Date
सोम, कार्तिक ३०, २०८३
Mon, November 16, 2026
Home Blog Page 507

स्थापना दिवसमा समाजवादी प्रेस संगठनद्वारा दीप प्रज्वलन

0

वीरगंज । समाजवादी प्रेस संगठन नेपालले आफ्नो दाेस्राे स्थापना दिवस देशैभरी बिभिन्न कार्यक्रमको आयोजना गरी मनाएको छ । यसै बचि संठगनको पर्सा शाखाले आइतबार सांझ वीरगंजकाे घण्टाघरमा दीप प्रज्वलन कार्यक्रम गरेकाे छ ।

दीप प्रज्वलन कार्यक्रमलाई सम्बोधन गर्दै नेकपा एकीकृत समाजवादी पर्साका अध्यक्ष बालगोपाल थापाले पत्रकारहरुले सुशासनकाे पक्षमा कलम चलाउनु पर्ने वताए । उनले पत्रकाहरु सत्य तथ्यमा आधारित रहेर कलम चलाएको खण्डमा मात्र देशमा विकास र सुशासन कायम हुने बताए ।

 एकीकृत समाजवादीका वीरगंज महानगर अध्यक्ष मनोज चौधरीले पत्रकारको सहयोग र साथबाट मात्र समाजवाद सम्भव रहेको चर्चा गर्दै जनताको न्यायको पक्षमा पत्रकारहरु निडर भएर कलम चलाउनु पर्ने बताए ।

समाजवादी प्रेस संगठन पर्साको अध्यक्ष मनोज पटेलको अध्यक्षतामा भएको कार्यक्रममा समाजवादी प्रेस संगठन नेपालका केन्द्रिय सचिव बृजलाल पासवान, प्रेस सेन्टर नेपालका केन्द्रिय सदस्य निरज पिठकाेठे मगर,  दलित मुक्ति संगठन पर्साका अध्यक्ष सुशिल हजरा, संगठन पर्साका उपाध्यक्ष शम्भु कुमार सुमन, सहसचिव बिनोद पटेल, कोषाध्यक्ष हरिशंकर शर्मा, कार्यसमिति सदस्यहरु संतोष साह, श्याम पासवान, सरोज पटेल, श्रवण साह, दिपु बर्णवाल लगायतको उपस्थिती रहेको थियो ।

उमेन्स स्किल सेन्टरको वार्षिकोत्सव भव्य रुपमा सम्पन्न

0

बीरगंज l उमेन्स स्किल सेन्टरको १० औँ वार्षिकोत्सव कार्यक्रम बिरगंजमा भव्य रुपमा सम्पन्न भएको छ l

महिलाहरुलाई विभिन्न रोजगारीमुलक तालिम प्रदान गर्दै आत्मनिर्भर बनाउने उदेश्यका साथ उक्त संस्था वि.स. २०७१ सालमा स्थापना भएको थियो l

कार्यक्रमलाई सम्बोधन गर्दै वीरगञ्ज महानगरपालिकाका मेयर राजेशमान सिंहले महिलाहरुलाई आत्मनिर्भर बनाउन महानगरले क्षमता अभिबृद्धिका कार्यक्रम विशेष प्राथमिकतामा राखेर गरिरहेको बताउनुभयो l उहाँले स्किल सेन्टरसँग हातेमालो गर्दै वीरगञ्जका महिलाहरुलाई सक्षम र आत्मनिर्भर बनाउन कार्यक्रम संचालन गर्न आफू तयार रहेको बताउनुभयो । उहाँले उद्यम क्षेत्रमा महिलाहरुको सहभागिताले आफुलाई हर्सित तुल्याएको समेत बताउनुभयो l

कार्यक्रममा नेपाल उद्योग वाणिज्य महासंघका केन्द्रिय सदस्य सुबोध गुप्ता, नेउवासंघका मधेस प्रदेशका अध्यक्ष अशोक टेमानी लगायतका वक्ताहरुले कुनै काम पनि असम्भव नहुने भन्दै महिलाहरुले आटे पुरुष झैं हरेक काम गर्न सक्ने बताए l उनीहरुले उद्यम क्षेत्रमा महिलाहरुको सहभागिता बढ्दै गएको प्रति खुशी व्यक्त गर्दै आगामी दिनमा उद्योग बाणिज्य संघको नेतृत्व पदमा महिलाहरुको समेत सहभागिता हुनुपर्ने कुरामा जोड दिए l

