Date
सोम, कार्तिक ३०, २०८३
Mon, November 16, 2026
Home Blog Page 478

त्रिभुवन आर्मी क्लब पनि वीरगंज गोल्डकपकाे फाईनलमा

0

वीरगंज । त्रिभुवन आर्मी क्लब प्रथम वीरगंज गोल्डकप फुटबल प्रतियोगिताको फाईनलमा प्रवेश गरेको छ । संकटा क्लबलाई १–० गोलले हराउदै त्रिभुवन आर्मी क्लबले फाईनलमा प्रवेश गरेको हो ।

९० मिनेटको निर्धारित समयमा खेलको पहिलो हाफको २२े गोल गरेर जितेको हो । त्रिभुवन आर्मी क्लबका जर्सी नम्बर ३० का खेलाडी रिपु बलोनले गरेको गोल नै अन्तिम सम्म निर्णायक रहेको थियो ।

त्रिभुवन आर्मी क्लब सुरुको समयदेखि संकटा क्लब माथी हाबि बनेको थियो । संकटा क्लबका खेलाडी पटक पटक त्रिभुवन आर्मी क्लबको पोष्टमा बल हानेपनि गोल गर्न सकेका थिएनन् ।

खेलको म्यान अफ दी म्याच नेपाल पुलिस क्लबका जर्सी नम्बर ३० का खेलाडी रिपु बलोन घोषित भए । उनले नगद १० हजार रुपैयाँ प्राप्त गरे ।

बुधबार भएको पहिलो सेमिफाईन खेलमा नेपाल पुलिस क्लबले आयोजक भेट्रान सिटि क्लबलाई हराएर फाईनलमा प्रवेश गरीसकको छ । प्रतियोगितामा शनिबार हुने फाईनल खेलमा नेपाल पुलिस क्लब र त्रिभुवन आर्मी क्लब बिच हुने आयोजकले जनाएको छ ।

मधेस प्रदेशकै सबैभन्दा उच्च धनराशीको यो प्रतियोगिता कार्तिक २५ गते सम्म चल्ने छ । प्रतियोगितामा प्रथम हुने क्लबले ११ लाख ११ हजार एक सय ११ र दोस्रो हुने क्लबले पाँच लाख ५५ हजार पाँच सय ५५ नगदसहित प्रमाणपत्र र सिल्ड पाउने छन ।

बारामा हतियारसहित ५ जना पक्राउ

0
वीरगंज । बाराकाे सिम्रौनगढ नगरपालिका वडा नं. ११ भगवानपुरबाट हतियारसहित ५ जना पक्राउ परेका छन् । ईलाका प्रहरी कार्यालय सिम्रौनगढबाट खटिएकाे प्रहरी टोलीले बिहिबार विहान ८ बजेकाे समयमा हातहतियारसहित ५ जनालाई नियन्त्रणमा लिएकाे हाे ।
 
पक्राउ पर्नेमा सिम्रोनगढ नगरपालिका वडा नं.११ भगवानपुर निवासी ४० बर्षिय उपेन्द्र पटेल, २७ बर्षिय धिरेन्द्र पटेल, ६२ बर्षिय रुपलाल पटेल, रौतहटकाे बौधीमाई नगरपालिका वडा नं.२ निवासी ४४ बर्षिय राजमंगल पटेल र साेही ठाउँ निवासी ८० बर्षिय सोभा राउत रहेका छन् ।
 
पक्राउ परेका उपेन्द्र पटेलले आफ्नो घर कोठामा अबैध रुपमा हतियार लुकाई छिपाई राखेको सूचना प्राप्तप हुन साथ खटिएकाे टाेलीले घर खनतलासी गर्दा कालो रंगको पोलिथिन झोला भित्र सेतो कपडाले बेरी लुकाई छिपाई राखेको हातहतियार २ थान र गोली राउण्ड १० थान बरामद भएकाे जिल्ला प्रहरी कार्यालय बाराले जनाएकाे छ ।
 
बरामद हातहतियारमा रिभाल्वर १ थान, साेमा लाग्ने गाेली ७ थान,  नलकटुवा पेस्तोल १ थान, साेमा लाग्ने गोली थान १ थान र केएफ १२ लेखिएकाे गोली, जंगी राउण्ड २ थान रहेकाे प्रहरीले जनाएकाे छ ।
 
