Date
सोम, कार्तिक ३०, २०८३
Mon, November 16, 2026
Home Blog Page 502

बाल सुधार गृहकाे तनाव साम्य, याताना दिएकाे बालकैदीहरुकाे आराेप

0

वीरगंज । वीरगंजस्थित बाल सुधार गृहको तनाव २० घण्टापछि साम्य भएको छ । मंगलबार रातिदेखि तनावग्रस्त बनेको बाल सुधार गृहको अवस्था बुधबार अपरान्ह देखि साम्य भएको हो ।

बाल सुधार गृहकै गेट अगाडि बुधबार अपरान्ह स्थानीय प्रशासन र प्रदर्शनकारी बालकैदीहरुबिच वार्ता भएको थियो । वार्तामा सहमती जुटेपछि सुधार गृहमा ताेडफाेड गर्नुकाे साथै बिराेध प्रदर्शन गर्दै बाहिर समेत निस्केका बालकैदीहरू सुधार गृह भित्र प्रवेश गरेका हुन् । सुरक्षाका लागि खटाइएका नेपाल प्रहरी र सशस्त्र प्रहरीलाई पनि फिर्ता पठाइएको छ ।

वार्ता कै क्रममा बाल कैदीबन्दीहरुले सुधार गृहका पूर्व चाैकीदार गुड्डु यादवलाई पक्राउ गरि कारवाही गर्न अडान राखेका थिए । गत जेष्ठ १५ गते राष्ट्रपतिबाट माफी पाएर रिहा भएका यादवले आफुहरुलाई यातना दिएको, बासी खाना खुवाउने गरेको, खान नमाने कुटपिट गर्ने गरेको, यादवको उर्दी नमान्दा आफुहरुलाई पिसाबसमेत खुवाएको, आफन्त भेट्न आउदाँ पैसा असुल्ने गरेको लगायतका काम गरेकाले उनलाई पुन: पक्राउ गरि कारबाही गर्न उनिहरुले माग गरे ।

उनीहरुले अहिलेपनि सुधार गृहमा कानुनले उपलब्ध गराएको सम्पूर्ण सुविधा नपाएको, खानाको मात्रा पर्याप्त र गुणस्तरीय नभएको, एउटै कोठामा १७/१८ जनालाई कोचेर राखिएको, सुरक्षाका लागि खटिएका प्रहरीले गालीगलौज र दुर्व्यवहार गरिरहेको, बिरामी पर्दा औषधी उपचार पाउन नसकेको, शौचालय र सफा खानेपानीको व्यवस्था नभएकोले यी सबैको व्यवस्थापन गरिदिनुपर्ने मागपनि राखेका थिए ।

वार्ताका क्रममा प्रदर्शनकारी बालकैदीहरूले तीन सातापहिले भक्तपुर बाल सुधार गृहबाट ल्याएर राखिएका १८ जना बालकैदीहरुलाई पनि अन्यत्र पठाउन माग गरेका थिए ।

बालकैदीहरूले राखेका यी सबै माग सम्बेधन गर्न पर्साका प्रमुख जिल्ला अधिकारी हिरालाल रेग्मीले पहल गर्ने प्रतिबद्धता व्यक्त गरेका थिए । उनले आफ्नाे तहबाट पुरा हुने मागहरु पुरा गर्ने र अन्य मागहरुकाे हकमा सम्बन्धित ठाउँमा पहल गर्ने वताए ।

अधिकारी रेग्मीले अबदेखि प्रत्येक महिना सुधार गृहको अनुगमनमा आफै आउने प्रतिबद्धता समेत जनाए । उनले भने,‘ ‘म अब प्रत्येक महिनामा एक पटक आफै सुधार गृहकाे अनुगमनमा आउँन्छु, त्यस क्रममा तपाईहरु आफ्नो गुनासो राख्नु हाेला,’ ।

त्यसपछि आन्दोलनरत बालकैदीहरु प्रदर्शन स्थगीत गरि अपरान्ह साढे ४ बजेपछि देखि बालगृह भित्र फर्किएको बाल सुधार गृहका प्रमुख टिकाकृष्ण काफेलेले बताए ।

