Date
सोम, कार्तिक ३०, २०८३
Mon, November 16, 2026
Home Blog Page 477

तेली समाजकाे शुभकामना आदानप्रदान सम्पन्न

0

वीरगंज । तेली समाजकाे शुभकामना आद‍ानप्रदान तथा चियापान कार्यक्रम शुक्रबार सम्पन्न भएकाे छ । तेली कल्याण समाज नेपाल र जिल्ला कार्य समिति पर्साकाे आयाेजनामा हिन्दुहरुकाे महान चाँड शुभ दिपावली तथा छठ पर्वकाे शुभकामना आदानप्रदान कार्यक्रम सम्पन्न भएकाे हाे ।

तेली कल्याण समाज पर्साका अध्यक्ष ध्रुव साहकाे अध्यक्षता र तेली कल्याण समाज नेपालका अध्यक्ष विश्वनाथ साहकाे प्रमुख आतिथ्यतामा भएकाे कार्यक्रममा संविधान सभा सदस्य रामचन्द्र साह, पूर्व प्रदेश सभा सदस्य राजेश्वर साह, पारस साह, बहुदरमाई नगरपालिकाका सिंगासन साह, पूर्व मेयर नितेन्द्र साह, नेता बलिराम साह लगायतकाले शुभकामना मन्तव्य राखेका थिए ।

रेडियाे वीरगंज एवम् टिभि वीरगंज परिसरमा भएकाे कार्यक्रमकाे संचालन तेली कल्याण समाज पर्साका सचिव बिरेन्द्र साहले गरेका थिए ।  

श्री रामचरित्र मावि पकहाँ मैनपुरमा स्वागत कार्यक्रम सम्पन्न

0

वीरगंज । पर्साको पकहाँ मैनपुर गाउँपालिकास्थित श्री रामचरित्र भगत माध्यमिक विद्यालयमा शुक्रबा कक्षा ११ का विद्यार्थीहरुकाे स्वागत कार्यक्रम सम्पन्न भएकाे छ ।

पकहाँ मैनपुर गाउँपालिकाकाे सहयोग र श्री रामचरित्र भगत माद्यमिक विद्यालय पकहाँ मैनपुरका कक्षा १२ का बिधार्थीहरुको आयोजनामा स्वागत कार्यक्रम सम्पन भएको हाे ।

विद्यालयका प्रध्यानाध्यापक छोटेलाल साहको अध्यक्षता र वडा नम्बर ३ का वडाध्यक्ष संजय चौहानको प्रमुख आतिथ्यता भएकाे कार्यक्रममा कक्षा १२ का बिधार्थीहरुले बिभिन्न किसिम्मका मनोरंजनात्मक क्रियाकलापबाट कक्षा ११ का बिधार्थीहरुलाई स्वागत गरेका थिए ।

कार्यक्रममा छात्रा मुस्कान साह, काजल साह, छोटुको टिम, करण साह शिवम र प्रिती बर्णवाल लगायतले नृत्य समेत प्रस्तुती गरेका थिए ।

कार्यक्रममा वाेल्दै रेडियाे पाेखरियाका अध्यक्ष एवम् कालिका टाईम्सका प्रबन्ध निर्देशक छठु साहले विद्यार्थीहरु अनुशासित हुनु पर्ने वताए । उनले अनुशासनमा रहेर आफना आमाबुवा, गुरु, गाउँ समाज, पालिका र देशको नाम रोशन गर्न बिधार्थीहरुलाई आग्रह समेत गरे ।

कार्यक्रममा कक्षा १२ का संयोजक मनोज साह गोढ, सहायक प्रध्याध्यानाध्यापक मनोज यादव, शिक्षक उमेश यादव, छात्रा रुवी मेहता लगायतकाले शुभकामना मन्तब्य राखेका थिए ।

सोही कार्यक्रममा विद्यालयमा अध्ययनरत कक्षा १२ का ११ जना सर्बाैत्कृष्ट बिधार्थीहरुलाई पकहाँ मैनपुर गाउँपालिकाले पठन सामग्री, गाम्छा र अबिरको टिका लगाई सम्मान समेत गरेको थियाे ।

