Date
सोम, कार्तिक ३०, २०८३
Mon, November 16, 2026
Home Blog Page 501

विश्वकर्मा पुजा नजिकिँदै गर्दा कालिगढहरुलाई मुर्ती बनाउन भ्याई नभ्याई

0

मुस्कान श्रेष्ठ /
वीरगंज । विश्वकर्मा पुजा नजिकीदै गर्दा पर्सामा यतीबेला कालिगढहरुलाई मुर्ती बनाउन भ्याई नभ्याई भएको छ । जिल्लाका विभिन्न स्थानहरुमा मुर्तीलाई अन्तिम रुप दिन मुर्तीकारहरु रंगरोवनमा व्यस्त भएका छन् ।

हिन्दुहरुको महान चाडपर्व सुरु भएसंगै पर्सामा विभिन्न ठाउँबाट आएका मुर्तीकारहरु मुर्ती बनाउन व्यस्त भएका छन् । कलकारखानाको पार्टपूर्जाको तथा यन्त्रको देउताको रुपमा पूजिने विश्वकर्मा बाबाको पूजाका लागि मुर्तीकारहरुलाई भ्याई नभ्याई भएको छ ।

यतीबेला मुर्ती निर्माण कार्य अन्तिम चरण पुगेकोले मुर्तीलाई आर्कषक बनाउन उनीहरु सजावट तथा रंगरोगन कार्यमा जुटेका छन् ।

प्रत्येक वर्ष बारा, पर्सा, रौतहट लगायत समग्र तराई मधेशमा चाडपर्वको अवसरमा मुर्तीको आवश्यकता पर्दछ । खासगरी सरस्वती पूजा, कृष्ण अष्टमी, विश्वकर्मा पूजा, दुर्गा पूजालगायतका विभिन्न पर्व तथा पूजाहरुमा चोक चोक र टोल टोलमा माटोको मुर्ति राखेर भव्य रुपमा मनाउने चलन छ ।

मुर्तीको माग पुर्ती गर्नका निम्ति पर्वको ढेड महिना अगावै भारतको विभिन्न सहरहरुबाट कालिगढहरु आएर मुर्ती बनाउन थाल्छन् ।

यद्यपि, विगत वर्षहरुमा जस्तो पछिल्लो समय मुर्तीको व्यापार खासै नरहेको काालिगढहरु बताउछन् । कोरोना, त्यसपछिको लकडाउनले खस्कदै गएको उद्योग व्यापारका कारण आफूहरुले मुर्तीमा गरेको लगानी जतिको पनि आम्दानी गर्न नसकेको उनीहरु बताउछन् ।

विगतमा एउटा मुर्ती ५ देखि १० हजार सम्म बेचेर ५० हजार देखि १ लाख सम्मको आम्दानी गरेकोमा अहिले रेट घटाएर मुर्ती बेच्नु परेको उनीहरुको गुनासो छ ।

यस्तै, विगत जस्तो मुर्तीको मागमा पनि कमी आएको छ । मुर्ती बनाउन खर्च मात्र नभइ श्रम पनि बढी नै लाग्छ तर शारिरीक श्रम र खर्च जतिको पनि आम्दानी नभएको हुँदा धेरैजसो मुर्ती वयापारहरु यस पेशाबाट पलायन भएको अवस्था छ ।

मुर्ती निर्माणमा आवश्यक पर्ने कच्चा पर्दाथ जस्तै माटो, पराल, बासँ, रंगदेखि श्रींगारका समानलगायत सबै महंगोमा खरिद गर्नुपरेको मुर्तीकारहरुको भनाई छ । मुर्ती बेचेरैं जिविकोपार्जन गर्न कठिनाई रहेको भारतिय कालिगढ बताउछन् ।

यता, उद्योग कलकारखानाको महत्वपुणर् पूजाको रुपमा रहेको विश्वकर्मा पूजा कोरोना र रुस-युक्रेन युद्धको कारण उद्योग व्यापार व्यवसायहरुले पनि आसै आम्दानी गर्न सकेको छैन । जसकारण विगत जस्तो चन्दा संकलन गरेर मुर्ती खरिद गरी भव्यताका साथ पूजाको समारोहको आयेजना गर्नेमा कमी आएको छ ।

