Date
सोम, कार्तिक ३०, २०८३
Mon, November 16, 2026
Home Blog Page 495

विमितकाे घरमै पुगेर मृत्यु दाबीकाे चेक हस्तान्तरण

0

वीरगंज । सानिमा रिलायन्स लाईफ इन्स्योरेन्स वीरगंज शाखाले आइतबार एक परिवारलाई मृत्यु दाबीकाे भुक्तानी विमितकाे घरमै पुगेर गरेकाे छ । 

विरगंज महानगरपालिकाकाे वडा नं. २८ दर्दवा टोल निवासी पवन राउतको ५८ बर्षिय आमा लालगुन देवीको मृत्युदाबी रु ५ लाख ३९ हजार ३७५ काे चेक उनकाे घर मै पुगेर एक कार्यक्रमकाे बिच हस्तान्तरण गरिएकाे इन्स्याेरेन्स वीरगंज शाखाकी सुस्मिता कुमारी जयसवालले जानकारी दिइन ।

जयसवालका अनुसार २०८० साउन १२ गते मृत्यु भएका लालगुनले २०७७ सालमा आफ्नाे बिमा गराएकी थिइन । ५ लाखकाे बिमा गराएकी उनकाे परिवारलाई विमांक रकम र नियम अनुसारकाे वाेनस जाेडेर विमा कम्पनीले एकमुस्ट भुक्तानी गरेकाे हाे । 

इन्स्याेरेन्स वीरगंज शाखाका प्रबन्धक नवि रसुल अन्सारी, शैलेन्द्र कुमार झा, सुस्मिता जयसवाले संयुक्त रुपमा विमितका छाेरा पवनलाई साे चेक हस्तान्तरण गरेका थिए । 

बलात्कार आराेपमा पटेर्वा सुगाैलीका सुचित पक्राउ

0

वीरगंज । सर्लाहीमा २२ वर्षीय दुई जना युवतीलाई सामूहिक बलात्कार गरेको आरोपमा दुई जना पक्राउ परेका छन् ।

बलात्कार आराेपमा धनुषा जिल्लाको सहिद नगरपालिका–४ मौरिया टोलका २३ वर्षीय अनिकित कुमार यादव र पर्सा जिल्ला पर्टेवा सुगौली गाउँपालिका–४ का २२ वर्षीय सुचित चौधरीलाई पक्राउ गरिएकाे प्रहरीले जनाएकाे छ ।

दुबै जना आरोपितहरूलाई शुक्रबार पक्राउ गरी  जिल्ला अदालतबाट एक हप्ताको लागि म्याद थप गराई घटना बारे थप अनुसन्धान भइरहेकाे जिल्ला प्रहरी कार्यालय मलंगवाका प्रहरी नायब उपरिक्षक दिपेन्द्र पंजियार थारुले जानकारी दिए ।

घटनामा संलग्न अर्का एक जना आरोपित सर्लाही जिल्ला बसबरीया गाउँपालिका–२ मानपुरका २४ वर्षीय रोहन यादव फरार रहेकोले खोज तलास भइरहेको उनले वताए ।

आरोपितहरूले पीडितहरूलाई ०८० भदौ ३१ गते सामूहिक बलात्कार गरेको भन्दै असोज ९ गते पीडित पक्षले जिल्ला प्रहरी कार्यालय मलंगवामा उजरी दिएका थिए ।

पीडितहरूको स्वास्थ्य परीक्षण असोज १० गते सर्लाही जिल्ला अस्पताल मलंगवामा गरिएकाे थियाे ।

चाैतर्फी आलाेचनापछि पेट्रोलियम पदार्थकाे मूल्य वृद्धि फिर्ता

0

काठमाडौं । नेपाल आयल निगमले आइतबार राति १२ बजेदेखि लागु हुने गरी पेट्रोलियम पदार्थको मूल्य वृद्धि फिर्ता हुने जनाएको छ ।