उनका अनुसार वार्तामा भएको सहमति अनुसार प्रहरीले भक्तपुरको बालसुधार गृहबाटबाट ल्याएर राखिएका १८ जना बाल कैदीहरुलाई निकालेर जिल्ला प्रहरी कार्यालयमा लगेकाे थियाे ।

वार्तामा वीरगंज बाल सुधार गृहमा मंगलबार राति देखि तोडफोड र ढुङ्गामुढा गर्दै प्रदर्शनमा उत्रिएका मध्ये २० जना बालकैदी, पर्साका प्रमुख जिल्ला अधिकारी रेग्मी, प्रहरी उपरीक्षक काेमल शाह, सशस्त्र प्रहरी उपरीक्षक किशन कर्मचार्य, वीरगंज महानगरपालिका अन्तर्गतको बाल कल्याण गृहकी प्रमुख साबित्री भण्डारी, पत्रकार र मानवअधिकारकर्मीको सहभागीता थियो ।

सुधार गृह रातभरी तनावग्रस्त, एक दर्जन भन्दा बढी घाइते

बाल सुधार गृहमा मंगलबार राति झडप हुँदा ३ प्रहरीसहित १४ जना घाइते भएका थिए । बालकैदीबन्दीहरुले सुधार गृहका चौकीदार (नाइके) ललीत भुजेलसंग विवाद गरी अन्यलाईपनि कुटपिट गरेपछि सुधार गृहका बालकैदिबन्दीहरु बिच नै झडप भएकाे थियाे ।

वीरगंज बाल सुधार गृहमा तीन हप्ता पहिले भक्तपुरको बाल सुधार गृहबाट ल्याइएका १८ जना र यहाँ पहिलेदेखि बस्दै आएका बालकहरूबिच विवाद भई झडप हुँदा सुधार गृह मंगलबार रातभर तनावग्रस्त रह्यो ।

त्यस क्रममा उनीहरूले सुधार गृहभित्र तोडफोड गरेपछि स्थिति नियन्त्रणमा लिन नेपाल प्रहरी र सशस्त्र प्रहरी ठूलो सङ्ख्यामा सुधार गृहमा पुगेको थियो । तर, सुधार गृह भित्रबाट बालकहरूले ढुङ्गा मुढा गरेर प्रहरीलाई अबेर रातिसम्म पनि सुधार गृह भित्र छिर्न दिएनन् ।

त्यसै क्रममा ढुङ्गाले लागेर तीन जना प्रहरी पनि घाइते भएका थिए । स्थिति नियन्त्रणमा लिने क्रममा प्रहरीले केही राउन्ड अश्रु ग्याँस पनि प्रहार गरेको थियो । 

झडपमा भक्तपुरबाट ल्याइएका मध्ये १० समेत गरी ११ जना बालक र तिन जना प्रहरी घाइते भएको पर्साका प्रहरी उपरीक्षक कोमल शाहले जानकारी दिए । 

वीरगंज बाल सुधार गृह रातभरी तनावग्रस्त, एक दर्जन घाइते

0

वीरगंज । वीरगंजकाे बिर्तास्थित बाल सुधार गृहमा मंगलबार राति झडप हुँदा ३ प्रहरीसहित १२ जना घाइते भएका छन् । खानाकाे विषयलाई लिएर विवाद हुँदा झडपमा परिणत भएकाे थियाे ।

वीरगंज बाल सुधार गृहमा तीन हप्ता पहिले भक्तपुरको बाल सुधार गृहबाट ल्याइएका १८ जना र यहाँ पहिलेदेखि बस्दै आएका बालकहरूबिच विवाद भई झडप हुँदा सुधार गृह रातभर तनावग्रस्त रह्यो ।

सुधार गृहमा मङ्गलवार रातिदेखि प्रदर्शन गरिरहेका बालकहरूले भने सुधार गृहमा आफूहरूलाई खाना राम्रो नदिएको, बासी खाना दिएकाे, घरमा फोन गर्दा एक कलको १ सय रुपैयाँ लिने गरिएको, एउटै कोठामा धेरै जनालाई कोचेर राखिएको, शौचालय पनि राम्रो नभएको, सुधार गृह प्रमुखले यातना दिँदै आएको जस्ता आरोप लगाएका छन् ।

