सुन्दर र आकर्षक नगरी युवाहरूको साथ अपरिहार्य रहेको बताए । महानगरको मेयरमा आफूलाई निर्वाचित गराउन युवाहरूले ठूलो भूमिका खलेको बताउँदै उनले वीरगंजका युवाहरूका लागि आफूले पनि धेरै थोक गर्न खोजिरहेको बताए ।

कार्यक्रममा प्रमुख वक्ताका रूपमा आएकी सफल अन्तराष्ट्रिय व्यावसायिक प्रशिक्षक र प्रेरक वक्ता मान्सी अग्रवालले भविष्यका लागि आवश्यक सिपका बारेमा चर्चा गरेकी थिइन् । वक्ता मान्सीले युवाहरूको लागि वर्षमा एक दिन छुट्याएर नहुने बताउँदै आगामी १५ वर्षसम्म प्रत्येक दिनलाई युवा दिवसका रूपमा मनाउनु पर्ने बताइन । ‘मलाई युवा दिवससँग समस्या छ । देशको आधाभन्दा बढी जनसङ्ख्या युवाहरूको भएपनि उनीहरूको सफलताको उत्सव मनाउन जम्मा एक दिन पर्याप्त छैन,’ उनले भनिन्, ‘एक हप्ता, एक महिना र एक वर्ष पनि पर्याप्त छैन । आउने १५ वर्ष युवाहरूको हो । त्यसैले प्रत्येक दिनलाई युवा दिवसका रूपमा मनाउनु पर्छ ।’ उनले वर्तमान समय जस्तो भविष्यमा म्यानुवल नभएर सबै काम स्वचालित किसिमले हुने बताउँदै सोही अनुरूप युवाहरूले सिप सिक्न आवश्यक रहेको बताइन ।

त्यस्तै सम्मिटमा ‘परिवर्तन र नवप्रवर्तनमा युवा संलग्नता’ विषयमा प्यानल छलफल पनि गरिएको थियो । जहाँ प्रतिनिधिसभा सदस्य विना जयसवाल, शिक्षाविद् विनोद गुप्ता, एनवाइईएफकी राष्ट्रिय अध्यक्ष (एनजीसी अध्यक्ष) सहारा जोशी, वीरगञ्ज उद्योग वाणिज्य सङ्घको तालिम केन्द्रका संयोजक अनुप अग्रवाल र एनवाइईएफ वीरगञ्जका अध्यक्ष सन्दीप अग्रवालले उद्यम र व्यसाय गर्दा युवाहरूले भोगिरहेको समस्याका बारेमा छलफल गरेका । वरिष्ठ आर्थिक पत्रकार ओमप्रकाश खनालले सहजीकरण गरेको प्यानल छलफलमा उनीहरूले सरकारकी नीति, अस्थिर राजनीत र बैंक ब्याज लगयातका कारण नेपालमा उद्यमशिलता विकास हुन् नसकेको बताए । सङ्घीय संसद्मा पनि युवाहरूको सहभागिता न्यून रहेकोले उद्यमशीलता र युवाका समस्याहरू राम्रोसँग उठान नहुन सकेको उनीहरूको भनाई थियो ।

कार्यक्रममा सफल उद्यमी र नवीनतम सोचका साथ फरक किसिमको व्यवसायको थालनी गरेकाहरूलाई सम्मानित पनि गरिएको थियो । सम्मानित हुनेमा एक सय वर्षभन्दा पनि बढी समयदेखि वीरगञ्जमा नास्ता र खाजा पसल सञ्चालन गरिरहेका हँसुवा नास्ता पसल, विवाह तथा वर्तबन्धमा बाजागाजा बजाउने झूमक ब्याण्ड र चाट पसल मार्फत एउटा सफल व्यवसाय स्थापना गरेका शङ्कर चाट हाउसदेखि चिया पसल मार्फत वीरगञ्जलाई एउटा पहिचान दिलाएका बब्लु टी स्टलसम्मलाई सम्मानित गरिएको थियो । उनीहरूलाई ‘लाइफ टाइम एचिभमेन्ट’ अवार्डबाट सम्मानित गरिएको एनवाइईएफका अध्यक्ष सन्दीप अग्रवालले जानकारी दिए ।