प्रधानमन्त्री पुष्पकमल दाहाल प्रचण्डले मूल्य वृद्धि फिर्ता लिन निर्देशन भएपछि आइतबार राति १२ बजेदेखि लागु हुने गरी वृद्धि गरिएको मूल्य घटाइएको निगमले जनाएको छ ।

‘प्रधानमन्त्री प्रचण्डबाट निर्देशन भए बमोजिम स्वचालित मूल्य प्रणाली यथावत हुन गरी हाल भएको मूल्य वृद्धिलाई मूल्य स्थिरीकरण कोष र नेपाल सरकारबाट प्राप्त हुने रकमबाट समायोजन गर्ने गरी मूल्य वृद्धि आइतबार राति १२ बजेदेखि लागु हुने गरी फिर्ता गरिएको छ’ निगमले आइतबार जारी गरेको सूचनामा भनिएको छ । 

शनिबार राति १२ बाट लागु हुने गरी आयल निगमले सबै प्रकारका पेट्रोलियम पदार्थको मूल्य वृद्धि गरेको थियो ।

आइतबार बिहान आफूसँग सल्लाह नगरी इन्धनको मूल्य वृद्धि गरिएको भन्दै प्रधानमन्त्री प्रचण्डले आयल निगमसँग असन्तुष्टि जनाएका थिए । सोही असन्तुष्टिकै बीच प्रधानमन्त्री प्रचण्डले मूल्य वृद्धि फिर्ता लिन निगमलाई निर्देशन दिएका थिए ।

चाँडबाडकाे मुखमा पेट्रोलियम पदार्थकाे मुल्य वृद्धि भएपछि सरकारकाे चाैतर्फी आलाेचना भएकाे थियाे ।

वीरगंज बाल सुधारगृहबाट फरार बालकैदीहरु पक्राउ 

0

वीरगंज । बाल सुधार गृह वीरगंजबाट फरार दुई जना बालकैदीहरु पक्राउ परेका छन् । वीरगंज महानगरपालिकाकाे वडा नं. ४ बिर्तास्थित रहेकाे बाल सुधार गृहबाट फरार दुबै जनालाई प्रहरीले ४८ घण्टामा नियन्त्रणमा लिन सफल भएकाे हाे ।

बाल सुधार गृहका फरार दुईजना बालकैदीहरु पक्राउ परेकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक (डिएसपी) कुमार बिक्रम थापाले जानकारी दिए ।

उनले फरार मध्ये एक जना शनिबार राति सर्लाहीकाे भारतिय सिमाबाट र एक जना सिराहाकाे भारतिय सिमाबाट आइतबार विहान पक्राउ परेकाे वताए । दुबै जनालाई जिल्ला ल्याउने कार्य भइरहेकाे डिएसपी थापाले वताए ।

गएको शुक्रबार बिहान २ बजेको समयमा दुबै जना सुधार गृहकाे छतमाथिकाे काँडेतार काटेर फरार भएका थिए ।

फरार भएका कैदीहरू मधेश प्रदेशको सर्लाही र सिराहा जिल्लाका थिए । दुबै जना मध्ये एक जना कर्तव्य ज्यान मुद्दा र एक जना जबरजस्ती करणी मुद्दामा बाल सुधार गृहमा राखिएकाे थियाे ।

प्रहरीका अनुसार सुधार गृहका दुईजना फरार भएका कैदी वीरगंजकाे रेल्बे राेड हुँदै शंकराचार्य गेट तर्फ गएकाे सिसि टिभि क्यामेरामा देखिएका थिए । 

उनीहरू शुक्रबार बिहान ५ बजेको समयमा सँगै एकआपसमा कुराकानी गर्दै खाली खुट्टा हिँडेर वीरगंज भन्सार तर्फ गइरहेको अवस्थामा प्रहरीको सिसिटिभी क्यामेरामा देखिएका थिए ।