उनीहरुले बाल अधिकारकाे हन्न भएकाे र बाल सुधार गृह प्रशासनबाट आफूहरुलाई याताना दिने काम भएकाे गम्भिर किसिमकाे आराेप समेत लगाएका हुन् । उग्र प्रदर्शन उत्रिएका उनिहरुलाई प्रहरीले शान्त भएर आफ्नाे कुरा राख्न भनिरहँदा प्रदर्शनरत बालबालिकाहरुले गुडु यादवलाई पहिला पक्राउ गरेर हथकडी लगाउन बारम्बार भनिरहेका थिए । 

उनीहरुका अनुसार गुडु यादव बाल सुधार गृहका पूर्व चाकीदार हुन् । केही समय पहिला उनी बाल सुधार गृहबाट रिहा भएका छन् । गुडुले आफुहरुमाथि बाल सुधार गृह प्रशासनसंग मिलेर ज्यादती गर्ने गरेकाे बालबालिकाहरुकाे आराेप छ । 

भक्तपुरबाट ल्याएर राखिएका बालकहरूले मङ्गलवार बेलुकी सुधार गृहका नाइकेसँग विवाद गरेर कुटपिट गरेपछि त्यही विषयमा यहाँ पहिलेदेखि रहेका र भक्तपुरबाट ल्याएर राखिएका बालकहरूबिच विवाद भई झडप भएको थियाे ।

त्यस क्रममा उनीहरूले सुधार गृहभित्र तोडफोड गरेपछि स्थिति नियन्त्रणमा लिन नेपाल प्रहरी र सशस्त्र प्रहरी ठूलो सङ्ख्यामा सुधार गृहमा पुगेको थियो । तर, सुधार गृह भित्रबाट बालकहरूले ढुङ्गा मुढा गरेर प्रहरीलाई अबेर रातिसम्म पनि सुधार गृह भित्र छिर्न दिएनन् । त्यसै क्रममा ढुङ्गाले लागेर तीन जना प्रहरी पनि घाइते भएका थिए । स्थिति नियन्त्रणमा लिने क्रममा प्रहरीले केही राउन्ड अश्रु ग्याँस पनि प्रहार गरेको थियो । 

झडपमा भक्तपुरबाट ल्याइएका मध्ये ८ समेत गरी ९ जना बालक र तिन जना प्रहरी घाइते भएको पर्साका प्रहरी उपरीक्षक कोमल शाहले जानकारी दिए । घाइते भएका सुधार गृहका ९ जना बालकलाई मङ्गलवार राति नारायणी अस्पतालमा उपचार गराई जिल्ला प्रहरी कार्यालयमा ल्याएर राखिएको उनले बताए ।

एक महिना पहिले भक्तपुरको बाल सुधार गृहबाट वीरगंज बाल सुधार गृहमा ल्याइएका १८ जना बालकहरु यहाँ नबस्ने आएदेखि नै विराेध जनाउँदै आएकाे बाल सुधार गृहका प्रमुख टिका कृष्ण काफलेले वताए । उनीहरुले नै विवाद गर्दा झडप भएकाे उनकाे भनाई छ । 

उनका अनुसार भक्तपुरको बाल सुधार गृहमा भदौ ४ गते १८ जना बालकहरूलाई वीरगंजकाे बाल सुधार गृहमा ल्याएर राखिएको थियो । यहाँ पहिलेदेखि १३१ जना बालक थिए । सुधार गृहमा अहिले कूल १४९ जना बालकहरू रहेका छन् । 

बुधवार बिहानसम्म पनि प्रहरीलाई  सुधार गृहभित्र भित्र रहेका बालकहरूले प्रवेश गर्न नदिएको उनले वताए ।

वीरगंजस्थित बाल सुधार गृहमा क्षमता भन्दा बढी बालबालिकाहरु राखिएका छन् । बाल सुधार गृह अवस्था पनि जिर्ण रहेकाे छ । पहिलादेखि नै बाल सुधार गृह वीरगंजमा क्षमता भन्दा बढी बालबालिकाहरु रहेतापनि भक्तपुर बाल सुधार गृहबाट थप ल्याएर राखिएपछि झन समस्या भएकाे बुझिएकाे छ ।

