जनकपुरधाम । राष्ट्रिय दलित नेटवर्क, नेपालसंगको सहकार्यमा नेपाल युथ फाउण्डेसनले ब्यावसायिक सिप बिकास तालिम मार्फत रोजगारीका अवसरमा पहुँच अभिबृद्धी गर्ने उद्देश्यले मधेश प्रदेशका ८ वटै जिल्लाका २१ वटा स्थानिय तहबाट ५० जना मुक्त हरवाचरवा यूवाहरुलाई छनोट गरेको छ ।

छनोट गरिएका यूवाहरुको रुची र आवश्यकता अनुसार उनीहरुलाई निशुल्क आवाशिय रुपमा ३९० घण्टे वाईरिङ्ग तालिम, ३९० घण्टे सहायक प्लम्बर तालिम, ३९० घण्टे फर्निचर निर्माण कारपेन्ट्री तालिम र ५५० घण्टे वेल्डिङ्ग तालिम प्रदान गरिने कुरा नेपाल युथ फाउण्डेसनका कार्यक्रम ब्यवस्थापक लक्ष्मी घिमीरेले बताईन । उक्त तालिमहरु ललितपुर स्थित ओल्गापुरी ब्यावसायिक तालिम केन्द्रमा आयोजना गरिनेछ ।

उक्त तालिमहरुको प्राथमिक उद्देश्य भनेको सहभागीहरूलाई उनीहरूको छनौट गरिएका क्षेत्रहरूमा आवश्यक सीपहरू प्रदान गर्नु जसका माध्यमबाट उनीहरूको व्यावसायिक वृद्धि र रोजगारीलाई प्रबद्र्धन गर्नु रहेको छ । कार्यक्रमको सफलतापूर्वक समापन भएपछि, सहभागीहरूले उही क्षेत्रमा काम गर्ने अपेक्षा गरिन्छ, जसमा ओल्गापुरी व्यावसायिक विद्यालयले रोजगारी प्रक्रियालाई सहज बनाउनेछ ।

नेपाल सरकारले औपचारिक रुपमा मधेश प्रदेशका ८ वटा जिल्लाहरुमा अझैपनि दाशप्रथाको अवशेषका रुपमा रहेका हरवाचरवा प्रथाको अन्त्य बि.स. २०७९ श्रावण गरेको थियो । मुक्तिको घोषणा भएको झण्डै ३ बर्ष हुन लाग्दा पनि सरकारले उनीहरुको पुनस्र्थापनाको काम अगाडी बढाउन सकेको छैन जसले गर्दा उनीहरुको जनजीवीकाको सवाल दिनानुदिन कष्टकर हुदै गएको छ । यस सवाललाई ध्यानमा राख्दै बेरोजगार हरवाचरवा यूवालाई नेपाल यूथ फाउण्डेसनले उनीहरुलाई सीपमा आधारित तालिममा उप्प्रेरीत गर्नु प्रशंसनीय काम रहेको राष्ट्रिय दलित नेटवर्क, नेपालका केन्द्रीय उपाध्यक्ष श्याम सुनारले बताए ।

यस अघि स्थानिय सरकारसंग समन्वय गरि तालिमका सहभागिहरुलाई छनोट गर्नका लागि नेपाल युथ फाउण्डेसन र राष्ट्रिय दलित नेटवर्क, नेपालको संयुक्त टोली मधेश प्रदेश अन्तरगत सप्तरी जिल्लाको कञ्चनरुप र सुरुङ्गा नगरपालिका, सिराहाको धनगढीमाई नगरपालिका र लक्ष्मीपुर पटारी गाऊँपालिका, धनुषाको सहिदनगर र बिधेह नगरपालिका, महोत्तरीको मटीयानी, औरही र एकदारा नगरपालिका, सर्लाहीको ईश्वरपुर र हरीपुर नगरपालिका, ब्रहमपुरी र चन्द्रनगर गाऊँपालिका, रौतहटको माधवनारायण, गरुडा र बिन्द्राबन नगरपालिका, बाराको कोल्भी नगरपालिका, बारागढी र करैयामाई गाऊँपालिका पर्साको बिरगंज महानगरपालिका र पकाहामैनपुर गाऊँपालिकामा पुगी ४१० जना मुक्त हरवाचरवा यूवाहरुको भेला मार्फत उनीहरुका लागि अभिमुखीकरण कार्यक्रमहरु समेत आयोजना गरेको थियो ।

वीरगंज । पर्साकाे कालिकामाई गाउँपालिका वडा नं. ५ बिरन्चिबर्वामा शनिबार अद्धितीय अध्यात्मीक प्रबचन कार्यक्रम सम्पन्न भएकाे छ । ओमशान्ति बिरन्चवीवर्वाको आयोजनामा महाशिवरात्री पर्वको पबित्र अवसरमा बर्तमान समयमा शिवरात्रीको अद्धितीय अध्यात्मीक प्रबचन कार्यक्रम सम्पन्न भएकाे हाे ।

ओमशान्ति बिरगंजकी रबिना दिदीको अध्यक्षतामा र कालिकामाई गाउँपालिकाका अध्यक्ष बशिष्ठ कुमार गुप्ताको प्रमुख आतिथ्यमा कार्यक्रम सम्पन भएको हो । कार्यक्रमलाई सम्बाेधन गर्दै गाउँपालिका अध्ययक्ष गुप्ताले कालिकामाई गाउपालिकाको वडा नम्बर ५ मा बिगतका दिनमा रहेका अन्याय, अत्यचार मानवहिन्ता किसिम्मका घटनाले अब बिस्तारै शान्तिमा परिणत भएको बताए ।

