Date
सोम, कार्तिक ३०, २०८३
Mon, November 16, 2026
Home Blog Page 508

श्री नेरेसाे प्राविकाे विद्यालय व्यवस्थापन समिति गठन

0

वीरगंज । पर्साको कालिकामाई गाउँपालिका वडा नम्बर १ स्थित रहेकाे श्री नेपाल रेडक्रस सोसाईटी प्राथमिक विद्यालयमा बिहिबार भएकाे अभिभावक भेलाले सर्वसम्मत ४ सदस्यी विद्यालय ब्यवस्थापन समिती गठन गरेकाे छ ।

वडा नमबर १ का वडाध्यक्ष लालबाबु चौरसियाको अध्यक्षता र कालिकामाई गाउँपालिकाका शिक्षा प्रमुख मणिभुषण साहको प्रमुख आतिथ्यमा भएको भेलाले रामराज राउत अहिरको अध्यक्षतामा विद्यालय ब्यवस्थापन समिती गठन गरेको हो ।

जुन समितिकाे सदस्यमा सोबराती मिया देवान, महिला सदस्यमा मान्ती देवी कुश्वाहा र दलित सदस्यमा शिवकुमारी दुसादीन चयन भएका छन् ।

८७ जना अभिभावक रहेको विद्यालयकाे अभिभावक भेलामा ६७ जनाको उपस्थिती रहेको प्रधानाध्यापक आवाश मियाँ तेलीले जानकारी दिए ।

गाउँपालिकाले विद्यालय ब्यवस्थापन समिती आफ्ना पालिकाको सबै वडामा रहेको विद्यालयमा गठन गर्ने निर्देशन दिएपछि अभिभवाक भेला गरे विद्यालय ब्यवस्थापन समिती गठन भएको हो ।

यसैगरी केही दिन पहिला सोही पालिकाको वडा नमबर २ भेडिहारीमा रहेकाे श्री सुकई साह माध्यमिक विद्यालयकाे ब्यवस्थापन समिती गठनका लागि भेला भएकाे थियाे । तर भेलामा सहमती नजुटेपछि भेला स्थगित भएकाे थियो ।

प्रदेश सांसद जयसवालले किसानलाई वितरण गरे काेदालाे

0

वीरगंज । पर्साका एक प्रदेश सभा सदस्यले किसानलाई काेदालाे वितरण गरेका छन् । पर्सा क्षेत्र नं. ३ काे १ बाट निर्वाचित प्रदेश सभा सदस्य प्रमाेद जयसवालले किसानहरुलाई काेदालाे वितरण गरेका हुन् ।

प्रदेश सांसद जयसवालले बिहिबार गाउँ मै पुगी बहुदरमाई नगरपालिकाकाे वडा नं. ५ बर्वाका १६६ जना किसानहरुलाई कुदालाे वितरण गरेका हुन् । वडा अन्तर्गतका वास्तविक किसानलाई काेदालाे वितरण गरिएकाे सांसद जयसवालले वताए ।

सांसद जयसवालले कही दिन पहिला नै काेदालाे वितरणका लागि आफ्नाे सचिवालय मात्र वास्तविक किसानकाे तथ्यांक संकलन गराएका थिए । साेही तथ्यांक अनुसार काेदालाे वितरण भएकाे सांसद जयसवालकाे सचिवालयले जनाएकाे छ । अन्य वडाका वास्तविक किसानलाई पनि काेदालाे वितरण गर्ने याेजना रहेकाे वताइएकाे छ ।

सांसद जयसवालले आफ्नाे संसदिय विकास काेषकाे बजेटबाट किसानलाई कृषिकाे काम गर्न चाहिने अति आवश्यक औजर कुदालाे वितरण गरेकाे स्थानिय अशाेक कुमार यादवले वताए । 

