Date
सोम, कार्तिक ३०, २०८३
Mon, November 16, 2026
Home Blog Page 505

वीरगंजलाई आर्थिक रुपमा सबल बनाउनु पर्छ : मेयर सिंह

0

वीरगंज । वीरगंज महानगरपालिकाका मेयर राजेशमान सिंहले वीरगंजलाई आर्थिक रुपमा सबल बनाउनुपर्नेमा जोड दिएका छन् । आर्थिक नगरीको रुपमा परिचित वीरगंजलाई आर्थिक रुपमा सबल बनाउनका लागि महानगरले काम गरीरहेको महानगर प्रमुख सिंहको भनाई छ ।

मंगलवार भारत गुजरातको क्लस्टर पल्स इकोनोमिक डेभलपमेन्टका संस्थापक एवम् अध्यक्ष डा. जगत शाहसँगको भेटवार्ताका क्रममा उनले आर्थिक क्षेत्रको सुधार बिना अन्य क्षेत्रमा विकास गर्न नसकिने धारणा राखे । औद्योगिक एवम् आर्थिक नगरी वीरगंजमा डा. शाहलाई स्वागत गर्दै उनले समृद्धि र विकासका लागि आर्थिक, भौतिक एवम् नीतिगत सहयोग र सहकार्यका लागि महानगर तयार रहेको बताए ।

डा. शाहले पनि भारतको तर्फबाट दीगो उपलब्धी हुने खालका योजनामा लगानी गर्न तयार रहेको बताउँदै त्यसको लागि वातावरण निर्माण गर्न आग्रह गरे । नेपाल र भारतबीचको रोटीबेटीको सम्बन्ध रहेको स्मरण गर्दै उनले भारतीय लगानी ल्याउने वातावरण बनाउनुपर्ने आवश्यक्ता औल्याए ।

सो अवसरमा वीरगंज महानगरपालिकाका आर्थिक सल्लाहकार एवम् नेपाल भारत सहयोग मञ्चका अध्यक्ष अशोक वैद्य, वरिष्ठ पत्रकार एवं विश्लेषक चन्द्रकिशोर झा, भारतीय दुतावास वीरगंजका प्रतिनीधि लगायतको उपस्थिती रहेको थियो ।

जसपा पर्साको बिस्तारित बैठक सम्पन्न

0

वीरगंज । जनता समाजवादी पार्टी (जसपा) नेपाल पर्साको बिस्तारित बैठक साेमबार वीरगंजमा सप्पन्न भएको छ । जसपा पर्साका जिल्ला अध्यक्ष रामनरेश प्रसाद यादवकाे अध्यक्षता र मधेस प्रदेशको निबर्तमान मुख्यमन्त्री लालबाबु राउतको प्रमुख अतिथ्यमा भएको बैठक सम्पन्न भएकाे हाे ।

बैठकलाई सम्बाेधन गर्दै प्रमुख अतिथी राउतले पार्टीको संगठन निर्माणको विकल्प अरुकेही नभएको बताए । उनले अहिले केही संघीयता बिरोधी तत्वले गौर घटनालाई मलजल गरेको प्रती पार्टी गम्भीर भएको वताए । साथै संघीयतामा प्रहार भइरहेको पनि बताउँदै उनले त्यसैले आमनेता कार्यकर्ता यसप्रति गम्भीर भएर लाग्नु पर्ने धारण राखे ।

कार्यक्रममा जसपा मधेस प्रदेशका अध्यक्ष रामबाबु कुमार यादवले सरकारले १७ बर्ष पहिले भएको गैर घट्नालाई लिएर पीडितहरुसङ्ग गरेको सम्झौता प्रती आक्रोश व्यक्त गरे ।

वीरगंजकाे रानिघाटस्थित बिन्दवासिनी हाेटल तथा पार्टी प्यालेसमा भएकाे बैठकमा राजनीति समिति सदस्यद्व्य बालकिशोर यादव, सुरेन्द्र प्रसाद कुर्मी, केन्द्रिय सदस्यहरु फिरोज मन्सुर, रेखा साह, केन्द्रिय सल्लाहकार बिरेन्द्र यादव, खलिल मियाँ, मधेस प्रदेश उपाध्यक्ष बृजमोहन तिवारी, सुशील कुमार यादव पार्टी संगठन निर्माण र गैर हत्याकान्ड बारे कार्यकर्ताहरुलाइ आफ्नो बिचार व्यक्त गरेका थिए ।

