Date
सोम, कार्तिक ३०, २०८३
Mon, November 16, 2026
Home Blog Page 496

वीरगंजलाई हराभरा र सुन्दर बनाउन हातेमालो गरौँ : मेयर सिंह

0

वीरगंज । वीरगंज महानगरपालिकाका प्रमुख राजेशमान सिंहले वीरगंजलाई हराभरा र सुन्दर बनाउने अभियानमा हातेमालो गर्न आह्वान गरेका छन् । सबैले हेर्न लायक र घुम्न लायक वीरगंज बनाउने अभिभारामा आफु जुटेको बताउँदै उनले महानगर एक्लैको प्रयासले सम्भव नहुने बताए ।

अलाइड युथ सोसाइटीले वीरगंजकाे मधेश विश्वविद्यालय परिसरमा आयोजना गरेको वृक्षरोपण कार्यक्रमका अवसरमा प्रमुख सिंहले वीरगंजका युवाहरु सामाजिक कार्यमा सक्रिय भइरहेको प्रति खुशी व्यक्त गर्दै युवाको सहभागिता बिना समृद्धि सम्भब नहुने धारणा राखे ।

मधेश विश्वविद्यालयका उपकुलपति प्राध्यापक डा. दीपक शाक्यले युवा नै समृद्धिको आधार भएको बताए । देशका मेरुदण्ड मानिने युवाहरु सामाजिक कार्यमा सरिक भएर सामाजिक सद्भाव र भाइचारा कायम राख्नुपर्ने उनको सुझाव छ ।

समृद्ध नेपाल फाउण्डेशनसँगको सहकार्यमा अलाईड युथ सोसाइटीले मधेश विश्वविद्यालय परिसरमा विरुवा रोपेको हो । सोसाइटीका जनसम्पर्क अधिकृत कृष गुप्ताको संयोजकत्वमा गुलमोहर, निम, सिम्जन, मसाला सहित विभिन्न प्रजातीका फूल गरेर १ सय वटा विरुवा रोपिएको सोसाइटीका अध्यक्ष ओम कुमार झाले जानकारी दिए ।

साे अवसरमा वीरगंज महानगरपालिकाका सरसफाई शाखा प्रमुख सर्फुदिन मियाँ, सशस्त्र प्रहरी नायब उपरीक्षकद्वय देवेन्द्र सिंह, संगम श्रेष्ठ, जिल्ला ट्राफिक प्रहरी कार्यालय पर्साका प्रमुख प्रहरी निरीक्षक भास्कर खतिवडा, युवा अभियानता दिलिपराज कार्की, समाजसेवी महेश सिंह धामी, समृद्धी नेपाल फाउण्डेशनका संस्थापक आयुष गुप्ता लगायतको उपस्थिती रहेको फाउण्डेशनका अध्यक्ष सिद्धार्थ गुप्ताले जानकारी दिए ।

जगरनाथपुरकाे सन्ठीमा नि:शुल्क आँखा शिविर सम्पन्न

0

वीरगंज । पर्साको जगरनाथपुर गाउँपालिका वडा नम्बर ६ सन्ठीमा नि:शुल्क आँखा शिविर सम्पन्न भएको छ ।

नेपाल नेत्रज्योति संघ पर्सा शाखाको मुख्य आयोजनाम तथा जगरनाथपुर गाउँपालिकाको स्थानीय आयोजनामा नि:शुल्क आँखा शिविर सम्पन्न भएको हो ।

शिविरमा २२८ जनाको आँखा चेकजाँच गरिएकोमा १०८ जनामा मोतिबिन्दुका बिरामी भेटिएको शिविरमा सहभागी चिकित्सकले जनाएका छन् ।

शिविरमा भेटिएका मोतिबिन्दुका बिरामीहरुको रामकुमार महावीर प्रसाद केडिया आँखा अस्पताल परवानीपुरमा नि:शुल्क शल्यक्रिया गरिने आयोजक संस्थाले जनाएकाे छ ।

भगवती प्रसाद चौधरीको सभापतित्वमा र प्रदेश सांसद जनार्दन सिंह क्षेत्रीकाे प्रमुख आतिथ्यतामा भएकाे शिविरमा नेत्रज्योति संघका केन्द्रीय सदस्य श्याम कुमार पोखरेल, गाउँपालिका अध्यक्ष श्रीकान्त यादव लगायतको उपस्थिति रहेको थियो ।

