Date
सोम, कार्तिक ३०, २०८३
Mon, November 16, 2026
Home Blog Page 510

संघियता पक्षधर सबै जसपामा गोलबद्ध हुनुपर्छ : सांसद यादव

0

वीरगंज । जनता समाजबादी पार्टीका प्रमुख सचेतक प्रदीप यादबले पहिचान र संघियता दिलाउँदै मधेसलाई समृद्धिको पाइलामा अघि बढाउने पार्टी जसपा मात्रै भएकाले यसमा गोलबद्ध हुन सबैलाई आह्वान गरेका छन् ।

शनिबार बिहान वीरगंज महानगरपालिकाकाे वडा नं. १४ को वडा इकाई कमिटीले आयोजना गरेको पार्टी प्रवेश कार्यक्रमलाई सम्बोधन गर्दै पूर्व मन्त्री समेत रहेका सांसद यादबले यस्तो आह्वान गरेका हुन् ।

उनले कठीन समयमा पनि मधेस र मधेसीको हक हितका लागि लड्ने पार्टी जसपा मात्रै भएकाले यसमा जुटेर बांकी रहेका अधुरा सपनालाई साकार पार्नु पर्ने आवश्यकता रहेको वताए ।

कार्यक्रममा जसपाका केन्द्रीय सदस्य समेत रहेका वीरगंज महानगरपालिकाका मेयर राजेशमान सिंहले पार्टी एक ढिक्का हुने गरि चलायमान बनाउनु पर्नेमा जोड दिए ।

कार्यक्रममा नेपाली कांग्रेसका क्षेत्रीय प्रतिनिधी समसेद अख्तर सहितका व्यक्तिहरु पार्टी परित्याग गरि जसपामा प्रवेश गरेका थिए ।

नवप्रवेशीहरुलाई सांसद यादब र मेयर सिंहले टीका तथा फुलमाला लगाउँदै पार्टी प्रवेश गराएका थिए । सांसद यादव र मेयर सिंहको काम देखेर आफुहरु प्रभावित भएको भन्दै कांग्रेस छाडेर जसपा प्रवेश गरेको नवप्रवेशीहरुले बताए ।

लागु औषधसहित दुई जना पक्राउ

0

वीरगंज । पर्सा प्रहरीले लागु औषध सहित दुई जनालाई नियन्त्रणमा लिएकाे छ । प्रहरी चौकी सुवर्णपुर र प्रहरी चौकी महादेवपट्टी, पर्साबाट खटिएको संयुक्त प्रहरी चेकिङ्ग टोलीले एक १६ बर्षिय किशाेरसहित दुई जनालाई नियन्त्रणमा लिएकाे हाे ।

प्रहरीले पर्साकाे ठोरी गाउँपालिका वडा नं. ५ सुवर्णपुर वर्णमाला स्कुल नजिक सडक खण्डबाट शुक्रबार दिउसाे १२:१५ बजेको समयमा ठोरी गाउँपालिका कै वडा नं. ३ निवासी १९ बर्षिय सचिन लामालाई नियन्त्रण लिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

प्रहरी चेकिङ्ग टोलीले चेकजाँच गर्ने क्रममा शंकाष्पद रुपमा भारतबाट नेपालको सुवर्णपुर बजार तर्फ आउदै गरेका किशाेर र लामाले बोकेको कपडाको झोलाबाट प्रतिबन्धित लागू औषध लाइट्राभेट १० लेखिएको नाइट्राजेपाम टयाब्लेट २० पत्तामा प्रति पत्ता १५ का दरले ३ सय र १ पत्तामा १४ गरी जम्मा ३१४ पिस ट्याव्लेट फेला परेको प्रवक्ता गिरीले वताए ।

यसका साथै किशोरले लगाएको लेदर जस्तो देखिने कालो ज्याकेटको दाहिने गोजीमा कालो प्लाष्टिकको पोकामा बेरिएको अवस्थामा अन्दाजी ५० ग्रांम लागू औषध गाँजा समेत फेला परेको प्रहरीले जनाएकाे छ ।

पक्राउ परेका दुबै जनालाई जिल्ला प्रहरी कार्यालयमा ल्याइ निजहरू विरुद्द लागु औषध सम्बन्धी कसूरमा थप अनुसन्धान भैरहेको प्रवक्ता गिरीले जानकारी गराए ।

