Date
सोम, कार्तिक ३०, २०८३
Mon, November 16, 2026
Home Blog Page 506

नेपालका लागि नेपाली पार्टीकाे कार्यक्रममा ७० जनाद्वारा रक्तदान

0

वीरगंज । नेपालका लागी नेपाली पार्टी पर्साकाे आयाेजनामा शनिबार वीरगंजमा रक्तदान कार्यक्रम सम्पन्न भएकाे छ । वीरगंजकाे घण्टाघरस्थित चौकमा भएकाे कार्यक्रममा ७० जनाले रक्तदान गरेकाे रक्त संचार केन्द्र वीरगंजले जनाएकाे छ ।

पार्टीका पर्सा जिल्ला अध्यक्ष अनिल कुर्मी अध्यक्षतामा भएकाे कार्यक्रमकाे उद्घाटन रक्तदान गरेर पार्टीका केन्द्रिय अध्यक्ष संतोषानन्द महाराजले गरेका थिए ।

साे कार्यक्रममा अंकित शाक्य, रबी मिश्रा, पुस्कर तिवारी, रितेश गुप्ता, राकेश साह,  प्रणय सिन्हा, अनिल कुर्मी, आनन्द सिंह, पारस द्विवेदी, रोहित पटेल, संदीप पटेल, धीरेन्द्र यादव, सुबास पटेल, रामाबाबू अधिकारी, महमद रियाज, सागिर अंसारी, चन्द्रकांत पासवान, जितेन्द्र चौधरी संतोष कुशवाहा, विकास पटेल, अरविंद चौधरी, उमेश साह, विनय साह, संजीव कांत झा, कृष्ण कांत झा, दीपु गिरी, अग्नी प्रसाद भुसाल, राजाबाबू चौरसिया लगायतले रक्तदान गरेका हुन् ।

पार्टीका केन्द्रीय अध्यक्ष संतोषा नन्द महाराजकाे प्रमुख आतिथ्यतामा भएकाे कार्यक्रममा पार्टीका सचिव तुलसी पौडेल, प्रवक्ता अग्नी प्रसाद भुसाल, केन्द्रीय सदस्य बिनोद कुर्मी, पिया सिंह, मधेस प्रदेश उपाध्यक्ष मुना गुप्ता, सह-सचिव रामप्रसाद कुर्मी, कोषाध्यक्ष पारस द्विवेदी, प्रबक्ता डा. विकास पटेल, मधेस प्रदेश सदस्य विभा साह, पर्सा जिल्ला उपाध्यक्ष पवन गुप्ता, सचिव नवीन मिश्रा, सह सचिव आनन्द सिंह, कोषाध्यक्ष प्रणय सिन्हा लगायतकाे उपस्थिति रहेको थियो ।

जगरनाथपुरमा एमालेकाे पार्टी प्रबेश कार्यक्रम सम्पन्न

0

वीरगंज । पर्साकाे जगरनाथपुर गाउँपालिकामा शनिबार नेकपा एमालेकाे पार्टी प्रबेश कार्यक्रम सम्पन्न भएकाे छ । नेकपा एमाले जगरनाथपुर गाउँपालिका अध्यक्ष तबरेज अन्सारीकाे अध्यक्षतामा भएकाे कार्यक्रममा नेपाली कांग्रेस परित्याग गरि एक दर्जन भन्दा बढीले एमाले प्रबेश गरेकाे एमाले मधेश प्रदेश कमिटीका सदस्य सलाउदीन अहमदले जानकारी दिए ।

कार्यक्रममा नेपाली कांग्रेस परित्याग गरि कन्हैया द्विबेदी, राजदेव राउत कुर्मी, असर्फी राम, भिखारी राम, जनफ राम, अब्दुल हकिम, बलिराम साह रौनियार, असरफ मियाँ, रुकसान खा, प्रमोद राम, छोटेलाल राम, काबली देवान, प्रमोद देवान, बासदेव राम लगायतले एमाले प्रबेश गरेकाे उनले वताए ।

एमाले प्रदेश कमिटी सदस्य जालिम मियाँ मन्सुरीकाे प्रमुख आतिथ्यतामा भएकाे पार्टी प्रबेश कार्यक्रममा एमालेका नेता बिरेन्द्र प्रसाद यादव, सलाउदिन अहमद, कृष्णमोहन प्रसाद यादव, दिपेन्द्र चौधरी लगायतले शुभकामना मन्तव्य राखेका थिए भने कार्यक्रमकाे संचालन मदिश गद्दीले गरेका थिए ।