फरार कैदीहरु भारत तर्फ गएकाे शंकाकाे आधारमा प्रहरीले रक्साेलमा पुगेर रेल्वे स्टेसनको क्यामेरा पनि चेकजाँच गरेको भए पनि उनीहरू देखिएका थिएनन् ।

भदौ २६ गते मात्रै भक्तपुर बाल सुधार गृहबाट वीरगंज बाल सुधार गृहमा ल्याइएका बालकैदी र यहाँ पहिल्यैदेखि बस्दै आएकाहरूबिच झडप भएको थियो । झडपमा दुई जना प्रहरीसहित १३ जना घाइते समेत भएका थिए ।

झडप पश्चात् भक्तपुरको सुधार गृहबाट ल्याइएका मध्येका १५ जना बालकैदीहरूलाई हाल जिल्ला प्रहरी कार्यालय पर्साको थुनुवा कक्षमा राखिएको छ ।

झडप हुनु भन्दा पहिला सुधार गृहमा प्रहरी सहायक निरिक्षक (असई)को नेतृत्वमा सादा पोशाकका सात जना प्रहरीहरू खटाइएको थियो भने हाल नौ जना प्रहरीलाई खटाइएको छ । 

हाल ६० जना बस्ने क्षमता रहेको बाल सुधार गृहमा १ सय २६ जनालाई राखिएको छ । १०/११ को सांघुरो एउटा कोठामा १४/१५ जना बालबालिकाहरू बस्नु पर्ने बाध्यता रहेको छ । एउटा कोठामा खाटमाथि खाट राखेर बालकैदीबन्दीहरूलाई बस्न लगाइएको छ ।

चाेरीकाे चाँन्दीसहित आराेही ज्वेलर्सका जयप्रकाश पक्राउ

0

वीरगंज । सुनसरी जिल्लाकाे धरानमा भएकाे चाेरीमा वीरगंजका सुनचाँन्दी व्यवसायीकाे सलंग्नता देखिएकाे छ । चार साताअघि धरानकाे एक सुनचाँदी फसलमा भएकाे चाेरीमा वीरगंजका एक जना सुनचाँन्दी व्यसायीकाे सलंग्नता देखिएकाे हाे ।

भदौ १६ गते धरान वडा नं. ३ दोभान चोक स्थित विशाल लिम्बुको घरमा भाडा लिएर जोडन ज्वलेर्स सञ्चालन गर्ने सुनिल विश्वकर्माको पसल फोडेर १६ किलाे चाँदी र चार भर सुन चोरी भएको थियो ।

चाेरी भएकाे सुनचाँन्दी वीरगंजकाे पसलमा बिक्री भएकाे प्रहरी अनुसन्धानबाट खुलेकाे छ । चाेरी भएकाे ५.९ किलाे चाँन्दीसहित वीरगंजस्थित आराेही ज्वेलर्सका संचालक जय प्रकाश कुमार साेनारलाई प्रहरीले पक्राउ समेत गरेकाे छ ।

असाेज १० गते पर्सा प्रहरीले वीरगंजस्थित उनकै पसलबाट जयप्रकाशलाई पक्राउ गरेर सुनसरी प्रहरीलाई बुझाएकाे थियाे । पक्राउ परेका जय प्रकाश विरुद्ध चाेरी कसुरमा मुद्दा दर्ता गरि थप अनुसन्धान भइरहेकाे जिल्ला प्रहरी कार्यालय सुनसरीका प्रवक्ता डिएसपी नवीन कृष्ण भण्डारीले जानकारी दिए । उनकाे पसलबाट चाेरीकाे ५‍.९ किलाे चाँन्दी समेत भएकाे उनले वताए । 