पर्साकाे विभिन्न पालिकामा जलाईयाे शिक्षा सम्बन्धि विधेयक

0

वीरगंज । पर्साको विभिन्न पालिकाहरुमा शिक्षक महासंघले बुधवार संसदमा टेबल भएको विद्यालय शिक्षा सम्बन्धी कानुन संशोधन र एकीकरण गर्न बनेको विधेयक २०८० को प्रतिलिपि जलाएकाे छ ।  

वीरगंज महानगरपालिका अन्तर्गतका सामुदायिक विद्यालयका शिक्षकहरुले शुक्रबा वीरगंजकाे घण्टाघर चोकमा विरोध प्रदर्शन गर्दै विधेयकको प्रतिलिपि जलाएका हुन् ।

घण्टाघर चोकमा भेला भएका शिक्षकहरूले ‘शिक्षा विधेयक खारेज गर’, ‘प्रचण्ड सरकार मुर्दावाद’, ‘शिक्षामन्त्री मुर्दावाद’ लगायतका नारा लगाउँदै विधेयक जलाएको शिक्षक महासंघ पर्साका सचिव विनाेद गिरीले बताए ।

त्यस्तै जिल्लाको दोस्रो सदरमुकाम भनिने पोखरियामा पनि शिक्षकहरूले शुक्रबार शिक्षा सम्बन्धी विधेयकको प्रतिलिपि जलाएका हुन् । नगरपालिका अन्तर्गतका सामुदायिक विद्यालयका शिक्षक शिक्षिकाहरूले पोखरियामा विरोध जुलुस निकालेर प्रदर्शन गर्दै विधेयक जलाएका थिए ।

पोखरिया नगरपालिका – ४ पोखरिया बजारस्थित जिल्ला उच्चाङ्गल रामदेव कलवार प्राविधिक नमुना विद्यालय परिसरमा भेला भई विरोध जुलुस निकाल्दै शिक्षकहरूले बजार परिक्रममा समेत गरेका थिए ।

यसै गरी छिपहरमाई गाउँपालिका, कालिकामाई गाउँपालिका, धाेबिनी गाउँपालिका, पकहाँ मैनपुर गाउँपालिकामा लगायकाे पालिकाहरुले शिक्षकहरूले विधेयकको प्रतिलिपि जलाएका हुन् । 

डेंगीलाई फैलन नदिन महानगरको ‘खोज र नष्ट गर’ अभियान

0

वीरगंज । वीरगंज र आसपासका क्षेत्रमा डेंगीको संक्रमण फैलन थालेपछि महानगरपालिकाले डेंगु संक्रमण फैलाउने लामुखुट्टेको वासस्थान पत्ता लगाएर लार्भा ‘खोज र नष्ट गर’ अभियन नै चलाइरहेको छ ।

पछिल्लो केही दिन यता यहाँका अस्पतालहरुमा डेंगीका विरामीको संख्या बढ्दै गएपछि महानगरले विशेष अभियान नै चलाएको हो ।

शुक्रबार पर्साका प्रमुख जिल्ला अधिकारी हिरालाल रेग्मीको अध्यक्षतामा बैठक बसेर डेंगी संक्रमण नियन्त्रणका लागि वडा स्तरीय सचेतना कार्यक्रम संचालन गर्नुका साथै ‘खोज र नष्ट गर’ अभियानलाई निरन्तरता र डेंगी जाँच किटको व्यवस्था गर्ने बारे छलफल भएको छ ।

प्रमुख जिल्ला अधिकारी रेग्मीले डेंगी संक्रमण नियन्त्रणका लागि महानगरले थालेको कदम सह्रानीय रहेको भन्दै यसमा सबै तह र तप्काको साथ रहनु पर्नेमा जोड दिए ।

‘डेंगी समस्याको रुपमा फैलन नदिन पहिल्यै चनाखो भएर सबैले हातेमालो गरेर आवश्यक सतर्कता अपनाऔँ,’ उनले भने, ‘बेलैमा संक्रमण नियन्त्रणमा ल्याउन नसकिए भयावह स्थिति सिर्जना गर्नेछ ।’