पक्राउ परेकहरुमाथि थप अनुसन्धान कार्य भई रहेको जिल्ला प्रहरी कार्यालय बाराले प्रेस विज्ञप्ती मार्फत जानकारी गराएकाे छ ।

छिपहरमाई गाउँपालिका प्रमुख प्रशासकिय अधिकृत विहिन, एक बर्षमा ३ जनाकाे सरुवा

0

वीरगंज । पर्साकाे छिपहरमाई गाउँपालिका प्रमुख प्रशासकिय अधिकृत विहिन भएकाे छ ।

गाउँपालिकामा कार्यरत प्रमुख प्रशासकिय अधिकृत सिकेन्द्र प्रसाद साहकाे ४ महिना मै सरुवा भएपछि गाउँपालिका प्रमुख प्रशासकिय अधिकृत विहिन भएकाे हाे ।

संघिय मामिला तथा समान्य प्रशासन मन्त्रालयले कार्तिक १९ गते अधिकृत साहकाे धनुषाकाे बिदेह नगरपालिकामा सरुवा गरेकाे छ । सरुवा भएकाे भाेली पल्टै उनी कार्तिक २० गते सरुवा भएकाे ठाउँमा रवाना भएका थिए ।

उनी रवाना भएकाे चार दिन वितिसक्दा पनि छिपहरमाई गाउँपालिकामा नयाँ प्रमुख प्रशासकिय अधिकृत हाजिर हुन आएका छैनन् ।

मन्त्रालयले छिपहरमाई गाउँपालिकाकाे प्रमुख प्रशासकिय अधिकृत कृष्ण ठकुरीलाई पठाएकाे बुझिएकाे छ । तर हाल सम्म उनी गाउँपालिकामा हाजिर नभएका कारण गाउँपालिकाकाे कामकाज प्रभावित भएकाे छ ।

चाँड बाँडकाे समयमा प्रमुख प्रशासकिय अधिकृतकाे मन्त्रालय सरुवा गरेका कारण समस्या भएकाे गाउँपालिका अन्तर्गतका वडाध्यक्षहरुले वताएका छन् । गाउँपालिकामा प्रमुख प्रशासकिय अधिकृत नहुँदा हिन्दुहरुकाे महान चाँड छठ पुजा सजावट लगायतकाे काम गर्न समस्या भएकाे उनीहरुकाे गुनासाे छ ।

यस अघि पनि छिपहरमाई गाउँपालिकामा कार्यरत प्रमुख प्रशासकिय अधिकृत राकेश ओझाकाे चार महिना मै सरुवा भएकाे थियाे । मन्त्रालयले २०८० फागुन १७ गते छिपहरमाईकाे प्रमुख प्रशासकिय अधिकृतमा राकेश ओझालाई पठाएपनि पुन: असार १५ गते उनकाे सरुवा गरेकाे थियाे ।

त्यसिपछि उनकाे ठाउँमा आएका सिकेन्द्र साहकाे पनि चार महिना मै मन्त्रालयले सरुवा गरेकाे हाे । मन्त्रालयले नै एक ठाउँमा कम्तिमा दुई बर्ष एउटा प्रमुख प्रशासकिय अधिकृत बस्नु पर्ने प्रावधान बनाएपनि विभिन्न दबावमा आफैले बनाएकाे नियम लागु नगर्दा स्थानिय तहकाे विकास निर्माणका कामहरु प्रभावित हुँदै आएकाे छ ।

राकेश ओझा अघि छिपहरमाई गाउँपालिकाकाे निमित प्रमुख प्रशासकिय अधिकृतमा शम्भु साह थिए । उनी पनि विभिन्न कारणले लामाे समय सम्म प्रमुख प्रशासकिय अधिकृतकाे जिम्मेवारी पुरा गर्न सकेनन् ।

छिपहरमाईमा गाउँपालिकामा एक बर्षमा ३ वटा प्रमुख प्रशासकिय अधिकृत सरुवा हुनुले याे खाेजमुलक विषय बनेकाे छ । कुन कारणले त्यहाँ प्रमुख प्रशासकिय अधिकृतहरु टिक्न नसक्नु सराेकारवालाहरुकाे लागि अनुसन्धानकाे विषय बनेकाे हाे । 