शिक्षा विकासमा युवाको सहभागीता बिषयमा छलफल

0

वीरगंज । २४ औं अन्तरराष्ट्रिय युवा दिवसको उपलक्ष्यमा शनिबार वीरगंजमा शिक्षा विकासमा युवाको सहभागीता बिषयक छलफल कार्यक्रम सम्पन भएको छ ।

समाजिक संस्था जिल्ला समन्वय समिती पर्साद्वारा आयोजित कार्यक्रममा वाेल्दै वक्ताहरुले युवा बिना देशको विकास असम्भव रहेको बताएका हुन् । सुखी नेपाली र समृद्ध नेपालका लागी युवाको सहभागीता अनिवार्य रहेको वक्ताहरुले जोड दिए ।

समाजिक संस्थाका अध्यक्ष ईब्राहिम देवानको अध्यक्षता र पूर्व संस्थाका पूर्व अध्यक्ष एवम् जनता समाजवादी पार्टी पर्साका जिल्ला अध्यक्ष रामनरेश यादवको प्रमुख आतिथ्यतामा भएकाे कार्यक्रममा गैरसरकारी संस्था महासंघ नेपाल पर्साका अध्यक्ष एवम् पत्रकार छठु साह, नेपाल पत्रकार महासंघ पर्साका उपाध्यक्ष युवराज खड्का, अधिवक्ता तथा संस्थाका सल्लहाकार बृजकिशोर पटेल, महासचिव रामप्रबेश साह, कोषाध्यक्ष अन्नत श्रेष्ठ, दिब्य युवा क्लबका निर्देशक रामाकान्त पटेल लगायतकाले शुभकामना मन्तब्य राखेको थिए ।

शिक्षाका लागी राष्ट्रिय अभियान नेपाल अन्तर्गत वीरगंजकाे राधेमाईमा रहेकाे समाजिक संस्था जिल्ला समन्वय समिती पर्साको सभाहालमा कार्यक्रम भएकाे थियाे ।

जगरनाथपुर गाउँपालिकामा फेरी चाेरी

0

वीरगंज । पर्साकाे जगरनाथपुर गाउँपालिका कार्यालयमा फेरी चाेरी भएकाे छ । गाउँपालिकाकाे राष्ट्रिय परिचय पत्र शाखाकाे लेपटप र क्यामेरा चाेरी भएकाे हाे । 

राष्ट्रिय परिचय पत्र शाखाका ताल्चा फाेडेर अज्ञात समुहले शाखाकाे ल्यापटप र क्यामेरा चाेरेर लगेकाे गाउँपालिका प्रमुख प्रशासकिय अधिकृत कष्णनन्दन रायले वताए ।

केहि दिन पहिला मात्र गाउँपालिकाकाे राष्ट्रिय परिचय पत्र शाखाका कर्मचारी माथि हातपात भएकाे थियाे । 

स्थानिय जैनुल्लाह मियाँ, भुलावन मियाँ, ताहिर हुसेन मियाँ मन्सुरीले लागु औषधको सेवान गरि मात्तिएर कर्मचारीमाथि हातपात गरेका थिए ।

साे घटनाकाे सम्बन्धमा बिहिबार मात्र इलाका प्रहरी कार्यालय पाेखरियामा भएकाे छलफलमा हातपात गर्नेहरु माफी मागेपछि सहमतीमा सुल्झिएकाे थियाे । 

यस अघि पनि जगरनाथपुर कार्यपालिकाकाे राेजगार सेवा केन्द्रमा चाेरी भएकाे थियाे । तीन महिना पहिला अज्ञात समुहले राेजगार सेवा केन्द्रमा रहेकाे इन्टरनेटकाे राउटर चाेरी गरेर लग्नुकाे साथै इन्टरनेटकाे तार काटि दिएका थिए ।

त्यसैगरी चार महिना पहिला पनि जगरनाथपुर गाउँपालिकाकाे याेजना शाखाकाे राउटर समेत चाेरी भएकाे थियाे ।

स्थानिय केही उच्छृंखल व्यक्तिहरुले गाउँपालिकाकाे कामकाज प्रभावित पार्ने उद्देश्यले गाउँपालिका कार्यालयमा सामानहरु चाेरी गर्ने गरेकाे बुझिएकाे छ । यस तर्फ प्रहरी प्रशासनकाे ध्यान जान जरुरी रहेकाे छ । 

सिम्रौनगढलाई विश्व सम्पदा सूचिमा राख्न सरकारसँग माग

0

वीरगंज । बाराको पुरातात्विक, सांस्कृतिक तथा धार्मिक र ऐतिहासिक महत्व बाेकेको सिम्रौनगढलाई विश्व सम्पदा सूचिमा सूचिकृत गर्न सरकारसँग माग गरिएको छ ।