प्रभु सिटी स्केनमा प्रभु बैंकका ग्राहक र कर्मचारीलाई छुट

0

वीरगंज । वीरगंजकाे पानीटंकीमा संचालनमा आएकाे प्रभु सिटी स्केनमा प्रभु बैंकका ग्राहक र कर्मचारीले छुट पाउने भएका छन् । प्रभु सिटी स्केन संचालनमा आएकै दिन बुधबार छुटकाे लागि सम्झाैता भएकाे छ ।

छुटकाे लागि प्रभु बैंक वीरगंज लिंक रोड शाखा र प्रभु सिटी स्केन सेवा बिच सम्झौता भएको हाे । यस सम्झौता अन्तर्गत प्रभु बैंकका ग्राहक बर्ग, कर्मचारी र कर्मचारीका परिवारलाई सिटी स्केन गराउँदा १० प्रतिशत छुट दिइने सिटी स्केनका संचालक डा. निरन्जन साहले बताए ।

गुणस्तरीय सेवाको विस्वासीलो संस्था सङ्ग सम्झौता गरेर हामी हाम्रो ग्राहक वर्गलाई थप सेवा दिन पाउँदा हामी खुशी भएको प्रभु बैंकका प्रदेश प्रमुख र वीरगंज लिंक रोड शाखाका ब्यवस्थापक अमन बोगटीले बनताए । 

सेवा संचालन के दिन भएकाे समझौतामा प्रभु बैंकका मधेस प्रदेश प्रमुख भूषण गुप्ता र प्रभु सिटी स्केन सर्विसका संचालक डा. मनोज कुमारले हस्ताक्षर गरेका छन् । उक्त सम्झाैता एक अर्कालाई हस्तान्तरण समेत गरिएकाे थियाे ।

वीरगंजको पानीटंकीमा प्रभु सिटी स्क्यान सेवा संचालन

0

वीरगंज । वीरगंजको पानीटंकीमा प्रभु सिटी स्क्यान सेवा संचालनमा आएको छ । शरीरका सम्पूर्ण भागलाई स्क्यान गरेर भित्री देखिने समस्यालाई सजिलो उपचार गर्न सक्ने अत्याधुनिक प्रविधी सहितको प्रभु सिटी स्क्यान सेवा बिहिबारदेखी संचालनमा आएको हो ।

प्रभु हस्पिटल नजिकै रहेको यस सिटी स्क्यानको वीरगंज महानगरपालिका वडा नं. ४ र ८ का वडाध्यक्ष जगत साह कानु र रितेश कुमार गुप्ताले संयुक्त रुपमा रिबन काटी आज उद्घाटन गरेका हुन् । यस सिटी स्क्यानमा होलबडी सिटी स्क्यान, कन्ट्रास्ट एन्जियोग्राफी, सिटी गाईडेड लगायत सम्पूर्ण सेवा उपलब्ध हुने भएको छ । क्यान्सर, ब्लडप्रेसर, ब्रेन हैमरेज, टाउको दुख्ने, छातीमा पानी जमेको, रिडको हड्डी टुटेकोे लगायत अनेक समस्याको रोग पत्ता लगाई सबै उपचारको सुविधा यहाँ मिल्ने रहेको सिटी स्क्यानका संचालक डाक्टर निरन्जन साहले बताए ।

सेवा शुरु गरेको यस सिटी स्क्यान सेन्टरमा अन्य भन्दा सर्वशुलभ शुल्कमा विभिन्न खालका बिरामीहरको सिटी स्क्यान सेवा उपलब्ध रहेको डाक्टर साहले बताए । यहाँ विभिन्न रोगहरु पत्ता लगाउने अत्याधुनिक प्रविधि सहितको उपकरण जडान गरिएको र एफएनएसी/बायोप्सीका लागि समेत सेवा उपलब्ध हुने रेडियोलोजिस्ट डाक्टर डम्बर साहले बताए । अरु सिटी स्क्यान भन्दा प्रभु सिटी स्क्यानले आजको आजै स्क्यान गरि तुरुन्तै रिपोर्ट दिई चौबिसै घण्टा गुणस्तरीय सेवा दिने गरेको डा. साहले बताए ।