प्रहरी स्राेतका अनुसार पक्राउ परेकाे जयप्रकाशसंग सुनचाँन्दी चाेरी गर्ने चाेरीसंग फाेनमा बारम्बार कुरा समेत भएकाे देखिएकाे छ । उनले चाेरीकाे चाँन्दी भएकाे थाहा हुदाँ हुदै पनि विना विल विजककाे ठूलाे परिणाममा चाँन्दी खरिद गरेकाेले उनकाे सलंग्ना देखिएकाे हाे ।

उनी विगत लामाे समयदेखि यस्ता गतिविधिमा सलंग्न रहेकाे स्थानियहरुकाे भनाई छ । उनीहरुका अनुसार उनकाे दाईकाे काठमाडाैंमा समेत सुनचाँन्दी पसल रहेकाेले वीरगंजदुखि काठमाडाैं सम्म चाेरी र तस्करीकाे सुनचाँन्दी कम भाउँमा खरिद गरि ओसारपाेसार गर्ने गरेका छन् ।

उनकाे यस्ताे गतिविधिले वीरगंजकाे सुनचाँन्दी व्यवसायीकाे प्रतिष्ठा माथि समेत खलल पुगेकाे व्यवसायीहरु वताउँन्छन् ।

विना विल विजककाे सुनचाँन्दी खरिद गर्नु कार्य गलत भएकाे सुनचाँन्दी व्यवसायी संघ पर्साका अध्यक्ष भुलन साह साेनारले वताए । आफु प्रहरी अनुसन्धानमा सहयाेग गरिरहेकाे समेत उनले वताए ।   

तर पक्राउ परेका जयपक्राशलाई छुटाउन केही नेता र सुनचाँन्दी व्यवसायीहरु सक्रिय देखिएका छन् । 

यस अघि नै चाेरीकाे घटनामा सलंग्न दुई जनालाई प्रहरीले पक्राउ गरेको थियाे । पक्राउ परेकाहरुकाे व्यानकाे आधारमा चाेरीकाे चाँदी बिक्री भएकाे पसल पता लगाउन प्रहरीलाई सहज भएकाे थियाे । पक्राउ परेका मध्ये पनि एक जना वीरगंज कै रहेका छन्  ।

प्रहरीले विरगंज महानगरपालिका वडा नं. ३२ का ३२ वर्षिय महमद बसिर मियाँ र भारत मोतिहारी घोडासैन घर भई हाल भरतपुर महानगरपालिका वडा नं. १२ का १९ वर्षे रितु साहलाई पक्राउ गरेको हो ।

उनीहरूका साथबाट प्रहरीले झन्डै चार आनाको घाटीमा लगाउने जन्तर जस्तो देखिने गहना एक थान, चाँदीको सिक्री एक तोलाको एक थान र पाँच तोला चाँदीको पाउजु बरामद गरेको जिल्ला प्रहरी कार्यालय सुनसरीका प्रवक्ता डिएसपी भण्डारीले जानकारी दिए ।

 प्रहरीले सो घटनाको अनुसन्धान गर्न प्रहरी निरीक्षकको कमाण्डमा तीन जना प्रहरी परिचालन गरेको थियो ।  

समाजबादी जागरण अभियानलाई युवा संघ पर्साले स्वागत गर्ने

0

वीरगंज । नेकपा (एकीकृत समाजवादी) पार्टी निकट युवा संघ नेपाल पर्साकाे बैठक शनिबार सम्पन भएको छ। बैठकले पार्टीकाे मेची महाकाली समाजबादी जागरण अभियानलाई वीरगंजमा स्वागत गर्न निर्णय गर्ने निर्णय गरेकाे छ ।

असोज १४ गते देखि सुरू भएको समाजबादी जागरण अभियान वीरगंजमा यही असोज १८ गते दिउसो मेची महाकाली टोली पुग्ने छ । जसलाई स्वागत र भव्य रूपमा सफल पार्न युवा संघ नेपाल, पर्साकाे बैठकले निर्णय गरेकाे युवा संघ नेपालका पर्सा जिल्ला इन्चार्ज अनिल पटेलले वताए ।

