Date
सोम, कार्तिक ३०, २०८३
Mon, November 16, 2026
Home Blog Page 500

लागु औषधसहित ३ नावालक पक्राउ

0

वीरगंज । प्रतिबन्धित लागु औषध ३३७ पिस नाईट्राभेट ट्याब्लेट सहित तिन जना नावालकहरू पक्राउ परेका छन् ।

जिल्ला प्रहरी कार्यालय पर्साबाट खटिएको प्रहरी टोलीले जिल्ला भक्तपुर चाँगुनारायण नगरपालिका वडा नं. ७ निवासी १६ बर्षिय नावालक, जिल्ला सिन्धुली सुनकोशी गाउँपालिका वडा नं. २ निवासी १७ बर्षिय नावालक र जिल्ला बारा प्रसौनी गाउँपालिका वडा नं. ३ निवासी १७ बर्षिय नावालकलाई पक्राउ गरेकाे हाे ।

वीरगंज महानगरपालिकाकाे वडा नं. १५ ब्रहमचोक स्थित सडकखण्डबाट भदाै ३० गते शनिबार अपरान्ह ४:३० बजेको समयमा लागु औषध नाइट्राभेट ट्याब्लेटसहित  तीनै जनालाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक कुमार बिक्रम थापाले जानकारी दिए ।

प्रहरी टोलीले साे स्थानमा संकास्पदरूपमा धुम्रपान चुरोट सेवन गरिरहेको अवस्थामा तीनै जना नावालकहरुलाई कानूनी रीतपुर्‍याई खानतलासी गर्दा सिन्धुली निवासी १७ वर्षीय नावलले भिरेको झोलाबाट प्रतिबन्धित लागु औषध नाईट्राभेट १४ पत्तामा ३ सय ३७ पिस ट्याब्लेट फेला परेको प्रवक्ता थापाले वताए ।

त्यस पश्चात तिनै जनालाई नियन्त्रणमा लिई जिल्ला प्रहरी कार्यालयमा ल्याइ निजहरू विरुद्द लागु औषध सम्बन्धि कसूर मुद्दामा आइतबार पर्सा जिल्ला अदालतबाट ५  दिन म्याद थप अनुमति प्रदान गरी थप अनुसन्धान कार्य भैरहेको उनले जताए ।

पपुलर मोडल अवार्डबाट सजना खतिवडा सम्मानित

0

वीरगंज । नेपाल फेसन एण्ड इन्टरटेन्मेन्ट अवार्डको दोस्रो संस्करण थाइल्याण्डको बैंककमा सम्पन्न भएको छ । बैंकक सहरको आइबिस होटलको प्रेक्षालयमा सम्पन्न हिमालयन मुभिज, काठमाडौंद्वारा आयोजित सो कार्यक्रममा नेपाल तथा थाइल्याण्ड एवं म्यानमारका बिविध करिब दुई दर्जन व्यक्तित्वहरुलाई अवार्ड प्रदान गरिएको थियो।

कार्यक्रममा बिजेताहरूको रुपमा पपुलर मोडल (महिला) तर्फ सजना खतिवडा, पपुलर मोर्डन मेकअप आर्टिस्टको रूपमा लक्ष्मी भुषाल, पपुलर इभेन्ट मेकअप आर्टिस्टको रुपमा अनिता घिमीरे, पपुलर फेसन मेकअप आर्टिस्ट चन्द्रकला तामाङ, पपुलर मोडल (पुरुष) तर्फ ईश्वरबल्लभ उप्रेती अर्वाड पाएका हुन् ।

यसैगरी भर्खरै सम्पन्न रियालिटी सो मेरो डान्स युनिभर्सकी विजेता खुशी कार्कीलाई आइकोनिक डान्सीङ स्टारको अर्वाड प्रधान गरिएको थियो । एनआरएनए थाइल्याण्डका अध्यक्ष भविन्द्र बस्नेतलाई बेस्ट सोसियल वेलफेयर एक्टिभिस्ट र त्यस्तै गरी पूर्व थाइ नेपाली संघका अध्यक्ष ब्यवसायी एवं समाजसेवी कुमार कार्कीलाई बेस्ट नेप्लीज सोसियल क्याम्पेनरको अवार्ड प्रधान गरिएको थियो । 

