Date
सोम, कार्तिक ३०, २०८३
Mon, November 16, 2026
Home Blog Page 479

सिर्सिया नदी प्रदुषण मुक्त बनाउन महानगरको अनुगमन तिब्र

0

वीरगंज । वीरगंज महानगरपालिकाको निरन्तरको अनुगमन र कारबाहीपछि सिर्सिया नदी प्रदुषण गर्न मुख्य जिम्मेवार रहेका उद्योगहरुले ट्रिटमेन्ट प्लान्ट बनाउन सुरु गरेका छन् ।

महानगरका मेयर राजेशमान सिंहले कार्यभार सम्हाले लगत्तै गएको वर्षबाटै अनुगमन र कारबाहीलाई तिब्रता दिएपछि प्रदुषण नियन्त्रणका लागि उद्योगीहरुले उद्योगबाट निस्कने रसायनयुक्त लेदो तथा फोहोर ट्रिटमेन्ट गर्न प्लान्ट बनाउन सुरु गरेका हुन् ।

नदी प्रदुषण मुक्त बनाउन नदीको आसपास रहेका उद्योगहरु नै मुख्य जिम्मेवार देखिएकाले तत्काल फोहोर पानी सोझै नदीमा मिसाउन बन्द नगरे कारबाही सँगै उद्योगमा नै शीलबन्दी गर्ने मेयर सिंहले चेतावनीपछि उद्योगीहरु ट्रिटमेन्ट प्लान्ट बनाउन तयार भएका हुन् ।

यस अघि नदी प्रदुषणमा मुख्य जिम्मेवार देखिएका ५ वटा उद्योगलाई पटक पटक चेतावनी दिँदा पनि प्रदुषण गर्न नछाडेपछि ३/३ लाख रुपैयाँ जरिबाना गरिएको थियो ।

उद्योगबाट निस्कने केमिकल सहितको लेदो तथा फोहोर पानी सोझै नदीमा मिसाउँदा नदी दुर्गन्धित र प्रदुषित बन्न पुगेको हो । महानगरको निरन्तरको अनुगमनपछि मरियम लेदर उद्योग र अरनिको टेक्सटायल्सले अत्याधुनिक ट्रिटमेन्ट प्लान्ट बनाउने काम अघि बढाइसकेको छ ।

ग्लोबल लेदर, मारुती पल्स एण्ड पेपर, दुर्गा पल्स एण्ड पेपर र सिद्धी टेक्सटायल्सले भने अझै अटेर गरेको भेटिएको महानगरद्वारा गठित सिर्सिया नदी प्रदुषण नियन्त्रण समितिले जनाएको छ ।

समितिले आइतबार र सोमबार नदी आसपासमा रहेका उद्योगहरुको अनुगमन गरेको थियो । यस अघि महानगरपालिकाका मेयर राजेशमान सिंह आफैले नदीको अनुगमन गरेका थिए ।

वीरगंजबाट खैरो हेरोइन र नाइट्रोभेटसहित दुई जना पक्राउ

0

वीरगंज । पर्सा प्रहरीले वीरगंज महानगरपालिकाकाे वडा नं.१६ रजतजयन्ती चोकबाट लागु औषधसहित दुई जनालाई पक्राउ गरेकाे छ ।

प्रहरी चौकी ईनर्वाबाट खटिएकाे प्रहरी टाेलीले लागु औषधसहित भारत विहार जिल्ला मोतीहारी नकरदेही थाना ग्राम भवानीपुर निवासी २७ बर्षिय भुलावन पटेल र बाराकाे कलैया उपमहानगरपालिकाकाे वडा नं .६ निवासी ३१ बर्षिय सन्तोष महतोलाई नियन्त्रणमा लिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) कुमार बिक्रम थापाले जानकारी दिए ।

भारतबाट वीरगंज तर्फ आउने क्रममा मिति शनिबार विहान ११:३० बजेको समयमा रजतजयन्ती चाैकमा भुलावनलाई राेकी खानतलासी गर्दा निजले लगाएको जिन्स पाइन्टको पछाडीको खल्तीमा खैरो हिरोइन जस्तो देखिने पदार्थ ४९.५२० मि.ग्राम फेला परेको डिएसपी थापाले वताए ।