संस्थाले आफ्नो स्थापनाकाल देखि नै महिलाहरुलाई स्वरोजगार बनाउन विभिन्न काम गर्दौ आएको उमेन्स स्किल सेन्टरकी अध्यक्ष चन्चला दासले बताउनुभयो l घर सम्हाल्ने महिलाहरुले बाहिर पनि नेतृत्व पदमा रहेर समेत काम गर्न सक्ने भन्दै उनीहरुको क्षमता अभिवृद्धि देखि आत्मनिर्भर बनाउने सम्म आफुहरु लागि परेको बताउनुभयो l

५ जना महिलाबाट स्थापना गरिएको सेन्टरमा हालसम्म २८ जना महिलाहरु रहेको अध्यक्ष दासले बताउनुभयो l १० वर्षको अवधिमा ४ हजार भन्दा बढी महिलालाई तालिम प्रदान गरिएकोमा ४ सय भन्दा बढी महिलाले उद्यम व्यापार गर्दै आइरहेको उहाँको भनाई छ l

कार्यक्रममा उमेन्स स्किल सेन्टरकी डाइरेक्टर लक्ष्मी कर्णले संस्थाले स्थापनाकाल देखि गर्दै आएको विभिन्न कार्यक्रमहरुको बारेमा जानकारी दिनुभएको थियो l यस्तै कार्यक्रममा शारिरिक रुपमा असक्त ३ जनालाई ह्विल चेयर प्रदान गरिएको थियो भने उद्यम क्षेत्रमा सफलता हासिल गरेका महिलाहरुलाई सम्मान गरिएको थियो l

सेन्टरकी अध्यक्ष चञ्चला दासको सभापतित्वमा सम्पन्न कार्यक्रममा बिरगंज उद्योग वाणिज्य संघकता अध्यक्ष अनिल अग्रवाल, बरिष्ठ उपाध्यक्ष हरि गौतम, सेन्टरकी डाईरेक्टर निभा दास, सुष्मा दुबेदी, अन्जु श्रेष्ठ सदस्यहरु अन्जला श्रेष्ठ, सपना अग्रवाल लगायतको सहभागिता रहेको थियो ।

कार्यक्रमको संचालन रोयल एकेडमीकी फ़ाउन्डर तथा सेन्टरकी सदस्य सबनम श्रेष्ठले गर्नु भएको थियो l

पर्साका सशस्त्र प्रहरी उपरीक्षक थपलियाको निधन

0

वीरगंज । सशस्त्र प्रहरी उपरीक्षक सुमन थपलियाको निधन भएको छ । सशस्त्र प्रहरी बल नेपाल १३ नम्बर गण पर्साका प्रमुख प्रहरी उपरीक्षक (एसपी) सुमन थपलियाको शनिबार निधन भएको हो ।

हृदयघातबाट एसपी थपलियाको मृत्यु भएको पर्साका प्रमुख जिल्ला अधिकारी हिरालाल रेग्मीले जानकारी दिए । शनिबार विहान अचेत भएका थपलियालाई उपचारका लागि वीरगञ्जस्थित नेपाल मेडीसिटी वयोधा अस्पतालमा पु¥याउदा अस्पतालले मृत घोषणा गरेको प्रजिअ रेग्मीले बताए ।

उनका अनुसार एसपी थपलिया शनिवार बिहान साईकलमा गढीमाई गएर आएपछि दिउँसो १ बजेको करिबमा हृदयाघातबाट मृत्यु भएको हो ।

साईक्लिङ्ग गरेर आएपछि एकछिन आराम गरेका थपलियाले आराम गरेकै ठाउँमा अचेत भएका थिए । 

उनको शव मेडिसिटी बयाधा अस्पतालमा नै राखिएको छ ।

नुवाकोट स्थायी घर भएका थपलिया सात महिना अघि मात्रै पर्साको सशस्त्र प्रहरी बल नम्बर १३ गण हेडक्वाटरमा गणपतिको जिम्मेवारी सम्हाल्दै आएका थिए ।