गैर आवासिय नेपाली संघ, थाइ नेपाली संघका साथै नेपालबाट उपस्थित मोडल, कलाकार, सौन्दर्यकर्मी, समाजसेवी तथा फेसन क्षेत्रका ब्यक्तित्वहरुको उपस्थितीमा भब्य रूपमा कार्यक्रम सम्पन भएको आयोजकले जनाएको छ ।

सुरेन्द्र भट्टराईको संयोजन रहेको सो कार्यक्रम इभेन्ट म्यानेजर कोमलनाथ खतिवडाले सन्चालन गरेका थिए ।

राष्ट्रिय तथा अन्तराष्ट्रिय स्तरमा रहेका फेसन तथा मनोरन्जन क्षेत्रका व्यक्तित्वहरुलाई सम्मान प्रदान गर्ने हेतुले कार्यक्रमलाई विश्वव्यापी रूपमा क्रमशः अगाडी बढाउने उद्देश्यले आयोजना गरिएको हिमालयन मुभिजकी अध्यक्ष हिमानी सुब्बाले बताइन ।

गाेला प्रथाबाट गादीमाई साझेदारीकाे सदस्यमा केवट विजयी

0

वीरगंज । पर्साकाे गादीमाई साझेदारी वन उपभाेक्ता समुहकाे चुनावमा बराबरमा मत ल्याएका दुई सदस्य बिच गाेला प्रथाबाट टुंगाे लागेकाे छ ।

गोला प्रथाबाट भएको निर्णयले कृष्णमोहन यादव पक्षका मनोज महतो केवट बिजयी भएको गादीमाई साझेदारी वन उपभोग्ता समुहका पदेन सचिव तथा वन अधिकृत सुमन पाण्डेले जानकारी दिए ।

गत असार २६ र २७ गते भएकाे साझेदारी वन उपभोग्ता समुहको चुनावमा कृष्ण माेहन नेतृत्वकाे प्यानलका जगरनाथपुर गाउँपालिका वडा नम्बर २ जानकीटोला निवासी मनोज महतो केवट र सहरुम राउत प्यानलका जिराभवानी गाउँपालिका वडा नमबर १ बलुवा निवासी अम्रेश ठाकुर लोहारले ९८-९८ बराबर मत ल्याएका थिए । त्यस कारण दुबै सदस्य बिच चयन हुनु पर्ने एक सदस्य चयन हुन सकेकाे थिएन ।

साे सम्बधमा आइतबार जिल्ला वन डिभिजन कार्यालय पर्सामा भएकाे छलफलमा गोला प्रथाबाट दुई मध्ये एक सदस्य चयन गर्ने सहमती जुटेपछि त्यस अनुसार नै गरिएकाे थियाे । जसमा उपभाेक्ता समुहका अध्यक्षमा पराजित कृष्णमाेहन पक्षका केवट चुनिएका हुन् ।

वन उपभाेक्ता समुहकाे अध्यक्षमा कांग्रेस निकटका सहरुम राउत गद्दीसहित १३ जना बिजयी भएका थिए ।

अहिलेपनि जिल्लामा रहेका ३ वटा साझेदारी वन उपभोग्ता समुह मध्ये बिन्दासिनी र सबैयाको चुनाव हुन नसकेको जिल्ला वन डिभिजन कार्यलय पर्साले जनाएको छ ।

श्रीलङ्कालाई हराउँदै भारत एसिया कप २०२३ च्याम्पियन

0

वीरगंज । भारतले श्रीलङ्कालाई १० विकेटले हराउँदै एसिया कपको उपाधिमाथि कब्जा जमाउन सफल भएको छ । भारतले प्रतियोगिताको उपाधि हात पारेको यो आठौँ पटक हो ।