भुलावनलाई लागु औषध सम्बन्धी कसूरमा पर्सा जिल्ला अदालतबाट १० दिन म्याद थप अनुमति लिई थप अनुसन्धान कार्य भैरहेको उनले वताए ।

त्यसैगरी शनिबार नै सांझ ६:३० बजे भारतबाट नेपालतर्फ आउँदै गरेका संकास्पदरूपमा हिँडिरहेका संताेषकाे खानतलासी गर्दा सेतो प्लाष्टिकको झोलामा प्रतिबन्धित लागु औषध नाईट्राभेट ३ डिब्बामा ९०० ट्याब्लेट फेला परेको डिएसपी थापाले वताए ।

विद्यार्थी नेता स्व. संताेष यादवकाे श्रद्धाञ्जली सभा सम्पन्न

0

वीरगंज । जनता समाजवादी पार्टी निकट समाजवादी विद्यार्थी युनियनका उपाध्यक्ष स्वर्गीय सन्तोष यादवको १३ औं दिनको पुण्य तिथीमा साेमबार श्रद्धाञ्जली सभा सम्पन्न भएकाे छ ।

जनता समाजवादी पार्टी गाँउपालिका कमिटिले परवानीपुर बजारमा आयाेजना गरेकाे श्रद्धान्जली सभामा सहभागिहरुले स्वर्गीय यादवको फोटोमा माला अपर्ण गरेर श्रद्धान्जली व्यक्त गरेका थिए ।

श्रद्धान्जली सभालाई सम्बोधन गर्दै जनता समाजवादी पार्टीका कार्यकारीणी समितिका सदस्य राजकिशोर यादवले स्वर्गीय यादवको अल्पआयुमा भएको निधनले पार्टीलाई अपुर्णीय क्षति भएको बताए ।

यादवले स्वर्गीय यादव असल र इमान्दार नेता भएकाले आफुलाई सम्हाल्न नसक्ने अवस्थामा पुगेको सुनाए । स्वर्गीय यादव आन्दोलनको जायज मागको अगुवाई, पार्टीप्रति लगनशील, इमानदार र सहयोगी भावनाका व्यक्ति रहेको समेत उनले वताए ।

मधेश आन्दोलनमा सक्रिय रहेका यादव राष्ट्रिय जनता पार्टी नेपाल हुँदै जनता समाजवादी पार्टी नेपालमा आबद्ध भएका थिए । 

श्रद्धान्जली सभामा सहभागी नेताहरुले स्वर्गीय यादवका बुबा कपिलदेव यादव सहितका परिवारलाई भेटेर आवश्यकता अनुसार पार्टीले सधै सहयोग गर्ने प्रतिवद्धता जनाएका थिए ।

श्रद्धान्जली सभामा प्रदेश सभा सदस्य बच्चा राउत अहिर, संबिधान सभा सदस्य जयप्रकाश यादव, नेकपा एमालेका नेता रामपाल यादव, नेपाली कांग्रेसका नेता विजय गुप्ता, जनता समाजवादी पार्टीका नेता रामचन्द्र सिंह, जसपाका युवा नेता सन्जु साह, भरत खड्का, परवानीपुर गाँपालिकाका पुर्व अध्यक्ष हरिनारायण साह, वडा नम्बर ३ का वडाध्यक्ष ईब्राहिम मियाँ सहितका विभिन्न राजनितिक दलका नेता, समाजसेवी, स्थानीबासी सहभागी थिए ।

लिभरमा समस्या देखिएपछि अस्पताल भर्ना भएका स्वर्गिय यादवकाे उपचारकाे क्रममा कातिक ८ गते वीर अस्पताल काठमाडाैंमा निधन भएको थियो ।

दुई महिलासहित २३ जनाद्वारा रक्तदान

0

वीरगंज । कामना सेवा विकास बैंककाे आयाेजनामा साेमबार रक्तदान कार्यक्रम सम्पन्न भएको छ । बैङ्ककाे १७ औं वार्षिकोत्सवको अवसरमा भएकाे कार्यक्रममा दुई महिलासहित २३ जनाले रक्तदान गरेका हुन् ।

बैङ्कको मधेस प्रदेशका क्षेत्रीय सपोर्ट प्रमोद गुप्ताले समाजका लागि केही गर्ने मनसायका साथ बैङ्कले वार्षिकोत्सवको अवसरमा रक्तदान गरेको बताए ।