सम्मानित हुनेहरुमा जयकुमार राम, प्रियंका सहनी, लक्ष्मीना साह तेली, दिपेन्द्र शर्मा, रन्जना यादव, गुडी राम, कृष्णा कुम्हाल, मनोरमा चौहान, दिपेन्द्र शर्मा र राजु दास रहेका छन ।

यसैगरी ४ जना शिक्षक र एक जना कार्यालय सहयोगी पनि सम्मानित भएका हुन् । कार्यक्रममा एकाउन्ट पढाउने शिक्षक उमेश कुमार यादव, कम्पसरी नेपालीका शिक्षक नरेश कुश्वाहा, ओपिटी नोपलीका शिक्षक उमेश प्रसाद यादव, शिक्षाका शिक्षक मनोज यादव र कार्यालय सहयोगी सुरेश राउत लगायतकालाई सम्मानित गरिएको प्रध्यानाध्यापक साहले जानकारी दिए ।

पकहाँ मैनपुरकाे कार्यपालिका बैठक र शुभकामना आदानप्रदान सम्पन्न

0

वीरगंज । पर्साको पकहाँ मैनपुर गाउँपालिका कार्यपालिकाको शुक्रबार बसेको बैठक बिभिन्न निर्णय गरि सम्पन भएको छ ।

गाउँपालिका अध्यक्ष सुरेश प्रसाद मेहताको अध्यक्षतामा बसेको बैठकले श्री रामचरित्र भगत माध्यमिक विद्यालयमा यस बर्षदेखी लागु भएको प्राबिधीक शिक्षाको लागी आवश्यक शिक्षक ब्यवस्थापन गर्ने निर्णय गरेको छ ।

यसैगरी बैठकले गत आर्थिक बर्षमा स्वास्थ्कर्मीको निस्केको बिज्ञापनलाई नै निरन्तरता दिने र पदपुर्ती गर्ने निर्णय गरेको छ । अवकाश प्राप्त ६ जना कर्मचारीहरुलाई बिदाई गर्ने समेत कार्यपालिकाले सर्वसम्मत निर्णय गरेको गाउँपालिकाकाे प्रशासन शाखा प्रमुख हरिमोहन महतोले जानकारी दिए ।

यसैबिच गाउँ कार्यपालिकाकाे कार्यालयमा पकहाँ मैनपुरमा दिपावली र छठ पर्वकाे शुभकामना आदान प्रदान कार्यक्रम समेत सम्पन्न भएकाे छ ।कार्यक्रममा सहभागि गाउँपालिकाका कर्मचारी र जनप्रतिनिधि बिचकाे शुभकामना आदान प्रदान कार्यक्रम सम्पन्न भएकाे  प्रमुख प्रशासकिय अधिकृत उदयशंकर चौधरीले बताए ।

मैत्रीपूर्ण महिला फुटबलमा बिहारलाई हराउँदै वीरगंज विजयी

0

वीरगंज ।  वीरगंजमा शुक्रबार नेपालको वीरगंज र भारत बिहारको महिला फुटबल टिमबिच भएको मैत्रीपूर्ण खेलमा वीरगंज विजयी भएको छ । प्रथम वीरगंज गोल्डकप फुटबल २०८० अन्तर्गत शुक्रबार भएको मैत्रीपूर्ण खेलमा भारतको बिहारलाई २–० ले हराउँदै नेपालको वीरगंज युथ एकेडेमी विजयी भएको हो ।

वीरगंजकाे आदर्शनगर रंगशालामा भएको मैत्रीपूर्ण खेलमा वीरगंजकाे जीतमा अनिषा मगर र कविता गुरुंगले गोल गरेका हुन् । कूल ७० मिनेट खेलाइएको खेलको पहिलो हाफ गोलरहित बराबरीमा सकिएको थियो ।