काङ्ग्रेस पर्सा क्षेत्र नं.४ काे प्रथम क्षेत्रिय सम्मेलन सम्पन्न

0

वीरगंज । नेपाली काङ्ग्रेस पर्सा प्रतिनिधि सभा निर्वाचन क्षेत्र नं.४ काे प्रथम क्षेत्रिय सम्मेलन शुक्रबार सम्पन्न भएकाे छ । 

जिराभवानी गाउँपालिकाकाे वडा नं. ३ जितपुरस्थित बरात भवनमा भएकाे सम्मेलनकाे उद्घाटन पार्टीका केन्द्रिय सदस्य एवम् नेपाल सरकारका उद्याेग, वाणिज्य तथा आपुर्ति मन्त्री रमेश रिजालले गरेका थिए ।

सम्मेलनलाई सम्बाेधन गर्दै मन्त्री रिजालले पार्टीलाई पुनर्जागरण गर्ने उद्देश्यले सम्मेलनकाे आयाेजना गरिएकाे वताए । उनले पार्टीकाे काम लाग्न पार्टी पदाधिकारी तथा सभापतिहरुलाई निर्देशन समेत दिए ।

उनले भने “पार्टी मन नपर्नेहरु पार्टी छाेडेर जादा हुन्छ, पार्टीमा बस्नकाे लागि पार्टीलाई समय दिनु पर्छ, पार्टीकाे काम गर्नु पर्छ । त्यसपछि मात्र पार्टी वा रमेश रिजालले केही सुन्छन् नत्र केही सुन्दैनन् ।”

सम्मेलनकाे प्रमुख अतिथी समेत रहेका मन्त्री रिजालले पार्टीबाट निर्वाचित जनप्रतिनिधिलाई विकास निर्माणकाे काम गर्न निर्देशन समेत दिए । उनले विकास निर्माणकाे काम नगर्ने र जनता ठग्ने जनप्रतिनिधिलाई पार्टी माफ नगर्ने चेतावनी समेत दिए ।

क्षेत्रिय सभापति श्रीकान्त प्रसाद यादवकाे सभापतित्वमा भएकाे सम्मेलनमा पार्टीका केन्द्रिय सदस्य अजय कुमार चौरसिया, जिल्ला सभापति एवम् प्रदेश सभा सदस्य जनार्दन सिंह क्षेत्री, प्रदेश सभा सदस्य शंकर प्रसाद चौधरी, पार्टीका महाधिवेशन प्रतिनिधि बशिष्ट नारायण कुर्मी, जिल्ला उपसभापति रामनारायण कुर्मी, जिल्ला प्रवक्ता रमेश पाण्डेय, जिल्ला सह सचिव नवीन सिंह लगायतकाे सहभागिता रहेकाे थियाे ।

सम्मेलनमा जिराभवानी गाउँपालिका वडा नं. १ का जनता समाजवादी पार्टीका जिल्ला सदस्य उमेश ठाकुर शर्माले जसपा परित्याग गरि नेपाली कांग्रेसमा प्रबेश गरेका थिए । उनलाई कार्यक्रमका प्रमुख अतिथी मन्त्री रिजालले फुल माला र अविरकाे टिका लगाएर पार्टीमा स्वागत गरेका थिए ।

सोही अवसर मै साबिक गा.बि.स. जगरनाथपुरका पुर्ब अध्यक्ष  जगदीश प्रसाद चौहान, काङ्ग्रेसका महाधिवेशन प्रतिनिधि रामदेव प्रसाद चौहान, कांग्रेस नेता स्वर्गीय रामचन्द्र सिंहको धर्मपत्नी तथा छिपहरमाई गाउँपालिका वडा नं.३ का वडाध्यक्ष दिपेन्द्र सिंहको ममतामयी आमालाई समेत खादा, दोसल्ला तथा कदर पत्र प्रदान गरि सम्मान गरिएको थियो ।

कार्यक्रमको संचालन क्षेत्रीय सचिव बलिस्ठर अहमदले गरेका थिए भने सहजीकरण क्षेत्रीय कोषाध्यक्ष बिनय भूषण दुबेदीले गरेका  थिए ।

यसअघि मन्त्री रिजालले धाेबिनी गाउँपालिकाकाे वडा नं. १ मा रहेकाे श्री ने.रा.मा.वि. भिखमपुर पिपरामा राष्ट्रपति शैक्षिक कार्यक्रम अन्तर्गत विधालय भवन निर्माणको लागि शिलान्यास समेत गरेका थिए ।