आम जनता पार्टी निकट आईटी आर्मीका बारा जिल्ला इन्चार्ज सनि गुप्ताको नेतृत्वमा काठमाडौं पुगेका सिम्रौनगढका युवाहरुले पुरातत्व विभागका महानिर्देशक सौभाग्य प्रधानाङ्गलाई भेटेर सिम्राैनगढलाई विश्व सम्पदा सुचीमा सुचीकृत गराउन माग गर्दै ज्ञापनपत्र बुझाएका हुन् ।

ज्ञापनपत्रमा भनिएकाे छ , “हजारौं वर्ष अगाडि सिम्रौनगढ एउटा शशक्त शासन प्रशासनको केन्द्र (राजधानी) समेत रहेको विषय ईतिहासका पानाहरुमा उल्लेख छ । यस क्षेत्रमा पाउने अनगिन्ती पुरातात्विक संरचना र तीनका भग्नावशेषहरु तथा धर्तीको गर्भभित्र समाहित रहस्यहरु यस अमूल्य सम्पदाका जीवित प्रमाणहरू हुन् ।”

यहि साउन २० गतेमात्रै सिम्राैनगढमा बाटोखन्दा डढेको चामलको भण्डार भेटिएको थियो । त्यसअघि पनि सिम्राैगढमा पोखरी खन्ने क्रममा भगवान ब्रह्माको मूर्ति फेला परेको थियाे।

ज्ञापनपत्र बुझाउने टाेलीमा आइटी आर्मीका राष्ट्रिय अध्यक्ष चन्द्रभुषण साह, नविन साह, रन्जन कुशवाहा, राेशन कुशवाहा, चुनु साह, निकेश दास ,विनायक राज पाण्डे, राजेश मल्ल, मन्जित मल्ल, अरविन्द कुशवाहा, रितेश कुशवाहा, बिक्रान्त कुशवाहा लगायतका यसवाहरुको सहभागीता रहेको थियो ।

जसपा गौर हत्याकाण्डका दोषीलाई बचाउने खेलमा लाग्यो : प्रभु साह

0

वीरगंज । आम जनता पार्टीका अध्यक्ष प्रभु साहले जसपा गौर हत्याकाण्डका दोषीलाई बचाउने खेलमा लागेको आरोप लगाएका छन् । गौर घटनाको विषयमा शुक्रबार जसपाले आयोजना गरेको पत्रकार सम्मेलन पछि अध्यक्ष साहले एक प्रेस नोट सार्वजनिक गर्दै सो प्रतिक्रिया दिएका हुन् ।

साहले गौर हत्याकाण्डको छानबिनलाई प्रभावित पार्न जसपाले फेरि नयाँ खेल शुरू गरेको आरोप लगाएका छन् ।

साहले जारी गरेकाे विज्ञप्तिमा गौर हत्याकाण्ड पीडित संघर्ष समिति र गृह मन्त्रालयबीच भएको ५ बुँदे सहमतिले वर्षौदेखि ओझेलमा रहेको गौर हत्याकाण्डको छानबिन सुनिश्चित भएको र त्यसलगत्तै जसपाका अध्यक्ष उपेन्द्र यादवले विभिन्न बाहना, जालझेल एवं षड्यन्त्रपूर्ण धम्की दिएको उल्लेख छ ।

घटना लगतै पुनरावेदनका बहालवाला न्यायाधीशको नेतृत्वमा बनेको उच्चस्तरीय आयोग र मानवधिकार आयोगले दिएको प्रतिवेदनलाई अस्वीकार गरेर संसदीय छानबिन समिति गठनको माग गर्ने जसपाको जनता झुक्याउने खेल भएको आरोप साहले लगाएका छन् ।

उनले २१ औ शताब्दीको कानुनी शासनको युगमा जंगलराजको मागलाई कुनै पनि हिसाबले सही मान्न नसकिने र सरकारले दण्डहिनताको अन्त्य गर्न गौर हत्याकाण्डको छानबिन गर्नै पर्नेमा जोड दिएका छन् ।

गौर हत्याकाण्डको छानबिन गर्न उच्चस्तरीय समिति गठन गर्न जसपाकाे माग

0

वीरगंज । जनता समाजवादी पार्टी नेपाल (जसपा) ले गौर हत्याकाण्डको छानबिन गर्न उच्चस्तरीय संसदीय समिति गठन गर्न माग गरेको छ ।