पाेखरियामा एमालेकाे शुभकामना आदानप्रदान

0

पाेखरिया । पर्साकाे पाेखरिया नगरपालिकामा आज नेकपा एमालेकाे शुभकामना आदनप्रदान कार्यक्रम सम्पन्न भएकाे छ । एमाले पोखरिया नगर कमिटीकाे आयोजनमा शभ दिपावली तथा छठ पर्वकाे शुभकामना आदनप्रदन तथा चियापान कार्यक्रम सम्पन्न भएकाे हाे ।

एमाले पोखरिया नगर कमिटीका अध्यक्ष विन्ध्याचल ठाकुरको अध्यक्षता र पर्सा क्षेत्र नम्बर ३ बाट निर्वाचित प्रतिनिधिसभा सदस्य राजकुमार गुप्ताकाे प्रमुख आतिथ्यतामा भएकाे थियाे ।

कार्यक्रमलाई सम्बाेधन गर्दै प्रमुख अतिथी प्रतिनिधि सभा सदस्य राैनियारले हालकाे सरकारले जनचाहना अनुसारकाे काम गर्न नसकेकाे वताए । एमालेकाे सरकारले जहिले पनि जनचाहना अनुसार काम गरेकाे वताउँदै जनताले एमालेकाे सरकार चाहेकाे वताए । 

पाेखरियामा भएकाे कार्यक्रममा संविधान सभा सदस्य एवम् पोखरिया नगरपालिकाका मेयर प्रद्युमन प्रसाद चौहान, उप प्रमुख रूबी कुमारी ठाकुर, एमालेका केन्द्रिय सदस्य अरबिन्द सिंह, निर्मला देवकोटा, संविधान सभा सदस्य जय प्रकाश थारू, एमाले मधेश प्रदेशका उपाध्यक्ष बिचारी यादव, केन्द्रिय सल्लाहकार समिति सदस्य शिव पटेल, जालिम मिया, मंजूर अन्सारी, पूर्व प्रतिनिधि सभा सदस्य हरिनारायण राैनियार, लाेसपाका नेता नेजामुदिन समानी, सखुवा प्रसौनी गाउँपालिकाका अध्यक्ष यसवन्त यादव लगायतले शुभकामना मन्तव्य राखेका थिए ।

कार्यक्रममा स्वागत मन्तव्य एमाले पाेखरिया नगर सचिव संतोष गिरीले गरेका थिए भने कार्यक्रमको संचालन बिनोद गिरीले गरेका थिए ।

वीरगंज गोल्डकपको फाइनलमा पुलिस क्लब प्रवेश

0

वीरगंज । नेपाल पुलिस क्लबले प्रथम वीरगंज गोल्डकप फुटबल प्रतियोगिताको फाईनलमा प्रवेश गरेको छ ।

आयोजक भेट्रान सिटि क्लब वीरगंजलाई ट्राईबे्रकरमा हराउदै नेपाल पुलिस क्लबले फाईनलमा प्रवेश गरेको हो । ९० मिनेटको निर्धारित समयमा खेलको सुरु देखि रोमान्चक बनेको खेल बिना गोल बराबरी भएको हो ।

खेलमा दुवै टिम विना गोल बराबरी खेलेपछि खेल ट्राईबे्रकरमा धकेलिएको थियो । ट्राईब्रेकरमा दुबै टिम ७ ÷७ वटा पेनाल्टी हानेका थिए । जसमा नेपाली पुलिस क्लबले ५ गोल गर्न सफल भयो भने दुई वटा बल बाहिर गएको हो ।

यस्तै भेट्रान सिटि क्लबले ४ वटा गोल पेनाल्टी गोल गर्न सफल भयो भने ३ वटा बाहिर गएपछि नेपाल पुलिस क्लब जितेको हो ।

पहिलो पटक नेपाल पुलिसले ट्राईबे्रकरमा ५ वटा पेनाल्टी हानेको थियो । जसमा ३ वटा बल गोल र २ वटा किपरले रोकेका थिए ।

नेपाल पुलिस क्लबका जर्सी नम्बर १६ का खेलाडी उज्जवल राई , जर्सी नम्बर ८ का खेलाडी प्रताप गुरुङ्ग र जर्सी नम्बर ३ का खेलाडी पृथ्वी चौधरीले गोल गर्न सफल भए । भने जर्सी नम्बर ७ का रामचन्द्र वाजे र जर्सी नम्बर बुद्ध तामाङ्गले हानेको बल किपरले रोकेका थिए ।