प्रमुख जिल्ला अधिकारी रेग्मीले आफू मातहतका सबै कार्यालयलाई डेंगी संक्रमण नियन्त्रणमा हातेमालो गर्न निर्देशन दिँदै टोलटोलबाटै संक्रमण नियन्त्रणका लागि सबै जाग्नु पर्ने बताए ।

महानगरको स्वास्थ्य, सरसफाई शाखा र नगर प्रहरी समेतको टोली हरेक दिन वीरगंज विभिन्न स्थानमा पुगेर लामखुट्टेको वासस्थानको खोज्दै लार्भा नस्ट गर्दै आइरहेको छ ।

शुक्रबारको बैठकमा महानगरका स्वास्थ्य शाखा प्रमुख अनिल यादवले डेंगु संक्रमणको अहिलेसम्मको अवस्था र यसको नियन्त्रणमा महानगरले गरिरहेको अभियानका बारेमा जानकारी गराए ।

महानगरको सभाहलमा बसेको बैठकमा महानगरका निमित्त प्रमुख प्रशासकीय अधिकृत अरविन्दलाल कर्ण, जिल्ला प्रहरी कार्यालय पर्साका प्रमुख प्रहरी उपरीक्षक कोमल शाह, शसस्त्र प्रहरी उपरीक्षक किशन कर्माचार्य, नेपाली सेनाका प्रमुख सेनानी डायमण्ड कार्की, जनस्वास्थ्य कार्यालय पर्साका जनस्वास्थ्य अधिकृत भागिरथ चौधरी, नारायणी अस्पतालका प्रवक्ता एवं फिजिसियन डा.उदयनारायण सिंह लगायत विभिन्न कार्यालय तथा संस्थाका प्रतिनिधिहरुको सहभागिता रहेको थियो ।

धाेबिनीकाे सम्पन्न गाउँ सभा प्रति केही सदस्यहरु असन्तुष्ट, कारण के ?

0

वीरगंज । पर्साको धोबिनी गाउँपालिकाकाे ८ ‌औं गाउँ सभा प्रति केही गाउँ सभा सदस्यहरु असन्तुष्टि जनाएका छन् ।

६ जना कार्यपालिका सदस्य र एक जना वडा सदस्य गरी ७ जना गाउँ सभा सदस्यले शुक्रबार पत्रकार सम्मेलन गर्दै आफुहरुकाे जानकारी बेगर नै गाउँ सभा सम्पन्न भएकाे भन्दै असन्तुष्टि जनाएका हुन् ।

वीरगंजस्थित नेपाल पत्रकार महासंघ पर्साकाे भवनमा भएकाे पत्रकार सम्मेलनमा गाउँ कार्यपालिका सदस्य दिनेश प्रसाद, नन्दकिशाेर साह कानु, रिना देवी, साेभावती देवी, सार्धा देवी पासवान, पवन ज्याेती कुमारी र वडा सदस्य मैना देवीकाे उपस्थिती रहेकाे थियाे ।

उनीहरुले गाउँपालिका अध्यक्ष मदन प्रसाद चाैहान एवं उपाध्यक्ष मंजु देवी कुर्मीले आफूखुसी वीरगंजमा बसी गाउँसभा एवं बजेट सार्वजनिक गरेको आरोप लगाएका हुन् । उनीहरुले २०८० असारदेखि हालसम्म गाउँपालिका परिषद समेत नभएको र ७ जना गाउँपालिका सदस्यहरुले कुनैपनि कागजातमा आफुहरुले हस्ताक्षर समेत नगरेको र गाउँपालिका अध्यक्ष एवं उपाध्यक्षले आफूहरुलाई छाडी वीरगंजमा गोप्य रुपमा यही भदौ २७ गते परिषद गरेको विभिन्न सञ्चार माध्यमबाट जानकारी पाएको हुनाले गाउँसभा रद्द हुनुपर्ने माग गरे ।