 जून कार्यक्रम सफल पार्न विभिन्न समितिहरु गठन भएकाे उनले वताए । उनका अनुसार जन परिचालन समितिकाे प्रमुख अलि अंसारी र आकाश पटेललाई बैठकले जिम्मेवारी दिएकाे छ ।

यसका साथै पार्टीकाे ब्यानर, टोपि झण्डा आदिको व्यवस्था पार्टीबाट सहयोग लीन बैठकले निर्णय गरेकाे छ । बैठकले यहि कार्तिक मसान्तमा जिल्ला कमिटी पुन: गठन गर्ने समेत निर्णय गरेकाे छ ।

युवा संघ पर्साका अध्यक्ष आकाश पटेलकाे अध्यक्षता र पर्सा इञ्चार्ज अनील पटेलकाे प्रमुख आतिथ्यमा बसेकाे बैठकमा पार्टीका नेता रामेश्वर धानुक, आकाश पटेल, अलि अन्सारी, युवा संघका सन्दिप पटेल, दिपक साह, नरेंद्र पटेल, चन्दन महतो, विक्रम पटेल, कैलाश पासवान, पपु पटेल, रामबाबू महतो, पवन कुमार , बिनोद पटेल ज्वाहिर अन्सारी, सूरज कुशवाहा रामबाबु कुर्मी, लगायतको उपस्थिती रहेको थियो । 

नारायणी अस्पतालकाे प्रथम बार्षिकाेत्सव सम्पन्न

0

वीरगंज । वीरगंज महानगरपालिकाका मेयर राजेशमान सिंहले उपचारका लागि आउने बिरामीसंग गर्ने व्यवहारमा सुधार ल्याउन नारायणी अस्पतालका चिकित्सक र स्वास्थ्यकर्मीलाई सुझाव दिएका छन् ।

वीरगंजस्थित नारायणी अस्पतालकाे स्थापनााकाे १३१ वर्ष पुरा भएकाे उपलक्ष्यमा शनिबार आयाेजित प्रथम वार्षिकाेत्सव समाराेहलाई सम्बाेधन गर्दै मेयर सिंहले यस्ताे सुझाव दिएका हुन् ।

कार्यक्रममा सहभागी चिकित्सक र स्वास्थ्यकर्मीहरुलाई इंगीत गर्दै मेयर सिंहले भने,`आज स्वास्थ्यमन्त्री ज्यु आएका बेला तपाई सबै जना एप्राेन लगाएर चिटिक्क भएर आउनु भएकाे छ । तर बिरामीलाई सेवा दिने बेला तपाईहरुकाे व्यवहार अलग हुन्छ । त्यसकारण मन्त्री ज्यु आउँदा जसरी चिटिक्क परेर आउनु भएकाे छ । त्यसरी नै बिरामीको उपचार गर्दा  र सेवा दिदाँ तपाईहरुकाे व्यवहारपनि त्यस्तै सुमधुर र बिरामीमैत्री हाेस् भन्ने चाहन्छु ।’

मेयर सिंहले नारायणी अस्पतालमा सरकारले निर्माण गर्ने निर्णय गरेकाे ५ सय शैयाकाे भवनकाे विषयमा  अदालतमा विचाराधीन मुद्दालाई छिट्टै टुंगो लगाउन कार्यक्रममा सहभागी स्वास्थ्यमन्त्री माेहन बहादुर बस्नेतसंग आग्रह गरे ।

उनले नारायणी अस्पतालमै मृगाैला प्रत्याराेपण (किड्नी ट्रान्सप्लाण्ट) सेवा सञ्चालनका लागि मन्त्री बस्नेतसंग अनुराेध गर्दै त्यसका लागि आवश्यक भवन निर्माण वीरगंज महानगरपालिकाले गरिदिने प्रतिबद्धता पनि जनाए ।