शुक्रवार पत्रकार सम्मेलन गरेर जसापाले सरकार र गौर हत्याकाण्ड पीडितबिच भएको सहमतिप्रति आपत्ति जनाउँदै आफ्नो पार्टी नेतालाई फसाउन खोजिएकाे आरोप लगाएको छ ।

केही दिनअघि सरकार र पीडितबिच भएको सहमतिप्रति आफ्नो ध्यानाकर्षण भएको जनाउँदै आपत्ति प्रकट गरेको जसपाले घटनाको छानबिनको लागि उच्चस्तरीय संसदीय छानबिन समिति बनाउनुपर्ने माग गरेको हो ।

प्रवक्ता मनिष सुमनले यसअघि भएका छानबिनका प्रतिवेदन गोप्य राखेर सरकारले बदनियत पूर्ण व्यवहार गरेको आरोप लगाए ।

सर्वोच्च अदालतका तत्कालीन न्यायाधीश खिलराज रेग्मीको नेतृत्वमा बनेको छानबिन आयोग, मधेस आन्दोलनसहितका आन्दोलनका घटनाका विषयमा अध्ययनका लागि गठित गिरिशचन्द्र लाल नेतृत्वको आयोग र तत्कालीन पुनरावेदन अदालत पाटनका न्यायाधीश र सुरक्षा निकायका प्रतिनिधि सम्मिलित समितिको प्रतिवेदन सार्वजनिक गर्न पनि जसपाले माग गरेको छ ।

जातीय छुवाछूत र भेदभावकाे अन्त्य नेकपा एसले गर्छ : महासचिव भुसाल

0
वीरगंज । नेकपा (एकीकृत समाजवादी)का महासचिव घनश्याम भुसालले जातीय छुवाछूत र सबै प्रकारका विभेदको अन्त्य गर्ने स्पष्ट एजेण्डा सहित जनतामा जाने र जातीय छुवाछूत र भेदभावका मुद्दाको नेतृत्व समेत एकीकृत समाजवादी गर्नेमा जोड दिएका छन् ।
 
नेपाल दलित मुक्ति संगठनको छैठौं केन्द्रीय कमिटीको बैठक (जुम मार्फत) बोल्दै महासचिव भुसालले स्पष्ट एजेण्डा सहित जनतामा जाने र जातीय छुवाछूत र भेदभावका मुद्दाको नेतृत्व समेत एकीकृत समाजवादी गर्ने बताएका हुन् ।
 
भुसालले नेपाली जनताको ७ दशक लामो संघर्षबाट प्राप्त नेपालको संविधान र संघीय लोकतान्त्रिक गणतन्त्रको कार्यान्वयन गर्ने नयाँ युगको नेतृत्व गर्ने प्रमुख जिम्मेवारी झण्डै दुई तिहाईको कम्यूनिष्ट सरकारलाई रहेको बताउँदै जातीय छुवाछूत र सबैप्रकारका विभेदको अन्त्य गर्ने जोड दिए ।
 
समाजवादको आधार निर्माण गर्ने ऐतिहासिक अवसर नेकपा (एमाले) का अध्यक्ष केपी ओलीले गुमाएको हुनाले नेपाली वामपंथी आन्दोलनको रक्षाका लागि विद्रोह गर्नु परेको भुसालले बताए । नेपालको समृद्धिको मोडल चीन, अमेरिका वा कुनै अमूक देशको जस्तो नभई नेपाली समाजको विशेषतामा आधारित हुने र त्यसको नेतृत्व नेकपा (एकीकृत समाजवादी) ले गर्ने महासचिव भुसालले बताए ।
 
बैठकमा नेकपा (एकीकृत समाजवादी) का उपमहासचिव तथा मोर्चा संगठन प्रमुख कमरेड डा. विजय पौडेलले पार्टीका दस्तावेजहरु र निर्वाचन घोषणा पत्र सबै पार्टीभन्दा स्पष्ट दृटिकोण पार्टीको रहेको स्मरण गराउँदै कार्यान्वयनमा सम्पूर्ण शक्तिका साथ अघि बढ्न आव्हान गरे ।
 