वीरगंजले दुवै गोल दोश्रो हाफमा गरेको हो । खेलको ४७ औं मिनेटमा सुनिता सुनारलले दिएको पासमा अनिषाले गोल गर्दै आफनो टिमलाई १–० को अग्रता दिलाएकी थिइन् । खेलको ६१ औं मिनेटमा कविताले थप एक गोल गर्दै वीरगंजलाई २–० को जीत दिलाउन सफल भइन् ।

उक्त मैत्रीपूर्ण खेलको वुमेन अफ दी म्याच वीरगंजकाे लागि दोश्रो गोल गरेकी कविता गुरुंग घोषित भइन् । मैत्रीपूर्ण खेलको विजेता र उपविजेता दुवै टिमलाई आयोजक भेट्रान सिटी क्लबले ट्रफी र मेडल प्रदान गरेको थियो । कात्तिक १८ देखि जारी वीरगंज गोल्डकप फुटबलको उपाधिका लागि फाइनल खेल शनिबार हुदैछ ।

फाइनलमा पुलिस क्लब र आर्मी क्लब भिड्दै

उपाधिका लागि शनिबार दुई विभागीय टिम नेपाल पुलिस क्लब र त्रिभुवन आर्मी क्लब भिड्दै छन् । मधेस प्रदेशकै सबैभन्दा उच्च धनराशीको यो प्रतियोगिता कार्तिक २५ गते सम्म चल्ने छ । प्रतियोगितामा नेपालका ६ र भारतका दुई गरी कूल आठ टिम सहभागी छन् ।

वीरगंज महानगरपालिकाको मुख्य प्रायोजनमा आयोजित प्रतियोगिताको उपाधि उपविजेता टिमले नगद ११ लाख ११ हजार १ सय ११ रुपैयाँ र उपविजेता टिमले नगद ५ लाख ५५ हजाार ५ सय ५५ रुपैयाँका साथै शील्ड र मेडल प्राप्त गर्नेछन् ।

प्रधानमन्त्रीलाई प्रदीप यादवको प्रश्न: नारायणी रंगशाला किन गौरवको आयोजनामा परेन ?

0

वीरगंज । जनता समाजवादी पार्टी (जसपा) प्रमुख सचेतक प्रदीप यादवले वीरगंजकाे ऐतिहासिक नारायणी रंगशालालाई राष्ट्रिय गौरवको आयोजनामा समावेश गर्न माग गरेका छन् ।

मन्त्रिपरिषद्को बैठकबाट काठमाडौँस्थित मूलपानी क्रिकेट मैदान, मोरङको विराटनगर रङ्गशाला र चितवनको भरतपुर रङ्गशालालाई राष्ट्रिय गौरवको आयोजनाको रूपमा अघि बढाउन व्यवस्था मिलाउने निर्णय गर्दा नारायणी रङ्गशाला छुटाएकोमा उनले असन्तुष्टिसमेत जनाएका हुन् ।

‘मूलपानी क्रिकेट मैदान, भरतपुरको क्रिकेट रङ्गशाला र मोरङको विराटनगर रङ्गशालालाई राष्ट्रिय गौरवको आयोजनामा समावेश गर्दै देशमा खेलकुद सम्बन्धित गतिविधिहरूलाई थप प्रोत्साहित गरी दिनुभएकोमा म यहाँलाई धन्यवाद दिन चाहन्छु । तर वीरगंजकाे ऐतिहासिक नारायणी रङ्गशालासँग विभेद किन ? काठमाडौँको दशरथ रङ्गशालासँगै निर्माण भएको नारायणी रङ्गशाला अझै पुनःनिर्माणको लागि सरकारको पर्खाइमा छ ।

नारायणी रङ्गशाला एउटा आधुनिक एवम् व्यवस्थित रङ्गशाला बन्न सक्ने सामर्थ्य राखेको छ । मधेस प्रदेशको पुरानो एवम् व्यवस्थित रङ्गशाला किन सङ्घीय सरकारको नजरमा पर्न सकेन ?’ उनले प्रधानमन्त्रीलाई सोधेका छन् ।