पाेखरिया वितरण केन्द्र उत्कृष्ट वितरण केन्द्रकाे रुपमा सम्मानित

0

वीरगंज । नेपाल बिधुत प्राधिकरण पोखरिया वितरण केन्द्र उत्कृष्ट वितरण केन्द्रको रुपमा सम्मानित भएकाे छ । नेपाल विधुत प्राधिकरणकाे ३८ औं बार्षिकाेत्सकाे अवसरमा शुक्रबार काठमाण्डाैमा आयाेजित कार्यक्रममा पाेखरिया वितरण केन्द्रलाई उत्कृष्ट वितरण केन्द्रकाे रुपमा सम्मान गरिएकाे हाे ।

प्रधानमन्त्री पुष्प कमल दाहाल (प्रचण्ड) काे प्रमुख आतिथ्यतामा भएकाे कार्यक्रममा उर्जा, जलस्राेत तथा सिचाई मन्त्री शक्ति बहादुर बस्नेतले पाेखरिया वितरण केन्द्रका प्रमुख जगन्नाथ झालाई खादा ओढाएर कदर पत्रले सम्मान गरेका थिए ।

सुरक्षा चुनौतीका वावजूद विद्युत चोरी नियन्त्रणमा उल्लेख्य भूमिका खेली वार्षिक विद्युत चुहावटमा लक्ष्य भन्दा बढी प्रगती हासिल गरेको, बक्यौता असुलीमा महत्वपूर्ण प्रगती हासिल गरेको, समस्याग्रस्त सामुदायिकः संस्थाहरुको व्यवस्थापनमा महत्वपूर्ण भूमिका निर्वाह गरेकाले पाेखरिया वितरण केन्द्रका सम्पूर्ण कर्मचारीहरुको योगदानको उच्च मूल्यापून गर्दै नेपाल विद्युत प्राधिकरणले सम्मान गरेकाे हाे ।

२३ वटा वितरण केन्द्र रहेकाे मधेश प्रदेश भरि मै पाेखरिया वितरण केन्द्रसहित दुई वितरण केन्द्रलाई सम्मान गरिएकाे हाे । अर्काे सम्मानित हुने लालबन्दी वितरण केन्द्र रहेकाे पाेखरिया वितरण केन्द्रका प्रमुख झाले वताए ।

नेपाल प्रज्ञा प्रतिष्ठान कमलादीमा भएकाे कार्यक्रममा उर्जा, जलस्राेत तथा सिचाई मन्त्रालयका सचिव दिनेश कुमार घिमिरे, नेपाल विधुत प्राधिकरणका निर्देशक कुलमान घिसिङ लगायतकाे सहभागिता रहेकाे थियाे ।

यसैगरी विधुत प्राधिकरणकाे वार्षिकाेत्सकाे अवसरमा वीरगंज वितरण केन्द्र र पाेखरिया वितरण केन्द्रले विभिन्न कार्यक्रमकाे आयाेजना गरेर वार्षिकाेत्सव मनाएकाे छ । 

जसपा पर्साको कार्यकारणी समितिकाे बैठक सम्पन्न

0

वीरगंज । जनता समाजवादी पार्टी नेपाल पर्साको कार्यकारीणी समितिको नियमित बैठक शुक्रबार वीरगंजमा सम्पन्न भएकाे छ  । पार्टीका जिल्ला अध्यक्ष रामनरेश प्रसाद यादवको अध्यक्षता बसेको बैठकले कुल ४ वटा प्रस्तावहरु माथि छलफल गर्दै सर्बसहमतीले निर्णय गरेको छ ।

पहिलो खेद प्रस्तावमाथी छलफल गर्दै विभिन्न समयमा जिल्ला समितिको मनोबल माथी प्रहार गर्ने अभिव्यक्ति प्रति कार्यकारीणी समितिले गहिरो खेद प्रकट गरेको छ । दोस्रो प्रस्ताव संगठन सुदृढीकरण सम्बन्धमा श्रावण महिनामा बैठक बस्न नसकेको पालिकाहरु बैठक भदौ मसान्तसम्म गर्ने निर्णय भएको जिल्ला सचीव तबरेज अहमदले जानकारी दिए ।