श्रीलङ्काले प्रस्तुत गरेको ५१ रनको झिनो लक्ष्य भारतले मात्र ६.१ ओभरमा कुनै पनि विकेट नगुमाई पछ्यायो । भारतका लागि ईशान किसनले २३ तथा शुभमन गिलले २७ रनको पारी खेले ।

यसअघि श्रीलङ्काली टोली एसिया कपको इतिहासमै सबैभन्दा कम योगफलमा समेटिएको थियो । भारतविरुद्धको फाइनलमा टस जिती पहिलो ब्याटिङको निर्णय लिएको श्रीलङ्काले १५.२ ओभरमा अलआउट हुनुअघि ५० रनमात्र बनाउन सक्यो ।

भारतका दायाँहाते तीव्र गतिका बलर मोहम्मद सिराजका अगाडि श्रीलङ्काली ब्याट्सम्यानहरू निरीह साबित भए । श्रीलङ्काका कुनै पनि ब्याट्सम्यान लामो समय क्रिजमा टिक्न सकेनन् । 

ओपनर कुशल परेरा खाता खोल्नुअघि नै पेभेलियन फर्किए । त्यसलगत्तै अर्का ओपनर पाथुम निसानका पनि दुई रन बनाउँदै आउट भए । तेस्रो विकेटका रूपमा सादिरा सामराबिक्रमा शून्य रनमै पेभेलियन फर्किए । चौथो विकेटका रूपमा चरिथा असालंका पनि शून्य रनमै आउट भए । 

यसैगरी पाँचौँ विकेटका रूपमा धनन्जय डा शिल्भा आउट भएका थिए । उनी पनि चार रनभन्दा अगाडि बढ्न सकेनन् । छैटौँ विकेटका रूपमा कप्तान दासुन सानका शून्य रनमै आउट भए । सातौँ विकेटका रूपमा विकेटकिपर ब्याट्सम्यान कुशल मेन्डिस १७ रन बनाउँदै आउट भए । उनले ३४ बलको सामना गरी तीन चौका हिर्काए । उनी श्रीलङ्काका लागि दोहोरो अङ्कमा रन बनाउने एकमात्र खेलाडी हुन् । 

यसैगरी आठौँ विकेटका रूपमा दुनिथ वेल्लालागे पेभेलियन फर्किएका थिए । उनले २१ बलको सामना गरी आठ रनमात्र बनाउन सके । श्रीलङ्काले नवौँ विकेटका रूपमा प्रमोद मदुसनलाई गुमाएको थियो । उनी एक रन बनाउँदै आउट भए ।  श्रीलङ्काले अन्तिम विकेटका रूपमा माथिसा पाथिरानालाई शून्य रनमा गुमायो ।

श्रीलङ्काले एक रनमा पहिलो, आठ रनमा दोस्रो, आठ रनमै तेस्रो, आठ रनमै चौथो, १२ रनमा पाँचौँ, १२ रनमै छैटौँ, ३३ रनमा सातौँ, ४० रनमा आठौँ, ५० रनमा नवौँ र दसौँ विकेट पनि ५० रनमा गुमाएको थियो ।   

एसिया कपको इतिहासमा कुनै पनि टोलीले बनाएको सबैभन्दा कम योगफल ८७ रन हो । सन् २००० मा भएको एसिया कपमा पाकिस्तानविरुद्धको खेलमा बंगलादेशी टोली ८७ रनमा अलआउट भएको थियो । उक्त खेलमा बंगलादेश ३४.२ ओभरमा अलआउट भएको थियो । 

श्रीलंका ५० रन मै अलआउट, भारतलाई सहज लक्ष्य

0

वीरगंज । एसिया कपको क्रिकेटको फाइनल खेलमा श्रीलंकाले ५० रन मात्र बनाउन सकेकाे छ । टस जितेर पहिला ब्याटिङ गरेको श्रीलंकाले १५.२ ओभर मै पुरै विकेटकाे नाेक्सानीमा ५० रन मात्र बनाउन सकेकाे हाे ।