कुनै अस्पतालमा उपचाररत बिरामीको सिटी स्क्यान गरेर तुरुन्तै अस्पतालमा पु¥याउनुपरे त्यसको पनि व्यावस्था गरिएको संचालक द्वय साहको भनाई छ । बिरामीहरुको चेकजाँच गर्ने बितिकै ह्वाट्सअफ मै तुरुन्तै रिपोर्ट पठाउने गरेको अर्का संचालन रोडियोलोजिस्ट डा. डम्बर साहले जानकारी दिए ।

साढे ३ करोडभन्दा बढिको लगानीमा संचालनमा आएको प्रभु सिटी स्क्यानले मधेश प्रदेश अन्तर्गतको जिल्ला सहित छिमेकी मुलुक भारतसम्म सेवाग्राहीहरुलाई राहत मिल्ने डा. डम्बर साहले बताए ।

उद्घाटन कार्यक्रममा प्रभु हस्पिटलका संचालक डा. मनोज गुप्ता, डा. लक्ष्मी थापा, एमाले नेता शम्भु गुप्ता, लोसपाका नेता नेजामुद्दिन समानी, प्रहरी समुदायिक सेवा केन्द्र मिनाबजारका अध्यक्ष बासु सहनी, कोषाध्यक्ष प्रवेश सर्राफ, अधिवक्ता शालिग्राम साह, वडा नं. १२ का वडा सदस्य अनिता क्षेत्री, कांग्रेसका युवा नेता दिलीप राज कार्की लगायतको सहभागिता रहेको थियो ।

वीरगंजकाे विभिन्न स्थानमा अत्याधुनिक क्यामेरा जडान

0

वीरगंज । वीरगंज महानगरपालिकाका नगर प्रमुख राजेशमान सिंहले बैभव बीरगंजको अभियानलाई साकार तुल्याउन सुरक्षित वीरगंज बनाउनु पर्ने कुरामा जोड दिनु भएको छ ।

बीरगंज महानगरपालिकाको आर्थिक सहयोगमा जिल्ला प्रहरी कार्यालय पर्साको कन्ट्रोल रुपमा जडान गरिएको प्यानल सहितको अत्याधुनिक सिसिटिवी क्यामरा राडर मोनिटरीङ्ग सिस्टमको उद्घाटन गर्दै नगर प्रमुख सिंहले अत्याधुनिक क्यामराको जडानसँगै अब वीरगंजको सुरक्षामा समेत थप मद्दत पुग्ने विश्वास व्यक्त गर्नु भयो ।

नगर क्षेत्रमा हुने दुर्घटना तथा चोरीका घटना न्युनिकरणमा यसले महत्वपूर्ण भूमिका खेल्ने बताउदै नगर प्रमुख सिंहले विकास निर्माण, नगरको सौन्दर्यकरण, सरसफाई सँगै नगरवासीको सुरक्षालाई समेत महानगरले प्राथमिकताका साथ ठोस कार्यक्रम सहित अगाडी बढाई रहेको बताउनु भयो ।

कार्यक्रममा पर्साका प्रमुख जिल्ला अधिकारी हिरालाल रेग्मीले पर्सा प्रहरीको कन्ट्रोल रुपमा जडान गरिएको अत्याधुनिक सिसिटिवी क्यामराको मोनिटरिङ्ग सिस्टमले अपराध तथा दुर्घटनाका घटना तत्काल पत्ता लगाउन तथा दोषीलाई पक्राउ गर्न सहज भएको बताउनु भयो ।

वीरगंज महानगरपालिकाको २७ लाखको लागतमा पर्सा प्रहरीको कन्ट्रोल रुममा राडर सहितको क्यामरा जडान गरिएको हो ।