बैठकमा जिल्ला इन्चार्ज अवधभुषण यादव, सह इन्चार्ज दिपक यादव, प्रदेश सदस्य एवम् धोबिनी गाउँपालिका अध्यक्ष मदन चौहान, प्रदेश सदस्य महाराज यादव, अरसद कमाल, प्रदेश परिषद सदस्य बिरेन्द्र यादव, अशोक यादव, उपाध्यक्ष नागेन्द्र यादव, कार्यकारीणि सदस्य श्यामबाबु चौरासीया, पालिका अध्यक्षहरु प्रदीप जयसवाल, इग्रासन सा कलवार, शेख खुर्सेद, रमेश साह, ओम श्रेष्ठ, समाजवादी मुस्लिम संघ केन्द्रिय अध्यक्ष मैलाना नुरुलहोदा, समाजवादी मुस्लिम संघ जिल्ला अध्यक्ष सलिम अन्सारी, समाजवादी दलित महासघका जिल्ला अध्यक्ष नरेन्द्र हजरा, समाजवादी मुस्लिम संघ जिल्ला अध्यक्ष एजाज बाबू रान्की लगायतले उपस्थिती रहेकाे थियाे ।

जसपा नेपालका क्षेत्रीय अध्यक्षहरु घनश्यामबाबू गुप्ता, कामेश्वर पण्डित, रामपुकार यादव, प्रदेश अध्यक्ष पवन सिंह, भिखर चौधरी, उपेन्द्र यादव, जनता समाजवादी पार्टीबाट निर्वाचित वडा अध्यक्षहरु रितेश गुप्ता, सन्जय पटेल, जय नारायण पटेल, अच्छेलाल महतो, कार्यपालिका सदस्य रामरेखा सिंह, हरिॐम गुप्ता लगायतले मन्तव्य व्यक्त गरेका थिए ।

कार्यक्रममा पार्टी उपाध्यक्ष अजय चौरासीयाले स्वागत मन्त्ब्य राखेका थिए भने कार्यक्रम सहजीकरण जिल्ला सचीव तबरेज अहमदले गरेका थिए ।

वीरगंजमा अब मेट्रिक प्रणालीमा आधारित घर नम्बर

0

वीरगंज । वीरगंज नगरपालिकाले वैज्ञानिक ठेगाना प्रणाली (जिआईएस बेस्ड हाउस नम्बरिङ) थालनी गर्न सुरुवात गरेको छ । बढ्दो शहरीकरणसँगै घर संख्या बढ्दै गएकाले नगरवासीका घर सहजै पहिचान गर्न सकियोस भन्ने उद्देश्यले मेट्रिक ठेगाना प्रणालीको सुरुवात गरिएको हो ।

नगरपालिकालाई व्यवस्थित र स्मार्ट नगरका रुपमा विकास गर्न यो प्रणालीले टेवा पु¥याउने महानगरका प्रमुख राजेशमान सिंहले बताए ।

महानगरको आरयूडीपी प्रोजेक्ट अन्तर्गत एडीवीको सहयोगमा यो प्रणाली सुरु गर्न लागिएको हो । गणकहरुले आवश्यक तथ्याङक संकलन गरी त्यसका आधारमा मेट्रिक ठेगाना प्रणाली बनाउने गर्छन् ।

वीरगंज महानगरपालिकाको वडा नम्बर–१० आदर्शनगरमा रहेको नेपाल इन्भेष्टमेन्ट मेघा बैंक रहेको भवनमा महानगर प्रमुख सिंहले नम्बर प्लेट टाँस गरी मेट्रिक ठेगाना प्रणाली उद्घाटन गरेका हुन् ।

आदर्शनगर चोकदेखि ठाकुरराम क्याम्पस सम्मको सडकलाई पशुपति घोष मार्ग नामाकरण गरि २३० नम्बरको नम्बर प्लेट टाँस गरिएको हो ।