इन्ट्रेक्ट क्लबकाे आयोजनामा वक्तृत्वकला प्रतियोगिता सम्पन्न

0

वीरगंज । इन्ट्रेक्ट क्लब अफ गौतम स्कुलको आयोजनामा शुक्रबार वक्तृत्वकला प्रतियोगिता सम्पन्न भएको छ । “समयमै भर्ना समयमै ज्ञान गुणस्तरीय शिक्षा सबैको अभियान” शिर्षकमा नेपाल राष्ट्रिय माद्यमिक विद्यालय, नगवामा भएकाे निम्न माध्यमिक तह स्तरीय वक्तृत्वकला प्रतियोगिता सम्पन्न भएको हो ।

प्रतियाेगिता नेरा मावि नगवाकी कक्षा आठमा अध्ययनरत छात्रा सुस्मिता चौरासिया प्रथम, कक्षा दशकी सवनम खातुन द्वितीय र कक्षा नौ की पुष्पा कुमारी यादवले तेस्रो स्थान हासिल गरेकी हुन् ।

प्रतियाेगिताका बिजेताहरुलाई मेडल तथा पुरस्कार प्रदान गरिएको इन्ट्रेक्ट क्लब अफ गौतम स्कुलको अध्यक्ष आलोक यादवले बताए ।

नेपाल राष्ट्रिय माद्यमिक विद्यालय, नगवाका प्रधानाध्यापक नन्दकिशोर रामको अध्यक्षता र गौतम स्कुलको नेपाली विषय विभागकी प्रमुख ममता श्रेष्ठकाे प्रमुख आतिथ्यतामा भएकाे प्रतियाेगितामा नेपाल राष्ट्रिय माध्यमिक विद्यालय, नगवाको नेपाली विषय विभागकी प्रमुख गिता ठाकुर निर्णायकको भूमिका निर्वाह गरेकी थिइन ।

वीरगंज २१ मा निर्मित स्कूल भवनकाे सांसद यादवद्वारा उद्घाटन

0

वीरगंज । राउन्ड टेबल नेपालले वीरगंजकाे एक स्कूलमा निर्माण गरेको कक्षा कोठाको जनता समाजवादी पार्टी नेपालका प्रमुख सचेतक प्रदीप यादवले उद्घाटन गरेका छन् ।

वीरगंज महानगरपालिका वडा नं. २१ सुखचैनास्थित श्री नेपाल राष्ट्रिय गीता गजेन्द्र राज जोशी माध्यमिक विद्यालयमा राउन्ड टेबल नेपालले राउन्ड टेबल नेपाल – ३ सँगको सहकार्यमा निर्माण गरेको कक्षा कोठाको पूर्व मन्त्री समेत रहेका यादवले शुक्रवार उद्घाटन गरेका हुन् ।

उद्घाटन समाराेहलाई सम्बाेधन गर्दै पर्सा निर्वाचन क्षेत्र नम्बर १ का प्रतिनिधिसभा सदस्य समेत रहेका यादवले युवाहरूको संस्था राउन्ड टेबल नेपालले समाज प्रतिको आफ्नो दायित्वलाई बुझ्दै निरन्तर गर्दै आइरहेको परोपकारी कामको प्रशंसा गरे । शिक्षामा लगानी गरेर राउन्ड टेबल नेपालले देशको भविष्य निर्माणमा योगदान गरिरहेको बताउँदै अन्य सङ्घ/संस्थाहरूले पनि उनीहरूबाट प्रेरणा लिनुपर्ने बताए ।

युवा उद्यमीहरू मिलेर बनेको संस्थाले गरिरहेको कामलाई निरन्तरता दिन आग्रह गर्दै उनले नेपाल सरकारले पनि राउन्ड टेबल नेपाल जस्तो संस्थाका विशेष सम्मान गर्नुपर्ने बताए । यसका लागि आफूले सरकारसँग पहल गर्ने प्रतिबद्धता पनि व्यक्त गरे । 