सुरुवातमै नराम्रो झट्का लागेको श्रीलंकाले भारतलाई सहज ५१ रनकाे लक्ष्य दिएकाे छ । चार ओभरको समाप्तिमा श्रीलंकाले पाँच विकेटको क्षतिमा १२ रन मात्र बनाएको थियाे ।

 

जिल्ला स्तरिय भलिबल खेलाडी छनाैट प्रतियाेगिता सम्पन्न

0

वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा शनिबार जिल्ला स्तरिय अन्डर १३, १५ र १९ का भलिबल खेलाडी छनाैट प्रतियाेगिता सम्पन्न भएकाे छ ।

श्री ने.रा.मा.वि. महुवनकाे प्राङ्गणमा भएकाे प्रतियाेगितामा अगामी असाेज १३ गतेदेखि काठमाडाैंमा हुन गइरहेकाे बृहत राष्ट्रिय खेलकुद प्रतियाेगितामा पर्सा जिल्लाबाट सहभागि हुने ९ जना खेलाडी र ३ जना वैकल्पिक खेलाडी गरि १२ जनाकाे छनाैट भएकाे पारसनाथ खेलकुद विकास समितिका अध्यक्ष वेदप्रकाश राैनियारले जानकारी दिए ।

प्रदेश सभा सदस्य प्रमाेद जयसवाल, पारसनाथ खेलकुद विकास समिति महुवनकाे सहयाेग र जिल्ला भलिभल संघ पर्साकाे आयाेजनामा भएकाे खेलाडी छनाैट प्रतियाेगितामा जिल्ला भरिका पालिकाहरुबाट २५५ जना पुरुष भलिवल खेलाडीहरुकाे सहभागिता रहेकाे थियाे ।

सखुवा प्रसाैनी गाउँपालिका वडा नं. ५ का वडाध्यक्ष अशेश्वर प्रसाद यादवकाे अध्यक्षता र प्रदेश सभा सदस्य प्रमाेद जयसवालकाे प्रमुख आतिथ्यतामा भएकाे कार्यक्रममा नेपाल भलिवल संघका केन्द्रिय सचिव एवम् जिल्ला भलिवल संघ पर्साका अध्यक्ष महमद फिराेज, सखुवा प्रसाैनी गाउँपालिकाकी उपाध्यक्ष शर्मिला विष्ट, पर्सा जिल्ला एथलेटिक्स प्रशिक्षक बिशेश्वर पटेल, सखुवा प्रसाैनी गाउँपालिका वडा नं. ६ का वडाध्यक्ष मुना प्रसाद कम्कर लगायतकाे सहभागिता रहेकाे थियाे । 

जगरनाथपुरमा तीजकाे शुभकामना आदान प्रदान

0

कृषी सहुलियत ऋण लिएर ३६ प्रतिशतमा लगानी, मिटरव्याजीकाे उजरी

0
दुग्धेश्वर कृषि तथा पशुपँक्षी फर्म लि. का संचालक सुनिल पाण्डे र ऋणी दिलीप कुमार साह । तस्बिर : कालिका टाईम्स

वीरगंज । दुग्धेश्वर कृषि तथा पशुपँक्षी फर्म लि. वीरगंजका संचालक सुनिल पाण्डेले कृषी सहुलियत ऋण लिएर मिटरव्याजमा पैसा लगानी गर्ने गरेकाे आराेप लागेकाे छ ।

वीरगंजकाे आदर्शनगरस्थित लोहारपट्टिमा रहेकाे फर्मका संचालक पाण्डेले नेपाल बैंक लिमिटेडबाट सहुलियत कृषि कर्जा लिएर विभिन्न व्यक्तिहरुलाई मिटरव्याजमा पैसा लगानी गर्ने गरेको ऋणीहरुले वताएका छन् ।