सडकको चोक तथा मिलन विन्दु (दोबाटो र चौबाटो) देखि कुनै निश्चित घरको दूरी (लम्बाई) का आधारमा घरको ठेगाना पत्ता लगाउन सकिने प्रणाली मेट्रिक ठेगाना प्रणाली हो । उक्त दूरीलाई आधार मानेर घरको नम्बर, टोल र बाटोको नाम उल्लेख गरी सोहि आधारमा घर–घरमा नम्बर प्लेट राखिने महानगरका प्राविधिक सल्लाहकार प्रकाश अमात्यले जानकारी दिए ।

पहिलो चरणमा महानगरको वडा नम्वर १ देखि १६ सम्म जिआईएस बेस्ड हाउस नम्बरिङ गर्नका लागि सर्वे गरि सबै सडकको नामाकरण गर्नुका साथै आवश्यक डाटाबेस तयार पारिसकिएको जिआईएस विज्ञ उमेश कुँवरले बताए । आवश्यक डाटावेसका आधारमा सडकको सुरु विन्दुबाट दायाँ तर्फ जोर नम्बर र बाँया तर्फ विजोर नम्वर प्रणालीका आधारमा नम्बरिङ गरिने पनि उनले बताए ।

पशुपति घोष मार्गमा साेमबार ५५ वटा घरमा नम्बरिङ गरिएको छ । १६ वटै वडाको करिब ३३ हजार भन्दा बढी घरमा नम्बरिङ गर्ने गरि तयारी भएको र पहिलो चरणमा कम्तिमा १० हजार घरमा मेट्रिक प्रणालीसहितको नम्बर प्लेट वितरण गर्ने महानगरको लक्ष्य रहेको प्राविधिक सल्लाहकार अमात्यले जानकारी दिए ।

यो प्रणालीमा सडक/गल्लीको नाम र दूरीको आधारमा घर नम्बर प्रदान गरिने भएकाले जो कोहीले खोजेको घर सहजै पत्ता लगाउन सक्ने जिआईएस टेक्निसियनसमेत रहेका सब इन्जिनियर अर्चन आचार्यले बताए । घरसँग जोडिएको सडकको सुरुको बिन्दुदेखि घरको मुल ढोका सम्मको दुरी घरको नम्बर प्लेटमा राखिने भएका कारण घर पत्ता लगाउन सहज हुने पनि उनले बताए ।

नम्बरप्लेट राख्नुका साथै सडक र गल्लीको नाम र घर नम्बर गुगलमा समावेश गरिने गरि काम भइरहेको हुँदा कोही कसैको पनि सहजै ठेगाना पत्ता लगाउन सकिने छ ।

अबैध रुपमा संचालित वीरगंजका दुई कलेजमा सिलबन्दी

0

वीरगंज । वीरगंज महानगरपालिका वडा नम्बर १६ स्थित श्री माईस्थान बाल विद्या मन्दिर इन्दु लाखे आधारभूत विद्यालय गहवामा अवैध रूपले कब्जा जमाएको अन्नपूर्ण कलेजमा सिलबन्दी गरिएको छ ।

कलेज सञ्चालनका लागि आवश्यक अनुमति समेत नलिएर अवैध रूपमा विद्यालय भवनमाथि कब्जा जमाएको पाएपछि महानगरले कलेजमा सिलबन्दी गरेको हो ।

जिल्ला समन्वय समिति पर्साका सभापति निरञ्जन साह सोनार (मुन्ना सर्राफ) को नेतृत्वमा पुगेको टोलीले विद्यालय भवनको मुख्य द्वारमा सिलबन्दी गरेको महानगरद्वारा गठित नियमन समितिका संयोजक ईश्वरचन्द्र यादवले जानकारी दिए ।

त्यस्तै महानगरको टोलीले वीरगंज महानगरपालिका – ११ स्थित युनिभर्सल एकेडेमी कलेजमा पनि सिलबन्दी गरेको छ । युनिभर्सल एकेडेमीले पनि कलेज सञ्चालनका लागि आवश्यक अनुमति नलिएको पाएपछि महानगरले सिलबन्दी गरेको नियमन समितिका संयोजक यादवले जानकारी दिए ।