यता गाउँपालिका अध्यक्ष मदन चौहानले आफ्नो स्वार्थ सिद्ध नभएपछि जनताको काम नै प्रभावित पार्न केही गाउँ सभा सदस्यहरु खाेजेकाे आराेप लगाए । उनले उनीहरु सहमतिमा नआएपछि पालिकाको काम २ महिना भन्दा बढि प्रभावित भएको कारण बहुमतीय प्रणाली अन्तर्गत गाउँसभा एवं बजेट सार्वजनिक गरिएको बताए ।

बहुमतीय प्रणाली अन्तर्गत २९ जनामध्ये २२ जनाले सहमतिमा गाउँ सभा सम्पन्न भएकाे उनको भनाई छ । उनका अनुसार गाउँपालिका अध्यक्ष, उपाध्यक्ष, पांचै जना वडाध्यक्ष र अन्य १५ जना गाउँ सभा सदस्यकाे सम्पन्न गाउँ सभामा समर्थन जनाएका हुन् ।

गाउँपालिका स्राेतका अनुसार असन्तुष्ट कार्यपालिका सदस्यले वडाध्यक्ष भन्दा बढी बजेट आफुहरुले खर्च गर्न पाउनु पर्ने अडान राखेका थिए । गाउँपालिका अध्यक्ष र उपाध्यक्षले असन्तुष्ट गाउँ कार्यापालिका सदस्यहरुलाई रु २५ लाखकाे याेजना दिन माग गरे पनि आफूहरु रु ६५ लाख बराबरकाे याेजना खर्च गर्न पाउनु पर्ने अडान राखेका थिए ।  त्यस कारण असार १० गते भित्र सम्पन्न गरिसक्नु पर्ने गाउँ सभा नयाँ आर्थिक मसान्त सुरु हुँदा समेत हुन सकेका थिएन ।

गाउँ सभा नहुँदा गाउँपालिकाकाे कामकाज प्रभावित भएकाे थियाे । दुई महिनादेखि कर्मचारी तलब पाउन सकेका थिएन भने समाजिक सुरक्षा भत्ता समेत वितरण हुन सकेकाे थिएन । 

रु ३६ करोड ५ लाख बराबरकाे बजेट सार्वजनिक

गाउँपालिकाले ८ औं गाउँ सभाबाट आ.व. २०८०/०८१ को लागि ३६ करोड ५ लाख ५५ हजार रुपैया बजेट सार्वजनिक गरेको छ । आयतर्फ समानीकरण अनुदान ८ करोड ४२ लाख, सशर्त अनुदान १२ करोड ९५ लाख तथा राजस्व बाँडफाँड ६ करोड ४८ लाख ६७ हजार ८ सय गरि २७ करोड ८५ लाख ६७ हजार ८ सय रुपैया बजेट सार्वजनिक गरिएको प्रमुख प्रशासकिय अधिकृत महमद नवाज हुसेनले वताए ।

यसैगरि आयतर्फ कै प्रदेश सरकारको वित्तीय हस्तान्तरण अन्तर्गत समानीकरण अनुदान ५९ लाख ११ हजार, सशर्त अनुदान ५० लाख, राजस्व बाँडफाँड ४० लाख, विशेष अनुदान ३० लाख, समपुरक अनुदान २० लाख, स्थानीय राजस्व बाँडफाँड २० लाख गरि २ करोड १९ लाख ११ हजार एवं गत वर्षको आन्तरिक राजस्व मौज्दात ६ करोड ७६ हजार गरि ३६ करोड ५ लाख ५५ हजार बजेट सार्वजनिक गरेको हो ।

गाउँपालिकाकाे व्ययतर्फ कार्य सञ्चालन तलब भत्ता प्रशासनीक खर्च तथा सम्पूणर् चालु प्रकृतिका खर्चहरुमा ७ करोड ८२ लाख ९५ हजार, भौतिक पूर्वाधार तथा विकास निर्माणमा १४ करोड ७७ लाख ६० हजार, संघीय सशर्त अनुदानमा १२ करोड ९५ लाख, प्रदेश विशेष अनुदानमा ३० लाख, प्रदेश समपुरक अनुदानमा २० लाख बजेट अनुमति विनियाेजन गरिएकाे छ ।