वीरगंज बनाउन सबैको साथ आवश्यक : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंज बनाउन सबैको साथ र सहयोग अपरिहार्य रहेको बताएका छन् । लायन्स क्लब अफ इन्टरनेशनलको आयोजनामा शुक्रबार आयोजित मेडिकल सामग्री हस्तान्तरण कार्यक्रमलाई सम्बोधन गर्दै उनले वीरगंजलाई समृद्ध बनाउन लायन्स लगायत सबैको साथ र सहयोग आवश्यक रहेको बताएका हुन् ।

लायन्स क्लबले वीरगंज र यस क्षेत्रमा गरेको कामको सह्राना गर्दै उनले आउँदा दिनमा वीरगंजकाे आवश्यकता र यहाँका नागरिकको चाहना बमोजिमका कार्यक्रम संचालन गर्न पनि आग्रह गरे ।

लायन्ससँग सहकार्य गर्दै महानगर अघि बढ्न तयार रहेको भन्दै मेयर सिंहले महानगरले स्थापना गरेर संचालनको तयारी गरेको वीरगंज जनस्वास्थ्य प्रयोगशालामा केही उपकरणहरु आवश्यक रहेकाले त्यसको व्यवस्था गरिदिन आग्रह गरे ।

लायन्स क्लब अफ इन्टरनेशनलका डिएन अग्रवालले शिक्षा स्वास्थ्यको क्षेत्रमा लायन्स क्लबले काम गर्दै आएको जानकारी दिदै आफूहरु महानगरसँग सहकार्य गरेर अघि बढ्न सँधै तयार रहेको बताए । महानगरको प्रयोगशालालाई आवश्यक परेको उपकरण उपलब्ध गराउन लायन्स तत्पर रहेको भन्दै अग्रवालले यसबारे छिट्टै निर्णय दिने पनि बताए ।

क्लबले आँखाको रेटिना सम्बन्धी उपचारका लागि अति आवश्यक उपकरण मेयर सिंहले परवानिपुर स्थित केडिया आँखा अस्पताललाई हस्तान्तरण गरेका थिए । करिब ८५ लाख रुपैयाँको उपकरण हस्तान्तरण भएको र यो उपकरणले आँखाको रेटिनाको शल्यकृया गर्न सहज हुने अस्पतालका संचालक राजेश केडियाले विश्वास व्यक्त गरे ।

अहिले पनि नेपाल भारत लगायत विभिन्न स्थानका आँखाका समस्या भएका व्यक्तिहरुको उपचार गरिरहेको अस्पतालले यो उपकरण पछि अब आँखाको कुनै पनि समस्याको समाधानका लागि बाहिर जानु पर्ने बाध्यता हट्ने उनको विश्वास छ ।

मेडिसिटी बयोधा हस्पिटललाई पनि ४ थान डायलासिस मेसिन सहयाेग

यस्तै शुक्रबार नै क्लबले नेपाल मेडिसिटी बयोधा हस्पिटललाई पनि ४ थान डायलासिस मेसिन हस्तान्तरण गरेको छ । अस्पतालले डायलासिसका लागि निशुल्क व्यवस्था मिलाएकाले त्यहाँ जाने मृगौला बिरामीका लागि सहज होस भनेर आफूहरुले मेसिन उपलब्ध गराएको लायन्स क्लब इन्टरनेशनलका डिएन अग्रवालले जानकारी दिए ।

अस्पतालले यस अघि देखि नै डायलासिस निशुल्क गरिरहेको र अहिले प्राप्त उपकरणबाट पनि थप निशुल्क गर्न आफूहरुलाई उत्साह थपिएको अस्पतालले जनाएको छ ।

कालोबजारीको आरोपमा बहुदरमाईका साह पक्राउ

0

वीरगंज । एलपी ग्याँसको कालो बजारी गरेको आरोपमा पर्साकाे बहुदरमाई नगरपालिकाबाट एक जना व्यवसायीलाई प्रहरीले नियन्त्रणमा लिएको छ ।

प्रहरीले बहुदरमाई नगरपालिका वडा नं. ४ बहुअरी पिडारीस्थित रहेकाे बिराज ट्रेडर्सका भरत साहलाई नियन्त्रणमा लिएको हो । भरत बिराज ट्रेड्सका सञ्चालक अनिल साहका पिता हुन् ।