सो क्यामराबाट नगर क्षेत्रमा हुने दुर्घटना, चोरीका घटना तथा सुरक्षाका विविध गतिविधिलाई नियाल्न सहज हुने र तिव्रगतिमा गुडने सवारी साधनहरुलाई समेत कारवाही गर्न सहज हुने जिल्ला प्रहरी कार्यालय पर्साका प्रहरी उपरीक्षक कोमल शाहले बताउनु भयो ।

वीरगंज प्रवेश गर्ने तथा बाहिरिने चोक एवं व्यस्त बजार क्षेत्रका विभिन्न स्थानमा क्यामरा जडान गरिएको र हिट एण्ड रनको अवधारणा अनुसार घटना स्थलमा तत्काल प्रहरी पुग्न समेत सहज हुने प्रहरी उपरीक्षक शाहले बताउनु भयो ।

यसैविच आज एक कार्यक्रमका विच वीरगंज महानगरपालिकाका नगर प्रमुख राजेशमान सिंहले गण्डक चोकको शहिद तेज बहादुर अमात्यको शालिक राखिएको स्थानमा नयाँ राष्ट्रिय झण्डाको झण्डोत्तोलन समेत गर्नु भएको छ ।

कार्यक्रममा प्रमुख जिल्ला अधिकारी हिरालाल रेग्मी, प्रहरी उपरीक्षक कोमल शाह, ससस्त्र प्रहरी उपरीक्षक सुमन थपलिया लगायतको सहभागिता रहेको थियो ।

बिन्दवासिनीका तिम्ल्याहा बहिनीहरु विशिष्ट श्रेणीबाट उत्तिर्ण

0
वीरगंज । पर्साकाे एक तिम्ल्याहा छाेरीहरुले कक्षा १२ उत्कृष्ट अंक ल्याई उत्तिर्ण भएका छन् । पर्साकाे बिन्दवासिनी गाउँपालिका वडा नं.-५ प्रसौनी भाठाकी तिम्ल्याहा छाेरीहरु ए प्लस ग्रेड ल्याएर उत्तिर्ण भएका हुन् ।
 
समिन अहमद र सविला खातुनकी तिम्ल्याहा छाेरीहरु लबिका खातुन ९१ प्रतिशत, अतिका खातुन ९१ प्रतिशत र सबिका खातुन ९४ प्रतिशत अंक ल्याएकी छन् । काठमाडौंकाे त्रिपुरेश्वरस्थित सामुदायिक विद्यालय विश्वनिकेतन माध्यमिक विद्यालयबाट विज्ञान संकायबाट कक्षा १२ पास गरेकी हुन ।
 
यसवर्षकाे कक्षा १२ काे अन्तिम परिक्षामा विज्ञान संकायबाट उत्कृष्ट अंक ल्याएर पास हुने तीनै जना दिदीबहिनीकाे चिकित्सक बन्ने लक्ष्य रहेकाे छ ।
 
साधारण परिवारका विशिष्ट श्रेणीबाट उत्तिर्ण तिम्ल्याहा छाेरीहरुकाे तस्बिर अहिले समाजिक संजालमा भाइरल भइरहेकाे छ । समाजिक संजालमा स्थानियहरुले खुसि व्यक्त गर्दै तिम्ल्याहा छाेरीहरुकाे तस्बिर राखि बधाई तथा सुभकामना दिइरहेका छन् । 

छिपहरमाईकाे एक युवककाे भारतकाे दिल्लीमा मृत्यु, गाउँ नै शाेकमा

0

वीरगंज । भारतको दिल्लीमा पर्साकाे एक युवककाे मृत्यु भएकाे छ । घर निर्माणकाे काम गर्ने क्रममा ४ तल्ले भवनबाट खसेर  छिपहरमाई गाउँपालिकाकाे वडा नं. १ भलुवहिया निवासी २३ बर्षिय सत्येन्द्र प्रसाद यादवकाे मृत्यु भएकाे वताइएकाे छ । तर घरपरिवारले मृत्यु संकास्पद रहेकाे जनाएका छन् ।