विकास बैठाको सभापतित्व र वीरगंज उद्योग वाणिज्य संघका उपाध्यक्ष माधव राजपाल प्रमुख अतिथ्यतामा भएकाे कार्यक्रममा नेपाल बुद्धिजीवी परिषद् मधेस प्रदेशका अध्यक्ष शम्भु गुप्ता, वीरगंज युवा समाजका संस्थापक अध्यक्ष कमल चौलागाईं लगायतको उपस्थिति रहेको थियो ।

वीरगंजकाे गहवामाई मन्दिर अगाडि रहेको पार्कमा भएकाे कार्यक्रममा रक्तदाताहरूलाई रगत दान गरेको सम्मान बापत प्रशंसा पत्र समेत प्रदान गरिएकाे थियाे ।

पर्साका मालपोत अधिकृतसहित १० जनाविरुद्ध भ्रष्टाचार मुद्दा

0

वीरगंज । अख्तियार दुरुपयोग अनुसन्धान आयोगले मालपोत अधिकृतसहित १० जनाविरुद्ध भ्रष्टाचार मुद्दा दायर गरेको छ ।

राजस्व चुहावट गरी भ्रष्टाचार गरेको आरोपमा मालपोत कार्यालय पर्साका तत्कालीन मालपोत अधिकृत हरिनारायण मिश्रसहित १० जनाविरुद्ध भ्रष्टाचार मुद्दा दायर गरिएको हो ।

मालपोत कार्यालय, पर्साका तत्कालीन मालपोत अधिकृत हरिनारायण मिश्रले मालपोत कार्यालय पर्साको रजिष्ट्रेशन फाँट “ग” का कर्मचारीहरूको मिलेमतोमा जग्गा किनबेचका क्रममा विभिन्न लिखतबाट उठेको राजस्व रकम (रजिष्ट्रेशन दस्तुर र पुँजीगत लाभकर) नियमानुसार दाखिला नगरी हिनामिना गरेको अख्तियारको दाबी छ ।

अख्तियारका अनुसार बढी राजस्व रकम उठेको लिखतको विवरण रजिष्ट्रेशन लिखत दर्ता किताबमा प्रविष्टि गरी किताबमा प्रमाणित गर्नुपर्नेमा रजिष्ट्रेशन दर्ता किताब प्रमाणित नगरी उनको हस्ताक्षरबाट पारित भएका लिखतबाट सङ्कलन भएको रु. दुई करोड, नौँ लाख, २१ हजार, छ सय ४७ रुपैयाँ राजस्व रकम चुहावट गरेको देखिएको छ । 

जग्गा किनबेचको क्रममा एकै रजिष्ट्रेशन नम्बर राखी लिखतहरू पारित गरी उठाएको राजस्व दाखिला नगरी हिनामिना गरेको भ्रष्टाचारजन्य कसुरमा संलग्न अन्य कर्मचारीहरुविरुद्ध मुद्दा दायर गरिएको अख्तियारले जनाएको छ । 

यस्तै फाँट “ग” को एकै रजिष्ट्रेशन नम्बरको एकभन्दा बढी लिखत पारित गरेर तत्कालीन मालपोत अधिकृत भूप बहादुर बोगटी, मालपोत अधिकृत गोपाल बहादुर ढुङ्गाना, मालपोत अधिकृत पदम प्रसाद अर्याल र मालपोत अधिकृत चन्द्र बहादुर भण्डारीले क्रमशः एक करोड, ४९ लाख, ६९ हजार, १ सय ४५ रुपैयाँ, पैँतीस लाख पैँतालीस हजार नौ सय पचास रुपैयाँ, सोह्र लाख एक्कासी हजार छ सय रुपैयाँ र दुई लाख चौवालीस हजार चार सय बैसठ्ठी रुपैयाँ राजस्व रकम चुहावट गरेको अख्तियारको दाबी छ ।  