एलपी ग्याँसको सिलिन्डर हुँदाहुँदै पनि उपभोक्तालाई फिर्ता पठाएर ठगी गर्न खोजेको आरोपमा उनलाई नियन्त्रणमा लिइएको प्रहरी चौकी डकैला बहुअरीका प्रमुख प्रहरी सहायक निरीक्षक (असई) नगिना प्रसाद यादवले जानकारी दिए । 

असई यादवका अनुसार पक्राउ परेका भरतले पेट्रोलियम पदार्थमा भएको मूल्यवृद्धि लागू नहुँदै उपभोक्तासँग वृद्धि भएको रकमसहित पैसा लिएका छन् । पैसा लिए पनि उनले उपभोक्तालाई ग्याँस लिन भने १२ बजे पछि आउन भनेका थिए । 

‘पसलमा भरेको ग्याँस सिलिन्डर हुँदाहुँदै पनि छैन भनेर उपभोक्तालाई फिर्ता पठाउने र एडभान्स रकम लिएको गुनासो आएपछि हामी आफ्नो टोलीसहित त्यहाँ ‘पुग्दा पसलमा २५-३० वटा ग्यास सिलिन्डर भरेको अवस्थामा मौज्दात रहेको  भेटिएपछि भरतलाई नियन्त्रणमा लिएकाे असई यादवले वताए ।

आजपाकाे केन्द्रिय समिति पुर्नगठन र सातै प्रदेशकाे जिम्मेवारी बाँडफाड

0

वीरगंज । आम जनता पार्टीकाे भदाै ११ र १२ गते सम्पन्न दाेस्राे केन्द्रिय पूर्ण बैठककाे निर्णय शुक्रबार सार्वजनिक गरिएकाे छ । पार्टी अध्यक्ष प्रभु साहकाे अध्यक्षतामा काठमाडाैंकाे कमलादीस्थित प्रज्ञा प्रतिष्ठानमा बसेकाे बैठककाे ७ निर्णयहरु सार्वजनिक गरिएकाे हाे । 

बैठकले पार्टी अध्यक्ष प्रभु साहद्वारा लिखित “भगाैडा दलाल सत्ताकाे भण्डाफाेर गराैं ! जनसंघर्षकाे बाटाेमा अधि बढाैं” मुल्य नारा रहेकाे १८ पृष्ठ लामाे एतिहासिक राजनीतिक प्रतिवेदन व्यापक छलफलसहित सर्वसहमतिले पारित गरेकाे छ ।

बैठक कै क्रममा नेकपा एसकी केन्द्रिय नेतृ एवम् निर्वतमान सांसद समिना हुसेन पार्टीमा प्रबेश गरेकाेमा पार्टी अध्यक्ष साहद्वारा स्वागत गर्नुकाे साथै बैठकले समिना हुसैन र ज्ञानेन्द्र कुमार तामाङलाई पार्टीकाे केन्द्रिय सचिवकाे जिम्मेवारी दिने निर्णय गरेकाे पार्टीका महासचिव उपेन्द्र साहले जानकारी दिए । 

यसैगरी बैठकले केन्द्रिय समितिकाे पुर्नगठन गर्दै सातै प्रदेश तथा जनसंगठनहरुकाे जिम्मेवारी समेत ताेकेकाे महासचिव उपेन्द्र साहद्वारा जारि विज्ञप्तीमा उल्लेख गरिएकाे छ ।

विज्ञप्ती अनुसार प्रदेश नं. १ काे इन्चार्ज रामपृत राम, सह इन्चार्ज हरिप्रसाद पाेखरेल, प्रदेश अध्यक्ष जुरिलाल माेची, सचिव विनु किरातीलाई जिम्मेवारी दिएकाे छ । बैठकले मधेश प्रदेशकाे इन्चार्ज सुधिर यादव, सह इन्चार्ज श्रीचन मुखिया, प्रदेश अध्यक्ष उमेश कुशवाहा र सचिव ममता शर्मालाई ताेकेकाे छ ।

