दुधेश्वर महादेव मन्दिरमा दर्शनार्थीकाे भिड

ओमप्रकाश चौधरी/
सेढवा । पर्सा राष्ट्रिय निकुञ्जमा रहेका दुधेश्वर महादेव मन्दिरमा शनिबार बैशाख कृष्णपक्ष त्रयोदशीको दिन लागेको मेला सम्पन्न भएकाे छ । एका बिहानैदेखि पर्सा, बारा, रौटहठ, मकवानपुर, चितवन तथा भारतको बिहार र उतर प्रदेशबाट हजारौको संख्यामा भक्तजनहरु मन्दिरमा भगवान शिवको दर्शन गर्न भीड बढेका थिए ।

भाथाको पहाडमा अवस्थित दुधेश्वर महादेवलाई जल, फूल, बेल पत्र, प्रसाद तथा अन्य पुजन सामग्रीहरु चढाई श्रद्धालु भक्तजनहरुले पूजा अर्चना गरेका थिए । भक्तजनहरुले मनोकामना पूरा भएको भाखल अनुसार अष्ठजामको आयोजना गर्ने तथा भगवान शिवको बिषेश रुपमा पूजा अर्चना गर्ने गरेका थिए ।

मानव बस्तीभन्दा १७ किलोमिटर जंगलभित्र रहेका यस मन्दिरमा चर्मरोग निको भएको भाखल अनुसार सावा भार भन्टा चढाउने प्रचलन चलि आएका छन । मन्दिरमा जान जंगलको चारभैया नाकाबाट मात्र आवागमन गर्न निकुञ्ज प्रशासनले खोलेका कारण बिगतमा लामो ट्राफिक जाम भइ घण्टौ यात्रीहरू दुःख झेल्दै आएका थिए । तर यस पाली निकुञ्ज प्रशासनले मन्दिर जान चारभैया सहित तीन वटा नाका खोलेपछि यात्रीहरुले सहज रुपमा मन्दिरसम्म पुग्ने गरेका थिए ।

धोबिनी गाउँपालिकाका भिखमपुर निवासी महेश प्रसाद कुर्मीले चारभैया नाका भएर भाथा पुग्न समस्या नभएको बताए । अन्य नाकाबाट पनि यात्रीलाई प्रबेश गर्न निकुञ्ज आदेश दिएपछि जंगलको बाटोमा सवारीसाधनको जाम नभएको कुर्मीले बताए ।

पर्सा राष्ट्रिय निकुञ्ज र चितवन राष्ट्रिय निकुञ्ज अन्तर्गत रहेका निर्मल ठोरी उपभोक्ता समिति, कुशुमबाटिका उपभोक्ता समिति, सुनारी उपभोक्ता समिति लगायतले अन्य बाटो खुलाउन बिहिवार ज्ञापन पत्र बुझाएका थिए ।

सोही अनुसार पर्सा राष्ट्रिय निकुञ्जले पानीटंकी हुदै शिकारीबासको माथिल्लो फायर लाईनको नाका हुदै रामभौरी र गडुवालाईन हुँदै रामभौरीको नाका खोलेका सुनाखरी उपभोक्ता समितिका अध्यक्ष भिमबहादुर पाख्रिनले बताए ।

निकुञ्ज प्रशासनको आदेश पाएपछि बर्षौदेखि बन्द रहेका यी नाकाहरुको बाटोलाई ठोरी गाउँपालिकाको सहयोगमा एक्साभेटर प्रयोग गरी बाटो सम्याउने तथा सरसफाई गरी बाटो संचालनमा ल्याइएका अध्यक्ष पाख्रिनले बताए । यी बाटो भएर आवतजावत गर्ने यात्रीहरुलाई वन तथा वन्यजन्तुमा क्षति नपुर्याउन भारतीय तथा स्वदेशी यात्रीहरुलाई सचेत गराएका अध्यक्ष पाख्रिनले बताए ।