डाक्टर कुटपिट गर्ने आराेपितहरु पक्राउ

0

वीरगंज । हेटौँडा उपमहानगरपालिका-१ मा रहेको सञ्चो अस्पतालमा कार्यरत ३३ वर्षीय डा. प्रसान्त बिडारी र ३७ वर्षीय डा. विकास थापामाथि अस्पतालमा ड्युटीमा खटिरहेको बेला कुटपिट गरेको आरोपमा प्रहरीले चार जनालाई पक्राउ गरेकाे छ ।

हेटौँडा उपमहानगरपालिका-१२, पदमपोखरीकी ३९ वर्षीया रिता प्रधान, २१ वर्षीया रमिता प्रधान, २३ वर्षीय रोहित प्रधान र २५ वर्षीय अनुप प्रधानलाई प्रहरीले बिहिबार पक्राउ गरेकाे हाे ।

डेङ्गु सङ्क्रमणको कारण ०८० साउन २५ गते मृत्यु भएका हेटौँडा उपमहानगरपालिका-१२ का ४१ वर्षीय राजेश प्रधानको उपचारमा लापरबाही भएको आरोप लगाउँदै उनका आफन्त सहितको केही युवाको समूहले बुधबार अस्पताल भित्रै प्रवेश गरी चिकित्सकहरूमाथि साङ्घातिक आक्रमण गरी कुटपिट गरेका थिए ।

सीसीटीभी फुटेजको आधारमा चिकित्सकहरूमाथि आक्रमण गर्ने मृतककी पत्नी रिता प्रधान, छोरी रमिता प्रधान, छोरा रोहित प्रधान र भतिज अनुप प्रधानलाई गिरफ्तार गरिएको जिल्ला प्रहरी कार्यालय मकवानपुरका डिएसपी लक्ष्मी भण्डारीले जानकारी दिए ।

घटनाका आरोपितहरूको खोजी गरी आवश्यक कारबाही गरिपाउँ भन्दै पीडित पक्षले भदौ २७ गते जिल्ला प्रहरी कार्यालयमा उजुरी दिएको थियो ।

कुटपिटबाट डा. बिडारीको आँखा र अनुहारमा चोट लागेको छ भने डा. थापाको गाला र अनुहार सुनिएको छ । उक्त घटनाको विषयमा छानबिन तथा खोजी भइरहेको  डिएसपी भण्डारीले वताए ।

पर्साकाे विभिन्न नाकाबाट प्रहरीकै संलग्नतामा तस्करी

0

वीरगंज ।  पर्सामा अबैध कारोवार एवं तस्करी चरम सिमामा पुगेको छ । जिल्ला प्रहरी कार्यालय पर्सा र सशस्त्र प्रहरी हेडक्वाटर १३ नम्बर गणको मिलोमतोमा ड्राईपोट भन्दा पश्चिमपारीको सबै नाकाहरुबाट तस्करी लाइन खुलेको छ ।

प्रहरीले पर्सा सदरमुकाम छेवछाव क्षेत्रबाट पनि केहि तस्करहरुलाई लाइन दिएको भएपनि ठूलो लाइन ग्रामिण इलाकाबाटै अहिले सुचारु रहेको छ ।

पर्सा प्रहरीले स्थानिय बुद्धिजिवी, नागरिक समाज एवं पत्रकारहरु झुक्याउने गरी सदरमुकाम आसपासको क्षेत्रमा तस्करी नियन्त्रणमा कडाई गरेको नाटक गर्ने गरेको एवं नामुद तस्करहरुसँग मोटो रकम नजराना बुझेर ग्रामिण क्षेत्रबाट लाईन खुल्ला गरेको स्रोतको दावी छ ।

पर्सा प्रहरीले सदमुकाममा तस्करी शुन्यमा झारिएको जति ढोल पिटेपनि पर्साको भिस्वा, बन्जारी, मिर्जापुर, जानकी टोला, अमरपट्टी, प्रसौनी, पहकाँ मैनपुर, सवैठवा, धोरे, ठोरी लगायताको क्षेत्रबाट ठूलो परिमाण प्रहरीले तस्करीलाई बढावा दिएको छ ।

सशस्त्र प्रहरी गुल्म सवैठवाका प्रमुख डिएसी केशवराज ओलियाको मातहतमा भिस्वा मिर्जापुरबाट भैंसी, धान, गहुँ, खुखुराको चल्ला, माछा, किराना, काजु, लाताकपडा लगायतको ठूलो परिमाणमा तस्करी भइरहेको छ ।