पकाहाँ मैनपुर गाउँपालिका वडा नं. २ मानीपुर निवासी पाण्डेले फर्मको नाममा पासबुक नै जारी गरि कर्जा दिने गरेका छन् । कर्जा दिएर किस्ता बापत रकम बुझ्दै जाने र पछि चेक बाउन्स गराई मुद्दा हाल्ने आरोप उनी माथी लगाइएको छ ।

संचालक पाण्डेले वीरगंजस्थित दैनिक बचत तथा ऋण सहकारी सँस्थालाई ८२ लाख रुपैया कर्जा दिएर ७७ लाख असुली गरि पुनः ८२ लाखको चेक बाउन्सको मुद्दा दिएको सहकारी सँस्थाका व्यवस्थापक सानु सिन्हाले आराेप लगाएका छन् ।

उनका अनुसार पाण्डेले २०७७ पुसदेखि २०७८ चैत मसान्तसम्म १९ पटक गरि ८२ लाख रुपैयाँ सहकारीलाई कर्जा दिएको र २०७९ वैशाख मसान्तसम्म ७७ लाख रुपैया किस्ताबापत बुझिसकेको छन् ।

कर्जा लगानी गर्ने बखत सहकारीका अध्यक्ष रुपेश कुमार पटेलसँग संचालक पाण्डेले ब्लेङ्क चेक लिएका थिए । फर्मका बजार प्रतिनिधि नितेश कुमार चौरसियाले दैनिक १० देखि ३० हजार रुपैयासम्म संकलन गरि ७७ लाख रुपैया बुझिसकेको प्रबन्ध निर्देशक सिन्हाको भनाई छ ।

साँवा ५ लाख तथा व्याज ८ लाख गरि १३ रुपैयाँ जति बाँकी रहेकोमा हाल आएर फर्मका अध्यक्ष पाण्डेले सादा चेकमा ८२ लाख रुपैया लेखी गरिमा विकास बैंकबाट २०७९ कात्तिक १७ गते चेक बाउन्स गराई जिल्ला अदालत पर्सामा मुद्दा हालेको सिन्हाको भनाई छ । 

यसैगरी रौतहट जिल्ला परोहा नगरपालिका – ४ घर भई हाल वीरगंज – ११ मुर्ली निवासी किराना पसल व्यसायी दिलीप कुमार साहले पनि फर्मका संचालक पाण्डेबाट पीडित भएको आरोप लगाएका हुन् । उनका अनुसार आफुले २०७६ साल माघ १३ गते १ लाख तथा २०७९ कात्तिक महिनासम्म १२ लाख २० हजार गरि १३ लाख २० रुपैया ३६ प्रतिशतको दरले व्याजमा लिएका थिए ।

पटक पटक किस्ता गरि ७ लाख रुपैया पाण्डेलाई बुझाई सकेको अवस्थामा हाल आएर ६३ लाखको चेक बाउन्स गराई मुद्दा हालेको बताए । आफुले रु ७ लाख बुझाईसकेपछि हिसाब किताब गर्दा ६ रुपैया सयकडा (१ लाख रुपैयाको प्रति महिना ६ हजार रुपैया) अर्थात बार्षिक ७२ प्रतिशतको दरले व्याज जोडी १ करोड ४३ लाख रुपैया दिनुपर्ने अडान राखेका थिए ।

पिडित साहले त्यति दिन नमानेपछि पाण्डेले आफुले दिएकाे व्लेङ्क चेक मध्ये २ वटा चेकमा रु ६३ लाख र रु ३१ लाख रकम भरि चेक बाउन्स गराई मुद्दा हालेकाे वताए । चेक बाउन्सको मुद्दा हाल्नुभन्दा अगावै दिलीप साहले जिल्ला प्रशासन कार्यालय पर्सामा पाण्डे विरुद्ध मिटरव्याज सम्बन्धी उजुरी दिएको कारण १ दिन मात्रै प्रहरीको हिरासतमा रहेर बाहिर निस्केको बताए ।