त्यसपछि हानेको आयोजक भेट्रान सिटि क्लब वीरगन्जले ५ वटा पेनाल्टी हानेको थियो । जसमा ३ वटा बल गोल र दुई वटा गोल हुन सकेन ।

भेट्रान सिटि क्लबका जर्सी नम्बर १३ का खेलाडी हेम तामाङ्ग , जर्सी नम्बर १४ का खेलाडी सुजल डंगोल र जर्सी नम्बर १ का गोल किपर राजु नगरकोटी गोल गर्न सफल भएका थिए । भने जर्सी नम्बर ५ का खेलाडी मान बहादुर परियार र जर्सी नम्बर २ का खेलाडी राजन चौधरीले हानेको गोल किपरले रोक्न सफल भए ।

दुवै टिमको पेनाल्टी बराबरि भएपछि त्यसपश्चात पुन दुवै टिम थप दुई/दुई गोल पेनाल्टी हाने ।

त्यसमा नेपाल पुलिसका जर्सी नम्बर २ का हेमन्त श्रेष्ठ र जर्सी नम्बर २४ का विवेक सन्तोषीले गोल गर्न सफल भएका थिए । भने भेट्रान सिटि क्लबका जर्सी नम्बर ६ का विदेशी खेलाडी मुसाले गोल गर्न सफल भ्उ भने जर्सी नम्बर १९ का खेलाडी कार्लोस पटेल बाहिर हानेपछि नेपाल पुलिस क्लब जितेको हो ।

खेलको म्यान अफ दी म्याच नेपाल पुलिस क्लबका जर्सी नम्बर १ का गोल किपर सत्रुघन चौधरी घोषित भए । उनलाई आयोजक क्लबका महासचिव पन्कज श्रेष्ठले  नगद १० हजार रुपैयाँ प्रदान गरे ।

प्रतियोगितामा बिहिबार हुने दोस्रो सेमिफाईनल खेल त्रिभुवन आर्मी क्लब र संकटा क्लब बिच हुने आयोजकले जनाएको छ । मधेस प्रदेशकै सबैभन्दा उच्च धनराशीको यो प्रतियोगिता कार्तिक २५ गते सम्म चल्ने छ ।

प्रतियोगितामा प्रथम हुने क्लबले ११ लाख ११ हजार एक सय ११ र दोस्रो हुने क्लबले पाँच लाख ५५ हजार पाँच सय ५५ नगदसहित प्रमाणपत्र र सिल्ड पाउने छन ।

नेपाल कावेरी एकेडेमीको खेलकुद सप्ताह सम्पन्न

0

वीरगंज । नेपाल कावेरी एकेडेमीद्वारा आयोजित खेलकुद सप्ताह सम्पन्न भएको छ । वल्र्ड अफ वन्डर्समा एक औपचारिक कार्यक्रमको आयोजना गर्दै खेलकुद सप्ताहको समापन गरिएको हो ।

विद्यार्थीहरुको सर्वाङ्गिण विकासलाई मध्यनजर गर्दै विभिन्न खेलहरु समावेश गर्दै सप्ताहको आयोजना गरिएको थियो । मंगलबार आयोजित समापन समारोहमा विद्यार्थीहरुले मार्च पास प्रदर्शन समेत गरेका थिए ।

पर्सा क्रिकेट संघका अध्यक्ष मनिष सिंहको प्रमुख आतिथ्यतामा भएको समापन समारोहमा ख्याती प्राप्त मार्शल आटर्स प्रशिक्षक रवि कलवार, स्पोर्टस् हाउस वीरगंजका प्रोमोटर सौरभ केडिया लगायतकाको उपस्थिती रहेको थियो ।

कार्यक्रममा खेलकुद सप्ताहमा आयोजित विभिन्न प्रतियोगिताहरुमा उत्कृष्ट भएका विद्यार्थीहरुलाई प्रमाणपत्र प्रदान गरिएको थियो ।

कार्यक्रमलाई सम्बोधन गर्दै विद्यालयकी निर्देशक आयुषी तुलस्यानले विद्यार्थीहरुको चौतर्फि विकासका लागि अध्ययनका साथसाथै खेलकुद पनि उत्तिकै महत्वपूर्ण रहेको बताइन ।