धोरे नाका हुँदै रातीको समयमा प्रहरीले ठूलो परिमाणमा भैसी र रंगाको तस्करी गराउँन सहयोग गरेको छ । यसबाट प्रहरीलाई मोटो रकमको अबैध आम्दनी भइरहेको श्रोतको दावी छ । श्रोतका अनुसार भन्सार छली गरी ल्याइएका भैंसी र रंगालाई नेपाल भित्रयाउन सशस्त्र प्रहरी गुल्म खेस्राहाले प्रति भैंसी रु एक हजार पांच सय बुझने गरेका छन् ।

रातीको समयमा गोरेटो बाटो र खेत भएर भैसी रंगा भित्रयाउँदा स्थानियहरुको धानवाली समेत नष्ट हुने गरेका छन् ।

त्यसैगरी मिर्जापुरबाट धान गहुँ, भैसी, किराना आइटम र कस्मेटिक लगायतको समाग्रीहरुको भारीमात्रामा तस्करी भइरहेको छ । श्रोतका अनुसार तस्करहरुले गहुँ र धानको तस्करी गर्नेहरु बोरा भित्र कपडा समेत लुकाएर नेपाल भित्रयाउने गरेका छन् ।

त्यसैगरी बिओपी मिर्जापुर प्रमुख सशस्त्र प्रहरी निरिक्षक दिपेन्द्र मल्ल र बन्जारी बिओपीका सशस्त्र प्रहरी निरिक्षक बिष्णुहरी थपाको कमाण्डमा तस्करी मौलाएको छ भने सशस्त्र प्रहरी गुल्म भिखमपुरको कमाण्डमा भारतीय सिमापारीको बजार भंगहा, इनर्वा, महादेवपट्टी लगायतबाट नेपालमा अबैध रुपमा माल समान आइरहेको छ ।

हरेक नाकाबाट हुने गरेको तस्करीमा नेपाल प्रहरीलाई पनि भाग आउने गरेको कारण नेपाल प्रहरीका प्रमुख सहितका ग्रामिण इलाकामा रहेका अधिकारीहरु मौन वस्ने गरेका छन् ।

तस्करीहरुबाट डिल भएका रकमहरु घुमुवा मार्फत नेपाल प्रहरी र सशस्त्र प्रहरीले असुली गर्ने गरेका छन् । समयमा नजराना वापतको रकम नदिए माल समान वाटोमै प्रहरीले रोकी जपत गर्ने गरेका छन् ।

यसरी देशकै अर्थतन्त्र डगमगाएको बेला देशको सुरक्षाका लागि खटिने राष्ट्र सेवकहरुले भन्सार छलीलाई प्रत्साहन गर्दा राजस्व घटेको छ । लामो समय समय यस्तै रहने हो भन्ने देशलाई यस्ता अधिकारीहरुले डुवाउन सक्न भएको हुँदा त्यस तर्फ केन्द्र र प्रदेशका प्रहरी प्रमुख तथा अधिकारीहरुलाई सचेत हुनु पर्ने देखिन्छ ।

सिमरा विमानस्थल स्तरोन्नतिका लागि रु ५ करोड २४ लाख विनियोजन

0

वीरगंज । नागरिक उड्डयन प्राधिकरणले बाराको सिमरा विमानस्थलको स्तरोन्नतिका लागि ५ करोड २४ लाख रुपैयाँ विनियोजन गरेको छ ।

प्राधिकरणले चालू आर्थिक वर्षमा देशका विभिन्न विमानस्थलको रन–वे, ट्याक्सी–वे तथा एप्रोन (पार्किङ) निर्माण तथा विस्तारका लागि ९६ करोड ७३ लाख ३७ हजार रुपैयाँ बजेट विनियोजन गरेको छ । जसमा सिमरा विमानस्थलको भागमा ५ करोड २४ लाख रुपैयाँ परेको हो ।