त्यस्तै भदौ महिनामा गर्ने जिल्ला स्तरीय प्रशिक्षण केन्द्रसंग समन्वय गरि गर्ने बैठकले निर्णय गरेको छ । सो को समन्वय गर्ने जिम्मेवारी जिल्ला अध्यक्ष यादवलाई दिएको जिल्ला सचिव अहमदले वताए । साथै जिल्लाको कार्यकारीणी समितिको टोलि केन्द्रिय अध्यक्ष उपेन्द्र यादवसंग भेटघाट गर्ने काठमाडौ जाने निर्णय गरेको छ ।

हाेल विजय ज्याेतिमा बसेकाे बैठकमा जिल्ला उपाध्यक्ष अजय चौरासीया, नगेन्द्र यादव, मिथिलेस सिंह, उप सचीव सुनिल कुश्वाहा, कोषाध्यक्ष शर्मिला बिष्ट महतो र कार्यकारीणी समिति सदस्यहरु प्रदिप जयसवाल, सेख खुर्सेद, इन्द्रासन सा कलवार, सुरज मानन्धर, श्यामबाबु चौरासीया, सुनिता शर्मा, रमेश साह तेलि, ब्यान्ती देबि लगायतको उपस्तिथी रहेको जानकारी सचिव अहमदले दिए ।

अहिलेकाे सरकार कै कारण तस्करतन्त्र फस्टायाे : महासचिव पाेखरेल

0

वीरगंज । नेकपा एमालेका महासचिव शंकर पोखरेलले वैधानिक कारोबारहरु ठप्प भई अवैधानिक कारोबारहरु प्रोत्साहन गरेको गठबन्धन सरकारको कारण मुलुकले आर्थिक मन्दीको समस्या खेप्नुपर्ने अवस्था सृजना भएको वताएका छन् ।

प्रेस चाैतारी पर्साले वीरगंजमा आयाेजना गरेकाे पत्रकार सम्मेलनमा वाैल्दै महासचिव पाेखरेलले मुलुक आर्थिक रुपमा मन्दीको अवस्थामा प्रवेश गरेको वताए । एकपछि अर्को कारणहरु उजागर हुँदै गइरहेको भन्दै महासचिव पोखरेलले सुन तस्करी प्रकरणलाई मात्रै कोट्याउने हो भने दुई महिनाको अवधिमा नक्कली कम्पनी खडा गरि झण्डै २ हजार केजी भन्दा बढि सुन भित्र्याइएको तथ्यहरु बाहिर आएकाे वताए । यसले दुई महिनाको अवधिवमा एक अर्व राजस्व हिनामिना भएको उनले बताए ।

महासचिव पाेखरेलले भने “अहिले विदेशिने युवाहरुको तथ्याँक पनि उकालो लाग्दो छ, ७ लाख ७२ हजारको हाराहारीमा युवाहरु विदेश गएका छन् । पढ्ने सिलसिलामा डेढ लाख विद्यार्थी बाहिरिएका छन् । यो आँकडाले काम गर्ने युवाहरु विदेशिँदा देशको विकासको यात्रा रोकिएको छ ।”

वीरगंज नेपालको आर्थिक केन्द्रका रुपमा चिनिन्छ तर गठबन्धन सरकारको कारणले गर्दा वैधानिक अर्थतन्त्र कमजोर र अवैधानिक एवं तस्करतन्त्र प्रोत्साहित भएको आरोप लगाए । उनले मेहनत गर्ने उद्यमी व्यवसायीहरु सकसमा परेका छन्, कतिजनाले आत्महत्या गरे, तर त्यो सरकारको लागि चिन्ताको विषय बन्न नसकेको बताए ।

महासचिव पोखरेलले सुन तस्करी प्रकरणलगायतका विषयमा छानबिनका लागि आयोग गठन गर्न सत्तापक्ष तयार नहुँदा सदनको अवरुद्ध जारी रहेको बताए ।

‘हामीले कुनै जटिल वा अप्ठ्यारो माग राखेका छैनौं, उनले भने, ‘उच्चस्तरीय छानबिन आयोग बनाउन भनेका हौं, प्रतिपक्षको समान्य कुरासमेत सुन्न नचाहेकाले यस्तो परिस्थिति सृजना भएको हो ।’