यसअघि भदौ १३ गते पनि वीरगंज महानगरको टोलीले आवश्यक अनुमति नलिएको भन्दै वीरगंज स्कूल अफ ल, इम्पेरियल कलेज र बिजी बी किड्समा सिलबन्दी गरेको थियो ।

अनुगमन समितिमा वडा नम्बर १६ का वडा अध्यक्ष परशुराम चौरसिया, शिक्षा महाशाखाका अधिकृत सिर्जना बुढाथोकी, महानगर प्रमुखका जनसम्पर्क सल्लाहकार नवराज फुयाँल, नगर प्रहरी इन्चार्ज हरि भुषाल, जिल्ला प्रशासन कार्यालय पर्साका प्रतिनिधि ब्रह्मदेव प्रसाद यादव लगायत सञ्चारकर्मी एवम् जनप्रतिनिधिको सहभागिता रहेको थियो ।

५८ रन बनाएर वीरगंजका आसिफ आउट

0

वीरगंज । एसिया कप क्रिकेटमा भारतविरुद्ध पहिले ब्याटिङ गरेको नेपालले पाँच विकेट गुमाएको छ ।

पाचौं विकेटका रुपमा नेपालले २९.५ ओभरमा वीरगंजका आसिफ शेखलाई गुमाएको छ । उनले ९७ बल खेल्दै ८ चौकासहित ५८ रन बनाएका थिए ।

राउण्ड टेबल नेपालको साधारण सभा सम्पन्न

0

वीरगंज । राउण्ड टेबल नेपालको २३ औँ वार्षिक साधारण सभाबाट नितेशकुमार अग्रवालको नेतृत्वमा नयाँ कार्यसमिति चयन भएको छ । 

काठमाडौँमा सम्पन्न २३ औँ साधारण सभाले अग्रवालको अध्यक्षतामा चयन गरेको नयाँ कार्यसमितिको उपाध्यक्षमा प्रवेश अग्रवाल, महासचिवमा प्रतीक अग्रवाल, कोषाध्यक्षमा शाहील अग्रवाल तथा सम्पादकमा पङ्कज झुनझुनवाला रहेका छन् । 

नवनिर्वाचित कार्यसमितिले राउण्ड टेबलले सुरु गरेका विभिन्न कार्यक्रमहरूलाई निरन्तरता दिने छ । राउण्ड टेबल नेपालले हाल देशका विभिन्न स्थानमा विद्यालय स्तरोन्नति, राउण्ड टेबल नेपाल मोडल स्कूल स्थापना, विपन्न वर्गका बालबालिकाहरूलाई छात्रवृत्ति प्रदान, र  एक देश एक लाख बिरुवाको अभियान सञ्चालन गरिरहेको छ । 

त्यस्तै नयाँ कार्यसमितिले आफ्ना सदस्यहरूका लागि विभिन्न तालिम तथा गोष्ठीहरूको आयोजना गर्नुका साथै उनीहरूको नेतृत्व र सिप विकासका विभिन्न कार्यक्रमहरू पनि सञ्चालन गर्ने छ । त्यसै गरी सदस्यहरू बिचको सम्बन्धलाई थप प्रगाढ र सुदृढ बनाउने कार्य गर्ने योजना रहेको नवनिर्वाचित अध्यक्ष अग्रवालले बताए ।

साधारण सभामा निवर्तमान अध्यक्ष राहुल अग्रवालले आफ्नो कार्यकाल तथा गत आर्थिक वर्षको वार्षिक तथा लेखा परीक्षणको प्रतिवेदन प्रस्तुत गरेका थिए । प्रतिवेदनलाई अनुमोदन गर्दै नयाँ कार्यसमिति चयन गरिएको थियो ।

के हो राउण्ड टेबल नेपाल ?