सांसद यादवले शुक्रबार प्रधानमन्त्री पुष्पकमल दाहाललाई नारायणी रङ्गशालाबारे ध्यानाकर्षण पत्र लेख्दै नारायणी रङ्गशालाको जीर्णोद्धार गर्न र यसलाई राष्ट्रिय गौरवको आयोजनाहरूमा समावेश गर्न माग गरेका हुन् । नारायणी रङ्गशाला गौरवको आयोजनामा नसमेटिए वीरगञ्जवासी चरणबद्ध आन्दोलन गर्न बाध्य हुने र भविष्यमा त्यस कारण प्रमुख आर्थिक नगर वीरगंजमा सृजना हुनसक्ने परिस्थितिको जिम्मेवारी स्वयम् सङ्घीय सरकार हुने चेतावनी यादवले दिएका छन् ।

सांसद यादवले दशरथ रंगशालासँगै निर्माण भएको नारायणीलाई राज्यले उपेक्षा गरेर वीरगंजलाई विभेद गरेको टिप्पणी पनि गरेका छन् । ‘सरकारको यस व्यवहारबाट वीरगंजबासी रुष्ट बनेका छन् । असङ्ख्य अवसर र सम्भावनाहरू बोकेको यस रङ्गशालालाई सरकारले राष्ट्रिय गौरवको आयोजनाका रूपमा अगाडि नबढाउँदा वीरगंजबासीले आफूसँग विभेद भएको महसुस गरिरहेका छन् ।

सयौँ वर्षदेखि विभेदमा पर्दै आएका वीरगंजवासीले सङ्घीयता स्थापना पश्चात् विभेदको अन्त्य हुने अपेक्षा गरेका थिए, यद्यपि वर्तमान सरकारले पनि त्यसलाई निरन्तरता दिएको उनीहरूले महसुस गरिरहेका छन् । उनीहरू देशका अन्य स्थानलाई प्राथमिकतामा राख्दा सरकारले वीरगञ्जसँग गरेको उपेक्षाको कारण खोजिरहेका छन् । सम्पूर्ण वीरगंजवासीको प्रश्न छ – “सरकारले नै विभेद गर्दा जनता कहाँ जाने ?,’ उनले ध्यानाकर्षण पत्रमा प्रश्न गरेका छन् ।

यादवका अनुसार २०४२ सालमा स्थानीयहरूको जनसहयोगबाट निर्माण भएको रङ्गशाला आज पूर्ण रूपले जीर्ण बनिसकेको छ । खेलमैदानमा अग्ला घाँसहरू उम्रिएका छन् र दर्शक बस्ने ठाउँ भत्किसकेको छ । हालसम्म यसलाई स्थानीय सरकार र वीरगंजवासीले आफ्नो प्रयासले जोगाएर राखेका छन् । समय–समयमा थोरै मर्मत सम्भार गरेर भए पनि यसको अस्तित्वलाई बचाएर राखेका छन् ।

‘मुलुकमा विभिन्न कालखण्डमा फुटबल, क्रिकेट लगायत खेलकुदसम्बन्धी राष्ट्रिय र अन्तर्राष्ट्रिय प्रतियोगिताहरूको साक्षी बनेको नारायणी रङ्गशालाले देशलाई कैयौँ राष्ट्रिय र अन्तर्राष्ट्रिय स्तरको खेलाडी उत्पादन गरेर दिएको सर्वविदितै छ । आज पनि नारायणीले देशकै दोस्रो ठूलो रङ्गशालाको दर्जा बोकेको छ । तर पनि वर्षौँदेखि यो सरकारको नजरमा पर्न सकेको छैन । जनताको न्यायको मन्दिर सङ्घीय संसदीय मार्फ़त पनि पटक–पटक यस विषयमा आवाज उठाउँदा समेत सरकारको यसमा ध्यान किन पुगेन ?’ उनले सरकारलाई प्रश्न गरेका छन् ।