यसैगरी बैठकले बागमती प्रदेश इन्चार्ज अरुण घिसिङ, सह इन्चार्ज ज्ञानेन्द्र कुमार तामाङ, अध्यक्ष रमेश थपलिया, सचिव मिन बहादुर खत्री, गण्डकी प्रदेशकाे इन्चार्ज तिलक थापा मगर, अध्यक्ष भाेजरा त्रिपाठी, सचिव हरि थापा, लुम्बनी प्रदेशकाे इन्चार्ज बद्री न्याैपाने, सह इन्चार्ज प्रमानन्द बर्मा, अध्यक्ष बिक्रम चाैधरी, सचिव आशा संजेललाई जिम्मेवारी दिएकाे छ ।

यसैगरी बैठकले कर्णाली प्रदेशकाे इन्चार्ज तिलक थापा, संयाेजक हरि बाेहाेरा, सुदुर पश्चिम प्रदेशकाे इन्चार्ज बद्री न्याैपाने र संयाेजक जागेश्वर बुढा क्षेत्रीलाई जिम्मेवारी ताेकेकाे छ । 

पेसागत महासंघ पर्साकाे जिल्ला भेला सम्पन्न, अध्यक्षमा सिंह

0

वीरगंज । पेसागत महासंघ नेपाल पर्साकाे जिल्ला भेला शुक्रबार सम्पन्न भएकाे छ । वीरगंजस्थित नारायणी अस्पतालमा भएकाे भेलाले रामबाबु सिंहको अध्यक्षतामा १५ सदस्यीय कमिटी गठन गरेकाे छ ।

नवगठित कमिटीकाे उपाध्यक्षमा राजेश्वर कुशवाहा, रिंकु साह, सचिवमा शिवनाथ प्रसाद थारु, सह सचिवमा राजेश चाैहान, काेषाध्यक्षमा अखिलेश सहनी सर्वसहमत चयन भएका छन् ।

यसैगरी कमिटीकाे सदस्यमा लालमहमद अंसारी, रामेश्वर साह, धर्मेन्द्र चाैबे, अमरदेव प्रसाद यादव, विजय महताे, मनिषा पाण्डे, सुनिता साह, शत्रुधन गिरी लगायतका चयन भएका हुन् ।

पेशागत महासंघ नेपाल, पर्साकाे जिल्ला भेला तथा समिति गठन कार्यक्रममा नेकपा एमालेका केन्द्रिय सदस्य अरविन्द सिंह, जिल्ला संयाेजक डा. बिश्वभर शर्मा, एमाले निकट स्वास्थ्य संगठनका संताेष सिंह, शिक्षक संगठनका विनाेद गिरी, निजामती कर्मचारी संगठनका राज कुशवाहा, सुनिल राैनियार लगायतकाे उपस्थिती रहेकाे थियाे । 

रास्वपा पर्सा क्षेत्र नं. ४ काे सभापतिमा मिश्रा

0

वीरगंज । राष्ट्रिय स्वतन्त्र पार्टी (रास्वपा) ले पर्सा क्षेत्र नं. ४ काे सभापतिकाे जिम्मेवारी जितेन्द्र कुमार मिश्रालाई दिएकाे छ । रास्वपा पर्सा जिल्ला कार्यालयले क्षेत्र समितिकाे जिम्मेवारी बाँडफाड गर्दै सभापतिकाे जिम्मेवारी मिश्रालाई दिएकाे हाे ।

यसैगरी पर्सा क्षेत्र नं‍. ४ काे उपसभापतिमा प्रजिता पंडित, सचिवमा संताेष कुमार साह र सदस्यमा कमाेध्या प्रसाद चाैधरीलाई चयन गरिएकाे रास्वपा पर्साका संयाेजक दिलिप कुमार कुर्मीले जानकारी दिए ।

पार्टीकाे पर्सा जिल्ला कार्यालयले पदिय जिम्मेवारी बाँडफाडकाे जानकारी पार्टी संगठन विभाग मधेश प्रदेशलाई समेत जानकारी गराएकाे छ । बुधबार बसेकाे पार्टीकाे पर्सा जिल्ला कार्यालयकाे बैठकमा जिल्ला उप संयाेजक तुल्सा पाैडेल अधिकारी, प्रदेश सदस्य पुरुषाेत्म देव उपाध्याय लगायतकाे उपस्थिती रहेकाे थियाे ।