यसैगरी मालपोत कार्यालय पर्साका तत्कालीन कम्प्युटर अधिकृत कमोद तिवारीले फाँट “ग” को एकै रजिष्ट्रेशन नम्बरको  एकभन्दा बढी लिखत पारित गरेको र प्रत्येक दिन दर्ता भएका लिखतहरू दर्ता किताबमा प्रविष्टि गरेको आरोपमा रु. १ करोड, ४१ लाख, ४७ हजार, १७१ रुपैयाँ, सोही कार्यालयमा कार्यरत तत्कालीन नायव सुब्बा किरण प्रसाद उपाध्यायले एकै रजिष्ट्रेशन नम्बरको एकभन्दा बढी लिखत पारित गरी बढी राजस्व रकम उठेको लिखतहरूको विवरण रजिष्ट्रेशन लिखत दर्ता किताबमा प्रविष्टिसमेत नगरी उक्त लिखतबाट उठेको रु.५ करोड,५५ लाख, १९ हजार, ९ सय ७५ रुपैंया राजस्व रकम चुहावट गरेको देखिएको अख्तियारका प्रवक्ता भोला दाहालले बताए । 

नायव सुब्बा उपाध्यायलाई भ्रष्टाचार निवारण ऐन, २०५९ को दफा ७ र सोको खण्ड (ग) बमोजिमको कसुरमा पाँच करोड पचपन्न लाख उन्नाइस हजार नौ सय पचहत्तर रुपैयाँ बिगो कायम गरी भ्रष्टाचार निवारण ऐन, २०५९  को दफा ७ ले निर्दिष्ट गरेबमोजिम दोब्बर जरिवाना हुन समेतको मागदावी लिनुपर्ने देखिए तापनि उनको मृत्यु भइसकेको  छ । 

फौजदारी न्यायको मान्य सिद्धान्त बमोजिम मरेको व्यक्तिको हकमा समेत मुद्दा चलाउन र सरकारी वा निजी विगो, क्षतिपूर्ति वा रकम भराउन सकिने कानुनी व्यवस्था छ । 

श्रीमतीको समेत मृत्यु भइसकेको र निजको अंश खाने अंशियार छोराहरू राज किशोर प्रसाद उपाध्याय, गौतम प्रसाद उपाध्याय, पशुपति प्रसाद उपाध्याय र मुरारी प्रसाद उपाध्याय देखिएको हुँदा स्व. किरण प्रसाद उपाध्यायले जीवित अवस्थामा कसुर गरी नेपाल सरकारलाई हानि नोक्सानी गरेको बिगो पाँच करोड, ५५ लाख, १९, हजार,९ सय ७५ मासाहिले असुलउपर गर्ने प्रयोजनको लागि मात्र प्रतिवादी कायम गरिएको अख्तियारले जनाएको छ । 

वीरगंज गाेल्डकप : कलकतालाई हराउँदै पुलिस क्लब विजयी

0

वीरगंज । प्रथम वीरगंज गोल्डकप फुटबल प्रतियोगिताको तेस्रो दिनको खेलमा नेपाल पुलिस क्लब विजयी भएको छ । नेपाल पुलिस क्लबले कलकताको क्लाईभ हाउस डमडमलाई ७ –१ गोल अन्तरले पराजित गरेको हो ।

९० मिनेटको निर्धारित समयको खेलको पहिलो हाफ सम्ममा पुलिस क्लबले ५ गोल गरेको थियो । आदर्शनगर खेल मैदानमा सुरु भएको फुटबल प्रतियोगीतामा भएको खेलमा यो जित संगै पुलिस क्लब सेमिफाईनमा प्रवेश गरेको छ ।

प्रताप गुरुङको सानदार खेल प्रदर्शनले नेपाल पुलिस क्लबले वीरगंज गोल्डकपको तेस्रो खेलमा भारत कोलकताको क्लाईभ हाउस दम दम फुटबल क्लबलाई ठूलो अन्तरले पराजित गरेको छ । कात्तिक २२ मा खेलिने पहिलो सेमिफाइनलमा नेपाल पुलिस क्लबले आयोजक भेट्रान्स सिटी क्लब वीरगंजसंग सामना गर्ने भएको छ ।

क्लाईभ हाउस कोलकाता विरुद्ध ५ गोल गरेका प्रताप गुरुङ म्यान अफ दिन म्याच घोषित भएका थिए । वीरगंज गोल्डकपको आयोजक भेट्रान्स सिटी क्लबका उपाध्यक्ष सागर शम्सेर राणाले गुरुङलाई १० हजार रुपैया नगद पुरस्कार प्रदान गरेका थिए ।