त्यस्तै नवीनतम सोचका साथ नयाँ उद्यम स्थापना गरेका थ्रिल फ्याक्ट्री, स्पोर्ट्स हाउस नेपाल, वर्ल्ड अफ वन्ड्रस, त्रिसाला रेस्टुराँ, वान ११ र माल्ट रेस्टुराँलाई ‘डेयर टू डू’ अवार्डबाट सम्मानित गरिएको सन्दीपले बताए । त्यसैगरी स्टार्टअप एण्ड इनोभेसन अवार्डबाट वीरगञ्जमा सञ्चालित इन्द्री ग्रूप प्रालिलगायत सम्मानित भएका थिए । त्यसैगरी सामाजिक सेवातर्फ मानव सेवा आश्रम, राउण्ड टेबल नेपाल, रोटरी क्लव अफ नेपाल वीरगञ्ज, रक्तदाता योगेश खनालले अवार्ड पाएका थिए ।

वीरगंजस उद्योग वाणिज्य सङ्घका उपाध्यक्ष मनोजकुमार दासको सभापतित्वमा सम्पन्न कार्यक्रममा नेपाल उद्योग वाणिज्य महासङ्घ मधेस प्रदेशका अध्यक्ष अशोककुमार टेमानी, निवर्तमान अध्यक्ष गणेश प्रसाद लाठ, मधेस विश्वविद्यालयका उपकूलपति प्रा. डा. दीपक शाक्य लगायतको पनि उपस्थिति रहेको थियो ।

जनमतबाट अनिता साह सामान्य प्रशासन मन्त्री बन्दै

0

वीरगंज । जनमत पार्टीकी सांसद अनिता कुमारी साह संघीय मामिला तथा सामान्य प्रशासनमन्त्री बन्ने भएकी छन् । जनमतबाट मन्त्री बन्न लागेकी साहको सोमबार शपथ ग्रहण हुने भएको हो  । 

साहको शपथ ग्रहण सोमबार बिहान १० बजे तय भएको राष्ट्रपति रामचन्द्र पौडेलका प्रेस संयोजक खिला कार्कीले जानकारी दिए ।sharethis sharing button

जनमत पार्टीका प्रमुख सचेतक समेत रहेकी साहलाई पहिला नै मन्त्री बनाउन जनमत पार्टीले प्रधानमन्त्रि पुष्प कमल दाहाल (प्रचण्ड) लाई सिफारिस गरेकाे थियाे ।

जनमत पार्टीलाई सरकारमा सहभागि गराउन नेकपा माओवादी केन्द्रले संघीय मामिला तथा सामान्य प्रशासन मन्त्री अमनलाल मोदीलाई सरकारबाट फिर्ता बोलाउने निर्णय गरेको छ । 

बहुदरमाईमा नव निर्मित प्रसूतिगृहकाे उद्घाटन

0
वीरगंज । पर्साकाे बहुदरमाई नगरपालिका वडा नम्बर ४ बहुअरी पिडारीस्थित नव निर्मित प्रसूतिगृहको शनिबार एक कार्यक्रम विच उद्घाटन गरिएकाे छ ।
 
कार्यक्रमका प्रमुख अतिथी पूर्व मन्त्री एवम् प्रतिनिधि सभा सदस्य प्रदिप यावले गरेका हुन् । नगरपालिकाबाट निर्माण भएकाे नवनिर्मित प्रसूतिगृहको उद्घाटन गर्दै सांसद यादवले प्रस्तुती गृहकाे सञ्चालन पश्चात् बहुधरमाइ नगरपालिकासहित गार्मिण भेगका अन्य स्थानका जनता पनि प्रत्यक्ष रूपमा लभान्वित हुने विश्वास व्यक्त गरे ।
 
उनले आगामी दिनमा प्रसूतिगृहमा थप सेवाहरू विस्तार गर्नका लागि प्रदेश र सङ्घीय सरकारसँग पहल गर्ने प्रतिबद्धता समेत जनाए ।
 
बहुदरमाई नगरपालिकाका मेयर सिंहासन साहकाे अध्यक्षतामा भएकाे उद्घाटन कार्यक्रममा जिल्ला समन्वय समिति पर्साका प्रमुख निरञ्जन साह सोनार, बहुदरमाई नगरपालिकाका उप मेयर सुष्मा कुशवाहा, प्रमुख प्रशासकिय अधिकृत शेरे मुस्तुफा, रेडियाे वीरगंज एवम् टिभि वीरगंजका अध्यक्ष ध्रुव साह, लेखापाल उपेन्द्र साह, हरि प्रसाद कुर्मी लगायत नगरपालिकाका विभिन्न वडाका  वडाध्यक्षहरू लगायत स्थानीयकाे उपस्थिति रहेको थियो ।