पैसा पचाउने प्ररपन्च हाे : संचालक पाण्डे

यता दुग्धेश्वर कृषि तथा पशुपँक्षी फर्म लि.का संचालक पाण्डेले आफुले दिएकाे पैसा पचाउन दैनिक बचतका संचालक र दिलिपले विभिन् किसिमकाे परपन्च रचेकाे वताए । उनले यस बिषयमा व्यवहारिक रुपमा २० पटक भन्दा बढि छलफल भइसकसेको बताए ।

उनले स्थानियहरुले समाजिक रुपमा गरेको निर्णय पनि नमान्ने एवं अरुको मेहन्तबाट कमाएको पैसा पचाउन खाजेपछि आफु बाध्य भएर कानुनको सहारा लिएको बताए । उनीहरु बिरुद्धको मुद्दा हाल अदालतमा बिचारा रहेको बताउँने न्याय पाउँनेमा आफु आशावादी रहेको बताए ।

उनले आव २०७८/०७९ मा १ करोड १३ लाख रुपैयाँ बाँकी रहेकोले पटक पटक दिने भनि सहमति भएको छ । त्यस पश्चात ५/६ लाख रुपैयाँ मात्रै दिएको बताए । उनले आफु कृषि फर्म मार्फत माछा पालन लगायतको कृषजन्य कृयाकलापमा समलग्न रहेको वताउँदै पाण्डेले आफुले भद्र सहमती गरी यदगार र दैनिक कृषि सहकारीका संचालकलाई पैसा दिएको बताउँदै उनीहरुले मेरो सहित आम बचत कर्ताको पैसा समेत लुटने प्रयास गरेपछि कानुनको सहारा लिएको बताए ।

आफुले कसैलाई ऋण दिदा कुनै पासबुक जारी नगरेको एवं सरकारी नियम अनुसार नै व्याज लिने गरेको बताए । तर उनीहरुले व्याजको त कुरै नगरौं सावा नै दम्पच गर्न खाजेपछि बाध्य भएर आफु कानुनको सहारा लिएको पाण्डेले बताए । उनले आफुले फर्मको नामले कर्जा नदिई निजी कर्जा दिएको समेत बताए । तपाई दिएकाे यत्राे ठूलाे रकमकाे स्राेत के हाे ? पत्रकारकाे प्रश्नमा आफुमाथि पनि रु पांच कराेड जति ऋण रहेकाे वताए

पैसा पचाउन उनीहरुले वाउन्सर समेत प्रयोग गरेको दावी गर्दै उनले यस बारेमा जिल्ला प्रहरी कार्यालय अधिकारीहरुलाई समेत जानकारी रहेको बताए । जिल्ला प्रहरी कार्यालयका अधिकारीहरुले चेक वाउन्सको मुद्दा मिलाउँन खोज्दा समय दिएर उपस्थित नहुने गरेको कारण चेक वाउन्सको मुद्दा अदालतमा पुगेको पाण्डेले बताए ।

उनीहरु अहिले पनि अदालतको अनुसन्धान प्रक्रियालाई चुनौती दिदै मलाई बदनाम गर्न बिभिन्न खाले प्रोपगाण्डाहरु गरी रहेको पाण्डेको दावी छ । उनले आफ्नो बिरुद्ध उनीहरु बाहेक कसैले मिटर व्याजीको उजुरी नदिएको समेत ठोकुवा गरे ।

रोटरी क्लबकाे आयाेजनामा निशुल्क आँखा शिविर सम्पन

0

दिपु बर्णवाल/
वीरगंज । रोटरी क्लब अफ वीरगंज मेट्रोपोलिसकाे आयाेजनामा शनिबार निशुल्क आँखा शिविर सम्पन भएको छ ।