खेलको सुरुदेखि नै हावी देखिएको नेपाल पुलिस क्लबले पहिलो हाफमै ५ गोलको अग्रता कायम गरेको थियो । खेलको २३ औ“ मिनेटमा प्रविन थापाको पासमा गोल गर्न सफल भएका प्रताप गुरुङले पहिलो हाफमा कूल ३ गोल गरे । विवेक सन्तोषी र प्रविन थापाले पनि पहिलो हाफमा एक/एक गोल प्रहार गरेका थिए ।

दोस्रो हाफमा पनि नेपली पुलिस क्लबले आक्रमकता कायमै राखेको थियो । प्रताप गुरुङले दोस्रो हाफको १६ औ र १७ औ मिनेटमा उत्कृष्ट गोल गरेका थिए । खेलको अन्तिम समयमा डि बक्समा पुलिसका खेलाडीले फल खेलेपछि क्लाईभ हाउस कोलकाताले पेनाल्टी पाएको थियो ।

अमन मुन्सीले प्रहार गरेको पेनाल्टी गोलमा परिणत भएको थियो । ७ गोल खाएको क्लाईभ हाउस कोलकाताले एक गोल मात्र फर्काउन सकेको थियो । मंगलबारको खेल त्रिभुवन आर्मी फुटबल क्लब र झापा फुटबल क्लबबीच हुने आयोजकले जनाएका छन् ।

मधेशकै उच्च धनराशी पुरस्कार राखिएको प्रथम वीरगंज गोल्डकपमा भारतका २ र नेपालका ६ गरी कूल ८ वटा टीमले प्रतिस्पर्धा गरेका छन् । विजेता टीमले ११ लाख ११ हजार ११ सय रुपैया र उपविजेताले ५ लाख ५५ हजार ५ सय रुपैया पुरस्कार राशी पाउने छन् ।

वीरगंज गोल्डकपमा आज पुलिस क्लब र काेलकता भिड्दै

0

वीरगंज । प्रथम वीरगंज गोल्डकप फुटबल’ मा आज नेपाल पुलिस क्लब र भारत कोलकताको क्लाइभ हाउस डमडमबिच खेल हुदैछ ।

वीरगंजस्थित आदर्शनगर रंगशालामा यी दुई बिचकाे खेल दिउँसाे २.३० बजे सुरु हुने आयाेजक भेट्रान सिटी क्लब वीरगंजका महासचिव पंकज श्रेष्ठले जानकारी दिए ।

यसअघि आइतबार भएको खेलमा चर्च ब्वाइज युनाइटेडलाई ४-० गाेलले सहजै पाखा लगाउँदै संकटा क्लबले सेमिफाइनलमा स्थान सुरक्षित गरेको थियाे ।

अब फाइनल प्रवेशका लागि संकटाले झापा एफ.सी. र त्रिभुवन आर्मी फुटबल क्लबबिच मंगलबार हुने खेलको विजेता टिमको सामना गर्नेछ ।

मधेस प्रदेशकै सबैभन्दा उच्च धनराशीको यो प्रतियोगिता कार्तिक २५ गते सम्म चल्ने छ । प्रतियोगितामा नेपालका ६ र भारतका दुई गरी कूल आठ टिम सहभागी छन् ।

वीरगंज महानगरपालिकाको मुख्य प्रायोजनमा आयोजित प्रतियोगिताको विजेता टिमलाई नगद ११ लाख ११ हजार १ सय ११ रुपैयाँ र उपविजेता टिमलाई नगद ५ लाख ५५ हजाार ५ सय ५५ रुपैयाँ पुरस्कार प्रदान गरिने प्रतियोगिताका प्रेस संयोजक तिवारी यादवले जानकारी दिए ।

पर्सा क्रिकेट सङ्घको आर्थिक समितिमा डा. आलम नियुक्त

0

वीरगंज । पर्सा क्रिकेट सङ्घको आर्थिक समितिको सदस्यमा डा. आमिर आलम नियुक्त भएका छन् । सङ्घका अध्यक्ष मनिष सिंहले डा. आलमलाई समितिको सदस्यमा नियुक्त गरेका हुन् ।

आर्थिक समितिको सदस्यमा नवनियुक्त डा. आलमलाई आइतबार एक कार्यक्रमकाबिच सिंहले नै नियुक्ति पत्र हस्तान्तरण समेत गरेका छन् । नेतृत्व लिएदेखि सिंहले पर्सा क्रिकेट सङ्घलाई सक्रिय बनाएका छन् ।