विद्यालयद्वारा विद्यार्थीहरुलाई कपडा वितरण

0

वीरगंज । पर्साको बिन्दवासिनी गाउँपालिका वडा न.३ ठुलो इटियाहीस्थित श्री नेपाल स्काउट निम्न माध्यमिक विधालयमा अध्यनरत विद्यार्थीहरुलाई स्कुल ड्रेसको लागि कपडा वितरण गरिएको छ ।

नेपाल स्काउट निम्न माध्यमिक विधालयको आयोजनामा बिधालयमा अध्ययनरत ९८ जना विद्यार्थीहरुलाई स्कुल ड्रेसको लागि कपडा वितरण गरिएको हाे ।

बिहिवार विद्यालयमै आयाेजित कार्यक्रममा बिधालयको आफ्नै कोषबाट रकम निकासा गरि बाल विकासदेखि कक्षा ८ सम्मका ९८ जना विद्यार्थीहरुलाई स्कुल ड्रेसको लागि कपडा वितरण गरिएको बिधालय ब्यवस्थापन समितिका अध्यक्ष मुकेश कुमार चौरसियाले जानकारी दिए ।

कपडा वितरण कार्यक्रममा बिन्दवासिनी गाउँपालिकाको उपाध्यक्ष ज्योती चौरसिया, शिक्षा शाखा प्रमुख कपिल लामिछाने, बिधालय ब्यवस्थापन समिती सदस्य उमा देवी, सबिता देवी, मिना देवी, बिधालयका प्र.अ प्रमोद प्रसाद चौरसिया, शिक्षक, अभिभावक, शिक्षाप्रेमी, बुद्धिजीवी, पत्रकार लगाएतको उपस्थिति रहेको थियो ।

कार्यक्रम संचालन बिधालयका शिक्षक राकेश चौरसियाले गरेका थिए ।

युवा नेता यादव जनमत पार्टीमा प्रवेश

0
वीरगंज । नेपाली कांग्रेसबाट बिद्रोह गर्दै मिर्चैयाका युवा नेता रामेश्वर यादव (मरर) जनमत पार्टीमा प्रवेश गरेका छन् । उनी बिहीबार औपचारिक रूपमा जनमतमा प्रवेश गरेका हुन् ।
 
नेता यादवलाई जनमत पार्टीका राष्ट्रिय अध्यक्ष एवं सांसद डा. सिके राउतले अबिर र खादा लगाई पार्टीमा स्वागत गरे । मधेश आन्दोलनपछि राजनीतिमा पूर्ण सक्रिय यादव मिर्चैया क्षेत्रमा स्थापित नेताका रूपमा चिनिन्छन् ।
 
उनी मधेशबादी दलमा आवद्ध रही लामो समय राजनीति गरे । तर, मधेशबादी दलमा आएको टुटफुटका कारण निरास भएका उनी केही समय निष्क्रिय बसे ।
 
त्यसको केही महिनापछि उनी नेपाली कांग्रेस प्रवेश गरे । जसपाको जिल्ला उपाध्यक्ष भइसकेका उनलाई कांग्रेस नेताहरूले पार्टीमा उचित व्यवस्थापन गर्ने र चुनावमा अवसर दिने आश्वासन दिएर पार्टी प्रवेश गराएका थिए । 

लिटल बडी स्कुलमा अभिभावक रंगोली प्रतियोगिता

0

वीरगंज । लिटल बडी इन्टरनेशनल प्रि स्कुल वीरगंजमा बिहिबार अभिभावक रंगाेली प्रतियाेगिता सम्पन्न भएकाे छ ।

वीरगंज ८ पानीटंकीस्थित रहेकाे स्कुल परिसरमा भएकाे प्रतियाेगितामा ५ समुह गरि १० जना अभिभावले भाग लिएका थिए । ए, बि, सि, डि र ई समुह गरि भाग लिएकाेमा सि समुह प्रथम, डि समुह द्वितिय र ई समुह तृतिय भएकाे स्कुलका प्रिन्सपल बिजय बालले जानकारी दिए ।