उनले बिगत ७ बर्षको अनुभवमा अब धेरै सुधार भएको बताउँदै त्यसमा ओमशान्तिको कार्यक्रमले सुधार आएको दावी गरे । उनले अब बिस्तारै अझ सुधार हुने बिश्वास ब्यक्त गरे ।

कार्यक्रममा बिशिष्ट अतिथी तथा नेपाल पत्रकार महासंघका अध्यक्ष ओमप्रकाश खनालले जिवनमा धेरै मानिसलाई शान्तिकाे कमि भएकाे वताए । उनले भने  “यो आधुनिक युगमा मान्छेलाई सारा सुखसुबिधा छ, कुनै कुराको कमी छैन तर मनमा शान्ति छैन । संसारमा धन छ, प्रबिधी छ तर शान्ति छैन, हामी बेचैनीको जविन जिवन बाध्य छौ ।”

कार्यक्रममा कालिकामाई गाउँपालिका वडा नम्बर ५ का वडाध्यक्ष जयनारायण पटेल, वडासदस्यहरु, सो गाउँका भद्रभलादमी, समाजसेवी, महिला तथा पुरुषहरुको उल्लेखनिय सहभागीता रहेको थियो ।

कार्यक्रममा संयुक्त रुपमा गाउँपालिका अध्यक्ष गुप्ता र नेपाल पत्रकार महासंघका अध्यक्ष खनालले ओमशान्तिका झण्डातोलन गर्नु भएको ओमशान्तिका हरिशंकर पासवानले बताए ।

सोही क्रममा नेपाल पत्रकार महासंघ पर्साका अध्यक्ष ओमप्रकास खनाल र सदस्य रितेश झालाई ओमशान्ति बिरन्चीवर्वाले सम्मान गरेको थियाे । ओमशान्तिका टोलीले बिरन्चीवर्वा गाउँ परिक्रमा गरी आफ्नो ओमशान्तिका झण्डा फहराउदै बिभिन्न किसिमका झाकी पनि प्रदर्शन गरेकाे थियाे ।

वीरगन्ज । राष्ट्रिय फोटो पत्रकार समूह (एनएफपीजे नेपाल) ले आयोजना गर्न लागेको “राष्ट्रिय फोटो पत्रकारिता अवार्ड २०२५” का लागि मधेस प्रदेशबाट पाँच मनोनयनमा पर्न सफल फोटो पत्रकारहरूको नाम सार्वजनिक गरिएको छ । बुधबार काठमाडौंमा आयोजित एक कार्यक्रममार्फत ८ विधा र प्रदेश स्तरीय अवार्डका लागि उत्कृष्ट पाँच–पाँच जनाको नाम सार्वजनिक गरिएको हो । जसमा मधेश प्रदेशतर्फ अन्नपूर्णपोस्ट दैनिकमा कार्यरत दिवाकर भण्डारी, द हिमालयन टाइम्स दैनिक कार्यरत पर्सा राम सर्राफ ,नयाँ पत्रिका दैनिकमा कार्यरत तिवारी यादव ,राससमा कार्यरत अर्मेंद्र कुमार यादव, चन्द्रदेव साह छनोट हुनु भएको आयोजकले जनाएको छ ।

यस पटक अवार्ड ८ विधामा प्रदान गरिँदैछ, जसमा दैनिक जीवन, खेलकुद, महिला, पर्यटन तथा संस्कृति, आर्थिक, राजनीतिक, मनोरञ्जन, स्वतन्त्र तथा समग्र फोटो पत्रकारिता समेटिएको छ । साथै, कोशी, मधेस, बागमती, गण्डकी, लुम्बिनी, कर्णाली र सुदूरपश्चिम प्रदेशका फोटो पत्रकारहरूलाई पनि प्रदेशस्तरीय अवार्ड प्रदान गरिँदैछ।

अवार्डको अन्तिम घोषणा बैशाख १३ गते शनिबार होटल हिमालयन, कुपन्डोल, ललितपुरमा आयोजना गरिँदैछ। कार्यक्रममा प्रतिनिधिसभाका सभामुख देवराज घिमिरे प्रमुख अतिथिको रूपमा सहभागी हुनुहुनेछ।

कार्यक्रमकै अवसरमा जीवनभर फोटो पत्रकारितामा योगदान पु¥याएका एकजना अवकाशप्राप्त फोटो पत्रकारलाई “लाइफटाइम एचिभमेन्ट अवार्ड” पनि प्रदान गरिने आयोजक संस्था एनएफपीजेका महासचिव घनश्याम श्रेष्ठले बताउनु भयो। उनले भने यो सम्मान फोटो पत्रकारहरूको श्रम, समर्पण र पेशागत योगदानको उच्च मूल्याङ्कन हो।

अवार्ड छनौट समितिमा अध्यक्ष प्रदिपराज वन्तको संयोजकत्वमा वरिष्ठ फोटोपत्रकार शैलेन्द्र खरेल, नेपाल पर्यटन बोर्डका वरिष्ठ प्रबन्धक सुर्य थपलिया, सूर्यज्योति लाइफ इन्सोरेन्सका ब्राण्डिङ्ग एण्ड कम्यूनीकेशन प्रमुख मेघेन्द्र प्रकाश गिरी, प्राज्ञा वास्तुकला तथा सृजनात्मक कला विभाग प्रमुख सौरगंगा दर्शनधारी र देश सञ्चारका सहसम्पादक मनोज दाहाल निर्णायक मण्डलमा रहनु भएको छ ।

संयोजक वन्तले देशभरिका फोटो पत्रकारहरूबाट प्राप्त आवेदन तथा उनीहरुले पत्रकारिता क्षेत्रमा पु¥याएको योगदानको आधारमा मनोनयन गरिएको जानकारी दिनुभयो।