उनले नारायणी अस्पतालमा रहेका कमीकमजोरी सुधार्न सबै जना एकजुट भएर लाग्न आवश्यक भएकाेपनि बताए ।

कार्यक्रममा अस्पताललाई सहयाेग गरेको भन्दै मेयर सिंहलाई दाेसल्ला र कदरपत्रले सम्मानित पनि गरिएको थियाे ।

अस्पतालका निमित्त मेसु डा. चितरञ्जन साहकाे अध्यक्षता तथा स्वास्थ्यमन्त्री बस्नेतकाे प्रमुख आतिथ्यतामा भएकाे कार्यक्रममा मधेस प्रदेशका स्वास्थ्यमन्त्री वीरेन्द्र सिंह, प्रतिनिधि सभा सदस्यहरु प्रदीप यादव, अजय चाैरसिया, प्रभु हजरा, वीणा जयसवाल, प्रदेश सभा सदस्यहरु जनार्दन सिंह क्षेत्री, श्याम पटेल लगायतकाे सहभागीता थियाे ।

सुधार गृह बनाउने जिम्मा कसकाे ? (सम्पादकीय)

0
kalikatimes
मधेश प्रदेशकाे एक मात्र बाल सुधार गृह वीरगंजबाट शुक्रबार विहान मात्र दुई जना बालकैदीहरु फरार भएका छन् । उनीहरु अझै सम्म पक्राउ पर्न सकेका छैनन् । केही दिन पहिला मात्र सुधार गृहका बालबालिकैदीहरु ताेडफाेड गर्दै प्रदर्शन समेत उत्रेका थिए ।
 
डेढ कट्ठा क्षेत्र फलमा मात्र रहेकाे सुधार गृहकाे भवनकाे ९ वटा काेठामा बालकैदीहरु बस्दै आएका छन् । वाकी काेठामा कार्यालय संचालन छ । १०/११ काे एउटा काेठामा १४/१५ जना सम्म बस्दै आएका छन् । जहाँ एउटै काेठामा खाटमाथि खाट राखेर एउटै सानाे खाटमा ४ जना सम्म बस्नु पर्ने बाध्यता छ । यत्राे गर्मी माैसममा विधुत लाइन कट्याे भने वैकल्पिक व्यस्था पनि छैन् ।
 
यसका साथै ६० जना मात्र बस्न सक्ने क्षमता भएकाे बाल सुधार गृहमा हाल १२६ जना राखिएका छन् । जुन सुधार गृह भित्र खालि ठाउँ र खेल मैदन पनि छैन् । न कुनै खेल सामग्री नै छ । केही पुस्तकहरु पनि रहेकाे पुस्कालय र टिभि पनि अहिले संचालनमा छैन् । पढदै गरेकाे बालबालिकाहरु पनि सुधार गृह भित्र पढाईबाट बन्चित छन् । प्रयाप्त खानेपानीकाे सुविधा पनि छैन ।
 
त्यसले यसलाई सुधार गृह भन्ने की याताना गृह ? के यसलाई व्यवस्थित गर्न जिम्मेवारी कसैकाे हाेइन । यस तर्फ किन कसैकाे ध्यान जान सकेकाे छैन् । प्रदेश भित्र रहेकाे एक मात्र बाल सुधार गृहलाई पनि प्रदेश सरकारले बनाउन अर्थात व्यवस्थित गर्न सक्दैन ?