“फ्रीडम थ्रु एजुकेसन” कार्यक्रम मार्फत ३० लाख रुपैयाँको लागतमा राउन्ड टेबल नेपाल – ३ ले स्कूलमा २ वटा कक्षाको कोठा निर्माण गरेको छ । एउटा कोठामा कम्तीमा पनि ५० जना विद्यार्थी अटाउने क्षमता रहेको संस्थाका अध्यक्ष अङ्कुर भंगरले जानकारी दिए ।

भंगरकै सभापतित्वमा भएको उद्घाटन कार्यक्रममा राउन्ड टेबल नेपालका निवर्तमान अध्यक्ष राहुल अग्रवाल, वीरगंज २१ का वडाध्यक्ष राधा कृष्ण साह रौनियार, रूङ्गटा वेलफेयर सोसाइटीका अध्यक्ष सुरेश रूङ्गटा, जनता समाजवादी पार्टी नेपालका युवा नेता सरोज यादव लगायतको सहभागिता रहेको थियो ।

राउन्ड टेबल नेपालले यसअघि पनि वीरगंज लगायत पर्सा, बारा, रौतहट लगायत तराई – मधेसका जिल्लाहरूमा स्कूल निर्माणदेखि छात्रवृत्ति, पठनपाठन लगायत स्कूलका लागि आवश्यक सामग्रीहरू वितरण गर्दै आएको छ।

बलात्कार कसुरमा पाँच वर्ष कैद

0

वीरगंज । ५७ वर्षीया महिलालाई बलात्कार गरेको कसुरमा सर्लाहीकाे ईश्वरपुर नगरपालिका–५ का ४८ वर्षीय सुर्य बहादुर स्याङवोलाई जिल्ला अदालत सर्लाहीले बिहिबार पाँच वर्ष कैद सजायको फैसला गरेको छ ।

जिल्ला अदालतका न्यायाधीश विनोद कुमार गौतमको इजलासले आरोपितलाई कसुर ठहर गर्दै पाँच वर्ष कैद सजाय र ५० हजार रुपियाँ पीडितलाई क्षतिपूर्ति दिने गरी मुद्दाको अन्तिम फैसला गरेको स्रेस्तेदार सदन अधिकारीले जानकारी दिए ।

पीडितलाई आरोपित स्याङवोले २०७६ साउन १३ गते बलात्कार गरेको भन्दै पीडित पक्षले इलाका प्रहरी कार्यालय केशरगंजमा भदौ ८ गते उजुरी दिएकाे थियाे ।

पीडितको स्वास्थ्य परीक्षण भदौ ९ गते सर्लाही जिल्ला अस्पताल मलङ्गवामा भएको थियो ।

साहिब बाबाको अवतरण दिवसमा वृक्षारोपण

0

वीरगंज । साहिब बाबाको १ सय २३ औँ अवतरण दिवसको अवसरमा वीरगंजमा विरुवा रोपिएको छ । वीरगंजस्थित ठाकुरराम बहुमुखी क्याम्पस पछाडी रहेको साहिब दरबारका जग्गामा विरुवा रोपिएको हो ।

वीरगंज महानगरपालिकाका मेयर राजेशमान सिंहले विरुवा रोप्दै वातावरण संरक्षणसँगै वीरगंजलाई हराभरा बनाउनका लागि सबैले खाली ठाउँमा विरुवा रोप्नुपर्ने बताए । उनले आफ्नै कार्यकालमा महानगरलाई हराभरा र सुन्दर बनाउने प्रतिबद्धता व्यक्त गर्दै महानगरलाई पर्यटकिय गन्तव्यको रुपमा विकास गर्नु पर्नेमा जोड दिए ।

साहिब बाबाको सन्देशलाई आत्मसाथ गर्नुपर्ने र समाजमा शान्त र भाइचारा बढाउनुपर्ने मेयर सिंहको भनाई छ । पछिल्लो समयमा धार्मिक साम्प्रदायिकता भड्काउने र उच्छृंखल गतिविधि बढ्दै गएको प्रति चिन्ता व्यक्त गर्दै उनले धार्मिक सहिष्णुता र सद्भावलाई कायम राख्नुपर्ने आवश्यक्ता औँल्याए ।