सत्येन्द्रकाे भारतको दिल्लीस्थित नाेइडा सेक्टर ६२ मा रहेकाे फाेरटिस हाेस्पिटलमा साउन २९ गते साेमबार नै उपचारको क्रममा मृत्यु भएपनि बुधबार मात्र शव भुलुवहियास्थित घरमा पुगेकाे छ । शव घरमा पुगेपछि गाउँ नै शाेकमा डुबेकाे हाे । 

ठेक्दार घनश्याम यादवका अनुसार मृतक सत्येन्द्र भारतको दिल्ली सेक्टर ५८ अमरउजाला टोलको सोसाइटीको ४ तल्ले भवनमा काम गर्ने क्रममा साेमबार दिउसाे २ बजेकाे करिबमा खसेका थिए । त्यसपछि उनलाई उपचारकाे लागि अस्पतालमा भर्ना गरिएकाे थियाे । साेही दिन सांझ ७ बजे अस्पतालले उनलाई मृत घाेषणा गरेकाे थियाे ।

अस्पतालले मृत घाेषणा गरेपछि दिल्ली मै उनकाे शव परिक्षण समेत भएकाे थियाे । त्यसपछि त्यहाँकाे प्रशासनले मृतककाे आफन्तलाई शव जिम्मा लगाएर पठाएकाे थियाे ।

३ महिना अघि मात्र मृतक सत्येन्द्र राेजगारीकाे शिलसिलामा दिल्ली गएका थिए । उनकाे एक १५ महिनाकाे छाेरी रहेकी छन् । 

क्रिकेटकाे विकासका लागि महानगर सहयोग गर्छ : उपमेयर आलम

0

वीरगंज । वीरगंज महानगरपालिकाका उपमेयर इम्तियाज आलमले पर्साको क्रिकेट खेल विकासका लागि महानगरपालिकाले सहयोग गर्ने आश्वासन दिएका छन् ।

वीरगंजमा आयोजित पर्सा क्रिकेट संघको सातौं साधारणसभा तथा जिल्ला अधिवेशनलाई प्रमुख अतिथीकाे रुपमा सम्बोधन गर्दै उपमेयर आलमले पर्सा क्रिकेट संघलाई आवश्यक सहयाेग महानगरपालिकाले गर्न तयार रहेको बताए । विश्ववभरनै अहिले क्रिकेट खेलको लोकप्रियता बढ्दै गएको परिपेक्ष्यमा वीरगंजले पनि क्रिकेटको क्षेत्रमा अझ धेरै फड्को मार्नु पर्नेमा उनले जोड दिए ।

सभामा संघले विगतमा गरेका गतिविधी र क्रिकेट खेलका क्षेत्रमा भएका सुधार लगायतका कार्यक्रमसहितको प्रतिवेदन पेस गरिएको अध्यक्ष दाउद अन्सारीले जानकारी दिए । बुधबार नै अधिवेशनको बन्द सत्रले संघको नयाँ नेतृत्व चयन पनि गर्ने उनले बताए ।

अधिवेशनको उद्घाटन समारोहमा बारा क्रिकेट संघका अध्यक्ष प्रभात चौरसिया, सचिव अनिल चौगाई, केन्द्रिय पर्यवेक्षक माधव करर्मचार्य लगायतको पनि सहभागीता रहेकाे थियाे ।

काजमा खटाइएका वीरगंजका ३ प्रहरी प्रमुखकाे सरुवा

0

वीरगंज । वडा प्रहरी कार्यालय विर्ता र वडा प्रहरी कार्यालय श्रीपुरका प्रहरी प्रमुखहरुकाे सरुवा भएकाे छ । वडा प्रहरी कार्यालय विर्ताका प्रमुखमा कार्यरत प्रहरी निरिक्षक विदुर प्रसाद सिवाकाेटीकाे प्रहरी वृत लैनचाेर काठमाण्डाैमा सरुवा भएकाे छ भने उनकाे ठाउँमा पुष्कर बाेग्टी आउने भएका छन् ।