देशैभरि घटेका जातीय छुवाछूतका घट्नाका विरुद्ध पार्टीले विरोध गर्दै दोषीलाई कारवाहीकाे माग गरेको जानकारी दिए । जबसम्म दलितहरुको राजनीतिक सहभागिता, आर्थिक सशक्तिकरण र साँस्कृतिक सचेतना हुदैन तबसम्म दलित समस्या हल नहुने बताउँदै सोही अनुसार योजना प्रस्ताव गर्न संगठनलाई सुझाव दिए ।
 
नेपाल दलित मुक्ति संगठन पनि पार्टीको अभिन्न अंग भएकोले उसले व्यक्त गर्ने धारणा र खेल्ने भूमिका पार्टीको हुने र दलित सम्बन्धी निति र कार्यक्रम निर्माण दलित मुक्ति संगठनले बनाउनुपर्ने कुरामा पौडेलले जोड दिए ।
 
बैठकलाई नेपाल दलित मुक्ति संगठनका सल्लाहकार कमिटी संयोजक तथा नेकपा (एकीकृत समाजवादी) का पोलिटब्यूरो सदस्य कमरेड नीरा जैरुले संगठनले आन्तरिक रुपमा पार्टीलाई दवाव दिनुपर्ने र बाह्यरुपमा एकताबद्ध भएर संघर्ष गर्नुपर्नेमा जोड दिइन् ।
 
नेपाल दलित मुक्ति संगठनका अध्यक्ष गणेश विश्वकर्माको अध्यक्षतामा बसेको सो बैठकमा संगठनका महासचिव घनश्याम रिजालले साँठनिक प्रतिवेदन पेश गरेका थिए । उक्त साँठनिक प्रतिवेदन सुझाव सहित पारित गर्दै संगठनको छैठौं राष्ट्रिय सम्मेलन आगामी मंसिरमा सम्पन्न गर्ने र सम्मेलन सम्पन्न गर्न तीन महिने “दलितसंग दलित मुक्ति संगठन” संगठन निर्माण अभियान” संचालन गर्ने निर्णय गरेको छ ।
 
बैठकले ८ बुंदे समसमायिक राजनीतिक प्रस्ताव समेत पारित गरेकाे छ । मुलुकको विभिन्न क्षेत्रमा बाढी तथा पहिरोको कारण ठूलो धनजनको क्षेति भएकोप्रति गम्भिर हुंदै तत्काल उद्धार र राहातको व्यवस्था गर्न माग गरेकाे छ । 
 
यसैगरी बैठकले गोरखा जिल्लाका सन्तोष नेपाली र धादिङकी बविता श्रेष्ठबीचको अन्तरजातीय विवाहमा झुठ्ठा मुद्दामा फसाइएको घट्ना, सिराह जिल्लाको भगवानपुरको छुवाछूतको घट्ना, जुम्लाको मुकुन्द नेपाली र बसन्ती गिरीबीचको प्रेम सम्बन्धलाई लिएर गरेको आगजनी, हुम्लाको दलित लाशमाथिको बहिष्कार लगायतका देशका विभिन्न स्थानमा एकपछि अर्को श्रृंखलाबद्ध रुपमा दलितहरुमाथि जातीय भेदभावका घटना घटाइनु र झुठ्ठा मुद्दामा फसाउने कार्यप्रति ध्यानाकर्षण भएको जनाउँदै सबै घट्नाको एकमुष्ठ छानवीन गरी पीडितलाई न्यायसहित क्षेतिपूर्ति र अपराधीलाई कार्वाही गर्न ठोस कदम चाल्न माग समेत गरेकाे छ ।
 
यस्तै बैठकले संगठनका उपाध्यक्ष बाराका श्रीप्रसाद पासवान र कपिलवक्तुकी मीना परियारको पूर्ण स्वास्थ्य लाभको कमना गरेकाे अध्यक्ष विश्वकर्माद्वारा जारि विज्ञप्ती उल्लेख छ ।

स्थानीयलाई रोजगारीमा प्राथमिकता दिने उधोगलाई परवानिपुर गापाद्वारा कर छुट

0

वीरगंज । बाराको परवानीपुर गाउँपालिकाले उद्योग, व्यवसाय तथा कलकारखानाहरूलाई अनिवार्य रूपमा व्यवसाय दर्ता गर्न आग्रह गरेको छ ।

एउटा सूचना जारी गर्दै गाउँपालिका कार्यालयले परवानीपुर क्षेत्रमा सञ्चालित उद्योग, व्यवसाय तथा कलकारखानाहरूलाई अनिवार्य रूपमा व्यवसाय दर्ता गर्दै वार्षिक व्यवसाय कर चुक्ता गर्न आग्रह गरेको हो ।