निर्वाचित भएदेखि नै उनले विभिन्न प्रतियोगिता आयोजना गर्नुका साथै सबै उमेर समूहबाट खेलाडीहरू छनौट गर्न प्रयास खेलको आयोजना समेत गरिरहेका छन् ।

कानुनी हाजिरीजवाफ प्रतियोगितामा डेसीमल स्कूल र ममता विद्या मन्दिर विजयी

0

वीरगंज । वीरगंज महानगरपालिकाद्वारा आयोजित कानुनी हाजिरीजवाफ प्रतियोगितामा डेसीमल स्कूल र ममता विद्या मन्दिर विजयी भएको छ ।

वीरगंजस्थित त्रिजुद्ध स्कूलमा शनिवार आयोजित प्रतियोगितामा दुई समूहमा भएको खेलमा डेसीमल स्कूल र ममता विद्या मन्दिर विजयी भएको हो ।

कानुन सम्बन्धी पठनपाठन हुने चार वटा विद्यालय सहभागी रहेको प्रतियोगितामा पहिलो समूहमा भएको खेलमा प्रथम र दुतिय हुने डेसीमल स्कूललाई वीरगंज महानगरपालिकाका उपमेयर इम्तियाज आलमले प्रथम हुनेलाई चार हजार रुपैयाँ नगद, प्रमाण पत्र र ट्रफीबाट सम्मानित गरेका ।

त्यस्तै द्वितिय स्थानमा डेसिमल स्कूल वीरगंज कै समुह २ र ममता विद्यामन्दिर दुवै भएको थियो । द्वितिय हुनेलाई दुई हजार रुपैयाँ नगद, प्रमाण पत्र र ट्रफी प्रदान गरिएको थियो ।

त्यस्तै दोस्रो समूहको खेलमा भने ममता विद्या मन्दिर प्रथम भएको थियो । दोस्रो समूहमा द्वितिय भने फेरी डेसीमल कलेज नै भएको थियो । दोस्रो समूहको विजेतालाई पनि चार हजार रुपैयाँ नगद, प्रमाण पत्र र ट्रफीबाट उपमेयर आलमले सम्मानित गरेका थिए भने द्वितिय हुनेलाई दुई हजार रुपैयाँ नगद, प्रमाण पत्र र ट्रफीबाट सम्मानित गरिएकाे थियाे ।

प्रतियोगितामा डेसीमल स्कूल र ममता विद्या मन्दिरसँगै वीरगंज स्कूल अफ ल र त्रिजुद्ध माध्यमिक विद्यालयले सहभागिता जनाएको थियो ।

क्रिकेट खेल्दा मेयर सिंहको हात भाँच्यो, उपचारको लागि काठमाडौँ लगियो

0

वीरगंज । वीरगंजमा शनिवार भएको मैत्रीपूर्ण क्रिकेट प्रतियोगिता खेल्न क्रममा वीरगंज महानगरपालिकाका मेयर राजेशमान सिंहको हात भाँचिएको छ ।

नेपाल प्रहरी र सामुदायिक सेवा केन्द्रहरू मिलेर बनेको टिमका भएको एक दिने मैत्रीपूर्ण प्रतियोगितामा सामुदायिक सेवा केन्द्रको तर्फबाट ब्याटिङ गर्ने क्रममा लडेर मेयर सिंहको हात भाँचिएको हो ।

सिंहको सचिवालयका अनुसार उनको दाहिने हात भाँचिएको हो । हात भाँचिएपछि उनको यहाँस्थित नारायणी अस्पतालमा उपचार भएको थियो ।

यद्यपि, मधुमेह र उच्च रक्तचाँपबाट समेत ग्रसित रहेका सिंहको उपचार वीरगंजमा सम्भव नभएपछि थप उपचारका लागि काठमाडौँ लागिएको छ । काठमाडौँमा उनको शल्यक्रिया हुने सचिवालयले जनाएको छ ।

हात भाँचिए पनि मेयर सिंहले वीरगंजमा आयोजित रक्तदान र प्रथम वीरगंज गोल्डकपको उद्घाटन समारोहमा समेत सहभागिता जनाएका थिए ।

यता समुदाय–प्रहरी साझेदारी कार्यक्रम अन्तर्गत भएको प्रतियोगितामा नेपाल प्रहरीलाई हराउँदै सामुदायिक प्रहरी तथा सामुदायिक सेवा केन्द्र विजयी भएको थियो ।