वीरगंज । राष्ट्रिय दलित पत्रकार संघ, पर्साको आयोजनामा शुक्रबार वीरगंजकाे गहवामा निशुल्क आँखा शिबिर सम्पन्न भएको छ ।संघको अध्यक्ष श्याम पासवानको अध्यक्षतामा भएकाे शिबिरको उद्घाटन नेकपा (एकीकृत समाजबादी) पर्साका अध्यक्ष बालगोपाल थापाले गरेका थिए ।

वीरगंज सामुदायिक आँखा अस्पतालको सहयोगमा सचलित शिबिरमा १०२ जनाले आँखा परिक्षण गराएका हुन् । जस मध्ये २५ जनामा मोतियाबिन्द फेला परेको अस्पतालका संचालक डा. महेश्वर सिंह धामिले वताए । शिविरमा माेतिबिन्द फेला परेका सबै जनाकाे भदौ २ गते आइतबार नि:शुल्क शल्यक्रिया गरिने उनले जानकारी दिए ।

शिबिरमा राष्ट्रिय दलित पत्रकार संघका सल्लाहकारद्वय बृजलाल पासवान, सुबास राम, उपाध्यक्ष सुरेश बादल, दलित अभियान्ता निला राम, स्थानीय अगुवा उमेश ठाकुर, वडा सदस्य संगीता दास लगाएतको उपस्थिती रहेको थियो ।

वीरगंज । पर्सा प्रहरीले प्रतिबन्धित लागुऔषधसहित दुई जनालाई पक्राउ गरेको छ । पक्राउ पर्नेमा बारा जिल्लाको कोल्बी महानगरपालिका वडा नम्बर ७ निवासी २१ वर्षीय कनिल पौडेल र २० वर्षीया प्रेरणा पौडेल रहेका छन् ।

अस्थायी प्रहरी पोष्ट ईनर्वा गाउँबाट खटिएको चेकिङ टोलीले वीरगंज महानगरपालिका वडा नम्बर १६, ईनर्वागाउँस्थित सडकखण्डबाट दुबै जनालाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

भारतको रक्सौलबाट नेपालतर्फ पैदल यात्रा गरिरहेको अवस्थामा शंका लागेपछि प्रहरीले उनीहरूलाई रोकेर चेकजाँच गर्दा कालो जेब्राझोलाभित्र लुकाएर राखिएको २९४ पिस नाइट्राभेट १० लेखिएको प्रतिबन्धित लागुऔषध फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक भारतीले जानकारी दिए ।

प्रवक्ता भारतीका अनुसार पक्राउ परेकाहरूविरुद्ध लागुऔषध सम्बन्धी कसूरमा थप अनुसन्धान भइरहेको छ ।

वीरगंज । पर्सा प्रहरीले बीरगंजबाट चार कारेड मूल्य बराबरको इलेक्ट्रिक चुरोट (भेप) नियन्त्रणमा लिएको छ । बीरगंज महानगरको रेल्वेरोडमा रहेको डाँफे ट्रान्सपोर्टमा छापामारी गरी प्रहरीले भेप नियन्त्रणमा लिएको हो ।

महानगरपालिका वडा नं.६ रेल्वेरोड बस्ने राम प्रसाद बैरेको पकी घरमा घरकोठा भाडामा लिइ भारत विहार बस्ने सुदामा प्रसादले अनाधिकृतरूपमा भण्डारण गरी राखेको भेप प्रहरीले नियन्त्रणमा लिएको पर्साका प्रहरी उपरिक्षक कुमोद ढुंगेलले बताए ।

उपरिक्षक ढुंगेलका अनुसार भंसारबाट ४ वटा भेप फेला परेपछि प्रहरी खोजवीनमा लागेको थियो । खोजवीनका क्रममा डाफे ट्रान्सपोर्टको गोदाममा भण्डारण गरि राखिएको अवस्थामा भेप बरामद भएको उनले बताए ।

पर्सा प्रहरीले पहिलोपटक बीरगंजबाट ठूूलो मात्रामा इलेक्ट्रिक चुरोट (भेप) नियन्त्रणमा लिएको हो ।

प्रहरीका अनुसार एउटा कार्टुनमा २ सय पीस भेप रहेको पाइएको छ । त्यसअनुसार ७६ कार्टुनमा करिब १५ हजार २ सय पीस रहेको छ । बरामद भेपको बजार मूल्य करिब ५ करोड हाराहारीमा रहेको प्रहरीले जनाएको छ ।