सिमरा विमानस्थलको ट्याक्सी–वे ओभरले र विमानस्थल सुरक्षाका लागि तार-बार गर्नका लागि पाँच करोड २४ लाख ४४ हजार रुपैयाँ छुट्याइएको प्राधिकरणका प्रवक्ता जगन्नाथ निरौलाले जानकारी दिए । प्राधिकरणका अनुसार सिमरा विमानस्थलमा गत आर्थिक वर्ष २०७९/८० मा भने १० करोड १६ लाख ४१ हजार रुपैयाँ लागतमा सम्झौता भएको थियो ।

यस्तै विराटनगर विमानस्थलको स्तरोन्नतिका लागि १० करोड, धनगढी विमानस्थलका लागि १ करोड २० लाख, मुगुको ताल्चा विमानस्थलका लागि ४ करोड ४४ लाख २४ हजार, इलामको फाल्गुननन्द सुकिलुम्बा विमानस्थलका लागि १ करोड र गोरखाको पालुङटार विमानस्थल सुदृढीकरणका लागि ४ करोड ४२ लाख ४७ हजार रुपैयाँ छुट्याइएको प्राधिकरणले जनाएको छ ।

त्यस्तै, महेन्द्रनगर विमानस्थलका लागि ९ करोड ७६ लाख ९९ हजार रुपैयाँ , चितवनको मेघौली विमानस्थलका लागि १ करोड ९ लाख रुपैयाँ, रूकुमको चौरजहारी विमानस्थलका लागि २२ करोड १२ लाख रुपैयाँ छुट्याइएको छ ।

नेम्वाङकाे निधनबाट कम्युनिष्ट आन्दोलनमा अपूरणीय क्षति : नेकपा एस पर्सा

0

वीरगंज । नेकपा (एकीकृत समाजवादी) पर्साले नेकपा एमालेका उपाध्यक्ष, संविधान सभाका अध्यक्ष, पूर्व सभामुख एवम् प्रतिनिधि सभा सदस्य स्व. सुवाषचन्द्र नेम्वाङको निधन प्रति शाेक व्यक्त गरेकाे छ ।

बिहिबार पार्टी पर्सा अध्यक्ष बालगाेपाल थापाले शाेक सन्देश जारी गर्दै भदाै २६ गते मंगलवार विहान १:५० बजे हृदय धातभई उपचारको क्रममा असामयिक दुःखद निधनबाट नेपालको कम्युनिष्ट आन्दोलन दुःख र पिडामा पुगेकाे वताएका छन् ।

उनले नेम्वाङकाे निधनबाट नेकपा (एकीकृत समाजवादी) पर्सा स्तब्ध मर्माहत भएकाे वताउँदै वहांको निधनबाट नेपाल कम्युनिष्ट तथा लोकतान्त्रिक आन्दोलनको साथै समग्र राष्ट्रकै लागि अपूरणीय क्षति पुगेको उल्लेख गरेका छन् ।

समाजवाद उन्मुख संविधान निर्माणमा वहांले गर्नु भएको योगदान प्रति उच्च सम्मान गर्दै “सम्पूर्ण पर्सा पार्टी पंक्ति भावपूर्ण श्रद्धाञ्जली अपर्ण गर्दछौं र परिवारजन प्रति हार्दिक समवेदना प्रकट गर्दछौं” अध्यक्ष थापाद्वारा जारि शाेक सन्देशमा उल्लेख छ । 

संघिय शिक्षा ऐनकाे विधेयक जलाइयाे

0
वीरगंज । संसदमा बुधवार दर्ता भएको विद्यालय शिक्षा सम्बन्धी कानुन संशोधन र एकीकरण गर्न बनेको विधेयक २०८० लाई नेपाल शिक्षक महासङ्घ पर्साले जलाएको छ ।
 
विधेयकलाई खारेज गर्न माग गर्दै महासंघले बुधबार सांझ वीरगंजकाे घण्टाघर चोकमा प्रदर्शन गर्दै विधेयककाे प्रतिलिपी जलाएकाे  महासंघ पर्साका जिल्ला सदस्य राहुल साहले वताए ।
 