वीरगंजका नेवार समूदायले मनाए गईजात्रा

0

वीरगंज । वीरगंजमा शुक्रबार नेवार समूदायले सापारु अर्थात गईजात्रा पर्व धुमधामका साथ मनाएका छन् । एक वर्ष भित्र दिवंगत भएका परिवारका सदस्यको सम्झनामा गाईजात्रा निकाल्ने प्रचलन अनुरुप वीरगंज सापारु समितिको आयोजनामा गाईजात्रा निकालिएको हो ।

वीरगंजस्थित अखत अतिथि सदनबाट निकालिएको जात्रा महाविरस्थान, माईस्थान मन्दिर, विर्ता हुँदै पुनः अतिथी सदनमा आएर समापन भएको थियो । दिवंगत आफन्तको सम्झनामा गाई वा मानिसलाई गाईको रुपमा सिँगारी आ–आफ्ना टोलमा परिक्रमा गराउने र उनीहरुलाई श्रद्धालुद्धारा दूध, फलफूल, रोटी, चिउरा दहीका साथै अन्न र द्रव्य दान गरिने चलन रहेको वीरगंज सापारु समितिका अध्यक्ष सञ्जय जोशीले जानकारी दिए ।

यसले वर्ष भरी मृत्यु भएका व्यक्ति गाईको पुच्छर समाई वैतरणी पार हुने धार्मिक विश्वास रहेको उनले बताए । मल्लकालीन राजा प्रताप मल्लले पुत्रशोकले विह्वल भएकी आफ्नी रानीलाई सहरका अन्य बासिन्दाले पनि यस्तै शोक बेहोरिरहेका छन् भन्ने देखाएर रानीको चित्त बुझाउन गाईजात्राको परम्परा थालेको इतिहासमा उल्लेख गरिएको नेवाः समूदायका बुद्धिजिवीहरुले बताएका छन् ।

पत्रकारिता क्षेत्रको स्तरवृद्धिका लागि महानगर तयार छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले पत्रकारिता क्षेत्रको स्तरवृद्धिका लागि महानगर सँधै हातेमालो गर्न तयार रहेको बताएका छन् ।

वीरगंजबाट प्रकाशित मध्य नेपाल सन्देस साप्ताहिक पत्रिकाको आठौँ वर्षिकोत्सवको अवसरमा आयोजित कार्यक्रमलाई सम्बोधन गर्दै उनले पत्रकारिता क्षेत्रमा कृयाशील रहेका महिला पत्रकाहरुको क्षमता बृद्धि तथा स्थायित्वका लागि महानगर मिलेर काम गर्न सँधै तयार रहेको बताएका हुन् ।

उनले केही पत्रकार भनिएकाहरुको खराब प्रवृत्तिका कारण समग्र पत्रकारिता क्षेत्र नै बदनाम हुने अवस्था आएको भन्दै त्यसका लागि पत्रकारसँग सम्बद्ध संस्थाहरु नै जागरुक भएर शुद्धिकरण गर्न जरुरी रहेको पनि बताए ।

वार्षिकोत्सवका अवसरमा पत्रिकाले विभिन्न व्यक्तिहरुलाई सम्मान समेत गरेकाे हाे ।

बाराकी पत्रकार महिला शारदा पोखरेललाई १० हजार रुपैयाँ सहित उत्कृष्ट महिला पत्रकारिता पुरस्कारबाट सम्मानित गरेको छ । यस्तै बरिष्ठ टेलिभिजन पत्रकार उपेन्द्र ठाकुर, युवा पत्रकार जियालाल साहलाई पनि पत्रिकाले १०/१० हजार पुरस्कारबाट सम्मानित गरेकाे हाे ।

युवा चित्रकार अजमत अली, स्तम्भकार शुदर्शनराज पाण्डे, स्व. उमाशंकर द्विवेदी (दधिचीलाई मरणोपरान्त सम्मान, पत्रिका वितरक सतेन्द्र वर्णवाललाई नगद ५ हजार सहित पुरस्कृत गरिएको पत्रिकाले जनाएकाे छ ।

पत्रिकाकी सम्पादक कविता खड्काकाे अध्यक्षतामा भएकाे कार्यक्रममा पर्साका प्रमुख जिल्ला अधिकारी हिरालाल रेग्मी, मधेश विश्व विद्यालयका उपकुलपति डा. दिपक शाक्य, नेपाल पत्रकार महासंघका केन्द्रीय सचिव दिपेन्द्र चौहान, केन्द्रिय सदस्य केसी लामिक्षाने, वरिष्ठ पत्रकार चन्द्र किशोर झा, नेकपा एमालेका पर्सा संयाेजक डा. विश्वम्भर शर्मा, जसपा पर्साका सचिव तबरेज अहमद, डा. सुस्मा तिवारी द्विवेदी, अधिवक्ता कमल माेहन पाेखरेल, डा. लक्ष्मी थापा, सलमा खातुन लगायतको सहभागिता रहेको थियो ।