जसपा वीरगंज नगर समितिको विस्तारित बैठक सम्पन्न 

0

वीरगंज । जनता समाजवादी पार्टीका प्रमुख सचेतक प्रदीप यादवले पार्टी एक ढिक्का हुने गरि काम गर्न कार्यकर्तालाई निर्देशन दिएका छन् ।

शनिबार पार्टीको वीरगंज महानगर कार्य समितिको विस्तारित बैठकलाई सम्बोधन गर्दै उनले पार्टी एक ढिक्का नभए अरुले खेल्ने बाटो पाउने भन्दै पार्टीलाई मजबुद बनाउने गरि काम गर्न कार्यकर्तालाई निर्देशन समेत दिए ।

पर्सा क्षेत्र नम्वर १ का संघीय सांसद समेत रहेका पूर्व मन्त्री यादवले पर्सा जिल्लाको पार्टी नेतृत्व असक्षम हुँदा कार्यकर्ता हतोत्साहित भएको भन्दै चाँडै पार्टी पुनर्गठन गर्ने पनि बताए ।  

‘जिल्ला नेतृत्व असक्षम छ, एनजिओ चलाए जसरी दुई जनाले पार्टी चलाउन खोजेका छन् । त्यसरी पार्टी चल्दैन,’ उनले भने, ‘पार्टी कुनै क्लब र एनजिओ होइन, कागज मिलाएर काम हुने, कार्यकर्ताको खुन पसिनाबाट बनेको पार्टी, एनजिओमा कागज मिलाए जसरी चल्दैन ।’

अहिलेको जिल्ला कमिटीलाई पुनर्गठन गरेर नयाँ चलायमान र चुस्त कमिटी बनाउन आफू लागि परेको भन्दै उनले पुनर्गठन नगरिए नयाँ जिल्ला कमिटी तयार गर्ने पनि उद्घोष गरे ।

 वीरगंज महानगरमा जसपाले जित्दा देशैभर जसपाको शीर ठाडो भएको भन्दै उनले अहिले पार्टी भित्रैका केही व्यक्ति मेयर राजेशमान सिंह र आफूबीचको सम्बन्धलाई देखेर डाहा गर्ने गरेको पनि बताए ।

‘केही व्यक्ति मेयरसँग किन यत्ति नजिक भएको छ भनेर भन्ने गर्छन्, हामीलाई फुटाएर फाइदा लिन खोजेका होलान्, त्यस्तो सपना कसैले नदेखे हुन्छ, उनले भने, ‘यो सम्बन्ध त पर्सामा पार्टीलाई मजबुद बनाउँदै वीरगंज बनाउने सम्बन्ध हो, हामी बनाएरै देखाउछौँ, कसैले चाहँदैमा तोड्ने र जोडिने सम्बन्ध होइन ।’

पार्टी नेतृत्व विभेदकारी ढंगले चल्याे : मेयर सिंह

यस्तै कार्यक्रममा पार्टीका केन्द्रीय सदस्य समेत रहेका महानगरका मेयर राजेशमान सिंहले पर्सा पार्टी नेतृत्व विभेदकारी ढंगले चलेको आरोप लगाए ।

 उनले पार्टीलाई चलायमान बनाउन सबै एक भएर लाग्नुको कुनै विकल्प नभएको भन्दै पार्टीका साथीहरुसँग भेटघाट कार्यक्रम हरेक महिना राख्न सुझाव पनि दिए ।

यस्तै कार्यक्रममा पार्टीका नेता जनार्दन यादवले प्रचण्ड नेतृत्वको सरकारले पार्टीको केन्द्रीय नेतृत्वलाई फसाउने गरि गौर काण्डको विषय उठाएको भन्दै त्यसको प्रतिबाद गर्न सबै तयार रहनु पर्ने बताए ।

कार्यक्रममा पार्टीका केन्द्रीय सदस्य रेखा साह, नेता प्रेमबाबु पटेल, वीरगंज महानगरका विभिन्न वडामा पार्टीबाट निर्वाचित वडाध्यक्षहरु मनोज यादव, रमेश यादव, प्रशुराम चौरसिया, सुशील साह, आशुतोष चतुर्वेदी, उमाशंकर तिवारी, महबुब एलाही अंसारी, कार्यपालिका सदस्य खैरुद्धिन मियाँ लगायतको उपस्थिति रहेको थियो ।

पार्टीको नगर कार्यसमितिका अध्यक्ष इश्वरचन्द्र यादवको सभापतित्वमा भएकाे कार्यक्रमको सहजिकरण उमेशलाल सहनीले गरेका थिए ।