यस बिषयमा बुझ्न पर्साका प्रमुख जिल्ला अधिकारी हिरालाल रेग्मीसंग फाेन सम्मपर्क गर्दा अहिले आफु एउटा मिटिङमा रहेकाे भन्दै उनले फाेन काटि दिएका कारण कुरा हुन सकेन ।

पकहाँ मैनपुरकाे न्यायिक समितीद्वारा २७ मुद्दा फर्छौट

0

वीरगंज । पर्साको पकहाँ मैनपुर गाउँपालिकाको न्यायिक समितीले मंगलबार सम्म २७ वटा मुद्दा फर्छौट गरेको जनाएको छ ।

आर्थिक बर्ष २०७९।०८० मा जम्म २४ वटा मुद्दा दर्ता भएको थियो । जसमध्ये १ वटा अदालतमा पठाइएको, ४ वटा मेलमिलाप गराईएको र १९ वटा फैसला गरिएको न्यायिक समितीका प्राविधिक सहायक महम्मद जाकिर मियाँले बताए ।

यसैगरी आर्थिक बर्ष २०८०। ०८१ मा आज सम्म ३ वटा मुद्दा परेको थियाे‍ । जसमध्ये जग्गा खिचौला मुद्दा वाहेक फर्छौट भएको, घरवहाल वाला चलिरहेको र पानीको निकास वाला मंगलबार फर्छौट भएको पालिकाका न्यायिक समितीका रामबहादुर साह सोनारले बताए ।

मंगलबार सम्म मुद्धाको प्रकृति हेर्दा जग्गा खिचौला अधिकांश आएको र गालीगलौज र कुटपिट एक वटा मात्रै रहेको जनाइएको छ ।

न्यायिक समिती हुँदा धेरै विवाद बिना मुद्धा दर्ताको नै छलफलकै आधारमा सुलझिने गरेको न्यायिक समितीकी संयोजक सर्फु नेशाले बताईन । समान्य प्रकृतिका मुद्दा आउदा दुई पक्षलाई समझाउदा टुगिंने गरेको नेशाले बताईन ।

एकै दिन भेडिहारीकाे ३ ठाउँमा झन्डा मेला

0

वीरगंज । पर्साकाे कालिकामाई गाउँपालिका वडा नं. २ भेडिहारीमा एकै दिन तीन ठाउँमा झन्डा मेला  लागेकाे छ । साविक गाविस भेडिहारीको वडा नम्बर ३, ५ र ६ मा गरी ३ ठाउँमा लागेको हो ।

सयाैं बर्ष पहिलादेखि एक ठाउँमा लाग्दै आएकाे मेला केही बर्षदेखि पार्टीका कारण दुई ठाउँमा लाग्दै आएकाे थियाे । तर यस बर्षदेखि दुई ठाउँबाट तीन ठाउँमा मेला लागेकाे हाे । पार्टी कै कारण दुई ठाउँबाट तीन ठाउँमा मेला लागेकाे स्थानियहरुले वताएका छन् ।

प्रत्येक बर्ष जन्माष्टमीकाे साताैं दिन लाग्दै आएकाे मेला यब र्ष पनि सम्पन्न भएकाे वडाध्यक्ष साेनाला प्रसाद चाैरसियाले वताए । बिभिन्न प्रकारका खेलतामसा, कुश्ती, नाचगान, लटठी जुदाई सहित मेला सम्पन भएको वडाध्यक्ष चौरसियाले बताए ।

धार्मिक परम्परा अनुसार अष्टमीको छैठो दिनको भोली पल्ट महाबिर जीको पुजाआर्जा गरी गाउँका युवाहरु ढोलतासा सहित गाउँपरिक्रमा गरी गाउँको ब्रम्हस्थान र देवीदेवताहरुको परिक्रमा गर्दै मेलास्थलमा जाने परम्परा छ ।

 स्थानियका अनुसार धार्मिक रुपमा मेलाकाे महत्व भएपनि स्थानिय अगुवा वा नेताहरु यसलाई राजनिती रुपमा परिणत गरी गाउँका सोझा साझा सर्वसाधारणलाई लडाउने नियतले बिशलेषण गर्ने गर्छन र पार्टीगत रुप लिन्छ । एक ठाउँबाट तीन ठाउँमा लागेकाे मेला अगामी बर्ष ४ स्थानमा पनि लाग्न सक्ने अनुमान गरिएकाे छ ।