प्रतियाेगितामा प्रथम हुनेलाई आगामि महिनाको मासिक शुल्कको २०% छुट, द्वितीय हुनेलाई आगामि महिनाको मासिक शुल्कको १५% छुट र तृतीय हुनेलाई आगामि महिनाको मासिक शुल्कको १०% छुट प्रदान गरिने प्रिन्सपल बालले वताए ।

प्रिन्सपल बालकाे अध्यक्षतामा भएकाे प्रतियाेगिताकाे निर्णायक मण्डलमा माउन्ट मकालु स्कुलका सहायक प्रिन्सपल रेखा जैसी रहेकी थिइन ।

प्रतियाेगिताकाे अतिथीहरुमा प्याबसन पर्साका सचिव राहुल श्रीवास्तव, संचारकर्मी हरिशंकर शर्मा, दिपु बर्णवाल, नविन कार्की लगायतकाे उपस्थिती रहेकाे थियाे ।

साथै, नेपाली संस्कृति झल्काउने विद्यालयका साना साना नानी बाबुसंग देउसी भैलो कार्यक्रम पनि संचालन गरि तिहार तथा छठ पर्वको शुभकामना आदान प्रदान गरिने स्कुलकी शिक्षिका सुप्रिया पाैडेलले जानकारी दिइन ।

मधेसको पहिलो क्युएफएक्स सिनेमा विरगंजमा संचालन

0

वीरगंज । वीरगंजमा मधेस प्रदेश कै पहिलो सुविधा सम्पन्न मल सञ्चालनमा आएको छ । वीरगंजस्थित आदर्शनगरमा “स्काइलाइन” नामले बहुउद्देश्यीय मल सञ्चालनमा आएको हो ।

बिहीबारदेखि मलमा रहेको क्यूएफएक्स सिनेमा हल भने सञ्चालनमा आएकोछ । तिन वटा छुट्टाछुट्टै अडीटोरियम स्क्रिनहरू हलको पूर्व मन्त्री तथा प्रतिनिधि सभा सदस्य प्रदीप यादवले एक कार्यक्रमका बीच उद्घाटन गरेका छन् ।

हलकाे उद्घाटन गर्दै सांसद यादवले वीरगंजमा मल्टीप्लेक्स सिनेमा हल सञ्चालनमा आउनु वीरगंजकाे लागि खुसीकाे खबर भएकाे वताए । यसले मल्टीप्लेक्स सिनेमा हलमा फिल्म हेर्न वीरगंज बाहिर जानु पर्ने बाध्यता हुटनुकाे साथै वीरगंजबासीकाे सुबिधा भएकाे वताए ।

वीरगंजकाे नाम चलेका व्यावसायिक घरानाहरूको झन्डै दुई अर्बको लगानीमा निर्मित मलमा मधेस प्रदेश कै पहिलो र एक मात्र मल्टीप्लेक्स सिनेमा हल सञ्चालनमा ल्याइएको हाे । मलले नेपालकै सर्वोत्कृष्ट क्युएफएक्ससँगको सहकार्यमा मल्टीप्लेक्स सिनेमा हल सञ्चालनमा ल्याएको वताइएकाे छ ।

काठमाडौँ, पोखरा लगायत देशका अधिकांश ठूलो सहरमा पहिल्यै स्थापित क्युएफएक्सले वीरगंजकाे स्काइलाइन मल मार्फत मधेस प्रदेशमा प्रवेश लिएको हो ।

त्यस्तै मलमा भारतमा चार सयभन्दा पनि बढी ठाउँमा स्थापित प्रख्यात होटेल चेन सरोभर पोर्टीको पनि सञ्चालनमा आउन् लागेको छ । आफ्नो आतिथ्य र स्वादिष्ट खाने परिकाका लागि चर्चित सरोभ्र पोर्टी होटेलले वीरगंज र आसपासका वासिन्दालाई अन्तर्राष्ट्रिय स्तरको सेवाको मौका दिने मल सञ्चालकहरूको विश्वास छ ।