राउण्ड टेबल नेपाल १८ देखि ४० वर्षसम्मका पुरुष युवाहरूको एक गैह्र नाफामूलक सामाजिक संस्था हो, जसको मुख्य उद्देश्य एडप्ट, एडप, इम्प्रुभ हो । राउण्ड टेबलले आफ्नो उद्देश्य पूरा गर्नका लागि पहिले समाजमा रहेका समस्याहरूको पहिचान गरी एडप्ट गर्दछ, एडप्ट गरेका कार्यहरूलाई स्थानीय विविधतालाई आत्मसाथ गर्दै एडप गर्दछ र त्यसलाई निरन्तर रूपमा इम्प्रुभ गर्न प्रयासरत रहन्छ ।

राउण्ड टेबल नेपाल विगत २३ वर्षदेखि नेपालभरि विभिन्न सामाजिक कार्यहरूमा संलग्न रहेको छ । संस्थाले विशेष गरी शिक्षा, स्वास्थ्य तथा पर्यावरणको क्षेत्रमा अग्रसर भई कार्यहरू गर्दै आएको छ ।

प्रदीप यादवले संसदमा आवाज उठाएपछि विद्युत् प्राधिकरणकाे सूचना

0

वीरगंज । नेपाल विद्युत् प्राधिकरणले  डेडिकेटेड तथा ट्रङ्क लाइनबाट विद्युत् आपूर्ति लिएका उद्योगी र व्यवसायीहरूलाई बक्यौता महसुल तिर्न निर्देशन दिएको छ ।

प्राधिकरणले आइतबार एउटा सार्वजनिक सूचना जारी गर्दै महसुल बक्यौता १५ दिनभित्र नतिरे विद्युत् महसुल सङ्कलन विनियमावलीमा भएको व्यवस्थाबमोजिम लाइन काटिने चेतावनी दिएको छ ।

जनता समाजवादी पार्टी नेपाल (जसपा) का प्रमुख सचेतक प्रदीप यादवले गत मङ्गलवार संसदमा यस विषयमा प्रश्न उठाएका थिए । उनले विद्युत् प्राधिकरणको लापरबाहीका कारण सरकारलाई अर्बौँ रुपैयाँ घाटा भइरहेको बताउँदै डेडीकेटेड तथा ट्रङ्क लाइन लिएका उद्योगीहरूसँग छिटोभन्दा बक्यौता उठाउन माग गरेका थिए ।

पूर्व वन तथा वातावरण मन्त्रीसमेत रहेका यादवले नेपाल विद्युत् प्राधिकरणले लोडसेडिङ हुने बेला उद्योगहरूलाई कहिल्यै लाइन नजाने गरी दिएको डेडिकेटेट र ट्रङ्क लाइन लिए बापत ५८ उद्योगी र व्यवसायीहरूले महसुल नबुझाएको जानकारी समेत गराएका थिए ।

जगदम्बा स्टिल, डाबर नेपाल, शिवम सिमेन्ट, अग्नि सिमेन्ट, सम्राट् सिमेन्ट, घोराइ सिमेन्टलगायतका ५८ वटा उद्योगहरूबाट नेपाल विद्युत् प्राधिकरणले झन्डै १० अर्ब १४ करोड ८ लाख रुपैयाँ महसुल उठाउन बाँकी रहेको पर्सा निर्वाचन क्षेत्र नम्बर १ को प्रतिनिधिसभा सदस्यसमेत रहेका यादवले बताएका थिए ।

यादवले प्रश्न उठाएपछि यस विषयमा प्राधिकरणको ध्यान केन्द्रित भएको छ । उनले उद्योगी व्यवसायीसँगको मिलेमतोमा बक्यौता महसुल नउठाएको भन्दै आपत्ति जनाएपछि प्राधिकरणले आइतबार सूचना जारी गरेको हो ।

विगतमा डेडिकेटेड तथा ट्रङ्क लाइनमार्फत विद्युत् सप्लाई लिई सो बापतको विद्युत् महसुल भुक्तानी गर्न बाँकी भएका सम्पूर्ण उपभोक्ताहरूलाई नेपाल विद्युत् प्राधिकरण, विद्युत् वितरण विनियमावली, २०७८ को विनियम २७ (६) बमोजिम सम्बन्धित वितरण केन्द्रहरूबाट बक्यौता महसुल बुझाउन पटक/पटक पत्राचार गरिएकोमा हालसम्म पनि बक्यौता महसुल नबुझाएको प्राधिकरणले सूचनामा उल्लेख गरेको छ ।