सो अवसरमा कटहर, निम्बु, मलेसियन, काउली बदाम, रोयल पाम लगायतका विभिन्न प्रजातीका विरुवा रोपिएको साहिब दरबार संस्थानका अध्यक्ष उमेशलाल सहनीले जानकारी दिए । विरुवा रोपेर साहिब बाबाको अवतरण दिवस मनाइएको संस्थानका अध्यक्ष सहनीले बताए ।

जसपाका नेता प्रेमबाबु पटेल, महिला नेतृ रमिता माया गुप्ता, ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतान, प्रेरणा श्रेष्ठ लगायतको उपस्थिती रहेको थियो ।

वीरगंजस्थित बाल सुधार गृहबाट दुई बालकैदी फरार

0

वीरगंज । बाल सुधार गृह वीरगंजबाट दुई जना बालकैदी फरार भएका छन् । वीरगंज महानगरपालिकाकाे वडा नं. ४ विर्तास्थित रहेकाे बाल सुधार गृहकाे छतमाथिबाट हाम फालेर उनीहरु फरार भएका हुन् ।

शुक्रबार विहान फरार भएका बालकैदीहरुकाे खाेजी कार्य भइरहेकाे जिल्ला प्रहरी कार्यालय पर्साका प्रवक्ता प्रहरी नायव उपरीक्षक कुमार विक्रम थापाले वताए । उनले भने, “आज बिहान उनीहरू छतमाथिबाट हाम फालेर फरार भएका हुन् । खोजी कार्य भइरहेको छ ।”

फरार भएका बालकैदीहरू सर्लाही र सिराहा निवासी निवासी रहेका छन् । फरार भएकाहरूमध्ये एक जना कर्तव्य ज्यान र अर्का जबरजस्ती करणी मुद्दामा बाल सुधार गृहमामा राखिएकाे थियाे ।

भदौ २६ गते मात्रै भक्तपुर बाल सुधार गृहबाट वीरगंज बाल सुधार गृहमा ल्याइएका बालकैदी र यहाँ पहिल्यैदेखि बस्दै आएकाहरूबिच झडप भएको थियो । झडप दुई जना प्रहरीसहित १३ जना घाइते समेत भएका थिए ।

झडप पश्चात् भक्तपुरको सुधार गृहबाट ल्याइएका मध्येका १५ जना कैदीहरूलाई हाल जिल्ला प्रहरी कार्यालय पर्साकाे थुनुवा कक्षमा राखिएकाे छ ।

झडप हुनु भन्दा पहिला सुधार गृहमा प्रहरी सहायक निरिक्षककाे नेतृत्व सादा पाेशाकका ७ जना प्रहरीहरु खटाइएकाे थियाे भने हाल ९ जना प्रहरीलाई खटाइएकाे छ ।  

सुधार गृहकाे कमजाेर व्यवस्थापना र भाैतिक संरचना पनि प्रयाप्त नहुँदा बालकैदीहरुलाई भाग्न सहज भएकाे देखिएकाे छ । हाल ६० जना बस्ने क्षमता रहेकाे बाल सुधार गृहमा १२६ जनालाई राखिएकाे छ ।

स्वास्थ्य शिविरबाट दुई सय छात्राहरु लभान्वित

0

‍आनन्द पटेल /
वीरगंज । राष्ट्रिय मानव अधिकार तथा भ्रष्टाचार नियन्त्रण नेपालका पूर्व अध्यक्ष स्वर्गीय परमानन्द चौधरीको बर्सी बर्खि कार्यक्रमको अवसरमा बिहीबार स्वास्थय शिविर कार्यक्रम सम्पन्न भएको छ ।

त्रिजुध माद्यमिक विद्यालयको प्राङ्गणमा भएकाे शिविरमा कक्षा १२ मा अध्ययनरत दुई सय जना छात्राहरुको चेकजाँच गरिएको थियो । श्री ओम अस्पतालको समन्वयमा भएको कार्यक्रममा अस्पतालका संचालक वरिष्ठ इस्त्री तथा प्रसुती रोग विशेषज्ञ डाक्टर जगदिप पटेल, डाक्टर पवन पटेलको टिमले छात्राहरुको खासगरी महिनावारी सम्बन्धी चेकजाँच गरिएको थियो ।