बिन्दबासीनी गाँउपालिका वडा–१ श्री नेपाल राष्ट्रिय माध्यमिक विद्यालय गर्दौल पर्सामा भएको शिविरमा ३ सय २३ जना भन्दा बढीलाई आँखा परिक्षण गरिएका थिए । सो मध्ये ७१ जनामा मोतियाबिन्दु फेला परेकाे वीरगंज आँखा तथा दाँत अस्पतालका म्यानेजर आशिफ अलिले बताए ।

शिविरमा मोतियाबिन्दु फेला परेकालाई आगामी असोज ६ गते शनिवारको दिन वीरगंज आँखा अस्पतालमा निशुल्क शल्यक्रिया गरिने रोटरी क्लब अफ वीरगंज मेट्रोपोलिसका अध्यक्ष हरि गोपाल श्रेष्ठले जानकारी दिए ।

शिविरमा रोटरी क्लब अफ वीरगंज मेट्रोपोलिसका सचिव मुकेश मितल, बिन्दवासीनी गाँउपालिका वडा–१ का अध्यक्ष मुक्तिनाथ राउत, डा. पनालाल दास, रोटेरियन चन्दन सिंह, रोटेरियन अनिल जैसवाल, रोटेरियन शशि रंजन कलवार, रोट्रयाक्ट क्लव अफ वीरगञ्ज मेट्रोपेलिसका सह कोषाध्यक्ष आनन्द साह र वीरगंज आँखा तथा दात अस्पतालका प्राविधिकको उपस्थित थियो ।

जनमत पार्टी पर्साको संगठन बिस्तारमा तिब्रता

0

दिपु बर्णवाल/
वीरगंज । जनमत पार्टी पर्साले संगठन बिस्तार अभियानलाई तिब्रता दिएको छ । शनिबार पर्सा क्षेत्र नम्बर -४ को क्षेत्रीय भेला सम्पन्न भएको छ । पार्टीका केन्द्रिय सदस्य चन्दन चौहानको अध्यक्षता र रास्ट्रीय परिषद सदस्य डा. अजय यादवको प्रमुख आतिथ्यमा भेला सम्पन्न भएकाे हाे ।

भेलालाई सम्बोधन गर्दै पर्सा जिल्ला संयोजक ओमप्रकाश सरार्फले अब नेपाली जनताको आशा र भरोसाको एउटै पार्टी जनमत पार्टी रहेकोले सुशासन, बिकास, विभेद रहित समाज निर्माण एवं भ्रष्टाचार, बेथितिबाट मुक्तिको लागी जनमत पार्टीमा गोलबन्द हुन सबैमा आग्रह गरे ।

भेलामा राजनीतिक समिति सदस्य सिपु तिवारीले सम्बोधन गर्दै डाक्टर सिके राउत त्यागी र भिजनरी नेता भएकोले सबैले बिश्वास गर्नु पर्नेमा जोड दिए ।

भेलामा केन्द्रिय सदस्यहरु नजमा खातुन, अनिता रौनियार, स्थानीय नेताहरु सन्तोष साह, अमरनाथ सिह राठौर, युवा अध्यक्ष राजुराज गिरि,अमिरका राउत, दिपक यादव, दिलिप यादव, राहुल सरार्फ लगायतले सम्बोधन गरेका थिए ।

उक्त भेलामा दुई दर्जन स्थानीय अगुवाहरु जनमत पार्टीमा प्रवेश गरेका थिए ।

यसैगरी शनिबार नै जनमत पार्टीले वीरगंज महानगरपालिकाकाे वडा नम्बर २४ रमघडवामा बिजेन्द्र यादवको अध्यक्षतामा समिति गठन गरेको छ । वडा सुदृढीकरण अभियान अन्तर्गत पर्साको सबै वडामा वडा कमिटी गठनको अभियान तिब्र गतिमा जारी रहेको पर्सा जिल्ला सह- इन्चार्ज मुकेश दिवेदीले बताए ।