अर्बौँ बक्यौता नतिरेका उद्योगलाई कुलमानले संरक्षण दिएको सांसद यादवको आरोप

0

वीरगंज । जनता समाजवादी पार्टी नेपाल (जसपा) का प्रमुख सचेतक प्रदीप यादवले नेपाल विद्युत् प्राधिकरणको लापरबाहीका कारण देशले अर्बौँ रुपैयाँ राजश्व गुमाएको आरोप लगाएका छन् ।

नेपाल विद्युत् प्राधिकरणले लोडसेडिङ हुने बेला उद्योगहरूलाई कहिल्यै लाइन नजाने गरी दिएको डेडिकेटेट र ट्रङ्क विद्युतीय सेवा बापत ५८ उद्योगबाट महसुल नउठाउँदा देशले अर्बौँ रुपैयाँ राजश्व गुमाइरहेको आरोप लगाएका हुन् ।

मङ्गलवार बसेको प्रतिनिधिसभा बैठकमा बोल्दै पर्सा निर्वाचन क्षेत्र नम्बर १ का सांसद समेत रहेका यादवले जगदम्बा स्टिल, डाबर नेपाल, शिवम सिमेन्ट, अग्नि सिमेन्ट, सम्राट् सिमेन्ट, घोराइ सिमेन्टलगायतका ५८ वटा उद्योगहरूबाट नेपाल विद्युत् प्राधिकरणले झन्डै १० अर्ब १४ करोड ८ लाख रुपैयाँ महसुल नउठाउँदा देशको राजश्व गुमिरहेको बताए  ।

यादवका अनुसार नेपालमा २०७२ साल तिर लोडसेडिङको समस्या चलिरहेको बेला नेपाल सरकारले तराईका विभिन्न जिल्लामा सञ्चालित उद्योगहरूलाई सहुलियत दिनका निमित्त डेडिकेटेड फिडरबाट २९८ उद्योगहरूले लाइन दिएको थियो । ‘उद्योगमध्ये केहीले डेडिकेटेड फिडरबाट विद्युत् प्रयोग गरे, तर त्यस बापतको बक्यौता भने तिरेनन्,’ उनले भने, ‘पछि अदालतले समेत उनीहरूलाई बक्यौता तिर्नुपर्छ भने आदेश दियो तर विद्युत् प्राधिकरणका प्रमुख कुलमान घिसिङले त्यसमा ध्यान पुर्‍याएनन् । कसको आशीर्वाद थियो, कस्तो लाभले, के कमजोरीले, कसको डरले कुलमान घिसिङज्यूको त्यहाँ ध्यान पुगेन या किन पैसा असुलीमा अटेरी भयो ?’

उनले संसद्को सार्वजनिक लेखा समितिले पनि ३५ दिनभित्र प्राधिकरणको बक्यौता रकम उठाउन निर्देशन दिए पनि लागू नभएको बताए । ती उद्योगीहरूले फेसबुकमा नयाँ प्राडो किनेको, नयाँ गाडी किनेको फोटो फेसबुकमा हाल्ने गरेको तर विद्युत् महसुल भने तिर्ने नगर्दा पनि सरकारले ध्यान नदिएको बताए ।

उद्योगहरूले महसुल नबुझाउँदा पनि नेपाल विद्युत् प्राधिकरण मौन बस्नु शङ्कास्पद भएको उनको भनाई छ । उनले सामान्य जनताले बिद्युत् महसुल नतिर्दा प्राधिकरणले २५ प्रतिशतसम्म जरिवाना लगाउने र लाइने काट्ने गरे पनि उद्योगीहरूबाट अर्बौँ रुपैयाँ उठाउँदा बाँकी रहँदा पनि प्राधिकरणले उनीहरूको संरक्षण गरिरहेको भन्दै आक्रोश व्यक्त गरे ।

पूर्व वन तथा वातावरण मन्त्री समेत रहेका यादवले सरकारको यसमा ध्यान पुग आवश्यक रहेको बताए ।