कार्यक्रममा पर्साका प्रमुख जिल्ला अधिकारी हिरालाल रेग्मीले स्वर्गीय परमानन्द चौधरीले मानव अधिकार कर्मीको रूपमा गरेका राम्रा कामहरूको बारेमा चर्चा गरेका थिए । साथै एउटा इमान्दार र कर्मठ व्यक्तिको निधनले राष्ट्रलाई नै ठूलो क्षति भएको प्रमुख जिल्ला अधिकारी रेग्मीले वताए ।

शिविरमा छात्राहरुको नियमित महिनावारी, पेट दुख्ने समस्या,समयमा महिनावारी नहुने, शरीर दुब्लो हुने, टाउको दुख्ने, खाना नरुच्ने, पिसाबमा इन्फेक्सन हुने लगायतका समस्याहरूको बारेमा ओम अस्पतालका चिकिस्तहरुले चेकजाँच गरेका थिए ।

शिविरमा विद्यालयमा अध्ययनरत छात्राहरुले पनि खुलेर आफ्ना समस्याहरू राखेका थिए । चेकजाँचपछि छात्राहरुलाई ओम अस्पतालको तर्फबाट निःशुल्क रूपमा औषधि वितरण समेत गरिएको अस्पतालका संचालक वरिष्ट इस्त्री तथा प्रसुती रोग विशेषज्ञ डाक्टर जगदीप पटेलले जानकारी दिए ।

साथै संचालक पटेलले राष्ट्रिय मानव अधिकार तथा भ्रष्टाचार नियन्त्रण नेपाल संस्थाको सहकार्यमा आफ्नो हस्पिटल आउने दिनमा पनि कार्यक्रम गर्न तयार रहेको प्रतिबद्धता जनाए । डाक्टर पटेलले पनि स्वर्गीय परमानन्द चौधरीको खुलेर प्रशंसा गरेका थिए ।

कार्यक्रममा राष्ट्रिय मानव अधिकार तथा भ्रष्टाचार नियन्त्रण नेपालका कोष अध्यक्ष संगिता पटेल, अजय पटेल, सरोज पटेल, ममता चौधरी, डाक्टर पवन कुमार, नवीन मिश्रा, सन्तोष पुन, सरोज बोहरा, राजेन्द्र प्रसाद साह, ओम अस्पतालका आसीम अन्सारी, सोनालाल साह सोनार, शक्ति विक्रम पटेल, अनुराग प्रजापति, दीपिका गिरी, रामभरोस यादव, सीमा कुमारी राम, दीपक कुमार यादव लगायतकाे विशेष सहयोग रहेको थियो ।

कार्यक्रममा राष्ट्रिय मानव अधिकार तथा भ्रष्टचार नियन्त्रण नेपालका सुनील चौधरीको अध्यक्षतामा सम्पन्न भएको थियो ।

मानव अधिकारकर्मीकाे टाेलीद्वारा बाल सुधार गृह वीरगंजकाे अनुगमन

0

वीरगंज । मनाव अधिकारकर्मीहरुले बिहिबार वीरगंजस्थित बाल सुधार गृहकाे अनुगमन गरेका छन् । इन्सेक प्रतिनिधि सहितकाे मानव अधिकारकर्मीहरुकाे टाेलीले सुधार गृहकाे अनुगमन गरेकाे हाे ।

बाल सुधार गृहकाे स्थलगत अवलाेकनबाट मापदण्ड बमाेजिम सुधार गृह संचालन नभएकाे भेटिएकाे इन्सेक बागमती प्रदेश संयाेजक गणेश भण्डारीले वताए ।

उनले सुधार गृहकाे क्षमता भन्दा दाेबर संख्यामा बालबालिकाहरु राख्दा समस्या हुने गरेकाे वताए । १०/११ काे सांघुराे एउटा काेठामा १४/१५ जना बालबालिकाहरु बस्नु पर्ने बाध्यता रहेकाे संयाेजक भण्डारीले वताए । 

६० जना बस्न सक्ने क्षमता भएकाे सुधार गृहमा हाल १२६ जना बस्दै आएका छन् । एउटा काेठामा खाट माथि खाट राखेर बालकैदीबन्दीहरुलाई बस्न लगाइएकाे छ ।