विद्युत् महसुल सङ्कलन विनियमावली, २०७८ मा छुट बिलिङ गरेकोमा उपभोक्ताले छुट बिल प्राप्त गरेको मितिले ७ दिनभित्र महसुल बुझाएमा बिल रकमको २ प्रतिशत छुट दिइने र छुट बिल प्राप्त गरेको मितिले ८ औँ दिनबाट ६०औँ दिनसम्म महसुल बुझाएमा बिल अनुसारको महसुल लाग्ने र ६०औँ दिनपछि महसुल बुझाएमा २५ प्रतिशत थप दस्तुर लाग्ने व्यवस्था छ । मिटर रिडिङ गरेको ६० औँ दिनसम्म विद्युत् महसुल नबुझाएमा विना सूचना जुनसुकै समयमा पनि विद्युत् लाइन काटिने व्यवस्था विनियमावलीमा छ ।

डेडिकेटेड तथा ट्रङ्क लाइनतर्फका ५१ उपभोक्ताहरू उल्लेखित बक्यौता रकम तिर्न मञ्जुर नभई विभिन्न अदालतहरूमा रिट दर्ता गरेका थिए । अदालतबाट ४३ वटा उपभोक्ताहरूको रिट खारेज गर्दै महसुल तिर्नुपर्ने निर्णय गर्दै प्राधिकरणकै पक्षमा फैसला भएको थियो ।

२०७२ साउनदेखि २०७२ पुससम्मको ९७ करोड ४३ लाख, २०७२ माघदेखि २०७५ वैशाखसम्मको अर्थात् लोडसेडिङको अन्त्य हुनु अघिसम्मको ६ अर्ब ४१ लाख, २०७५ जेठदेखि २०७७ जेठसम्मको अर्थात् लोडसेडिङ अन्त्यपछिको अवधिको ८ अर्ब ४४ करोड ९६ लाख गरी १५ अर्ब ४२ करोड ८० लाख रुपैयाँ बक्यौता रहेको जनाएको छ । यसमा जरिवानासमेत जोड्दा करिब २० अर्ब पुग्ने प्राधिकरण स्रोत बताउँछ ।

साहिब दरबारकाे आयाेजनामा निशुल्क आँखा शिविर

0

वीरगंज । वीरगंजकाे विर्तास्थित त्रिजुद्ध माविमा ५ दिने नि:शुल्क आँखा तथा दाँत परीक्षण शिविर सुरु भएको छ । वीरगंज सामुदायिक आँखा अस्पतालको प्राविधिक सहयोग र साहिब दरबारको आयोजनामा आइतबारदेखि ५ दिने शिविर सुरु भएको हो ।

विद्यार्थी संख्या धेरै भएको हुँदा पढाई प्रभावित नहुने गरी ५ दिनसम्म सबै विद्यार्थीको आँखा तथा दाँत जाँच गर्ने गरी शिविरको आयोजना गरिएको साहिब दरबारका अध्यक्ष उमेशलाल सहनीले बताए ।

शिविरमा विद्यार्थीहरुको आँखा तथा दाँतको परीक्षण गरिने वीरगंज सामुदायिक आँखा अस्पतालका व्यवस्थापक प्रेम घिमिरेले जानकारी दिए । शिविरमा अस्पतालका नेत्र विशेषज्ञ प्रभात चौरसिया नेतृत्वको टोलीले विद्यार्थीहरुको आँखा जाँच गरीरहेको छ ।

शिविरमा आँखाको समस्या देखिएकाहरुलाई नि:शुल्क रुपमा औषधि समेत वितरण गरिएको घिमिरेले जानकारी दिए ।

पछिल्लो समयमा आँखा पाक्ने रोग फैलिएपछि विद्यालयमै शिविरको आयोजना गरेर सबै विद्यार्थीको नि:शुल्क जाँच गर्ने व्यवस्था मिलाइएको विद्यालयका प्रधानाध्यापक नविन मिश्राले बताए ।

साहिब दरबारले यसअघि वीरगंजकाे अन्य विद्यालयमा पनि आँखा तथा दाँत शिविर सम्पन्न गरीसकेको छ ।