विद्यार्थीहरुको खेलकुदतर्फको आकर्षणलाई सम्बोधन गर्न विद्यालयका तर्फबाट आफूहरुले कुनै कसर बाँकी नराख्ने उनले धारणा व्यक्त गरिन ।

एकेडेमीको कक्षा पि.जी देखि १० सम्मका विद्यार्थीहरु खेलकुद सप्ताहमा सहभागि थिए ।

यातायात कार्यालय वीरगंजमा अनलाइन सवारी दर्ता शुरू

0

वीरगंज । यातायात व्यवस्था कार्यालय वीरगंजमा मङ्गलवारदेखि अनलाइन दर्ता (इभिआरएस) प्रणालीबाट सवारी दर्ता शुरू भएको छ ।

सेवाग्राहीले भोगिरहेको झण्झटलाई हटाउन यातायात व्यवस्था विभागले अनलाइन प्रणाली लागु गरेकाे हाे । विभागका प्राविधिक सहितका कर्मचारीले मंगलबार शाेरुमका संचालक, प्रतिनिधि, यातायात कर्मचारीलाई अनलाइन सेवा प्रवाह बारे प्रशिक्षण दिएका हुन् ।

विभागका शाखा अधिकृत भवेन्द्र कार्की, कम्प्युटर ईन्जिनियर रितु पौडेल, अर्जुन यादव, उपेन्द्र चौधरी लगायतको टोलिले यातायात कार्यालय पर्सा मै पुगि अनलाइन सेवा प्रवाह बारे प्रशिक्षण दिएको यातायात व्यवस्था कार्यालय वीरगंजका प्रमुख कमल गौतमले जानकारी दिए ।

सेवा प्रवाहमा सूचना प्रविधिको प्रयोगलाई विस्तार गर्ने नीति कार्यान्वयनमा समेत सहयोग पुग्ने उनको भनाइ छ ।

यसअघि म्यानुअल प्रणालीबाट सेवाप्रवाह हुँदै आएकामा थुप्रै कमीकमजोरी देखिएका र सोको न्यूनीकरणका लागि विभागले इभिआरएस प्रणाली लागू गरेको उनले बताए । म्यानुअल प्रणालीको कमजोर फाइलिङ व्यवस्थाबाट अभिलेख नभेटिने, नाशिने, फाइल खडा गर्दा प्रक्रियागत दाखिला गर्नको लागि लाइनमा बस्नुपर्ने झन्झटिला कार्यले गर्दा बिचौलियाहरूको सहयोग लिनुपर्ने बाध्यताले गर्दा सेवाग्राहीहरू ठगिंदै आएकाले इभिआरएस प्रणाली प्रयोगमा ल्याइएको उनले बताए ।

ट्राफिक प्रहरी पर्सा‍द्वारा ३ महिनामा २५ लाख राजश्व संकलन

0

वीरगंज । जिल्ला ट्राफिक प्रहरी कार्यालय, पर्साले आर्थिक वर्ष २०८०/०८१ को ३ महिना मै रु. २५ लाख ३० हजार ५० राजश्व संकलन गर्न सफल भएको छ ।

पर्सा ट्राफिक प्रमुख प्रहरी निरीक्षक भाष्कर खतिवडाका अनुसार श्रावण महिनामा २ सय ७१ वटा ट्रक, ७१ वटा कार/जिप/भ्यान, ३ वटा ट्रेक्टर, ३ सय ३३ मोटरसाइकल र ३६ वटा टेम्पोलाई कारवाही गरि जम्मा रू. ६ लाख २६ हजार ५ सय राजश्व संकलन गरेको थियो ।

यसैगरी भदौ महिनामा ५ सय ४३ ट्रक, २ वटा बस, १ सय ११ वटा कार/जीप/भ्यान, १० वटा ट्रेक्टर, ६ सय १३ वटा मोटरसाइकल र ३७ वटा टेम्पोलाई कारवाही गरि जम्मा रू. १२ लाख २१ हजार ५ सय राजश्व संकलन गर्न सफल भएको थियो ।

साथै असोज महिनामा अर्थात् प्रहरी निरीक्षक खतिवडाको आगमन संगै राजश्व संगै विभिन्न सवारी साधनहरुको कारवाहीमा बृद्धि पनि हुन थालेको छ ।