जति वटा पार्टी सक्रिय छन त्यति नै मेलाको स्थान हुन सक्ने स्थानियहरु भनाई छ । मेला राजनीतिक दलका अगुवाहरु आफ्नाे शक्तिकाे रुपमा प्रदर्शन गर्ने गरेका छन् ।

तीनटै मेलामा शान्ति सुरक्षाकाे लागि सशस्त्र प्रहरी र नेपाल प्रहरीका खटाइएकाे थियाे । तीनटै मेला शान्ति पुर्ण रुपमा सम्पन भएको ईलाका प्रहरी कार्यालय पोखरीयाका प्रहरी निरिक्षक मोहन बिक्रम केसीले बताए ।

नेकपा एसका केन्द्रिय सदस्य काेइराला आजपा प्रबेश

0

विराटनगर । नेकपा (एकीकृत समाजवादी) का केन्द्रीय सदस्य भानुभक्त कोईराला आम जनता पार्टी (आजपा) मा प्रवेश गरेका छन् । कोईरालालाई आजपा अध्यक्ष प्रभु साहले पार्टीमा स्वागत गरेका हुन् ।

विराटनगरमा भएकाे आजपाको कोशी प्रदेश स्तरीय बैठकको अवसरमा कोईराला एकीकृत समाजवादी पार्टी परित्याग गरी आजपामा प्रवेश गरेकाे आजपाले जनाएकाे छ । आजपा प्रवेश गर्दै कोईरालाले मुलुकको शासन व्यवस्थामा आम जनताको नेतृत्व हुनुपर्ने र समृद्ध मुलुक निर्माणका लागि आजपा नै उपयुक्त पार्टी भएको बताए ।

उनले भने ‘मुलुकलाई समृद्ध बनाउँन अहिलेका राजनीतिक दल र नेताहरु असफल भइसकेका छन् । शासन व्यवस्थामा आम जनताको नेतृत्व हुनुपर्छ, त्यसका लागि आजपा नै उपयुक्त पार्टी हो । प्रभु साहजीको नेतृत्वमा समृद्ध मुलुक निर्माण गर्न हामी एकजुट भएर अगाडी बढनुको बिकल्प छैन्, त्यसैले म आजपा पार्टीमा प्रवेश गरेको छु । आजपाले नै समृद्ध मुलुक निर्माण गर्न सक्छ भन्ने मेरो विश्वास छ’ ।

नेम्वाङको निधनकाे शाेकमा बिहिबार सार्वजनिक विदा

0

वीरगंज । संविधानसभाका अध्यक्ष एवं वर्तमान प्रतिनिधिसभा सदस्य सुवासचन्द्र नेम्वाङको निधनकाे शाेकमा सरकारले बिहिबार सार्वजनिक विदा दिएकाे छ ।

नेकपा एमालेका उपाध्यक्ष समेत रहेका नेम्वाङकाे ७१ वर्षको उमेरमा मंगलबार बिहान असामयिक निधन भएको थियाे । नेपालको संविधान निर्माण तथा जारी गर्नका लागि स्वर्गीय नेम्वाङले निर्वाह गरेकाे भूमिका तथा नेपालमा लोकतान्त्रिक गणतन्त्र स्थापना गर्न पुर्याएकाे योगदानको उच्च कदर गर्दै अन्तिम सम्मानकाे व्यवस्था गर्ने मन्त्रिपरिषद् बैठकले निर्णय गरेकाे छ ।

मंगलबार बसेकाे नेपाल सरकार, मन्त्रिपरिषद्‌को बैठकबाट संविधानसभाका अध्यक्ष एवं वर्तमान प्रतिनिधिसभा सदस्य नेम्वाङको निधनमा अन्तिम सम्मानको व्यवस्था गर्ने तथा शोक मनाउन अन्तिम संस्कार हुने दिन सार्वजनिक बिदा दिने र उक्त दिन नेपालभरका सरकारी कार्यालयहरु, विदेशस्थित नेपाली दुतावास र नियोगहरुमा राष्ट्रिय झण्डा आधा झुकाउने निर्णय गरेकाे गृह मन्त्रालयका प्रवक्ता केदारनाथ शर्माले जानकारी दिए ।