‘यस परवानीपुर गाउँपालिका क्षेत्रभित्र रहेका उद्योग, व्यवसाय तथा कलकारखाना सञ्चालन गर्न चाहने व्यक्ति वा संस्थाले गाउँपालिकामा अनिवार्य व्यवसाय दर्ता गरी व्यवसाय इजाजत प्रमाण पत्र लिनु पर्ने र वार्षिक रूपमा व्यवसाय कर तिर्नु सबैको दायित्व हुन आउँछ,’ गाउँपालिकाद्वारा जारी सूचनामा लेखिएको छ ।

कार्यालयमा व्यवसाय दर्ता गराएका व्यवसायीहरूले चालू आर्थिक वर्ष भरीको व्यवसाय कर एकमुष्ट रूपमा बुझाए लाग्ने शुल्कमा ४० प्रतिशत छुट समेत दिने गाउँपालिकाले जनाएको छ । ‘आर्थिक वर्ष लागि आर्थिक ऐन २०८०/०८१ को दफा १९ बमोजिम चालु आर्थिक वर्ष २०८०/०८१ को व्यवसाय कर अग्रिम रूपमा आश्विन मसान्तसम्म एकमुष्ट बुझाएमा व्यवसायीलाई व्यवसाय करमा लाग्ने शुल्कमा ४० प्रतिशत छुटको व्यवस्था रहेकोले तोकिएको समय भित्र व्यवसाय कर बुझाई यो अवसरको फाइदा लिन हुनको लागि सम्बन्धित सबैमा जानकारीको लागि यो सूचना प्रकाशित गरिएको छ,’ सूचनामा उल्लेख छ ।

त्यस्तै स्थानीय युवाहरूलाई रोजगारीमा प्राथमिकता दिने उद्योग, व्यवसाय तथा कलकारखानालाई गाउँपालिकाले करमा थप सहुलियत पनि दिने जनाएको छ ।

दश जनाभन्दा धेरै रोजगारी सृजना गर्ने उद्योग, व्यवसाय तथा कलकारखानाले  त्यसको ५० प्रतिशत गाउँपालिका क्षेत्रका स्थानीय बासिन्दालाई रोजगारी दिएको प्रमाण पेस गरेमा व्यवसाय करमा थप १५ प्रतिशत छुट दिने गाउँपालिकाका प्रमुख प्रशासकीय अधिकृत मुन्ना साह रौनियारले जानकारी दिए ।

कांग्रेस प्रचार प्रसार विभागमा पर्साबाट गुप्ता र पाैडेल मनाेनित

0

वीरगंज । नेपाली काङ्ग्रेसले मधेस प्रदेशका आठ वटै जिल्लाबाट सञ्चार तथा प्रचार प्रसार विभागमा १९ जनालाई सदस्यमा मनोनयन गरेको छ ।

पार्टीका प्रदेश सदस्य नितेश कुमार गुप्ता प्रमुख रहेको काङ्ग्रेस मधेस प्रदेश सूचना सञ्चार तथा प्रचारप्रसार विभागमा जिल्लाको जिम्मेवारीमा १९ जनालाई मनोनयन गरिएको हो ।

विभागमा पर्साबाट दुई जना परेका छन् । पर्साबाट नीलिमा पौडेल र राहुल गुप्तालाई मनोनीत गरिएको काङ्ग्रेस मधेस प्रदेशका सभापति कृष्णा यादवले जानकारी दिए । 

पौडेल नेपाल प्रेस युनियनकी केन्द्रीय सदस्य हुन् भने गुप्ता प्रेस युनियन मधेस प्रदेशको लेखा समिति सदस्य हुन् । काङ्ग्रेसको प्रचार प्रसार विभागको सदस्यमा सप्तरीकी जाल्पाना कुमारी सदा, सुधा देवी र ललिता साह, सिरहाका विनोद मण्डल र विन्दु सिंह, धनुषाका निरञ्जन साह र कमल साह, महोत्तरीका सन्तोष सिंह र हदिस खुदारलाई मनोनीत गरिएको छ ।

यस्तै सर्लाहीका निकेश त्रिपाठी, रोशन कुमार साह, रौतहटका सागर हुमागाईँ, प्रभात कुमार झा र राजेश्वर पाण्डे, बाराका सन्दीप यादव, सिकिन्द्र पासवान र अञ्जलि गुप्तालाई पनि मनोनयन गरिएको छ ।