आफूहरूले उठाएका माग सम्बोधन गर्न तयार भए संसद् सञ्चालन हुने उनको भनाइ थियो ।

अर्काे प्रसंगमा कुरा राख्दै महासचिव पाेखरेलले वर्तमान अवस्थामा मुलुक थप राजनीतिक अस्थिरताको शिकार बन्न पुगेको बताए । मुलुकमा बलियो राष्ट्रिय शक्ति निर्माण नहुदा देश राजनीतिक अस्थिरताको दुष्चक्रमा फसेको बताउदै उनले बहुदलीय व्यवस्था आएको ३४ बर्षमा देशमा २८ जना प्रधानमन्त्री फेरिएकोले पनि देश अस्थिरतामा फसेको स्पष्ट हुने बताए ।

उनले मुलुकमा अब मात्र बलिया राजनितिक दलहरुकाे मात्र काम रहेकाे वताउँदै मधेशका जनताले साना दललाई मत दिएर खेर फालेका कारण पनि स्थिरता सृजना भएकाे वताए । 

प्रेस चौतारी पर्साका अध्यक्ष श्याम बञ्जाराले सहजिकरण गरेकाे पत्रकार सम्मेलनमा नेकपा एमालेका सचिव योगेश भट्टराई, एमाले नेतृ जुली महासेठ, पूर्व मन्त्री ज्वाला साह, प्रतिनिधि सभा सदस्य अच्युत मैनाली, राजकुमार गुप्ता, प्रभु हजरा, जिल्ला संयाेजक डा. विश्वम्बर शर्मा लगायतको उपस्थिति रहेको थियो ।

सुवोध स्मृति पत्रकारिता पुरस्कारबाट पत्रकार झा पुरस्कृत

0

वीरगंज । प्रतिक प्रकाशन समूहले हरेक वर्ष प्रदान गर्ने सुवोध सिंह स्मृति पत्रकारिता पुरस्कारबाट बरिष्ठ पत्रकार चन्द्रकिशोर झा पुरस्कृत भएका छन् । फोटो पत्रकार दिवगंत सुवोध सिंहको स्मृतिमा स्थापित पत्रकारिता पुरस्कारबाट कान्तिपुर दैनिकका स्तम्भकार एवम् खोज पत्रकारिता केन्द्रका अध्यक्ष झा यस वर्ष पुरस्कृत भएका हुन् ।

वीरगंजबाट प्रकाशित राष्ट्रिय ‘क’ वर्गको प्रतीक दैनिक पत्रिकाको ३७ औं बार्षिकोत्सवको अवसरमा झालाई वीरगंज महानगरपालिकाका प्रमुख राजेशमान सिंह र प्रतिक दैनिकका प्रधान सम्पादक जगदीश शर्माले सयुँक्त रुपमा दोसल्ला ओढाएर ५१ हजार राशीको चेक हस्तान्तरण गरेका थिए ।

कार्यक्रमलाई सम्बोधन गर्दै वीरगंज महानगरपालिकाका मेयर राजेशमान सिंहले २/४ वर्षपछि पुरस्कारको राशीलाई १ लाख बनाउने आयोजकको लक्ष्य अर्काे वर्षदेखि नै पूरा गर्ने गरी महानगरले सहयोग गर्ने प्रतिबद्धता व्यक्त गरे ।

उनले वीरगंजकाे पत्रकारितालाई सुधार र विकास गर्दै यहाँका पत्रकारहरुको क्षमता अभिवृद्धि एवम् पत्रकारिताको स्तरोन्नती गर्नुपर्नेमा जोड दिए । साथै उनले आफुले महानगरको नेतृत्व गरेदेखि कुनै पनि किसिमका अनियमितता नगरेको दाबी गर्दै अख्तियार दुरुपयोग अनुसन्धानलाई आएर छानविन गर्न चुनौती पनि दिए ।

अख्तियारले खाली पत्र पठाउने गरेपनि आएर छानविन गरेर कागजात नियन्त्रणमा लिने हिम्मत गर्न नसकेको महानगर प्रमुख सिंहको भनाई छ ।

कार्यक्रममा जिल्ला प्रशासन कार्यालय पर्साका प्रमुख जिल्ला अधिकारी हिरालाल रेग्मी, सशस्त्र प्रहरी उपरीक्षक सुमन थपलिया, वीरगंज उद्योग वाणिज्य संघका बरिष्ठ उपाध्यक्ष हरि गौतम लगायतको उपस्थिती रहेको थियो ।