वीरगंजका महादेव कुर्मी रास्वपा प्रबेश

0

वीरगंज । वीरगंज लोकप्रिय युवा नेता महादेव कुर्मी राष्ट्रिय स्वतन्त्र पार्टी (रास्वपा) प्रवेश गरेको घोषणा गरेका छन । लामाे समयदेखि वीरगंज महानगरपालिकाका मेयर राजेशमान सिंहसंग काम गर्दै आएका उनी आजदेखि रास्वपा प्रबेश गरेकाे जनाएका छन् ।

उनले केहि दिन अगाडी रवि लामिछाने नेतृत्वको राष्ट्रिय स्वतन्त्र पार्टीका उपाध्यक्ष डिपि आर्यालसंग भेटेको तस्बीर सार्वजनिक गर्दै उक्त पार्टीमा प्रवेश गरेको घोषणा गरेका हुन ।

वीरगंज १४ पिपरा निवासी युवा नेता कुर्मी मधेसी सहिद दिलिप चौरसीयाको घरमा पार्टीका उपाध्यक्ष अर्याल संग भेटघाट गरेको तस्बिर समाजिक संजालमा सार्वजनिक गरेका छन । राष्ट्रिय स्वतन्त्र पार्टी प्रवेश पछि समाजिक संजालमा उनले अब नयाँ सोचले सबैको सल्लाह सुझावले अगाडि बढ्ने बताएका छन ।

साथै कुर्मीले स्वतन्त्र पार्टी संग जुट्ने चाहने साथी दाजुभाइ तथा अग्रजहरुलाई सम्पर्क गर्न पनि आग्रह गरेका छन । उनले अब मिसन २०८४ को लागि हामी आफ्नो लागि,आफ्नो समाजको लागि,देशको लागि र स्वच्छ राजनितिकको लागि सबैलाई जुट्न अपिल पनि गरेका छन ।

उनले गत असोज १० मा जनता समाजबादी पार्टी पुर्ण रुपमा परित्याग गरि स्वतन्त्र भएको घोषणा गरेका थिए । विगतको समयमा वीरगंज महानगरपालिकाका मेयर राजेशमान सिंह संगै बसेर बर्सौ देखि काम गर्दै आएको र राजनितिक धोका भएपछि अलग भएको बताएका छन् ।

समाजिक संजालमा उन लेखेकाे पोष्ट  

लागु औषध गाँजासहित बिन्दवासिनीबाट बहुदरमाईका दुई जना पक्राउ

0

वीरगंज । प्रहरीले पर्साकाे बिन्दबासिनी गाउँपालिका वडा नं.५ प्रसौनीभट्टाबाट लागु औषध गाँजासहित दुई जनलाई पक्राउ गरेकाे छ ।

प्रहरी चौकी प्रसौनीभट्टाबाट खटिएकाे प्रहरी टाेलीले बहुदरमाई नगरपालिकाकाे वडा नं.९ बिश्रामपुर लाेटल राउत कुर्मी र साेही ठाउँ निवासी देवलाल साह कलवारलाई पक्राउ गरेकाे हाे ।

प्रसौनीभट्टा गाँउ नजिक सडकखण्डमा मिति बिहिबार अन्दाजी ०९:२० बजेको समयमा खटिएको प्रहरी टोलीले चेकजाँच गर्ने क्रम्मा संकास्पदरूपमा साईकल चलाई गईरहेको दुबै जनालाई कानूनी रीतपुर्‍याई खानतलासी गर्दा लागु औषध बरामद भएकाे जिल्ला प्रहरी कार्यालय पर्साले जनाएकाे छ ।

दुबै जनाले लुकाई छिपाई आफ्नो शरिरमा पहेलो रङको टेपले बेरी बाँधेको कालो रङको पोलोथिनको ४ वटा पोकामा १/१ किलो दरले ४ किलो लागू औषध गाँजा फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) कुमार बिक्रम थापाले वताए ।

त्यसपछि दुबै जनालाई नियन्त्रणमा लिई ईलाका प्रहरी कार्यालय पोखरीया पर्सामा ल्याइ निजहरू विरुद्द लागु औषध सम्बन्धि कसूर मुद्दामा शुक्रबार पर्सा जिल्ला अदालतबाट ७ दिन म्याद थप अनुमति प्रदान गरी थप अनुसन्धान कार्य भैरहेको प्रवक्ता थापाले जानकारी दिए ।