यसका साथै बालबालिकाहरुले पढन पाउनु पर्ने अधिकारबाट बन्चित भएकाे, खेलकाे सुविधा नभएकाे, खानेपानी लगायतकाे समस्या देखिएकाेले सम्बन्धित निकायमा समस्या समाधानकाे लागि पहल गर्ने आश्वासन संयाेजक भण्डारीले आश्वासन दिए ।

अवलाेकनकाे क्रममा सुधार गृहमा देखिएकाे समस्या प्रतिवेदन मार्फत पेश गरिने मानव अधिकार आयाेग हेटाैडाका मानव अधिकार अधिकृत कृष्ण मिश्रले वताए ।

उनले सुधार गृहमा मानव अधिकार तथा बालअधिकारकाे पूर्ण पालना हुनु पर्ने वताउँदै त्यस्ताे नदेखिएकाेले सम्बन्धित निकायमा समाधानकाे लागि पहल गर्नु पर्ने आश्वासन समेत दिए ।

सुविधा सम्पन्न बाल सुधार गृह हुनु पर्ने बाल सुधार गृह वीरगंजका वाडेन कृष्ण प्रसाद साह गाेढले वताए । उनले खेल मैदान सहितकाे प्रयाप्त भवन भएकाे सुधार गृह हुनु पर्ने वताए । 

उनले भने “यसका साथै १८ बर्ष माथिकाे बालबालिकाहरुलाई अन्यत्र व्यवस्थापन गर्ने हाे भने बाल सुधार गृहमा धेरै जसाे समस्या समाधान हुने छ ।” 

अनुगमन टाेलीमा मानव अधिकार आयाेग हेटाैडाका मानव अधिकार अधिकृत लक्ष्मी पाैडेल, सिविन मकवानपुर व्यवस्थापन प्रमुख झविन्द्र ज्ञवाली, पत्रकार शम्भु कुमार सुमन, बाल सुधार गृह वीरगंजका प्रहरी सहायक निरिक्षक देवेन्द्र गिरी लागयतकाे सहभागिता रहेकाे थियाे ।

अनुगमन टाेलीले भदाै २६ गते सुधार गृहमा भएकाे घटनाकाे बारे समेत जानकारी लिएकाे थियाे । सुधार गृहकाे अवलाेकन पछि अनुगमन टाेलीले घटना बारे पर्साका प्रमुख जिल्ला अधिकारी हिरालाल रेग्मीसंग पनि छलफल गरेकाे थियाे ।

जिल्ला प्रशासन कार्यालय पर्सामा मै पुगेर अनुगमन टाेलीले प्रमुख जिल्ला अधिकारी रेग्मीसंग घटना बारे बुझ्नुकाे साथै समस्या समाधान बारे छलफल गरेकाे थियाे ।

त्यसपछि अनुगमन टाेली जिल्ला प्रहरी कार्यालय पर्सा समेत पुगेर प्रहरी प्रवक्ता डिएसपी कुमार बिक्रम थापासंग घटना बारे जानकारी लिनुकाे साथै कारण बारे छलफल गरेकाे थियाे ।

भदाै २६ गते भक्तपुर बाल सुधार गृहबाट वीरगंज बाल सुधार गृहमा आएका बालबालिकाहरु र पहिलादेखि यँही रहेका बालबालिकाहरु बिच झडप भएकाे थियाे । झडप दुई जना प्रहरीसहित १३ जना घाइते समेत भएका थिए ।

अहिले भक्तुपुरबाट वीरगंज आएका १८ जना बालबालिकाहरु मध्ये १५ जनालाई जिल्ला प्रहरी कार्यालय पर्सामा राखिएकाे छ ।

जसपा पर्सामा विवाद : समानान्तर जिल्ला समिति गठन

0

वीरगंज । पर्सामा जनता समाजवादी पार्टी (जसपा) नेपालकाे समानान्तर समिति गठन भएकाे छ । वीरगंजस्थित अनमाेल पार्टी प्यालेशमा जसपा सचेतक समेत रहेका पूर्व मन्त्री एवम् सांसद प्रदिप यादवकाे प्रमुख आतिथ्यतामा आयाेजित नेता कार्यकर्ताहरुकाे भेलाले  सिंघासन साह तेलीकाे अध्यक्षतामा जसपाकाे समानान्तर जिल्ला कार्यसमित गठन गरेकाे हाे । तेली, बहुदरमाई नगरपालिकाका मेयर पनि हुन् ।