स्वर्गीय नेम्वाङको अन्तिम संस्कार यही भदौं २८ गते बिहीबार हुने भएकोले उक्त दिन नेपालभरका सबै सरकारी कार्यालयहरु, विदेशस्थित नेपाली दुतावास र नियोगहरुमा सार्वजनिक विदा हुने र तत् तत् निकायका कार्यालयहरुमा राष्ट्रिय झण्डा आधा झुकाइने गृह मन्त्रालयद्वारा जारि विज्ञप्तीमा उल्लेख गरिएकाे छ ।

जसपाका मधेस प्रदेश सांसद बिन्दुकुमारी यादवको निधन

0

वीरगंज । जनता समाजवादी पार्टी (जसपा) नेपालकी मधेस प्रदेश सांसद बिन्दुकुमारी यादवको मंगलबार बिहान निधन भएको छ । 

समानुपातिक तर्फ सांसद रहेकी यादवको मंगलबार बिहान निधन भएको परिवारजनले जनाएका छन् । उनी लामो समयदेखि क्यान्सर रोगले ग्रसित थिइन् ।

४१ वर्षीय यादवले २०७२ सालको मधेस आन्दोलनमा नेतृत्वदायी भूमिका खेलेकी थिइन्  । यादवको स्थायी घर सर्लाही भए पनि उनी लामो समयदेखि जनकपुर-८ मा बस्दै आएकी थिइन् । यादव जसपाको केन्द्रीय सदस्य पनि थिइन् ।

यादवको निधनले जसपा र देशलाई अपूरणीय क्षति भएको जसपाका प्रमुख सचेतक एवम् पूर्व मन्त्री प्रदीप यादवले बताए । यादवको निधन प्रति दुःख व्यक्ति गर्दै उनले पार्टीले एक सच्चा, इमानदार र कर्मठ सिपाही गुमाएको बताए ।

वीरगंजस्थित एक गाेदाममा प्रहरीकाे छापा, ८ सय केजी काजु बरामद

0

दिपु बर्णवाल /
वीरगंज । सशस्त्र प्रहरीले वीरगंजबाट साेमबार ठूलाे मात्रामा अवैध काजु बरामद गरेकाे छ । सशस्त्र प्रहरी १३ नम्बर गण पर्साकाे टोलीले वीरगंज महानगरपालिका वडा नं १० ठाकुरराम बहुमुखी क्याम्पस पछाडी सिर्सिया पुल नजिकरहेको बजरंग टोलमा एक गोदाममा छापामारी गरेर अवैध काजु बरामद गरेकाे हाे ।

सशस्त्र प्रहरी नायब उपरिक्षक देबेन्द्र बहादुर सिंहको कमाण्डमा १० जना र वीरगंज भन्सार कार्यालय पर्साका भन्सार अधिकृत दिपेन्द्र शर्मा पौडेलको कमाण्डमा रहेको ७ जना प्रहरी सहितको संयूक्त टोलीले ८ सय केजी काजु बरामद गरेकाे जनाएकाे छ ।

वीरगंज १० स्थित मंगनी राउतकाे घरमा भन्सार छली गरि ल्याइएकाे काजु बरामद गरिएको प्रहरी नायब उपरिक्षक सिंहले जानकारी दिए । बरामद काजुको अनुमानित मूल्य ७ लाख २० हजार रुपैयाँ रहेको उनले बताए ।

 बरामद काजु आवश्यक कारवाहीको लागि वीरगंज भन्सार कार्यालय पर्सामा बुझाइएको प्रहरी नायब उपरिक्षक सिंहले जानकारी दिए । काजु कसको हो भन्ने कुरा भने अनुसन्धान भइरहेको सशस्त्र प्रहरीले जनाएकाे छ ।

वि.पि. जन्म जयन्तीको अवसरमा प्रवचन कार्यक्रम

0
 
वीरगंज । नेपाल कांग्रेस पर्साले महामानव वि.पि. कोइरालाको ११० औ जन्म जयन्तीको अवसरमा प्रवचन कार्यक्रम गरेकाे छ।
 