ठोरीमा आतंक मच्चाएकाे पाटे बाघ नियन्त्रणमा

0
वीरगंज । पर्साको ठोरीमा आतंक मच्चाईरहेको पाटे बाघलाई नियन्त्रणमा लिइएको छ । ठोरीको बाघामोर्चा छघरेलगायत ठाउँमा बाघले आक्रमण गरी पशु चौपाया मार्ने र मान्छेहरुलाई त्रसित बनाएको थियो ।
 
शनिबार बिहान १० बजेको समयमा उक्त बाघलाई पर्सा राष्ट्रिय निकुञ्ज र भारतीय प्राविधिक टोलीले बेहोसीको सुई हान्नेर नियन्त्रणमा लिएको पर्सा राष्ट्रिय निकुञ्जका प्रमुख संरक्षण अधिकृत डा.अशोक रामले जनाए ।
 
गत बुधबार दिउँसो २:४० काे समयमा गोरुलाई पानी दिन जाँदा गोठमा बाघले गोरुलाई आक्रमण गर्दा सो गोरुलाई बचाउन खोज्दा बाघको आक्रमणमा परी ठोरी गाउँपालिका वडा नं. ५ छघरेका ४५ बर्षिय कान्छा दोङ्गको मृत्यु भएको थियो ।

वीरगंज संजालकाे बार्षिकाेत्सव तथा सम्मान कार्यक्रम सम्पन्न

0

वीरगंज । वीरगंज संजालकाे पांचाै बार्षिकाेत्सव शनिबार सम्पन्न भएकाे छ । युवाहरुको संजालद्वारा संचालित वीरगंज संजाल डट कमको पाँचाै बार्षिकाेत्सव, वीरगंज संजाल सप्ताहिक पत्रिकाको दोश्रो तथा संजाल राष्ट्रिय दैनिकको पहिलो वार्षिकोत्सव तथा सम्मान कार्यक्रम सम्पन्न भएकाे हाे ।

कार्यक्रमलाई सम्बाेधन गर्दै नेपाल पत्रकार महासंघ पर्सा शाखाका अध्यक्ष अनुप तिवारीले अहिलेका युवा पत्रकार तस्करी र भन्सारका समाचारमा मात्र केन्द्रित रहेको भन्दै त्यसलाई सच्चिन आग्रह गरे । उनले केही पत्रकारको उदहारण दिदै दुई वर्षको फेसबुक पेज पल्ट्याएर हेर्दा उनको सेयरमा तस्करी बाहेकका अन्य समाचार नै हेर्न नमिल्ने कुरा औल्याए ।

लेखन सुधार गर्दै समाजमा रहेका विकृति, भ्रष्टचारका निम्ति कलम चलाउन आजको युवा पत्रकारको आवश्यकता रहेको वताउँदै अध्यक्ष तिवारीले अबका पत्रकारलाई लेखन सँगसँगै भिडियो सामाग्री समेत उत्पादन गर्न तर्फ केन्द्रित हुन आवश्यक रहेको वताए ।

वीरगंज संजालका संचालक कृष्ण श्रीवास्तवको अध्यक्षतामा भएकाे कार्यक्रममा वीरगंज संजाल पत्रिकाका सम्पादक आर.सी. यादव, संजाल राष्ट्रिय दैनिकका सम्पादक एस.के. पण्डित, सह–सम्पादक रन्जित यादव लगायत रौतहट समाचारदाता कुमार चन्दन, बारा जिल्ला सम्वादता सिकिन्द्र साह, ग्रामिण सम्वादाता राजन बानिया, भिडियो सामाग्री उत्पादन गर्ने उपेन्द्र साह, श्रृती साह, राज पासवान, फोटो पत्रकार विजय ठाकुर, समाचार संवादता तथा प्रविधिक रामनिवास पटेललाई सम्मान गरिएको थियो ।

नेपाल पत्रकार महासंघ पर्साका सभाहलमा भएकाे कार्यक्रममा स्वागत मन्तव्य तथा संचालन वीरगंज संजालका संयोजक नरेन्द्र कुमारले गरेका थिए ।