सुरुमा फोटो पत्रकारलाई मात्रै प्रदान गरिँदै आएको पुरस्कार गत वर्षदेखि अन्य विधाका पत्रकारलाई पनि प्रदान गरिदै आएको प्रतिक दैनिकका सम्पादक शत्रुघन नेपालले जानकारी दिए ।

वीरगंज महानगरपालिका वडा नम्बर १५ स्थित ज्येष्ठ नागरिक पार्कमा आयोजित कार्यक्रममा प्रतिक दैनिकले पत्रिकाका जितलाल राम, मुकेश बस्नेत र धर्मेन्द्र ठाकुरलाई पनि नगद र सम्मान पत्रमार्फत सम्मानित गरेको थियो ।

आरती साहकाे न्याय माग्दै जनमतद्वारा वीरगंजमा प्रदर्शन

0

वीरगंज । आरती साहकाे न्यायका लागि जनमत पार्टी निकट जनमत युवा संघ वीरगंज महानगर समितिले बिहिबार वीरगंजमा शान्तिपूर्ण प्रदर्शन गरेका छन् ।

दाइजोकाे निहुँमा ज्यान गुमाएकी धनुषाकी आरती साहको न्यायका लागि जनमत पार्टीका युवाहरुले प्रदर्शन गरेका हुन् । बिहीबार साँझ घण्टाघर चाेकमा जम्मा भएका जनमत पार्टी निकटका युवाहरुले आरती साहकाे न्याय माग्दै नाराबाजी गरेका थिए ।

प्रदर्शनमा सहभागी जनमतका युवाहरुले आरती साहलाई न्याय दे, दाेषीलाई कारबाही गर, आरती साहकाे परिवारजनसंग दुर्व्यवहार गर्ने प्रहरीलाई कारबाही गर लगायतका नारा लगाएका थिए ।

नाराबाजीपछि आयाेजित काेणसभामा बाेल्दै जनमत पार्टीका पर्सा जिल्ला संयाेजक ओम प्रकाश सर्राफले दाइजाेकाे निहुँमा मारिएकी आरति साहकाे न्यायका लागि उनका माइती पक्षका परिवारजन काठमाडौंकाे सडकमा ६२ दिनदेखि धर्नामा बस्दापनि सरकारले उनिहरुकाे पिडा र आवाज सुन्न नसक्नु दुखद भएकाे बताए ।

दाेषीहरुलाई पक्राउ गरि कारबाही नगरिए जनमत पार्टीले देशैभर आन्दोलन चर्काउने चेतावनीसमेत उनले दिए ।

जनमत युवा संघका नेता सन्जय सिंहकाे संयाेजकत्वमा भएकाे प्रदर्शनमा जनमत पार्टीका पर्सा सहइन्चार्ज मुकेश द्विवेदी, नेतृ करिमा बेगम , नजमा खातुन,युवा नेता कन्हैया झा, राजनारायण मिश्र,विद्यार्थी नेता राजुराज गिरी लगायतकाेपनि सहभागीता थियाे ।

जसपा पाेखरिया नगर समितिकाे बैठक सम्पन्न

0

वीरगंज । जनता समाजवादी पार्टी नेपाल पोखरीया नगर कार्य समितिको बैठक बिहिबार सम्पन्न भएकाे छ । पार्टीका नगर अध्यक्ष राजु साहकाे अध्यक्षता र जिल्ला अध्यक्ष रामनरेश यादवकाे प्रमुख आतिथ्यतामा बसेकाे बैठक सम्पन्न भएकाे हाे ।

पाेखरियामा बसेकाे बैठकले नगरपालिका भित्रकाे सम्पूर्ण वडाकाे वडा कमिटी असाेज भित्र पुर्नगठन गर्ने निर्णय गरेकाे छ । 

बैठकमा पार्टीका केन्द्रिय सदस्य खलिल मियाँ, सलमा खातुन, जिल्ला उपाध्यक्ष नागेन्द्र यादव, जिल्ला सचिव तबरेज अहमद, प्रदेश क्षेत्रिय अध्यक्ष पवन कुमार सिंह, नगर सचिव दशरथ पटेल लगायतकाे सहभागिता रहेका थिए ।