असाेजमा ७ सय ९६ ट्रक, २१ वटा बस, २ सय ५ कार/जीप/भ्यान, २८ वटा ट्याक्टर, ८ सय ८४ वटा मोटरसाइकल, ५५ बटा टेम्पोलाई कारवाही गरि जम्मा रू. १९ लाख ३ हजार ५ सय ५० राजश्व संकलन भएको छ ।

जनमत पार्टीकाे बृहत जनसभा तथा पार्टी प्रवेश कार्यक्रम सम्पन्न

0

वीरगंज । जनमत पार्टीकाे बृहत जनसभा एवं पार्टी प्रवेश तथा सम्मान कार्यक्रम सम्पन्न भएकाे छ । जनमत पार्टि महोत्तरीको आयोजनामा महोत्तरीकाे जलेश्वरस्थित श्री ल. च. मु. उच्च माध्यमिक विधालय प्राङ्गणमा कार्यक्रम सम्पन्न भएको हाे ।

पार्टीको महोत्तरी जिल्ला ईन्चार्ज बिरेन्द्र कुमार मण्डलको अध्यक्षता तथा पार्टी राष्ट्रिय अध्यक्ष डा. सि.के. राउतको प्रमुख आतिथ्यमा सो समारोह सम्पन्न भएको थियो ।

साे कार्यक्रममा संघीय मामिला तथा सामान्य प्रशासन मन्त्री अनिता साह, मधेश प्रदेशका श्रम तथा यातायात मन्त्री चन्दन सिंह, पार्टीका राष्ट्रिय उपाध्यक्ष ई. वसन्त कुशवाहा, प्रदेश सभा सदस्य सतिश कुमार सिंह, पुर्व मन्त्री अबदुल खान, प्रवक्ता डा. शरद सिंह यादव लगायतले सम्बाेधन गरेका थिए ।

कार्यक्रमको संचालन आरजे इरसादले गरेका थिए भने स्वागत मन्तव्य सितेश ठाकुरले गरेका थिए । कार्यक्रममा सांंस्कृतिक झाँँकी, गीतसंंगीत र नृत्री पनि प्रस्तुत गरिएको थियो ।

धोबिनीकाे प्रमुख प्रशासकीय अधिकृतमा प्रमोद साह

0

वीरगंज । पर्साकाे धोबिनी गाउँपालिकाकाे प्रमुख प्रशासकीय अधिकृत प्रमोद कुमार साह हाजिर भएका छन् । बाराकाे आदर्शकाेतवाल गाउँपालिकाबाट सरुवा भई धाेबिनी गाउँपालिका आएका अधिकृत साहलाई गाउँपालिका जनप्रतिनिधि र कर्मचारीहरुले स्वागत गरेका हुन् ।

एक कार्यक्रमका बिच गाउँपालिका अध्यक्ष मदन प्रसाद चौहान, उपाध्यक्ष मञ्जुदेवी कुर्मी लगायतका जनप्रतिनिधि एवम् कर्मचारीहरुले फुल माला र अबिरकाे टिका लगाएर स्वागत गरेका हुन् ।

अधिकृत साहले साेमबार नै कार्यभार सम्हाल्दै आफू सेवाग्रहीकाे कामलाई छिटो र सहज बनाउने प्रतिबद्धता जनाए । उनले सेवाग्रहीकाे कामकाजको साथै विकास निर्माणकाे काम समेत तिब्र गतिमा अगाडि बढाउन जनप्रतिधिकाे सहयाेग र समन्वय जरुरी रहेकाे वताए ।

अधिकृत साहले हाजिर भए लगतै जनप्रतिनि र कर्मचारीसंग परिचात्मक कार्यक्रम समेत गरेका थिए ।

गाउँपालिकाले आयाेजना गरेकाे स्वागत तथा परिचात्मक कार्यक्रममा नेपाली कांग्रेसका महाधिवेशन प्रतिनिधि श्यामकिशोर पटेल, वडाध्यक्ष बन्धु साह, राजकिसोर पटेल, अबास मियाँ, मनाउर मियाँ, गाउँपालिकाका याेजना शाखा प्रमुख पप्पु पटेल, शिक्षा शाखा प्रमुख बृजकिशोर त्रिपाठी, जिन्सी शाखा प्रमुख प्रदिप पटेल, लेखापाल धन्नजय दास, इन्जिनियर रबिभुषण पटेल लगायतकाे उपसथिती रहेकाे थियाे ।