यसैगरी वडा प्रहरी कार्यालय श्रीपुरका प्रमुखमा कार्यरत प्रहरी निरिक्षक आशुताेष बहादुर साहीकाे नेपाल प्रहरी अनुसन्धान कार्यालय विधुतिय अपराध कसुर तथा साइबर अपराध अनुसन्धान शाखा किर्तिपुर, काठमाडाैंमा सरुवमा भएकाे छ भने उनकाे ठाउँमा धर्मजंग थिंग आउने भएका छन् । 

यसैगरी जिल्ला ट्राफिक प्रहरी कार्यालय वीरगंजका प्रमुखमा कार्यरत प्रहरी निरिक्षक मणिराम थापाकाे इलाका प्रहरी कार्यालय टाेकरपुर, रामेछापमा सरुवा भएकाे छ भने उनकाे ठाउँमा भाष्कर खतिवडा आउने भएका छन् ।

यी तिनै जना प्रहरी निरिक्षकहरु ५ महिना पहिला मात्र काजमा आएका थिए । यीसंगै काज मै खटाइएका इलाका प्रहरी कार्यालय पाेखरियाका प्रमुखमा कार्यरत प्रहरी प्रहरी निरिक्षक माेहन बिक्रमकाे पाेखरिया मै दरबन्दी कायम गरिएकाे छ ।   

हिन्दु विराेधी भन्दै वीरगंजमा कान्तिपुर पत्रिका जलाइयाे

0

वीरगंज । हिन्दु विराेधी कान्तिपुर भन्दै मंगलबार वीरगंजमा कान्तिपुर दैनिक पत्रिका जलाइएको छ । हिन्दू धर्ममाथिको आस्था र विश्वासमाथि प्रहार गर्ने समाचार लेखेको भन्दै केहि व्याक्तिहरुकाे समूहले बाइपास सडकमा मंगलबार बिहान पत्रिका जलाएका हुन् ।

व्यापारिक घराना चौधरी समूहले भारतको मध्य प्रदेशस्थित बागेश्वर धामका संस्थापक आचार्य धीरेन्द्रकृष्ण शास्त्रीलाई पूर्वी नवलपरासीस्थित शाश्वत धाममा प्रवचनका ल्याउने तयारी गरिरहेको बेला कान्तिपुर पत्रिकाले साउन २८ गतेका दिन ‘अतिवादी धर्मगुरुलाई चौधरी ग्रुपले नेपाल ल्याउँदै’ भन्ने शीर्षकमा समाचार प्रकाशन गरेको थियो ।

त्यही समाचारकाे विराेधमा हिन्दूवादी संघ संगठनहरूले मंगलबार बिहान बाइपास सडकमा पत्रिकाकाे गाडी राेकेर कान्तिपुर पत्रिका जलाउनुकाे साथै ‘हिन्दु विरोधी कान्तिपुर मुर्दावाद’ को नारापनि लगएका हुन् ।

यसैबिच मंगलबार सांझ वीरगंज मै कान्तिपुरकाे विराेधमा प्रदर्शन समेत भएकाे छ । वीरगंजकाे घडिअर्वाबाट निस्केकाे विराेध प्रदर्शन घण्टाघरमा पुगी सम्पन्न भएकाे थियाे । 

विराेध प्रदर्शनमा सहभागिहरुले हिन्दु धर्म माथि टिका टिपन्नी गर्न पाइदैन, हिन्दु विराेधी कान्तिपुर मुर्दाबाद लगायतकाे नारा लगाउनुकाे साथै कान्तिपुर पत्रिका समेत जलाएका थिए ।

उनीहरुले कान्तिपुरले छमायाचना माग्नु पर्ने वताए । प्रदर्शनकारीहरुले कान्तिपुरले छमायाचना नमागे कान्तिपुर पत्रिका वीरगंज आउन नदिने धम्की समेत दिए ।