उक्त जिल्ला कार्यसमितिकाे उपाध्यक्षमा ग्यासुदिन मियाँ, अजय चाैरसिया र मिथिलेश सिंह, सचिवमा उमेशलाल सहनी, सहसचिवमा सुशील साह कानु, सुनिल कुशवाहा र नुर आलम अन्सारी, काेषाध्यक्ष प्रेमकुमारी सिंह, सदस्यमा असलम आलम, अजय सर्राफ, बैजुलाल स्वर्णकार, नेक महम्मद अन्सारी, सुनिता शर्मा, सुरज मानन्धर , खैरुदिन मियाँ र प्रतिमा सिंह रहेका छन् ।

भेलालाई सम्बाेधन गर्दै प्रमुख अतिथी सांसद यादवले रामनरेश यादव अध्यक्ष रहेकाे जिल्ला तदर्थ समितिकाे वैधानिकता सकिएपछि बुधबार नेता कार्यकर्ताकाे भेलाबाट तेलीकाे अध्यक्षतामा जसपाकाे जिल्ला कार्यसमिति पुनर्गठन गरिएकाे बताए ।

उनले भने, यादव अध्यक्ष रहेकाे समिति तदर्थ समिति थियाे, उक्त तदर्थ समितिकाे वैधानिकता बढीमा ६ महिनामात्रै थियाे । तर वर्ष बित्दासमेत तदर्थ समितले न त जिल्ला अधिवेशन गरेर नयाँ जिल्ला समिति गठन गर्न सक्याे न समितिलाई नै पुर्णता दिन सक्याे । त्यसकारण बुधबार जिल्ला कार्यसमिति पुनर्गठन गरिएको हाे । याे नै वैधानिक जिल्ला कार्यसमिति हाे । समानान्तर समिति हाेइन ।

समानान्तर जिल्ला समिति गठनले जसपा पर्सा भित्र दुई गुटबिच लामाे समयदेखि चल्दै आएकाे विवाद छताछुल्ल भएकाे छ । पर्सामा गत निर्वाचनदेखि जिल्ला नेतृत्वको विषयलाई लिएर दुई गुटमा विभाजित नेताहरुबिच चर्काे विवाद चल्दै आएकाेमा थियाे ।

पर्सामा जसपाभित्र जिल्ला अध्यक्ष रामनरेश प्रसाद यादव, पुर्व मुख्यमन्त्री लालबाबु राउत लगायतका नेताहरुकाे एक गुट छ भने अर्काे गुटकाे नेतृत्व सांसद यादवले गरिरहेका छन् । यादवकाे गुटमा जसपाका केन्द्रीय सदस्य समेत रहेका वीरगंज महानगरपालिकाका मेयर राजेशमान सिंह र जिल्ला समन्वय समिति पर्साका प्रमुख अजय सर्राफले साथ दिइरहेका छन् ।

बुधबार तेलीकाे अध्यक्षतामा समानान्तर जिल्ला कार्यसमिति गठन भएपछि जसपाका जिल्ला अध्यक्ष रामनरेश यादव र सचिव तबरेज अहमदले भने बुधबार नै अपरान्ह एक विज्ञप्ति जारी गरेर तेलीकाे अध्यक्षतामा गठित समिति अवैधानिक रहेकाे बताएका छन् ।

अध्यक्ष यादव र सचिव अहमदद्वारा संयुक्त रुपमा जारि गरिएकाे विज्ञप्तिमा पार्टी संगठन भताभुङ्ग पार्ने, अराजक प्रवृति र व्याक्तिवादी चिन्तन भएका, पटक पटक पार्टीकाे नीतिनियम विरुद्धको कार्य गर्दै आएका व्याक्तिहरुकाे साेचमा परिवर्तन नदेखिनु पार्टीको लागि आत्मघाती भएकाे टिप्पणी गरिएकाे छ ।