दश तल्ले मलमा रिटेल स्टोरसहित पार्टी, फन्सन आयोजना गर्नका लागि ब्यान्क्वेट हल, भारतीय तथा वैदेशिक पर्यटकलाई आकर्षित गर्न अन्तर्राष्ट्रिय स्तरको क्यासिनो, स्विमिङ पुल, रूफटप रेस्टुराँलगायतको सुविधा रहेको छ । हालका लागि आंशिक रूपमा सञ्चालित मल केही समय भित्रै पूर्ण रूपमा खुल्ने बताइएको छ ।

सिनेमा हल उद्घाटन कार्यक्रममा मधेश विश्व विद्यालयका उपकुलपति डा. दिपक शाक्य, पर्साका प्रमुख जिल्ला अधिकारी हिरालाल रेग्मी, प्रहरी उपरिक्षक काेमल साह लगायतकाे पनि उपस्थिती रहेकाे थियाे ।

मन्त्री जयदत्तकाे घरमा भएकाे ताेडफाेड र आगजनीकाे भर्त्सना

0

वीरगंज । तेली कल्याण समाज नेपालले अखिल भारतीय तैलिक साह महासभा नयाँ दिल्लीकाे राष्ट्रीय अध्यक्ष तथा महाराष्ट्र राज्यको उत्सव मन्त्री जयदत्त क्षीरसागरको घर र कार्यालयमा भएकाे ताेडफाेड र आगजनीकाे घटनाकाे भर्त्सना गरेकाे छ ।

समाजले बिहिबार वीरगंजमा पत्रकार सम्मेलन गर्दै मन्त्री क्षीरसागरकाे घर र कार्यालयमा भएकाे ताेडफाेड र आगजनीकाे घटनाकाे घोर भर्त्सना गर्दै दोषीलाई पक्राउ गरी कडा कारबाहीकाे माग गरेकाे हाे ।

पत्रकार सम्मेलनमा बाेल्दै समाजका राष्ट्रिय अध्यक्ष बिश्वनाथ साह तेलीले मन्त्रीकाे सुरक्षा र क्षतिपूर्तिको व्यवस्था गर्न भारत सरकारसँग माग समेत गरे । उनले राष्ट्रिय अध्यक्ष एवम् मन्त्री क्षीरसागरकाे घर र कार्यालयमा ताेडफाेड र आगजनी गर्नेमाथी कारवाही नगरे अखिल भारतीय तैलिक साहु महासभाको समन्वयमा तेली कल्याण समाज नेपाल आन्दोलन गर्ने समेत वताए ।

समाजका अनुसार केही दिन अघि अज्ञात व्यक्तिहरूले मन्त्री श्रीरसागरकाे घरमा तोडफोड र आगजनी गर्नुकाे साथै मराठा आन्दोलनको विरुद्धमा पेट्रोल बम पनि प्रहार गरेकाे थियाे ।

अज्ञात समुहकाे ताेडफाे र आगजनीका कारण घर र कार्यालयमा बस्ने मानिसहरु र उनका परिवारका सदस्यहरु ज्यान जोगाउन मुस्किलले बाहिर निस्किन सफल भएका थिए ।

रेडियाे वीरगंज प्राङ्गणमा भएकाे पत्रकार सम्मेलनमा तेली कल्याण समाज नेपालका महासचिव सत्यनारायण साह, सल्लाहकार कमलाकान्त साह, गणेश साह, पर्सा अध्यक्ष ध्रुव साह, बारा अध्यक्ष बजरंगी प्रसाद साह, पर्सा उपाध्यक्ष हजारी साह, सचिव बिरेन्द्र साह, वीरगंज महानगर अध्यक्ष पानालाल साह, बहुदरमाई नगरपालिका ८ का वडाध्यक्ष पुनीलाल साह लगायतकाे उपस्थिती रहेकाे थियाे ।