वीरगंजकाे ज्योति नगरमा रहेकाे पार्टी आइतबार भएकाे प्रबचन कार्यक्रमलाई सम्बोधन गर्दै नेपाल सरकारका उद्योग, वाणिज्य तथा आपूर्ति मन्त्री रमेश रिजालले वि.पि कोइरालाको जिवनी तथा उनका विचारहरुलाई आत्मसात गरि अगाडि बढ्नु पर्ने बताए ।
 
नेपाली कांग्रेसका केन्द्रिय सदस्य समेत रहेका मन्त्री रिजाले महामानव वि.पि. कोइरालाले लोकतन्त्र स्थापना गर्नको लागि धेरै संघर्ष गरेकाे वताउँदै उनकाे बारेमा जानकार व्यक्तिहरुले आम जनतामा वताउँनु पर्ने वताए ।
 
नेपाली कांग्रेस‌ पर्साका सभापति तथा मधेश प्रदेश सभा सदस्य जनार्दन सिंह क्षेत्रीको भएको कार्यक्रममा नेपाली काँग्रेस मधेश प्रदेशका महामन्त्री बृहस्पती कृष्ण श्रेष्ठ, पर्साका उप-सभापति रामनारायण कुर्मी,अशाेक गुप्ता, नेपाली कांग्रेस पर्साका सचिव तथा वीरगंज महानगरपालिकाका उपप्रमुख इम्तियाज आलम, सह-सचिव नबिन कुमार सिंह, प्रवक्ता रमेश पाण्डे लगायतकाले मन्तव्य राखेका थिए ।

ड्राईपोर्टमा दुई महिलासहित ८८ जनाद्वारा रक्तदान

0

आनन्द पटेल/
परवानीपुर ।  पर्साको वीरगंज महानगरालिका वडा नं. २५ ड्राईपोर्ट चौकमा खुल्ला रक्तदान कार्यक्रम सम्पन्न भएको छ । कार्यक्रममा दुई महिलासहित ८८ जनाले रक्तदान गरेकाे रक्त संचार केन्द्र वीरगंजले जनाएकाे छ ।

न्यू राव इन्टरप्राइजेजको आयोजनामा भएकाे काकार्यक्रममा सुनील पटेल, सन्दिप पटेल, धीरज सिंह, सुरज सिंह, रोशन सिंह, सर्मिला केसी, सुशीला कुमारी, राम सिंह, अनिल पटेल, सुनेश पटेल लगायतले रक्तदान गरेका हुन् । 

कार्यक्रमका प्रमुख अतिथी सशस्त्र प्रहरी १३ नम्बर गण, पर्साका सशस्त्र प्रहरी नायब उपरीक्षक योगेशचन्द्र बरालले रगतको पोका दिएर कार्यक्रमको उद्घा६न गरेका थिए । कार्यक्रममा वाेल्दै उनले सब भन्दा ठूलाे दान रक्तदान भएकाे वताउँदै न्यू राव इन्टरपराइजेले रक्तदान जस्ताे कार्यक्रम आयाेजना गरेकाेमा धन्यवाद समेत दिए ।

 कार्यक्रममा रोशन सिंहले पहिलो चोटी रक्तदान गरिसकेपछि भने ” सुरु सुरुमा अलि डर लागिरहेको थियो तर अहिले निक्कै राम्रो महसुस भएको हुनाले अब प्रत्येक तीन महिनामा रक्तदान गर्ने छुं ।”

आयोजक संस्थाका अध्यक्ष राम सिंहले आफू १९ औ पटक रक्तदान गरिसकेको र अगाडी पनि रक्तदान गरिरहने वताए । साथै संस्थाको यो दोस्रो पटक कार्यक्रम भएको र रक्तदान कार्यक्रमलाई निरन्तर रूपमा अगाडि बढाउँदै जाने आफ्नो सोच रहेको उनले बताए ।

नेपाल रेडक्रस रक्त संचार केन्द्रकाे प्राविधिक सहयाेगमा रक्तदान कार्यक्रम भएकाे थियाे ।