संघीय सरकारद्वारा संघीय संसद सचिवालयमा बुधबारका दिन दर्ता भएको ‘विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक’ २०८० विद्यालयसँग सरोकारित सम्पूर्ण पक्षको विरोधी रहेकोले शिक्षक महासंघ यसको घोर यसकाे विराेधमा उत्रेकाे शिक्षक महासंघ पर्साका अध्यक्ष तिर्थराज यादवले वताए ।
 
संघीय सरकारद्वारा यस कालो विधेयक तुरुन्त फिर्ता लिन माग उनले विधेयक २०८० को विरोधमा कडा आन्दोलनका कार्यक्रम ल्याउन महासंघ राष्ट्रिय समितिसँग जोडदार माग समेत गरेकाे उनले जानकारी गराए ।

पत्रकारलाई धम्की दिनेलाई कारबाही गर्न फोटो पत्रकार महासंघकाे माग

0

वीरगंज । पर्साबाट सञ्चालित प्रहार डेली डटकमका सञ्चालक राहुल गुप्तालाई ज्यान मार्ने धम्की दिने जयप्रकाश भनिने रुपेश गुप्तालाई कारबाही गर्न नेपाल फोटो पत्रकार महासङ्घ पर्सा शाखाले माग गरेको छ ।

नेपाल फोटो पत्रकार महासङ्घ पर्सा शाखाका सदस्यसमेत रहेका गुप्तालाई फोन र म्यासेज मार्फत गालीगलौज गर्दै ज्यान मार्ने धम्की दिने बाराको परवानीपुर गाउँपालिका – ५ का वडाध्यक्ष रामेश्वर साह कलवारका जेठा छोरा रुपेशलाई कारबाही गर्न महासङ्घले माग गरेको हो ।

महासङ्घका सचिव श्रवण प्रसाद साहले बुधवार एउटा विज्ञप्ति जारी गर्दै समाचार लेखेको निहुँमा पत्रकार गुप्तालाई रुपेशले सामाजिक सञ्जाल र फोन मार्फत डर, धम्की र नानाथरिका गालीगलौज गर्दै ज्यान मार्ने सम्मको धम्की दिएको घटनाप्रति नेपाल फोटो पत्रकार पर्सा शाखाको गम्भीर ध्यानाकर्षण भएको जनाएका छन् ।

विज्ञप्ति मार्फत उनले गालीगलौच गर्दै धम्की दिएको घटनामा संलग्न दोषीलाई तत्काल पक्राउ गरी कानुनी कारबाही अगाडि बढाउन स्थानीय प्रशासन तथा सुरक्षा निकायसँग माग गर्दै पत्रकार गुप्ता सुरक्षाप्रति संवेदनशील हुन् पनि माग गरेका छन् । ‘घटनामा संलग्नहरूमाथि आवश्यक कारबाही र पत्रकार गुप्ताको सुरक्षाप्रति संवेदनशील बन्न स्थानीय प्रशासन तथा सुरक्षा निकायलाई आग्रह छ,’ विज्ञप्ति लेखिएको छ ।

समाचारप्रति असहमति भएको खण्डमा त्यसविरुद्ध कानुनी उपचार खोज्ने प्रावधान हुँदाहुँदै समाचार लेखेकै कारण पत्रकारमाथि गालीगलौज गर्नु अपशब्द प्रयोग गर्ने र ज्यान मार्ने सम्मको धम्की दिएको घटना लोकतान्त्रिक शासन व्यवस्था र प्रेस स्वतन्त्रता विरोधी कार्य भएको महासङ्घको ठम्याइ छ । पत्रकारलाई स्वतन्त्रतापूर्वक भयरहित र सुरक्षित रूपमा कलम चलाउने वातावरणमाथि कुनै पनि आँच आउने गतिविधिहरू नगर्न र प्रेस स्वतन्त्रताको पूर्ण सम्मान गर्न महासङ्घले अपिल पनि गरेको छ । 

आफ्ना पिताका विरुद्ध समाचार लेखेको भन्दै परवानीपुर – ५ का वडाध्यक्ष रामेश्वर साह कलवारको छोरा रुपेशले गुप्तालाई मङ्गलवार सामाजिक सञ्जाल, सन्देश र फोन मार्फत गालीगलौज गर्दै ज्यान मार्ने धम्की दिएका थिए ।